دار عليج الزمان وعيونج ما شافت غفى ...
مات بيج الامان وجروحج تنزف بلا شفى ...
احزن ومن القهر اذرف دموع ... لياليج ظلمة تنورها الشموع
اختنك وصوتي ما مسموع ... اشتاك ولهفتي شوكت يوم الرجوع
بغدادنا غير حضنج وين نلكى دفى ؟؟!!
بردنا وما لكينا الي يغطينا ... غير امنا منو الي يعطف علينا ...
عطشنا وين دجلة الي تروينا ... غربتنا ندم والدمع دم بجينا ...
يا اغلى تراب من ذهب .. فراكج عذاب والبعد صعب ..
بغدادنا غير ناسج وين نلكى وفى ؟؟!!
ياما حسبت ايام وعديت ليالي ... وذكريات ما تنمحي من بالي
من بعدك يا عراق منو بقالي ؟ ... اموت واحيا وتبقى انته الغالي
يا وطننا غمضنا الجفن ... خيطنا الكفن وبأرضك نندفن ...
بغدادنا تبقين ملاذنا وين ما الدهر بينا صفى ...