حالات مستعصية الا اشوفلها حل

[Hollandy]

اليوم حبيت اكتبلكم شغلات مضحكة و مؤلمة في نفس الوقت على الردود الي تجيني و تجي للاعضاء على مواضيعهم  .  طبعا اني باغلب الاحيان من اقرا موضوع معين اقرا الردود الي اجت على الموضوع واني بطبعي الاحظ كل شئ مكتوب المهم ما اطولها عليكم شفت حالات عجبية و غريبة حبيت انقلها الكم لغرضين الاستفادة وعدم الوقوع بنفس الاغلاط و للترفيه

الحالة 01
قبل فترة نزلت موضوع للمناقشة  ( موضوع طويل عريض ) ويا نزلت باخر الصفحة صورة لطفل صغير اغلب الردود الي اجتني على الموضوع كانو كاتبين : صورة حلوة عاشت ايدك وردة . ادري ما شفتو اسم الموضوع ما شفتو كل الي كتبت بس شفتو الصورة اشك هدومي ( طبعا وراها صار عندي عقدة اسبوعين ما نزلت مواضيع اي و صورة ويا الموضوع ابد ما انزل توبة

الحالة 02
نزلت موضوع الظاهر شويا حلو جان اجاني ردود عليها بس من ضمن الردود دا الاحظ ردود متكررة يعني نفس الشخص كاتبلي مرتين و نفس الكلمات هسة يمكن تفكرون وتقولون اي هاي تصير مرات و صوج النت لا عمي لا الفرق بين الردين يومين ينعي داز لي اول رد و ورى يومين هم رد ونفس الشئ : عاشت ايدك وردة
زين عفية ما تقول هذا الموضوع مار عليه و شايفة لو انت اصلا ما تقرا المواضيع بس جاي ترد ما ادري مجاملة لو بس تريد تزيد العدد
اموت و اعرف يا نوع من العرق تشرب قبل ما تدخل وتجاوب على المواضيع

الحالة 03
هم قبل فترة نزلت موضوع و اجتني ردود عليه وراه بيوم شفت نفس الموضوع منزلا عضو ثاني مو هنا المشكلة. المشكلة الي منزل الموضوع شايف و رد على نفس الموضوع الي نزلت اني و المشكلة الاكبر هواية من الاعضاء عدهم ردود على الموضوعين الي هو بالاصل موضوع واحد. ادري الذاكرة مالتكم هلكد تعبانة بدلوها ههههههه

الحالة 04
احد الاعضاء كان منزل موضوع حلو و مميز فقريت الموضوع و حبيت ارد عليه كالعادة دا اقرا الردود قبل ما ارد اني اشو وحدة من الردود مكتوب بيها : عاشت ايدك وردة  حسن (اسم مستعار ما اريد اذكر اسامي تلافينا للاحراج ) على الموضوع و هو مو حسن الي كاتب الموضوع رجعت فوق شوية اشوف حسن واحد من الي ردوا على الموضوع والي منزل الموضوع جان اصلا بنية مو ولد ههههههههه
100 كايلكم لا تخبطون بالشرب تالي وياكم ههههههههه

اكو هواية شغلات بعد بس ما اريد اطولها عليكم
اكيد هسة بعد ماحد يرد على مواضيعي بس يشوفون اسمي افلتتتتتتتتتت

te7yaty
hollandy

[shakar]

الاخ هولاند

تحية اخوية

اولا المنتدى هو بيتنا الكبير و تعرف انه يوجد في كل بيت اناس يختلف الواحد بهم عن الاخر ،  فالمنتدى هو مفتوح و يرحب بكل عضو يحترمه و يحترم نفسه و بنفس الوقت تختلف الثقافات و الاراء و الشخصيات من العضو الاخر .
فلا نستطيع ان نقول لكل عضو بماذا يرد او يكتب ولكن المفروض عندما نرد على اي موضوع نكون قد قراناه و عرفنا ما فيه لنستفاد و نفيد، اما عن موضوع الاعادة فهناك مسؤلين و هم مختصين بنقل المواضيع الى المواضيع المكررة و اذا رايت انه لم يتم نقله فابعث لنا رسالة شخصية و قول لنا اكو *فلان* موضوع مكرر، و خلي صدرك شوية رحب *خون *  بلكي بالرد واحد من الاعضاء غلط بالكتابة فهذا ليس جرما و نحن كلنا اخوة و الفروض لا نزعل او نشك هدومنا، و اخر شيء  اكثر الاعضاء هم من الشباب المثقف و اعمارهم ما اضن مال يخبط عرك ولا يسكر ههههههه.

