نصيحة للاخوه القادمين الجدد الى امريكا عند شراء سيارة لهم

[angie-dawood]

نصيحة للاخوة القادمين الجدد الى امريكا عند شراء سيارة لهم

اخوان ان انشاء اللة من توصلون لامريكا ياربي باقرب وقت
احب ان تسمعون نصيحة من اختكم الي هي انجي يعني اني
مو اول متشوفون السيارات تشتري غالي اتشوف عندك فلوس زايده
تشتري سيارة موديلها مناسب لان كل ما كان سيارة موديها حديث يزيد التامين طبعا غير الضريبة ومصاريف البانزين سيارة موديل تسعينات ونظيفة احسن اهواي الااذا اللة اموفقك ماديا
الامريكان يحبون السيارات العملية واللي ما اتكلفهم مصاريف شهرية كثيرة



ولا تنسون اذا اشتريتوا سيارة وصرتوا قربين على مشكن لا تنسون تسلمون على اختكم انجي ......

 اكو اماكن للبيع سيارات مناسبه ...اسمها اكشن يوجد انواع السيارات والسعر المناسب ....خلي اشوف ادور عنواها الكم بالكمبيوتر   ..

[حمودي ابن زيونه]

والله اني جنت دا افكر بهذا الموضوع وانتي جاوبتي انجي الوردة.

شنو المطلوب من مستمسكات لشراء سيارة؟

اكيد الامريكي يفضل لان الادوات والفيترية موجودين بكثرة؟

طيب شنو هي السيارات العملية بنظر الامريكان وهل يوجد برازيلي هههههههههههههه؟

[سندباد u.s.a]

عزيزتي انجي دومج مبدعه بطرح المواضيع المفيدة والرائعه مثل شخصج الرائع مشكورة عزيزتي على الموضوع والطرح الجميل وانشاء الله نجي هناك والله يسهلها على الكل بأذن الله


تحياتي

سندباد u.s.a

[✪KlaRa ALmaRghi✪]

يسلمووو حياتي للموضوع الحلوو والمفيد

[angie-dawood]

اخي العزيز حمودي تحية وسلام ...
الاشياء الضرورية مستمسكات السيارة ..طبعا اجازة السوق الامريكية ..
والسيارات اليابانية هية المرغوبة لاقتصادها بالبانزين
ولكن السيارات الامريكية ارخص ...وبنسبة للسيارة لبرازيلي لا اعرف  عنها مع الاسف  تحياتي وتقدير

[احمد اللهيبي]

موضوع مهم دوومج مبدعة

بس احب اسأل هاي انتي الي دتدورين بالابتوب بالصورة؟ ههههههههههه

تحياتي الج ولابداعج بمساعده الاخريــــن

[tiger-ALtlkefy]

مشكورة اختي انجي  على المعلومات المفيدة لاخوانه  القادمين الجدد  انشاء الله يستفادون منها وانشاء الله انت دوم بابداع اكثر
يلا اني شسوي راحت عليه  ما تفيدني شغله هسه لان عايش بالمانيا بس هم عاشت ايدج بلكي  اجي زيارة واربح سيارة  لولا بالمستقبل القريب  مقرر استقر بامريكا
بس ليش متعصبه بالصورة شنو ما شفتي  الموقع  لعد اني كلت اعتمد عليج بلكي تلكيلي نفس الموقع اذا عدهم بالمانيا ( دا اشاقه لا زعلين ) 
دمتي تحت رعاية الرب
مع فائق الاحترام وتقدير
اخوكي التلكيفي
Germany

[rmmazm]

شكرا عالمعلومة اختنا المبدعة

[zozololo]

مشكوره عزيزتي انجي وبارك الله فيكي.على المعلومات الحلوه

[حمودي ابن زيونه]

اخي العزيز حمودي تحية وسلام ...
الاشياء الضرورية مستمسكات السيارة ..طبعا اجازة السوق الامريكية ..
والسيارات اليابانية هية المرغوبة لاقتصادها بالبانزين
ولكن السيارات الامريكية ارخص ...وبنسبة للسيارة البرازيلي لا اعرف عنها مع الاسف ..تقبل تحياتي ....

انجي شلون متعرفين بالبرازيلي !!!

