الى محبي المناقشة

[Hollandy]

كنت راجعا من الكلية وهي في مدينة تبعد عن مكان سكني بحوالي نصف ساعة. في طريق عودتي وانا جالس في القطار منتظرا تحركه واذا بفتاة شقراء تتجه نحوي
 نعم لقد عرفتها انها التركية اسرا (اسم الفتاة) كانت زميلة لي في مرحلة دراسية سابقة اتت و جلست بجانبي و بدانا نتحدث عن ايام الدراسة و الذكريات الحلوة في المدرسة و اخر اخبار زملاء الدراسة القدامى المهم قبل ان نصل و بعد ان اتصلت بالتليفون قالت لي : سنصل بعد قليل و سياتي والدي ليوصلني للبيت ارجوك ان لا تتحدث معي امام والدي حتى الوداع ( bye) ساقولها لك هنا !!!!!!!
لم اعرف بماذا ارد ولكن علامات الدهشة كانت بادية عليي
قالت : انت لا تعرف والدي واتصور انتم العراقيين لديكم نفس الشئ
لم ارغب في احراجها خاصة بعد ان توقف القطار فودعتها و افترقنا

السؤال الذي حيرني و لم اجد له جواب لماذا  يتعامل الشرقيين هكذا مع بناتهم لماذا انعدمت الثقة والى متى ؟ ا يستحقون فعلا هذه المعاملة ؟ ام انها الانانية و الرغبة لدى الرجال في السيطرة على النساء ؟ اهو ضعف منهن  اسئلة كثيرة اود ان اقرا ارائكم بها

تحياتي
هولاندي

[susu80]

شكرا هولندي على اسئلتك المنطقية والواقعية واحب ان اجاوب عنها بطريقتي،،،،،،
الشرقيين مو ماعدهم ثقة ببناتهم ومثل ماهسة ذكرت الحاله، لو الاب ماعنده ثقة بالبنت مجان خلاها تكمل دراسة وتكون زميلتك وهو يعرف انه هي راح تطلع من بيت وتروح مدرسة او معهد او كلية او اي مكان بس نكدر نكول حرص وخوف شديدين جداااااااا على الابناء لان مع احترامي للشباب ما احب اجرح احد ومحد ياخذها على نفسه واقول البعض منهم، شباب هسة يختلف اختلاف كامل عن قبل ما اكلك قبل جانو ملائكة بس جان اكو الشاب الخجول واليستحي والي يخاف يحجي ويا بنية،هسة  لا ختلفت الامور كام الاب او الام تتابع بناتها حتى بالخفية مو امام اعينهم خوفا من شباب هذا الوكت من احد يتعرضلهم او يحاول شاب معين يلعب على البنية وعقلها وترى موضوعك واسع ومتشعب لان هسة راح نكدر نكول الشغله متوقفه على البنية وتربيتها الي حصنوها الاهل بيها ،وترى مو بس خوفهم على البنات من الشباب لالالالالا حتى من البنات الي يكونون وياهم بنفس المحيط (مدرسة او معهد او كلية او مكان عمل) خوفا من ان تتعلم اشياء سلبية من بعض البنات ،بالغرب الشابة تكدر تعزم صديقها الي وياها بالمدرسة او الكلية للبيت  كلش عادي وطبيعي يم الاهل  بس احنا يمنا لا تختلف الامور وذلك بسبب خوف الاهل وخوفهم حجي الناس وووووو... الخ يمكن الاب يحب ان يفسح مجال لبنته لان واثق من تربيتها وانه متسوي شي غلط ان يجون زملائها يزوروها للبيت لكن الخوف من حجي الناس، ويمكن احنا الشرقيين حيللللللل نخاف من حجي الناس هذا واقع نعيش بي،وبس اكلك شغله هي موقاعده مو كل الشرقيين هيج ،اكو اباء وامهات يعرفون زملاء بنتهم وحتى اكو اتصالات تجري بينهم بعلم الاهل واكو حتى يصير تعارف بين اهل الطرفين البنية والولد يعني نكدر نكول اكو المتعصبين حيل واكو لا الي يشوفون هذا شي عادي مدام واثقين من تربيتهم للبنت وانه متخون ثقتهم وطبعا بصراحة اني من مؤيدين هذي الفئة من الناس الي متضيق الحلقة على بناتهم ويكونون الهم مو بس اهل مو بس اب وام وانما صديق وصديقة يتقربون من البنت اكثر واكثر   بهاي الحاله البنت ما اعتقد راح تكدر تسوي الغلط من ورا ظهر الاهل لان سعيده بثقتهم وبصداقتهم ، يعني طولت الحجي اني  اتمنى تكون فهمتني وان اكون وصلت الفكرة  بس نرجع ونكول السبب هو خوف الاهل والحرص الشديدين على ابنائهم من الغير الصالحين والسيئين في المجتمع اسفه على الاطالة

[ضيف6]

عاشت الايادي على الموضوع الحلو ورده

[Ghodi]

    بعد ألتحية عزيزي....
جميل أن يطرح كمثل هدْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْا ألموضوع هنا لأهميته في عالمنا ألشرقي ....                                                     
قبل أن أبتدء مشاركتي أريد فقط أن أنوه هنا وأهنئ susu80 على ثقافتها ولباقتها في ألكتابة فهي

أعطت صورة شبه مكتملة على مفهوم هدْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْه ألظاهرة حتى ألأن في عالمنا .             

