شلونكم اخواني القلائل المارين بهذه المشاركة
شلونكم اخواتي الكثائر المارات بهذه المشاركة ( طبعا اكثار لان العنوان بي حرب على البنات )
اقدم لكم اليوم مقارنة بين كلام البنات وكلام الولد وتصرفاتهم على النت
طرق الحب عن الوالد
طبعا هي اهوايه طرق لا تعد ولا تحصى وكل واحد وطريقته واسلوبه في التعبير
اكو نوع وهذا تقريبا هو الي مشتهر هل الايام
الحب عن طريق التواقيع والملفات الشخصيه
شلون يعني
توقيعه رومانسي جدا ( ولد وابنيه + خاطره اني ابحث عنكي ومالي سواكي وانتي حبي الاول)
او توقيع واحد ضارب نفسه موس ودمه يجري واكتب حرف من اسم عضوه بالمنتدى
+ اني انتحرت لاجلكِ ياسيدتي فأرحمي بحالي ( اي قابل اجدي عليك ترحم باحالك)
اما النوع الثاني عن طريق البروفايل( الملف الشخصي)
العيتين الولد كاتب الاقامه
في قلب حبيبتي ( ادري قلب لو مشتمل) لو يجك واحد لاخ كاتب اني اسكن في الحب (بشرفك اشكد تتدفع ايجار)
ويجي لاخ كاتب الاقامه في مدرسه الحب ( ادري ماعندك غير مكان مهجر قابل تكعد مدرسه)
واكو انواع من الولد تكتب الاقامه ( السويد , امريكا , فرنسا , سوريا الي مقبطه)
طبعا مو كلهم صحيح اتلاكي هسه كاعد بالفضيليه لو العبيدي وهو كاتب جوهانس بيرك لو جينف
واكو نوع يكتب الاقامه ( بطريقه تحشيشيه) يم بيت افلان لو ثالث فرع على اليمين
هذا النوع بصراحه مااعرف شكول عليه ( لم تتوفر المعلومات)
والنوع الاخير وهو الولد الي يكتب الاقامه بفولدر ( C:\WINDOWS\system32 ) هذا اخذوها مني نصيحه
كلشي ميفتهم على الاساس هو هكر ومخترق جيس نايلون وبالك عنه ( خلي يولن احسن )
ومثل حالتي اني مثلا واعوذ بالله من كلمة انا كاتب الاقامة بالعربي بس بالعنكلوزو
الإقامة: ♥♥♥♥ جزر هاواي لو لاس فيغاس ♥♥♥♥
وهية كلها بالبصرة
هسه نجي للهوايات
تشوف الولد كاتب الشعر والسباحه والهوكي الجليد
وهو هذاك اليوم بطل يلعب دعابل بشارع ويمشي حافي
طرق الحب عند البنات
يبووووووووو شحجي وشخلي
اتشوف توقيع صوره ابنيه صافنه على جامه لو يم نهر لو يم بزونه لو يم تانكي ؟ خخخخخخخخخ
وكاتبه ملاحظه1 : جوه التوقيع مطلوب ولد احبه ويحبني
ملاحظه 2: اسمايل تبجي وكاتبه( ياشريف اسويلي توقيع)
هسه نجي للاقامه
اغلب البنات كاتبه بالغربه ( زين وين صاير هاي الغربه بعيده!)
لو اتشوف وحده كاتبه يم حبيبي مااكول اسمه ( مراح ناكله اشبعي بي !)
لو اتشوف وحده كاتبه يم ( عادل , لطيف , سمير ) مين دول !
واكو نوع من البنات تكتب ( بصف النجوم والقمر ) شنو دوقفليد لو يوفوووووووووا
هسه نجي للهوايات :
خياطه : طالبه : رسم وغناء ( كولي فنون جميله وفضيها) و ركوب ملاعيب العيد !
...........................................
طريقه الردود على مواضيع البنات
يعني الله ايساعد البنيه لم اتنزل موضوع
موضوع بي صوره لو سطر ( 7 صفحات ردود ) + ( 350 مشاهده) + ( تصويت خمس نجوم)
اما الولد ياعيني
لو ينزل تسجيل صوت لكاظم الساهر ايحي بي عنكاوا ( هو يثبت الموضوع) بس تعال ياهو الي راح ارد
اني اتصور الضيوف تنقهر عليه واتسجل وبعدين اترد وتطلع !
وطبعا الردود الي بمواضيع البنات
اقل شئ 4 سطور + نص نفر خاطره + صوره لي كليتر مكتوب بيها بداعه وداعت امي + رساله خاصه !
ممكن اتضيفني لان مااعرف اشبي ايميلي!
هسه الماسنجر:
الولد اونلاين
البنيه انفزبل
يعني البنيه سايكه على الولد
الولد انفزبل
البنيه اونلاين
يعني ولد بايع ثكل
الولد اونلاين
البنيه اونلاين
يعني علاقات عمل ( شركات , وزارات , الخ )
هسه نجي لم ابنيه ادز اوفلاين
يبوووووووووووووووووووووووووووووه
اصير مو اوفلاين ( قضيه الشعب )
كلها ادزه عبالك رقم منظمه للاغاثه والاجئين بسوريا المقبطه
خلي ولد ادز اوفلاين
يوصل الصدى مال اوفلاين والماسنجره ايصير اصوصي!
عجبني كلش كلش كلش وحبيت أكتبلكم ياه هوة منقول بس سويت بيه تعديلات هوايا هوايا
أتمنى يعجبكم وخاصة البنوتات هههههههههههههههه
أخوكم
ستارووووووووووووووووووووو
