رحت أسحب خط من أبو مولدة راد يبسطني ليش؟
والله ما أدري اليوم رحت دا اجر خط من ابو المولد الكائن في منطقة راس الشارع بس المشكلة انه بالاخير راد يبسطني ليش؟؟؟؟ ما اعرف ,,والله ما سويتله شي بس هو ما يتحمل شقة المهم وجهّت نفسي بأتجاه راس الشارع حيث تتواجد المولدة التكنوقراطية في الاحداثيات الكيفية اللي حطها الكرين بيها ( راجع كتاب كيميا مال رابع ابتدائي اذا مدا تفتهم علية ) اتدعبلت ال ابو المولدة طك طك طك طك طك (هاي اني من دا امشي) ووصلت شفته (أو خشمة والله ما أتذكر لأن جانت حارة شوية) واكف و ابيدة سجل التقفيص مال الفلوس و بصفة اكو عامل ديشوف المولدة و ديفحص بيها ,,المهم وصلت و بدها لحجي(حجي لو شايب)؟؟خخخخخخخخخخ -
السلام عليكم وج و كفة مضروب قاط صبغ بنزركي فاتح شونك عمو ابو المولدة؟؟؟ - شنووو شنو صبغ شنو فاتح هاي شبيك عمووو؟ - عمو هاي شبيك دعبلنا السلام بس انتة ما اتجاوب واذا سلام مال صباغين شكو بيهاا؟ - دعبلنا شنو ؟؟؟شنو لاعب وياك دعابل قبل؟؟؟ - لا عمو - اللهم طولج يا روح ........أتفضل؟؟ - لا عمو هستوي متغدي تسلم - ما عازمك على زقنبوت أتفضل يعني اشرايد؟؟ - شرايد لو مجلات؟؟؟ها ها حلوة مو عمو؟ بس حلكها جبير - شرايد مني؟ - العفو عمو مو هذا المكان اللي دا اريد اوصل اله؟؟؟ - و اني شمدريني انتة وين اتريد توصل؟؟؟ - عبالي تعرف لان مبين عليك خوش رجال عمو و اذانك كبار يعني تركيبتك الآيديولوجية بيها تخمر ذهني خصم الحجي عمو انتة مو امخبل يعني بس أشعجب انتة هم واكف هنا عبالك دا اريد اجيك و جيتك يا سبحان الله!!!! - شدا اتخربط؟؟؟شنو شرايد مني؟؟ ,,,,,فظنييي!!! - مو هاي مو مولدة؟؟ - لا كنتور - لاعمو كنتور شنوو؟ لعد وين الهدوم؟؟ القبوط البازة و الفانيلات الجلد؟؟لا هذا بوردمال جوزات و هذا الكيس اقصد المحرك و هذا الكابريتر أي والله وداعتي و هذا الكازكيتو هذا القفص مالتها ايخبل شنو عمو جايبة من سوك الغزل؟؟ - اشعندي ماليبو دااشغل و بعدين شنو سوق غزل قفص مال بلابل كدامك؟؟؟ هية مولدة اي مولدة والله مولدة وداعتك مولدة شراييييييييددددددددد؟؟؟؟؟؟؟؟؟؟؟؟ - عمو زين هاي الجوزات تفتهم بالطب؟؟؟ - شنووووو؟ ولك يا طب؟؟؟؟ - لعد مو عدها بورد؟؟؟؟؟ أي مو اللي يفتهم بالطب عندة بورد؟؟؟؟ - لك يا بورد يا دنكة مال ال خللفك أنتة شنو خبل؟؟؟ لك بورد مال جوزات هذا ,,,,لك شترييييييييييييييد؟؟؟؟؟ - هاي شبيك عمو كمت اتعضعض ابدشتاشتك ناسي شي بالكيا؟؟اشو عصبي رايداسحب منك خط هاي شبيك؟؟ - هاااا يا اهلا وسهلا (ما احجيلكم ابو المولد اكبر مادي و ابو فليس رأسا بدل180 درجة اي عمي طبعا فلووووووووووس!!) اي ابني تدلل عندي خطوط - عمو رايدة أثير الله ايخليك - هوة شنوة ؟؟؟ - الخط - نعلى على ساعة السودة اللي جبت بيها هال مولدة الكشرة,, لك شنو أثير جاي تنصب علي؟؟؟؟؟؟؟ - لا عمو هاي شبيك عبالي تنطي خطوط مال موبايل وياها ما اقصد شي (ابو المولد كام يباوع يمنة و يسرة حسيت ديريد يتذكر وين خلة التوثية بس الظاهر مدا يتذكر و يين) - انتة شكد رايد؟؟ - رايد الماجد هع هع هعهع - شنوو؟؟؟؟؟ - لا هيج عمو بس هوة شنوة؟؟؟ - الخط غيرر؟؟؟؟ - يا خط عموو؟؟؟ - أبني لا اتخبلني لعنة الله عال شيطان مو جاي تاخذ خط مني شنو نسيتت؟؟ - هااا أكوول ليش اني هنا اي عمو مرات انسى و هاي الحالة اتصير عندي من البس جواريب مبلله - (...............ز..............) عمو ديدردم و جنة ديريد يخابر عال 130 عليه - خلص عمو اتذكرت رايد هااا لحظة الجوزة عليك عمو - لاشون عليه؟؟ - اي عمو يعني عود انطيك فلوسها من ادفعلك القسط الشهري لهذه المولدةالكهربائية الرائعة بأذن الله ( كلت خلي اصير مثقف براسه بلكت ينزلي الف و نص شي(بس الجوزة خوما اتنفس؟؟؟؟ - شون اتنفس يعني؟؟ ليش راح اشدلك قنينة غاز عال بورد؟؟؟ولك انتة متخلف؟؟من يا كوكب جاي أنتة؟؟؟ - من كوكب الشرق أم كلثوم ,,,,,,لا عمو قصدي الجوزة خوما اتسرب كهرباء؟ - لا ما اتسرب كهرباء - خوش لعد عمو أبو المولدة طكني أبجوزة بس شوية مستوية مو المرة أتخليني ارجعلك ياها و نتخارب - أللهم طولج يا روح ,,,زين,,, ميخالف ,,,,ام الشكد؟؟؟ - ام ال 60 امبير - شنووو؟؟ ما عندي 60 امبير بعدين 60 امبير شصخم بيها؟؟؟؟ - مو الاتاري ما اخوية الصغير يسحب هواية خصوصا هاي مال الارنوب اللي ديعبر الشارع و كلساع ينسحك لأن ابو المرور ماكو أمسافر الاردن و.....,,,,, - اللهم صبرني يا رب ( ابو المولد خلص اتأكد انه اللي واكف كدامة امخبل) - زين عمو عندك واير فد 10 كيلوات - ليش شسوي بيه؟ - حتى اسحب منك غير؟؟ - ليش 10 كيلوات ليش انتة وين مهجومك؟؟؟( الحكووليييي أبو المولد جنة راح يخبزني و يسويني خبز عروك للجهال) بالغزالية عمو ليش ؟؟؟ ترة خوش منطقة بس كلها طسات من تمطر اتصير عدنا مسابح أولومبيه و ,,,, - لك انتة امخبل؟؟؟؟لك انتة قرد؟؟؟؟؟؟ لك جايني للمنصور اتريد تسحب خط للغزالية ؟؟؟؟؟؟منغولي انتة؟؟ - عمو ليش شنو ممنوع؟؟؟ والله ما اعرف ممنوع اذا بيها مسائلة و حبس ملازم عمي مابينا حيل للطلايب أني افلت عمو مع السلامة ,,,أبو الكياااااااااااااااا أوكف)هاي اني داصيح) - لك تعال بابه ؟؟؟ لك ممنوع شنو دنهرب مخدرات؟؟؟ ابني اكثر شي 200 متر و حتى هاي صعبة - عمو عندي حل شنو رايك اشتري grid من شارع الصناعة و أسحب منك كهرباء واير ليس؟؟؟؟ - لك انتة اتريدت جلطنييييييييييييييييي؟؟؟؟؟؟؟ نعلى على اليوم اللي جبت بي هال مولدة الغبرة أشو هذا راح ورة شوية جاب ويا قذيفة آر بي جي و طرررررمممممممممم عال مولدة بحيث صارت يورانيوم و هم مو منضب و أبو المولد حاليا كاعد أبمستشفى المخابيل يرسم جوزات أم ال 20 عال الحايط و المرض مالتة انه متصور نفسة راس توليد و محد مدا يعرف يعالجه و اني لحد الآن دا اريد خط ماكو اللي يعرف أبو مولد بالمحمودية أو الأسكندرونة أو اي منطقة قريبة عالغزالية خلي ايكللي عليها حتى أسحب خط بس لحد الآن محد سالني ورة هال هوسة هاي كلها شرايد بالخط و شسوي بيه؟؟؟؟؟ أني رايد ربع امبير للبرج مال الطيور اللي بالسطح أكهربه حتى لحد أيبوكهن..
أني سويت شي ال ابو المولد؟ هوة خبل موو؟
--------------------------------------------------------------------------------
تحياتي لكم ومن تخلصون القراءا جاوبوني منو ابو المشكله اني لو عمو ابو المولده
بااااااااااااي
