قصتي ..........شاركوني آرائكم رجاءا

[اميرة الدموع]

هاي شباب كيف  حالكم حبيت اطلعكم على قصتي واتمنى تشاركوني آرائكم الطيبه ونصائحكم ........

          انا بنت عاديه ماؤمن بالحب ..........فقبل اربعه  سنوات كان عند اخي كتاب فيه هوايه اشعار ....شعر جميل ورقيق مو طبيعبي يسلبني من عالمي ..هذا الكتاب لصديق اخي ,انا ما شايفته (صديق اخي) بس اسمع عنه انه كاتب وشاعر رومانسي واخي كلش معجب بي , فأخذت اقرأ اشعاره بدون علم اخي لانه ما يحب احد يتدخل بخصوصياته ..وانا كان عندي فراغ هايل ادرس وامل  فبيش املأ فراغي ؟ بهاذي الشغلات ...فتعلتقت كلش بهالكتاب  ما ادري ليش ,فمره  اجه صاحب الكتاب على اخي وشفته وانوب تخبلت لانه كان كلش وسيم  ...وهو كان صديق عزيز على اخي  حيل يعزه ..طبعا انا ما اعرف اسمه ..فرحت  احلم احلام فتاة مراهقه  وطول السنوات الاربعه اني احلم .........فمره اخويه كالي على بنت صديقتي المقربه كال تعرفيها هي خوش بنيه وحكالي عنها ....كل بالي يريدها إله .......وبعدين كالي عندي صديق معجب بيها فاريدج تساعديه وهو يعتبرج مثل اخته .....انا ايش عرفني اي صديق ما كان على بالي هو (صاحب الكتاب) فرحت وكلتلها وهي وافقت  بس اني وبعدين  يلله اكتشفت انو هو صاحب الكتاب اللي انا احبه رحت خطبتله بيدي ................................... ونمت بدموعي ليالي وحاولت انساه بس صديقتي المقربه الي ما كدرت انساها .................... حلولي مشكلتي يا جماعه اترجاكم اني اختكم اميره الدموع

[fadi_lion17]

عاشت  الايادي  عززتي  بصراحة  الحب  مرات  يحيا  ومرات  يقتل اي  باعتقادي  قصتج  الي  كانت  لشخص  كما  نقول  مجهول  الهوية  اي  بمعنى  شخص  لم  تعرفية  الا   اخر  لحظات  عندما  اتى  عندكم  بس  اعتقادي   البكاء  والحزن الي   عملتي  باعتقادي  هو  يقلل  من اهميتك  ويجعلك  تنسين  الهم  الي  انتي  بي بس  انا  اعتقادي  انو  البنت  لازم  تكون  صبورا  يعني  اكو  غيرا  احلى  واحسن  ولازم  منكول  احلى  بل  نكول الافضل  لانو  لاتنسين  ياختي  العزيزة  ترا  الحب  والزواج  شي  ليس  سهل  محتاج  عقل  وقلب  لكي  يفكرون  بل  امر

[hewy]

الله يساعدك على هذا الوضع الاليم
اي شي راح انصحك بيه مراح يخفف من نارك اكيد
لكني راح اسالك سؤال واحد بس ؟
هل تحبيه فعلا ؟
فان كان جوابك ب نعم اذن تمني له كل الخير والسعادة مع اعز صديقة مقربة لك .
فالحب ليس ان امتلك الحبيب بل ان اسعده .وان كان اختار انسانه اخرى تحبيها انت ايضا وتعرفيها جيدا فما عليك الا ان تمسكي بيديهما وتقربيهما من بعض .فمن هذه اللحظة انتي اقرب مما تعتقدين منهم فانت الان ملاك حبهم الحارس.فكوني بقدر المسؤولية .
اعلم ان كلامي مؤلم وقاسي لكن ثقي انه الحل الوحيد لازمتك خاصة وان حبيبك قد ارتبط وليس حر نفسه.   

