ركن رجال الاعمال ... ماهو مشروعك في امريكا؟؟

[Haidor]

صحيح ان الكلام مبكر بالنسبة للكثيرين بالحديث عن فرص العمل و المشاريع في امريكا، و لكنني ارتأيت ان افتح باب النقاش لاصحاب الافكار و اصحاب الخبرة بان يضعوا معلوماتهم عن ما يمكن تحقيقه في امريكا من عمل...صغير كان ام كبير
ليس لدي خبرة واسعه بالاجور و الاسعار و لكن عموما يتراوح دخل اللاجئ في الوظائف ذات الدوام الكامل من 7.5 دولار بالساعه الى 11 دولار.

ابتدأ انا الافكار:

1- كمشروع صغير: يجب ان يكون لديك سياره (و إجازة سوق طبعا) في هذا المشروع و هو لا يأخذ الكثير من الوقت (يجوز 3 ساعات باليوم).  تتعهد بموجب عقد بان تستلم عملية ملئ قواطي الببسي في مكائن بيع الببسي ذات العملة المعدنية ل 3 شوارع حيث تجلب الببسي من الشركة او الاسواق بسيارتك و تفتح المكينه و تمليها كل يومين او ثلاثه و تتلقى اجور تكفي ان تطلع مصرفك، وهذي الشغله لا تحتاج الى لغة انكليزيه متقدمه او مهارات صعبه... هذي الشغله متوفره كما اخبرني احد الاصدقاء و يمكن التقديم عليها بسهوله.  اكبر المتنافسين على هذي الشغله هم طلاب الجامعات، لانها لا تحتاج الى وقت كبير و يمكنك ان تبرمج وقت العمل حسب حاجتك.

2- في منطقة سكنك، يمكن ان تعمل كعامل بريد صحف، حيث تتاح هذي الشغله للكثيرين و ساعات العمل فيها خلال الليل فقط، من 3:00 صباحا و حتى السادسه الصبح.   تحتاج في هذي الشغله الى بايسكل او دراجة و هي على نطاق منطقتك فقط و لا تحتاج الى مهارة او لغة معقده.

3- بالنسبة للكثير من النساء اللي يجيدون اللغة الانكليزيه، يتوفر لديهم فرصة تدريس اللغة العربية في مدارس قريبه من سكنهم.

4- لجميع المترجمين اللي انقبلوا كمهاجرين او لاجئين في ولايات تحتوي على قواعد عسكرية كبيره، يمكنهم بسهولة التقديم للعمل كمترجمين متعاقدين مع القوات الامريكية في العراق، و الرواتب طكوك.

5- بالنسية للي عملوا في مجال السكيورتي بالعراق فان الكثير من الشركات الكبيره توظف رجال امن يجيدون التصرف في الحالات الامنيه و لديهم بنية جسمانية سليمة.

6- بالنسبة للعمال المحترفين، كالنجارين و الحدادين و الحلاقين و الكهربائيين و تقنيي الصحيات فان فرص حصولهم على عمل (و حتى العمل المستقل) ليست بصعبة.  يشمل ذلك تقنيي السيارات و عمال البناء و مطبكين الكاشي و خبراء الدواجن.

7- الكثير من الصحف المحلية توظف عرب ذووا لغة انكليزية قوية بغض النظر عن الشهادة لكي يقوموا بترجمة اخبار الشرق الاوسط و نشرها في صحفهم.  و هذا العمل يدفع له بالساعات و هو عالي الاجر.

اما بالنسبة للمشاريع المتوسطه: فقد سمعت ان تجارة السيارات الحديثة المتضرره هي تجارة رائجة، حيث تستطيع ان تشتري هذي السيارات بسعر رخيص من شركات التأمين و ترسل هذي السيارات للامارات من اجل التصليح و البيع في الامارات او في العراق و لكنك ستحتاج الى راس مال و اشخاص يشاركونك في هذا المشورع كي يستلموا السيارة و يبيعونها في العراق.

حيدور

[ابو بشار 55]

     والله ياأخ حيدور هذا خوش باب افتحتلنا !!!!!

بس انريد أتفتشلنا بموضوع المأكولات السريعة وما يتبعها من خدمة سريعة أو واحد ينتج الأكلات العراقية

والعربية في سكنه ويوزعها على الطلب هل يجوز هذا وأرغب أن تبحثلنا في أعمال ومهن في هذا المجال

أو غيره لكون الواحد منا حديث العهد في هذا البلد وما هي الملاحقات القانونية بذلك......

وفي الختام تقبل مني جزيل اشكر والأحترام ........

                 أخوك..........أبوبشار

[Haidor]

سأبدأ بالاتصال باصدقائي و عند حصول فرصة ساسالهم عن الامور القانونيه اللي تتبع فتح الكافتريات الصغيره و مطاعم التيك اواي.  اعتقد انك مادام تدفع ضريبة و مسجل المطعم رسميا تكدر تشتغل. هذي فكرة جيده جدا لان ربات البيوت يستطيعون انتاج الكثير من الأكلات العراقية اللذيذه و كذلك يمكن بوجود العوامل المساعدة تطوير هذا العمل ليصبح انتاجي في حالة رواجه و بعد بناء علاقات اجتماعية مع المحيط...

