لكل عراقي اصيل

[انهار]

 السلام عليكم
اخواني واخواتي مارايدة اكث من كلمات  تكون اساعدني باخذ القرار ..
ياجماعة انا ام لولد واحد حاليا اصلي حتى الله يعجل بموتي اني وابني لان ماعنده احد غيري ابوه خطف امام عينيه وعيني وانا مهددة بالقتل لماذا وهذه قصتي
في يوم كاعدين يم جماعة وصار نقاش فكلنالهن انو كل الي صار وديصير بالعراق هو بسبب اطراف معينة وذكرنا جيش المهدي منهم  وهي يومين مو اكثر وانخطف زوجي وكوليلي المرة الثانية دورج انت وأبنج ليش تركوني ؟مااعرف لسه اني دااسال نفسي هذا السؤال
طبعا اني هسه يم جماعة وضوء الشمس صارلي ايام ماشايفته لان اخاف على نفسي وابني واخاف اورط الناس وياية
ماطوله عليكم  اريد اطلع لدولة معينه حتى ابدي بطلب اللجوء واريد امريكا تحديدا ياجماعة الخير بس جاوبوني
اكدر اقدم من العراق على امريكا علما اني مو مظفة في اي مكان بس خريجة جامعة
لو الافظل اطلع ؟ واذا طلعت  وين اروح لاي دولة ولو اني افظل سوريا  انتو شتكولون ؟؟
وشلون اكدر ابقى يعني بخصوص اقامة العراقين بسوريا هسه ؟؟
ولو قدمت للمفوظية هناك  ممكن اختار امريكا لو هذا بس للي اشتغل مع الامريكان ؟؟
وتقريبا كل الاجراءات  بشكد تخلص يعني سنة ..اثنين  ..؟
اعرف علمها عد الله بس   تقريبا اريد مو على شيئ بس حتى ارتب وضعي المادي عليها ؟؟
علما اني سمعت عن بند ( أمرأة في خطر ) ينطبق علي هذا لو لا؟؟
والله اني منتظرة جوابكم حتى ابدي باول خطوة للتتأخرون علينا آني وابني لان كل يوم يمر بسنة
بس تخيلوا حالتي وجاوبوني

[zain 2009]

اخت انهار
الله يساعدج على محنتج وان شاءالله تزول
اختي العزيزة
انتي بالنسبة الى امريكا انه شرط فهذا موبيدج بيدهم همه ومتعرفين وين حيودوج
لو مشتغله مع الامريكان ممكن وبكل سهولة
واما المكان فما ادري وين اسهل بس اتصور سوريا اسهلل الكم
تمنياتي الج زوال الغمه ويسهل امرج وامرنه
تحياتي

[انهار]

أخ احمد مشكور على جوابك بس ممكن أطول خلك ويايه شويه
يعني اول ماابدي اروح لل un  لو شلون ؟؟؟
ومسالة اختياري لامريكا اني اسمع بناس يخيروهم هذا صحيح لو آني غلطانة وأذا معلوماتي غلط يعني كل الي راحوا لامريكا  هم كانوا يشتغلون ويه الامريكان  ؟؟
وبالنسبة لسوريا اقامتي بيه طبيعية لو راح  أتاذى ؟؟
وماجاوبتني على مسالة كوني امراءة واني مهددة وزوجي مختطف وعنديالاثباتات على كلامي يعني هذا مااله تاثير
اقصد مسالة اختياري لامريكا ... لان مابقالي احد غير بس معارفي هناك ولو من بعيد بس من ريحة اهلي 
  هذه الاسئلة لكل عراقي يملك الشهامة والمعلومات الاكيدة
وجزاك الله الف خير ولكل من يكلف نفسه ويجاوبني

[abdo_99]

مساء الخير
والحمد على سلامتك اولا وانشاء الله ماكو غير بس الخير

احسن دوله لكي في الوقت الحاضر هي سوريا . واول ماتوصلين سوريا تدهبين الى UN  وتقدمين كل اوراقك وتحكيلهم  القصه ويفضل ان تجلبين معكي كل المستمسكات الاصليه.

