دليل اللاجيئون كتاب وزارة الهجرة الامريكية

[ابو بشات]

السلام عليكم اخوان طبعا اني دخلت المنتدى غضبان وطاكه روحي لان السالفة واحد من كرايبنة البعيدين جنت كفيلة واتصل يبجي ويكول ما اريد اجي يابه ليش ايكول امريكا ابيت الاجئيين صراصر وفيران والناس ميته من الجوع سالته امنيلك هذا الحجي كال موجود ابموقع الهجره طبعا صدك فار دمي ودخلت اشوف شنو السالفه

طبعا لكيت الناس اهنا دايخة من القيل والقال واحد ايجر طول والثاني عرض  يا جماعة كلشي الموجود الموقع صحيح ليش لان كلشي بامريكا جايز وحسب الشخص وتدبيرة  كلت احسن شي ما اسولفلهم مثلي مثل غيري اجتهد ابكيفي اتذكرت كبل لا اجي امريكا انطوني كتاب اسمة دليل الاجئون وهو بمختلف لغات العالم انطوني نسخة بالعربي وركض اولادي دوروا على الكتاب طبعا جهالي صاروا امريكان ويشتغلون بالساعة يعني كل ساعة يردون افلوسهه طبعا هذا شقة يمعودين

المهم لكيت الكتاب طبعا وكلت انخلي الكتاب هو الفاصل والحكم بين الكل لان الكتاب دليل لكل الاجئين الجايين لامريكا فهو بيه الحقوق والواجبات وبيه شغلة كلش حلوه منو اللي ما راح يتكيف وية امريكا وشنو الاعراض اللي راح اتصير بيه

الكتاب يا اخوان يحجي عن اهواي شغلات اللي ايهمني بالبداية  بالكتاب اكو حقوق للمؤجر واهم هاي الحقوق انو البيت ما بيه اي حشرات او قوارض ومن حق اللاجيء ما يسكن بالبيت واذا عفس يمكن ياخذ تعويضات  والله احجي بدون ما اتشاقة وراح انقللكم النص مثل ما موجود بالكتاب

بس المهم كبل كلشي الموضوع منو اللي بامريكا ما راح يكدر يتكيف


بعد اخذ ورد ورشوه وافق ابني داوود ان يطبع صفحات من الكتاب بعد ان وعدته ياخذ اجرته من كرابني البعيد


اول شي اكو بالكتاب كلمه على لسان واحد لاجيء فيتنامي عجبتني وحبيت انقلهه لان فيتنام ابفترة يشبهون وضعنه بالعراق احتلال امريكي وحرب اهلية لو ما ايصير التقسيم اخاف على العراق هاي النهاية
المهم اللاجيء ايكول

مشاعر تجاه هذا البلدتختلف تماما عن مشاعري حينما وصلت اليها فحينما كنت في فيتنام كنت اعتقد ان الذهاب الى امريكا يشبه الذهاب الى الفردوس هذا ما كان الناس يقولونه لي ورغم اني ادركالان انها ليست مثل الفردوس الا انها افضل من فيتنام

الامريكان اخوان يكتبون كل الصعوبات حتى الانسان ما يسترخي او يتفاجا باللي ايصير

هسة انشوف منو اللي راح اتصيرله مشاكل ايكول الكتاب تحت عنوان الصدمه الثقافية يا جماعة لحد ايفز من كلمة صدمه

احتمال الصدمة الثقافية ومعالجة التوتر

قد تؤدي الصدمة الثقافية الى شعورك بالعجز والاحباط في هذا البلد الذي لا تتحدث لغته ولا تفهم ثقافته لكن الصدمة الثقافية امر طبيعي فأي شخص ينتقل للعيش في بلد جديد يمكن ان يعاني من هذه الصدمة

