القسم السادس وألأخير عن ذكرياتى لقريتنا العزيزة عنكاوا ايام زمان
ܟܘ݂ܕ ܟܬܲܟ݂ܪܢܸܗ ܐܵܘ݂ܵܐ ܛܲܒܲܩ ܕܕܡܲܥܓ̮ܘ݂ܢܸܐ
ܕܡܵܬ݂ܸܝ݂ܗ݉ܘ݂ܵܠܸܗ ܥܘ݂ܡܲܪ ܡܐܲܪܒܝ݂ܠ ܒܚܿܘܿܫܲܒܵܢܸܐ
ܡܲܓ݂ܕܪܗ݉ܘ݂ܵܠܸܗ ܠܪܸܫܸܗ ܡܘ݂ܬܗ݉ܘ݂ܵܐ ܒܟܘܿܠܵܢܵܢܸܐ
ܦܹܠܣܲܢ ܒܐܝ݂ܕܲܢ ܒܥܪܵܩܵܐ ܒܲܬ݂ܪܸܗ ܡܘ݂ܟ݂ ܕܸܝ݂ܘ݂ܵܢܸܐ
كود كتاخرنه أوا طبق ددماعجونه
دماثيواله عمر مأربل بخوشابانه
ماغدرواله لريشه موتوا بكولآنانه
فلسان بأيدن بعراقا باثره موخ ديوانه
ܕܲܟ݂ ܒܢܵܫܢܸܗ ܠܲܓܲܢ ܕܝ݂ܵܐܸܐ ܣܠܝ݂ܩܸܐ ܘ݂ܒܫܝ݂ܠܸܐ
ܪܵܒܸܐ ܘ݂ܩܫܝ݂ܛܸܐ ܘ݂ܡܫܚܿܐ ܡܢܘ݂ ܒܡܨܲܢܨܘܿܠܸܗ
ܛܥܝ݂ܢܸܐ ܠܪܝ݂ܫܵܐ ܕܚܿܕ݂ܟܡܵܐ ܒܢܘܿܢܸܐ ܒܓܵܘܹܕ ܚܿܠܘ݂ܠܸܐ
ܚܲܣ ܟܘܿܕܘ݂ܟ݂ܗ݉ܘ݂ܵܐ ܕܐܲܟ݂ܠܘ݂ܟ݂ ܡܹܢܘ݂ ܒܝܘܿܡܵܐ ܘ݂ܠܲܝ݂ܠܸܐ
دخ بناشنه لاكن ديائه سليقه وبشيله
رابه وقشيطه ومشخا منو بمصنصوله
طئينه لريشا دخاكما بنونه بكاود خلوله
حس كودوخوا دأخلوخ منو بيوما وليله
ܐܝ݂ܙܵܠܬܵܢ ܠܡܲܦܿܬܲܚ ܗܘ݂ܵܐܗ݉ܘ݂ܵܐ ܛܵܠܲܢ ܟܠ ܒܣܡܘ݂ܬ݂ܵܐ
ܕܫܕܵܫܲܢ ܒܟܘ݂ܡܲܢ ܒܹܥܪܵܩܵܐ ܒܕܲܫܬܵܐ ܒܟܲܫܝ݂ܪܘ݂ܬ݂ܵܐ
ܟܘ݂ܕ ܚܲܕ ܡܢܲܢ ܟܝ݂ܒܸܗ ܕܫܵܩܹܠ ܩܲܕ݉ܡܵܝ݂ܘ݂ܬ݂ܵܐ
ܒܲܣ ܬܲܕ ܡܵܛܸܗ ܡܹܢ ܩܲܕ݉ܡ ܟܠܲܢ ܬܵܐ ܓܲܒ݂ܪ݂ܘ݂ܬ݂ܵܐ
ايزالتان لمافتاح هواوا طالان كول بسموثا
دشداشن بكومان بعراقا بداشته بكشيروثا
كود خأ منان كيبئه دشاقل قاميوثا
بس تد ماطه من مقام كولان تا كوروثا
ܕܲܟ݂ ܒܢܵܫܘ݂ܟ݂ܠܲܗ ܐܝ݂ܙܵܠܬܵܢ ܠܡܘܿܨܠ ܬܵܐ ܩܵܫܘ݂ܬ݂ܵܐ