ام موضوع التوطين في الحقيقه اكثر دوله يتم توطين فيه هي امريكا وبالخصوص هده الايام لانها بعد شهلرين تقريبا تنتهي السنه الماليه مالتهم ومكملين العدد الدي يريدونه هده السنه

وانشاء الله بالتوفيق

[zain 2009]

اخت انهار بعد التحية
تدللين
ومشكور الاخ عبدو على جوابه
نعم تذهبين الى سوريا وللمفوضية السامية لشوؤن الاجئين كلهم هناك يعرفوه
وتسجلين طبعا تاخذين كل المستمسكات الاصليه التي تثبت ذلك
اما بالنسبة الى امريكا ان شاءالله تطلعلج بس هذا الامر موبيدج
لا المكان ولا الوقت
تحياتي

[alnoor-النور]

السلام عليكم بنسبة  لتوطين  في  امريكا  لايهم  ان كنت تعمل  او الاتعمل  وكلامي ثقة  وكذلك ديانات وقوميات لايهم  وحتي  كنت  عراقي  او غير عراقي  مثل  سوداني صومال  وافغستاني وحتي ايراني ///  اما   اختيار  امريكا  هم  حولو ملفي الي امريكا بدون  انا اطلب  قد  سوريا يختلف لا اعرف ///  اما  فتره  من بدايه الي  نهائيه  غيره  معلومه  حسب   سمعت  ناس سنة  وغيرهم  سنه ونصف   وانا  سنتين  انتظر موعد سفر  فقط   وشكرا  ((  نور  ))

[انهار]

جزاكم الله كل خير جميعكم
بس بالنسبة للسنة المالية اذا رحت هذا الاسبوع اكدر الحك عليه لو  الاجراءات الي بالبداية طويلة ومالحك واذا انتهت قبل لااسجل شوكت تنفتح مرة ثانية؟
وبالنسبة للاخت نور منين قدمت انت اذا مومن سوريا؟
اعذروني على كثر اسئلتي  والله لو تعرفون شلون اليوم يمر عليه بس الشكوى الغير الله مذلة
ويارب يفرج عن كل مكروب

[انهار]

والي اسمعه دائما ان الاردن اكثر تحول على امريكا واجراءاتها اسرع من سوريا رغم آني افضل سوريا لاسباب هوايه بس اذا  هذه المعلومة صحيحة اروح للاردن شسوي..... او على الاقل اسكن بسوريا واقدم على الاردن واروح بموعد المقابلات لو شتكولون انتوا ؟؟ اذا كلامي صحيح  كوليلي واذا آني مفتهمه غلط انصحوني  يرحم والديكم

[alnoor-النور]