اذا كنت تعاني من صدمة ثقافية فقد تشعر بما يلي

•   الاحباط بسبب عدم قدرتك على انجاز المهام اليومية مثل التسوق او استخدام وسائل المواصلات العامة
•   التعب نهارا او الأرق ليلاً
•   العصبية والضيق
•   عدم المبالاة او الحزن
•   عدم الرغبة في تناول الطعام

ان الانتقال الى بلد جديد وغريب هو امر يسبب التوتر لغالبية المهاجرين ورغم ان كل شخص قد يشعر او يمر بهذا النوع من التوتر بصورة مختلفة عن غيره .. الا ان هناك بعض المشاعر المشتركة التي قد تدركها في نفسك مثل انعدام الدافع وانعدام الثقة بنفس وضياع الهوية وخيبة الامل لكن عادة ما تكون هذه المشاعر مؤقتة وتزول بمرور الوقت فقد عانى الكثير من الوافدين الجدد الى الولايات المتحدة من هذه المشاعر لكنهم اصبحوا اقوى حينما تغلبوا عليها في بعض الاحيان قد يؤدي هذا التوتر الى صعوبات في التعامل مع الحياة اليومية وفي حل الخلافات العائلية او ربما يؤدي الى بعض السلوكيات العنفية داخل المنزل لذلك يجب ان ندرك التوتر الذي نعاني منه وان تطلب المساعدة او تنمي مقدرة التأقلم مع ظروفك الجديدة

تقرير علماء النفس واضخ خول الصدمه الثقافيه يعني اكو بعض الناس ما ايكدرون يتكيفون واكيد راح ايكولون امريكا ما ينعاش بيهه بدل ما ايسالون روحهم ليش

الكتاب ايحدد اسباب ثانية لهذا عدم التكيف ايكول الكتاب

احد اكثر الجوانب التي تسبب التوتر لدى اللاجئين هي تغير الداوار في العائلة .. فالأباء والامهات والمراهقون والاطفال والمسنون يجدون ان الحياة في الولايات المتحدة يمكن ان تغير علاقاتهم بين بعضهم البعض ورغم ان اللاجئين قد يعتادون على ها الامر لاحقا .. الا انه يمكن ان يسبب بعض المشاكل في بادىء الامر قد تواجه كل من الرجال والنساء صعوبة في التأقلم مع ادوار الرجال والنساء في الولايات المتحدة فالامريكيون يؤمنون بالمساواة بين الجنسين وبأهمية الاكتفاء الذاتي والاستقلال لكل من الرجال والنساء ففي العديد من العائلات يمل الرجال والنساء خارج المنزل كما انهما يتقاسمان مسئولية رعاية الاطفال ..
وفي بعض العائلات حينما يعمل الاب والام خارج المنزل قد يكون دخل الزوجة اعلى من دخل الزوج وفي بعض العائلات الاخرى قد تجد الزوجة عملا في حين ان الروح ينفي بدون عمل لفترة من الوقت .. وفي هذه الحالة تتوقع من الروح ان يعتني بالابناء في الواقات التي لا يكونون فيها في المدرسة في ظروف كهذه غالبا ما يشعر الرجال اللاجئون بانهم قد فقدوا دورهم الاعتيادي في لعائلة وقد تشعرالنساء اللاجئات بمشاعر مختلطة من الثقة بالنفس والشعور بالذنب

قد تكون التوطين صعبا جدا على الغصار ولا سيّما المراهقين لأنه ينبغي عليهم ان يتأقلموا مع الثقافة الجديد وان يحافظوا في الوقت نفسه على نمط حياتهم التقليدية في بينهم ومجتمعهم كما ينبغي عليهم القيام بذلك في الوقت الذي يواجهون فيه العديد من التغيرات بسبب انتقالهم من مرحلة الطفولة الى مرحلة المراهقة
حيث انهم غالبا ما يتعلمون اللغة الانجليزية بصورة اسرع من والديهم فقد يطلب منهم ان يعملوا كمترجمين فوريين لوالديهم وان يتحملوا المزيد من المسءليات الجديد وغالبا ما يتوجب عليهم ان يذهبوا الى المدرسة وان يعملوا في الوقت نفسه وقد يشهر الاهل بعدم قدرتهم على مساعدة ابنائهم في الدراسة بسبب فهمهم المحدود لنظام المدارس الامريكية .. وكثيرا ما يشعر المراهقون بعدم قدرتهم على مشاركة التوتر الذي يشعرون به مع ابنائهم وامهاتهم ..

