مشبحوا بكو شوبحي ( سبحوا واسجدوا )
1
مشبحوا بكو شوبحـي مزيحوا بكو زوياحي
شكورو لمريا بزوحي خو اذ رازا مريمـــــا
تاما لخما دخايـــــــــه تاما دبرا دكويــــــــي
مهيمنوا يا حطــــــأي بتنيثا دحكيمــــــــــــا
2
هوله برخا دشينـــــــا خو رازا محيانـــــــــا
لحميلي قام عينــــــــا دبرا يله دلا مومــــــا
ماذ حكيم حنانــــــــــا مر لبا ومرحمانـــــــا
هيو مر كورهانــــــــا شقول درمانا بطيمــا
3
لآدي لحما دقـــــــوي قروون يا زكــــــــاي
طموؤو له يا بأيـــــي خزو له ما بسيمــــــا
للآني مايا دخايــــــي دها قروون صهيـــي
شتو حزاو ما حلويي اخا ايلي بوسامـــــــا
4
او ما شولا معوجبـــا كخاير بكاوه لبـــــــــا
ساو مشيحا مر هيبـا فشله لخما دعلمــــــا
ايميله شيوانــــــــــــا مرحمانا وحنانـــــــــا
دلا كحاين لكينـــــــــا ولا لبسرا ولا لدمــــا
آديله بغراني ( لو كان للافلاك)
1
آديلي بغراني بغرا الاهايا
بكاوه صليوا غلبلي بحيلا مارانايا
اديله ارؤورا بسيما وحلويا
او دطامه منه كطامي خاي دلا فنايا
2
اديلي اوبراني بيرا الاهايا
او دئلي كساغذ كل بيرا ارعانايا
من قيسه كقطبي حايي تا كل حطايا
او دكابر به بمراحوثا كماحه محايا
3
آديلي مشيحاي شرارا الاهايا
بكاوه كمله رمزا عتيقا وقذمايا
بكاوه فنيله ومحيله كل دوحا موشايا
وبكاوه بطله كل قوربانا ناموسايا
4
ايشوع حوبي هلي بلبا دخيا
لقديشوثا آيا دهاون منه مليا
تد هاوي لبي مخ برديسا عذينايا
دكود زيرت تدلا عيقي مني مطوميا
دقوربانا قديشا
مشبحوا بقالي مالاخايي
1
مشبحوا بقالي مالاخايي : لآلاها ملثا 0
كياول خايي الاهاي : تا بني توديثا0
2
تا بني توديثا مشيحيتا : كدابحله قنومي0
بصبرا دكليوم بكل خذا عدتا: لحوسايا دعمه0
3
لحوسايا دعمه حطايا : مشيحا آلاها0
بكو رازا دؤوخارسطا : مبويدا ايله دها0
4
سمبويدا ايله دها بكل رازا: ددوحا دقوذشا0
تد مخوي كما ايله عزيزا : اله برناشا0
5
اله برناشا حلاشا : ماقا موحبا ايله0
مسبابه كل ترزي دحشا : طانه كود مثله
6
طانه كود مثله كل كاوا: ايشوع مخلصانا
كود اهو مبوصمرا رش صليوا مبدل كل كيانا
7
مبدل كل كيانا دلا شنوزيا : زوينتا بكو دمه
كفايش دويحا مشيحا مريا:تشبوحتا لشمه
دقوربانا قديشا
بكو قالي وزوياحي ( بلحن : لمدح المخلص )
1
بكو قالي وزوياحــي وزوماري وشوباحـي
مخدثوخ بصخوثــــا معومقا دلبواثـــــــــــا
كلن بخا حويــــــــاذا محدثوخ لكياناثـــــــــا
مبطلخ لكل عاداثــــا سني دبيشاثــــــــــــــا
2
مزيحوخ لزيافتــــــا نديفتا وقديشتـــــــــــا
دكم اوذلا مشيحـــــا تا تلميذي بفصحــــــا
او الاها ملثـــــــــــا طالن اخني بأيــــــــي
بيشا ايلي دوحثـــــا وميخولتا دخايــــــــي
