الاخ العزيز
من تنزل الاستمارة من الانترنت تكون بصيغة ال بي دي اف
اول شي تسوي هوة تطبع الاستمارة وهنا عندك خيارين اما ان تستخدم قلم حبر اسود في الاجابة ... او ترجه تسوي سكنر للاستمارة حته تكون عندك صورتين بالكومبيوتر تكدر تستخدم اي من برامج تحرير الصور (يعني بالعراقي تستخدم الفوتوشوب او اي برنامج يخليك تكتب عالصورة والمقصود هنا الاستمارة الي حولتهه الى صورة)
تتكون هذه الاستمارة من خمس اقسام A, B, C, D, E
يجب عليك ان لا تكتب اي شي في القسم A
نبدا بالقسم B
1. عدد الاشخاص المعنيين بهذه الكيس (انت و منو وياك تكتب عدد)
2. هل انت مقدم الطلب الرائيسي (تاشر عالنعم اذا الاستمارة مالتك و تاشر عال لا اذا زوجتك او واحد من الاطفال)
3. في حالة انه اشرت عال لا بالفقرة 2 ... هنا السوال شنو صلة القرابة بين صاحب هذه الاستمارة و مقدم الطلب الرايسي (زوجة , بنت, ابن) تكتب الاختيار الصحيح.
4. الاسم حسب السبل المكتوب بالجواز (لازم تكتب اسم الجد وراهه اسمك واسم والدك)
5. مبينه اكيد الجنس ذكر ام انثى
6. الحالة الزوجية
7. تاريخ الولادة (يجب ان يكون بالصيغة التالية 1980-25-07) بالمناسبة هذه مو مواليدي بس مثال ههههههه
8. محل الولادة (المدينة , البلد)
9. اكتب Iraqi
10. اكتب Arab اذا عربي او Kurdish اذا كردي
11. الديانة
12. العنوان الحالي (العنوان المتواجد بي حاليا وينما جنت بالعراق بسوريا بالاردن).
13. رقم الهاتف
14. ايميلك
15. اخر عمل او مهنة او مهارة مارستهه (يعني شنو اخر شي جنت تشتغلة)
16. المستوى التعليمي او تحصيلك الدراسي
17. اللغة الام (اكيد عربي) اني كتبت غواتيمالي ....هههههههههه.... جذب تره جاي اتشفة وياك.
18. اي لغات اخرى.
19. القدرة على تحدث اللغة الانكليزية (جيدة, وسط, شوية, عاوي, ولا طكة)
20. المشاكل الصحية
القسم C
21. السوال اذا عندك احد افراد العائلة مقدمين بصورة مستقلة عنك بنفس البرنامج (مرات اكو اثنين متزوجين وتلكاهم الزوجة مقدمة والزوج هم مقدم).
22. اذا الجواب نعم في الفقرة 21 يسالوك اذا تريد تسكنون بنفس المدينة بامريكا (طبعا جوابك لازم يكون تختار نعم و لا ) و اذا هم نعم لازم تذكر اسم فرد العائلة و صلة القربى و الكيس نمبر مالته....
القسم D
23. هل لديك فرد من افراد العائلية يسكن حاليا في اميركا (نعم او لا) واذا نعم لازم تجاوب عالاسئلة الوراهه.
24. اسم القريب (الجد بعدين اسمة واسم ابو)
25. تاريخ ولادتة للوليد كرايبك. لازم يكون بنفس الترتيب الي ذكرتة فوك.
26. عنوان الوليد
27. رقم تلفونة
28. نوع القرابة ويا الوليد (خالو , عمو , ابن عم الخياط)
29. الايميل مالته.
30. جذب ماكو 30 هههههههههه.
وراهه اكو كومينتس (التعليقات او الملاحضات) اذا عندك اي شي تريد تضيفة او تذكرة غير الي ذكرتة بالاجوبة
ملاحظة: هذه الاستمارة تملا لكل فرد يريد يكلب وياك لاميركا واكيد انته....
واني بالخدمة واي شي مو واضح بس سولف
ارجوا من الاخوة الاعظاء ابداء ملاحظاتهم حول اي خطوة يعتقدون بانها خطا..
