كل شي تغير في بلدنا ...(مناقشة)

[karam_alqoshy2007]

لا بالبداية احب اسلم على اعضائنا الورود ان شاء الله الجميع زينين واكيد مشتاقين الكم هواية بس بسبب الامتحانات ما اكدر احضر للمنتدى هواية

حبيت انزل موضوع بهل الايام الكلام صار الجدل عليه هواية فحبيت اخذ ارائكم حول هذا الموضوع وكل واحد يعبر عن رئية وبحرية كاملة لان على كولة الحكومة احنة بزمن حرية

كل شي تغير في عراقنا العظيم هل هذه هي المشاكل الرئيسية التي نحتاج ان يغيروها لكي يزهو العراق
لا كهرباء .... لا ماء ... لا نفط ... لا بانزين .... لا غاز .... ولالالالالالا يوجد الكثير من
*************
واليوم غيروا علمنا العراقي الذي لطالما كان عاليا في ارجاء العراق وبكل بيت يوجد علم مرفوع في اعلى مكان هذا علمنا الذي اليوم الذي سجل في سلسلة التغيرات التي تحدث في عراقنا
مع كل الاحترام الى الاكراد لانهم اخواننا لانهم جزء من عراقنا ويتمتعون بكل الحقوق التي يتمتع بها الطوائف الاخرى (ولكن الان لا توجد حقوق لاي انسان منا مع الاسف الشديد )
لماذا لم يرفعوا علم العراقي الذي تتواجد به الثلاث نجمات هل هي ممنوعة ان تدخل اراضي كردستان الحبيبة ام ماذا ؟؟؟؟

قد نرى الجدل الان وفي هذه الايام بالذات حول التغير منهم من يقول ان الحكومة قد غيرت العلم لها فقط لكن نحن لا نغيرة
ومنهم من يقول عاشت الحكومة على تغير هذا العلم والعلم الجديد على راسي
ومنهم من يقول لماذا لم يهتموا بالمشاكل الكبيرة بدل ان يهتموا بتبديل العلم
والكثير من الاراء لو قلتها لا تكفي صفحات المنتدى في كتابتها

علم العراق الذي يهز السموات من اسمة ويحمل اجمل جملة وهي ( الله واكــــــــبـــــر)

هذا هو علم الجديد الذي .........



هذا علمنا لا اقول القديم لانه سوف يبقى في قلب كل عراقي و يجب علينا ان لا ننساة مهما حصل لانه جزء منا وجزء من العراق

احبتي الاداريين والاعضاء الورود هذا هو رئي وبصراحة تمنيت ان انزل الموضوع اول يوم غيروا العلم لكن كما قلت كان لدي امتحانات
اعضاء منتدى عنكاوا الورود الاداريين المحترمين
كل من يدخل على هذا الموضوع يكتب ريئة والصراحة كما قلنا هي راحة الانسان
اذا لنجعل للانفسنا راحة افكارنا ونكتب ما يوجد في قلبنا
واسف اذا جرحت احد من اعضائنا الورود لكن هذا هو حالنا العراقيين الان

وارجو من كل الاعضاء ان لا يكتبوا كلام فيه تجريح للآحد

بقلمي الذي ينزف دم
كـــرررم الالقوشي

[Noor Al Shams]

صحيح ياكرم لازم يكون النا علم جديد يناسب عراقنا الجديد بس مو هل العلم الي اختارو اني عندي واحد احسن ومناسب اكثر بس مع الاسف مكدرد اوصله الهم وراح اخلي بنهاية الرد ..طبعا صدفا فتحنا التلفزيون وجانو  ديختارون علم الحديد متنا من القهر.

مكان ميغيرون العلم خلي يغيرون ادمغتهم المتخلفة مو مو احسن؟

ويسلموووووووووووو

[fadi_lion17]

عاشت  ايدك  حبي  كرم  للموضوع....
وفعلا  هذا  الشي  الذي  صار مخزي  بشكل  غير  طبيعي   يعني  هل  شي صار  صعب   وكيف  سيفكر  المواطن  العراقي  او  المواطن  العربي  كيف  سيفكر  في  هل  شي  وماكول  غير  الله  يكون بعون  كل  عراقي

[lena_wrda]

لا اقول شيء سوى الرب يحمي العراق وشعب العراقي وخاصة مسيحيين العراق

واتمنى ان تتحسن الظروف وتعود افضل من السابق

ويسلمو على الموضوع خوني

[a7la_iraqia]

اي والله كلامك صح كلشي تغير في بلدنا الغالى

يعني ما كفاهم حرمونا من ترابنا وارضنا
وهججونا من بلدنا وتالى متالى اجو على العلم وشافو زايد علينا حتا يغيرو
خلي يغيرو ضمائرهم وجيبون  الفائدة للبلد وبعدين يفكرون بهلئمور
بس هذا العلم مطبوع بقلوبنا وما يتغير ابد بضميرنا
وهذا علمنا 



