المترجمين العراقيين يرغبون بالعودة الى العراق ولايكترثون بالمخاطرة

[samir latif kallow]

المترجمين العراقيين يرغبون بالعودة الى العراق ولايكترثون بالمخاطرة


بعد مرور عام على وصول المترجمين العراقيين الى الأمان في الدنمارك ,اختار الكثير منهم العودة الى العراق  حتى لو كانت هناك مخاطرة على حياتهم ,والسبب في ذلك هو عدم حصولهم على عمل في الدنمارك. ولقد صرح احدهم بأنهم لا يملكون خيار اخر وانهم يرغبون بالعودة الى العراق. يذكر بأن قضية الامان لمترجمين العراقيين الذين عملوا مع القوات الدنماركية كانت القضية الساخنة لدى السياسيين في الصيف السابق ومع الضغوط على الحكومة التي اجبرتها على الموافقة لاستقدام المترجمين العراقيين. ولقد ابدى وزير العمل استغرابه لعدم حصول هؤلاء المترجمين على عمل وأن البعض منهم مهندسين واطباء



http://www.iraker.dk/index.php?option=com_content&task=view&id=7606&Itemid=73

[المهندس معن باسم عجاج]

  لما كنت مع الغريب عليّ يا ابن عمي ...وها انت عند الغريب فليكرمك وانت بعت الاهل والارض والاحبه ...ولكننا سنصلي لكم من اجل ان يقبلوكم الغرباء لتكونوا منهم وسنصلي من اجلكم ونقول لكم لن نزعل منكم لانكم تركتمونا في ازماتنا ونحن اهلكم ولكن تاكدوا اننا العراقييون الساكون العراق اليوم والذين لن نخرج منه انما نحن مثل الابن الاكبر يزعل قليلا ولكنه يعود يقاسم ورثه لاخيه الصغير
الله يحميكم  يا مترجميننا الكرام

[دجلة والفرات]

مو الجمـاعة تعلموا على الراتب العالي حينمـا عملوا مع القوات الدنمـاركية ، وحينمـا رجعوا الى الدنمـارك اصطدموا بالواقع حينمـا لم يجدوا عملا يدر عليهم مثل رواتبهم مع قوات الأحتلال ، نتمنى لكل عراقي العيش الكريم ولكن ليسى مع من يحتل وطنه ، لا سيمـا هنالك تجربة مريرة في جنوب لبنان حينمـا حرر اضطر انطوان لحد وجماعته الى الذهاب الى اسرائيل ولكنهم لم يجدوا فرص عمل ايضـا ،، وتبهدلوا بالعراقي ،، .

ابن الرافدين

[المهندس معن باسم عجاج]

بارك الله فيك يا ابن دجله والفرات فانت لم تقل الا الحق بعينه ...وارجوا ان اقول لهم نحنا بالعراق رغم كل شيئ ورغم الجوع ورغم الارهاب ورغم الاحتلال ورغم البطاله بس احنا بخير لانوا دنشرب من ماء دجله ومن نجي انام نكون واثقين اننا لم نبع انفسنا او اضررنا بالناس
احبائي المترجمين متى نتعب فزياره صغيره لمدينه دهوك او شقلاوه تنعش قلوبنا ونزهه صغيره في غابات الموصل تغسل كل املنا ولو ما كفه سندويج الفلافل يمكن نشتري ثلاثه ونشبع بخير العراق بس احنا فرحانين...تحيه للكاتب الكبير دجله والفرات ...وترى نحن هم انصلي الكم بلكي الله يراف بحالكم  يشيل البهدله عنكم ترى انتوا هم اهلناونحن نحبكم

[مترجم]

يوجد موضوع في منتدى اخبار العراق تحت هذا العنوان... وحينما دخلت لأقرأ .. وجدت الكثير من التعليقات والتجريح في المترجمين
احببت ان اضيف تعليق بسيط. ردا على تعليقاتهم الجارحه .. ولكن قيل لي غير مسموح لك بالمشاركه في منتدى الاخبار
لهذا احببت ان اضع شيء هنا لمجرد الدفاع عن هؤلاء الشباب وليس دفاعا عن نفسي فقط

