للبنات فقط.. اختاري.. العلم ام المال

[شاعر الرومانسيه]

السلام عليكم شباب
سؤال للبنات  اكو  شباب  اثنين اتقدمو الج الاثنين  يمتازون انهم  ولد عوائل محترمه اصل وفصل بس

الاول .. صاحب شهادة على سبيل المثال دكتور امورة الماديه عاديه يقدم مهر عادي ذهب متواضع يسوي حفله بسيطه وتسكنين بيت اهله غرفه وبيها حمام وخلص

الثاني.. خريج ابتدائي لكن غني  كلش وكل طلباتج مجابه حفله طاكه مهر والذهب انتي تقررين بيت الج

مع العلم  الشباب الاثنين  نفس العمر وشكلهم زين مقبول ...

ياريت من كل اخت تشارك بالاجابه تجاوب بصراحه رجاءا رجاءا وتكتب تحصيلها العلمي

وشكرا الكم

[7ala]

بصراحه اختار الاول
صاحب شهادة على سبيل المثال دكتور امورة الماديه عاديه يقدم مهر عادي ذهب متواضع يسوي حفله بسيطه وتسكنين بيت اهله غرفه وبيها حمام وخلص

اعتقد هذا الشخص محترم وجزيل بالثقه  لانه واصل مرحله جيدة بالدراسه راح يحترم الراي والراي الاخر واهم شي اتكون شخصيته قويه ولبق هاي الاشياء الاساسيه اما الذهب والبيت هاي كلها اعتقد اشياء ثانويه
بالنسبه الي حاصله على بكلوريورس علوم الكومبيوتر

[شاعر الرومانسيه]

شكرا  اختي  على مشاركتج  ويارب تحقيق الاماني  وتاخذين الي  يقدرج ويخليج  تاج على راسه
وتستاهلين اكثر 

[ann_alnoury]

موضوع  رائع  ومبدع وفعلا سؤالكِ يستحق جوابا  ....انا من وجهة نضري ان الانسان الذي يمتلك قلبا طيبا وجوهرا اساسيا  هي من اجمل واثمن الصفات والتي تغنينا عن الذهب والمال .... لان السعادة لايمكن ان تشترى بالمال ابدا ....لكن اختيار الانسان الاول يبقى اكثر منطقيا والانسب لكونه مر بتجارب كثيرة وعرف معنى الحياة  .......... حاصلة على بكالوريوس رياضيات حاسبات .....مشكور اخي العزيز على الموضوع المتميز ....عاشت ايدك وبالتوفيق الدائم ...

تحياتي لك

[كوكي]

اني بل نسبة الي اختار الي اشوفه مناسب والي راح انسعد وياه ميهمني لا شهادته ولا فلوسه المهم يكون يحبني ويحترمني ويكون اكو تفاهم بينا هذا هو الاهم بنظري
واني هل سنة راح اتخرج من كلية الادارة والاقتصاد
يسلمو عل موضوع الحلو وعاشت الايادي

[فراشة المحبة]

عاشت ايدك اخون فعلا موضوع رائع
بالنسبة الي راح اختار الشخص الاول ذو شهادة لانه يفهم الحياة اكثر ومار بتجارب اكثر والي يدخل جامعة يتعلم هواية اشياء ويبني شخصيته بهاي المرحلة والفلوس مو مهمة لانه بالمستقبل اكيد بدراستنا وبشهادتنا راح تجي الفلوس

واني حاليا طالبة مرحلة اولى كلية الهندسة

[nuhra]

شكرا يا وردة موضوع حلو للنقاش
براي حختار الي يميلة قلبي اكثر ميهمني فلوسة او شهادتة
المهم يكون عندة مهنة يعيش من وراها ويكون عائلة حتى لو خريج ابتدائية لان لكل انسان ظروفة تمنعة من اكمال الدراسة
واكيد الدكتور شهادة ثقيلة ومهمة جداااا بس ممكن اني ماتحمل العيش مع طبيب 24 ساعة شغل ومو اي شغل ولكن حياة ناس
فمو مهم الفلوس او الشهادة المهم هو كانسان