منتدى الهجرة واللجوء > مواضيع بعد السفر
كل ما يهم الاطباء المهاجرين الى الولايات المتحده و كندا
IRAQIDOCTOR:
سلام عليكم
Dr.Typhoon
بارك الله بيك و شكرا على نصائحك الحلوه والمفيده للجميع , وعندي بس كم سؤال ولو اكيد انته هسه مشغول بالتحضير لل CS :
حسب ما عرفنا منك انو حضرتك اعتمدت على ال First Aid وال Kaplan Lecture Notes بالتحضير لستيب 1 وستيب 2 , بالنسبه للفيرست ايد ماشفت عليه خلاف لكن الكابلان تقصد بكل المواد ?؟ يعني دائما نسمع انو الكابلان نوتس موكلش بالباثولوجي وانه د. Goljan احسن , وكذلك بالنسبه للمايكروبايولوجي نسمع انه Made Ridiculously Simple MRS افضل , وكذلك الفيزيولوجي هل الكابلان كافي لو لازم ال Board Review Series BRS ؟
والسوال الثاني هو عن المده اللي تعتقده كافيه للتحضير لكل ستيب ولو الشغله تختلف من شخص الى اخر لكن من خلال تجربتك كتقدير نسبي ؟
واخيرا وحتى ما اخذ من وقتك بس اذا يصير عندك وقت تكتبلنا عن تجربتك بالامتحانين و الاشياء اللي تنصح بيهه.
صدك ماكلتلنا راح تلحك تقدم على الماتش هذي السنه لو على السنه القادمه ان شاء الله ؟
وشكرا مره اخرى مع تمنياتي بالتوفيق
اخوك
IRAQIDOCTOR
ورقاء:
شكرا دكتورنا العزيز typhon
وان شاء الله الموفقية بال cs
iهسة ماعندي سؤال بس انتظر اوصل لهناك وادوخك اسئلة
تحياتي
Bobby:
اخي iraqidoctor
المايكروبايولوجي الفيرست ايد ون اكثر من كافي ووافي 0الباثولوجي لازم كولجان 100 صفحة مع كولجان باثولوجي كوستشنز+كولجان سلايدز0ولازم لازم اليواس ام ال ايه وورلد
Typhoon:
اخوية العزيز iraqidoctor رح احجيلك بالتفصيل
اني اول شي بلشت ب step 1 ونصيحتي تبلش بي قبل ستيب تو لان هواية معلومات رح تفيدك بستيب تو ولاتسوي مثل هواية جماعتنة بدو ستيب تو على اساس المادة يذكروها احسن
بالنسبة للكتب اني جبت كلشي بالبداية كابلن وبي ار اس ولبنكوت بس من اول قراية بديت احير بين كابلن من جهة وبقية الكتب من جهة ثانية وبصراحة ما استفدت من بي ار اس وجماعته فثاني قراية بديت كله كابلن وعدته مرة ثالثة وبعدين قريت first aid وبديت احل اسئلة
فنصيحتي الك انت رح تشوف كابلن كانه قليل او مقصر ببعض المواضيع خاصة الباثو , او صعب ينقري خاصة المايكرو .... بس اذا تقراه اكثر من مرة وبعدين تحل اسئلة وخاصة الusworld وتضيف شكو معلومات من الاسئلة على كابلن رح يكون اكثر من كافي وزايد
goljan pathology is very good but its a long book , about 600 pages , if u study kaplan very well and add to it all the discussions of USWORLD answers , it will be more than enough
watch the lecture videos if u have time because it will show u all slides and gross pathology pictures , if u have no time watch only last 2 hours of the lectures bc he will review all the slides rapidly
.