ܘ݂ܣܵܒ݂ܝ݂ ܡܹܢܲܢ ܬܲܕ ܡܲܛܦܸܝ݂ܠܲܢ ܒܐܲܡܝ݂ܢܘ݂ܬ݂ܵܐ
ܘ݂ܐܲܚܿܢܝ݂ ܒܡܘܿܨܠ ܣܵܒ݂ܝ݂ ܡܥܘ݂ܓ̮ܒܲܗ ܒܐܵܕܝ݂ ܡܲܬ݂ܵܐ
ܐܲܕܝ݂ ܠܑܸܝ݂ܠܵܗ ܗܸܝ݂ ܡܘܿܨܠ ܕܟܝ݂ܕܹܢ ܒܓܘܿ ܚܲܩܘ݂ܬ݂ܵܐ
دخ بناشوخلا ايزالتان لموصل تا قاشوثا
وساوى منان تد مطبيلان بأمينوثا
وأخنى بموصل ساوى معوجبه بأدى ماثا
أدى ليلا هيه موصل دجيدن بكو حاقوثا
ܗܲܡ ܟܬܲܟ݂ܪܢܸܗ ܬܘܿܡܵܣ ܡܚܘ݂ܣܝ݂ܵܐ ܒܐܵܕܝ݂ ܫܸܝ݂ܥ݉ܬ݂ܵܐ
ܟܘ݂ܕ ܛܪܘ݂ܡܒܸܝ݂ܠܸܗ ܗܘܵܐ ܗ݉ܘ݂ܵܐ ܣܡܟ݂ܬܵܗ ܒܓܵܘ݂ܕ ܡܵܬ݂ܵܐ
ܨܲܪܟ݂ܗ݉ܘ݂ܵܠܲܢ - ܗܲܝ݂ܘ ܙܘܿܦܘ݂ܠܲܗ ܒܓܘܿ ܩܹܫܝ݂ܘ݂ܬ݂ܵܐ
ܘܐܲܟ݂ܢܝ݂ ܙܥ݉ܘܿܪܸܐ ܙܲܦܘ݂ܟ݂ܘ݂ܵܠܲܗ ܠܐܵܕܝ݂ ܟܠܸܝ݂ܬ݂ܵܐ
هام كتاخرنه توماس محوسيا بأدى شيثا
كود طرومبيله هواوا سمختا بكاود ماثا
صارخوالان هاى زوبوله بكو قشيوثا
واخنى زوره زبوخواله لأدى كليثا
ـــــــــــــــــــــــــــــــــــــــــــــــــــــــــــــــــــــــــــــــــــ
ملاحظة اخيرة تخص شبابنا وأهلنا الذين هم فى الغربة
ــــــــــــــــــــــــــــــــــــــــــــــــــــــــــــــــــــــــــــــــــــــــ
ܟܘ݂ܕ ܟܬܲܟ݂ܪܢܲܗ ܢܹܟ݂ܪܵܝ݂ܘ݂ܬ݂ܵܐ ܕܐ݉ܢܵܫܸܐ ܕܐܲܬ݂ܪܝ݂
ܓܥܸܝ݂ܩܲܗ ܓܝ݂ܵܢܝ݂ ܘ݂ܕܡܥܸܐ ܕܚܲܫܵܐ ܡܢ݉ܥܸܝ݂ܢܝ݂ ܓܢܲܬ݂ܪܝ݂
ܠܐ݉ܢܵܫܸܐ ܕܥܲܡܟܘܿ ܕܝ݂ܠܘ݂ ܒܙܝ݂ܩܸܐ ܒܐܲܬ݂ܪܵܘ݂ܵܬ݂ܵܐ
ܚܲܕ݉ܟܡܵܐ ܠܵܟ݂ܵܐ ܘܚܲܕ݉ܟܡܵܐ ܛܵܡܵܐ ܘ݂ܒܟܠ ܦܹܢܝ݂ܵܬ݂ܵܐ
كود كتاخرنه نخرايوثا دناشه دأثرى
كعيقه كيانى ودمعه دحشا من عينى كناثرى