[angie-dawood]

اخي حمودي اني ما قصدت انه ما اعرف سيارة برازيلي ... شلون مااعرفها وخصوصا كانت بغداد مليان منها اني قصدي هنا مشايفه  منها  

[سندباد بغداد]

الاخت   انجي  الغاليه
عاشت  ايدك  انتي تتألقين   يوما  بعد يوم
اخوك  احمد       سوريه

[alnoor-النور]

اول شي عيدك مبارك وكل عام وانت بخير ومشكوره علي هذا موضوع ونصيحه سيارات ولكن عندي سوال عن اتصالات من امريكا الي دول عربية هل هيه غالية او اتصال من انترنيت ارخص او ماهي طريقة افضل اتصال /// ارجو نصيحة وتفبلي شكري واعتزازي وشكرا ==== النو ر ===

[هنوة]

اختي الغالية انجي
نشكرك على نصائحك المفيدة
دوما متألقة

[angie-dawood]

عزيزي النور ..شكرا على تهنة العيد وانت ايضا كل عام وانت بالف الف خير ..
الاتصالات رخيصة جدا لاننا نستعمل كارتات عند المخابرة لاهالينا يعني نشتري كارت يوجد انواع الاسعار وانواع الكارتات تبداء من دولارين فما فوق نشتري هذة الكارتات  لانها اصرف لنا من استعمال هاتف البيت لان الدقيقة الواحدة 15 سنتات ولا تفيد الى اذا استعملنا هذة الكارتات مثل 10 دقائق بدولارين و30 دقيقة بخمس دولارات
كل كارت مختلف عن الاخر  واما عن الانترنيت طبعا هذا لاتحتاج بعد الى الكارت اذا يوجد انترنيت واغلبيت الناس هنا يستعملون الكارت والانترنيت ...وتقبل خالص التمنيات.وكل عام والجميع بالف خير ......

[حمودي ابن زيونه]

عزيزي النور ..شكرا على تهنة العيد وانت ايضا كل عام وانت بالف الف خير ..
الاتصالات رخيصة جدا لاننا نستعمل كارتات عند المخابرة لاهالينا يعني نشتري كارت يوجد انواع الاسعار وانواع الكارتات تبداء من دولارين فما فوق نشتري هذة الكارتات  لانها اصرف لنا من استعمال هاتف البيت لان الدقيقة الواحدة 15 سنتات ولا تفيد الى اذا استعملنا هذة الكارتات مثل 10 دقائق بدولارين و30 دقيقة بخمس دولارات
كل كارت مختلف عن الاخر  واما عن الانترنيت طبعا هذا لاتحتاج بعد الى الكارت اذا يوجد انترنيت واغلبيت الناس هنا يستعملون الكارت والانترنيت ...وتقبل خالص التمنيات.وكل عام والجميع بالف خير ......

زين يصير اول ما اوصل اشترك بخدمة الانترنيت؟

واذا لا شنو اسرع طريقة للاشترك بالنت ؟

[angie-dawood]

تحية وسلام ...اخي العزيز حمودي ابن زيونه ...نعم يصير ....
اكو شركة اسمها،،،،،،كومكاس،،،،،،تسوي تلفون البيت وكمبيوتر وتلفزيون كلهم بنفس قائمة الدفع يكون ارخص
اكو هواي كل شركة الهم نوع من الميزات وكل يوم اعلان اسم شركة جديدة والاسعار تختلف وانت تختار
تقبل تحياتي  ..

[ابو لانا]

عاشت ايدج اختي دائما سباقة بلمساعدة ودمتي لنا
اخوك
ابو لانا

[zack13]

الف شكر ومعلوماتج مضبوطه 100 بال100

[القرش]

                                                     السلام عليكم

 الاخت انجي انت دائمآ متألقه ودائمآ تنورينا بمواضيعك الخلابه والمفيده ياربي ان شاء الله يعطيك الصحه والعافيه ياوردة المنتدى .

 ارجوك اختي الغاليه وضحي للاخوه الاعزاء اكثر واكثر حول شراء سياره وانصحيهم كيف يتصرفون وكيف يتعاملون عليها وماهي الطرق المتبعه للشراء والارخص . ارجومنك التوضيح اكثر بأعتبارك الاقدم بيننا .

