المحرر موضوع: لجماعة SIV و اللي شغلة ال IOM مالتهم مستويه و محتارين بين البرنامجين (خبر بالباكيت) (زيارة 1722 مرات)

Haidor · « **في:** 09:22 30/01/2009 »

شباب .... و خاصة NOOR 2

وردني قبل قليل من صديق لي في امريكا وصل قبل شهر ... قام بمراسلة دائرة خدمات السفر و الهجرة هناك حول امكانية اكمال ال SIV هناك و البارحه استلم رسالة من ال USCIS راسلة تكول "انت ابروفد لتحويل فيزتك من لاجئ الى مهاجر و يجب عليك المراجعه و اكمال الاوراق اللازمه" علما بانه استلم ال COM و هو امريكا بعد يومين من وصوله... و قام بابلاغي و السعادة تملؤه لان القضيه الظاهر ممكنه ... طبعا هو في واشنطن ستيت ... مو واشنطن سيتي العاصمة.

اذن توكلوا على الله و ياهو اللي تصير روحوا بيه.

تحياتي ... حيدور

ابو سالين · « **رد #1 في:** 09:35 30/01/2009 »

شكرا الك حيدرو...واتمنالك الموفقيه والله كريم

sport29 · « **رد #2 في:** 10:03 30/01/2009 »

اخي حيدر واذا واحد وصل لامريكا ويريد يقدم هناك على ال siv يعني مامقدم هنا بالعراق ؟

Haidor · « **رد #3 في:** 10:08 30/01/2009 »

ابو سالين ... الشكر لك على مرورك و تعليقك الكريم.

sport29 ... اني ما متأكد بس اذا تريد تخمين ... هي ال COM عبارة عن موافقة رئيس البعثة بالعراق على منح هذا الشخص ميزة الهجرة تبعا لما قدمه من خدمات للولايت المتحده و تبعا للخطر الواقع عليه الخ .... اذا كدرت تحصلهه و انت في امريكا فاكيد حسب كلام صديقي تكدر تعدل الفيزا الى هجره...

تحياتي .. حيدور

sport29 · « **رد #4 في:** 10:17 30/01/2009 »

اخي حيدر ولو اشلع كلبك انا عندي رسالة الجنرال يعني هم احتاج ال COM ?

NOOR 2 · « **رد #5 في:** 10:51 30/01/2009 »

حيدوري حيدوري الله يبشرك ياورده
اخي الحبيب بارك الله بك والله يبشرك بالجنه
انا كنت احتاج الى هذه المعلومه والله ادخلت الفرحه الى قلبي
بارك الله بك

وشكرا للاخي الغالي فالكون للانه أعلمني بالموضوع

شكرا لكم اخوتي ألأحبه

حيدوري الورده شكرا والف شكرا لك

اخوكم NOOR 2

john85 · « **رد #6 في:** 11:13 30/01/2009 »

عاشت ايدك اخوية على الموضوع المفيد.

تقبل مروري اخوك جون

Haidor · « **رد #7 في:** 16:53 30/01/2009 »

john85 ... شكرا للمرور و التعليق.

NOOR2 ... الحمد لله وصللك الخبر ... طبعا اني ليهسه انتظر موافقة رئيس البعثه و كولشي ماكو من 3 شهور .. فالبارحة قدمت من جديد برسالة جديدة و ايميل جديد ... عسى أن يصير شي. المهم حجايتي انو الاس اي في مينترك عل النص و مادام فرصته موجوده متنترك .. حتى لو ضعيفه ... و اللي يروح لاجئ و الاس اي في ماشيه مالته يحوله الى هجره ... صح الكلام يه معلم.

sport29 ... اذا عندك رسالة الجنرال تقدم على برنامج الاس اي في الاول مال المترجمين و العراقيين و الافغان .. مو الثاني ابو ال 5000 فيزا بالسنه. بالنسبه لهذا النوع ما أعرف بصراحة اذا ممكن تتحول الفيزه مالته داخل امريكا... كفركه سريعه ... حاول تقدم على النوع الثاني و حصل موافقة رئيس البعثه COM بلكي تكون اضبط هناك.

تحياتي ... حيدور

show · « **رد #8 في:** 20:56 30/01/2009 »

الف شكر حيدور عالخبر الرائع
ورده حيدور

بالتوفيق للجميع

audesos · « **رد #9 في:** 21:15 30/01/2009 »

خبر كلش حلوووووووووووو حيدور الورد ...

عاشت ايدك ..

اوديسوس
بغداد

البصير · « **رد #10 في:** 21:39 30/01/2009 »

موضوع مفيد و جميل ...عاشت ايدك اخويه الغالي

ان شالله يستفاد من هذه المعلومه جميع الاخوان و الاخولت في المنتدى يارب

والسلامه للجميع

NOOR 2 · « **رد #11 في:** 21:52 30/01/2009 »

حيدوري الغالي
اخويه يرحم والديك حاول البحث والسؤال عن هذا الخبر وتأكد
يرجم والدبك احتاج الى اي معلومه جديده
اخويه حيدوري ما اوصيك ارسل لي الاخبار
اخوك NOOR 2

angie-2 · « **رد #12 في:** 22:02 30/01/2009 »

تسلم حيدر تسلم دومك طيب ورائع ربي يحميك ويحرسك لاهلك ويوفق كل امورك يسلمو

Haidor · « **رد #13 في:** 09:30 31/01/2009 »

انجي: الموضوع نوور بمشاركتج ... و انتي الاطيب و انشالله الموفقية للكل يا رب.

