اخواتي واخواني (الدراسه في الولايات المتحده الامريكيه)

[zack13]

اخواتي ...اخواني...
تحيه..وسلام , ومحبه  على الجميع...وبدون اي استثناء,
الواصلين اللى ارض التوطين,والمنتظرين, والذين فقدوا الامل (ابشركم الامل موجود دائما...وعمره ماراح وعافكم...لكن اليأس والاستسلام...يهد اكبر جبل..ويحطم اعظم انسان)

استلمت العديد والعديد...من التساؤلات والاستفسارات...من الكثير من اخواني اعضاء هذا المنتدى الجميل...تدور وتتمحور حول موضوع الدراسه والتعليم بمريكا.....وقد اجبت على معظمها او جميعها لكن
المعلومات والتفاصيل قد تناثرت وتوزعت بأزمان واماكن مختلفه و متعدده بين ارجاء وثنايا هذا المنتدى...
وما سأقوم به الان هو اعادة جمعها وترتيبها بطريقه يسهل على الجميع قرائتها ومتابعتها والتمحص بتفاصيلها واختلافاتها وبدون اي "لبس" او "سوء فهم"
والبدايه راح تكون بتقسيم عام للموضوع :
-الدراسه الاوليه وتشمل (رياض الاطفال والمدارس "ابتدائيه كانت او ثانويه")
-الدراسه الاكاديميه (بكلوريوس , اسوسييد)
-الدراسه العليا(ماجستير او دكتوراه)

اولا: الدراسه الاوليه وتشمل (رياض الاطفال والمدارس "ابتدائيه كانت او ثانويه"):
    اي عائله عراقيه او غير عراقيه (تصل للولايات المتحده الامريكيه بصفة لجوء او هجره شرعيه...يحق لهم ان يسجلوا اولادهم في رياض الاطفال او المدارس (طبعا حسب العمر)
اذا كان الولد او البنت "جيدين باللغه الانكليزيه" سيتم الحاقهم بصوره مباشره بالمقاعد الدراسيه..وبصوره سريعه جدا (اكيد حسب الفصل ...يعني اذا كانت العطله الصيفيه قد بدأت..فمن الطبيعي انتظار الفصل الجديد سيكون هو الحل الوحيد)

التقديم:سيكون بمساعدة المنظمه (منظمة اللاجئين والمنظمات الاجتماعيه بالمدينه او الحي) تكاليف الدراسه والاجراءات "كلها مجانيه" وسهله وغنيه بالتجارب.
يجب ان تأخذوا بالاعتبار (تنزيلهم سنه او سنتين) ...حسب القابليه وسرعة التعلم
حيث ومن خلال اتصالي بصديق لي لديه عائله متوسطه تتكون من زوجته واولاده بالولايات المتحده علمت (ان اولاده قد تم وضعهم بالمدارس الامريكيه التي يرتادها الامريكيون انفسهم) و جرت عملية تنزيلهم او تهبيطهم مرحلتين بباديء الامر (يعني بمكان السادس الاعدادي خلوهم بالرابع)
لكن شطارة هؤلاء الاولاد وفطنتهم وسرعة تعلمهم..جعلت الاداره ومعلمي المدرسه يسارعون بالاتصال بالاهل "اهل الاولاد" واخبارهم بضرورة تصعيدهم او رفعهم الى مراحلهم الاصليه وباسرع مايمكن "لان حرامات سنه او سنتين اتروح عليهم على الخالي بلاش..وعلى اشياء قد سبق وتعلموها بالعراق "بالمدارس العراقيه"
وهذا الشيء ان دل عن شيء انما يدل على (روعة وعظمة التدريس والدراسه بالعراق...على الرغم من كل المآسي والحروب التي مررنا بها)

بالنسبه للاطفال او الاولاد...الذين لا يجيدون اللغه الانكليزيه اطلاقاً (فسيتم وضعهم بمدارس خاصه بتعليم الانكليزيه..وحسب قابلياتهم ايضا (حيث يتم هذا الشيء من خلال اختبار بسيط بالمنظمه يقيس مدا فهمهم للكلمات والاساسيات المتعلقه باللغه) طبعا هذا الشي راح يتم حتى للاهل او الكبار بالسن (ومن المحتمل ان يكونوا بنفس الصفوف مع اولادهم....لتساويهم بالمقدره اللغويه...واكيد هذا الشي مو عيب (لان العلم والتعلم لا يرتبط ولا يتقيد بعمر معين!!!!)

احب ان انوه على موضوع مهم هنا وبمناسبة الحديث عن تدريس اللغه:
 (للحالات الخاصه) مثل الانسان المريض,الطاعن بالسن, او المصاب بعاهه تمنعه من تعلم اي شيء بشكل عام (فهؤلاء من الممكن اي يتم اعفائهم من دروس اللغه..من خلال تقرير طبي او اجتماعي يوضح ويفسر الحاله+ الاسباب)

ثانياً- الدراسه الاكاديميه (بكلوريوس) او (اسوسييد)Under Graduate Degree
أي شخص (اتم عمر ال18 سنه) وحاصل على الشهاده الاعداديه (او اي شهاده اكاديميه اخرى) له الحق بالدراسه داخل الولايات المتحده...
مثلاً(انت شخص عندك شهادة اعداديه وتجيد الانكليزيه...يمكنك ان تقدم على الدراسه بأي جامعه او كليه
لكن يجب عليك ان تجتاز اولا عدة اختبارات (لغويه..و رياضيه (يعني رياضيات))
مثل(امتحان او اختبار "TOEFL +College placement Test"
وطبعا كل كليه او جامعه الها شروطها(مثلا: All Community Colleges لا تتطلب درجه او امتحان من التوفل
فقط الـ College Placement Test )
ودفع التكاليف سيكون على حساب الحكومه الامريكيه من خلال الـ(Financial Aid) القرض الفيدرالي...ولا يجب عليك ان تسدده لاحقا..حيث سيتم اعتباره (Grant) بالعربي "منحه او هبه"..مو دين!!!!!!!.

