إلى كل مغترب عن العراق

[فادي تلسقوفي]

هلووو أعضاء منتدى عنكاوه  أن شاء الله تكونون بخير

احببت ان انزل هذا الموضوع لنعرف ما هي اجوبتكم عليها

في اي بلد انت مغترب ؟؟

كم سنة صارلك مغترب ؟؟

اكثر شي عجبك في بلاد الغربة ؟؟

اكثر شي لم يعجبك في بلاد الغربة ؟؟

متى اخر مرة زرت فيها العراق الحبيب .؟؟

هل اشتقت لبلدك الغالي ؟؟

عندك اقارب بالبلد اللي انت مغترب بيه ؟؟

منو اكثر انسان\ة افتقدته بغربتك ؟؟

شنو الشي اللي بالبلد اللي انت بيه تتمنى يكون بالعراق ؟؟

تحب البلد اللي انت مغترب بيه ؟؟ واشون تشوف اهله وناسه ؟؟

هل اكملت دراستك بالغربة ؟؟ اذا نعم اشون شفت موادهم ودراستهم ؟؟

اكلة نفسك بيها وماموجودة يمكم ؟؟

هل تحس بالوحدة كثيرا ؟؟

هل ابكتك الغربة ؟؟

منو اكثر شخص اشتاقيتله وتتمنى اتشوفه هاللحظة ؟؟

تتمنى ترجع لبلدك ؟؟

اشونك\ي هسه مرتاح\ة تكيفت\ي بالوضع اللي انت بيه ؟؟

دعوة تهديها للعراق ولكل المغتربين ؟؟


نتمنى المشاركة من جميع المغتربين

املين ان يعيدكم الله للعراق بعد ان يعود الأمـــــــان
 

مع تحياتي

أخوكم فادي تلسقوفي

أرجو يعجبكم الموضوع

[nenoN]

في اي بلد انت مغترب ؟؟  اليونان

كم سنة صارلك مغترب ؟؟  سنتين و3 شهور

اكثر شي عجبك في بلاد الغربة ؟؟  الامان بس

اكثر شي لم يعجبك في بلاد الغربة ؟؟  ناسهم ومعاملتهم للناس

متى اخر مرة زرت فيها العراق الحبيب .؟؟  من طلعت منة مشفتة

هل اشتقت لبلدك الغالي ؟؟  هوووووووووووووووواية

عندك اقارب بالبلد اللي انت مغترب بيه ؟؟  يعني قليل


 منو اكثر انسان\ة افتقدته بغربتك ؟؟  اهلي


شنو الشي اللي بالبلد اللي انت بيه تتمنى يكون بالعراق ؟؟  ان يعم السلام والامان

تحب البلد اللي انت مغترب بيه ؟؟ واشون تشوف اهله وناسه ؟؟ لامو خوش بلد ولا خوش ناس

هل اكملت دراستك بالغربة ؟؟ اذا نعم اشون شفت موادهم ودراستهم ؟؟  لا مكملت


اكلة نفسك بيها وماموجودة يمكم ؟؟ كلشي موجود بس مو نفس  طعم  الاكل الي بل عراق

هل تحس بالوحدة كثيرا ؟؟  كلش هواية

هل ابكتك الغربة ؟؟  اي طبعااااااااا وهواااية


منو اكثر شخص اشتاقيتله وتتمنى اتشوفه هاللحظة ؟؟ اهلي واقربائي


تتمنى ترجع لبلدك ؟؟ اتمنى بس حلم بعيد بس انشاء الله نرجع فد يوم

اشونك\ي هسه مرتاح\ة تكيفت\ي بالوضع اللي انت بيه ؟؟ لا ماكو راحى هنا ماكو استقرار

دعوة تهديها للعراق ولكل المغتربين ؟؟ الله يحفظم  ويخليكم انشاء الله تفرج على كل العراقين

