مرة تخطأ ومرتين اسامحك عالجــــــرى ...
وبالثالثة يا ابن الناس ما تسلم الجرة ...
سهمك بكلبي سنين هالمرة جــــــرة ...
خليني عايش مرتاح يالسهمك شظية ....
لا تزعل علي يا هواي حبة حبـــــــة ...
ادنك على خدك مجبور واخذلي حبـــة ...
وتكول علي مجنون ما يسوى حبــــــــه ...
دللتك دلال الطفل يالحبك اذيــــــــــــــــــــــة ...
اشتكيت لغدرك الضابط ملازم ؟؟؟
كلي انساه حبه جذب ملازم !!!
كلت الشعر بعشكه دفاتر وملازم ...
انهجم بيت الوكت الذبك عليـــــــــــة ...
غلطانين يا دنيا تعالي حاسبينــــــــــــا ...
هوينا وعشكنا ومحد حاس بينــــــــــا ...
لا احنا شماتة ولا احباب حاسبينــــــــا ...
اخذي الكلب والروح ما يقى حنيــــــــــــــــة ...
قصايدي لجرحك وصلتك للعالمية ...
يالجنت نبع خابط مو صافي مية ...
بالخيانة والغدر مية على مية ...
اختل بنص الناس وانته بطل المسرحيـــــــــة ...
لو تعرف عمري صادف كم شوك ...
وكلبي انطعن وانغرز كم شوك ؟؟؟
لو تقرب تشوف الناس كمشوك ...
ويبعدوك عني وتعرف اني شكد خطيــــــــــة ...