 ابو انس

[sinjab]

سؤال مباشر ومطلوب رد واضح من اليعرف
عندي اجازه سياقه المانيه صالحه الى سنه 2015 ---- هل تمشي بامريكا؟؟؟؟؟؟؟؟؟؟؟؟؟؟؟؟؟؟؟؟

[مهاجر دايم]

مشكور يا انجي والله يعطيكي العافيه على هل المعلومات القيمه

[yasser abo wesam]

الاخوة الاعزاء بالمنتدى اللطيف كل عام وانتم بالف الف خير صحة وسلامة وان شاء الله تتحقق كل امانيكم
سؤالي لاختنا العزيزة انجي مع اجمل التحية وعيدك مبارك وكل عام وانت واسرتك بالف خير :
هل يمكن ان تستفسري لنا بعد اذنك ,, اذا رغب الشخص بجلب سيارته الخاصة الى اميركا كيف سيكون الوضع  وما هي الموديلات التي يسمحوا بدخولها الى بلدهم ( يعني هل ممكن ادخال سيارة موديل 1996 فما فوق وكيف ستتم عملية الجمارك والترقيم ) حتى نتبين اذا عملية الشحن والجمرك ارخص او شراء سيارة من هناك ارخص واصرف ,, مع جزيل الشكر  اخوك ياسر

[angie-dawood]

اخي العزيز ياسر ....لو تجلب معك سيارة ستكلفك كثير مرتين على قيمتها سوف تدفع فلوس الشحن والكمارك
..الافضل شرائها  من هنا ارخص لك ...تحياتي ...

[angie-dawood]

عزيزي sinjab..تحية وسلام ...
في امريكا لا يعترفون باي اجازة غير اجازة الامريكية ..

[angie-dawood]

اخي العزيز القرش شراء السيارات في كل مكان يوجد معارض واكشن وبعض الاحيان بعض الناس مثلا يريدون ان يبعون  سيارتهم يضعوها امام بيتهم ويضعون عليها قطعة مكتوب عليها للبيع مع رقم هاتفهم حتى لو ارت شراءسيارته تتصل به وتتفقون على السعر وتعملون المعاملة البيع بعدما ترها وتقتنع بها  وايضا يرجد معارض لاخوة العرب  فلا تحير باللغة والقانون هنا غير مثل الي بالعراق هنا كل شي بالنظام واى مخالفة يعطوك تكت مع دفع الفلوس مع الانشورز يرتفع مع كل مخالفة..... تحياتي ....

[maryamat]

لأعطاءكم فكرة عن السيارات واسعارها والموديل تجدونها في الموقع ادناه هو في شيكاغو وصاحبها عربي هي سيارات مستعملة تجدون في اعلى الصفحة اسعار كلك على السعر

طبعا تعرفون جيدا قبل الشراء والتوقيع على الاوراق تستطيع سياقة السيارة في المنطقة المحيطة بالبناية وان تتأكد ان كل ما فيها على ما يرام وتشتغل زين من الاشارات يمنى يسرى  البريك والتدفئة والتبريد يعني لستم بحاجة الى نصيحة و تعرفون احسن مني لان قسم من السيارات المستعملة تشتريها بعدين تشوف فيها نواقص وتصليحات وتخلي فلوس اكثر من سعرها .

http://www.samsautochicago.com

انشاءالله التوفيق في حياتكم في كل شئ

[غرباء]

موضوع كلش جميل شكرا

[nageeb]

يسلموووووووو على الموضوع الحلو والمفيد تقبلي مروري اخت انجي والرب يبارك حياتك

[yasser abo wesam]

شكرا جزيلا لاختنا العزيزة انجي الوردة على نصائحك التي توفر الهم والمال والوقت والحيرة والله يسخرلك دائما بنات وولد الحلال ,, مع تحيات اخوك ياسر

[ahmed.khalid_87]

شكرا للاخت انجي على هذا الموضوع المفيد
تحياتي

[أبو قمر]

اني حبيت اسئل اكو اجازة سوق خاصة بالاوتماتيك لين اني بصراحة مسايق سيارة غير اوتماتيك من جنت بالعراق سيارتي جانت اوتماتيك ... وهاي صارلي سنة ونص بسورية مسايق سيارة يعني الواحد قبل مياخذ الاجازة يكدر يدرب على سيارة وشلون يشتري سيارة يدرب عليها قبل الاختبار  لو اكو شركات هناك للتدريب بس اكيد حتكون مكلفة مو ؟؟؟

[angie-dawood]

عزيزي ابو قمر الورد كل السيارات هنا اوتماتيك لا تشيل هم ..ليش اني شكالولك عني سايق جاكي سيارتي اوتماتيكي على كولتك ياورد ...

