قالت رغد ... انه أسد ...؟

[مالك]

قالت رغد ....بابا أسد ...
وهو فار
أسد لبد ..... بين الحفر .... والأحجار
أكبر ذكي ! لكن دماغه مندار
نجار ما شايف بعمره منشار
ولا لزم بيده جاكوج
ودك بسمار
حداد مالاوي حديد ابيوم
ماشاعل نار
عسكري بس موطيار
لامشاة ولابحار
مدري شنو شغله ؟
محارب مغوار ؟
وبعمره ماخش ابحرب
لو شارك بخط النار
طه وباعنّه ثلج
وصبوحه باعت على الاقل
حلقوم وضروك الفار
اشلون اسد وابكل حرب
فاشل كسير ومنهار
عاطل وبس مره اشتغل
جاسوس قاتل غدار
قالت رغد ... بابا أسد ...
وهو فار
شنو السبب صدام ماقاتل عدوّه ولا ثار
ولامات موتة احرار
اكبر جبان اكبر عار
خجّل شعبنه القعقاع !
خجل علجنه الثرثار
محمد سعيد المهذار
اكبر وزير اعلام راسب بالدين
وبالأخلاق وبالأفكار
كذاب من اول باب
ساقط بكل الألعاب
مايعرف ايخض الزار
حسباله تصفاله الدار
نست رغد : هذا الأسد
خله جناحات وطار
وحزب البعث وسط الحرب
بلا قائد ايكرط نعل ويه خيار
آلاف طلعت حاربت !
وصدام جندي أفرار .
جا ؟ وين قائدنه الأسد
جا؟ وينه حتى لو جرذ
لو جلب لو قط لو فار
داده رغد : بابا الأسد
مايصلح ايصير احمار
واتقبلي الاعتذار .





مالك
malk_kink

[Alfred Oshana]

الأخ العزيز مالك:
حياك الله أخي على هذه القصيدة الوطنية الكوميدية الهادفة والناقدة الساخرة من الحكام الديكتاتوريين الذين يستقوون بأسلحتهم وأجهزتهم القمعية على شعوبهم، وهم أجبن وأنذل خلق الله عند التجربة والمواجهة الحقيقية، يستغلون شعوبهم كعبيدٍ لهم، ويعيشونهم في أحلك الظلمات، في زمن تغير فيه العالم وتطوَّر، وهم لا يتغيرون ولا يتعظون مما حدث مع أمثالهم..
أتمنى لك السعادة والأمل والتوفيق والنجاح في حياتك وأعمالك. مع أطيب التحيات: الفريد.

[ankawa47]

                                     يا بطل يا مالك

   عاش قلمك انه يرمي سهاما اقوى من الرصاص صب غضبه على الضلام

   نجونا من ضلم البعث والطاغية ابن صبحى صدام

                                                    ضهروا بالمئات والالوف وضلمهم باحترام

   ابطالنا ساحت كروشهم من كثرة الاكل والالتهام

                                                  بالامس كانوا ينالون معاشهم من دور الرعاية والايتام

   اليوم يجمعون المال على هواهم من بين العميان والابكام

                                                يا لجنة النزاهة قاسموهم ودعوهم ينصفونكم بالاكرام.
                                               
         
                                        ابو دريد

[رحيم العراقي]

أبدعت يا أخي مالك ..تقبل تحياتي وهذه الأبيات المتواضعة:

كَالت رغد : بابا أسد     محروس من عين الحسد..
..صدام قائدنه الصلف
بتك إيد يتحـدى ألـف
خاتل بحفره ويرتجف      والقصــف نازل عـالبلد...
كَالوله :صارت ملحمه
واللطم واصل للسمه
حمــــاوة اللادا حِمه      بس قبل ما يهجم بَرَد..
..صـــدام رب العـنتكــه
وإنتــصـارات الفـبركــــه
ضد شعبه قاد المعركه   وأبدع بقتله وإجتهد ..
                                                               أخوك:رحيم العراقي