مثال اخر(اذا كنت حاصل على شهاده اكاديميه سابقه سواء من امريكا او من العراق او من اي دوله اخرى..وهذا الشي يشمل البكلوريوس والدبلوم (فيجب عليك عمل نفس الاختبارت اعلاه لكن!!!!!! القرض الذي ستستلمه سيكون على شكل (Loan)بالعربي "قرض" يجب سداده بالمستقبل على شكل اقساط..او خلال الدراسه (حسب القدره)
وهذا الشي الي دا اسويه حالياً..(يعني ينطبق على حالتي) والمصطلح المستخدم لوصف هذه الحاله هو(Second B SC.)

الدراسه العليا(ماجستير او دكتوراه)Graduate Degree
عند التقديم عليك ان تجلب معك الوثائق التاليه:
1- نسخه اصليه من شهادة البكلوريوس(Certificate)+الترجمه
2-الدرجات للمراحل الاربعه"مراحل الدراسه في البكلوريوس" (Trans Sicript)+الترجمه
3-ثلاثة توصيات من ثلاثة اساتذه سبق ان درسوك بالجامعه ببلدك الاصلي او بمريكا اذا كنت حاصل عليها منها
4-تمتحن (TOEFL+GRE or Gmat) وطبعا نتائجها يجب ان تكون عاليه وعاليه جدااً...وحسب الكليه وشروطها
واحتمال ميطلبون من عندك (بس التوفل.."اداب الانكليزي" على سبيل المثال..) وذلك لكون هذا القسم او الاختصاص هو انساني بحت (والكل يعرف متطلبات كل من الاقسام العلميه والانسانيه)

اذا يعجبكم ..ممكن ان تفوتون للرابط التالي..الي راح ياخذكم الى موقع متخصص بجميع الامتحانات التي ذكرتها اعلاه واكثر!!!!!
حيث ستطلعون على نماذج عديده من الاسئله..وعلى كراسات تعليميه مجانيه لكل منها:
http://www.studyguidezone.com/

اتمنى ان أكون قد اوفيت بوعدي...
وجاوبت على البعض من اسئلتكم
وانا حاضر لاي استفسار...او تعليق..او ملاحظه,
شكراا

سلااام

[Mathew]

الاخ العزيز زاك ... لا ادري كيف اشكرك على هذه المعلومات القيمة التي كنت بأشد الحاجة لها وخاصة فيما يختص تعديل الشهادات ودراسة الاطفال وإكمال المشوار الدراسي بالنسبة للخريجين حبذا لو تتواصل معنا في هكذا مواضيع مفيدة ... عهدناها منك اخي العزيز وربما احتاج الى مساعدة على الخاص بشأن بعض المعلومات الخاصة التي تخص حالتي الدارسية في الجامعة ساكون ممتناً لو تفضلت بالاجابة عليها لاحقاً
مع جزيل الشكر والتقدير
ماثيو

[haytham964]

منور اخوية زاك ..ودائما متابع  مواضيعك المفيدة والثرية بالمعلومات  بس عندي سؤال
اني عندي شهادة في الهندسة المدنية ..اريد اعادلها ..واضيف عليها شهادة associated degree  اريد اعرف التفاصيل  والمبالغ اللي ادفعهه شلون تكون

وتحياتي
اخوك هيثم

[zack13]

birj
اخي واستاذي "بيرج"
شكرااا..التألق لاصحابه مثل ما دائماً نكول.
تمنياتي لك بالتوفيق والسعاده ايضاً انشالله

نورت "الموضوع"

[zack13]

Mathew
اخي العزيز...قبل ما اجاوبك على السؤال..شكرااا الك
وعفوااا على الكلمات الجميله والصادقه,

(اي سؤال..ما اتصور راح يوصل من الدرجه من الحساسيه او السريه...بحيث لايمكن او يحرم عرضه ونشره على العام...بالمحصله الكل يستفاد) الموضوع متعلق بالدراسه..يعني لا هو سياسي ولا غير ذلك...
على العموم..اني حاضر اذا اتريد تتواصل على الخاص اتفضل وانشالله اكدر اجاوبك

تسلم

[المهاجر 2009]

شكرا اخوية زاك على هذا الموضوع القيم وانشالله تستمر بتألق دائما وتفيدنا بموضوعاتك الحلوة

[Haidor]

زاك

شكرا عل لملمة الموضوع --- عندي سؤال: يرهم عمليا (وليس اخلاقيا - اقصد اخلاقيا قسم يكوللك انت ميصير تجذب اذا عندك بكلوريوس لازم تكول عندي بكلوريوس) انو صاحب البكلوريوس يكولهم ما عندي بكلوريوس و يدرس بكلوريوس جديد على الكرانت؟  ما أنوي اسويهه لان عندي هندسه ما معقوله اتخلى عنها بس لو اني مثلا خريج بكلوريوس ما بيه شغل و تعبان و طحين و ما عندي خبره بي -- بالمختصر ما اريده -- سؤالي فقط للمعلومات العامه

ثانكس ... حيدور

[Mathew]

اخي العزيز زاك ممكن توضيح مفوم مختصر GRE or Gmat هل هو الامتحان الخاص ذي درجة ال 800 القصوية لاني حالياً احاول عن طريق موقع   www.800score.com/gre التدرب على بعض انماط الاسئلة ولاادري بتوفر اي سوفت وير او رابط اخر يجعلك تتدرب للتأهب لهذا الامتحان واعتقد هو نفس الامتحان الذي اجتزته قبل فترة مع شكري وتقديري

