ܒܗܪܐ ܕܚܕܘܬܐ
ܦܘܠܘܣ ܕܢܚܐ ـ ܣܘܝܕ
ܐܢ݇ܬـܝ ܝܘܬܝ ܒܗܪܐ ܕܙܪܩܠܟܼܝ ܓܘ ܦܬـܝ
ܒܫܒܼܝܠ̈ܐ ܕܐܘܪ̈ܚܬـܝ ܫܪܐܠܗ̇ ܚܕܘܬܝ
ܡܘܢܗܪܟܼܝ ܠܠܒܝ
ܡܘܦܨܚܠܟܼܝ ܓܢܝ
ܡܘܪܚܩܠܟܼܝ ܡܢܦ̮ܫܝ ܛܠܘܡܝ̈ܐ ܕܐܢܝ݇ ܙܒܼܢ̈ܐ
ܕܪܓܼܫܐ ܚܫܟܢܐ
ܚܫܐ ܕܥܘܩܢܐ
ܘܠܚܕܐ ܐܘܪܚܐ ܚܕܬܐ ܦܘܩܕܠܟܼܝ ܐܢܐ.
ܒܗܪܐ ܕܚܕܘܬܐ ܓܘ ܦܬܟܼܝ ܙܪܩܐ
ܓܚܟܐ ܘܗܪܗܪܬܐ ܒܣܦܘܬܟܼܝ ܪܩܕܐ
ܡܡܠܠܐ ܕܡܪܕܘܬܐ ܡ̣ܢ ܦܘܡܟܼܝ ܢܛܦܐ
ܓܡܝܪܘܬܐ ܕܫܘܦܪܐ ܡ̣ܢ ܩܘܡܟܼܝ ܨܠܝܐ
ܚܢܢܐ ܘܚܒܼܪܘܬܐ ܓܘ ܥܝܢܟܼ̈ܝ ܒܪܩܐ.
ܓܒܼܝܢܟܼܝ ܒܗܪܘܢܐ ܠܚܕ ܝܘܡܐ ܚܕܬܼܐ
ܟܘܣܟܼܝ ܪܦܪܘܦܐ ܡܐܝܟܿ ܐܬܼܐ ܕܐܘܡܬܐ
ܡܥܠ ܩܪ̈ܩܦܝܬܐ ܕܛܘܪ̈ܢܐ ܪ̈ܡܐ
ܒܪܩܠܟܼܝ ܩܪܝܐ
ܕܢܛܪܚܠܗ ܚܘܒܢ
ܡܫܬܚܠܗܘܢ ܘܪ̈ܕܢ
ܓܪܘܣܚ ܫܒܼܪ̈ܢ
ܐܡܝܢ ܒܙܘܡܪ̈ܐ ܡܫܒܘܚܐ ܠܡܪܝܐ.
ܓܘ ܒܗܪܐ ܕܥܝܢ̈ܟܼܝ ܠܗ̇ـܝ ܐܪܥܝ ܚܙܐܠܝ
ܡܠܝܬܐ ܡܓܢܬ̈ܐ ܕܘܪ̈ܕܐ ܘܫܘܫܢ̈ܐ
ܒܘܒܠ̈ܐ ܕܢܝܣܢ̈ܐ
ܥܢܒܼ̈ܐ ܕܟܪ̈ܡܢܐ
ܘܡܝ̈ܐ ܕܥܝܢܬ̈ܐ ܪܕܝܐ ܒܚܩܠܢ̈ܐ
ܡܫܬܘܝܐ ܠܘܪ̈ܕܢ ܣܒܼܪܐ ܕܦܘܪ̈ܩܢܐ.
ܒܟܠܝܗܝ ܐܘܪ̈ܚܬـܝ ܗܐ ܒܗܪܟܼܝ ܙܪܩܐ
ܐܢ݇ܬـܝ ܝܘܬܝ ܐܪܥܐ ܘܡܘܠܕܐ ܘܒܪܝܬܐ
ܐܢ݇ܬـܝ ܝܘܬܝ ܚܝ̈ܐ ܕܣܒܼܪܐ ܒܫܒܼܩܐ
ܩܐ ܚܘܒܢ ܒܪܝܐ
ܩܐ ܚܘܒܢ ܟܠܝܐ
ܩܐ ܚܘܒܢ ܚܠܝܐ ܐܡܝܢ ܒܚܦܩܐ
ܒܗܪܘܢܐ ܠܪܩܝܥܢ ܡܥܡܛܢܐ ܕܙܒܼܢܐ
ܩܝܢܬ̈ܐ ܕܚܘܒܐ ܒܐܪܥܢ ܒܫܒܼܩܐ
ܠܩܠܐ ܕܒܘܠܒܘܠ̈ܐ ܘܙܘܡܪܐ ܕܚܝ̈ܐ
ܒܦܨܝܚܘܬܐ ܡܠܝ̈ܐ ܐܚܢܢ ܒܬܦܩܐ.[/font][/size][/size]
الكاتب
