شكرا انجي على اعادة تصعيد هالموضوع الحلو
وملاحظة حمودي الاخيرة جدا دقيقة وعالجرح واهم شي الاصدقاء الامريكان اللي يكون وزنهم بمجتمعاتهم قوي
قبل فترة طويلة سولفت وية بروفيسور ابن حمولة يدرس بجامعه بولاية مين وجنت دا اساله على مواقع بيهه طلبات على اعمال اكاديمية (يعني محاضر لو مدرس لو مسؤول مختبر لو باحث) فشوفني صفحة انترنت بيهه رايدين اساتذه للتدريس بجامعات امريكية وكلش هواية طلبات من جامعات خليجية
بس جانت اكو مشكلتين الية اولا اللي مطلوبين كلهم لازم عدهم دكتوراه من امريكا (او معادليهه هناك) والثانية هي انه كلهم يريدون خبرة تدريس من امريكا وموثقة وكلهه 5 الى 15 سنه
فسالته وكتله هي امريكا احسن مكان بالعالم ... يعني تزكيات الشغل لازم واحد يجيبهه من المريخ
فنورني بفد فكره عظيمه (وبعدين قريت للاخ زاك13 موضوع عن فكره مشابهه) وهي انه هم ادرس دكتوراه بجامعه وهم احصلي فد entry level job بنفس الجامعه وبهالحالة هم خبرة محسوبة وهم شهادة امريكية
اسف للاطالة بموضوع اني متاكد ميشمل غير عدد اعضاء ينعدون عالاصابع بس الفكره عامه وهي استعمال الاصدقاء الامريكان بايجاد افضل عمل مبداي بالاول وبنفس الوقت دراسة او معادلة شهادة وبهالطريقة الواحد يحصل الخبرة والشهادة (بس اكيد لازم يكون شاطر بالدراسة وعنده فلوسهه)
