المحرر موضوع: ذكرى تتذكرها فب بغداد ...  (زيارة 1535 مرات)

0 الأعضاء و 1 ضيف يشاهدون هذا الموضوع.

غير متصل karam_alqoshy2007

  • اداري منتديات
  • عضو مميز متقدم
  • *
  • مشاركة: 5607
  • الجنس: ذكر
  • www.khoranat-alqosh.com
    • مشاهدة الملف الشخصي
    • البريد الالكتروني
ذكرى تتذكرها فب بغداد ...
« في: 14:53 06/12/2007 »
هاي  شباب & صبايا شلونكم ان شاء الله زينين مشتاقين احلى ورود

طبعا اني كاعد على صافن وجتي فكرة حلوة وان شاء الله تعجبكم

والفكرة هي كل واحد يكتب ذكرى الى حد الان يتذكرها وعاشها باحلى عاصمة عراقية (((( بغداد الحبيبية )))  وهو كاعد بدولة اوربية او عربية او غير ذلك او بمحافظات العراق او باي مكان اخر  ويسولف لاصدقائه هذه الذكريات احنة هم فتحنة موضوع اسم ذكريات بغدادنا الحبيبة كل شخص يحب يكتب ذكرى وحدة او اكثر من كرى براحتة...

وان شاء الله يعجبكم الموضوع والفكرة

بغداد لا تتالمي بغداد انتي في دمي

تقبلوا تحياتي
كررررم الالقوشي



غير متصل karam_alqoshy2007

  • اداري منتديات
  • عضو مميز متقدم
  • *
  • مشاركة: 5607
  • الجنس: ذكر
  • www.khoranat-alqosh.com
    • مشاهدة الملف الشخصي
    • البريد الالكتروني
رد: ذكرى تتذكرها فب بغداد ...
« رد #1 في: 14:58 06/12/2007 »
واني اول واحد راح ابدي

بغداد مدينتي التي ولدت فيها وتعلمت فيها اول حروف اللغة العربية بغداد لنا ذكريات كثيرة ايام المدرسة وايام الي جنه نكعد يم الباب والاجمل من ذلك لمه الحلوين ولعب الطوبة وغير ذلك من الالعاب المسلية التي كنا نمارسها

بغداد لن ننساكي الى الابد

بغداد لا تتالمي بغداد انتي في دمي

تحياتي
كرررم الالقوشي

غير متصل MaLeKaT_aL8LoB

  • عضو مميز جدا
  • *****
  • مشاركة: 4820
  • ألهى أليك رجائى
    • مشاهدة الملف الشخصي
رد: ذكرى تتذكرها فب بغداد ...
« رد #2 في: 16:11 06/12/2007 »
يسلمووووو كرم الالقوشى موضوع رائع ........

ذكريات جميله ورائعه نتذكرها في بلدنا وبالاخص منطقتنا الجميله والى الى ذكريات رائعه بيها ممكن اذكرلك وحده منها لما كنا نتجمع شباب وبنات ونلعب العاب منوعه او نكعد نحجى نكت لوقت متاخر لما كان فيه من وقت جميل كان يمر بسرعه وايضا ذكريات المدرسه وشقاوتنا بيها ويه الطالبات لو ويه المدرسات ايام حلوه قضينا ولا زلنا نتذكرها بس احنا بالغربه وصارت هاي الذكريات مثل بلسم النا نتذكرها كل ما يجى وقت نحس بيه بالوحده  ايييييييييييه كرم ذكرتنا بايام حلوه.

شكراا الك كرم

ملكــــــــــة القلوب

غير متصل karam_alqoshy2007

  • اداري منتديات
  • عضو مميز متقدم
  • *
  • مشاركة: 5607
  • الجنس: ذكر
  • www.khoranat-alqosh.com
    • مشاهدة الملف الشخصي
    • البريد الالكتروني
رد: ذكرى تتذكرها فب بغداد ...
« رد #3 في: 16:47 06/12/2007 »
ملكة القلوب ان شاء الله ترجع هاي الايام ونرجع على بغدادنا الحبيبة