[نجمة الكراده]

عزيزتي انجي عاشت ايدج على المواضيع المطروحه من قبلج مثل متعرفين مروري في المنتدى قليل بس ابو فرات يكلمني على الموضوعات القيمه الي تطرحيه في المنتدى والي يستفاد  منه جميع الاخوه والاخوات 0 وهل هناك دورات لتعليم السياقه وكم تستغرق الدوره مع خالص شكري وتقديري والتمنيات للك بالموفقيه وشكرا

[البصير]

شكرا اخت انجي عل الطرح  الجميل  لهذا الموضوع..

سؤالي..كيفية الحصول على اجازة سوق في امريكا..وماهي الشروط؟

البصير

[أبن خير]

شكرا لك ياأختنا العزيزة أجني .. دام الأبداع منازلنا بوجودك ..
تحياتي

أبن خير

[angie-dawood]

الى الغالية نجمة الكرادة ...تحية وسلام .......
نعم يوجد دورات لتعلم السياقة ولكن هي ليست على شكل دورات ..يوجد مكاتب امريكية ومكاتب عربية للقادمين الجدد لسهولة اللغة المكاتب العربية للسياقة فيها ايضا نساء مدربات لو حبيتي ولا شرط ان يكون مدرب رجل لانه بعض النساء يفضلون ان تكون امراة والدورة تكون عدد ساعات باليوم مثلا ساعة واحد ب 30 دولار ، او ساعتين 60 دولار  ، وسوف تحتاجين على الاقل 6 ساعات خلال الدورة  ،بعض الناس يوجد اقرباء لهم هم يتدربوهم في اماكن خاصة للتدريب واخر مرحلة يخرجون مع مدرب واتمنى ان اكون قد وضحت لك بعض المعلومات وتفبلي مني كل الحب والاحترام     اختك   انجي 

[I R A Q I]

عيني انجي ممكن سوال
انتي لازكة بالنجمات لو النجمات لازكة بيج من المحبة
مو صار شهرين وراح ندخل بالثالث
هههههه
بس والله تستاهليها

[angie-dawood]

الى اخي العزيز ،،،،البصير،،،،تحية وسلام ،،،،
الشروط المطلوبة لاجازة السوق ..هي كل الاتي ..
اولا ـ يجب ان يكون لك هوية الشخصية ،ويسمونها هنا ،،،،،ايدي نمبر ،،،
وثانيا ـ عقدة ايجار باسمك ...
ثالثا ـ اي قائمة الدفع مثل قائمة الكهرباء او الكيبل او قائمة الماء اي شي شرط ان يكون اسمك فيها
رابعا ـ الرقم  الذي تمشي كل المعاملات به الذي نبدء به اول ما نبدء اخراج باقي المساعدات اسمه ،شوسر سكيورتي  نمبر ،،
خاميسا وهذا الاهم هو الجواز العراقي واذا لم يتوفر اي هوية فيها صورتك واسمك ....
هذة الخمس الاشياء الذي يطلبون منك، ملاحظة،،،،،،،،،يوجد مجمع الكلداني هنا وانا اقصد في مشكن وليس غير الولايات لانه لكل ولاية لها قانونها ....يوجد هذا المجمع الكلداني هم يساعدون الاجئين في استخراج .البرمت ،وهو الذي تحصل علية قبل اجازة السياقة وهنا لهم قوانين جدا صعبة  ولازم تتعلمها قبل السياقة وسوف اشرحها لكم فما بعد ...تقبل تحياتي ...اختك  انجي  ..من مشكن ....

[angie-dawood]

الى اخي العزيز ،، ابن خير ، تحية وسلام ،،،
اخي الغالي ،،،،اشكر ،مرورك على صفحتي واشكر كلامك الجميل لي ليس لي سوى ادعي للرب ان يحفظكم ويحميكم جميعا  يااحلى واعز اخوة واهل .....دمتم سالمين ...