شكرا اخ كرم على الموضوع المهم
تحياتيـــــــــــ الكـــــــــــ


**مع حــــــــــــبي احلــــــــــى عراقــــــــــــية**

[FAITHFUL]

موضوع حلو حبيبي كرومي بس تعليقي علي انه ليس بالاعلام ولا بالالوان اللتي نشعر فيها لبلدنا لكن يجب علينا ان نغير اعلام صدورنا من الكره الى المحبة ومن القسوة الى التعاون ومن حب الذات الى حب الاخريين وغيرها من الامور اما شغلت الاعلام وغيرها من الامور ليست ذات معاني جوهرية سوى ان الجوهر هو العراقي نفسه كيف يعيش الحب بسلام وفرح تقبل مروري حبيبي تحياتي

[karam_alqoshy2007]

نور الشمس هذا العلم ما يخلو لان يعرفون همه عدهم اغلاط هواية واكيد هذا العلم يطلع العيوب الي بيهم
نورتي موضوعي بكلامج الحلو يا وردة يسلمو على الرئي القيم
&&&&&&&&&&
فادي نورت موضوعي بمرورك الدائم على مواضيعي وابداء رئيك الحلو
همه يريدون المواطن العراقي يدوخ
&&&&&&&&&&
لينا الوردة اكيد يجب ان نحمد الله على كل شي لكن يجحب علينا ايضا ان نتكلم بحريتنا لاننا بزمن حرية كما يدعون
نورتي الموضوع بمرورج وردج الحلو يسلمو يا وردة
&&&&&&&&&
احلى عراقية اكيد سامعه بمقولة كالوها النا قبل (يمضون ونبقى) لكن الشعب العراقي المسكين افتهمه بالعكس احنة مضينا وهمه بقوا
نورتي موضوعي بكلامج الرائع جدا يسلمو يا وردة
&&&&&&&&&
فيذ كلامك حلو وانا سوف اقف عند هذا التعليق الذي كتبتة هل لنا ان نسال حكومتنا لماذا غيرتوا العلم
بس اني برئي الحكومة حلت مشاكل العراقيين كلهم بس تريد مشسكلة وحدة حتى تحلة دوروا بالجنط مالتهم والمكتبات فشافوا مشكلة العلم بس باقية الظاهر هيج هي حكومتنا
الشعب العراقي شبع مشاكل وماكو ولا حل بس شغلة العلم من رادو يحلوها حلوها بيومين وباجر راح يرفعون العلم باقليم كردستان
نورت الموضوع فيذ بكلامك واكيد احترم رئيك الحلو

تقبلوا تحياتي
كرررم الالقوشي(ابن العراق)[/size]

[karam_alqoshy2007]

لماذا تـغيـير العـلم العـراقي هـذا العـلم لـف شـهداء العـراق بجـمـيع طوائـفهم وألـوانهم وأنتـمائاتهم هـذا العـلم الـذي رفـرف بـالفرح والنـصر علـى الأعـداء

هذا العلم الذي حملة ابطال اسيا
هذا العلم الذي حملة اطفال العراق
هذا العلم الذي يرفعة كل يوم خميس في مدارس العلم

علمنا العراقي يبقى قي قلوبنا الى الابد

تقبلوا تحيات ابن العراق
كـــررم الالقوشي

[roseleanda]

صحيح ياكرم لازم يكون النا علم جديد يناسب عراقنا الجديد بس مو هل العلم الي اختارو اني عندي واحد احسن ومناسب اكثر بس مع الاسف مكدرد اوصله الهم وراح اخلي بنهاية الرد ..طبعا صدفا فتحنا التلفزيون وجانو  ديختارون علم الحديد متنا من القهر.

مكان ميغيرون العلم خلي يغيرون ادمغتهم المتخلفة مو مو احسن؟

ويسلموووووووووووو

بالفعل كان يغيرون ادمغتهم واسلوب اللي يتبعوه هناك ويفكرون كيف يساعدون ويخلصون المضلومين مو يفكرون بالاشياء الثانوية لان العلم هو مجرد رمز للبلد لا اكثر المهم هو كون الناس مرتاحة هناك.

يسلمو على الموضوع

تحياتي
روزالــــــيندا

[جواهر بغداد]

عاشت ايدك خوني كرم على الموضوع الحلو للمناقشة

بصراحه كلشي تغير وصار من شيئ الى أسوء بس اني ما اكول غير الله يشوف ويحاسب والله كريم

[karam_alqoshy2007]

روزالــيندا  كلام رائع يسلمو على المرور الحلو والرد الاحلى .... همه يعرفون كل شي بس همه يريدون هيج يسون بس الله كريم

جواهر الوردة نورتي موضوعي بمرورج وردج الحلو يسلمو يا وردة

وعلمنا الي بي نجمات الثلاثة سوف يبقى مرفوع في قلوبنا وبيوتنا
والعلم الذي انتج حاليا هو فقط لهم وليس لكل الشعب العراق

تقبلوا احلى تحياتي
كرررم الالقوشي ( ابــــــــ العراق ـــــــن )