شكرا اخوني فدو على الموضوع الرائع الي انحس بية دنتكلم مع احبابنة واهلنة

[فادي تلسقوفي]

يسلمووووو احلى ورود على متابعة المواضيع اشكركم على رد موضوع بجعة وا نينون نورتو احلى عضاء

تحياتي فدوووووو

[hewy]

شكرا على الموضوع يا اخي فادي والف الحمد لله مازلت تحت ظل  بلدي الغالي عراقي الحبيب 

[ريتا البغداديه]

موضوع حلو فدووووو عاشت ايدك بس اني بعدني بغداد عاشت يدك خوش معلومات حلو

اختك ريتا

[هند العراقية]

 

 

في اي بلد انت مغترب ؟؟  سوريا

كم سنة صارلك مغترب ؟؟  سنتين

اكثر شي عجبك في بلاد الغربة ؟؟ العراقين ايد وحدة

اكثر شي لم يعجبك في بلاد الغربة ؟؟ احس اني وحدي

متى اخر مرة زرت فيها العراق الحبيب .؟؟  من سنتين

هل اشتقت لبلدك الغالي ؟؟ كثيرآ

عندك اقارب بالبلد اللي انت مغترب بيه ؟؟ اي بس مو هواية

منو اكثر انسان\ة افتقدته بغربتك ؟؟  بابا

شنو الشي اللي بالبلد اللي انت بيه تتمنى يكون بالعراق ؟؟ وحدة العراقين

تحب البلد اللي انت مغترب بيه ؟؟ واشون تشوف اهله وناسه ؟؟ لا ما احب واهلة وناسة مثل الوحوش مع الاسف

هل اكملت دراستك بالغربة ؟؟ اذا نعم اشون شفت موادهم ودراستهم ؟؟ لا لم اكمل

اكلة نفسك بيها وماموجودة يمكم ؟؟ كلشي موجود

هل تحس بالوحدة كثيرا ؟؟ كثيرآ

هل ابكتك الغربة ؟؟ كل يوم تقريبآ

منو اكثر شخص اشتاقيتله وتتمنى اتشوفه هاللحظة ؟؟ صديقتي وبابا

تتمنى ترجع لبلدك ؟؟ لا

اشونك\ي هسه مرتاح\ة تكيفت\ي بالوضع اللي انت بيه ؟؟ تكيفت وتعودت

دعوة تهديها للعراق ولكل المغتربين ؟؟ اهدي للعراقين كافي اتوحدو وللمغتربين الله يساعدكم


نتمنى المشاركة من جميع المغتربين

املين ان يعيدكم الله للعراق بعد ان يعود الأمـــــــان
 


 

شكرآ فادي على الموضوع الحلو تقبل مروري

[brata at dora]

في اي بلد انت مغترب ؟؟  المانيا

كم سنة صارلك مغترب ؟؟  11

اكثر شي عجبك في بلاد الغربة ؟؟ الحقوق النظام الواجبات الامان طبعا

اكثر شي لم يعجبك في بلاد الغربة ؟؟ كلشي يعجني

متى اخر مرة زرت فيها العراق الحبيب .؟؟  1999

هل اشتقت لبلدك الغالي ؟؟ لا سابقا بس للمدرسه والكنيسه بس هسه بصراحه لا

عندك اقارب بالبلد اللي انت مغترب بيه ؟؟ لا مع الاسف
منو اكثر انسان\ة افتقدته بغربتك ؟؟  اخي الوحيد

شنو الشي اللي بالبلد اللي انت بيه تتمنى يكون بالعراق ؟؟ كلشي

تحب البلد اللي انت مغترب بيه ؟؟ واشون تشوف اهله وناسه ؟؟ اكيد احبه حتى لو كانو ناسه بعض الشي عنصرين

هل اكملت دراستك بالغربة ؟؟ اذا نعم اشون شفت موادهم ودراستهم ؟؟ لم اكمل الدراسه فقط درست اللغه وانشاء الله راح اسوي شهاده الحلاقه

اكلة نفسك بيها وماموجودة يمكم ؟؟ كلشي موجود

هل تحس بالوحدة كثيرا ؟؟ لا

هل ابكتك الغربة ؟؟ اول سنتين

منو اكثر شخص اشتاقيتله وتتمنى اتشوفه هاللحظة ؟؟ اهلي ...........

