باجلا بالدهن من مطبخ هيوي...حصريا على عينكاوة

[hewy]

طبق باجلا بالدهن ...من اعداد هيوي وعلى الطريقة البغدادية





المواد
*****
كيلووو باجلا اذا عائلة اكثر من ست افراد
زيت او دهن
ملح
بطنج
ماء
خبز

نغسلها وننظفها جيدا ونضع معها ماء بحيث يزيد عن الباجلا بثلاث اصابع
ونخليها على نار قوية بس تفور دقيقتين نخفف النار ونحطلها ملح حسب الرغبة ونخليها الى ان تستوي
وكلما يخلص الماي نزيده بمي حار .
نخليلها رشة بطنج واذا ماكو مو مشكلة .
من تستوي باجلتنا نثرد خبز شكد منريد ونجيب ماي الباجلا ونصبه عليه ونخليه على النار بس شوية يفور ونطفيه
بعدين على صفحة نحمي زيت او الدهن  والكمية حسب الرغبة اذا تريدوها دهينة زيدوا الكمية
ونجيب الزيت ونديره على الباجلا والخبز.بس ديروا بالكم لا تحتركون لا ن الزيت راح يطفر .

اكو ناس تحب تضيف عليها بيضة مقلية اذا تريدون اقلوا البيضة على صفحة وتعالوا خلوها على الباجلا.

وهسة كلشي جاهز ...حضروا السفرة سولكم فد تشكيلة وياها

يممممممممممممم شكد طيب الاكل والف عافية على قلوبكم

اكلووووا وادعولي بالخير .


مع كل الود
هيوي

[سخاء خضر]

عاشت ايدج على هاي الباجلا بالدهن ..... والله شهيتيني ...هههههه

[rita_usa]

من شفت صوره حسيت جوعانه هههههههه

[hewy]

  هههههههههههههههه يلا اتفضلوا والف عافية بس يرالها راس بصل تصير تمام 

[Paul Joseph]

عاشت ايدج .. يلا خاتي خلي نفتح مطعم نبيع باجلة بالدهن بمنتدى عنكاوا هههههههه

[maryamat]

عاشت ايدج خاثي هيوي
زوجي بارع بهذه الاكلة دايما يسويها مع اضافة بصل مقلي  و  بيض 
وراها لازم نشرب شاي  الاكلة هي دسمة  يعني الي عند كولسترول ياكل شويه

[hewy]

  هههههههههههههه اي والله فد كلاص جاي مهيل واذا مسوى علفحم فيطلع رهييييييييييييييب
شكرا اعزائي على مشاركتكم بعزومة الباجلاااااااااااااااااا

[3eon_b5dad]

ييمممم اكلة طيبة تسلم ايدج لبي علئ الوصفة

[stivana]

شهيتيني والله
عاشت ايدج مبينه نفسج طيبه لذلك اكلج طيب

[hewy]

   

  هههههههههه شكرا عزيزتي ستيفانا قلبك الطيب
وشكرا يا عيون بغداد على مرور الغالي
 

[nuhra]

مممممم صدكو تذوقتها للباكلة من ايد هيوي وكلش طيبة
عاشت ايدج عزيزتي هيوي

[hewy]

  هههههههههه الف عافية خاثي نوهرا واكول منو قى على الجدرية ؟ اثاري طلعتي انتي