المشاكل امبينه واللي يكدر عليهه سبع واللي ما يكدر ايكول اني ما كدرت مو ايذب اللوم على امريكا ومثل ما كال الفيتنافي امركا مو الفردوس بس احسن من فيتنام

طبعا الناس اللي امتعبة العمر بالعراق راح ايصيرون شياب حتى لو عمرهم توه اتعدلى الاربعين وذولي مشاكلهم ايكول عنهه الكتاب الاتي

كذلك قد يكون تغيير الادوار متعبا للمسنين ايضا حيث انهم قد يشعرون بانهم قد فقدوا مكاننهم السابقة باعتبارهم تبع المعرفة والخبرة في العائلة ففي الولايات المتحدة قد يؤدي التركيز على سن الشباب والانتاجية العالية الى شعور المسنين بانهم مهملين وعديمي الفائدة كما ان صعوبة تعلم لغة جديدة والتأقلم مع الثقافة الجديدة يمكن ان تجعلهم يشعرون بالعزلة والوحدة وقد يجد المسنون انهم لم يعودوا يتمتعون بالاحترام في المجتمع ..

بالأضافة الى ذلك قد تكون التحديات الاقتصادية التي يواجهها اللاجئون المسنون قاهرة وساحقة لهم فالمسنون الذين ينتظرون التقاعد والحصول على راتب سن الخامسة والستين ان رواتب التقاعد الامريكي اقل من توقعاتهم وان رواتب العجز لا تغطي نفقاتهم الطبية او ان افراد عائلتهم لا يستطيعون توفير الدعم لهم بدأت الطريقة التي كانوا يمارسونها في موطنهم وهكذا فقد تؤدي هذه الصعوبات الاقتصادية بالاضافة الى فقدان المسنين لمكانتهم وشعورهم بالعزلة الى شعورهم بالحباط واصابتهم ببعض الامراض النفسية الاخرى ..

اذا كنت انت او احد افراد عائلتك تشعرون بعدم قدرتكم على التأقلم مع الضغوط فيجب عليكم ان تطلبوا المساعدة فورا كما يجب مناقشة المواضيع المتعلقة بأدوار افراد العائلة بكل صراحة في حفوف التهيئة الثقافية او مع مرشدك التخصص بك في الولايات المتحدة يمكن لوكالة التوطين المسئولة عنك ان تساعدمك في الحصول على المساعدة اللازمة لتنمية مهارات التأقلم لديك والتخفيف من المواقف الضاغطة في البيت

اخواني اكيد راح اتعرفون اللي يكتب ضد روحتكم لامريكا ليش يكتب واللي ايكول تعالو لامريكا منو وليش

عقلكم ابراسكم

اسمعوا واحد عراقي ايسوق سيارة وضرب اشارة المرور وكفه شرطي المرور الامريكي وراد ايدفعه غرامه العراقي كام يتوسل وكال الله ايخليك بركبتي ست جهال الشرطي استغرب جدا وكام ايكلب ركبة العراقي ايدور  ايشوف وين الجهال السته

اضحكوا وان شاء الله يهدي داوود ويطبع الكم باقي الكتاب

واكيد الفلوس من كرايبنه البعيد اللي ورطني


اشوفكم ابحير

[mo.tony]

الاخ ابو بشات تحية طيبة وأهلاً وسهلاً بيك بالمنتدى

وحياك الله على المجهود او بالاحرى مجهود ابنك الله يخليه ولو مدفوع الاجر بس هم ميخالف وبارك الله بيك