الي انهار  ليس  امور  بهذه  سهوله   ناس  موجودن  منذ  سنتين  وسنه  او  ماريقارب  ينتظرون سفر   انت  امامك  شوط  طويل  وفترة  غيرة  معلومة    عدد  كبير   وزدحام  //  وكل بلد  له  سياق  وسرعة مقابلات  واجرات الاجئون  العراقين  منتشرون   في  تركيا  وسوريا  ومصر  والاردن   ودول خليج   وضغظ  ازدحام  في  سورية  توقعي  قد  يطول موضوع  سنتين او  اقل  او اكثر  او قبول  او رفض  // ملاحظة اني  لا أغلق باب امامك  بل  من  باب  احتياط   وباب  اللة سبحانة وتعالي  مفتوح لعبادة   طريقة  تقديم  يكون  معك اوراقك  رسمية  مثل  عقد  زواج  وجناس  وشهادة جنسية  وبطاقة سكن  وبطاقة غذائية   وكتاب  يثبت  خظف زوجك  وقصتك  التي  تقولينه  لهم  مع تواريخ  وعنوانين  وجوزات سفر  تقدميه  لهم  وبعده   يتصلون  عليك  فترة  غيرة معلومه  اسئلة  واجوبه  وقد  تكرر  مقابلات وفتره  بينهم  غيره معلومه  وفي  نهائية  قبول  او  رفض وعدد  مقابلات في  يو  ان  غيره  محدده  1 او 2  او 3او 4  اذا  تم  قبول  يتم  تحويل  ملفك  الي بلد توطين  امريكا  او استراليا  او  كند  او السويد  وغيره   //  علي  سبيل  مثل  امريكا  يتحول ملفك  عليهم  وبعده  فترة غير  معلومه  تقابلك للجنة الامريكية  اسئلة  واجوبه   وبعده فتره غير  محدد  تقابلك  هيئة محلفين  اسئلة  واجوبه  وقياس  وزن وطول وصور  وبصمات  وبعده  فترة     فحص طبي  وبعده فتره دوره تثقفية  وبعده فتره موعد سفر وسفر   ملاحظة  فترة  من بداية الي نهائية   الا استطيع  ان  احدده   وانا  صادق  في  كلامي   اما  انا  من  ناحيتي  من بدايتي  الي حد  الان  مضه  سنتين  والان كملت كل  امور  انتظر  موعد  سفر  فقط   وملاحظه  هامة  كونك  بنت معك ولد  عندما  تقدمين  علي  يو  ان  الاتجعلي  ظرف  ثالث  يذخل  في  موضوع   كون  اشخاص  نفوس  ضعيفه  يستغلون ماساة  العراقين   يسموعنك كلام  طيب  فية من رحمة  ودين  وانهم  ساعدو عراقين  وقد  يساعدونك في  بعض  امور   كي  تثقين بهم  وبعدين  يطير  ويختفي  لعنهم اللة في دنيا  والاخرة  مثل  صاحب  تاكسي  او  احد  يسمع  بقصتك  يتقرب  بقصد  نصب  واحتيال   واني  انصحك  طرق  سليمه  وقانونية  افضل  وامينه   حمد اللة   اهل  خير  موجودون  والعراقين  اهل غيره  كثيرين   ولكن  كلامي   من باب  احتياط   واني  ليس  في  سوريا   ولكي  امر  واختيار  وشكرا   واني  مستعد  اتقبل  ردود  اخواني  مشتركين  بروح  رياضية  واخويه  وشكر  ((  نور  ابو علاء  ))

[انهار]

الاخ ابو علاء آسفة لسوء الفهم  واشكرك للمعلومات المفصلة وانشاءالله سفرك ميتأخر  وتطلع عن قريب بس اريد اذكر لو كان الموضوع سنة ونصف اوحتى سنتين يمكن وقت  معقول اذكر مرة سمعت من عوائل باقين اربع او خمس سنوات ماأعرف مصداقية كلامهم بس هذا الي سمعته ولذلك خفت يصير بيه نفس الشيئ انشاءالله متتاخر المدة وتفرج عن الجميع
وشكر لكل من حاول يساعدني باي معلومة وانشاءالله جزائكم على رب العالمين

[انهار]

بس نسيت اذكر اني ماعندي بطاقة تمونية لان ازوجت خارج العراق ومن رجعت ماسويت لا آني ولازوجي وظلينا بلا بطاقة وحتى ابني ماعنده جنسية ولاشهادة جنسية لان ولادته مو بالعراق بس كدرت اطلعله  جواز سفر هذا كافي لو لا ؟؟
 كل الي عندي اوراقي كاملة واصلية اوراق زوجي الاصلية وكتاب تبليغ عن اختطاف زوجي من الشرطة وكتاب التهديد موجه اليه ولابني  وتاييد سكن من المختار  هذا كافي لو ناقص شيئ

[alnoor-النور]

