عزيزي
حسب معلوماتي...قانونا يصير لان اكو هالشكل قانون و اني بنفسي قريت الموضوع بموقع وزارة الهجرة الاسترالية.بس احب توضيح بعض الامور الك...اولا لغرض قبولك ..لازم تثبت الهم بانه انت على علاقة خطوبة حقيقة بيها مثل فلم الخطوبة لو صور سوية او تقرير بالاتصالات من شركة الاتصالات (مثلا شركة الموبايل)بانه انت تخابرها باستمرار بحيث يطلع رقمها بالتقرير..هاي غير انه يسوون مقابلة الك و الها و يشوفون مدا تطابق الكلام حول كيفيفة بدء العلاقة او حتى امور شخصية مثل الاكلة المفضلة.يعني باختصار يتأكدون انه اكو تعايش بيناتكم.هاي غير هي لازم تجيب اوراق كفالة تثبت بيها انه هي ممكن تتكفلك ماديا لمدة سنتين كان تحط مبلغ 25000 دولار باسمك او تنطي نسخة من هوية التوضيف مالتها هاي غير انه بيتها ممكن يكون ملائم للزوجية.مثل تكون بوحدها بيه او على الاقل اكو عدهه غرفة نوم خاصة اذا كانت تسكن مع اهلها.
ثانيا ..اذا تمت الموافقة.فيمنحوك اقامة مؤقتة لمدة سنتين.خلال الشهرين الاولى من وصولك لاستراليا لازم تنطيهم اوراق زواجك منها.وبنهاية السنتين تقدملهم ورقة تثبت بانه لا زلت بعلاقة زوجية وياها حتى يصير بامكانك ان تطلب الاقامة الدائمية.و اذا اكتشفوا انه انت ما عايش وياها و خلصت الاقامة مالتك فيرحلوك.هاي حتى يضمنون بانه العلاقة هي خطوبة حقيقية و مصيرها زواج ناجح.
و الاستراليين ..اويلي منهم و من سفاراتهم و من نحاسيتهم و من طول وقت معاملاتهم.
يعني اذا الشغلة ترتيب و مو صدك يعني بس مظاهر فصعب نجاحها.
هاي حسب معلوماتي عن الموضوع من قراءة واستفساراتي من الناس..و الله اعلم
مع اعتزازي
رامي