والله ضحكتني على سالفة العراقي عاشت ايدك ... ترة جماعتنا متعودين على هاي السالفة عبالهم بعدهم بالعراق العظيم

تقبل تحياتي

[ابو بشات]

اخي mo.tony

اني همينه اشكرك لان راح اخلي داود يقره شكرك وهذا دافع حتى ايكمل طبع اشوية اوية من الكتاب لان الكتاب  بية معلومات كاملة واهواي عن اللاجئين راح احاول اقنعه يطبع الحقوق الفيدرالية للاجئين لان اهواي من الاخوان ما ايعرفونه اولهم هذا كرايبي الفطير

والسلا عليكم

[shaklawe]

اخي ابو بشات

مشكور جهودك وجهود داوود ابنك اني هم ردت انزل الدليل كلة بالمنتدى بس تعاجزت وماكو ويب سايت ممكن الواحد يطلع عليه منة هذا الدليل كلش مهم ولازم كل واحد يقراه

تحياتي
الشقلاوي

[ابو بشات]

اخي شقلاوي اهواي من المواضيع والمشاكل اللي يحجون عنه الاخوان اهنا موجوده بالدليل وزين انته قاريه وتعرف

وهذا داوود ما افك منه ياخه اذا ما يطبع الدليل مال اللاجئين  لعمامه بالموقع هذا

وادعو لكرايبي البعيد لان اجرة داوود راح ياخذهه من عندة

وان شاله تجون واتصير هاي الدوخه والقلق سوالف

[aseel_msb]

مشكور اخ ابو بشات على الاهتمام و الف شكر لداود اللي يشارك معانا
الكتاب نزلة احد الاخوة هنا في المنتدى لكن ما اذكر منو كان و اني نزلتة بس هاي قبل فترة
شكرا مرة ثانية و اتمنى لكم كل الموفقية

[angie-dawood]

مشكور عزيزي بشات ربي ينور طريقك مثلما تنور طريق الغير ..يسلمو  تقبل مروري انجي

[عراقي1995]

مشكووووووووووووووووووووووور  حبيبي وبارك الله بك
تقبل تحياتي

[tiger-ALtlkefy]

مشكور اخي العزيز ابو بشات   بمساعدة الاخوان  وبارك الله بيك 
وعاشت ايد داود بس بيها مجال توصي لداود وتكله خلي يدير باله على كرايبك خطيه بعد لاجئ خلي يداري شويه  وانشاء الله يوصل كرايبك وكل الاخوة الى بر الامان
تقبل مروري ومزاحي
مع فائق الاحترام وتقدير
اخوك التلكيفي
Germany

[yasser abo wesam]

حبايبنه السلام عليكم
تعرفون ان في العراق ناس عايشين فوك الريح وناس عايشين تحت الارض وفي امريكا واليابان وفي الشمال والجنوب نفس الشي يبقى شي واحد ليست الدول او المناطق او الجنسيات هي الي تفتح ابواب الخير ,,, الخير من عند الله رب العالمين ورزقك عنده وهو سبحانه من سيوفقك او لا ,,, اسأل الله العظيم ان يوفقنا جميعا لكل التوفيق والنجاح , يبقى شدوا حيلكم وخذوا بالاسباب واجتهدوا في كل شي يتيسر وشويه شويه وحبه حبه متشوفون الا والحياة اتغيرت ,  ودوام الحال من المحال  ,,,,,, والله يساعدنه

[zozololo]

مشكور حبيبي ابو بشات وكله لداود ماكو داعي يطبع الكتاب وياخذ فلوسه من كرايبك المسكين, لان اصلا احد الاعضاء قام بنشر الكتاب في المنتدى سابقا وقمنا بتحميله وقرائته واذا رجعتم للارشيف ستجدوه,,,,,, وحتى تشوف يا ابو بشار انو هذا المنتدى الرائع ليس فقط يحوي على القيل والقال بل فيه كل ما تريد وتحب ان تعرف عن اللجوء والحياة في دول اللجوء وحتى الي عايشين صارلهم فتره هم يمكن ديستفادون من الكم الهائل من المعلومات المفيده الي ديقدمها الاعضاء الرائعون.........
مع فائق احترامي.......