تتمنى ترجع لبلدك ؟؟ لا

اشونك\ي هسه مرتاح\ة تكيفت\ي بالوضع اللي انت بيه ؟؟ الحمد الله اتمنى لكل العراقين  نفس الشي

دعوة تهديها للعراق ولكل المغتربين ؟؟ اهدي للعراقين الراحه والامان وانشاء الله ان يجي يوم ونشوفهم يتمتعون بنفس الي نتمتع بي وللمغتربين اتمنى ان لايتفرقو بالعكس يتوحدو ويهتمو باولادهم اكثر

امييييييييييييييييييييين


brata at dor

[rafil_iraq]

في اي بلد انت مغترب ؟؟ سوريه

كم سنة صارلك مغترب ؟؟ 3 سنوات

اكثر شي عجبك في بلاد الغربة ؟؟ الامان

اكثر شي لم يعجبك في بلاد الغربة ؟؟الوحده

متى اخر مرة زرت فيها العراق الحبيب .؟؟منذ 3 سنوات

هل اشتقت لبلدك الغالي ؟؟ اكيد وكثير اشتقت

عندك اقارب بالبلد اللي انت مغترب بيه ؟؟ اي بس كلهم سورين

منو اكثر انسان\ة افتقدته بغربتك ؟؟ اهلي

شنو الشي اللي بالبلد اللي انت بيه تتمنى يكون بالعراق ؟؟ الامان
تحب البلد اللي انت مغترب بيه ؟؟ واشون تشوف اهله وناسه ؟؟ هو حلو بس مو احلى من العراق بس الناس شوي يحشرون نفسهم في اشياء ليس لهم داخل بيها وانا اكره هذا الشي

هل اكملت دراستك بالغربة ؟؟ اذا نعم اشون شفت موادهم ودراستهم ؟؟ لا

اكلة نفسك بيها وماموجودة يمكم ؟؟ ماكو شي محدد تقريبا كلو موجود

هل تحس بالوحدة كثيرا ؟؟  نعم كثيرا احس بالوحده

هل ابكتك الغربة ؟؟ اي اكيد

منو اكثر شخص اشتاقيتله وتتمنى اتشوفه هاللحظة ؟؟ كرايبي بالعراق كلهم

تتمنى ترجع لبلدك ؟؟ لا بس اذا اتعدل الوضع انشالله

[karam_alqoshy2007]

موضوع رائع حبي فادي لكن احمد الله واشكره من كل قلبي لانني ما زلت في بلادي الحبيبة وسوف لن اترك بلدي مهما حصل
لن الانسان بلا وطن مثل الانسان بدون بيت يسكن فيه لكن هذه هي ضروفنا ومع الاسف كل شخص منا تغرب عن بلدة
لكن اتمنى من الله سبحانة وتعالى ان يتحسن وضعنا الامني ويرد كل منا الى بيتة وعائلتة الى كل ابن يرجع الى احضان والدية ... كل ام ترجع الى ابنائها العزيزين على قلبها

                        يا عراق لا تفكر يوما اني سوف اغادرك

تقبل احلى تحيات ابن العراق
كررم الالقوشي

[atoreta82]

