عزيزتي نور اشلونج مشتاقتلج الج ولجميع الاعضاء القدامة بس ضروفي مو اهوايا تساعدني اتابع مواضيعكم بس بين فترة وفترة احاول اكون قريبة منكم طبعا موضوعج حلو ويستاهل المناقشة اني من تجارب غيري وعن نفسي اكدر اجاوب على جم نقطة تتعلق بهل الموضوع بأعتقادي لا الشاب الا ذنب باختيار شريكة حياتة ولا البنت الا ذنب انوا اتحب او تختار الي فرض علينا هذا الشي هو تقاليدنا وعاداتنا والمجتمع الي دنعيش بي ومع الاسف مو كل التقاليد او العادات قد تكون صحيحه بهل وقت هذا لان اعتقد احنا بالقرن الواحد والعشرين وصار كل واحد من عدنا اله وجهة نظر تختلف عن الاب والام والجد والعشيرة لذلك دائما مو من السهل سواء للشاب او البنت ان تختار او هو يختار شريكة حياته مثل ميحب لان دائما رح يكون اكو معارضة من قبل الاهل ونسبة قليله جدا ميكون اكو اعتراض والسبب هو يرجع الى الاهل ...
النقطة الثانية مو عيب من الشابة اذا حبت واذا اختارت شريك حياتها اذا كانت واثقه من اختيارها او واثقه من الطرف المقابيلها الي يحبها بالفعل والي واثقه من عنده كل الثقه بس هم رح ترجع في يوم من الايام اذا رادت ترتبط بي واهلها موافقوا او رح يكون اكو اعتراض هاي الشغلات اكيد تاثر , واعتقد الي يقرر يتزوج او يختار شريك او شريكة حياته لازم يفكر 100 مرة يلا يقرر اذا يكدر يكمل حياته ويه هذا الشريك وفعلا يطبق هل الحب الي يحجون عليه الطرفين مو بس حجي وكلام حلو وخلاص اكو اشياء اهم التوافق والاحترام والثقة هاي الشغلات ضرورية يتناقشون بيها الطرفين ويتفهمون هاي الامور حتى بالمستقبل يكدرون يكونون عائلة سعيدة ويسعدون بعضعهم اتمنى انه لا اكون خرجت عن الموضوع بس هذا الي اني مقتنعه بيه وحبيت اوصل الفكرة
السبب اكو من يفكر بس بقلبه اكو لا بس بعقلة والاكثرية بهل الزمن يخافون من قضية الزواج لان دائما نسمع عن تجارب زواج فاشلة قليل ما نسمع عن حياة زوجية مليئة بالحب من هيج خاثي نور لا الشاب مرات اله ذنب ولا الشابة وهم الحظ والنصيب مرات يلعب دور ترى الزواج بزمنا هذا صاير مثل الركية لو احمر لو ابيض انت وحضج بعد وبناتنا وشبابنا ماكو احلى واطيب منهم بهل الدنيا كلها واتمنى لكل العزاب ان يشوفون شريك حياتهم مثل ما هم يريدون ويكونون سعيدين بحياتهم الله يوفق الجميع .