السوال الخاص الذي لم اود طرحه كي لاازعج المداخلين كان انه ما المستوجب على حامل درجة الماجستير جلبه معه بالتفصيل الممل لو إستطعت من فضلك كي يثبت حصوله على الدرجة اولاً وثانياً كي يحاول تعديل درجته هناك .. هل ستكون نفس متطلبات التقديم للدراسات العليا ام لا ... لانه هنالك ضوابط وأسس خاصة ربما هناك ففي العراق مثلاً حامل درجة الماجستير تثبت درجته بواسطة ( الشهادة - نتائج الكورسين الاول والثاني - نسخة من الرسالة - إقرار من كلية الدراسات العليا بمنح الدرجة موقع من قبل لجنة المناقشة والمشرف وعميد الكلية والمقوم اللغوي للبحث وغيرها من الامور الروتينية )
وانشاءلله ما ازعجناكم بالاسئلة المطولة
ماثيو

[zack13]

haytham964
صديقي...أشكرك على المتابعه والاهتمام والتعليق الحلو
هذا الشي اكيد من ذوقك...وطيبتك,

بالنسبه لموضوع معادلة الشهاده:
تكدر...من توصل انشالله لمريكا وتستقر(يمكنك ان ترسل ومن خلال البريد او من خلال ذهابك شخصيا الى احد الكليات او الجامعات في مدينتك او خارج مدينتك) الاشياء التاليه لغرض المعادله (Evaluation)
1-نسخه من شهادة البكلوريوس(مترجمه)
2-نسخه من الدرجات للمراحل الاربعه(مترجمه)
3-مبلغ ومقداره(140 الى 160 دولار) غير قابله للرد "ومن خلال صك..شيك او "Money Order" يعني مو كاش
معنون للكليه او الجامعه التي ترغب ان ترتادها لتقييم ومعادلة الشهاده

-انتظار الرد(وسيحتوي على الاشياء المطلوبه منك والتي يجب ان تفعلها) مثل
1-تمتحن (ببعض المواد والصفوف) لغرض تقييمك ومعرفة مدى حاجتك الى صفوف او دروس اضافيه لمعادلة الشهاده
2-المبلغ راح ايكون على اساس الكريديتسCredits التي تحتاجها مثلا( قدمت على كليه بمريكا وقد تمت عملية اختبارك بـ 7 دروس عشوائيه لكنها تنطوي تحت اختصاصك الاصلي اكيد...وحصلت على درجات ممتازه ب4 منها وبقالك 3 موكلش"يعني مجاوبت زين بيها"
راح ايكلولك لازم اتكمل مثلا 3 Credits بالماده الفلانيه..و4 بالماده الاخرى و2 بالاخيره
وكل كريديت سعره (بين الـ50 والـ 150 دولار واحتمال اكثر (حسب الكليه او الجامعه)

بالنسبه لشغلة الـ(Associate Degree) اي تكدر (هذا الشي الي دا اعمله حالياً)
تدرس سنتين بواحده من (Community Colleges) "ايضا حسب الاختصاص ..حيث يمكن لبعض الاختصاصات ان تكملها الى 4 سنوات لكن بجامعه اخرى (وبهاي الحاله راح تتسمى Transfer Degree)

الدفع ايكون على طريقتين(بما انه انت عندك شهاده اكاديميه سابقه)
اذا اخذت قرض فلازم تدفع فلوسه (سواء خلال الدراسه او بعدها)
او (اذا انت اصلا عندك فلوس...تكدر تدرس بفلوسك وبأي اختصاص تريده)
وطبعا الموضوع يحمل بعد تفاصيل
اذا تريد تعرفها كلي..حتى ارد عليها انشالله

تمنياتي لك بالتوفيق

[zack13]

المهاجر 2009
تسلملي يا ورده...
اكيد وانشالله..ايصير عندي وقت وقدره على عمل ذلك
 وبعون الله مراح اقصر
شكراا

[haytham964]

شكرا الك اخوية زاك عالمعلومات والرد المفصل ..بالنسبة لوضعك ..انت عادلت شهادتك ودتحاول تاخذ associated degree  لو اصلا عفت شهادتك اللي بالعراق  وتريد تاخذ هالassociated degree

تحياتي
هيثم

[haytham964]

بعد سؤال اللاخ ولو كثرت من الاسالة عليك بس شسوي ماصدكت شفتك موجود ..تحملنا اخوية الورد ..انت شنو الشهادة اللي تريد تاخذهه ؟ وشكد كلفتهه ( اقصد شهادتك )  اذا تريد تدرس على حسابك

فد شوية وارجعلك بسؤال اللاخ .هههه اني متاكد
تحياتي

[zack13]

Mathew

GMAT - Graduate Management Admission Test.
للحصول على عينه من الاسئله وكراس التعليم..ادخل على الرابط:
http://www.studyguidezone.com/gmattest.htm


GRE' - Graduate Record Examination
للحصول على عينه من الاسئله وكراس التعليم..ادخل على الرابط:
http://www.studyguidezone.com/gretest.htm

(اذا تعرف تقره انكليزي..هذين الموقعين راح ايكفوك ويوفوك وزياده)
وادلل

بالنسبه لسؤالك الخاص الاشياء التي ذكرتها:
( الشهادة - نتائج الكورسين الاول والثاني - نسخة من الرسالة - إقرار من كلية الدراسات العليا بمنح الدرجة موقع من قبل لجنة المناقشة والمشرف وعميد الكلية والمقوم اللغوي للبحث وغيرها من الامور الروتينية )
ما اتصور اكو مانع او سبب راح ايخليك متجيبها وياك
جيبهم(لان اكيد راح تحتاجهم)
واكيد مترجمه(بس لتخاف اذا ملحكت اترجمهم...تكدر اتسوي هذا الشي بولايتك وحتى بمنظمة اللاجئين نفسها او الكليه نفسها)

[NAZGOL]

مشكووووووور حبيبي الغالي زاك على هذه المعلومات القيمة ...

ان شاء الله ربي يوفقك وتكمل دراسة ويستمر عملك ويزيد راتبك دائما وابدا

حبيبي الغالي بس اريد اسالك شي اتمنى ان تكون الاجابة عندك ...اني خريج علوم بايولوجي وشهادتي من الجامعه المستنصرية ومصدقة من الخارجية ...والمشكله اني صفر بالرياضيات لان ما اله اي علاقه بدراستي السابقه...سوالي هم راح يمتحنوني رياضيات اذا قدمت ؟؟...

