اخواني ياريت تساعدوني بهذه المعلومة لان روحي طلعت

[holiness_84]

اخواني وخواتي أرجوا منكم تساعدوني بهذه المعلومات بأقرب وقت ممكن لان صبري خلص وروحي طلعت من الانتظار.
انا كملت كل معاملاتي بالمفوضية من شهر السادس بسنة 2007 واخذت الكارت الازرك وسويت مقابلة بشهر الثامن بالقنصلية الكندية وبشهر الـ12 طلبوا مني بعض الاجوبة على اسالتهم ولحد الان ماكو اي جواب من القنصلية الكندية ولحد الان كاعد اني وعائلتي ننتظر الجواب حتى نعرف مصيرنا. لانه صارلنا تقريبا 7 اشهر مسوين المقايلة وما نعرف شنو راح يصير.
حسب المعلومات اللي تعرفوها خلال اشكد لازم اخذ جواب من القنصلية؟؟؟؟؟؟؟؟؟؟؟
واذا في حالة الرفض هل انه اتحول بسرعة الى بلد ثاني ؟؟؟؟؟؟؟؟؟؟؟؟؟؟؟؟؟
في حالة الغاء برنامج اللجوء للعراقيين هل انا اعتبر مرفوض ولا استطيع الحصول على حق اللجوء في اي بلد ثاني ؟؟؟؟؟؟؟؟؟؟؟؟؟؟؟؟؟؟؟؟؟؟
ارجوكم ارجوكم ارجوكم ساعدوني بالجواب لان حالتي النفسية يوم بعد يوم دتعب اكثر
ارجوكم يا اخواني العراقيين انكم تساعدوني بالجواب بأسرع وقت ممكن. . . على فكرة اني بالاردن
اني اشكركم هواية مقدماً

[karadaa]

الى العزبز holiness_84

عزيزي  التاخير  بل الرد على معاملتك يرجع الى اسباب كثبره   خصوصا كندا لان تقوم بعمليه تدقيق كثيره     اذا تم قبولك سوف يتصلون بك ويقلون تعال استلم اورق الفحص  انشاء الله يكون هذا قريب  اذا في حاله الرفض يرسلون لك بريد يشرحون اسباب الرفض ويقومون با ابلاغ المفوضيه بذلك والمفوضيه تقوم بل البحث لك على بلد ثالث   لاتحاول الاتصال بل  السفره الكنديه لانهم لن يرد عليك وسوف تتعب نفسيتك حاول الاستفسار عن طريق المفوضيه   اذا كانت خدمتك العسكريه طويله  سوف تاخذ بعض الوقت  المهم في السفاره الكنديه ان تكون المقابله جيده بحيث تنقنع  الضبابط الذي قابلك باسباب اللجوء وعدم الرغبه بل العوده يجب ان يقتنع بذلك

انت الان لاجى  معترف بك رسميا  لاتقلق كثيرا   
على فكره السفره الكنديه في عمان لاتقوم باجرات  الهجره اقصد الاقامه الدائمه في كندا بل السفاره الموجودة في دمشق هي المسوله عليها   تقوم باجرات  وزخم كبير عليها لانها مسوله عن العراق سوريا لبنان ايران اردن وقبرص 

اذا عندك اي استفسار  اكتب  اني احاول ارد عليك بلي اعرفه

تحياتي 

[holiness_84]

اني اشكرك هواية لان بعد الرد مالتك وصلني رفض من السفارة الكندية واني رحت للمفوضية وكلتلهم والمحامية كالتلي انشاءالله اتصل بيك بعد 5 ايام. بصراحة اني حاير هسة لانه ما اعرف شنو راح يصير؟؟؟
أرجوكم اذا كان أحد يعرف شي بالتفصيل عن هيجي موضوع ياريت يجاوبني حتى ارتاح لان بصراحة نفسيتي حيل تعبت من التفكير.
حسب علمكم هسة وين راح يحولوني ؟ ؟ ؟ وأشكد اطول المعاملة لحد ما يحولوني ؟ ؟ ؟ وأشكد الفترة اللي راح اطول بيها لحد ما يسوون الاجراءات؟ ؟ ؟
أرجوكم جاوبوني
أني اشكرك هواية لانك جاوبتني والله يباركك واني اشكر كل شخص راح يكدر يساعدني من خلال جوابه الي

اشكركم هواية واشكر موقع ومنتديات عينكاوة

[karadaa]

عزيزي holiness_84

طبعا اني جدا اسف على هذا الخبر  صراحة من اسمع واحد ينرفض انقهر  لان اعرف المعاناة في الاردن   عزيزي الان  المفوضية وصلها كتاب الرفض مالتك من السفارة الكندية  اهم شي انة انت بل مقابلة مال كندية ما غلطت او حورت بل القصة او كلت شي غير الي انت حاجية بل المفوضية هاي النقطة جدا مهمة  اذا حجيت بل سفارة مثل ما حجيت بل المفوضية لاتقلق راح يحاول يشفولك بلد ثالث  من الدول المانحة  مثل ما كتلك اهم شي ما يكون تناقض بين ما حجيتة بل الكندية والمفوضية   هسة عليك فقط الانتظار ما كو غيره لا تايس  والله كريم انشاء الله خير

[holiness_84]

اخوية اني اشكرك كلش هواية . . . بصراحة اني ما اعرف شنو اللي راح يصير بس ممكن واحد يساعدني بهذه المعلومة انه هل يطول موضوع تحويلي الى بلد ثالث واما الاجراءات سريعة؟ هل راح يسوولي مقابلة من جديد بالتوطين؟؟؟ هل يطلبون صور مرة ثانية ؟؟؟؟؟؟؟؟
هل صحيح موضوع التحويل لهولندا ؟؟؟؟؟؟؟ لو هذه فقط اشاعة؟؟؟؟؟؟؟؟؟
ارجوا منكم انه تجاوبوني بأسرع وقتت مكن حتى اعرف وارتاح انه اتأخر لحد ما يحولوني لبلد ثالث لو سريعة الاجراءات بالتحويل؟؟؟؟؟؟؟؟؟
اني اشكركم مقدماً

[karadaa]

عزيزي holiness_84

الي اعرفة انة لازم يشوفلك بلد ثالث هذا الي اعرفة  حسب الدول المانحة المتوفرة لديهم  اما بل نسبة الاسئلة الثانية واللة ما عندي جواب عليها   الله كريم انشاء خير  لاتفكر اهواية ريح نفسك وهدي نفسك بين ساعة وساعة فرج

تحياتي

[holiness_84]

اخوية اني اشكرك هواية على تعبك وياية واني اعرف تعبتكم كلكم وياية . الله يبارك تعبكم ويقويكم ويفتح كل باب مغلق أمامكم. أني هسة بس كاعد انتظر الجواب من المفوضية حتى أعرف شنو راح يصير.
أني سمعت خبر انه ديحولون لهولندا ولالمانيا هل هذا الخبر صحيح؟؟؟؟؟؟؟
اذا كان احد يعرف شي عن هذا الخبر خلي ينطيني جواب

اخوكم holiness_84

[مروان_نرسي]

يا اخي و الله حاسين بمعاناتك بس يا ريت عندي اجوبه لاسالتك بس مع الاسف ما عندي بس اتمنالك التوفيم من كل كلبي و انشاء الله خير