اول شي اخي اتمنى ان اتكون بصحة جيدة.السؤال عن تركيا كالاتي:اذا انت جاي علمود التقديم لليو ان لو علمود شغل و اقامة بس؟اني بكل الاحوال راح اجاوبك.بصورة عامة تركيا غالية اقصد اسطنبول تجي وراها انقرة بس بقية المحافظات رخيصة يعني تكدر تاجر ب 150 الى 300 ليرة بالشهر اما عن اسطنبول فالشقة الغير مؤثثة تكدر اتحصلها ب 350 الى 500 ليرة اذا مو اكثر بس اذا جنتوا شباب فطبعا احسن الكم.اما عن الشغل اسالك انت تعرف تحجي تركي؟لان ترة اهنا ابدا موزينين بالانكليزي الا اللهم جم واحد و الي يعرف مو كلش زين لان الشغل اهنا اهم شي تعرف تحجي تركي الحياة بصورة عامة حلوة للي عند فلوس بس لو تجي البقاء بتركيا لاجل العيش صعب لتحاول تبقى بيها اهواية اخي اخاف قصرت وياك بشي بس ابعثلي اي رسالة او اي معلومة حتى اجاوبك عليها بالضبط و اتمنالك الموفقية اما اذا قدمت لليو ان فشوف وين راح ايرسلوك؟حاليا عدهم 4 محافظات هي :اسطنبول,انقرة,كوتايا,كارامان.فقدم على وحدة من الاثنين الاخيرة لان كتلك المحافظات ارخص من البقية اخي اسئل اي شي تريد و اني حاضر تحياتي الك.