تحياتي الك يا غالي والف شكر

[zack13]

Haidor
زين اني راح اسألك سؤال( بالمقابلات الي سويتها مال اللجوء...كلتلهم اني عندي شهاده؟؟؟
اذا اي كلتلهم(واني متأكد كلتلهم)
فمابيها مجال بعد مستحيل تجذب عليهم واتكللهم بمريكا اني ماعندي شهاده
لان اني بنفسي سألت المستشاره مال ال(Financial Aid) القرض الفيدرالي (نفس السؤال بالضبط!!!!لان اخوك هم نفس الفكره جتي اباله)
جان اتجاوبني بصوره حازمه (بس مو بعصبيه) ديربالك وثم ديربالك تكذب بأي شي يتعلق بالوثائق او الحقائق والمستمسكات الرسميه..تره اتوكع نفسك ابمطبات ومطبات ومشاكل الها بدايه وليس لنهايتها .....نهايه)

فاخويه حيدور "جر عدل من هسه اكلك..تره امريكا..مابيه يمنه يسره)
وجهك عدل وباوع ليكدام...تسلملي حيدور
وبالمناسبه (مشتاقين ...ونريد نعرف اخباركم؟؟؟)
انشالله خير يارب

[zack13]

haytham964
اني شهادتي العراقيه موجود وبالحفظ والصون
وبدونها جان متعينت (بالكليه الي راح ادرس بيه)
شغله على اختصاصي مضبوط..

قررت ادرس كليه مره ثانيه بالقسم التالي:
(business adminstration) وهذا القسم راح ينطيني شهاده (Associate) وره سنتين
ومن ثم سأنتقل اوتوماتيكيا الى جامعه اخرى (وحسب الاختيار) لاكمل السنتين الباقيتين للحصول على البكلوريوس(لكون هذا الاختصاص هو من نوع الـ Transfer Degree)
واني انشالله هذا طموحي

علما ان مو كل الاختصاصات والاقسام هي من نوع(Transfer) حيث تتوقف الحد السنتين وهاي هي


بالنسبه للفلوس
فتوصل لل(4000 الى 6000 سنويا) فقط هذا بالنسبه (للـCommunity College) لكن
الجامعات الاخرى والتي سأكمل فيها ماتبقى من الدراسه (اكيد اغلى وحتمال توصل لل10000 بالسنه الواحده)

والله كريم

[Haidor]

تسلم زاك على الجواب - همزين وضحت هذي النقطه - الشغله ما بيه درب - هي فكرة لا أكثر و مو ألي بس لليسأل - أخوك يدور ثوابات - هههه

اخباري ظلمة و دليلها الله - حزرتك الموافئات الامنيه لسه موصلتش - و طبعا لازم تعقب الموظفه مال اي او ام (ايه المشكله حزرتك؟) وره كل سؤال من اخابرهم
شعري صار ابيض مو من وره الموافقات الامنيه - من وره الانترنيت اللي يطلع الروح - عدى شغلة الكهرباء ماكو مــــــعــــــــظـــــــــم الوقت - و هسه تكدر تحزر شلون واهس مال مشاركات عندي.

شكرا على سؤالك عنني و بصراحة اول شي ادور عليه بالمنتدى هو مشاركاتك و يوم اللي تنزل بي موضوع جديد عبالك واحد ناطيني هديه.

بالتوفيق - تحياتي - حيدور

[عراقي اليمن]

شكراً اخي زاك على هذه المعلومات المهمة

عندي سؤال لو سمحت، هل سمعت بمدارس خاصة بالـ ESL للمهاجرين واللاجئين كم رسومها ومتطلباته بالنسبة لطلاب الثانوية؟

وشكراً زاك
اخوك عراقي من اليمن

[zack13]

NAZGOL
ناززززكول...صديقي واخويه الحبيب...
الحمد اله والشكر...وانشالله يوم الالك عزيزي الورد.

جواباً على سؤالك (حسب الاختصاص الي انشالله ناوي اتكمله!!!!)
يعني اذا ماجستير باختصاصك (راح تحتاج تمتحن GRE or Gmat) والي بدورهم يحتوون على اختبار للرياضيات المتقدمه..لكن اذا قررت تدرس اختصاص اخر (مثل اداب انكليزي...فمتحتاج بس توفل...يعني بس للغه)

واذا ردت تدرس بكلوريوس او اسوسييد(من جديد) ايضا حسب الاختصاص!!
يعني حسب.......اذا علمي كان او انساني(لكن هذي المره راح ايكون الامتحان بالرياضيات الاساسيه مو المتقدمه) فلا اتخاف
اني امتحنته..علما انه اني جنت ناسي حتى اشلون اطرح واجمع الكسور (مال الابتدائيه)
راجعتها خلال اربعة ايام ورحت امتحنت
والحمد اله حققت درجه(94)
وهذا حسب كلام المشرف على الامتحان (هي الدرجه الاعلى الي حققها اي طالب خلال وجوده وعمله كمشرف!!!!)
الحمد اله وانشالله تسوي الي ابالك..(لا تقلق كلنا جنه هيجي خايفين وقلقين ومرعوبين من المستقبل الغامض والمجهول)
بس اشويه  اشويه وبمرور الايام...الضباب انقشع..والغشاوه انشالت
وافتهمنا الوضع زين...وبدينا انشوف راسنا من رجلينه..
شكراااا

[NAZGOL]

شكرا حبيبي الغالي ...ربي يوفقك وينور عليك كل خطوة انشاء الله

تحياتي يا غالي

[Mathew]

زاك الوردة
الف شكر اخ زاك فعلا موقعين ولا أروع إنشاءلله راح ابدي بيهن من اليوم عود نحاول نتواصل على الموضوع مع فائق الشكر والتقدير

[zack13]

عراقي اليمن

اشكرك اخي الكريم والغالي,
مدارس الا ESL

سوف تعلم مرتاديها كل مايلي واحتمال اكثر "حسب المدرسه" لان اكو هوايه بصراحه:
Full English Immersion Program, Min-group, Academic English Program, GRE Preparation, IELTS Preparation, TOEFL/TOEIC Preparation, University Placement, Pronunciation Classes, Learn English through Songs/Music, American Newspapers and Current Affairs, Business English Courses for Professionals, Business-Technical Programs - Special courses in accounting, business administration, project management, etc. English Immersion Programs for children/students aged 14 - 18, Homestay Program.