بالبدايه احب ان انوه ان ليس كل من عمل مع القوات او الشركات او المنظمات الاجنبيه بالعراق هو خائن وعميل وانسان باع كل قيمه واخلاقه مثل مايتصور البعض ...
ان الغالبيه من الذين عملو كمترجمين هم من حمله الشهادات العليا كاطباء ومهندسين وخريجين لغات وغيرها .. شباب كان انحسار فرص العمل من جانب وسيطره الاحزاب والميليشيات على الدوائر والمؤسسات والبنى التحتيه للبلد  من جانب اخر .. من الاسباب الرئيسيه التي دفعتهم للعمل مع المنظمات او القوات الاجنبيه

اذا كان هناك الشواذ من هؤلاء .. فهم القله القليله .. هذا شيء طبيعي مثلما هناك اي مجال عمل او اختصاص فيه الشواذ فهذا لا يخول للبعض الحكم على الجميع ممن امتهن هذه المهنه

صدقوني حتى اصحاب التعليقات لو كانت لهم الفرصه ان يعملو براتب مغري فسوف لن يترددو ولا للحظه واحده
اذا الامر مجرد حسد وحقد في رئيي

اقول لكم بصراحه .. العمل مع هذه الجهات هوه حلم يداعب مخيله غالبيه الشباب العراقي ومن كل الاختصاصات .. لكن الظروف الامنيه هي التي تمنع الكثيرين من المجازفه وعدم التمكن من اللغه الانكليزيه هو السبب الاخر .. فلا يتحججون البعض بالوطنيات ...

الكثير من هؤلاء الشباب تعرضو للقتل .. انا شخصيا خسرت الكثير الكثير من الاصدقاء . الى ان وصلت مرحله ليس لي احد من الذين عملت او درست معهم .. الكل اما مقتول او خارج العراق
واذا نرجع للحقيقه فان هؤلاء المترجمين هم اصحاب الفضل الاول فتح برنامج التوطين الامريكي الذي ينتفع منه الجميع الان .. اذا تحبون ابعث الاخبار والنقاشات الي صارت حول تعرض العاملين مع القوات الامريكيه للخطوره  وكيف شكلت ضغط على الرئيس الامريكي من اجل فتح هكذا برنامج للتوطين .. في وقت تحث فيه الحكومه العراقيه على ارجع اللاجئين من كل انحاء العالم..


عملت في منظمه انسانيه تساعد النازحين على الحدود بعد الحرب مباشره بعدها
عملت في شركه قامت بانشاء محطه كهراء كبيره في العراق
بعدها عملت في مؤسسه تشرف على بناء عدد كبير من المستوصفات والمراكز الصحيه وبالتعاون مع القوات الامريكيه بشكل مباشر

ارجوكم الانصاف عند الكلام.. احنه هم اخوانكم .. .. ماندمت على عملي مع الامريكان .. ولا راح اندم
واذا رجع الوقت الى الوراء فراح اكرر نفس الي سويته


وسام

[86sweet_angel]