[جواهر بغداد]

اني رائي بانه تتمنيله السعاده وتحاولين بانه متفكرين بيه لان بكل الاحوال هو خطب وانتي كلتي يعتبرج مثل اخته هذا شي حلو والاخ ميتمنى غير السعاده لاخته فانتي تصرفي عادي كانه شي ميهمج واحجي وياه مثل اي ولد وتحكمي باحساسج ودوريلج على حب لان هذا الي راح ينسيج 0

 

[عاشق تللسقف]

هاي اميرة اني كلش تأثرت بالقصة مالتج بس اريد اكولج شي واحد الحب ميكون من طرف واحد الحب يكون من الطرفين و هناك امور انت لا تعرفيها عن الحب مثل ما دكولين انج ما تؤمنين بالحب , اني اريد اكولج شي واحد ماكو انسان يكدر يعيش بدون حب لان الحب هو الحياة و بدون الحب ماكو حياة اني حبيت هواية من طرف واحد بس مكنت اؤمن انه حب تعرفين ليش مدام اني ما اصارح الطرف الثاني الي هو هذا الطرف البنت فهذا ما يتسمى حب اكثر الاشياء المؤلمة بالحياة ان تحبين شخص من كل كلبج مو شرط ان يكون شاعر او جميل اهم شي يعرف معنى كلمة الحب و مع العلم يكون عندة كل هاي الميزات بس هو ميعرف انه انتي تحبيه فهذا هو الام الحقيقي اصب شي هو تحبين شخص و هو ميعرف اهو انتي تحبيه و يروح هذا الشخص يحب بنت هي اصلا ما تحبة بس تريد ان تتزوج و ترتاح فا اني اريد اكولج لا تحبين اي شخص قبل ما هو يحبج.. مـــــــــع حبي


شــــــــــــــــــــاعر العيــــــــــــــــــــون                            عاشــــــــــــق تللســــــــــــــــقف

[Pretty Princess]

اشكرج يا ورده على طرحج مثل هيجي موضوع
بصراحه ماعرف شكولج هو موقف صعب جدا بس الي اتوقعه انو المشاعر الي كانت بقلبج اله هي كانت مشاعر اعجاب
لا انتي ما حاجيه وياه ولا تربطج اي علاقه بيه يعني ماكو بياتكم ذكريات او كلام حلو ممكن تذكري وتنقهرين عليه
راح تنسيه بكل سهوله صدكيني واتمنيله الخير لان مشاعره اتجاهج هي مشاعر اخويه
وانصحج نصيحه حاولي تتحكمين بعواطفج من خلال عقلج عوفي قلبج ومشاعرج على صفحه وفكري بعقلانيه
راح تشوفين انو خلص انتي امام امر واقع ولازم تعيشين حياتج

[مهند البشي]

لااريد اضافة شيء جديد لان كل الردود استوفت الموضوع بشكل ممتاز ---- ولكن اقول باختصار الحب تضحية في سبيل سعادة الاخرين ----- والحب من طرف واحد لايعيش ----- والحب الاخوي هو الذي يدوم اعتبريه كأخ لك مثلما اعتبرك كأخت له ---- والصديق لايخون صديقه ولو على حساب نفسه وهو يبذل كل شيء من اجله واكيد صديقتك تستحق ---- ان شاء الله مع الايام تجدين فارس الاحلام وتعيشين بسلام وعندها تقولين الحمد لله لم افعل شيء كنت فيه خسرت صديقتي والذي احببته .