بالنسبه للتكلفه تختلف وتتنوع (لان المدارس كثيره وبكل مدينه اكو وحده شكل وكل عمر ومرحله الها تأثير
بس الي اعرفه ان الكورس ابو (6 اشهر) راح ايكلف 900$...والله اعلم

اذا اتفوت للموقع الرسمي التالي راح اتلاحظ الي حجيته..تكدر اتشوف بيه كل التفاصيل والمعلومات الي تبحث عنها..وانشالله توصل للاجابات التريحك:
http://www.learn4good.com/great_schools/usa_english_language_courses9.htm

[zack13]

Haidor
حيدور مشاركتك..الحلوه والمميزه هي اكبر هديه,
شكرااا جزيلا...شتريدني اكلك وره ماشوف هيجي كلام (يفرحني جدااا وينطيني واهس ان اقوم بالمزيد)

انشالله ماكو شيب ولا حزن....الله ايساعدك والله على الكهرباء والوضع التعبان
والانترنيت الضعيف(من اتذكر هذي الاشياء...صدك اتحسف واكول..ليش؟؟شنو فرقنا عنهم؟؟)
مو بشر..موناس حالنا حال العالم!!!!!
ابشنو هم احسن من عدنا...صدكني لاشيء
هم بشر واحنا بشر هم ناس واحنا ناس

بس الله ايجازي الي سوه بينا هيجي...
الله كريم..حيدور تسلملي يا ورده.

[ورد]

 الله يوفك يارب وانشاءالله دوما ناجح بأحسن درجات التفوق,,

[عراقي اليمن]

ان شاء الله تكمل وتكمل وتكمل الى اعلى واعلى واعلى وربي يوفقك

سعيد بمعرفتك وان شاء الله ووصلنا سوف اكون اسعد بمعرفتك ونتواصل على طول

اخوك
عراقي من اليمن

[zack13]

ورد
هذا احلى دعاء...اختي الورده الفله "ورد"
اتمنالج كل خير وانشالله موفقه بكل خطوه وبكل عمل..
تحياااتي

[zack13]

عراقي اليمن
الله ايخليك...ويسلمك
اشكرك جداا على الدعاء
اني هم من يمي اكول انشالله تتسهل امورك ويزال تعبك
وتوصل بلد التوطين...بكل صحه و سرعه وسلامه.

بالمناسبه تتذكر من كتلك اني ظليت باليمن فترة 7 اشهر
(كنت عايش بمحافظة الحديده) ورحت زيارات لصنعاء وتعز
من احلى ايام حياتي.

اشكرك مره ثانيه..وانشالله نلتقي.

[BaghdadGhost]

اخي زاك ..... دومك متالق ..... تحياتي الك ويارب يخليك النه

[هنوة]

الف شكر لك اخوية زاك على هذه المعلومات المفيدة
رائع.. مبدع ..متألق
تحياتي
هنوة

[angie-dawood]

sale fit flops  Now for the ladies's sandals clearance, there are some ideas and techniques that you'll want fitflop shoes to keep in mind so you could very easily get the lowest priced sandals. Right here are 7 techniques for you to know how to get the lowest priced sandals.
 flipflops shoes  If you are a nut for the beach, why not have a tropical wedding theme? You can make this theme function the two indoors and outdoors (or, if you have entry to 1, even on a seashore for the true tropical truly feel)! A beach is a beautiful area to be on a wonderful day when the weather is warm and gorgeous. It is so calming when the waves come up, and the sun can make the sand warm and glistening.
Biomechanical engineers in the United kingdom have touted (and backed up their declare with actual science) the "fitflop shoes" as a way to tone your butt, legs, calves and thighs even though walking. Refreshingly, a side result of sporting "fitflop shoess" appears to be a reduce in tension on your feet, legs and back decreasing wear and tear as well as some widespread achy pains.
 fit flops for women  A soothing truly feel even right after a 12 hours dress in. They are advance in both engineering and trend. Do not miss to get Low cost Fitflops at an incredible value and a amazing feature to assist tighten your muscles.
 flip flop shoes  The flip- flop shoes on the rolling fitflop sandals of your foot which leads to bio-chemical tension and fatigue in your reduced legs and feet. So, you require to australia fitflops maintain this concern in mind whilst 2012 leading Fitflop Freeway Australia sale opting for a flip-flop shoe.

[I R A Q I]

مشالله عليك
والله ايسهل امرك اكثر واكثر

[أبــو دجـــلة]

السلام عليكم

أغاتــــــي .. زاك المثابــــــــر

تحياتي .. رائع أخي الكريم وكل ماتكتبه روعة , إنك مبدع بحق ومحب للآخرين
اللهم يبعد عنك أهل السوء وكل شر وبلاء
اللهم يقويك ويسندك بــــ مسار حياتك .. ويوفقك ويسدد كل خطواتك نحو الخير والنجاح
بوركت يامثابر وتسلم .. وأشكرك من الصميم على إستقطاع وقتك الثمين لأجلنا يامحب
جزيل شكري وأجمل أمنياتي .. مع تقديري

أخوكم .. أبـــو دجــــلة

**

[zack13]

BaghdadGhost
تسلم يا صديقي وعزيزي "الشبح"
..تمنياتي ودعائي لك بتحقيق كل ماتصبو اليه وتوصل للمكان الي رايده باسرع وقت
انشالله..