الي انهار  تحية طيبة  وبعد   ///  صحيح  يوجد ناس تتاخرو   4 سنوات  او خمس  سنوات  علي ماعتقد  احد  مشتركين  الاخ العزيز   بيرج   تتاخر  فترة  طويلة  في  تركيا  وحمد  اللة هو الان   في  امريكا  ويساعد  اخوان  العراقين  في  هذا  منتدي  ومستمر  في  مساعده    وسمعت  ناس   اقل  من  سنه  سافرو       اقول لكي  بصراحة   فترة  وقت  من بداية  الي نهائية   هي  ارزاق  وسفر   كذلك  ارزاق  وقسمة  وكله  بامر  اللة  سبحانه  وتعالي  وندعو  كل  خير  وتوفيق  من  وصلو  الي  امريكا  ويسهل  علي  متبقين تسهل  امورهم  وعلي  جميع العراقين بخير  وتوفيق  وشكرا   ((   نور  ابو  علاء  ))                                 ملاحظة  تفيدك  راجعي  ارشيف  هذا منتدي   فيه  معلومات  جيد  قدموه  الاخوان مشتركين مثل  الاخت  سوس  كليانه  وابو عمار  وبيرج   واسعد  في  تركيا    وكلهم  بركة  وشكرا

[انهار]

هو  سؤال أخير بس كلش مهم
 سمعت اكو  موعد سنوي  يمكن شهر ايلول تتوقف بيه قبول معاملات التوطين   اذا هذا الشيئ صحيح شوكت تنفتح مرة ثانية يعني المدة شهر لو بداية السنة الجديدة لو شوكت ؟؟؟؟
بس حتى ارتب وضعي

[انطوان الصنا]

اختي انهار

1- الدول التي قيها تقديم الى امريكا عن طريق (اليو ان) والاسرع في تمشية المعاملة هى تركيا ثم الاردن

  ثم سوريا بسبب الزخم والنتيجة واحدة حيث البرنامج الامريكي مفتوح حاليا لقبول اللاجئين العراقيين في هذه

  الدول وانت تتقدمين كلاجئة بسبب الاضطهاد والخطف وهم يطرحون عليك البرنامج الموجود لديهم .

2- اخذي معك الوثائق التي ذكرها الاخوان الذين سبقوني .

3- اني انصح للاردن للتنظيم واللغة .

                        سلامات واشأالله بالتوفيق

[احمد الشمري]

الاخت انهار الله يعطيك الصبر ...والله لقد بدأت عيني تسكب دمعا ولا اقول غير الله ينتقم من كل مجرم وكل من اذى انسان  اختي العزيزة انا في سوريا عندما قدمت طلب اللجوء قابلت ثلاث مقابلات مع اليوان وثلاثة مع منظمة الهجرة وهم الذين اختارولي اميركا انا لم اختار .... وكان معدل الوقت بين كل مقابلة تقريبا شهر ونصف او اكثر اي صارلي تقريبا 10 اشهر يالة وصلت مرحلة الفحص الطبي ... وانا اتوقع كحد ادنى امامي من 3 اشهر قادمة الى 6 ان لم يحصل اي اخفاق في طلبي ... لااصل الى مرحلة السفر ... علما اني واصل مرحلة هنا من البوس والمعنات المادية لااحسد عليها ولكني صابر وعلى امل الخلاص . حيث لايوجد حل عندي غير ذلك فانا لن ارجع للعراق ابدا بعد الذي حصل لي علما اني مواطن صالح لم اوذي نملة فقدت منزلي ومحلي وسيارتي واصدقائي فكيف ارجع وكل شبر بالعراق يذكرني بالموت اتمنى لو كنت املك عصى سحرية لنقذت جميع المضلومين .

