تعبنه من العتب واشبعنه من القهر تعالو اضحكم اشويه هل المره

[wesam Bajoka]

   طرق النساء في تنويم اطفالهن.. المصريه : نام يا حبيبي نام . السوريه : نام يبعتلك حمى . اللبنانيه : نام تقبرني . الاوربيه : سويت دريمز بيبي. العراقيه : عووووو اجا حرامي ياخذك انطمر الله يشيلك انت وابوك

================================================== 
فد مرة بنية وصلت متأخرة عل دوام .سئلتها المدرسة ليش متأخرة؟؟ كلتلها: ست موجان اكو ولد ديمشي وراية. كلتلها المدرسة: زين هو يمشي وراج انتي ليش تأخرتي؟ كلتلها ست مو جان يمشي عل كيفه
==================================================== 
هاي القصيدة معاناة شاب ينتظر صاحبتة تطلع من المدرسة : نسيتي من انتضرتج اول امس . . . واكف مكابل سياج المدرسه ومنحبس . . . وتطك براسي الشمس شكد جكليت اشتريت وقرص نعناع وجبس .. سبع مرات اشتريت ومابقلى بجيبي فلس .. وعيني وي مر الثواني تنتضر دك الجرس .. ودك الجرس .... وكل البنات تفرقت وما بقى غيري شخص سألت الحارس وكتله ماشفت حمامه زاهيه ابدلة عرس .. كال: هاي التحجي عنهة وي واحد طلعت من ثاني درس   

================================================== 
واحد ديريد يدلع زوجته كاللها انتي حمامة .. كالت لا اني غزالة....كاللها المهم حيوانة   

==================================================   

مرة فد فار ومرته الفارة ديتمشون شافوا اسد كدامهم الفار كال للاسد وخر من كدامي لك حمار ،،، الاسد وخر ،، الفار وصل الفارة ورجع ، من رجع واكفله الاسد بالطريق كلة هاي على منو تفشر ولك ، كله تاج راسي انت بس تعرف جانت المره وياية ودا افيك كدامها الفار كال للاسد خلي اصعد على راسك وابوسة أرضيك ، المهم صعد على راس الأسد يبوسه جان تجي الفارة جان الفار كال ادوس على راسك وراس الخلفوك يا كلب ابن الكلب   
=================================================   

تحشيش اغنية ماجد المهندس بين ادية الصيف اجاني ورحت اشتري تبريد واحلم بغرفه مثل قطعه جليد طلعوا تصريح لوزير الكهرباء يكول ساعات القطع لازم تزيد وين أولي واني لأمي وحيد وجونا نار يذوب بيه الحديد اسئل الاصحاب وكل الاصدقاء يكولون هذا مو فد شي جديد بيدك مهفه الظهر فد شي اكيد والقهر هنوب الغدا يطلع ثريد للمحششين جيت اسألهم اليوم مودخت والله هسه حل اني اريد

-اكو واحد امه تخربطت اخذها للمستشفى فكلتله يمه اخاف اموت بيدك كللها يمه شنو قابل انتي دوشيش

- كردي كاعد من النوم كال حلمت فات برجلي بسمار كاله صديقة صوجك ليش تنام حافي
   

انشالله تعجبكم واماريد احد يزعل مني اذا اني مطرق للطوائف بس للظحك واحنه اخوان

وسام بجوكا اخوكم 

[shakar]

ههههههههههههه يسلمووو على النكات الحلوة يا وردة

[nuhra]

ههههههههههههههههههههههه عاشت ايدك نكات حلوة

[iraqia87]

هههههههههههه والله كلهم حلوات يسلموووووووو

[86sweet_angel]

ههههههههههههههههه نكات روعة عاشت ايدك وردة

[ضيف6]

هههههههههه عاشت ايدك وردة  نكات حلوة

[spider_maniraqi]

ههههههه يسلمو على النكات الحلللللوة
عاشت الايادى