هنوة
شكرا..شكرااا اختي "هنوه"
الف عفوا على الكلمات الرائعه والعفويه..الله ايخليج يارب
وويوفقج بكل امورج
سلاامي

[zack13]

angie-rose
اشكرج...."انجي"..للتألق عنوان واحد
وهو "انجي" دائما اختنا الغاليه..والمحبه لعمل الخير,والسباقه لاي مساعده ومباركه لاي خبر جميل.
كل عام وانتي بخير.

[البحار68]

صديقي الرائع صدك انت بطل وروعة اتمنالك من كل  قلبي كل الخير والموفقية والنجاح وكان في ذهني بعض التساؤلات بهذا الشأن وقد اجبت عنها مشكورا من خلال اجاباتك للاخوان ..
وفقك الله في مسعاك وبارك اصلك الطيب  

تقبل تحياتي وامنياتي الحلوة

[zack13]

I R A Q I
اخويه وعزيزي...دعائك كلش غالي عندي ,انشالله
تتسهل امورك وترتاح..وتعيش بسلامه وامان وفرح للابد.
تحياااتي..لك وللجميع

[zack13]

أبــو دجـــلة
اشكر مرورك وتعليقك..وقرائتك للموضوع دليل كبير على الاهتمام
نورت المكان ونورت المنتدى بوجودك...كلماتك رائعه ومعبره وصادقه بكل ماتعنيه الكلمه من معنى
كما عودتنا دائماً...
اخجل بصراحه من اسمع او اقره هكذا نوع من التعليق او الكلام..(صدكني ممسوي شي)
هذا الشي بسيط جدااا وانشالله الكل تستفاد من عنده, وبلاخص الاخوان الي راح يوصلون قريب لبلد التوطين
اعرف الاحساس واعرف المعاناة الي تصيب البعض ولا اكول الكل ..وخاصة المكان والناس والمجتمع وكل مافيه هو جديد..وغريب ..وغامض,فأي كلمه ومعلومه اكيد راح تفيد وتنور درب شخص بمكان ماا بهلوجود او بهلعالم.
تسلم ياا اخانا الكبير "ابو دجله" ما قصرت.

[audesos]

رااااااااااااااااااااااااااااااااائع

[zack13]

البحار68
الحمد اله اخويه وصديقي البحار..
هو هذا الهدف..
اشكرك ورحم الله والديك على هلجمله الجميله من الكلمات والدعاء.
الله ايسهل امورك وتتوفق...ويخابرولك على موعد السفر باسرع من ماتتصور
ويخليلك عائلتك الكريمه...
تسلم..يا طيب.

[ahmed.khalid_87]

ولله اخوية  زاك ان شاء الله الموفقية الدائمة
وعاشت ايدك عالموضوع المفيد
تحياتي

[zack13]

audesos
شكرااا اوديسوس انت الرائع
تسلم يا ورده.


ahmed.khalid_87
والله اتمنى اسمع اخبارك..ودائما اتمنالك كل خير
انشالله تتسهل شغلتك مال السفر
سواء علهجره او اللجوء
وترتاح ويصفى بالك

[show]

دائما متالق بمواضيعك اتمنالك الموفقيه و النجاح .الى الامام دائما
في مواضيعك اجد الكثير من الاجوبه لاسئله لم تاتي على بالي بعد
شكرا شكرا شكرا اشكرك جدا

بالتوفيق للجميع

[عكعك التطوى]

شكرا زاك عالتوضيحات بارك الله بك تمنياتي لك بالموفقيه

تحياتي

[zack13]

show
شكرااااا..اخويه العزيز
واكيد على كد ما اكدر وعلى كد مالله ينطيني القدره على عمل هذا الشي,
والاستمرار...على ايصال المعلومه والخبر الحلو.
اشكرك..تسلملي يا ورده ويا غالي

[zack13]

عكعك التطوى
الله ايبارك بيك اخويه وصديقي "عكعك"
والله اتمنالك كل خير...وانشالله ايخابرولك ويحددولك موعد السفر ...بأقرب وقت انشالله,
انت تستاهل كل خير ..بصراحه
تسلم

[Qasra]

شنو هاي الهوسا زاك مجمع الحبايب كلهم ! مبروك درجه(94)رفعت راس العراقين عفيه! من تتخرج عاد عين جماعه المنتدى يمك (راح نعزل امريكا) !

عجبني حجيك انه لا فرق بينا وبين الامريكين من ناحيه الذكاء! وبالفعل لاحضت جماعتنا اذكى بعد والدليل الدرجه الي جبتها واعترف المشرف انه احد ما جايب هاي الدرجه.

كلش حلوه ما حيدور( ايه المشكله حزرتك؟) شكد نكتجين شكد ضحكت تخبل شكرا ! اصلي ان تنحل مشكله الكهرباء والنيت حتى تشارك وتضحكنا اكثر .

زاك سوال اكو شغل يمك يابسه على تمن عدنا؟

[holya]

هلو زاك
هيج مواضيع مال تنطبع وتتوزع بالدورة التثقيفية لو بالمنظمة ورة الوصول لان صدك تعتبر مراجع
شكرا لجهودك زاك وانشاء الله دوم متالق

هوليا

[zack13]

Qasra
اولا شكرا جزيلا على المرور الطيب والجميل....والتعليقات اللطيفه,
بالنسبه للسؤال!!!!! مفتهمت شنو المقصود..يعني (اكو شغل ابولايتي؟؟؟)
لو بولايتي مشكن؟؟؟؟يعني مشغن؟؟؟؟
وشجاب الدولمه عل فاصوليه والتمن؟؟؟؟؟

بس راح اجاوبج عليهن كلهن...بجميع الاحوال وانتي اختاري الاجابه الصحيحه او المناسبه:
بولايتي الحمد اله اكو شغل...بس (هو التوفيق من رب العالمين)يعني انت وحظك..وانت وسعيك وشطارتك...
بالنسبه الي ومراح اتكلم باسم العراقيين او الللاجئين بولايتي (الحمد اله لكيت شغل..وبـ اختصاصي..وبالكليه نفسها الي راح ادرس بيها)
ولايتي مو "مشكن" ولا "مشغن"
هي "اوريغون" او "اوريكون"

ارجع الموضوع اليابسه والتمن...