[من ارض الرافدين]

السلام عليكم
آني انهار بس أضطريت اغير اسمي لان من ادخل اسم انهار مايفتح مااعرف ليش وين الخطأ
المهم ردت أشكر الكل على هاي الروح العراقية الطيبة ويارب نبقى على طول والي انخدعوا وانغروا يرجعون الى طريق الصواب  اشكركم من كل كلبي  والاخ احمد الشمري وتعاطفه وكل الموجودين بدون استثناء وحتى الي ماجاوب اكيد اله اسبابه
ويارب تفرجها عن العراق والعراقيين ياأرحم الراحمين

[vip_maj]

اختي العزيزه . الله يكون بعونج ويسهل امرج . اختي العزيزه قضيتج قويه وتنطبق عليج فقره امراءه بخطر وبلا معيل . لكن التقديم على ال un يطول ويحتاج وقت طويل وحرك اعصاب وانتظار ممل وصرف فلوس من سكن واكل ونقل و غيرها . فاذا عندج استعداد تام من جميع النواحي الماديه والنفسيه توكلي على الله . واحسن الدول الاردن لكن غاليه وبعدين تركيا وايضا غاليه ولغه ما تعرفين . وبعدين تجي مصر وسوريه . ومثل ما اتفضلوا بيه الاخوه الشغله قد اطول اهوايه ومابيها اي نسبه محسوبه للقبول او الرفض .

[iraqforever]

اذا تستطيعين القدوم الى الاردن و من ثم تتقدمين الUN لانه اسرع بلد تستطيعين السفر منه الى امريكا و الله ايسهل امرج وشكرا 

[setta]

الاخت انهار ..
بعد التحية والسلام اليكِ وقبلة جميلة لأبنككِ .. طبعاً اشجعكِ بأن تذهبي وتقدمي باليو ان وانشالله الله يوفقج وماعندي شي اقدمها الج غير اذكرج بصلاتي ولتخافي الله وياج ويا كل مظلوم وشكراً انه شاركتينه بمعاناتج احنا خواتج.
موفقة يارب..

[stivan]

سلام
سيده انهار بس  اريد اذكرج بشي ترى نسيتي زوجج المسكين والتهيتي بالسفر دي شوفي وين صار المسكين  بلكيت يطلقون او طلقوا صراحه؟؟؟
تحياتي لكافه القراء

[من ارض الرافدين]

تحية طيبة لكل من حاول مساعدتي ولو بكلمة طيبة أما  الأخ  stivan أريد اكله
ياأخي انت تعرفني ؟
تعرف شنو الي ظرفي الي اعيشه حاليا ؟؟
تعرف شيئ عن حياتي وتفاصيلها اكثر من الي قريته هنا ؟
 هل من المنطق تبدي رايك بموضوع انت جاهله تماما وهو موضوع زوجي وشنو الي صار واذا اني ناسيته او لا وأذا حاولت أدور عليه لولا ؟؟
ماأعرف انت شلون فكرت لما قررت تكتب الي كتبته وعلى أي اساس حكمت  ...وماأريد اعرف لان أي  تفسير راح يكون بعيد عن المنطق الصحيح خاصة وانه انت اعتمدت بكلامك على مجرد كلمات متعرف شنو الي وراها وشنو الي موجود بين خفايا الموضوع ..
   أما الاسئلة السابقة مامنتظرة اجابة عليها لان متقبل اكثر من اجابة واحدة وهي معروفة لكل عاقل ...
بس اكلك حكمة تكول ... من حكم فيما ليس له فقد ظلم  ..يمكن حكمة بعيدة قليلا عن لب الموضوع بس ممكن تفتهم منها شنو المقصود.... هذا لو ...
مع أحترامي الشديد لأعضاء المنتدى  على أظطراري لكتابة هذه الاسطر

[انطوان الصنا]

اختي العزيزة

لا تنفعلي وتتعصبي الاخ السائل لايقصد الاساءة اني متأكد كلنا تعبانين وغير مرتاحين من الظروف التي

مرت علينا والصبر طيب واشالله تحقيق الاماني الحلوة مع تقديري

[من ارض الرافدين]