سؤال موجهه الى الاخ المهندس معن والاخ دجله والفرات هل ممكن ان تجيبوني لو كان اخوك هو الي يشتغل مترجم هل راح يكون رد فعلك بهاي الطريقه وثاني شي ممكن تكولي شنو هي فرص العمل الي موجوده حاليا للشباب الي سواءا كانو خريجين او لا احب اكولك اني عايشه بالعراق واعرف كل الامور الي يمر بيها الشاب العراقي يأما يصير ارهابي ويأما يصير جندي وبالحالتين من يموت فيصبح ليس لديه قيمه مع الاسف وثالث شي كل شاب يفكر يكون نفسه لان كل انسان يحب يكون عائله ويعيش مرتاح واغلب الشباب الي لجؤوا الى العمل ويا الامريكان ليس لحبهم بالامريكان وانما لان عملهم وياهم يوفرلهم فرص اكثر لذلك مو من حق اي انسان يحكم على انسان مايعرفه لان كل انسان معرض للخطأ واكو بعض المترجمين يخطأون لذلك اساؤوا للاكثريه الي تحاول تضحي بحياتها علمود تعيش مثل ماتحب مو يظلون طول حياتهم عايشين ويفكرون اليوم اكو شغل وباجر ماكو كل انسان يفكر بمصلحته والعمل مع الامريكان لا هو خيانه ولا باطل وانما هدف يسعى اليه اكثر الشباب علمود يكونون نفسهم واكثرنا دانسمع حاليا الامتيازات للمترجمين فأنتوا قرروا ياهو احسن يصير ارهابي لو يشتغل ويا الامريكان سنه ويطلع خارج العراق الي صار اشبه بالجحيم  وثاني شي اخ معن مو كل شخص يكدر يروح سفره الدهوك او شقلاوه مثل ما تكول لان اذا انت عايش ابغداد فااول شي راح تسوي علمود تروح سفره هو تكظي 5-6 ساعات طريق وياتصيب ياتخيب يعني لو توصل بسلامه لو لا واعتقد انت تعرف الباقي عن طريقة معاملة الاشخاص الي جايين من بغداد للشمال

تحياتي الكم واتمنى انو الانسان يرى الشخص المقابل من كل النواحي مو بس من ناحيه وحده واني بالنسبه الي لا مترجمه ولا شي وانما اني طالبة كليه


مع احترامي وتقديري

سويت انجل

[دجلة والفرات]

نتمنى لكل عراقي العيش الكريم ولكن ليسى مع من يحتل وطنه
..............................................................................

 واوكد لك اختاه بانني لن ارضى على اي انسان حتى لو كان ابني او اخي للعمل مع المحتل المجرم ، لأن ذلك يساعد المحتل على البقاء وتنفيذ اجندته التي جـاء من اجلهـا وبالنتيجة نكون شركاء معه في كل الذي حصل ويحصل لوطننـا الحبيب واهلنـا ، والظروف التي يمر بهـا ابنـاء شعبنـــا وبضمنهم الشباب هي بسبب الأحتلال ، نصلي ونطلب من الرب ان تزول هذه الغمة السوداء عن سماء وطننـا المفدى ويعيش شعبنا المبارك عيشة حرة كريمة تليق به كونه شعب اصيل وصاحب اول حضارة في التاريخ ، والله من وراء القصد .

وشكرا للعراقي الوطني الشهم المحب المهندس معن بـاسم عجاج ابن ام الربيعين على مشاعره الطيبة وعلى جميع مساهمـاته في الموقع التي تعبر عن مدى حبه لوطنه وشعبه ، واخيرا نذكر بان التاريخ لن يرحم احدا وخاصة في مسالة الولاء للوطن او العكس خيانته .

ابن الرافدين

              مع المودة

[86sweet_angel]

اخي العزيز دجله والفرات ممكن اعرف حضرتك وين عايش ؟لان اذا انت عايش خارج العراق فاانت متعرف شلون يعيش كل شخص بالعراق اخويه الوضع بالعراق وصل الى درجة الاخ يقتل اخو واعتقد ماراح تصدك هذا الشي بس هي هاي الحقيقه وثاني شي كل انسان روحه عزيزه عليهه وميحب يموت موته شنيعه او يلكى نفسه بالنفايات ويلي يسموها بهذا الوقت الطب العدلي لذلك كل الي يشتغل ويا الامريكان فهو مجبور لان يحاول يستغل الفرصه علمود يخلص من هذا الوضع ويغادر العراق واذا تسال كل عراقي ذاق كل المراره هاي راح يكولك اتمنى تكون عندي فرصه علمود اغادر العراق وثاني شي الامريكان ممعتمدين على المترجمين علمود يبقون بالعراق حتى بدون المترجمين همه باقين وانت تعرف علمود شنو ماكو غير النفط ويااخي اريد اسالك سؤال وين جانوا الي عدهم غيره على الوطن من صارت الحرب ليش محد مدافع عن العراق ليش الاغلبيه استقبلت الامريكان بالورود ودخلوهم للبيوت وواكلوهم ؟؟؟؟ ممكن تجاوبني اعتقد لو كان النص واكف ومدافع عن العراق مجان احد يكدر يدخل العراق

[دجلة والفرات]

الأخوات والأخوة الأعزاء المحترمون ...