[angie-dawood]

اخي العزيز العراق ،،،تحية وسلام ...
النجمات اني ما تهمني الي يهمني رضاكم عني وحبكم لي وحبي لكم اغلى نجمات في العالم ،،،

[yasser abo wesam]

اتمنى للجميع اسعد الرحلات واسرع واغلى السيارات واجمل الفلات واروع الحديقات وارق الوردات واكبر الشجيرات وحلى الاطفال من الاولاد والبنات والطف الجلسات واصفى الليلات واهدى المدينات وارحم الحكومات واطيب الازواج والزوجات وتحقيق كل الامنيات وتحصيل اكبر السعادات واستجابة الدعوات والطاعات ومغفرة الخطيئات وابرك الرحمات من رب اعلى السماوات .سرسر
 اخوكم  ياسر

[yasser abo wesam]

عفوا يا اعزائي حصل عندي خطأ عند كتابتي لاسمي فتكررت حروف الس والراء ولم انتبه عفوا

[Poloko_Kozmo]

الاخت انجي تم اعادة موضوعك مع التحية

[Ibn Alrafidain]

الأخت العزيزة ونجمة المنتدى المضيئة

تسلمين على هاي المعلومات الرائعة واتمنالك التوفيق

اخوكم ابن الرافدين
 

[Ibn Alrafidain]

الأخت العزيزة ونجمة المنتدى المضيئة

تسلمين على هاي المعلومات الرائعة واتمنالك التوفيق

اخوكم ابن الرافدين
 

[angie-dawood]

تسلمو اخواني وشكرا على مروركم على صفحتي والف شكر للغالي ستافروس لاعادة موضوعي الف شكرا

[عكعك التطوى]

هاي احسن سياره اقتصاديه وهمه يدفعولك فلوس عليه

تقبلو مروري

[angie-dawood]

لا عكعوك اني عندي احسن من هاي وما تصرف بانزين شوف تعجبك اقتصادية اكثر

[عكعك التطوى]

تخبل هاي وتنطي حليب فوكاهه ومن يضوج منه يذبح سيارته وياكلهه

[بت بطوطة]

عاشت ايدج انجي عالموضوع وعالسيارة 2 في 1

[بت بطوطة]

ههههههههههههههههه عكعك والله ذكرتني بالكلمات الغريبة اللي جنة نشوفهة عالسيارات افتقدناها !!!

لو كاتب (( اتركنــــــــــــي مخطوبـــــــــــــة)) !!!

ههههههههههههههه



 

[نور68]

عزيزتي انجي
والله منعرف شلون انجازيك على هذه الملعومات القيمه وعودتينا دائما بمواضيع الرائعه والمفيده
الله يجازيك الف خير  ... والف شكر عزيزتي ...

اختك نور68

[عكعك التطوى]

0

[بت بطوطة]

ههههههههههههههههههههههههههههههههههههههههههههههههههه

[anwarchalabi]

الاخت انجي انتي والله مثل السي ان ان من كل موضوع خبر والله تدرين ثوابك ابد ما يضيع شكرا شكرا الك وسلاما عليكي يا ورده

[★AbN✰BaGhDaD★]

عاشت ايدج انجـــي الوردة على هذا الموضوع الرائع والقيم واللي يسلط على كثير من الامور ويجيب عل عديد من  الاسئلة المبهمة بخصوص شراء السيارات ...
صح الموضوع قديم وحتى من دا اكتب رد طلعلي ((تحذير : هذا الموضوع لم يتم الرد عليه منذ90 يوم
إلا إذا كنت متأكد أنك تريد وضع رد )) ...بس اني كنت ناوي اسال ابخصوص موضوع السيارات ولكيتة بالارشيف ..بارك الله جهودك المميزة وتآلقك المستمر  ..

تحياتي الك
ابن بغداد

[دنفوري]

 
هاي شنو كالبيهه معارض النهضه ههههههههه
عاشت ايدك انجي

[good sniper]

الاخت انجي شكرا على الموضوع الرائع


good sniper

[نـور]

يسلموووووووووووا على الموضوع مشكووووورة

تحياتي ........

