ئيدت حبا
سرتيب حنا
يوما بيوما گماننه
ئيدت حُبا كسپرنه
آيتيت ئيدت حُبا
وآيتيت ملكثت لبا
مشتيلي مكاست حُبا
مشخني بنورت حُبا
آيتيت وردت حُبا
آيتيت روحا ولبا
وردت منخ شقلنه
هل ياوش بد ميخنه
حُبَخ بلبي بزرنه
من دمي آنا مشتنه
هل پاثخ بدسپرنه
بِداثي بد مشتنه
مُخ وردا بد مخنه
تاليله صواتي بناتنه
وردَخ ئيله طِمانا
گمتخيري گاوَخ آنا
كُد شيثا وكُل عدانه
لگرحقن منَخ آنا
شمَخ دايم بسُپاثي
بخزيثَخ گبهري ئيناثي
الحُبَن گحاكن تانَشواثي
تا خزمي ويمي وخاثي
غزيثَخ طالي درمانا
ريخَخ ورده دأوشعنا
قُمَخ قُمد إلانا
ريخَخ وردت ريحانا
منَخ گناخپ لشانا
آيَت مر قُمتا وجانا
سرتيب حنا
الكاتب