لا اريد ان ادخل معكم في سجال لأنكم اعزاء علي وكل عراقي عزيز علي مهمـا كانت ارائه ، ولكن هنالك ثوابت وطنية لا يمكن لأحد منـا تجاوزهـا وخاصة حينمـا تتعلق بالوطن ، فمهمـا حاولتم تبرير العمل مع المحتل فمعظم العراقيين لا يؤمنون برايكم وتوجهكم ، وعلى العموم فان اخوانـا لنـا في العراق يضحون بالغالي والنفيس لطرد المحتل مهمـا كانت قوته وجبروته ، وقلوب معظم العراقيين في الداخل والخارج معهم ، وكل انسان يعمل مـا باستطاعته لطرد المحتل وليسى بالضرورة ان يقاتل معهم ، ولكن برفض الأحتلال ، او القلم ، او الدعم المادي او المعنوي ، والى اخره ، وهنالك نقطة مهمة جدا ان كل المترجمين يعيشون في بلدان المهجر وهذا يعني ان معيشتهم مضمونة ، ولكن الذي يدفعهم للعمل مع المحتل هو ضعف شعورهم الوطني والجشع المادي ، غير مبالين بحياتهم التي هي اغلى شئ في الدنيـا ... وهنا ينطبق عليهم قول السيد المسيح له المجد ...

مـاذا يفيد الأنسان لو ربح العالم كله وخسر نفسه .

واخيرا انصح الأخ وسام بان لا يجازف بحياته مرة اخرى ويكون قنوعـا برزقه ... فالقناعة كنز لا يفنى ، مع تمنياتي لكل العراقيين بالعيش السعيد .

ابن الرافدين

[المهندس معن باسم عجاج]

اختي الفاضله الملاك الحلو
تحيه لك اينما كنتي وتحيه لحماسكي في الدفاع عن الاخرين ...وقبل ان اقول لكي اي شيئ اريد ان تعرفي اني اعيش في الموصل واني كنت مقدم مهندس في الجيش العراقي الوطني قبيل الاحتلال وبغض النظر على منهجيتي الفكريه الا اني وطني احب العراق
واقول لكي يا اختاه انا اليوم عاطل عن العمل لا بل انا بالسالب ولا استطيع ان اوضح اكثر وانه لو عدت للجيش وعملت باوامر عراقيه موجهه من قوات الاحتلال اعتبر ذاتي غير وطني وخائن لوطني كما اني اجيد اللغه الانكليزيه بصوره ممتازه ولم ولن اقبل ان اعمل مترجم او مهندس مع قوات الاحتلال مع ان الفرصه ما زالت قائمه
انا واهلي مستعدين ان نجوع وان نبقى بلا ماء وكهرباء وبلا وظيفه وبلا عمل فقط يخرج الاحتلال من اراضينا ...اريدك ان تعلمي يا انستي اني لست كارها للشعب الامريكي لانه شعب رائع وطيب كما اني احترم التكنلوجيه الامريكيه كوني مهندس ولكني لن ولن احب الجيش الامريكي الذي احتل بلدي وكان فتيله الفتنه في دمار العراق لذا فلن اعمل معه وسبق ان قلت ان الجوع لن يقتل النفس ولكن ان تبيع اخيك لتاكل انت انما قتلت نفسك وانت لا تشعر
 انا لا اقول العمل مع المحتل حرام ولكنه عيب اجتماعي فانتي ان احتل عمكي وهو دمك ولحمك بيت جدك وضايقكي وبيت ابيكي وجعل حريتكي مقيده واهان ابيكي فهل ستقبلين ان تعملي معه