[مظلومه سوادي]

ههههههههههههههه

احلى شي بركبتي ست جهال

عاشت ايدك اخي ونتمنى رجوعك للمنتدى عن قريب

[زيوس]

طبعا والله فرحت من شفت موضوع باسم الاخ ابو بشات

لان اتصورت رجع للمنتدى بس من قريت التاريخ شعرت بخيبة الامل .. والله من الناس الروعة الي خسرناهم

تحية للي رفع الموضوع للفائدة

شكرا للجميع

زيوس- الدوحة

[echo 9]

بارك الله بيك اخ ابو بشات وعاشت ايد داوود بس والله صدك ضحكت على سالفة اخونا السائق العراقي
ربي يحفظك .
(  اللهم بحق الأنبياء والأوصياء والأولياء وبحق كل حرف من حروف القرآن الكريم أن تشافي وتعافي ريم عبد وترجعها لأهلها وأحبتها سالمة من كل سوء – آمين )
Echo 9

[y.a.r.a]

عاشت ايده لابو بشات
وياريت يرجعنا ويرفد المنتدى بهاي المواضيع الحلوه والدسمه بنفس الوقت
والي افتقدناها ونتمنى عودتها
تحياتنا الك عمنا العزيز ابو داوود

[شجرة الدر]

نشكرك عالموضوع الرائع اخي الغالي ابو بشات هاي وين هالغيبه نتمنى نسمع اخبارك والاخبار والمواضيع المفيده اللي تنزلها بس انت فختفي شنو القصه يمعود امريكا اخذتك من المنتدى نتمنى ان ما تغيب هيج فتره طويله ويسعدنه وجودك اختكم شجرة الدر

[abo abo]

السلام عليكم اخويه بارك الله فيك وتمنى من جميع الاخوه والاخوات كل واحده عنده معلومه تفيد اخوته وخواته في المنتدى لان هذا منتدى ليس للقيل والقال بل للفائده للجميع


اخوك ابو علي عمان

[eng.a7med]

بصراحة كيفت من شفت اسم ابو بشات اتصورتة رجع يكتب لان اموت على سوالفه ههههههههههه

شكرا على رفع الموضوع

[بغدادي صابر]

   الآخ العزيز أبو بشات تحية طيبة والله أيعينك على حياتك الجديدة ويسهل أمرك وأمر كل العراقيين المغتربيين عن بلدهم أينما كانوا أن شالله،  عزيزي موضوعك جدآ مهم وحساس ولك ألاجر أن تشارك أخوانك العراقيين تجربتك وتهيأ لهم السبل والنصح  لمى ينتظرهم في حياتهم الجديدة التي يترقبونها في المستقبل القريب.
 ، وأني قرأت  هذا الكتيب من زمان ولآدراكي لآهميته وفائدته لآخواني هنا في المنتدى فقد قمت بنشر موضوع عنه قبل فترة وحمل الكتاب على رابط خارجي ولحد الآن موجود على الرابط ( الموضوع مثبت في أهم مواضيع الهجرة والمهاجرين على الرابط أدناه) وللآمانة فأن الآخت سرى (szsz)كانت سبقتنى وكذلك عرضت الكتاب من قبل مشكورة ، وعزيزي لآنك تعطي مثال حي للتجربة ولمى يمكن أن يمر به المغترب فى أول هجرته وسردك للمواضيع لطيف جدآ، فبارك الله بك وأرجوا منك الآستمرار وأخبرنا أكثر بتجربتك للفائدة للجميع وشكرآ والسلام عليكم.


http://www.ankawa.com/forum/index.php/topic,381634.0.html