« قبل بعد »
صفحات: [1]   للأسفل

المحرر موضوع: اشور بيت سركيس "سهدا" ܐܫܘܪ ܒܝܬ ܣܪܓܝܼܣ "ܣܗܕܐ"  (زيارة 2378 مرات)

0 الأعضاء و 1 ضيف يشاهدون هذا الموضوع.

غير متصل bashar hanna

  • عضو فعال
  • **
  • مشاركة: 48
    • مشاهدة الملف الشخصي
اشور بيت سركيس "سهدا" ܐܫܘܪ ܒܝܬ ܣܪܓܝܼܣ "ܣܗܕܐ"
« في: 04:26 27/12/2008 »
ܐܫܘܪ ܒܝܬ ܣܪܓܝܼܣ
ܐܲܠܒܘܿܡ: ܕܲܫܬܵܐ ܕܢܝܼܢܘܹܐ 2008
ܙܡܲܪܬܵܐ: ܣܵܗܕܵܐ


ܠܲܝܬ ܟ̰ܲܦܹ̈ܐ ܠܵܐ ܠܲܝܬ ܘܲܪ̈ܕܹܐ
ܐܲܝܟܵܐ ܝܠܹܗ ܗܿܘ ܟܸܢܫܵܐ ܥܲܠ ܩܕܵܠܝܼ ܚܲܪܕܹܐ
ܐܲܝܟܵܐ ܝܢܵܐ ܡܘܼܚܸܒ̈ܝܼ ܐܲܝܟܵܐ ܝܢܵܐ ܒܢܲܝ̈ ܡܵܬܝܼ
ܫܘܼܚܠܵܦܵܐ ܓܘܼܪܵܐ ܐ݇ܬܝܵܐ ܥܲܠ ܒܲܝܬܝܼ
 
ܛܲܪ̈ܦܹܐ ܡܼܢ ܐܝܼܠܵܢ̈ܝܼ ܗܵܐ ܕܘܼܝ݇ܢܵܐ ܣܪ̈ܝܼܩܹܐ
ܬܚܘܼܬ ܛܸܠܵܝܗ̈‌ܝ ܫܸܠ̈ܝܹܐ ܛܠܸܥܠܝܼ ܠܡܘܿܣ̈ܝܼܩܹܐ
ܕܥܝܼܪܐ ܝܘܸܢ ܡܼܢ ܦܠܵܫܵܐ ܡܼܢ ܒܵܬ݇ܪ ܟܡܵܐ ܫܸܢܹ̈ܐ
ܓܲܘ ܒܹܝܬ ܐܲܣܝܼܪܹ̈ܐ ܡܘܿܥܒ݂ܸܪܝܼ ܫܸܢܹ̈ܐ

ܠܵܐ ܪܸܚܩܵܐ ܡܼܢ ܒܲܝܬܝܼ ܚܲܕ݇ ܦܲܪܫܵܐ ܪܵܡܵܐ
ܫܸܡܝܼ ܗܘܵܐ ܢܩܝܼܪܘܿܗܿ ܒܚܸܩܪܵܐ ܘܪܘܼܡܪܵܡܵܐ
ܣܵܗܕܵܐ ܓܵܘ ܦܠܵܫܵܐ ܒܪܘܿܢܵܘܟ݂ܘܿܢ ܢܦܝܼܠܹܗ
ܡܘܼܫܡܹܥܠܘܿܢ ܩܵܐ ܝܸܡܝܼ ܗܿܘ ܠܸܒܘܿܗܿ‌ܝ ܢܟ̰ܝܼܠܠܹܗ

ܒܵܒܝܼ ܡܼܢ ܚܲܫܵܐ ܓܵܢܘܼܗ ܣܘܼܦܝܵܐ ܠܹܗ
ܫܵܪܝܼܟܬܵܐ ܕܚܲܝܘܼܗ ܡܸܢܘܼܗ ܠܘܿܒܠܵܐ ܠܹܗ
ܡ̈ܓ̰ܲܠܵܕܹܐ ܝܘܸܢ ܟ̰ܪܝܼܬܵܐ ܘܗܿܘ ܚܲܒ݂ܠܵܐ ܪܵܡܵܐ
ܡܐܵܗ݇ܐ ܓܸܕܫܵܐ ܪܘܿܚܝܼ ܐܲܝܟ݂ ܗܿܘ ܠܲܦܹ̈ܐ ܒܸܪܝܵܡܵܐ