حو طوسا دلحميلي هل آخا كحازوخلـــــه
3
من باثر عشايــــــا خرايا دأيخلــــــــــــــه
مكوملوا له طوســا عتيقا دناموســـــــــــا
شقله مارن مشيحا او بصحا دقذميـــــــي
وآهو بشلي بصحـا تا خايي مشيحايــــــي
هوله بغره ودمـــه تا تلميذي دعمـــــــــه
4
هادخ مكومل والي مخلصانا وبقذ والــي
اذ دوحا شميانـــــا بسيما محيانـــــــــــــا
لتلميذي مسوبيلــه وآني تا كهنــــــــــــي
دأخليله وشاتيلـــه كل ان صهيي وكبيني
كفيني تا طاوتـــــا صهيي لروحانياثــــــا
دقوربانا قديشا لعيذا دبغرا
( بقال انا انا لحما )
1
عيذا ايله اديـــــــوم عيذا دبصحوثـــــا
عيذا ايله دحوبــــــا تا كرسطيانوثـــــا
بكاوه كميقــــــروخ لبغرا وذبحثــــــــا
ايشوع مشيحـــــــا الاها ملثـــــــــــــا
2
ايشوع قوربانـــــــا هوله بكاوه عيدتا
كليا ريش مذبحــــا طوسا دكاغولتــــا
بسبرا الــــــــــــــن بكو مشتقوثــــــــا
تا دآثخ لكيبـــــــــه بكو مكيخوثــــــــا
3
هيو مشيحايــــــــا هيو لاذ بيثـــــــــا
هيو دزيروخلـــــه روازا دملكوثــــــا
مسبب حوبوخون هوله باذ دوكثــــا
مفويدا بقوربانـــا كبايش ميخولتــــا
4
طيبوثا ورحمـــي باي دبنا بثحتــــــا
حوبا وبئيوثـــــــا بشقيثا رويحتـــــا
كله او لبــــــــــــا كبايش نوطبثــــــا
مقروخ كيانــــــن قم أن خزناثـــــــا
5
اذيله لحمـــــــــــا نحيثا من شميـــــا
كود اخل منـــــــه بكو لبا صبيــــــــا
بد قاوي وزاخـــم ان ديله ربيـــــــــا
ولا كطامه موثـــا بد بايش مشونيــا
يا مشيحايي
( بقال : شكروخ وسغذوخ )
1
يا مشيحايي : يالي بريخي دعيدتا كويثـــا
مسقو ليشوع : تشبحياثــا بكاو بصيحوثا
مبدل طوتا : دلته طيمـــــا دكــــــم ياولن
بكو قوربانا : دهاوي دبـرا تـــــــا كياناثن
2
هوله مبويدا : بكاميلوثـــــا بآني كدشــــي
بكاو ناشوثه : وآلاهوثـــــه بدبيتوثــــــــــا
روحاناي : بد حسميــــــــوا ان بريــــــــاوا
بطوا ربا : دقنيليهـــــــــــي ارعانـــــــــاي
3
لا ارؤورا : مخ قذمايــــــي كمياولـــــــــن
بغره ودمه : دريله قامـــــن تا ميخولتـــــا
خديكد طيرا : دميره داويـــذ بكو مزموري
كمشتي يالي: مدمه دخيـــــا تد لا صاهــي
4
حذا نطوبتا : كمليا مـــــاري دمحلالــــــــي
سمن طميوثا : دحطياثــــي دلا منيانـــــــا
ايشوع سوري: ديوت كسيا بكو قوربانــــا
كقارن لكيبوخ: بشتيخنتــــا لا شوقتـــــــن
زوماري تا ايقارا دمارن ايشوع مشيحا
1
يا ايشوع مريـــــــــــــــا آلاهن بئيـــــــــــــــــا
مشبحوخ ومزمروخلوخ بخا لبا صبيـــــا(تني)
2
كبيرا حطيلــــــــــــــــــن ولبوخ ممريلــــــــن
كمرجوخ شووق طالـــن وهم مراحم الن(تني)
3
كود كها درحقــــــــــوخ وناموسخ شوقــوخ