العراقي الغيور

[angie-dawood]

اخوان الاعضاء اليكم بعض المعلومات عن قوانين السياقة

1- الايجازة السياقة العراقية ما تفيد بس الدولية وتكون مترجمة
2- قوانين السياقة في امريكا وفي كل الولايات تقريبا نفس القانون وهي
1ـ ربط حزام الامام لك ولجميع من في السيارة
2ـ عدم تجاوز السرعة السياقة نفس سرعة الشارع
3- عدم التكلم بالهاتف اثناء السياقة
4ـ عدم الشرب مشروبات الكحولية اثناء السياقة لان غرامتها سحب ايجازة السوق والسجن مده ثلاث سنوات
5ـ عدم تجاوز اشارة المرور الحمراء واحيانا الصفراء لانه بها غرامة ايضا
6ـ عند مشاهدة سيارة الاسعاف يجب التوقف التام في مكانك او اخذ الجانب الايمن او الايسر وفصح مجال لهم وهذه ايضا مخالفة اذا لم تطبقها وغرامتها  300 دولار ونقاط تحسب لك
7ـ عند مشاهدة سيارة المدرسة واقفة وعلامة توقف موجود يجب عليك الوقوف بمكانك الى ان ينزلوا الطلاب من الباص وتتحرك الباص حينها تستطيع التحرك انت ايضا
8ـ كل شارع مكتوب به اسم الشارع وبه ايضا قطعة مكتوبه سرعة الشارع فلا تتجاوز السرعة المطلوبه وخصوصا الفروع مو شارع العام
9ـ يوجد شواع مكتوب بيها قطعة انه هذا الشارع للدخول فقط واخر للخروج فقط يحب انتباه للقطعة المكتوبة قبل الدخول لانها ايضا تعتبر مخالفة وغرامة
10ـ يوجد موقف للسيارت كل موقف مكتوب به علامه يوجد علامه للوقوف الاشخاص المعوقين وهذا ممنوع ان توقف سيارتك نفس المكان ويوجد موقف للاشخاص الموظفين خاص لهم وممنوع ان تستعمله  لانه خاص لهم
ويوجد موقف اخر للسيارات الكبيرة فقط وهذا ايضا ليس لك الى لو لك سيارة نفس الحجم
11- يوجد بعض الشوارع مكتوب عليها قطع بانه هذا الشارع يوجد فية تصليح او عمال يعملون فيجب عليك تخفيف السرعة  لانها مخالفة ايضا
12ـ كلما كان عندك مخالف سيرتفع  التامين مال سيارتك مثلا اذا كان 150 راح يصير 200 او اكثر وكلما تكررت المخالف بعدها ستسحب منك ايجازة السوق اولا ــ مده شهر وثاني انذار 3 اشهر وثالث انذار 6 اشهر مع العمل مجانا لصالح الحكومة او دخول دورة السياقة مرة اخر او سحب الايجازة نهائيا
فكونوا حذرين بالسياقة وقوانينها  والمثل يقول ،،،، لا تسرع فالموت اسرع ،،،،،،،،،

[يوجد امل]

شكرا جزيلا لك اختي angie-rose على النصيحة
الله يبارك حياتك دائما يا اختي

اخوك يوجد امل

[angie-dawood]

وهذة ارقام شركات التامين اذا اشتريتوا سيارة وتريدون تسون عليها تامين هاي بس لاهل مشكن مو غير ولايات


kelly
insurnce-agency
خليفة للتامين
تامين على السيارات
الحياة ـ الصحة
التامين التجاري
للمخازن والبيوت
ومحطات البنزين
تامين المستاجرين
تامين العمال
والموظفين ضد الحوادث

هاتف بدالة 1313 هاتف 5821130


مايك مرعي
بدالة 1248 هاتف 5920080

ناهد حماد بدالة 1313 هاتف 5619472

وليد ناصيف بدالة 1313 هاتف 5813333

علي فواز بدالة 1313 هاتف 6249600

عرفان حداد بدالة 1313 هاتف 3596666

اديب زيتو  بدالة 1586 هاتف 7516969


وهذة تلفونات الذين يعلمون سياقة

مدرسة روبي بدالة 1734 هاتف 4444048

مدرسة شاهين بدالة 1313 هاتف 5844466

مدرسة محمود اوزعر بدالة 1313 هاتف 581777

مدرسة مروان علي مصعب بدالة 1313 هاتف 8464300

واي شي اخر تحتاجون اني اكتبه لكم

[ENG.MEDO]