تحياتي

[اميرة الدموع]

اشكركم اصدقائي الاعزاء جميعكم من فادي وهيوي وجواهر وعاشق وبرتي ومهند..تسلموا  ما قصرتوا ...بجد استفاديت من نصائحكم وغيرت نظرتي عالموضوع واخذت الجانب الايجابي الله يعطيكم العافيه .......وفي نقطه انا لاحظت سعادة الاحباء(الشاعر وصديقتي المقربه )وافتخرت بنفسي... شكرا شكرا.................اختكم اميرة الدموع

[MaLeKaT_aL8LoB]

اتمنى ان تنسي الموضوع حبيبي اميرة الدموع وتتمنيلهم الخير وكلشى قسمه ونصيب بالحياه وانشالله راح تشوفين انسان يحبك ويعجب هو بيكي تحياتي الك

[اميرة الدموع]

تسلمولي يا بنات يا قمورات ومشكوره على مروركم نورتوا ..............وشكرا على نصائحكم  القيمه ....ان شاء الله اعمل بنصائحكم

[رضوان ღ عذراء]

yslmoooooooooooooooooooooooo

[Aradin_1]

صدكيني اختي اميره انو الحب من طرف واحد صعب صعب جدا

يااختي والحياة عبر لازم نتعلم منها  والحب ياما ياما

 ناس تعذبت وشافت الويل . ادري انو هسه انتي مجروحا

ومقهورا بس هذه الحياة ولازم نتعلم منها . اتمنى تنسه

وتشوفين الحياة من جديد واتمنالج الخير والسعاده من كول

كلبي.








    اخوج: ارادن

[FAITHFUL]

تجري الرياح بما لا تشتهي السفن - عزيزتي الغالية اميرة قريت القصة مالتج واكيد مؤثرة جدا فهذا هوة عضمة الحب عندما تحل علينا وتكبت انفاسنا لنيل كل ما نريده حتى لو كلف الامر بالقوة لكن والف لكن ياعزيزتي لاروعة في الحب اللذي يكون من طرف واحد فالحب يجب ان ياتي للطرفين والحب الحقيقي ياتي عندما يشعر الاثنان بميول وسؤالي لكي هل تعرفين لماذا اثنان يحبون بعض لانه الطرفين يشعورن بوجود اشياء عند الطكرف الاخر لايملكها هوة بل هية تملكها ولهذا يشعر بالارتياح نحوها لانها سوف تكمل له  هذه الاشياء الرائعة الغير موجودة في حياته والعكس صحيح للطرف الاخر ايضا فما بالكي ان كان هذا  الحب هوة من طرف واحد فهل تتوقعين انه سوف يتم هكذا حب ويستمر اكيد الجواب لا - لانه سوف لن تلقينا غير العذاب والالم وهذا بحد ذاته غلطة كبيرة ياعزيزتي الغالية ومثلما يقول المثل (ليس كل مايتمناه المرء يدركه) والحياة عزيزتي لن تقف عند هذا الشخص اللذي احبهه قلبك بل بالعكس تمني الخير له ولصديقتك وكوني على ثقة ياعزيزتي الغالية اميرة حتى وان لم يكن صاحب الكتاب معجب بهذه الفتاة فمن المستحيل كان ليحبكي هل تعرفين لماذا لانك اخت صديقه وعادتا ليس شرطا طبعا انه اخت الصديق يعتبرها صديقه كاخته تماما احتراما لصديقه فيا عزيزتي ان كان في قلبك هذا الكم الهائل من الحب  اجمعيه واعطيه لانسان اخر سوف ياتيكي كفارس راكب على حصان ابيض من حيث لاتعلمين وسوف تقعين بحبه كما هوة ايضا اتمنى ان تقراي هذه الكلمات وفكري بيها عميقا وسوف تشعرين بالراحة التامة تحياتي عزيزتي اميرة والرب ينور دربج وتلكين الانسان الصحيح في المكان والزمان الصحيح سلام الرب وياج عزيزتي 

 

[اميرة الدموع]

تسلمووووا يا alqosh_girl واخ ارادان نورتووووا الموضوع بردودكم  ونصائكم .........شكرا جزيلا



 وتسلملي يا اخ فيذ ........انت دخلت على الصميم .......بجد ......... اشكرك جزيل الشكر دومك منور