في اي بلد انت مغترب ؟؟ المانيا

كم سنة صارلك مغترب ؟؟ 4 سنوات

اكثر شي عجبك في بلاد الغربة ؟؟ الديمقراطيه وحريه الرأي

اكثر شي لم يعجبك في بلاد الغربة ؟؟/

متى اخر مرة زرت فيها العراق الحبيب .؟؟منذ خروجي منه قبل 4 سنوات

هل اشتقت لبلدك الغالي ؟؟ أكيد طبعا

عندك اقارب بالبلد اللي انت مغترب بيه ؟؟ نعم

منو اكثر انسان\ة افتقدته بغربتك ؟؟ أهلي

شنو الشي اللي بالبلد اللي انت بيه تتمنى يكون بالعراق ؟؟ الحريه الدينيه

تحب البلد اللي انت مغترب بيه ؟؟ واشون تشوف اهله وناسه ؟؟ نعم   بيهم الزين وبيهم الشين

هل اكملت دراستك بالغربة ؟؟ اذا نعم اشون شفت موادهم ودراستهم ؟؟ لا  بس راح اكمل قريبا

اكلة نفسك بيها وماموجودة يمكم ؟؟ الخبز عراقي

هل تحس بالوحدة كثيرا ؟؟ أحيانا

هل ابكتك الغربة ؟؟ عندما اتذكر اهلي وجيراني

منو اكثر شخص اشتاقيتله وتتمنى اتشوفه هاللحظة ؟؟ صديقه  عمري

تتمنى ترجع لبلدك ؟؟ حاليا لا

اشونك\ي هسه مرتاح\ة تكيفت\ي بالوضع اللي انت بيه ؟؟ الحمد لله

دعوة تهديها للعراق ولكل المغتربين؟؟؟ أتمنالهم الصحه والسلامه وان يجمع كل واحد باهله

[فادي تلسقوفي]

يسلمووووو احلى ورود على ردودكم حلوه على متابعة الموضوع

hewy

ريتا البغداديه

هند العراقية

brata at dora

rafil_iraq

karam_alqoshy2007

atoreta82

نورتو الموضوع تحياتي لكم فدوووو

[riva alan]

في اي بلد انت مغترب ؟؟المانيا

كم سنة صارلك مغترب ؟؟8سنوات

اكثر شي عجبك في بلاد الغربة ؟؟الأمان

اكثر شي لم يعجبك في بلاد الغربة ؟؟هواية شغلات مثل ناسها ودايماً جوها كئيب

متى اخر مرة زرت فيها العراق الحبيب .؟؟سنة 2005

هل اشتقت لبلدك الغالي ؟؟طبعاً هوايا اشتاقيت

عندك اقارب بالبلد اللي انت مغترب بيه ؟؟بس اهل زوجي

منو اكثر انسان\ة افتقدته بغربتك ؟؟امي

شنو الشي اللي بالبلد اللي انت بيه تتمنى يكون بالعراق ؟؟الامان

تحب البلد اللي انت مغترب بيه ؟؟ واشون تشوف اهله وناسه ؟؟يعني

هل اكملت دراستك بالغربة ؟؟ اذا نعم اشون شفت موادهم ودراستهم ؟؟لا

اكلة نفسك بيها وماموجودة يمكم ؟؟كل اكل العراق يسوى الدنيا كلها

هل تحس بالوحدة كثيرا ؟؟نعم

هل ابكتك الغربة ؟؟هوايا

منو اكثر شخص اشتاقيتله وتتمنى اتشوفه هاللحظة ؟؟اهلي كلهم

تتمنى ترجع لبلدك ؟؟نعم اذا الضروف صارت زينة

اشونك\ي هسه مرتاح\ة تكيفت\ي بالوضع اللي انت بيه ؟؟اي احسن من قبل

دعوة تهديها للعراق ولكل المغتربين ؟؟اتمنى لكل العراقين الراحة والامان ولكل المتغربين يهون عليهم غربتهم

وتحياتي الك اخي العزيز فادي وشكراً عل الموضوع الرائع

[فادي تلسقوفي]

يسلمووووو على ردودكم حلو للموضوع ان شاء الله يعجبكم احلى ورود

تحياتي فدووووووو

[3eon_b5dad]

في اي بلد انت مغترب ؟؟

استراليا.