ܝܵܐ ܡܲܪܝܵܐ ܡܘܼܕ݇ܝܼ ܝܠܹܗ ܠܲܐܟ݂ܵܐ ܒܸܒܪܵܝܵܐ
ܚܘܿ ܠܹܐ ܠܹܗ ܚܲܕ݇ ܚܸܠܡܵܐ ܕܣܵܗܕܵܐ ܒܸܚܙܵܝܵܐ
ܡܵܢܝܼ ܝܠܹܗ ܫܩܝܼܠܵܐ ܫܵܘܦܝܼ ܓܲܘ ܥܲܦܪܵܐ
ܐܝܼܬ ܠܹܗ ܒܵܥ݇ܝܵܢܹ̈ܐ ܡܘܼܚܸܒܬܘܿܗܿ ܒܣܵܒܪܵܐ

ܝܲܢ ܦܝܼܫܹܐ ܝܘܸܢ ܫܘܼܕܪܵܐ ܡܐܲܝܟ݂ ܚܲܕ݇ ܡܲܠܲܐܟ݂ܵܐ
ܥܲܠ ܕܵܐܗ݇ܐ ܒܹܝܬ ܩܒ݂ܘܼܪܵܐ ܫܵܪܸܢ ܒܸܦܬܵܚܵܐ
ܫܵܕܪܸܢ ܐܵܗ݇ܐ ܥܠܲܝܡܵܐ ܩܵܐ ܕܐܵܢ̈ܝ݇ ܡܵܪ̈ܵܬܵܐ
ܠܗܝܼܩܹ̈ܐ ܠܸܚܙܵܝܹܗ ܒܢܘܿܢܹ̈ܐ ܘܒܢܵܬܹ̈ܐ ܕܡܵܬܵܐ

ܡܕܵܐܗܵܐ ܓܹܢ݇ܒ ܠܗܿܘ ܓܹܢ݇ܒܵܐ ܒܥܲܝܢ̈ܝܼ ܒܸܦܬܵܠܵܐ
ܒܲܝܬܵܐ ܕܡܘܼܚܸܒܬܝܼ ܦܵܣܘܿܥܬܝܼ ܦܬܵܠܵܐ
ܬܲܪܥܘܿܗܿ ܗܘܵܐ ܚܠܝܼܩܵܐ ܐ݇ܣܝܼܪܵܐ ܒܫܸܫܠܵܬܹ̈ܐ
ܛܲܪ̈ܦܹܐ ܕܬܸܫܪ̈ܝܼܝܹܐ ܒܸܢܝܹܐ ܠܪ̈ܘܡܝܵܬܹܐ

ܫܸܢܬܵܐ ܒܸܓܢܵܒ݂ܝܼ ܩܵܐ ܒܲܝܬܝܼ ܦܬܝܼܠܠܝܼ
ܓܲܘ ܦܬܵܚܬܝܼ ܠܬܲܪܥܵܐ ܠܒܸܪ̈ܟܵܟܝܼ ܢܦܝܼܠܝܼ
ܗܵܐ ܕܘܼܝܠܵܗܿ ܫܒ݂ܲܒ݂ܬܝܼ ܠܵܐ ܠܹܐ ܝܠܵܗ ܪ݇ܚܝܼܫܬܵܐ
ܓܵܘ ܒܹܝܬ ܐܲܚܘܿܢܝܼ ܟܵܠܘܿ ܝܠܵܗ ܦܝܼܫܬܵܐ