مرسي يا احلى ملكة على المورور والمشاركة في موضوعي نورتي الموضوع

تحياتي
كررررم الالقوشي

غير متصل صقر الميكانيك

  • عضو مميز
  • ****
  • مشاركة: 1376
  • الجنس: ذكر
  • لا تيأسن أذا كبوتم مرة ... إن النجاح حليف كل مثابر
    • مشاهدة الملف الشخصي
    • البريد الالكتروني
رد: ذكرى تتذكرها فب بغداد ...
« رد #4 في: 11:29 08/12/2007 »
الله كرم على الموضوع الاكثر من رائع والاكثر من مبدع انت افكارك خرافية

والله هواية مواقف تجمعنة بحبيبتنا بغداد ومن اجمل المواقف الصارت بية هي:

جنت طالب بصف الخامس العلمي بمنطقة الدورة حي الميكانيك بمدرسة تطوان للبنين.
واحنة من طبيعة عادتنة نطلع (نطفر من اخير درس)(ناخذ اجازة من الحايط)ههههههههههههه

ومن طبيعتنة نوكف ناكل فلافل من بعد الدوام اني واصدقائي (الله يذكرهم بالخير).

اكو يم مدرستنة ثانوية للبنات اسمهة (البتول)
قريبة من مدرستنة.

فد يوم اكلنة فلافل وطلعنة للبيت دنروح
شفنة بنات ثنين بس يضحكون صديقي شوية (حرش )كال الا اصجمهم!

كلنالة يابة امشي لتسوي مشاكل كال لا الا اصجم وحدة منهم هو( كلاوجي) جان

مشينة وراهم جان يكوللهة(الله كل هالكيمر ويكول ماكو حليب؟)

اندارت علينة البنية احنة كلنة هذوا بعد راح تصيح اخوانهة (افللللللتتتتتتتتتتووووووو)

اندارت وكلتلة :(جلد ماكو بالسوك هالقندرة منين؟)

وبيومهة ضحكنة عليه ضحك مصاير وهو صار لونة احمر على بنفسجي

وكال هاي توبة واخر نوبة اصجم بنية يكول هاي اول مرة وهيج لعد لو احجي وية وحدة متزوجة شتسوي بية.

وبغداد ايضا تذكرنة بمواقف حزينة جدا

كلتلكم جنت طالب جان عدنة مدرس اسمة محمد هذا جان يحبنة مثل اخوانة ودائما ينصحنة واحنة جنة (شلة) منديرلة بال وجان يكوللنة بس طلعوا خمسين انجحكم شكد مجان يحبنة.

فد يوم واحنة رايحين للمدرسة بعد تقريبا عشر دقايق ونوصل سمعنة صوت طلقات قريبة
احنة خفنة اتفقنا نرجع للبيت (بعد من الله نريدهة) المهم كلنة خلي ندخل بالفروع ونوصل للمدرسة بأمان ونشوف شكو ونرجع للبيت.

حتى احنة بينة تقريبا 12 صديق وصلنا وشفنة دم يم باب المدرسة سألنة طلاب شكو منو كتلوا؟

جاوبونة وكالوا استاذ محمدظربوه تقريبا 15 طلقة وما نظن يعيش.

احنة صفنة وبوقتهة فرحنة كلنة همزين بعد منقرأ انكليزي

بس من اجينة ثاني يوم وتذكرنة شلون جانت معاملتة ويانة صدكوني بجيت عليه بجي مصاير عبالك واحد من العائلة كتلوه وبعد ما سمعت انه هذا المدرس عندة اطفال ثنين انقهرت اكثر ظليت بوحدي كاعد بالزاوية مال مدرسة ابجي حوالي نصف ساعة تقريبا درس كامل
لما اجى احد اصدقائي وقنعني انه الموت واجب على كل انسان وحجى وياية باسلوب رائع جدا وكلي احنة كلنة اخوان واحد يحب الثاني وما تفرقنة بعمرنة ومراح نتفرق ابد من سمعني بهذا الحجي حسيت بأمان وكلي يلا روح غسل واني سابقك عالدرس مو تتأخر اني هم رحت غسلت ودخلت على درس الاحياء اول مطبيت مرة لوخ بجيت كلي المدرس اكعد واذا مسكتت روح اخذ اجازة وروح للبيت ارتاح

