من يا بشر انت ..

[حكمت البيداري]

شتريد اسميك --- شتريد اوصفك

من يابشر انت --- يا بشر صنفك

وجه بوجه لاكيتك .. عين ابعين خليتك

سلمت والسلام لاالله . رديت --- اسف . اسف اني ما اعرفك

- - - -

انت الكنت عندي اعز احبابي --- احلى ايام عمري فرحة شبابي

بلاسبب صديت عني بلاسبب --- اني الك بس الك مفتوح بابي

اشكيك للباري تعالى --- ياريت تتعذب عذابي

وجه بوجه لاكيتك --- عين ابعين خليتك

سلمت والسلام لاالله . رديت --- اسف . اسف اني ما اعرفك
- - - -

لاتظن طابت جروحي --- لاتظن نساني هجرك

لو كنت انت ساهي --- لو تحب . اتريد اذكرك

شفايفي ياما رسمت آهات --- على شفايفك . فوك صدرك

همه من يشهد عليك --- على نكرانك وغدرك

وجه بوجه لاكيتك --- عين ابعين خليتك

سلمت والسلام لاالله . رديت --- اسف . اسف اني ما اعرفك


                حكمت البيداري
                  2002
http://spaces.msn.com/members/bid54

[aboMareo]

عاشت أيدك أخي العزيز حكمت البداري على هذهِ الكلمات التي كثيراً ما تحدث في الغربة وبالأخص من يفكرون ان الدنيا بس مصالح جميل عندما نكتب من واقع الحياة  .شكراً لك وأتمنى لك الموفقية والازدهار .



†ليحميكم الرب†


أخوكم / مهند الكانون

[حكمت البيداري]

[/b]وأيدك يا ابن كانون البطل .

هذا حالنا وحال الدنيا والناس وما خفيه كان اعظم .

اخونخ .. بيدرنايا

[sarina patio]

شكرا اخي الحنون حكمت ليحمك الرب يسوع


سأظل اتوق مدى عمري

للدفء بملمسِ كفيك

إن كان محالٌ في الدنيا أني ألقاك

فادري اني طول الدنيا ساظل اراك

ساظل انام .... طول الايام...... علّي القاك ... ولو احلااااااام

[حكمت البيداري]

شكرا يا سارينا

لرقة كلامك ومشاعرك النبيلة

امنياتي لك بالصحة والعافية والموفقية .

اخونخ .. بيدرنايا