حال الشباب يوم يحبووون
1_ تلقونه دايم كاااشخ وفرحاان ويسولف وطلبو منه أي شي( بيقولكم صار.. انتو بس آمروا)
أنصحكم اذا ما لقيتو حديوصلكم او يوديكم السوق او توصيله حق مكان ..تراها فرصه لا تتعوض طلبوه ..وعلى ضمانتي ما بيردكم.
2_ من فرحته راتبه يخلص من اول اسبوع من كثر ما يصرف ع كشخته ..
اتعرفون عااد عطوورات ويفصل كل شهر 7 قمصان او أكثر... وفواتير التلفون والرصيد..ومن غير الهدايا حق ال؟؟؟؟؟
3_ساعة في السينما (كله أفلااام رومانسية) لا وكل العزايم على احسابة
4. ما ينام الليل من كثر التفكير (العيون ما يحتاج الصبح حمر ومتنفخاات بعيد الشر)..
بس أحيانا ما ينام من الجوع (ظاهرة غريبه) بتلقينه في المطبخ نص الليل يدور أي شي عسى ياكله خخخخ
5. عاااد يا ويل أمه ويلاه..كل يوم الصبح وع الغدا والعصر وفليل
وفي أي وقت (أمي أريد اعرس) خخخ..
ما بخلي حد فالبيت ما بيقولهْ..ع باله العرس في يوم وليله .. <<< هيه والله.
6. يوم ياخذله شاور (يتسبح) بيصدع البيت كله من كثر ما يغني في الحمام ..
امرره اللي تبغون تسمعونه..تقول شريط منوعاات ( وعااد يا ليت الصووت حلو ..ما ادري من جاذب عليه وقايله صوتك حلو) .. >>> اظن الحب قايلتله صوتك صوت فريد الاطرش خخخخخخ
7اذا ست الحسن(حبيبة القلب) في منطقة ثانيه ...لا دورونه
بتلقونه يداور في سيارته هناك..( يسوي استعراض بسيارته..ثاني يوم بتلقونه فالصناعية يعدلها)
8 عاااد اذا زعلت عليه ..اول شي حالة اكتئاب شديد ..ما يجي للبيت ..وتلكونه معصب واي واحد يحجي وياي يتورط
10. اذا رحتو غرفته ..غالبا ما بتلقون عنده دفتر(مال صف اول ابتدائي)
بس صدقوني ما بتلقونه بسهوله خخخ....اتعرفون شو بتلقون.. يألف قصايد..
لو تقرونهن اتموتون من الضحك ..كله كلااام فاضي..ويبات ينقل من المجلااات قصايد..
ويرسم حروف (عااد هن اشلون الحروف بالانجليزي ماادري بالعربي يطلعن أحلى) خخخ..
وعااد تعالو اطمشو عالخط.. ما يحتاي..التاء المربوطة تصير مفتوحة..والمفتوحه مربوطه ..وبلاااوي ..هههههههه والله الموضوع يضحك هههههههه
خطية الشباب هههه
تحياتي