كميري خايـــــــــــــــــن وبش كبيرا كعيقوخ
4
هلن دعبدوخلـــــــــــــخ ودايم دخدموخلــوخ
وهم خاين كلـــــــــــــي فانوخلي طالــــــوخ
5
كلن كبوخلـــــــــــــــوخ ولبن كياوخلــــــوخ
تا دبش كبيــــــــــــــــرا بخاين بائخلـــــــوخ
6
ان علما كلـــــــــــــــــه درقولن قملـــــــــــه
لبن من حوبـــــــــــوخ قط لا كفرشوخلـــــه
يا دنخثلى ( بقال : بريخ بر طاوا )
1
يا دنخثله من روما دربوثا شريله بكاسا دمريم طوانيثا
من كنسن شقله ناشوثـــــا مخولصله لآذم معودوثــــــا
هل ستاذي تد خاهــــــــــخ بروحا دمكيخوثـــــــــــــــــا
2
يا دهويله بيث لحيم ابرثا لمكموله رمزا دنويوثا
ملاخي نخثلي سيعاثــــــا موقرولي طاله سغداثا
سقبول منن زميراثــــــــا وشوباحي وقيناثـــــــا
3
يا دعوذله خيلي وعجبواثا يا دموسويئله كبينا بكو ربواثا
دشوقله مومي وخطياثـــــا وقبله مخسي وزناياثــــــــــــــا
شوق طالن بكو رحمـــوخ حطاهي ونازانواثـــــــــــــــــــا
4
دئوذله عجيبواثا ربثـا دبصحا بعشايا خريثـا
بكو حوبا دلته وصبرا هوليلن بغره ميخولتا
هل طالن دباؤخلـــوخ بكل زوني وشاعاثـــا
5
يا ددعتله دعثا دمانايتـا يا دقبله لومي ورزيلوثا
ومخاياثا دلا مرحمانوثا زكايا حكمليلي بموتـــــا
مندفلن بكو حشــــــوخ من كيوي دخطيثــــــــــا
6
يا دموطئني او صليوا يقورا يا دموسقلي لكاغولتا رش طورا
دلا رحمي بشله مبوسمــــرا دطئنه كيوا مريـــــــــــــــــــــــرا
مبسمر حوبخ بلبـــــــــــــــن وملهي بكاوه نــــــــــــــــــــــورا
ايشوع بارايي( بلحن يسوع ربي)
1
ايشوع بارايي : عزيزي وخايي
شوبروخ ميوسيره : هوني هم لبي
2
كلي ملاخي : كمجبي بشوبروخ
بليلي ويوما : كمشبحي تا شمخ
3
يا طوثانوثي : ونيخوثي وحبي
مباسملي جرحي : دكياني وبغري
4
نبوءا شبيعا : دطوتا ورحمي
اسيا طاوا : وحكيما تا كريهي
5
ادم نبله : ومنوخ ميوتمله
وكنسا كله : مخطيثه طبيواله
6
نخثلوخ من شميا : واذ بغرن شقلوخ
لخطيثا مورحقلوخ : منن بموثوخ
7
دمقلقل لعوني : ايشوع مخلصاني
ستوري بلبخ : من دشمن دكياني
8
يا بهرا دأيني : وبصخوثا دلبي
شوبرا ديوخ : كملي تا سولايي
9
شمو شتيخنياثي : قبول شبلبتي
شوق طالي عولي : وكلي بيشاثي
عينا خليثا ( بقال : مارن ايشوع)
اينا حليثا : دجقله رومحا : ديودايوثا
دمنه شتيلي : عمي غميطي بكو حنبوثا
دشبوخ للبن : دكمبشله : حوما دحطيثا
دمسقوخ طالخ : شوحا وشكر : بدايموثا
يا خزنتا : دستيراثا : دبثحله رومحا
دمنه اتيري : بابن اذم : شليحا مشوبحا
معتر بكاواه : مسكينوثن : سغيذا مشبحا
دتاني كمن : تشبحياثخ : ملكا مشيحا
حوبوخ رابا : كمصالولوخ : رش كاغولتا
بثخله دبنخ : دجاري رحمي : الد برياثا
منه كطلبوخ : تد ياولن : نيتا صبيثا