وصدكوني شكد اصدقاء خسرت وشكد مدرسين خسرت بس ما اكدر اكول بس الله يكون بعون العراقيين جميعا

اشكرك حبيبي كرم سنحتنى الفرصة لنتكلم عن مدينتنا بغداد ومواقفها بالحلوة والمرة

تحيات اخوك
صقر الميكانيك



















غير متصل lena_wrda

  • عضو مميز متقدم
  • *******
  • مشاركة: 15114
  • الجنس: أنثى
  • لا تفعلوا بالاخرين ما لا تريدونهم أن يفعلونهُ بكُم
    • مشاهدة الملف الشخصي
رد: ذكرى تتذكرها فب بغداد ...
« رد #5 في: 11:31 08/12/2007 »
اني كنت عايشة بالموصل وولدت فيها وعشت فيها طفولتي وكانت اجمل ايام حياتي وايام الدراسة من اجمل الايام

ويسلمو خوني عالموضوع الحلو

غير متصل shakar

  • عضو مميز متقدم
  • *******
  • مشاركة: 30716
  • الجنس: أنثى
  • الرب نوري و خلاصي فمن من اخاف
    • مشاهدة الملف الشخصي
رد: ذكرى تتذكرها فب بغداد ...
« رد #6 في: 11:59 08/12/2007 »
موضوع رائع كرومي اني ولادة بغداد صحيح ابي من زاخو لكن امي بغدادية وجنا نقضي عطلة المدارس  كلها بغداد الرائعة  بيت تموررة جان شمرة عصا على مرطبات الفقمة /كرادة خارج احلى ايام وذكريات والله احنا هسة باستراليا شحدهم اذا يكدرون يسوون لفة مثل لفة فلس مو تمارة الله ذكرتنا بايام روعة عشناها بغداد وزاخو صدكني ماكو اغلى من الوطن.

غير متصل جواهر بغداد

  • عضو مميز متقدم
  • *******
  • مشاركة: 16272
  • الجنس: أنثى
  • I’m not the best but I have my style
    • ياهو مسنجر - Jawaher
    • مشاهدة الملف الشخصي
رد: ذكرى تتذكرها فب بغداد ...
« رد #7 في: 13:06 08/12/2007 »

عاشتن ايدك اخ كرم على الفكرة الحلوة00

اني مولوده بتلكيف بس عايشه ابغداد حياتي كلها وطبعا مجان اكو احلى من ايام المدرسة الي كانت نص المدرسة صديقاتي ومن كافه الاعمار فمجنت اضوج ابدا من الروحه للمدرسة او الدراسه لان الدراسه كانت شاغله كل وقتي وماخذه كل حياتي بس مع الاسف اجى يوم وتركت المكان الي تعلمت وتربيت بيه احلى ايامي بهالدنيا ومكدرت اكمل مدرستي من ورا الاحتلال والاوضاع والتفرقه الي صارت بالمدرسه وابغداد 0


أمنين اجيب الصبر واصبر على بعادك وشلون اواسي الكَلب والروح تحتاجك أدري طريقي صعب و مو هين فراكك بس هذا حكم القدر أتحمل غيابك

غير متصل karam_alqoshy2007

  • اداري منتديات
  • عضو مميز متقدم
  • *
  • مشاركة: 5607
  • الجنس: ذكر
  • www.khoranat-alqosh.com
    • مشاهدة الملف الشخصي
    • البريد الالكتروني
رد: ذكرى تتذكرها فب بغداد ...
« رد #8 في: 18:09 11/12/2007 »
شكرا حبيبي صقر الميكانيك على المرور والكلام الاكثر من رائع واكيد هاي الذكريات ما تنسي ابدا نورت حب

************************
شكرا وردة لينا على الرد والكلام الحلو نورتي موضوعي ويسلمووووووووو

***********************
نورتي خاثي العزيزة جواهر بغداد بمرورج وكلامج الرائع جدا يسلموووووووووو

**********************
شكورة الوردة مشكورة على الكلام الاكثر من رائع يسلموووووووو نورتي موضوعي
&&&&&&&&&&&&&&

تحياتي
كررررم الالقوشي