وأضيف ... تأتي هدْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْه ألمشكلة من ألطرفين (ألأهل وألأبناء)  فمن خلال ألمصارحة وألتقارب بين ألطرفين

ممكن أن يتلاشى هدْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْا ألشعور من ألخوف وعدم ألثقة على ألأبناء لكن تأتي هنا صعوبة تفكير ألأخر

على أنفسنا وهنا تصتنع ألمشكلة بأن خوف ألأباء ضروري وملزم علينا لكن أن كوَنا نحن ألأبناء هدْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْه

ألصداقة وهدْْْْْْْْْْْْْْْْْْْْْْْْْْْْْْْْْْْْْه ألمقاربة بيننا وبين أبائنا وأمهاتنا أعتقد أي تفكير وأي رأي وأي أقتراح من قبلنا يكون

مرحب به على ألأهل فنحن بتصرفنا وعقلانيتنا نصنع ألثقة وراحة ألبال للأهل.

هدْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْا رأيي ألمتواضع عزيزي
أرجو بأني أضفت شيئ

تحياتي أليك ولكل ألقراء
chodi

[fadi_lion17]

عاشت  ايدك  هولاندي  للموضوع  وبصراحة  انا  عشت  مع  الاجانب  ورايت  تصرف  البنت امام  والدها  شي  غير  لائق  وغير  طبيعي  كانو  تحس  واحد  شخص  عادي  وبصراحة   غير  لائق  هذا  شي  في  الشرقيينن  وبصراحة  التربية  والاخلاق  في بداية  لانها  هيا  التي  تجعل اسلوب  البنت  محترما  ومودبا

[Hollandy]

شكرا لكل من رد على الموضوع واني اسف لان اتاخرت عليكم بالرد
شكرا على الرد سوسو
انتي توصفين الشغلة على انه حرص وخوف من الاهل بس ما تلاحظين بانه حرص زائد وخوف ما له مبرر في كثير من الاحيان و ما تلاحظين اكو فرق شاسع بين الحرص و الخوف على البنات اكثر من الولد
الخوف من حجي الناس !! ليش الخوف اذا الواحد عارف ومتاكد بانه مربي ابنا لو بنتا تربية صحيحة و يكون واثق من عندهم ؟

a7la besma :شكرا على الاطراء  كنت احب اقرا و جهة نظرج بالموضوع

جودي شكرا على التحية ومني الج هم احلى تحية
اكيد اني وياج بان الثقة المتبادلة اساسية للابتعاد عن الكثير من هذه المشاكل و لكن يا ترى انعدام الثقة شنو سببه ؟ اهو الظن السئ بالبنت ؟ يعني اكو هواي يقولون مع احترامي الشديد و رفضي لهذه المقولات بان البنت ينضحك عليها بسهولة  ام هو عدم الثقة بالمجتمع  ام هو اجراء احترازي لعدم الوقوع بالمشاكل و هذا يجي على حساب حرية البنت

شكرا على الرد فادي
اكيد كل الي قلته عن عدم احترام البنت للوالدين بالغرب صحيح لان العلاقة بين الاب و الابناء في الغرب مو مثل ما عدنا احنا بس هذا ما جاي بسبب الاخلاق وانما التربية الي هم متربيين عليها و الحرية الي هم متربين و كبرانين عليها مع ذلك هم عندهم كل بيت اله قوانينا الخاصة ومدام الابن او البنت يعيشون بالبيت لازم يتبعون هاي القوانين
الشغلة الحلوة بيهم ما يهتمون بكلام الناس

te7yaty
hollandy

[susu80]

شكرا هولندي على تعليقك البناء بس احب اكلك احنا مجتمعنا مجتمع جدا بدائي متكدر تنكر هذا الشي مجمتع اذا اخت مشت ويا اخوها الناس راسااااااا راح تفكيرها بعيد وفكرت هذا صديقها،مجتمع اذا شاف بنية شوية ماخذه حريتيها وتدخل وتطلع اخذو نظرة عليها غلط وووووووو هواية امثال وحقيقة ثانية هم منكدر ننكرها كل الناس تخاف من حجي القيل والقال لان مجتمعنا يتاثر بكلام الناس ،لذلك تشوف الخوف والحرص الشديد على البنت حتى ما يجي عليها حجي وثالث شي المعروف انه الولد ماخذ حريته اكثر من البنية وانه الاهل دائما يعتمدون على الولد وانه الاب دائما يعتمد عليه بالحرص على خواته وبيته وانه المسؤول الثاني عنهم بغيابه، وما اريد اطول اكثر بنسبة للغرب مو كلهم  ترى ماعدهم تربية واخلاق هاي فكرة غلط ماخوذة بالعكس اكو عوائل جدا محافظة يجوز متعرف بهاي المعلومة ومتربين على اسس الثقة المتبادلة بين البنت والاب او البنت والام، معلينا من الحرية الزايدة الي عدهم هاي حرية كل شخص حر بيها ومعلينا من بعض الفئات السلبية الي عدهم ، بس اكو عدهم الاحترام والثقة والاخلاق وشكرا واسفة اذا طولت
اختكم سوسو

[nidal 60]

شكرااا على الموضوع الحلو هولندي بس اني ابويه ابد مو هيجي علمني على الصراحه منذ طفولتي واول حب حبيته هو اول واحد كتله ماكو احلى من الصراحه والثقه مو كل اصابعك سوه وابويه ماكو مثله بالدنيا لول.

[Hollandy]

thx soso o nidaal 3ela al red

soso: احنا مجتمعنا مجتمع جدا بدائي متكدر تنكر هذا الشي  any ma anker hel al she
bes lee shewkt neb8a beda2een shewkt ra7 netgher , shelon ra7 netgher itha thel tefkirna methel tefkeer al naas gebl 200 senaaaaaaaa

nidaal: anty yemken wa7d be al meeya hech men mejtm3na o any ma agool kol al aba2 hechy o akeed abooch itha hoa hechy fe yest7e8 al a7traam o al te8deer leanho she59 wa3y o fahem al amoor  o ya reet al kol methlaaaaaaa

te7yaty elkom
hollandy