صديقي NOOR 2: بصراحة هو تره ثاني واحد يكولي على هذا الموضوع، الاول ما نطاني معلومات هوايه بس هذا صديقي الثاني كللياها بالنص مكتب الجنسيه و الهجره كللي انت ابروفد لتحويل فيزتك الى مهاجر بس تراجع و تكمل الاوراق... علعموم بأسرع فرصة أشوف صديقي اونلاين، رح أسئله على كل الخطوات بالتفصيل و أبلغكم بيه...

البصير: شكرا علمرور و المشاركه .. انشالله الفائدة تصل للجميع و هذه غايتي ايضا.

audesos: تدلل حبي ... و إيدك.

show: شكرا لك على مرورك الكريم.

تحياتي ... حيدور

audesos · « **رد #14 في:** 22:08 06/02/2009 »

حيدور حبيبي ... آني من قريت هذا موضوعك .. راسن دزيت ايميل على الاس اي في ورقة دي 157 وريكومنديشين ..وجابوني ..البارحة يريدون ... ريكومنديشن .. وكتاب يبين فترة العمل ونسخة من الجواز....

سؤالي حيدور ..شنو يريدون ريكومنديشن ثاني لو نفسة ...مع العلم .. ان الريوكمنديشن من امريكي بشركتنا..

تحياتي حيدور

audesos · « **رد #15 في:** 09:09 07/02/2009 »

حيدوووور .. وينك يعني شلون الا اجيك للحلة هسة

Haidor · « **رد #16 في:** 09:50 07/02/2009 »

اوديسوس ... رحمه من الله ... اتصالنا كلش ضعيف و مديجيب انترنيت ... رح اكسره للمودم ... تريدلك شغله تشتغل ماكو...

أهم وثيقتين برسالة التقديم عل الاس اي في هنه رسالة من المدير بيه مواصفات خاصه و رسالة من الاج ار بيه تاريخ الوظيفي و عنوانك الوظيفي و ووضعك بصوره عامة بدون تفاصيل. المواصفات الخاصه مال رسالة المدير لازم بيه عبارات مثلا انت متشكل خطر على امريكا و انت مهدد و انت قدمت خدمات مهمه لامريكا ... باوع تفاصيلها على موقع السفاره...

تحياتي ... حيدور

Haidor · « **رد #17 في:** 10:33 07/02/2009 »

علوا تجي ... الحله تنور ... اسويلك عدم تعرض و تتمشه براحتك محد يندك بيك من جماعة ابو خالد ... هههه ... عدى الشقه اذا عندك جيه كوللي حتى نلتقي ... و نكمل حديثنا مال ذاك اليوم ... كولما اتذكره اموت من الضحك ... (بالخط العريض اللماعي .... هههه)

ابو عبد الله التكساسي · « **رد #18 في:** 20:17 27/01/2010 »

يرفع

manny81 · « **رد #19 في:** 20:46 27/01/2010 »

اخوان السلام عليكم
بلكي واحد عندة معلومة علة شغلتي اني جنت عل اس اي في وكملت كلشي حتة المقابلة وبعدين اجاني رفض من الكوم بروفل لان اني انطردت من الشغل قبل المقابلة لاسباب اني مو طرف بيها المهم يصير اقدم عل اي او ام لو بعد ميصيرلي جارة ارجو الرد يرحو موتاكم

y.a.r.a · « **رد #20 في:** 21:13 27/01/2010 »

اي اخي تكدر اتقدم على برنامج ال IOM عادي

ابو هبه · « **رد #21 في:** 21:22 27/01/2010 »

اخويه العزيز حيدور
والله خبر رائع تدري اني مثل هوايه من اللي قبلي مقرر اترك ال IOM و اروح على ال SIV بس هسه الخبر اللي دتكوله يشجع انو الواحد يروح حتى لو طلعتله ال IOM قبل ويكمل من هناك على ال SIV
خصوصا اني الان بمرحلة الانتظار على رد المركزالقومي للتأشيره ال NVCبالنسبه لل SIV وخلصت مقابلة محلفين وفحص طبي من شهر تموز 2009بالنسبه لل IOM لو شنو رأيك؟؟؟؟؟؟؟؟؟؟

ابو هبه

Abo Andrew · « **رد #22 في:** 21:23 27/01/2010 »

هذا الشي من سابع المستحيلات

لان اني مو صلت قبل سنة سويت هيج واتوسلت بيهم مع العلم الملف وية الاس اي في جان واصل مرحلة متقدمة

وخابرناهم وكلونا بالحرف الواحد ماطول طبيتوا لاجئين ماكو اي مجال حتة اتكملون كمهاجرين وانتو بامريكا

الا اذا اكو قرار جديد يثبت هذا الشي والله اعلم

على اية حال شكرا على المعلومة وان شاء الله تطلع صحيحة ويستفاد منها الجميع

اخوك ابو اندرو

نهاد احمد · « **رد #23 في:** 21:24 27/01/2010 »

شكرا الك حيدرو وبارك الله بيك
والموفقيه للجميع

نهاد ابو علي

الأخبار:

المحرر موضوع: لجماعة SIV و اللي شغلة ال IOM مالتهم مستويه و محتارين بين البرنامجين (خبر بالباكيت) (زيارة 1722 مرات)