اخيرا انت عضو عزيز ولاتزعل لان منتدانا من ارقى و احسن المنتديات و صدقني خون تصير هذه الاشياء بكل المنتديات وكما قلت لك بان المنتدى مثل الحديقة و يحمل  انواع عديدة من الورود كل وردة تختلف عن الاخرى

وشكرا اختك شكر

[fadi_lion17]

عاشت ايدك  هولاندي  للموضوع  الجميل  بس تعرف  حب  هذا  المنتدى  منتدانا  ولانقدر  نبني  الى  بردود  الاحبة  والاعضاء  وردة  ولازم   نحب  نشاركهم  بكلي  شي   وحتى  لو  قالو  كلمة  لاي  موضوع  وهيا  كلمة  عاشت  ايدك  نفتخر  بهل كلمة  لانها  كلمة  تعني   افتخار  بهل  شي

[star baghdad]

عاشت ايدك  هولاندي  للموضوع  الجميل  بس تعرف  حب  هذا  المنتدى  منتدانا  ولانقدر  نبني  الى  بردود  الاحبة  والاعضاء  وردة  ولازم   نحب  نشاركهم  بكلي  شي   وحتى  لو  قالو  كلمة  لاي  موضوع  وهيا  كلمة  عاشت  ايدك  نفتخر  بهل كلمة  لانها  كلمة  تعني   افتخار  بهل  شي

[ضي القمر]

عاشت ايدك  هولاندي  للموضوع  الجميل

[Hollandy]

شكرا لكل من رد على الموضوع شكر و فادي و ستار و ضي القمر نورتو الموضوع

الاخت شكر
اني ما اريد اقولج ريدي على هذا الموضوع و لا تردين على ذاك و لا قصدي اعلم الاعضاء شلون يردون كل واحد بطريقة الي هو اكيد حر بيها بس حبيت اقول للبعض بانه انتو اذا اصلا ما جاين تقرون الموضوع فليش تردون عليه
وعلى ذكر اعادة المواضيع فاني ما ذكرتها بموضوعي الا من باب التوضيح  على مسالة انه اكو اعضاء ما جايين يقرون الموضوع بس يردون عليه من باب المجاملة او لغرض في نفس يعقوب
من طريقة ردج خليتني كالمهاجم على المنتديات و انتي دتدافعين عليه و هذا ما كان قصدي من الموضوع. القصد هو نقد لحالات اني اشوفها مو حلوة بحق المنتدى و الهدف من النقد هو لتطوير المنتدى و ليس الهجوم عليه . واني اكيد مو زعلان وصدري رحب والدليل اني بعدني متواصل بالمنتديات وراح ابقى على تواصلي بس اتمنى انت ما تزعلين ورى ما تقرين الرد
بالمناسبة العبارات الاخيرة من كل حالة لغرض الترفيه وهو اسلوب احبه بالكتابة واني ذكرت هذا الشئ ببداية الموضوع .

اقول فادي زعلان مني شي ؟ تطلبني شي ؟ هههههه اني عيوني راحت من ورى هذا اللون الاصفر همزين خلف الله على ستار مقتبسة من يمك يلا قدرت اقراه
اكيد وردود فادي و ستار اني وياكم الردود على الموضوع هي الي تزينة بس من تحس هاي الردود الاعضاء ما مخلينها لحلاوة الموضوع اكيد راح يكون الفرحة بيها اقل هاي اذا فرحت بيها

thx they al gomr 3ela al red

te7yaty elkom
hollandy

[hewy]

  شكرا خوني الهولندي على طرحك لهذه الحالات اللي تكرر هوايا بالمنتدى
للاسف لاحظت الكثير الكثير ممن يكتب رد بدون ما يعرف شنو الموضوع
ومااعرف شنو الغاية هو العضو داخل للمنتدى حتى يستفيد لو يزيد ردود وحتى لو زادت الردود وشنو يعني شراح تستفاد
ياهو احسن ينكال عليك عضو عنده خمس نجمات ميعرف يكتب غير عاشت ايدك
لو يكولون عضو رائع وكلامه في مكانه وردوده بناءة ؟؟؟
 

[charger]

هاي ورود شلونكم ... شكرا حبي هولندي على طرحك للموضوع .... طبعا هيجي مواضيع اتحاورنا بيها هواية و ماكو فائدة منها ... يعني اكو مواضيع هواية انحب النقاش بيها بس اكثر الاعضاء يدخلون .. و ردهم شكرا على الموضوع ... و هوة شنو البي الموضوع علمود شكرا و و هاهية لان هوة موضوع نقاش الواحد لو يناقش لو ليرد ..... و هواية الاحظ هذا الشي يعني هسة الي دنشوفة اكثر المواضيع الي تنزل مجرد ينزلوها و تكتفي بكلمة شكرا على الموضوع ... لان الموضوع الجاد و الي يستحق الرد راح يكون نفس الرد حالة حال باقي المواضيع المطروحة و هذا الشي الغلط ... لان مدنعرف شخصيات الاعضاء و طريقت تفكيرهم .... يعني الي يكون يدهم بشكل صحيح همة ينعدون لان شكم واحد بس ... و قبل هاي الفترة الي قبل 5 او 6 شهور اكو كانت نوع من النقاشات بين الاعضاء و هذا الشي الي قوة صلة المعرفة بيناتنا ...  بس هسة واحد اتكولون انتو بيت واحد ... بس هوة واحد غريب عن الثاني .... و اكو هواية اعضاء قدماء الي يدخلون هم ضاجو من هاي الحالة .... و هم ردهم صار شكرا على الموضوع و خلص لان الي ديشوفة ماكو تفاعل بين الكــــــــــــل ...