دكبروخ بعلما : وشهوتياثه : وغلبوخ لموثا
مني بياول : يا باراين : دفانوخ بحوبوخ
دلاهي وطابه : بكاواياثن : نورا دلبوخ
دبرئوخ قصا : ديني رابي : دالن ايتوخ
بكاوي آي رومحا : دمسبابن : جقلا دبنوخ
هيو زالن طويعي بروشما : دمعموديثا
وشاتخ مأينا : درش كاغولتا : صبيثا حليثا
وراووخ بخمرا : دبشله عصيرا : بكو لوكايتا
كمبصخ للبا : كمرحق حشا : وكلي عاقاثا 0
يا مريا مراحم ( يارب ارحمنا )
1
يا مريا مراحم ::: الن حطايي / تني
هول دأرن لكيبوخ يا ايشوع ::: كلن تياوي / تني
2
هوخ ميوسري بكاود ::: قيدي دخطيثا / تني
دتووري قيدن يا ايشوع ::: وهلن آزوثا / تني
3
مراحم يا ايشوع ::: حون لمحيلوثن / تني
مشاديره عاونخ يا ايشوع ::: دساند ربيوثن / تني
4
شيوانا طاوا ::: ايشوع مخلصانا / تني
نطور ارووخ ايشوع دلا مساكر:::بكو دموخ زوينا/ تني
5
آيت وت بابن ::: الاها درحمي / تني
لتن كير منوخ يا ايشوع ::: يا ياما دنعمي / تني
6
مثبتلن ستاذي ::: بنصيوا ديالي / تني
تا دشماوخ قالوخ يا ايشوع ::: من بارا ديمني / تني
لكيبي كلوخن ( بلحن يارب ارحمنا )
1
لكيبي كلوخن ** جهي بخطيثا – تني
هياو كقارتن يا ايشوع ** شقولو نيخوثا – تني
2
بمرمن مخاصوخون ** طئني وكاراثا – تني
مقلقلن ميروخ يا ايشوع ** ميوقرا دبيشاثا – تني
3
خديكد تانايثوخ ** الاها ملثا – تني
كمرموخلي اينن يا ايشوع ** صوبوخ بكريوثا – تني
4
بنيرا دساطانا ** خرقلي فقراثا – تني
ديالي ديوخ يا ايشوع ** وفانيلي كياناثا – تني
5
معومقا دبيشاثا ** بشتيخنياثا – تني
شري منن كقروخ يا ايشوع ** نيرا دعودوثا – تني
6
مليا ايله نيروخ ** كل بسيموثا – تني
بكاوه ايسورن يا ايشوع ** هل شاعا دموثا – تني
7
بكرتوخ قلولتا ** دقانوخ حيروثا – تني
ومن لبوخ يلبوخ يا ايشوع ** ميلا نيخوثا – تني
8
بلخونا دعولا ** قرمله سميوثا – تني
وموخشكلا لبن يا ايشوع ** منوهرا وايذعثا – تني
9
طعيلن من كاوتوخ ** بكو مراحوثا – تني
مطعيوثا كروشلن يا ايشوع ** لأورخا دحقوثا – تني
كشكروخ وكسغدوخ ( نشكر ونسجد )
1
كشكروخ وكسغذوخ + + يا باراين الد شموخ / تني
دآيت مريا ولوخ + + طالن آدي رازوخ / تني
2
دايم كطلبوخ لا أوذتن + + رحوقي منوخ / تني
الا هلن دخ ديولخ + + تا تلميذخ / تني
3
مارن ميري بأيونكاليون + + تا مهيمني / تني
هيو لكيبي كل ان كبيني + + وهم أن صهيي / تني
4
او دآخل لي وشاتي مدمي + + بكاو حقوثا / تني
قط لا كابن وهم لا كصاهي + + بدايموثا / تني
5
آدي رازا كود شاقله + + بحطياثا / تني
كهالك كيانه امد ايهوذا + + بشلهويثا / تني
6
آدي رازا كل دشاقله + + بكو تياووثا / تني
كشاقل بكاوه نعمي ورحمي + + دأيشوع ستاذخ / تني
7
تيوو حطايا بخيا ودمعي + + من حطياثوخ / تني
هيو قرو شقول بغرا ودما + + دأيشوع ستاذوخ / تني