شكرااا مره ثانيه....Qasra

[zack13]

holya
Holya"Cali"
شكراااا...شنو هذا الحجي الحلو!!!
تسلميلي ..وبصراحه (اني كنت جداا قلق خلال كتابتي للموضوع وترددت جداا بالبدايه..لان مثل متعرفين
مسألة الدراسه..تحمل ابعاد وتفرعات كثيره...ولا يمكن حصرها بمقاله واحده او اثنين
"هل يجب الاختصار؟"
ام"التفصيل والمغالاة بطرح التفاصيل؟
بالاخير قررت اكتب وبدوت تقكير او تخطيط مسبق..وليطلع من افكار اكدر اتذكرها بنفس لحظة الكتابه...راح اتكون هي المسوده والناتج النهائي ..وبالفعل...هذا الي صار
والحمد اله لقى جانب جميل ومقبول من الردود والتعليقات والاسئله...
وانشالله مثل ماكلت سابقا...هلنكدر عليه وكلمه منانه وكلمة مناك راح توصل لمن هو بحاجه لها في يوم من الايام)

شكرااااااا

[ام سارة]

شكرا اخ zak13 على هذه المعلومات القيمة جدا جدا وارجو منك النصيحة اني زوجي عنده شهادة ماجستير بالتصميم الطباعي من كلية الفنون الجميلة في بغداد وينوي الدراسة في امريكا باختصاص اخر فماذا تنصح هل اختصاصه مفيد في امريكا ام يدرس اختصاص اخر وما هو احسن اختيار وشكرا مرة اخرى

[يلمز]

اشكرك اخي الفاضل زاك على هاي المعلومات كنت محتاجها هواية واشكرك عل التعب الي بذلته
اخوك يلمز

[Qasra]

زاك شكرا على الجواب الوافي ما تنسى حتى النقطه  عفيه .


ليش جبت سيره الدولمه يمعود ! الاكله المفضله وراه البرياني والبرغل

[zack13]

ام سارة
اني هم اشكرج اختي العزيزه,
بمريكا .مو مثل دول العالم الثالث او الدول العربيه...ماكو اختصاص غير مفيد او غير معترف بيه..
بس تبقه شغلة التوفيق وشغلة (حب زوجك لعمله واختصاصه)
اذا هو ايحب هذا النوع من العمل اكيد راح يبدع بيه...واحتمال يشتغل بيه..اذا كان عنده الاراده...
يكدر ايغير اختصاصه ويدرس بغير شي..سواء على الدكتوراه او يعيد من جديد...بس
لازم ايخلي اباله الشروط الي ذكرتها اعلاه (بالتعليقات السابقه..وبالبموضوع الرئيسي)
انشالله خير

[zack13]

يلمز
عفواا اخي العزيز...ادلل يامعود.

[vincenzo]

اخي زاك الورده
هذي اول مره اعلق على مواضيعك واني تقريبا جديد بالمنتدى بس اول ما شفتلك موضوع واحد قررت اروح اجمع كل مواضيعك واطبعهه وصارت بحدود ال 400 صفحه ولو هوايه بيهه اخوان واخوات يعلقون بس بالشكر والمجاملات بس اكو كلش هوايه معلومات ولنكات كلللللش مفيده واتمنى مواضيعك تتثبت بالمنتدى ويعتبرونهه قصة نجاح لاجىء عراقي بامريكا او زاويه خاصه بالدراسه والشهايد

حتى ما اطول عليك وره ما قريتهه كلها وطولت بيهه حوالي اسبوع عبالك عندي امتحان بيهه هههههههههههه لكيت اكو فد سالفه دائما يتغلس عليهه ومحد يجاوب ويتغير الموضوع بسرعه وبداهه فد مره ابو قمر الورد ولاحظت اخويه ماثيو راد يفوت بيهه اللا شويه بهذا الموضوع

وهذي السالفه هيه بالحقيقه انه معظم اذا مو كل اعضاء المنتدى اصحاب شهايد محترمه عليا او طب او هندسه او غيرها وانته واحد منهم ولو كانت شهادتك ببغداد مجرد بكالوريوس علوم وحسب ما انته تكول انه معدلاتك كانت كلش ضعيفه ولذلك قررت تضيع اربع سنين جديده من عمرك وتبدي من جديد ....  طبعا بالاضافه لاسباب انته ذكرتها سابقا مثل الجنسيه والخبره وهوايه عصافير بحجاره وحده.

المهم اني راح احجيلك شويه عن مؤهلاتي كمثال واعتقد انه هواي من الاعضاء المحترمين عدهم اكثر منيز
اولا اني بالاعداديه كان معدلي 99% وكنت ثاني عالعراق كلله من الطول للطول
ثانيا بالكليه اللي هيه هندسه الكترون طلعت اول عالقسم مالتي وبعدين ماجستير كبل
وقبل فتره بالجديد امتحنت توفل بفندق بابل ببغداد وطلعت درجه شويه راح تفاجاك لان انته معتبر صديقك الكردي محطم الارقام بال 635 مالته بينما اني اخذت 641 بعد ما طولت خلك ويه كتاب بارون وطاهر البياتي لمدة اسبوعين وبالمناسبه اني دارس ومدرس اعقد واعلى انواع الرياضيات وبرمجة الكومبيوتر وما اريد ادوخك بالتفاصيل اللا اذا ردت