ممنونييييييييييييييييييييييييييييييييييييييييييييييييييييييييييين يا اختي العزيزة

[نور68]

حبيبتي انجي اني اتمنى اشوف الاخت الرائعه ذات القلب الكبير اذا الله راد وصرت قريبه منك اتصل بيج واجي اشوفك ان شاء الله ..... الف شكرا حياتي دائما متألقة وكل شي تكتبين عنا هو مفيد لنا جميع ربي يحفظك
تحياتي
نور68

[ام منية]

الف شكر اخت انجي دومج منورة بمواضيعج المفيدة

[vincenzo]

احلى وارقى موضوع اختي الكبيره انجي
عندي سؤال...اذا اشتريت سياره وما اريد اسوي تامين عليهه ... بكيفي...ليش دا ادفع فلوس كل شهر
اذا عطلت اني اصلحهه بايدي
واذا سويت حادثه وصارت سيارتي ميئوس منهه وبعد متتصلح اني اجيب كرين على حسابي واوديهه اذبهه بال جنك يارد واي ضرائب (او مثل ما انتي تسميهه تكسات) هم ادفعهه بس ما اريد التقفيص مال شركات التامين فشنو المشكله؟؟؟

[angie-dawood]

اخي العزيز  متكدر ، ماتسوي تامين لانه ممنوع منعا باتا وعليها غرامة واي سيارة متطلع من محل اذا ماتسوها تامين يلى تستلمها

[vincenzo]

شنو اليجبرني ؟ وشنو فائدة التامين؟ ومتاكده ماكو سيارات تمشي بالشارع اصحابهه ممسوين تامين؟؟؟ ولو واحد بالمليون؟

شنو يعني هوه مثل السنويه مال السياره بالعراق الي هيه ضريبه او تاكس للحكومه عن امتلاك سياره؟

زين شنو ارخص حل واني ما اريد اي خدمات

[vincenzo]

ها واكو شي ثاني
اني ما دا اقصد سياره جديده موديل 2009 مشتريهه جديده
وانما سياره طكطوكيه قديمه موديل 1990 لو 1995 ونص ستاو

[angie-dawood]

اخي هاي مو قضية جبر هاذا قانون ولازم يطبق على الكل وكلشي ولا مخالفة القانون  اهم شي من تشتري سيارة التامين لا لو اي سنه كانت لانه الشرطي من يوكفك اول شي يسال على الايجازة وعلى تامين السيارة لانه لا سامح اللة اذا صار حادث او سحكت واحد التامين هو المسؤول على تصليح سيارتك وسيارة الي سويت حادث وياه لو كان صوجك بس لو صوجه هو التامين مالته هو المسؤول 

[vincenzo]

هسه اني افتهمت انه التامين مو هوه الضريبه السنويه على السياره

زين ماكو طريقه واحد يشيل شركات التامين من المعادله ويدفع اي غرامات او تصليح للاخرين اللي يضربهم كاش يعني كبل يورقلهم؟

وشلون اسوي التامين اقل ما يمكن اذا ما اكدر اتجنبه؟

[محمد الاسدي]

هذا الرابط كلش مفيد وراح ينطيكم فكرة عامة وشاملة عن السيارات واسعارها
وين ما انتو جنتوا في اميركا
بس خلو ال
ZIP CODE
مال المدينة جوه عنوان السيارات المستعملة
وبعدين اختارو نوع السيارة وموديلها واي شي
وراح تاخذون فكرة ممتازة عن الموضوع

http://autos.yahoo.com/;_ylc=X3oDMTE5MGRqZDdoBF9TAzI3MTYxNDkEc2VjA2ZwLXRyb3VnaARzbGsDc3Bpcml0LWZpeGVk

اخوكم محمد الاسدي

[حلو الكلام]

شكرا على هذي المعلومات الجميلة

[اريان]

شكرا اختي انجي

[angie-dawood]

هذا الموضوع بيه معلومات ومواقع عن شراء السيارة لانه الاخ شمعة كال يسال على هيجي موضوع انشااللة تستفادون منه