 الشكر الجزيل لك ياأخ أبو عمار....  بس الظاهر الطيبين أمثالك انت والاخوة الي يحاولون يساعدون غيرهم هم بس التعبانين والدليل يحسون بغيرهم ويحاولون يدلوهم على الطريق الصحيح
بس غير اشخاص عدهم وقت فراغ ميعرفون شيسون ميلكون وسيلة يشغلون وقتهم احسن  من رمي الناس باحكام ظالمة من دون علم او معرفة
اسفة ماحبيت يكون هذا المنتدى السامي ذو الاهداف النبيلة مجال لمهاترات  فارغة واكرر اعتذاري  وستكون المرة الاولى والاخيرة للنقاش في هذا الموضوع

[evaan]

اخت انهار  مساء الخير
قبل ما انطيك راي بالموضوع اريد اكلك شي  انه اكو هوايه ناس عراقيين شرفاء يكدرون يساعدوك وينطوك النصيحه  ومنهم اللي راسلوك واني قريت كل اللي كتبوه وكل الل يكالوه الك صحيح والغرض انه يريدون يساعدوك
اختي انهار اول شي اتمنى انه زوجك يطلق سراحه ويلتم شملكم وتعيشون  بخير  واكو شغلات لازم انتي تدرسيها قبل ما تطلعين لاي بلد انه تخلين ببالك  الرفض او القبول والنسب متساوي اذا مو انتي بوضعك هذا انشاء الله يصيرلك حل وتتوطنين لان على كولتك انتي امراة في خطر فلازم عليك تحسبين حسابك من اكل وشرب وايجار لمده لا تقل عن سنه اذا مو اكثر بشويه واذا تريدين اني بسوريا كاعد واكدر اكلك انه صرفياتك  كامله تتراوح بين 3-4 اوراق شهريا وهذا يعتمد عليك بالصرف
ثاني اني كاتب فد مقاله بنفس المنتدى اسمه الطريق الى امريكا تكدري تقريه وتشوفين كل التفاصيل
عزيزتي  انهار لازم عليك انه تجيبين مستمسكاتك الاصليه كلها من هويه احوال الك وزوجك وطفلك وشهاده جنسيه وبطاقه شرطه اذا متوفره وكتاب التبليغ عن الخطف بمركز الشرطه وورقه التهديد اذا موجوده واي ورقه اذا حسيتيها تفيدك فجيبيها ومن توصلين هنا باسرع وقت روحي على الامم المتحده وسجلي يمهم وكليلهم انه تريدين ورقه حمايه ووراها توطيت لان اني وحدي وما عندي احد وضلي لحي على شغله ما عندي احد وتريدين موعد سريع حتى تحجين قصتك الهم لان هنا دينطون مواعيد بعد 3-6 اشهر من اول تسجيل بس اذا حاله خاصه مثلك  اعتقد اذا حجيتي ويه احد المسوولين راح ينطيك موعد سريع  ووراها من تملين الفورم وتكتبين القصه مالتك وحاولي تعتنين بالكتابه وتذكرين كلشي عن معاناتك  وتدعميها باوراقك المهمه انشاء الله راح يتصلون بيك باسرع وقت انتي بس كولي يا الله
واطمنك انه هسه التوطين اغلبه الى امريكا وبشكل كلش قليل استراليا وكندا فلا تشيلين هم الدوله لان همه اصلا راح يعرضون عليك امريكا واني متفائل الك بس انتي امني انه هذا الشي راح يصير وكلشي  يكون بخير واني موجود لاي مساعده بس  اكتبيلي  لان انتي عراقيه  وكل عراقي عنده غيره راح يوكف معاك

[evaan]

اخت انهار نسيت اكل شي واخذيها نصيحه من عندي اذا الله وفقك وقبلوك للتوطين كليلهم اريد استراليا بالموتبه الاولى وبعدين امريكا لان هناك باستراليا الرواتب ما تنقطع عنك وعن ابنك  لسنين طويله وينطوك اثاث ورواتب ويعتنون بيك  الى اقصى درجه بعكس امريكا بس 8 اشهر ووراها كلشي ينقطع عنك ولازم تعتمدين على نفسك فنصيحتي الك انه تكليلهم اريد استراليا ووراها امريكا حتى تضمنين مستقبلك ومستقبل ابنك