لناشه دعمكو ديلو بزيقه بأثراواثا
خاكما لاخا وخاكما طاما وبكول بنياثا
ܥܪܝ݂ܩܸܐ ܫܒ݂ܝ݂ܩܸܐ ܐܲܬ݂ܪܵܐ ܚܿܠܝ݂ܵܐ ܕܒܵܒܵܘ݂ܵܬ݂ܵܐ
ܒܵܬܘ݂ ܡܙܘܒܢܸܐ ܝܵܢ ܫܘ݂ܝ݂ܩܸܐ ܫܘ݂ܵܩܵܐ ܕܠܵܐ ܡܲܪܘ݂ܵܬ݂ܵܐ
ܠܵܐ ܡܪܘ݂ܚܡܠܘ݂ ܠܒܟ݂ܵܝ݂ܵܐ ܕܣܵܒ݂ܸܐ ܝ݂ܵܢ ܕܣܲܒ݂ܝ݂ܵܬ݂ܵܐ
ܕܐܲܡܪܝ݂ܘ݂ܵܠܘ݂ ؟ ܡܲܡ ܒܡܲܢܛܸܝ݂ܠܲܢ ܠܩܲܒ݂ܪܵܘ݂ܬ݂ܵܐ
عريقه شويقه أثرا خليا دباباواثا
باتو مزوبنه يان شويقه شواقا دلا مارواثا
لا مروحملو لبخايا دساوه يان دسوياثا
دأمريوالو ؟ من بمنطيلان لقوراواثا ؟
ܕܲܗܵܐ ܛܡܸܝ݂ܥ݉ܠܲܢ ܠܗܲܕ ܒܘ݂ܣܵܡܵܐ ܕܓܲܪܝ݂ܒܘ݂ܬ݂ܵܐ
ܕܗ݉ܘܸܝ݂ܐܗ݉ܘ݂ܵܐ ܚܿܠܡܲܢ ܕܚܵܙܘ݂ܟ݂ܘ݂ܵܠܸܗ ܒܠܝ݂ܠܵܘ݂ܵܬ݂ܵܐ
ܐܹܢ ܕܵܪܘ݂ܟ݂ܠܸܗ ܐܹܠܕ ܥܸܝ݂ܢܵܐ ܕܚܲܕ ܡܲܣܵܬ݂ܵܐ
ܘ݂ܒܥܸܝ݂ܢܵܐ ܚܿܪܬܵܐ ܬܲܩܠܘ݂ܟ݂ ܐܲܬ݂ܪܵܐ ܕܒܵܒܵܘ݂ܵܬ݂ܵܐ
دها طميئلان لأد بوساما دغريبوثا
دهويوا خلمان دخازوخواله بليلاواثا
ان داروخله الد عينا دخا مساثا
وبعينا خرته تاقلوخ أثرا دباباواثا
ܒܓܘܿ ܚܲܩܘ݂ܬ݂ܵܐ ܒܝܲܣܩܵܗ ܥܸܝ݂ܢܵܐ ܕܐܲܬ݂ܪܲܢ ܚܿܠܝ݂ܵܐ
ܘܒܢܲܟ݂ܬ݂ܵܗ ܥܸܝ݂ܢܵܐ ܕܐܵܕܝ݂ ܐܲܬ݂ܪܲܢ ܕܝ݂ܠܸܗ ܡܓܘ݂ܒܝ݂ܵܐ
ܐܲܬ݂ܪܵܐ ܕܒܵܒܵܐ ܘ݂ܣܵܒ݂ܵܐ ܘ݂ܣܲܒ݂ܬܵܐ ܠܲܬܠܸ݉ܗ ܕܘ݂ܡܝ݂ܵܐ
ܠܵܐ ܒܐܲܡܪܝ݂ܟܵܐ ܘ݂ܠܵܐ ܒܐܘܿܪܘܿܦܵܐ ܘ݂ܠܵܐ ܒܐܹܣܬܘ݂ܪܵܠܝ݂ܵܐ
بكو حاقوثا بياسقه عينا داثران خليا
وبناخثه عينا دأدى أثران ديله مكوبيا
أثرا دبابا وساوا وسوتا لاته دوميا
لأ بأمريكا ولأ بأوروبا ولأ بأستراليا
=============================
الكاتب