و قضية المواضيع المكررة هذا موضوع يعني صحب الحي فية لان اني واحد من الاعضاء اشوف موضوع مكرر و قاري و راد علية بس هم ارد علية و خصوصا اذا عضو جديد لتشجيعة اكثر و كون الموضوع عابر للصفحات الاخيرة ..... فا يا شباب اني احب اقترح اقتراح و راح اقدمة الهيوي و انشاءالله يصير بيناتنا ترابط حلو و خصوصا اعضاء المنتديات لان انحب انو انزيد من معلوماتنا و ترابطنا  و نكدر هم نتناقش بكثر امور اتصر ....

تحياتـــــــــــــــــــــــــــي للجميـــــــــــــــــــــــــــــع .....

[Hollandy]

thx hewy 3ela al red o 3ela tefhmch le al mewthoo3

thx charger 3ela al red o 3ela a8tira7ek ely 8ereeta a8tira7 7elo

te7yaty elkom
hollandy

[vanoshka]

مرحبا جميعا

بصراحة هولندي انت من الاعضاء اللي تشدني مواضيعهم
واحب ان اشارك فيها

اللي ديبصير هولندي انه هناك مواضيع كثيرة
يعني اني اذا ادخل اقرا كل موضوع موجود واناقش بيه
احسب شكد وقت رح احتاج حتى ارضي الجميع
لانه اكيد اذا مارح اجاوب بموضوعك وموضوع غيرك من الاعضاء  رح تزعل مني
واذا زعلت انت وباقي الاعضاء  مرح تشاركون  بموضوعي
اذن موضوعي رح ينعلس للصفحة الاخيرة
رح اخسر شعبيتي بالمنتدى
هذا احد الشغلات اللي دتصير
وعندي ملاحظة صغيرة
ياريت انه لاتاخذ الردود بعين انه هذا تهجم او كل واحد يريد يثبت وجوده فوق مستوى الجميع
لا بالعكس
احنا في منبر مفتوح والمناقشات الحرة مسموحة والاراء المختلفة مطلوبة ووجهات النظر اذا لم تختلف لن نصل الى نتائج مرضية
المطلوب من الاعضاء انه تعبوا نفسكم شوية وابتعد عن باب المجاملات الغير مجدية
هناك الكثير من المواضيع الجميلة التي تركن في زواية النسيان في حين انه هناك مواضيع لن اقول لا تستحق النشر وانما ليست بالمستوى المطلوب في منتدانا
واكيد احنا اعضاءنا متفهمين لهذا الشي هولندي
واني دا الاحظ تغير ملموس من ناحية المواضيع والمشاركات
فقط نتمنى انه العضو يتانى قبل مشاركته في الموضوع
فانا واحدة من الاعضاء اذا لم اقتنع بالموضوع لا اشارك فيه ولا حتى من باب المجاملة
تحياتي للجميع
وياريت نتفهم الموضوع وبدون زعل
اولا واخيرا هذا الشي لصالح منتدانا
الرب يحميكم جميعا

[Hollandy]

thx vano 3ela al meror o al red al 7elo ya 7eloooooooooooo

vano any weyach be kol ma gelteeh , ye3ny any hem men al naas ely ma agder ared 3ela kol al mewathee3 besbb the8 al we8t bes men ajy ard 3ela mewtho3 me3een fe ma ared besbb al mojamla ao l2any a3erf hatha al 3etho ao leano jay o rad 3ela mewtho3 any menzlaa
laa be al 3eks any al mewtho3 ely ma yeshdny ma ard 3eleeh o atemna men al kol yeswoon nefs al shi
thanyan : 3endma ared 3ela fed mewtho3 lazem an6ey al mewtho3 7e8a men al red

bes le al amane agool hesa al weth3 metghyr ne7oa al a7sen ye3ny bewkt ma nezlt hatha al mewtho3 chan al weth3 mo helgd bes al 7emdallah hesa fe te7sen o inshallah da2men ne7o al afthel
te7yaty
hollandy