شوفوا شيصير اذا انكلبت الاية وصارت البنية تجي تطلب ايد الولد من اهلة

[karam_alqoshy2007]

تتفاجأ في يوم وانت كاعد تقرا كتاب رومانسي وأنواع الأحلام الورديه (اويلي يابه) و سرحان في فارسة احلامك على الدوشك بالسطح لان ماكو كهرباء وغرفتك حاره ..
الا و امك تصعدلك للسطح وبيدهه كلاص مي بارد مداينته من الجيران و توها مخلصه غسل الهدوم و تقولك: يا ابني اريد احجي وياك بموضوع يخصك . .
تجاوبهه انت ووجك صاير كركم من الهبطه : خير يمه؟ لتكوليلي ابويه طكت علي مفخخه ؟....
تقول امك: ترى جيرانه ام لبيب تريد تخطبك لبنتها. وانت ماشاء لله كبرت و احلويت وكل البنات عينهم عليك . ها شنو رايك؟ ....
عاد انت من الخجل تنزل راسك وتكوم تباوع على كاع السطح (تسوي روحك دتحسب عدد الشتايكر) و تلعب باصبعك في شعرك (او شواربك)و ترد و انت مستحي و خدودك حمرة (هذا اذا كنت محلق اللحية) و تقول: ....
الرأي رايج والشور شورج يايمه وانتي شتكولين اني موافقه ..
تقول امك: انا بصراحة ما اشوف بالبنيه شي. .

ماشالله عليها محترمة و وظيفتها زينه و راتبها ممتاز(طاك للستار) و من عائلة محترمة و من البيت لباب الشرجي ومن باب الشرجي للبيت ..
وما عدهه بس سوالف السفر و الخربطة و تشرب وتدخن . يعني بنت ما عليها اي شائبه(هوه شبقه غير هاي المواصفات الطايح حظهه). .
تقول انت : بس يا يمه هي ما شايفتني لان اني دائما محجب ومبوش (ملثم حتى محد يعرفه ويغتاله) (والله عيب بس أكمل السالفه شسوي)
تقول امك: هي شافتك و انت نازل من الخط مال مدرسه (الله واكبر يالكيه)...

بس ..و سألت عنك و قالو لها خوش ولد موهوبويعرف يسوق و يعرف يصلح سيارته من تعطل و ما يطلع الا مع ابوه. (والله فشله بس اكمللكم السالفه شسوي)
و هي و امها جايين يوم الخميس حتى يشوفوك ..
تسال انت: زين يمه ابويه شنو رأيه ؟
تقول امك: ابوك ما يدري نخليه كاعد في المطبخ يغسل اماعين العزيمه والله يعينه..
تقول انت :اللي تشوفيه يمه. .وتطلع امك من الغرفة
وتنط انت قدام المراية ووتفتر لليمين و وتفتر للشمال تشوف جسمك و تمشط شعرك و شواربك

و تقول : اه اخيرا حسَت و خطبتني. ( لا لا لا والله ما يصير بس اكمل السالفه شسوي)
و قبل يوم الخميس تروح انت لكوافيير رجالي و تحجز و تقعد و تصبغ شعرك (هاي لايت) و تزين حواجبك و تشيل شعر يدك و رجلك بحلاوة و تطلع مثل الورد..

وتجي للبيت و تلبس الثوب اللي فصلته بباب الشرجي واللي بي فتحة من عند (جاكه) تبدي من الظهر الى الحذاء و ذاك المكياج وذاك العطر اللي يشك شك و تنزل للصالة
ويقولك ابوك : يالله دخل العصير على خطيبتك ترى امك ذبحتنا تسال عنك
تقول انت بكل خجل: اوي اوي يا يابه انا استحي

ابوك يقولك وهو يدكدك على كتفك و يضحك يا ولد روح لعروسك إهئ إهئ
تقول انت: يا يابه دائما تحرجني انت اوي اوي
و تاخذ صينية العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم الس سسسلام عليكم(صاير مؤدب على غفلة)
ترد هي بعد ما وقفت و عليكم السلام ( و هي تباوع عليك وعلى جسمك وبنص عينك) ...
و تقولها تفضلي....
تقول هي: شنو الاحلى العصير الاحمر لو الاصفر؟ على اساس تريد تشاقه وياك .
تقول انت: كله حلو
تقول هي: اكيد كله حلو لانك انت اللي مسويه

بعدين تحط الصينية بسرعة و يدك على حلكك و تضحك و تروح للغرفه بسرعة
ياربيييييييييييييي
ومتلكه الا واخوانك ينتظروك و يقولون: ها شلون شكلها

تقول انت: ههههههه تخبل تخبل حلوة و دمها خفيف اهههههااي
و ابوك من المطبخ يهلهل (يزغرط بالمصري)

لللللللوووولللللوووووشششش شششش مبروك يا ابني

و تجي اختك من البدو و حاطه عبايتها على جتفها و تقول : خير شكو !!
يقوله ابوك : نصي صوتج اكو وحده جوه جايه تخطب اخوج ..
تقول اختك: وهي وين شافت اخويه حتى تخطبه ها؟؟؟؟ و تكفخه وتصيح والله انعل ابوهه لابو جايه تخطب اخويه؟ ( شباب آخر زمن)

ومتلكه الا وامك جايه و تسطر اختك راشدي تنسيهه اسمهه و تطلع اختك بالسيارة ....

