ربي كل باب حزن مفتوح رده
... و كل تدفق دم يا ربي سده
... و كافي ياموت سيفك كاعد اتحده
.... مو صبرنا بصبر ايوب و جده
... و صبرنه سنين تره وصل حده
... مد يا فرح شوي فراشك مده
... شو امكطع اخيوطك وجم عكدة و عكدة
... اخ شكد جثث بعد تحملين يا سده
... و شكد يا فرات شوكك لدجله
... حزني جبير و ما واصل حزن كده
... و اذا في يوم الدمع نكر خده
... و اذا في يوم البحر نكر مده
... و اذا في يوم الشتا نكر برده
... و الصيف صار الثلج عنده
... ما انسى العراق و لا انسى شمته
... يكلولي بس الموت هذا العراق عنده
... اموت بحظنك يا عراق تره ماكو وطن بعده
... لا ولله ماكو وطن بعده."
