آنا يموخ ܐܢܐ ܝܡܘܟܼ


المحرر موضوع: آنا يموخ ܐܢܐ ܝܡܘܟܼ  (زيارة 2128 مرات)

0 الأعضاء و 1 ضيف يشاهدون هذا الموضوع.

غير متصل بولص دنخـا

  • عضو فعال جدا
  • ***
  • مشاركة: 145
  • الجنس: ذكر
    • مشاهدة الملف الشخصي
    • www.nohadra.com
آنا يموخ ܐܢܐ ܝܡܘܟܼ
« في: 13:45 01/02/2008 »
ܐܢܐ ܝܡܘܟܼ

ܟܠܵܝܗܝ ܚܲܝܝܼ ܡܸܠܝܹ̈ܐ ܡܚܸܫܵܐ
ܙܲܒܼܢܝܼ ܥܒܼܵܪܵܐ ܒܐܘܼܪܚܵܐ ܒܪܸܚܫܵܐ
ܕܲܡܥܹ̈ܐ ܡܥܲܝܢܝܼ ܗܝܼـܟ̃ ܠܵܐ ܦܪܵܫܵܐ
ܕܪܵܝܵܐ ܩܵܠܹ̈ܐ ܕܙܵܪܩܵܐ ܫܸܡܫܵܐ

ܪܘܼܚܝܼ ܦܪܵܚܵܐ ܒܟܠ ܕܘܼܟܵـܢܹ̈ܐ
ܚܙܵܝܵܐ ܘܲܪ̈ܕܹܐ ܕܒܹܝܬ݇ܢܝܼܣܵܢܹ̈ܐ
ܨܸܗܝܹܐ ܠܡܝܼܵܐ ܘܠܲܝܬ ܡܲܫܬܝܵـܢܹ̈ܐ
ܒܪܵܙܵܐ ܒܕܸܫܬܵܐ ܘܠܲܝܬ ܡܕܲܒܪ̈ܵܢܹܐ

ܐܲܝܟܵܐ ܝ݇ܘ݇ܬ ܝܵܐ ܡ̇ܢ ܩܪܝܼܬܵܐ ܒܫܸܡܘܼܟܿ
ܕܘܼܪܒܸܢܬܵܐ ܝ݇ܘܵܢ ܐܵܢܵܐ ܝܸܡܘܼܟܿ
ܐܲܟܸܣܢܵܝܵܐ ܚܩܵܪܵܐ ܒܫܸܡܘܼܟܿ
ܘܐܲܢ݇ܬ ܒܸܚܕܵܪܵܐ ܠܠܲܚܡܵܐ ܕܝܲܘܡܘܼܟܿ

ܩܵܡܘܿܕ݇ܝ݇ ܬܠܝܼܩܵܐ ܘܕܵܝܸܡ ܨܸܗܝܵܐ
ܚܵܙܘܿܩܵܐ ܝ݇ܘܸܬ ܒܐܲܪܥܵܐ ܫܸܩܝܵܐ
ܪܸܚܩܵܐ ܡܝܸܡܘܼܟܿ ܡܚܲܠܒܼܵܗ̇ ܫܸܬܝܵܐ
ܣܦܵܪܵܐ ܠܠܲܚܡܵܐ ܕܥܲܠܡܵܐ ܛܸܠܝܵܐ


ܬܲܟܠܹܐ ܕܒܵܒܘܼܟܿ ܗܵܘܹܐ ܦܝܵـܫܵܐ
ܕܚܵܙܸܬ ܗ݇ܘܵܐ ܠܹܗ ܒܲܕܠܵܐ ܘܪܲܡܫܵܐ
ܩܲܕ݇ܡܘܼܟܿ ܓ̰ܘܵܓ̰ܵܐ ܟܸܬܘܹܐ ܕܝܵـܫܵܐ
ܒܐܝܼܕܹܗ ܠܲܓ̰ܠܸܓ̰ ܣܲܝܦܵܐ ܕܢܚܵܫܵܐ

ܩܘܼܡܘܿܢ ܓ̰ܘܲܢܩܹ̈ܐ ܒܢܲܝ̈ ܚܹܐܪܘܼܬܵܐ
ܡܵܩܡܘܼܢ ܚܘܼܒܵܐ ܘܦܪܵܣ ܡܲܪܕܘܼܬܵܐ
ܓܪܘܼܫܘܿܢ ܡܝܼܵܐ ܒܟܠ ܚܕܵܐ ܕܸܫܬܵܐ
ܕܒܵܪܝܼ ܚܲܝܹ̈ܐ ܘܙܪܵܩ ܚܵܕܘܼܬܵܐ