الانسان بين انفلونزا الطيور و جنون البقر
كان عندي ببغاء
يحب المرح و الغناء
يقضي اوقاتو مبسوط
يعشق الحب و الوفاء
صبحت عليه مثل كل يوم
صباح الخير و تسلم دوم
ما جاوبني هالمرة
كنت بتصرفو مصدوم
ليش يا عيوني زعلان
ما عم تضحك و لا ولهان
مخاصم كل العالم
ما عم تحكي مع فلان و فلان
جاوبني بصوت مو مالوف
مليان هرع و مليان خوف
" انا مريض بانفلونزا "
جاوبني بجنون ملهوف
" نحن مرضنا و جن البقر "
" كيف لا و شايفين الفقر "
" كيف لا و الانسان جبان "
" كيف لا و شايفين تصرفات البشر "
" بتعرف شو سبب مرضي ؟ "
" الانسان مو راضي و لا مرضي "
" كلو بدو ياخذ كل شي "
" لا عم يفهم و لا عم يمضي "
" لانو ما عندهم احساس "
" ما رح يمرضوا الناس "
" و نحن بنشوف و ما بنتحمل "
" مرضنا بالانفلونزا بدل الناس "
الطيور التهبت و البقر صابو الجنون
و الانسان ما عم يوقف و لسه عم يخون
الطيور و البقر عم تدفع الثمن
وخلي البني ادم يخون و ما يصون
عبود ايشو اسحق ـ المانيا