[كمال الشاطيء]

الف شكر اختنا العزيزه انجي ويارب الله بك ياوردة المنتدى

[vincenzo]

ارجع واكد مثل ما كتبت قبل 3 اشهر انه هذا ارقى موضوع اني شايفة بالمنتدى عن شراء السيارات وخصوصا الروابط الحلوة بس غير كون ذولاك الناس الجدد يستفادون من اعمدة المنتدى
الله كريم والله يكثرنا من امثالج يا وردة المنتدى وامريكا والعراق

[Sasy]

شكرا يا انجي الوردة احلا نصيحه اني اختي هم كلتلي مو اول متجين اخر موديل سياره ترى الضربه والتأمين يكسر ظهرج وانتي هسه يعين فوك سواكن اخذ ههههههههههه

تحياتي
ساسي

[عيني بغداد]

السلام عليكم

تسلمين أنجي على هذا الموضوع المهم وكل عام وانتي بخير.

حمودي تريد اندزلك برازيلي من بغداد؟

تحياتي

عيني بغداد

[ذاكر ابو فابيان]

موضوع رائع لشخص مبدع ... كلك ابداع اخت انجي بارك الله فيكي وتستاهلين تاج هم مو بس نجمات

تقبلي تحيات اخوك ذاكر ابو فابيان

[Safaa Alkhrkhy]

up

[ســـرى]

والله لو المواضيع اللي انقلت تنجمع وية هذا الموضوع كان صار خوش مرجع لأن خوش معلومات. تقبلوا تحياتي وعاشت الايادي.

[DEFA]

السلام عليكم
اختي انجي........اعتقد الاخوة والاخوات ما بقوا كلمة شكر اكتبها لانو الشكر والمديح شوية الى شخصك الذهبي
عزيزتي انتي انجي دائما ستكونين المنجية لنا من حيث المواضيع الرائعة والمفيدة للكل
ها انا اعجز عن الشكر لك.............زفقط اقولها انتي دائما مميزة وهذا الشيء قليل بحقك المهم ما اريد ان اطيل بالكلام انتي في قلوبنا وان شاء الله نلتقي والمفقية للجميع.........تقبلي تحيات اخوك  DEFA البصراوي

[asmar22]

عزيزتي انجي وبارك الله بيك على هالمعلومات الحلوه مثلك
انتي دوما روعة

[ســـرى]

زين ليش ما انجمع هذا الموضوع وية موضوع اخواننا غسان وابو اندرو والمواضيع الاخرى المتعلقة بالسيارات؟ مو احسن متروح لمنتدى السيارات؟ تحياتي.


شاركونا بنعم او كلا
http://www.ankawa.com/forum/index.php/topic,411306.0.html

[Ali from baghdad]

الاخت انجي

اشكرك نيابه عن كل شخص دخل المنتدى وقرأ الايضاحات والنصائح الي ساعدتنا في طريقنا للغربه...
نستغرب ونتعجب ليش ارض العراق صار مقبره وكلها اذى وتعب وشقاء ، لا راحه ولا فرحه ، حتى صارت الابتسامه امنيه ونعمه ، لان كل الطيبين طلعوا وعافوها والدليل المساعدات الي الواحد يشوفها بهذا المنتدى من ناس اغراب لا نعرفهم ولا يعرفونا ، بس يقدمون النصيحه والوقت وحتى بعضهم يتبرع بان يكون عون الك وسند لغربتك ، بينما بالعراق ممكن ان تتوقع الاذى باي لحظه ومن اي شخص.

بارك الله بيك ويسهل امرك و جعل كل كلمه نصيحه تقديميها لاخوانك في ميزان اعمالك الصالحه وجزاك خير الجزاء.

 

[مــــان]

موضوع جدا رائع عاشت ايدك اخوية

[(القلب راضي)]

دوما مبدعة اخت انجي

[/size]

[marwan.aqrawi]

سوال الي جميع الاخوة الاعضاء

بالنسبة لجهاز فحص السيارة قبل منشتريهة شنو هوة احسن جهاز

Soliport ELM 327 Bluetooth OBDII

بالنسبة الهذا الجهاز اكو احد امجربة

شكر