ܝܵܐ ܒܵܪܘܼܝܵܐ ܕܒܪܹܐ ܠܘܼܟܼ ܥܲܠܝܼ
ܪܘܼܚܵܐ ܕܪܹܐ ܠܘܼܟܼ ܒܐܵܗܵܐ ܓܵܢܝܼ
ܒܲܕܡܘܼܬ ܨܠܸܡܬܘܼܟܼ ܩܲܡ ܒܵܪܸܬ ܠܝܼ
ܒܡܝܼܵܐ ܕܕܸܩܠܵܬ ܡܘܼܥܡܸܕܸܬ ܠܝܼ
ܒܐܲܪܥܵܐ ܕܐܵܬܘܿܪ ܩܲܡ ܡܲܫܪܸܬ ܠܝܼ
ܐܵܬܘܿܪ ܣܸܡܠܘܼܟܼ ܫܸܡܵܐ ܩܵܬـܝܼ.
ܒܫܸܡܵܐ ܕܐܵܫܘܿܪ ܕܐܲܠܵܗܘܼܬܵܐ
ܒܫܸܡܵܐ ܕܣܲܢܚܹܪܹܝܒܼ ܘܚܸܟܼܡܬܹܗ
ܘܗ̇ܘ ܨܠܵܠܵܐ ܕܡܲܪܟܒ݂ܵܐ ܕܫܲܡܝܼܪܵܡ
ܙܲܝܢܵܐ ܕܐܵܬܘܿܪ ܒܗܵܘܸܢ ܐܵܢܵܐ.
ܐܵܬܘܿܪ ܐܵܬܘܿܪ ܦܫܘܼܛ ܠܝܼ ܐܝܼܕܵܟ݂ܝ
ܕܪܵܚܫܸܢ ܒܪܹܫܵܐ ܕܣܲܝܦܵܐ ܠܗܲܝܟܠܵܟ݂ܝ
ܕܡܲܫܬܸܢ ܠܪܘܼܚܵܟ݂ܝ ܚܲܡܪܵܐ ܕܚܲܝܹܐ
ܘܡܵܝܨܝܼ ܒܢܘܿܢܵܟ݂ܝ ܚܲܠܒ݂ܵܐ ܕܩܝܵܡܬܵܐ
ܕܙܵܟ݂ܹܐ ܐܵܫܘܿܪ ܘܡܵܛܹܐ ܠܢܝܼܫܹܗ
ܟܸܢܫܲܢ ܚܵܕܹܐ ܓܵܘ ܡܲܫܪܝܼܬܹܗ.
ܐܵܬܘܿܪܵܝܵܐ ܫܡܵܐ ܕܚܹܐܪܘܼܬܵܐ
ܐܲܡܝܼܢ ܥܒ݂ܵܕܹܗ ܗܵܘܝܼ ܫܠܵܡܵܐ
ܚܲܝܹܗ ܦܠܝܼܚܵܐ ܒܫܲܪܝܼܪܘܼܬܵܐ
ܐܸܕܝܘܿܡ ܥܲܒ݂ܕܵܐ ܠܒܢܲܝ̈ ܛܲܢܦܘܼܬܵܐ
ܩܒܵـܠܵܐ ܛܠܘܿܡܝܹ̈ܐ ܕܥܲܒ݂ܕܹ̈ܐ ܒܝܼܫܹ̈ܐ
ܒܙܲܒܼܢܹ̈ܐ ܘܕܵܪܹ̈ܐ ܠܪܘܼܚܹܗ ܕܝܼܫܹܐ.
ܐܵܫܘܿܪ ܐܵܫܘܿܪ ܩܵܐ ܡܘܿܕ ܕܡܝܼܟܼܵܐ
ܓܲܪܓܸܡ ܒܪܩܝܼܥܘܼܟܼ ܝܵܐ ܢܲܨܝܼܚܵܐ
ܚܲܪܸܪ ܒܢܘܿܢܘܼܟܼ ܡܒܹܝܬܐܵܣܝܼܪܹ̈ܐ
ܦܵܪܸܩ ܐܘܼܡܬܘܼܟܼ ܡ̣ܢ ܥܲܘܩܵܢܹ̈ܐ
ܕܪܵܝܡܝܼ ܒܗܲܝܟܠ̈ܘܼܟܼ ܩܵـܠܹ̈ܐ ܪ̈ܵܡܹܐ
ܣܵܛܹܐ ܢܸܫܪܘܼܟܼ ܘܦܲܪܦܸܣ ܠܥܢܵـܢܹ̈ܐ
ܘܦܵܪܩܝܼ ܐܲܪܥܘܼܟܼ ܡ̣ܢ ܫܘܼܥܡܵܪܹ̈ܐ.
ܝܵܐ ܐܲܠܵܗـܝܼ ܘܪܘܼܚܝܼ ܐܵܫܘܿܪ
ܒܗܲܝܟܠܘܼܟܼ ܝܸܡܝܵܐ ܕܐܵܬܘܿܪ ܝܸܡܵܐ
ܕܐܲܚܢܲܢ ܥܠܲܝܡܹ̈ܐ ܐܵܬܘܿܪ̈ܵܝܹܐ
ܕܒ݂ܝܼܚܵܝ ܢܲܦ̮ܫܹ̈ܐ ܠܝܲܘܡܵܐ ܕܩܝܵܡܬܵܐ
ܓܲܝܣܵܐ ܕܐܘܼܡܬܵܐ ܩܵܐ ܚܘܼܪܵܪܵܐ
ܕܦܵܪܩܲܚ ܡܐܵܬܘܿܪ ܟܠ ܫܘܼܥܡܵܪܵܐ
ܐܵܬܵܐ ܕܐܵܬܘܿܪ ܩܵܐ ܕܪܲܦܪܸܦܵܐ
ܒܪܩܝܼܥܵܐ ܕܢܝܼܢܘܹܐ ܐܵܪܸܫܟܵܝܬܵܐ.
ܗܵܐ ܥܠܲܝܡܘܼܬܵܐ ܟܲܕ ܡܲܙܡܘܿܪܹܐ
ܠܫܘܼܒ݂ܚܵܐ ܕܐܵܬܘܿܪ ܟܲܕ ܫܲܒܘܼܚܹܐ
ܘܦܸܩܚܹ̈ܐ ܕܢܝܼܣܵܢ ܟܲܕ ܫܲܦܪܘܼܢܹܐ
ܥܲܠ ܒܹܝܬܢܝܵܚܹܐ ܕܐܵܢܝ݇ ܢܲܨܝܼܚܹ̈ܐ
ܘܥܲܠ ܒܹܝܬܩܲܒ݂ܪܹ̈ܐ ܕܫܲܒ݂ܪ̈ܲܢ ܙܥܘܿܪܹ̈ܐ
ܒܩܲܦܠܵܐ ܕܝܸܡܵܝܗܝ ܗܵܠܵܐ ܕܡܝܼـܟ݂ܹܐ
