المحرر موضوع: تحديد مواعيد سفر من بغداد (زيارة 2104 مرات)

osama5477 · « **في:** 12:48 14/10/2008 »

السلام عليكم ،

تم اليوم تبليغ مجموعة من الأشخاص الي مستلمين الموافقة الأمنية البارحة بمواعيد سفر من بغداد والمواعيد هية 3-11 و 7 -11 ، اخواني هاي الأخبار اكيدة مية بالمية

مع تمنياتي للجميع بالسفر ، وحيدور حبيبي توقعاتي اسبوع الجاي توصلك الموافقة الأولية ، واذا وصلتك اطلبك عزيمة باكلة ودهن

Haidor · « **رد #1 في:** 12:59 14/10/2008 »

مبروك للاخوان اللي رح يسافرون، انشالله تكون بداية خير على كل العراقيين اللي دينتظرون بكل مكان، يا ريت لو يكتبون شي عن تفاصيل هذه المرحله من تصير عدهم معلومات جديده جديرة بالنشر....

روح يا شيخخخخخخ....الله يفتحه بويشك.

اسامه اذا صدك دزولي الموافقه عل الايميل (طبعا اني نظفته للايميل و مسحت كلشي مننه من زمان حتى اهيئه .... اذا دزولي و اتلمست الرساله بعيني.. (لاحظ اتلمس بعيني) .رح اباوع عل الايميل و اصفن فد كم ساعه...بدون تفكير .... بس علمود اسوي restart لدمااغي و ارجع اشغله ...... و اقره الموافقه من جديد.... نتخابر و اجيك و اعزمك على صينية جبيره مال باكله و دهن و بيض دبل و فوكاها طماطه رباع مكلايه و طرشي شراره....

روح يا شيخ....حيدور

حمودي ابن زيونه · « **رد #2 في:** 13:03 14/10/2008 »

حيدور لتنسى اخوانك بالاردن بالعزيمة.

m9lawe · « **رد #3 في:** 13:39 14/10/2008 »

عزيمة........ باكلة.... بيض....؟ والمصالوة ما معزومين؟ بسيطية يصير خير

مبروك للاخوان الي طلعلهم موعد السفر انشاء لله للكل

Haidor · « **رد #4 في:** 13:46 14/10/2008 »

اكو عزيمه و المصلاوي رح تفوته؟!!! ممعقوله ههههههه

حمودي ابن زيونه انتو نعزمكم على سندويش مكدونالدز و فرنج فرايز....... يخترعون بالاردن اذا يشوفون صينية الباكله و الجفجير مالتنه....ههههههه

تحياتي.......حيدور

m9lawe · « **رد #5 في:** 13:48 14/10/2008 »

اني ااريد بيتزة وبطل ببسي لايت
حياكم لله اخوان

المتفرج · « **رد #6 في:** 14:21 14/10/2008 »

مبروك لكل المقبولين

عيني اسامه شويه اندار علينا....

اسئللنا على الفحوصات الطبيه اشو ديكولون جماعة الشمال مراح يفحصوهم ابغداد! بعد مادري ليش!! وبطريقك شوفنا شصار من مقابله المحلفين..... ولتنسى فد كيلوين صبر جيب وياك

مع ودي/المتفرج

عراقي صابر · « **رد #7 في:** 14:46 14/10/2008 »

الموفقيه للجميع
ومبروك للي تحدد الهم موعد سفر
وللي ينتظرون

Haidor · « **رد #8 في:** 15:31 14/10/2008 »

اسامه............دزولي ال IOM رساله اليوم و كالو:

The Baghdad Info Center writes to inform you that a final decision about your case has not yet been made. Your case has been deferred by U.S. Citizenship and Immigration Services (USCIS) for the reason of secuirty check

.... باعتقادك شوكت نضرب باكله؟

اوراكل · « **رد #9 في:** 16:58 14/10/2008 »

مبروك حبي حيدور
بالضبط هاي نفس الرسالة مالتي واليوم رجعوا كرروها مرة لاخ ما اعرف لييييييييش؟؟؟؟
اني كلشي مامفتهم من الموضوع اخواني احد منكم يفهمني ؟؟؟ اسامه ابو الغيرة فهمني اليوم ليش رجعولي الرسالة مال البارحة نفسها وطبعا اني رجعت دزيتلهم التأكيد مال الاستلام مرة لاخ.
اخوكم اوراكل

الاجيئن في يونان · « **رد #10 في:** 17:10 14/10/2008 »

والله اسامه انت اخبارك صدك تازه وانشاء الله السفر القريب تستاهل
مبروووووووووك للكل وانشاء الله السفر القريب والف مبروك حيدرو تستاهل كل خير

اوراكل · « **رد #11 في:** 17:30 14/10/2008 »

الف الف الف مبروك كل من اخذ موعد للسفر وانشاءالله حياة سعيدة

stormy · « **رد #12 في:** 18:50 14/10/2008 »

مرحبة
اول شي اريد اكول للاخوان الي اجاهم هذة الرد من iom بغداد انو هذة يعني همة مقبولين قبول اولي وباقي بس الموافقة الامنية فمبروك الكم
واريد اسال ابن زيونة انتة مو من الشهر السادس مخلص ؟ مسافرت بعدك؟ لو شنو القصة

أبو نور · « **رد #13 في:** 18:57 14/10/2008 »

الأخوه الأعزاء... السيد اسامه

هل توفرت معلومات عن ضرورة الحصول على جواز G لغرض السفر من بغداد؟ بالذات للأشخاص الذين أعلمو بتأريخ السفر يوم 3 و7 نوفمبر؟ أم سيكتفى بوثيقة سفر تصدرها الـ IOM؟

مع الشكر،
أبو نور

osama5477 · « **رد #14 في:** 19:26 14/10/2008 »

بالنسبة لحيدور حبيبي هاي موافقة اولية وباقيلك الموافقة الأمنية ، يعني الوثيقة الي دزوليكيها اتاج بيه الخيار الرابع مؤشر ، completion of security reviews وهاي معناه الموافقة الأولية وبنتضار الموافقة الأمنية ولتنسة اتجاوبهم على الأيميل بالطريقة الي همة طالبيه منك

slam hawk · « **رد #15 في:** 16:58 09/10/2012 »

مبرووووووووووووووووووووووووووووووك هاي انطوهة لبغداد لو للاردن الله يخليك وضحلنة اكثر وتسلم على الخبر الحلو

سارة نبيل · « **رد #16 في:** 17:03 09/10/2012 »

هذا خبر قديم شوف التاريخ اخي

« رد #14 في: 19:26 14/10/2008 »

the dreamer · « **رد #17 في:** 19:18 09/10/2012 »

أخي العزيز OSAMA مشكور حبيبي على نقل الخبر ,
أسأل الله عز وجل بان يفرج عنا كرب الأنتظار بحق نبينا نبي الرحمة محمد ( ص ) وأله بيته الطيبين الطاهرين
تحياتي
THE DREAMER