الك وحشة ياوطن .جديد

[hani sabah]

                                          الك وحشة ياوطن.                           


                         الك وحشة مني ياوطن واتمنى اليوم اشوفك

                       الاحتلال دمرني وهو الي خلاني امشي واعوفك


                      عشت سنين بالغرب لا اقدر اجيلك ولا تقدر تجيني

                          انام الليل ويمر طيفك عليه ويريد يصحيني


                       شلون اقدر انساك وشوكك بنص القلب ساكن

                      صدقني وين ما اروح اشوف صورتك بكل الاماكن


                      وين نلكه مثلك ياعراق فارس واتغار منه الخيول

                    عيش ياوطن وقاوم واخذ عمري وخل عمرك يطول


                       انت ياعراق اجمل بلد بالكون الي خلقه ربنا

                        بعون الله تبقى عايش ومن كل شر ينصرنا


                      دكلي ياوطن هم راح يجي يوم ارجع وادك بابك

                    الله على حبك ياوطن شكد احب اموت واندفن بترابك.


                                        هاني العراقي.


                             
                               

[**وفاء**]

ألاخ هانى

للوطن وحشة على مر الزمن ..
ولا أستغناء عن حبهِ ..
شكرا لما كتبت

تحيتى

وفاء

[hani sabah]

في البداية اريد ان اشكرك يا اختي العزيزة وفاء على هذه المداخله الجميلة وعلى هذا الرد الجميل

واتمنى لك النجاح والموفقية في مجال الادب والشعر.اخوك المخلص هاني العراقي.

[zaya.nabati]

العزيز هاني
إستمر على هذا النحو من كتابة الشعر الشعبي
وغير القافية في كل مرة من أجل التجديد وعدم التكرار

خالك ضياء يوسف

[hani sabah]

شكري وتقديري لك ياخالي العزيز ضياء الورد وشكر خاص على هذه المداخلة الجميلة وارجو ان ينال رضاك  هذا الشعر .واما انا سوفى اوعدك على ان تقراء مني الجديد والافضل عن قريب وباسلوب يختلف عن هذا الاسلوب
ان شاء الله.  في النهاية لك مني تحياتي واحترامي.هاني