هلوووووووووو بنات
شلونكم ان شاء الله زوينين ؟؟
المهم اني اليوم جايبلكم موضوع أردحي
يفيد كل بنية تريد تتزوج وما اجاها منحوووس وتعيس الحظ أوووووووو قصدي *سعيد الحظ *
أليكي سيدتي أوووووووو قصدي أنستي الحل السريع ...
إلى كل بنية لازكه بحلك بيت أهلها
وما تزوجت مع أنه حاطين وياها اختها مجــاناْ
* كيف تصطادين العريس دون اللجوء للأساليب
السقيمة المغازل ، الترقيم ،
التلميح اللي ماله نفع ، التدياحة بالأسواق ...... الخ .
للإجابة على هذا السؤال إليكِ مايلي :-
* أهم نقطة نشني على العجوز اللي حاطه
عينج على ولدها ثم نفذي مايلي :-
1- خليج ويه امج لاتروحين ويه البنات
وأديحين اصبري عنهن جم شهر
لحد ما تتم العمليه .
2- امشي وانتى حاطه راسج بين كتوفج
لاترفعينه ابد
علمود يكولون مؤدبه ومو متكبرة.
3- كلمة خالة خليها على لسانج وخاصة
لأم العريس علمود تحس بنوع
من التميز عن بقية
العجزه ماكو مانع تكولين لعجوز ثانية خالة
علمود اذا مانجحت الخطة ويه العجوز نمبر ون
تنجح ويه نمبر تو <<< الاحتياط واجب يابنيتي
4- اذا بدت امج تحجي انغزيها بعكسج بس على كيفج مو تعطليلها الكلية
علمود ادخلج بالموضوع
حتى لو مالج داعي تطبيقاْ
للمثل ( كثر الدك يكسر الحديد ) ادري المثل
ماله داعي بس مالكيت غيره .
5- اخوانج الصغار لحكيهم ولعبي
وياهم وين مايروحون حتى لو مو
عادتج او تكرهيهم *لان من تمسحين يظلون يمشون و يوصخون الكاع عمت عينهم اشكد يضوجون* بس تصرفي
وياهم عبالك امهم علمود العجوز تاخذ فكرة
انج حريصة على ذريتج
6- كل ما اكلت امج من اكلة زينة خليها
تكول : نفس الأكلة اللي تسويها بنتي ( حتى لو
الاكل من المطعم
الصيني أو المكسيكي!!! ).
7- اذا جيتي
توجعي و كولي يا يمه ظهري يأذيني * طبعا حبيبتي من النوم* وخلي
امج تكول : كايلتلج مية مرة لاتنظفين
الحيطان الخارجية بس انتي
الله يهديج ذابحتج
النظافه <<<
دنظفي غرفتج أول اللي تكولين
طاكة بيها مفخخة
8- اذا حجوا النساوين *جمع نسوان ...ليش اصلا كلمة نسوان مو جمع؟؟؟؟؟؟؟؟؟؟* عن العرس اكتمي
نفسج لحد ما تحمر خدودج علمود يكولون البنية تستحي
ومالنا حق تكلمنا عندها << بس لاتكتمي
نفسك هواية أخاف تروحين بيها واصير
قتلت نفس بغير حق ؟؟!
9- مهما جان موضوع الحوار حماسي
لاتبدين رايج خليج مثل الخرسة
لان اللواكة تجيب اجل
الخطه
10- شعرك اضربي يومية ليزر قصدي سشوار لاتخلينه ملفلف و مجعلك *عود مسوية روحج ميريام فارس*
مهما جانت الموضه لان العجزه ما يدورون الا اللي
شعرهم ناعم وسرح *مع احترامي لاهل الكفشات*
11- إذا أدلت العجوز (أم المتوهق) بأي راي
سواء سياسي او وطني
او اقتصادي وافقي عليه
حتى لو سخيف وماله داعي
مثلاْ تكول العجوز: البارحة بوش اجا شرب يمنا كهوة
يا فلانه كوليلها
وليش ما كلتيلنا يا خالة نجي نعاونكم؟؟ *اخذيها على كد عقلها*
12- بالاعراس لا تركصين واعتبري
الركص عيب *ثكلي شوية بعد عمج*
13- اذا اجا طاري السوك وهو طبعا
لازم يجي الطاري لانه ملح الجلسه
عند النساوين خلي امج
تكول ( الله يعظم اجر امج) بناتي
مايطلعون للسوق ابوهم يجيب اغراضهن .
))))))))) احتمــــــــــال وارد الحــــــــــدوث (((((((((
يمكن تكون العجوز منشنه على بنت
غيرج بس وره النقاط السابق ذكرها تصرف نظر
عنج وعنها <<<< لا ادفعين دا اتشاقة وياج بعد عمج
المهم العجوز تكون وكعت بالفخ
* هسة نروووووووووح للعريس *
* كعدي ابيت اهلج وكافي اتسخت و دياحة
واذا اجا العريس يشوفج خلي
ابوج يكول والله اريد
تشوف البنية بدون ماتدري علمود تاخذ
راحتك و تشوفها على
الطبيعة علمود ما تكول
غشيتوني << هلو عمو والله لو بيدك تحط مكانها
هيفاء لو نانسي لو اليسا لوغيرها وغيرها
* وقبل ما يجي اليوم اللي يشوفج بيه
بحوالي اسبوع او اكثر ( على حسب شين وجهج )
اركضي من صالون
لصالون (صبغه، فرد، تنظيف بشرة ....الخ) لاتخلين على روحج
قاصر ولما يجي العريس
خلي اخوج يوكف يمه يم الشباك
علمود ما يطوّل بالموباوعة وذلك تطبيق لنظرية اللمحه ذبحه.
* بعدها عاد شلون يشوفج هاي عليج
مو كل شي اعلمج ياه
دبري امرج بس خلي ابوج
بنهاية المشهد يكول : تره البنية بعدها صغيرة و تستحي
بهاي اللحظه الولد يكمز على راس ابوج و
يبوسه لحد ما يشفط مخه ويكول شوكت العرس ياعمي؟؟؟؟؟؟؟؟؟؟
( اللهم ارحمه فقد كان باراْ بوالديه )
عاد الله يوفقج ولا تنسينا بحلاوة العرس واياج تكولين للولد منو علمج
هالعلوم ولا حتى باسمي اتفقنا؟؟؟؟؟؟؟؟؟؟
(((((((( تحذيــــــــــــــــر ))))))))
ابتعدي عن امهات الجهال اللي متعلمات
راعيات الجنطة مثل لون الحذاء
لان هذولي يحتاجلهم خطط بعيدة المدى
(((((((( نصيحــــــــــــه )))))))))
صديقاتج يلاحظون التغيرات المفاجئه
اللي صارتلج فانتي كوليلهم
هاهية اني عرفت درب الاستقرار والعداله
كللللللللللللللللللللللليش منج العيال ومنه المال
وانشاء الله تعيشون في سبات ونبات
وتخلفون صبيان وبنات
اخير شي اهديجن هذا الشعرررررررررررررررررررر
*حطي ايدج على ثنين
يا اختي الطمع زين
والثالث احجي وياها
خوفن تفلسين*
اخ تعبت
*اسف على الالفاظ اذا جانت مو صحيحة
بس هي اكيد مو صحيحة*