[دجلة والفرات]

بـارك الله بك يـا معن وبعائلتك الكريمة فانتم حقـا مثالا للمواطنة الصالحة التي يجب ان يتصف بهـا كل عراقي رضع حب الوطن مع لبـان امه الطاهر وهو طفل ، يقول الفنان العراقي الأصيل سعدون جـابر ... اللي مضيع ذهب بسوك الذهب يلكاه ، ولكن اللي مضيع وطن وين الوطن يلكاه ...؟؟؟ نعم الوطن غالي لا سيما العراق موطن الحضارة الأولى في التاريخ الذي دمره المحتل الذي لا تاريخ له ، وهم رعاة بقر ومرتزقة ...  دولة ، و ارضـا ، وشعبـا ، وحضارة ، ونهب ثرواته والى اخره ، ان مـا جرى ويجري في العراق من دمـار لا مثيل له في التاريخ وقد تجاوز بقسوته غزو واحتلال هولاكو ، الا يكفي ما يشاهده العراقي من مـاسى ودمار في بلده منذ اكثر من 5 سنوات ليغير قناعته بالغازي المحتل وعملائه من الخونة والمرتزقة والسراق ومن لف لفهم  ...؟؟؟

ابن الرافدين

[peter_313_1]

اخوان هذا قسم اخبار العراق وليس قسم مناقشات ....لقد لاحظت كثرة الردود في هذاالقسم في الفترة الأخيرة وفي بعض الأحيان يكون الرد بالعامية....ارجو من المسؤولين على هذا القسم ملاحظة ذلك

[86sweet_angel]

اخي معن احب اسالك سؤال بااعتبارك بالجيش العراقي السابق هل ممكن ان تكولي شكد النسبة من الجيش الي اتعاركوا بالحرب ضد الامريكان ؟؟؟ لو كان النص يتعارك لما كان هذا حال العراق ولما كان باستطاعت الامريكان الدخول اخي انت تحجي على الخيانه لعد الي ترك موقعه بالحرب وانهزم ويلي جان ينطي احداثيات بالحرب وهسه صاير يحب الوطن ويدافع عنه والدفاع مالته هو الارهاب الي يقتل جيرانه شنو يسموا ويلي ينطي معلومات عن جيرانه شنو هو هاي كولها خيانه بس خيانه مستوره يعني بدون علم احد اكثر الي يكولون احنا نحب الوطن ونضحي من اجله لمن تجي ادور وراهم تلكاهم همه اكثر الناس يشتغلون ويا الامريكان ولصالحهم اخي العزيز اذا نكعد نكول المترجم خائن ومايحب وطنه فااكيد كل شخص يشتغل حاليا يعتبر خائن لان الحكومه اتت بمساعدة امريكا وكل انسان عنده محل او اي شي ثاني يسترزق منه هم نكول عليهه خائن بااعتباره دايساعد اقتصاد البلد الي تقوده حكومه جاءت بمساعدة المحتل فشفت يااخي طلع الاكثريه خونه وهذا شي غير صحيح الي يحب وطنه يحبه بقلبه مو يبرر حقده وارهابه على اساس حبه للوطن ويامهندس معن مااعتقد عائلتك بحاله جوع فضيع وانشاءالله مايجي اليوم وتكون بحالة جوع بس ثق يااخويه العزيز انك اذا رايت دمعة طفلك او امك او اي احد من افراد عائلتك وكان سبب الدمعه هو الجوع لفعلت كل شيء لأجل ان تمحيها ويمكن راح تستغرب على طريقة دفاعي عن الاخرين لكن هي هاي روح المحبة مهما يكون هذوله شباب العراق واخوانه واذا احنا نعاملهم بهاي الطريقه ونحجي عليهم لعد لا عتب على الغريب شيسوي بيهم  اعتقد ماكو احن من قلب العراقي بالدنيا كولها لان مستعد يعرض نفسه للخطر علمود يشوف عائلته عايشه العيشه الي تريحهم

