احنا مو رقم !
شعر : ماجد عزيزة
حسبوا بايديكم يا عرب يلله عدونا
وجيبوا يا كورد عداد ، واحِسبونا
وخل كل البشر تشترك بالعَدْ
وشنهو العَد ْ ، لأن احنا الأوائل والبدايات
أولاد واحفاد وكلكم تعرفونا
احنا مو رقم مجرود بين أرقامكم ، تحَركونا وتخلونا
احنا مو عدد مجزوء ، حتى حقوق تنطونا
يصير احنا بالحاسوب تجمعونا وتطرحونا ؟
يصير موج البحر من يهدر تسكتونه ؟
يصير نجوم وكواكب تسكن بنص السما ، وتنزلونا
يصير الشمس والأقمار ، نِضوي وانتوا تطفونا
احنا الغيم والأمطار ، واحنا التضحيات كثار
شنهو الصار يا عالم تِبعدونا
احنا أول الأجداد ، واحنا الولد والأحفاد
شلون يصير تنسونا
احنا أهل الصدق والنبُل ،والعالم يعرفونا
احنا أهل المجد والأصل ، ولبابل ينِسبونا
احنا الكتب والحرف من سومر، وتدرونا
احنا اهل العلم والقانون ، بالمسلة تشوفونا
احنا أريدو وآشور ، علمنا البشر آيات
يا عالم دنظرونا
احنا العالم بأسره يبحث عن حضارتنا
وبالجامعات ، يقرُونا ويدِرسونا
شلون يصير تنسونا وتهمشونا ؟
منقووول
