المقابلة في IOM المنظمة الامريكية للهجرة

[حيرة]

ارجو مساعدتي في نصيحة لغرض الذهاب الى المقابلة في IOM حيث طلبوني للمقابلة الاولى وجلب المستمسكات المطلوبة حيث اننا قابلنا في الامم المتحدة سابقا ولم يتم استدعاء حيث دخل اختلاف في المعلومات بيني وبين زوجي في موضوع الانتماء الى حزب البعث
وقدمنا الان الى المنظمة الامريكية للهجرة وطلبوا مقابلة زوجي ما هي نصيحتكم للمقابلة بشان معلومات حول الانتماء للحزب البعث وكيفية تلافي هذا الاختلاف بالمعلومات كما اود ان استشيركم بموضوع اخر كون زوجي كان يعمل مهندس في الاجهزة الامنية المنحلة ولم نذكر ذلك في الامم المتحدة هل يفيدنا في مقابلة IOM ذكر هذا الموضوع ام لا
ارجو المساعدة وبسرعة ممن لديهة معلومات
لان المقابلة يوم الاثنين

[hussein5582]

اختى انى قابلت الiom  والموضوع لا بي حيرة ولا شي
بس يعتمد ممكن انت تكونين منتميه لحزب البعث و هو لا او العكس هذا عادي
انى من الناس كلتلهم جنت منتمي للحزب برتبة مؤيد و زوجتي هم وذلك لغرض الدخول للجامعه لانو الكل يعرف الي ميكون منتمي لحزب البعث مينقبل بالجامعه
و همه تره كلش زين يعرفون انو الشعب العراقي كله منتمي لحزب البعث

اهم شي بالمقابله لا تغيرون شي من كلامكم يعني كل الي كلتوا لا تغيرون بي لانو الي يقابلكم
راح يراجع كل الي كلتوا باليو ان و يناقشكم بي

طبعا المقابله الاولى و الثاني بال iom  متكون بيه مناقشه بس يخذون تفاصيل نفس الي اخذوه باليوان
واهم شي لا تغيرون بالحجي لا زايد ولا ناقص
المقابله الثالثه هي بيه مناقشه و الموضوع بسيط بس اتوكلي على الله
واكلج شي اخير لا تعتبرين اذا وافقو او رفضوا هذا شي موزين يمكن رب العالمين كاتبلكم الزين بالرفض
او القبول شنو هيه النتيجه فان الله كاتبلكم الشي الزين بس هاى اتخليه ابالج .راح تقابلين براحة نفس و بدون توتر واى اسئلة انى جاهز

[انور جورج]

اختي العزيزة انا قابلت توطين في الشهر السابع من العام الماضي ولحد الان لم يتصلوا بي هل اراجع الهجرة الدولية احتمال وصل ملفي عدهم وهل يتم رفض الطلب في قسم التوطين