و تمر الايام و انت تجهز ثوب العرس و الكوشة و بيت الزوجية و خلال هالفترة تمرلك زوجتك بالسيارة تتمشون و تحاول انها تمسك ايدك و انت مستحي ( ومن هناك وانت تريد تموت من الخوف) و وره شويه تحاول تبوسك و انت تقول لا لا عيب احد يشوفنا( يعني لو ماحد يشوفنا ترى عادي)
و يجي يوم العرس و تقعد انت في الكوشة و كل الشباب داير مدايرك يرقصون و يغنون على انغام فرقة ابو علي (مو ام علي) و طبعا كدامك الحنه ....
وره شويه متحس الا والهلاهل عالكه للستار ومتشوف الا والعروس جايه
و يكومون الرياجيل والشباب كل واحد يركض يلبس شماغه ..
و تدخل العروس ويه امها و خواتها (خواتها يتفيكون قدام الشباب ) و تقعد العروس بصفك و ترفع الطرحة و تقولك: الله صاير مثل القمر

وتدير وجهك وانت مستحي
و يتم الزواج و بعد تسع شهور الا انت تصيح بنص الليل
و يودونك المستشفى وتجيب توم 3 بنات و5 ولد

وتطلع من المستشفى الى بيت اهلك لان تخاف من النفاس ..
و تاخذها زوجتك فرصة و تسافر ويه البنات ويتونسون قبل ما تخلص مدة نفاسك الله يساعدك

و ترجع لبيتك تربي جهالك و تطبخ الغدا لزوجتك

وتتعاركون ساعات و تنام و دمعتك على شواربك

ويزيد حدة الخلاف و تاخذ شماغك و جهالك و تروح لبيت اهلك

و تصالحكم امك و ترجع الحياة مثل اول.....

ووراهه تكعد من النوم مثل الاثول وولا كأنه صار شي بالدنيه


تحياتي

[janteana_92]

هههههههههههههههههههههههههههه حيل بي يستاهل


   عاشت ايدك كروم على القصة الحلووووووووة

   تحياتي

[karam_alqoshy2007]

شكرا لبي جوجو على مرورج الحلو وردج الاحلى يسلموووووووووو

تحياتي

[fadi_lion17]

عاشت  ايدك  خوني  كرم  للموضوع  كلك  ذوق  خوني  نورتينا

[اسير الروح1]

هههههههههههههه

 تسلم خوني على الموضوع صدك زمن البنات تخطب الولد هههههههه  بس هم حلو مو هههه

[karoleen]

  عاشت ايدك كروم على القصة الحلووووووووة 


هههههههههههههههههههههههههههههه


يسلمووووووووووووووووووووووووووووووووووو

[karam_alqoshy2007]

شكرا حبي فادي &   اسير الروح  & كارولين على مشاركتكم الحلوة نورتو الموضوع بردكم الحلو

تحياتي

[moon ankawa]

هههههههههههه عاشت ايدك ورده

[canary]

ههههههههههه عاشت ايدك كرم على القصة الحلوة...بس والله هسة الزمن متغير وصاير فعلا البنت تخطب الولد وعلى راي المصريين...اخطب لبنتك ولا تخطبش لابنك...

تقبل مروري
كنـــاري

[karam_alqoshy2007]

شكرا مون عنكاوا  & كناري على مروركم الحلو والمشاركة الاحلى

تحياتي
كرررررررم الالقوشي

[shakar]

ههههههههه الله الله شكد طيبة لو تصير هيجي خخخخخ يسلمووو

[karam_alqoshy2007]

شكرا خاثي شكر على ردج الحلو نورتي الموضوع بس ما يصير هيج خخخخخخخخ

تحياتي

[so lonely]

ههههههههه الله الله شكد طيبة لو تصير هيجي خخخخخ يسلمووو
 

[karam_alqoshy2007]

شكرا   so lonely  على المرور الرد الحلو  نورت الموضوع

تحياتي

[رضوان ღ عذراء]

yslmoooooooooooo

hhhhhhhhhhhhhhhh

[karam_alqoshy2007]

شكرا برتد عم على المشاركة نورررررررررررررررتي

تحياتي