kaplan physiology is a big book and better than BRS if u combine it with videos , especially the chapter end questions its much more difficult and representative than BRS one
بالنسبة للمايكرو بايولوجي اشوية كابلن ايضوج بالبداية بس بعدين تتعود عليه وخاصة هوة كاتب كل بكتريا بصفحه وحده تقريبا هذا يفيدك بالمراجعة اخر شي وبالنهاية مسوي مخططات وجارتات هم تفيد بالمراجعة بس بكيفك اذا تريد تقره made rediculously simple هم خوش كتاب
والاميونتي مال كابلن كلش زين مشروحة ومفصلة
بايوكمستري كابلن لاغنى عنه وامشروح بطريقة حلوة واهم شي تشوف الفيديوات وية البايو لان بدونها صعبة شوية
فارمه اللبنكوت كلش خوش كتاب وحلو ومفصل بس هواية يحجي فاذا انت زين بالفارمة تكدر تبلش كابلن مباشرة والشغلة الي متفتهمها ارجع على لبنكوت بس اذا يحتاجلك بالفارمة قراية قوية بلش لبنكوت من البداية
gross anatomy , kaplan is more than enough and the hi yield topics is upper and lower limbs and kidney and genitalia anatomy but u have to read every thing
neuroanatomy , kaplan is very good in that it give u what u need of details in the exam , not
like hi yield that give u all the rubbish details that will make brain congestions ;D
behaviour , kaplan is very good especilly the lecturer is very nice and has a unique way of teaching
ستيب تو كلها على كابلن وما اعرف شكو غير كتب لاتن مدووخت نفسي بيها
بستيب ون اذا ضبطت الكتب واليو اس ام ال اي وورلد زين ما تحتاج للفيرست ايد لان ما بي شي زايد
بستب تو فيرست ايد مو كلش زين وبصراحة اني مقريته لان محد نصحني بي بس اكو كتاب ثاني اسمه crush the board يكولون عليه زين احسن من فيرست ايد
بالنسبة للمدة مال القراية اذا شدت حيلك على ستيب ون وبدوون تسخيييت يرادله 9 الى 10 اشهر
وعلى ستيب تو يرادله 4 الى 6 اشهر بس تختلف من شخص الى شخص
نصيحتي بالنسبة للقراية انه تكون متواصلة وبدون انقطاعات طويلة .... وانه تنقري الكتب مرتين وبعدين تبلش بالاسئلة وخاصة USWORLD ينقري وينعاد اكثر من مرة وتركز علة الاجوبة مالته وحتى الاسئلة الي تحلها صح هم اقره اجوبتها لان بيها تتعلم من عدها هواية وبصراحة الامتحان يتقسم 3 اثلاث ثلث اسئلة بسيطة وتنحل مباشرة وثللث اسئلة متوسطة الصعوبة وثلث او اقل اسئلة صعبة ويرادلها تفكير ونسبة قليلة اسئلة فضائية من غير كوكب بحيث لمن تقرة السوال تكول اني شجابني اهنا
بالقراية مال ستيب ون ركز على اهم ثلاث مواضيع وهية الباثو عليه اكبر نسبة اسئلة والفارمة والفيزيو
بالدرجة الثانية المايكرو والبايو كمستري
واقل نسبة اسئلة على الاناتومي بس النيورو اهم من الكروس
البهيفيور اكو مواضيع مهمة بي وتجي منها اسئلة بكل بلوك مال امتحان وهية physician patient relationship and ethics and dsm and epidemiology
ستيب تو عموما قرايته اسهل من الون بس الاسئلة مالته اطول وبيها لوفات اكثر بس طبعا اهم شي هوة المدسن
بليلة الامتحان لا تقره شي ونام من وكت وبيوم الامتحان اخذ وياك اكل لان الامتحان يطول 8 ساعات واخذ وياك الجواز وورقة الكونفرمشن مال ال ecfmg
حاول ان تسيطر علة اعصابك ولا تنفعل اول بلوك لان هية بس بدايتها صعبة وبعدين رح تحس نفسك كاعد بالبيت دة تحل اسئلة عل النت وماكو اي مشكلة
حاول انه لا تطول بكل سوال اكثر من دقيقة وتعود عليها اثناء قرايتك حتتفيدك بالامتحان متضيع وكت والسوال الي تشوفه صعب اشر عليه واعبره لاتضيع بي وكت وارجعله بعدين بنهاية البلوك لان اكو اسئلة طويلة وتاخذ وكت هواية
اخذ وياك نساتل بالامتحان لان تفيدك تنطيك طاقة سريعة
واتمنى اكون ما نسيت شي واي سوال عندك اني حاضر
اني يمكن ما الحك علة الماتش مال هسنة لان نتيجة ال CS تاخذ شهرين يلة تطلع واريد اسوي اوبسرفر او اكسترنشب علة السنة الجاية الله كريم
تحياتي الك زميلي العزيز وللاخت ورقاء وانشاء الله شايفين كل التوفيق والخير
اخوكم typhoon
Bobby:
اخي تايفون ليمتها راح تاخذ السي اس وفي اي سنتر
وشكد كانت سكورك في ستب ون وستب تو
تحياتي
تصفح
[0] فهرس الرسائل
[#] الصفحة التالية
[*] الصفحة السابقة
الذهاب الى النسخة الكاملة