[المهندس معن باسم عجاج]

تحيه لك من القلب ايها الاخ الوطني الكريم ابن الرافدين وشكرا لاطرائك لي ولعل هذا لا استحقه لاني لم استطع ان اقدم لوطني ما يستحق ولكن قلمي ما زال يكتب ويفعل الكثير
اما الاخت الكريمهالملاك الحلو فانا اقول لها...لي الشرف يا انستي ان اكون واحد من اخر عشر ضباط في مقر قياده العمليات بعد سقوط تمثال رئيس الدوله  وان اخر كلمه قالها القائد ان من بين اخر عشر ضباط مقاتلين مقاتل مسيحي وهذا فخر لي ولعائلتي ...اما ان يقاتل جيش بكلاشنكوف صواريخ تنطلق من البحر الاحمر فهذا الجنون بعينه ...كما ان الاوامر التي صدرت هي اختفاء وانسحاب الجيش وهذا امر ووجب على الجميع تنفيذه وارجوا ان تتذكري معارك ام قصر والمطار والناصريه  ومناطق اخرى .
اختي الكريمه للاسف انا اقاوم المحتل بقلمي فحسب وليس لدي المقدره على مقاتلته بالسلاح لربما بسبب الظروف الصحيه التي امر بها او بسبب المنطق الذي يجعل من المستحيل على بطل العالم بالمصارعه ان يقف امام قطار ليوقف قطار بسرعه فائقه مهما كانت قناعاته لان هذا الجنون بعينه  ونهايته اكيده وانا لست بطل العالم بل انسان بسيط ...اريد ان اقول لكي انه ارسل لي كرين كارت امريكي لمده اربه سنوات وانا ارفض ان اعادر الوطن
اما ما تتحدثين عنه وعن الارهاب المجرم ان كان بالسلاح او بالابلاغ عن الاخرين او بالاشتراك مع المحتل والعمل معه فهذه ليست من صفات العراقي النظيف وخصوصا لو كان من اتباع يسوع ...اريد ان اقول لكي اني تحملت الكثير من المحتل وعملائه للاسف من كلام واشاعات واهانه امام عائلتي ولكني صابر وواثق من ان لا يصح الا الصحيح  والصحيح هو العراق وشعبه المؤمن
عليكي ان تعلمي اني اتالم كثيرا عندما يضربون الاتراك والايرانيين اراضينا في كردستان وان الحكومه في كردستان لها من الحكمه يجعلها لا تجيب عليهم وهذا لا يعني ان هذه الحكومه او الجيش العراقي الحالي ضعيف بل لابد من استخدام الحكمه وبالمناسبه في اي لحظه يطلب مني او من ابناء الشعب العراقي الوقوف مع الشعب الكردي لصد الاعتدائات فساكون او الفاعلين وهنا اسالكي هي سيقوم الساده المترجمين بالدفاع عن العراق ..اني اشك بذلك
تحياتي لكي ايتها البطله التي تدافع عن المترجمين بقوه المحبه وانا احي فيكي هذه المحبه ولكن ارجوكي ان تضعي جزءا من محبتكي هذه للناس الذين يعيشون ضيم الاحتلال وضيم الارهاب المتاتي منه ...انا عراقي واحب وطني ولم اكن يوما معارضه لحكومه او مقاومه لمحتل ليس لاني ضعيف بل كما قلتي لكي لن اكون احمق واقف امام قطار ابسط شيئ يقوم به هو تقطيع لشتي
اتمنى ان تعملي مع المنظمات الانسانيه ومنظمات المجتمه المدني بقوه محبتكي لخمده العراق الغالي واخيرا اقول لكي مهما كنتي ومهما كان فكركي فانا احبكي يا اختاه فقط لانك عراقيه ..والرب يسوع يرعاكي

[samir latif kallow]

الاخوة الاعزاء لقد تم غلق الموضوع لاننا استمتعنا بكل الاراء وهذا هو جزء من الديمقراطيه

شكرا لكم جميعا