حيدور

[osama5477]

احسن شغلة واحدي يفتح محل مال طرشي  ، ومطعم مال كباب وباكلة بالدهن ، اني بالنسبة الي احب اسوي شركة تصنيع روبوتات وشركة تصنيع مكاين ال Vinding  والي هية تبيع اوتماتيكايا يعني اتخلي فلوس تاخذ شتريد ، اتصورا اني فكرت اسويه بالعراق ، بس كلت مو بس تنكر اني هم يشيلوني ويطلعوني مشعوذ ، عندي ولع بتصيع الروبوتات ، واني بالعراق سويت اكثر من روبوت ( من تنك وتاريات مال مولدة ) بس اني سويت البرمجة مال العقل عندي ولع بالألكترونيات وعندي احلام هواية وكله مدفون بالعراق العظيم وية الصوت مال المولدة مال البيت ويه فزة الأنفجارات والطلقات والعلس اليلي الله كريم ، اني اذا سويت شركه صغيرة مال تصنيع مكاين التوزيع الي حجة عليها حيدور والي توزع الببسي والمواد الغذائية البسيطة الي يريد يشتغل وياي مية هلة بيه ، ها عود اذا رحت لأمريكا لأن اذا بقيت ورة ال IOM مال بغداد هاي المكاين راح تلكوه بكل مكان بارعاق وخصوصاً بكراج العلاوي وباب المعظم تحط الف دينار تتطلع قوطية ببسي وياه هدية رمانة تفجر نفسك بيه وتخلص

[zozololo]

شكرا حبيبي حيدوري على هاي المشاريع,,, وننتظر منك المزيد ,,,,, ومن كل واحد عنده مشاريع وافكار يفيد بيها اهله وناسه......والله يوفق الجميع......

[dento_1000]

شكرا اخي حيدر على هذا الموضوع.
بس بالنسبه للنساء وتدريس اللغه العربيه اعتقد هذه الفرصه قليله جدا اذا مو معدومه. الا اذا الشخص يسكن بولايه بيها جاليه عربيه كبيره يعني احتمال يحتاجون لتدريس اللغه العربيه. بس بالولايات الباقيه ما اعتقد يطلبون شخص لتدريس اللغه العربيه. هي فرصه حلوه للي يعرفون العربي والانكليزي بس فرصه قليله

[سندباد بغداد]

الاخ حيدر
عاشت ايدك على هذا الموضوع  موضوع جميل  ومهم  ولم يتطرق  اليه احد
اتمنى ان ترفدنا بالمزيد
اخوك  احمد     سوريه

[حمودي ابن زيونه]

بله اكو نوادي مال طوبة اهناك وتنطي رواتب؟

[Haidor]

الاخ دنتو

اسف كنت اقصد النساء العربيات ممكن ان يدرسن اللغة الانكليزية للطلاب الصغار العرب الجدد.  لان ميحتاج يدرسون لغة عربية في المدارس الامريكيه لان محد يحتاجه (يجوز نادرا)....خطأ مطبعي.

حيدور

[أبــو دجـــلة]

السلام عليكم

أخي الفاضل حيدور .. والإخوة الأعزاء

ركن جميل وواقعي لطرح ومناقشة أفكار العمل المستقبلي في أمريكا .. وياليت كل الإخوة يشاركوا به
من ضمن الأفكار التي تراودني .. والتي ممكن تحقيقها للذي يمتلك موهبة الرسم .. بالألوان الزيتية ..
ذلك ..
ممكن أن ينقل مشاهداته العراقية .. من الشمال العراقي الى الجنوب العراقي ..
مناظر طبيعية , شناشيل , لباس تراثي , حرف ومهن تراثية , ملامح شرقية , آثار حضارية قديمة ..
أو أي شيء يوحي من خلاله بالشرق وبالأخص العراق
وهذه اللوحات ممكن أن تباع  وخاصة إذا كنت في مدينة كبرى أو تسوق أنتاجك بنفسك لمدن أخرى
.. ولا يحتاج لها مكان للعمل .. زاوية من البيت تكفي لذلك ..
فكرة وطرحتها للفائدة عسى ولعل .. لكم تقديري

أخوكم .. أبـــو دجــــلة

**

[أبن خير]

السلام عليكم
العزيز الأخ حيدوووور
فعلا أغكار لا عالبال ولا على الخاطر ولكنها جميلة وتنفع وغير مكلفة .. طبعا العمل مو عيب
ولا واحد منا يستنكف . شكرا ألك وتحياتي للكل .
أخوكم / أبن خير

[y.a.r.a]

افكار مفيده ودائما يتم التطرق للحاجه لمثل هذه المواضيع
ولاطلاع الاخوان الجدد عسى ان يستفادون منها

[silver_d]

شباب  احسن مشرووح واحسن شغله ياها العفو شغلتين
1- انبع جكاير تهريب من المكسيك
2- لو سواق مخده
 

احسن مشرووع