كم سنة صارلك مغترب ؟؟

3سنوات.

اكثر شي عجبك في بلاد الغربة ؟؟

الامان فقط.

اكثر شي لم يعجبك في بلاد الغربة ؟؟

بصراحة هي حلوة بس ناسها كئيبين.

متى اخر مرة زرت فيها العراق الحبيب .؟؟

مااعرف.

هل اشتقت لبلدك الغالي ؟؟

هواية والله.

عندك اقارب بالبلد اللي انت مغترب بيه ؟؟

هواية عندي.

منو اكثر انسان\ة افتقدته بغربتك ؟؟

اختي وصديقاتي.

شنو الشي اللي بالبلد اللي انت بيه تتمنى يكون بالعراق ؟؟

الاستقرار والامان.

تحب البلد اللي انت مغترب بيه ؟؟ واشون تشوف اهله وناسه ؟؟

يعني اهلها ناس كئيبين.

هل اكملت دراستك بالغربة ؟؟ اذا نعم اشون شفت موادهم ودراستهم ؟؟

اي دا اكمل..ودا اشوفها زينة.

اكلة نفسك بيها وماموجودة يمكم ؟؟

جميع الاكلات.

هل تحس بالوحدة كثيرا ؟؟

اي هواية.

هل ابكتك الغربة ؟؟

هواية.

منو اكثر شخص اشتاقيتله وتتمنى اتشوفه هاللحظة ؟؟

اختي.

تتمنى ترجع لبلدك ؟؟

هسة لاطبعا.

اشونك\ي هسه مرتاح\ة تكيفت\ي بالوضع اللي انت بيه ؟؟

هسة اي يعني.

دعوة تهديها للعراق ولكل المغتربين ؟؟اتمنى لاهل العراق الحبيب الاستقرار والامان وان يحميهم الرب.


مـــــوضـــوع في غـــاية الروعة وردة

تحياتي اختك عيون.

[shakar]

في اي بلد انت مغترب ؟؟استراليا

كم سنة صارلك مغترب ؟؟5 سنوات

اكثر شي عجبك في بلاد الغربة ؟؟ الامان الديمقراطية حرية التعبير للرائي والقيمة الكبيرة  الممنوحةللانسان

اكثر شي لم يعجبك في بلاد الغربة ؟؟؟؟

متى اخر مرة زرت فيها العراق الحبيب .؟؟عندما هاجرنا منذ خمس سنوات

هل اشتقت لبلدك الغالي ؟؟اكيد

عندك اقارب بالبلد اللي انت مغترب بيه ؟؟اي هواية الحمد لله

منو اكثر انسان\ة افتقدته بغربتك ؟؟ بيت خالتي

شنو الشي اللي بالبلد اللي انت بيه تتمنى يكون بالعراق ؟؟ الامان والسلام

تحب البلد اللي انت مغترب بيه ؟؟ واشون تشوف اهله وناسه ؟؟اكيد استراليا بلد جميل جدا علاقتنا محدودة جدا بالاسترالين ولكنهم ناس مسالمين ويقدرون الانسان جدا

هل اكملت دراستك بالغربة ؟؟ اذا نعم اشون شفت موادهم ودراستهم ؟؟اكيد والان انا بالمرحلة الجامعية ودراستهم متازة
اكلة نفسك بيها وماموجودة يمكم ؟؟الكيمر العراقي بس مموجود مثل مايكولون حتى لبن العصفور موجد
هل تحس بالوحدة كثيرا ؟؟لا

