رجاء كل عضو يدخل على هالخبر لأني مدا امزح

[alistar]

اوكي اول شي احب اقول انو اني سعيد انو لكيت منتداكم بالصدفة اني علي الكردي من العراق و السنة القادمة اهلي رح ينتقلون الى اربيل...اني مهتم جدا بالفن و اغني جديد و قديم و عندي عشق للبنان من زياراتي الها احب اتعرف على مموعة تشاطرني هالاهتمام من وين ما كانو حتى لو عالنت و نتراسل و نتبادل الاراء الى ان اتوفق لأني ناوي  ان شاء الله اقدم السنة القادمة على برنامج ستار اكاديمي...و اريد اعرف هل هناك معاهد في اربيل لتعليم العزف على الالات الموسيقية؟؟؟؟؟رجاء ردو و خصوصا في واحد اسمه دومينيك شكله يعرف اكثر الامور..و شكرا و منتظر ردكم...و رجاء ادعموني...

[دومنيك]

عزيزي alistar
اولاً اهلاً بيك كصديق في منتدانا منتدى الموسيقى
عزيزي alistar  احب اقولك انو انا مسرور بمعرفتك وانك تحتاج الى مجموعة تشاطرك الاهتمام احنا بالمنتدى جاهزين عزيزي لاي خدمة تطلبها . وتدلل علينا

اخوك دومنيك
مشرف منتى الموسيقى

[alistar]

عزيري دومينيك اني مثل ما قلت اهلي رح يجون قريبا لأربيل للأستقرار فيها...و أريد كم معلومة جدا مهمه منك كونك من اربيل و ساكن بيها مسبقا....اريدك تدليني على محل الات موسيقية..و رجاء تكلي هل اكو معهد لتعليم الموسيقى؟؟لاني عرفت انو بكركوك اكو بس اني ما اكدر اروح لكركوك لاني ما احبها بصراحة و اربيل احسن بهواي لان الوالد كردي الاصل..من عائلة بجدري..و ثانيا لان رحلات لبنان شغالة من اربيل و اني اسافر للبنان فتكون سهلة من اريد اروح المرة الجاية..عموما رجاء كل المعلومات عن معاهد و محلات موسيقى بس كلياها بأسرع وكت شوكت ما تقرا هالملاحضة انطيني رد

[دومنيك]

عزيزي alistar يمكن فهمتني غلط

اني من العراق

اولاً :- اني مو من اربيل واصلاً اني ما رايح اربيل بس مرة وحدة بحياتي رحت سفرة لمنطقة ما ادري شسمها.
ثانياً :- اتصلت باستاذ الكيتار في منطقتي واخبرني بان اكو محل اجهزة موسيقية في اربيل وما افتهمت على العنوان بالظبط بس افتهمت بنص السوك يم قلعة اكو ما ادري شنو واو دورة بس راح اجيبلك العنوان بالظبط قريباً. وتقدر تشتري اي شي انت .
ثالثاً :- اني اعزف كيتار وما اعرف انت اش تعزف حتى اكدر اساعدك وابدي بيك بالدروس.
رابعاً :- انت عازف كبل لو لا يعني اي مستوى واصل.

ارجو الاجابة حتى اكدر اساعدك واعرف شلون اساعدك.

ملاحظة:- اسمي دومنيك وليس دومينيك

وتدلل علي
اخوك دومنيك

[alistar]

هههههه اسف يا دومنيك بس كل اللي ببالي اسمك دومينيك و عبالي انت ساكن هناك...اني اريدك بس تعرفلي عنوان المحل بالظبط و اريد اعرف اكو معهد هناك لتعليم العزف...بالنسبة للعزف اني عازف كيتار بقلة جدا و عندي المسكه و مرات اعزف جيدا بس مو عن علم عن ممارسة فقط مع احد اصدقائي الي ساكن في بيروت...اتمنى انو تجاوب هالسؤالين..و اني اريد اتعلم عزف الكيتار لانه اني عندي صوت جيد جدا نسبيا و اغني القديم و الجديد و خصوصا القديم لفيروز و وديع و الجديد لزياد برجي و كاظم...الخ..و تعلم الكيتار يزيد فرصتي في القبول في البرامج الفنية لانه عندي الصوت الجميل و الشكل المناسب لدخول عالم الفن و لكني جدا حابب اتعلم العزف على الكيتار...و منتظر ردك على احر من الجمر يا دومنيك.....اخوك:علي الكردي

[jozef_r_89]