مشوحتا تا محسيد برد أخوني
عامر ياقو بدي
بكو مرا قشيا مبلوخ يوما تيوما نحلوخ
لوبنان وأردن زلوخ أوموخ أديبه شقلوخ
ودُكان كبير جلوخ وكديوم مبقور ألوخ
كُد شميلي قالوخ شئلوخ لبي مواريذيح نجلوخ
وشل كمََن مقراي وهاور لهاور بدراي
ودمد إينان بجراي وكثاون بشل دلقراي
لكيذخ ميل ببراي وأخني بأثر ا نخراي
لبَن مشوريل بكلاي معامرليث خبرا مطاي
كد خبرد أُُتوك برسلي ما امرخ وما مجوبخلي
عما لقيموثح بلطلي وعامر مبناثن خطفلي
جرحَن وبرناثن عمقلي ومركوًن زلي وغرقلي
وإينن مبخاي سمقلي وشوبابد عام سبقلي
ثيلوخ وزلوخ مخ طيرا بكو بيثا دخل بيرا
خشكل يوما وهم صيرا ودٌني بكو إينن ميرا
أديبه جللا و غذييرا ونذرا تا إيتا قيرا
محًكيمييي مبوقييرا ولباح تا عامر توييرا
سبيران بلك بخازخلوخ غديكد كوخوا دخلوخ
يككانا مبيثا بلطلوخ زلوخ مأن خاي برشلوخ
بناثن حششا برسلوخ بييد كيذتوا كبخلوخ
عزيزا ولك ناشخلوخ بصلاواثن بتخرخلوخ
مخ بيبونا مكرمشلوخ مبناثن زلوخ رحقلوخ
بجو درمانا لنخلوخ بأث مرا ميكا علقلوخ
بيثد بابوخ مسوبقلوخ ويموخ وخثواثوخ شوقلوخ
شميلان كبييراعقلوخ وبشنثا يقورتا دمخلوخ
بابي يقورييل طيني مأن مري دلك مطييني
بريناثي لكمششيني دراحمي زوروثي وحيني
إداثي لابيش كعيني وأقلاثي أمي تخيني
بكاوخو كياسق بيني مجوبيلوخ دمئيد إيني
خثواثي راحوقيلي خابرا ماني بممطيلي
أمتي وبعمي قرولي كيذين ما مريريلي
بي خال وخلتي كيلي يوماثي قريويلي
مروو عامر كبيلي بلكي لابيش كخازيلي
وجومانه كبخيا لقورا حشاح وكيواح يقورا
تا عامر دزل زورا تا بابا ويوا خورا
يا مريا عننا وتخورا بييد كاوخ إتن صاورا
كثو يا يقو ماحورا مشحتا تا عامر مورا
يابابي كيذين ميروخ كود مباثقوره ديروخ
قبلالوخ صُرتي وميرُخ ودمئ مئينوخ مخرخيرُخ
ميمي اللي مبوقيروخ دلا عامر بشلان ميروخ
هم جومانه موميروخ كود شمي قامَح تخيروخ
سي بشلاما يا بروني شد لكخاضر ليشاني
زيت شوقتي تكياني بقبليلوخ نائل هاني
بيثا بنيلي تماني مييري خا و زماني
كباخن وكصفنن معوقاني ولتي ناشا مسلياني
يا عامر برد أخوني مسُكيرُخ مبرقل إيني
شوبابوخ لكلن مبيني بروما بنصون كويني
جبرائيل زورا بدي
سان ديكو كالفورنيا
الكاتب