هل ابكتك الغربة ؟؟فقط عندما وصلنا لاستراليا وكنا جديدين على الوضعية

منو اكثر شخص اشتاقيتله وتتمنى اتشوفه هاللحظة ؟؟بيت خالتي

تتمنى ترجع لبلدك ؟؟ لا اتمنى ازور العراق لاني مشتاقة كثير له ولكن لاللعيش فبه

اشونك\ي هسه مرتاح\ة تكيفت\ي بالوضع اللي انت بيه ؟؟الحمد له مرتاحة يمكن لان سافرنا انا وجميع افراد عائلتي وهنالدينا ايضا عائلة كبيرة الحمد لله

دعوة تهديها للعراق ولكل المغتربين ؟؟اتمنى ان يحل السلام والامن وطني الحبيب والعذراء امنا تحرس كل ابناءها

[فادي تلسقوفي]

يسلمووووو على ردودكم حلو شكوره ان شاء الله يعجبكم الموضوع

تحياتي فدوووووو

[اسير الروح1]

في اي بلد انت مغترب ؟؟

استراليا_مالبن

كم سنة صارلك مغترب ؟؟

4 سنوات

اكثر شي عجبك في بلاد الغربة ؟؟

 الامان

اكثر شي لم يعجبك في بلاد الغربة ؟؟

؟؟؟
متى اخر مرة زرت فيها العراق الحبيب .؟؟
 من طلعت ما رجعت

هل اشتقت لبلدك الغالي ؟؟

 اكيد اكيد

عندك اقارب بالبلد اللي انت مغترب بيه ؟؟

 العشيرة كلها  كل اقاربي

منو اكثر انسان\ة افتقدته بغربتك ؟؟
 اصدقائي

شنو الشي اللي بالبلد اللي انت بيه تتمنى يكون بالعراق ؟؟
الاماااااااااااااااااان  و السلام

تحب البلد اللي انت مغترب بيه ؟؟ واشون تشوف اهله وناسه ؟؟

اي و اكيد علااقتي محدواد وياهم بس شغل و الحمد الله ما شفنا شي منهم

هل اكملت دراستك بالغربة ؟؟ اذا نعم اشون شفت موادهم ودراستهم ؟؟
 لا
اكلة نفسك بيها وماموجودة يمكم ؟؟

 الحمد الله كلشي موجود


هل تحس بالوحدة كثيرا ؟؟

اكيد بل اول ايام حسيت اهوايا بل الغربة بس تاقلمنا  على الجوا

هل ابكتك الغربة ؟؟
اي
منو اكثر شخص اشتاقيتله وتتمنى اتشوفه هاللحظة ؟؟
  اصدقائي

تتمنى ترجع لبلدك ؟؟

سفرة او زيارة
اشونك\ي هسه مرتاح\ة تكيفت\ي بالوضع اللي انت بيه ؟؟

الحمد الله ماشي الحال اتكيفنا 

دعوة تهديها للعراق ولكل المغتربين ؟؟

اتمنالهم الموفقيا  و السلاام و تحيق الاماني بس

[فادي تلسقوفي]

يسلموووو على رد حلو اسير الروح نورت الموضوع

تحياتي فدووووو

[جواهر بغداد]

في اي بلد انت مغترب ؟؟تركيا

كم سنة صارلك مغترب ؟؟تقريبا 3 سنين

اكثر شي عجبك في بلاد الغربة ؟؟ولا شي

اكثر شي لم يعجبك في بلاد الغربة ؟؟المعاملة السيئه

متى اخر مرة زرت فيها العراق الحبيب .؟؟قبل 3 سنين تقريبا

هل اشتقت لبلدك الغالي ؟؟جدا00جدا00جدا

عندك اقارب بالبلد اللي انت مغترب بيه ؟؟نعم

منو اكثر انسان\ة افتقدته بغربتك ؟؟جدتي الغالية على قلبي

شنو الشي اللي بالبلد اللي انت بيه تتمنى يكون بالعراق ؟؟بصراحه هنا حتى الامان اني محاسه بيه فما اعرف شتنمى بصراحه