ܬܪܹܝܢ ܫܲܒ݂ܪܹ̈ܐ ܚܸܠܝܹ̈ܐ ܒܪܵܬܵܐ ܘܗܿܘ ܒܪܘܿܢܝܼ
ܗܲܪ ܬܲܢܹܝܬ ܐܵܢܵܐ ܐܵܗܵܐ ܫܲܒܼܪܘܿܢܝܼ
ܫܲܒ݂ܪܘܿܢܬܵܐ ܟܵܘܤܵܗܿ ܓܕܝܼܠܵܐ ܒܨܘܿܨܝܼܬܵܐ
ܕܡܝܼܬܵܐ ܥܲܠ ܝܸܡܝܼ ܒܘܼܩܬܵܐ ܕܒܘܼܩܝܵܬܹ̈ܐ

ܡܝܲܬܪܹ̈ܐ ܕܩܝܼܬܵܪܝܼ ܒܪܹܐ ܠܹܗ ܒܪܵܐ ܩܵܠܵܐ
ܡܼܢ ܬܪܹܝܢ ܛܲܝܪܹ̈ܐ ܕܚܘܼܒܵܐ ܠܵܐ ܦܵܠܸܛ ܠܹܗ ܩܵܠܵܐ
ܡܐܲܝܟ݂ ܥܲܦܪܵܐ ܕܐܲܬܪܝܼ ܡܸܛܪ̈ܵܬܝܼ ܟܬܵܪܝܼ
ܕܸܡܥܝܼ ܡܘܼܬܪܹܐ ܠܗ݇ܘܿܢ ܠܬܘܿܙ ܕܩܝܼܬܵܪܝܼ

ܗܲܒ݂ܠܘܿܢ ܩܝܼܬܵܪܝܼ ܓܲܘ ܚܲܫܵܐ ܛܡܝܼܪܬܵܐ
ܐܵܢ̈ܝ݇ ܓ̈ܕܵܕܘܿܗܿ ܪܸ̈ܦܝܹܐ ܦܵܬܘܿܗܿ ܝܠܵܗܿ ܩܝܼܪܬܵܐ
ܚܵܦܩܸܢܵܗܿ ܠܨܵܕܪܝܼ ܕܵܪ̈ܕܘܿܗܿ ܒܲܣܡܸܢܗ݇ܘܿܢ
ܐܸܢ ܣܢܝܼܩܠܵܗܿ ܠܝܲܬܪܵܐ ܡܼܢ݇ ܠܸܒܝܼ ܒܓܵܪܫܸܢܗ݇ܘܿܢ

ܠܚܝܼܡܬܵܐ ܠܨܸܒܥܵܬܝܼ ܬܠܝܼܬܵܐ ܥܲܠ ܪܘܿܦ̮ܫܝܼ
ܒܪܸܬܡܘܿܗܿ ܒܟܵܢܫܵܐ ܕܟ݂ܵܪܵܘܟ݂ܘܿܢ ܡܼܢ ܡܗܘܼܫܝܼ
ܐܵܢܵܐ ܘܩܝܼܬܵܪܝܼ ܣܵܦܵܪ ܒܸܬ ܐܵܙܵܠ݇ܚ
ܐܲܝܟ݂ ܠܲܦܹ̈ܐ ܐܵܘܵܪܹ̈ܐ ܠܒܸܪܙܵܐ ܠܹܐ ܚܵܙܲܚ

ܗܸܟ̰ ܚܲܕ݇ ܠܵܐ ܝܲܕܹܥ ܩܵܐ ܕܐ݇ܬܝܵܐ ܝܘܸܢ ܠܲܐܟܼܵܐ
ܐܵܢ̈ܝ݇ ܦܵܣܘܿܥ̈ܝܵܬܝܼ ܒܫܵܝܦܸܢܘܿܢ ܡܼܢ ܠܲܐܟܼܵܐ
ܗܲܪ ܫܒ݂ܘܿܩܘܼܢ ܝܵܕܥܝܼ ܬܚܘܼܬ ܟܹܐܦܵܐ ܝܘܸܢ ܐ݇ܪܝܼܟ݂ܵܐ
ܠܕܸܦܢܵܐ ܕܐܲܒ݂ܵܗ̈‌ܝܼ ܛܸܠܥܵܐ ܝܘܸܢ ܕܡܝܼܟ݂ܵܐ
تنبيه للمشرف   سجل


صفحات: [1]   للأعلى
« قبل بعد »