[evaan]

الشكر الجزيل لك ياأخ أبو عمار.... بس الظاهر الطيبين أمثالك انت والاخوة الي يحاولون يساعدون غيرهم هم بس التعبانين والدليل يحسون بغيرهم ويحاولون يدلوهم على الطريق الصحيح
بس غير اشخاص عدهم وقت فراغ ميعرفون شيسون ميلكون وسيلة يشغلون وقتهم احسن من رمي الناس باحكام ظالمة من دون علم او معرفة
اسفة ماحبيت يكون هذا المنتدى السامي ذو الاهداف النبيلة مجال لمهاترات فارغة واكرر اعتذاري وستكون المرة الاولى والاخيرة للنقاش في هذا الموضوع

   

الشريف يبقى شريف واللي عنده غيره يبقى  واعتقد هوايه ناس يريدون الخير  لغيرهم وانشاء الله كلنا نوكف ويه الاخت انهار وندلها على الطريق الصيص حتى تعرف شراح تسوي بالمستقبل

[من ارض الرافدين]

السلام عليكم
الاخ المحترم  evaan , بارك الله بيك متعرف كلامك هذا شكثر خجلني.....  واعرف العراقيين اهل غيرة وهذا السبب الي دفعني للكتابة بهذا المنتدى وطرح المشكلة واعرف هواي ناس ماراح تقصر بارك الله بكل من عنده استعداد لمساعدة الغير  واني هسه مااحتاج مساعدة اكثر من  الاجابات الي قدمتوها على أسئلتي  واكيد لو صرت بموقف واحتاج الى توضيح  ماراح يكون شي اقرب الي منكم وانشاءالله تفرج عن الجميع وصير مآسينا هذه مجرد ذكريات نحجيها لاطفالنا ...... يارب

[watan]

انا ارى اذا انتي لا زلت في العراق فما عليك الا ان تشدى الرحال فورا الى تركيا وبدون تاخير واستفسار وحال وصولك وبسبب قضيتك ووجود ما يثيت كلامك فسوف تنالين كامل الاهتمام  هنا فى تركيا وسوف لن يطول مقامك فيها سوى اشهر  وتسفرين الى بلد الاستيطان لانك فعلا امراءة فى خطر وانا حاضر  لاى رد واستفسار سريع حتى ان كان عبر اميلى او جوالى لانك فعلا تستحقين المساعده  وخصوصا وانا هنا في تركيا مع عائلتي  ايها الاخت العزيزه

[sarmad adam]

ربي يفرج محنتج
بالنسبة لليو ان انا بقيت في سوريا خمس سنوات وعملت اكثر من مقابلة سواء في التجديد او على القوانين الجديدة ...الهجرة الى امريكا لا تكون مقتصرة فقط على المترجمين او اللذين عملوا مع القوات الامريكية فهناك حالات خاصة اخرى يجب ان تكون مصحوبة باثباتات ومستمسكات رسمية بعيدا عن الحالات العامة اضافة الى الحالات الاخرى مثلا يكون لديك اقارب يسهال هذا اضافة الى القصة والمعاملة الى القبول وشكرا...........

[العراقي الماجد]

لو تجين تركيا افضل

[القرش]

اختي انهار ننصحك ان تذهبي الى تركيا بس اول شيئ لازم تعرفين انها غالية .. بس هي فرصة لك لكي تغادري منها وهناك خروجك للخارج عن طريق الامم المتحده اعتقد اسهل لك . راجعي السفارة العراقية في الوزيرية . والله يحفظك ويحفظ ولدك .

[sardar20]

شكرا اخ العزيز على هاي معلومات