تحب البلد اللي انت مغترب بيه ؟؟ واشون تشوف اهله وناسه ؟؟لا ما أحبه00أهله ميحبون الغرباء الي هو أحنه العراقيين ويعبدون المال قبل الله

هل اكملت دراستك بالغربة ؟؟ اذا نعم اشون شفت موادهم ودراستهم ؟؟لا طبعا

اكلة نفسك بيها وماموجودة يمكم ؟؟ الفلافل العراقيه

هل تحس بالوحدة كثيرا ؟؟نعم

هل ابكتك الغربة ؟؟مرارا وتكرارا

منو اكثر شخص اشتاقيتله وتتمنى اتشوفه هاللحظة ؟؟جدتي وكل اقاربي

تتمنى ترجع لبلدك ؟؟أي رجعوني لوووووووول

اشونك\ي هسه مرتاح\ة تكيفت\ي بالوضع اللي انت بيه ؟؟لا ممرتاحه أبد لان اريد ارسى على بر واستقر

دعوة تهديها للعراق ولكل المغتربين ؟؟ادعي للعراق ان يستقر ويسود بيه الامان والحب ولكل العراقيين ان يعيشوا بسلام

[مهند البشي]

شكرا اخي العزيز فادي على هذا الموضوع الرائع .......... تمنياتي لك بالموفقية الدائمة

في اي بلد انت مغترب ؟؟                سوريا

كم سنة صارلك مغترب ؟؟              تقريبا سنتين

اكثر شي عجبك في بلاد الغربة ؟؟     كأنك في العراق لاتشعر بالغربة (رغم ذلك يبقى الشعور بالغربة في داخلنا يدمرنا )

اكثر شي لم يعجبك في بلاد الغربة ؟؟     لايوجد شيء معين

متى اخر مرة زرت فيها العراق الحبيب .؟؟       قبل عام

هل اشتقت لبلدك الغالي ؟؟       جدا جدا وهو لايغيب عن بالي ابدا ولكن الظروف هي التي اجبرتنا على تركه مرغمين وليس مخيرين

عندك اقارب بالبلد اللي انت مغترب بيه ؟؟     نعم

منو اكثر انسان\ة افتقدته بغربتك ؟؟    اهلي اولا وبلدي

شنو الشي اللي بالبلد اللي انت بيه تتمنى يكون بالعراق ؟؟    البنية التحتية الجيدة وتوفير الخدمات الضرورية للمواطنين

تحب البلد اللي انت مغترب بيه ؟؟ واشون تشوف اهله وناسه ؟؟   نعم واهله طيبين

هل اكملت دراستك بالغربة ؟؟ اذا نعم اشون شفت موادهم ودراستهم ؟؟   انا اولادي يدرسون في سوريا ودراستهم اصعب من العراق ولكنهم تفوقوا في دراستهم وتأقلموا مع الوضع

اكلة نفسك بيها وماموجودة يمكم ؟؟   تقريبا كل الاكلات الآن موجودة بس يبقى  الاكل العراقي له نكهة خاصة

هل تحس بالوحدة كثيرا ؟؟  نعم

هل ابكتك الغربة ؟؟  نعم

منو اكثر شخص اشتاقيتله وتتمنى اتشوفه هاللحظة ؟؟    اكيد الوالدة الحنونة

تتمنى ترجع لبلدك ؟؟   اليوم قبل باجر

اشونك\ي هسه مرتاح\ة تكيفت\ي بالوضع اللي انت بيه ؟؟    تقريبا

دعوة تهديها للعراق ولكل المغتربين ؟؟  ان يحل السلام في كل ربوع العراق الغالي ويعودون مطمئني البال


نتمنى المشاركة من جميع المغتربين

املين ان يعيدكم الله للعراق بعد ان يعود الأمـــــــان
 

[فادي تلسقوفي]

يسلمووووووو على ردودكم حلوه على الموضوع  جواهر بغداد وا mohaned_albashi