بس المشكله شنو
اني كلش قوي باختصاصي وكلش احبه وما اريد اضيع السنوات اللي تعبت بيهه ووصلت لهالمستوى واسوي مثلك وارجع للمربع الاول مثل ما انته سويت وخصوصا انه اني مو ببداية العشرينات مثل حضرتك وانما دا افكر بالدكتوراه ومو ب
State university
وانمابكلية هندسه مرموقه مثل
MIT
ليش لا تره مو صعبه واني اشتغلت مترجم اكثر من سنتين على امل ان اوصل الى هالهدف
المشكله انه بالرغم من اني كنت اول على قسمي بال بكالوريوس بس يمكن ما اطلع اخير عالكليه او الجامعه العراقيه لان الوضع بالعراق خربطه وما موحد يعني اني قسمي صعب محد يطلع معدل حتى الاول اللي هوه اني بينما اكو اقسام اخرى تافهه مع احتراماتي للجميع ينطوهم معدلات عاليه
يعني اني ال
GPA
مالتي مال الدراسه الاوليه يمكن 2 ميطلع وبالماجستير يمكن يطخ بال 2.5 من جوه فلذلك ما معقوله الجامعات الامريكيه تاخذ بالمعدلات العراقيه على علاتها كاساس للقبول
طبعا اني اتخذت احتياطات من ضمنها انو اني اخذت ركمنديشنات من 3 دكاتره بالعراق بدرجة استاذ ودزيت الاطروحه مالتي لاساتذة بجامعات امريكيه قاموا مشكورين بابداء ملاحظات عليها عن طريق علاقات شخصيه وابى معظمهم اعجابهم الشديد بالمستوى العلمي وشجعوني وكالوا تكدر تقدم على جامعه راقيه وتشتغل مدرس ب
Community college or state university
حتى تساعدك ماديا وخصوصا انه انته محشش مال رياضيات متقدمه هههههههههه وحتى واحد منهم دزلي مواقع لاختبار نفسي بال جي ار اي لل
Postgraduate school
وكنت دائما اخذ درجه كامله او كامله اللا طككه

زين هاي سالفة ال
 GPA
 مالتك بصراحه دوختني لان اذا اللا 2.5 او 3 يعني اكنسل
 الموضوع كلله واروح اشوفلي مسطر مال عماله بالعلاوي مال امريكه وهناك افتحلي بسطيه مال حب جكاير علج هههههههه

زين ماكو طريقه الواحد شويه يعدل معدله بدون ميعيد هاي الدراسه كلهه يعني اني مستعد افوت اي امتحان باختصاصي هسه واطلع اعلى الدرجات بس بدون خسارة هوايه فلوس او وقت

او مثلا ممكن الدرجات العاليه بصوره استثنائيه بال
GRE
 والتوفل العالي يعدل فرص القبول بصوره عامه
 
اني جدا اسف على هايه القصه الطويييييييله
بس دزيتلك عالخاص ايميل بيه نسخه منها واهنا هم حتى الكل يستفاد واهم شي اريد اعرف شنو بالظبط والصراحه والتفصيل اللي خلاك تضحي بشهادتك القديمه ومتكمل دراسه عليا لان بصراحه شلون مدا افرهه مدا اكدر اقتنع
يعني لو انته بالجامعه العراقيه جنت تضيع وقت لو هسه ناوي تسوي هيج مع احترامي لشخصك الكريم ولكل قراراتك الشخصيه بس احنه هم اخوتك الكبار ونريد نفتهم ولو نفيدك لو تفيدنه
وشكرا

[zack13]

vincenzo
اول شي ماشالله..يعني انت (وعلى حجيك المفروض اتكون ..استاذ جامعي..وتكمل دراستك بارقى جامعه)
شكرا جداا على المتابعه..وعلى الكلمات..وعلى التوضيحات المهمه..
ماراح اعلق عليها كلها..بس راح اجاوبك على سؤالك مباشره..
مثل ماحضرتك كلت (Your GPA is 2.0 or 2.5) كلش كافيه وتخليك تدرس بمعظم الكليات والجامعات (دكتوراه او ماجستير) يعني مو بكلوريوس من جديد...
اني بنفسي اعرف ولد بس بغير ولايه..(عنده شهاده بالهندسه المدنيه..ومعدله كلش كلش قليل يعني اقل من 2) بس راح بنفسه لاحد الجامعات وتكلم شخصيا مع احد الاساتذه وشرحلهم وضع الدراسه بالعراق..وان نظام الدراسه بالعراق مو سهل بحيث الواحد يطلع GPA عالي (لان نظامنا انكليزي) بجميع الاحوال..الاستاذ قبل بيه..وخلاه ايبلش بدراسة الماجستير...ولان الـ(Term) او الفصل الدراسي كان على شفى البدأ..فقد تم التغاضي عن امتحان الGRE و GMAT مؤقتاً!!!!
يعني ايبلش بالدراسه بس لازم يمتحن امتحان الكفاءه بعدين (لازم) وطبعا مننسى التوفل)
مؤهلاتك ماشالله..عليها عيني عليها بارده..
اللغه ودرجتك مال توفل..هاي اول شرط بالقائمه تكدر اتخلي عليه علامة صح!!!
ثاني شرط..وهو التوصيات (وانت مكملها..وهذي خطوه رائعه)..همنه انخلي علامة صح!!
ال(GPA) مالتك كافي اصلاً..(ومثل ماكلت سابقا) كل كليه وكل جامعه وكل قسم اله شروطه ومتطلباته..
تكدر تحجي وياهم..وصدكني كلش راح يتعاونون وياك..وعلى مؤهلاتك..راح ايكونون سعداء ومتشرفين بيك..وانشالله ..هم حط علامة صح!!
مسألة الامتحانات..ما اتصور صعبه عليك(الرياضيات واللغه)وهما العامودين الرئيسيين بالاختبار..انت كلش زين بيهن..فلا تقلق

يعني اجمالا...انشالله مقبول..وهسه تجي هنانه وتشوف بعينك

بالنسبه الي(يعني سالفتي)فتختلف..لان اولا اني عمري صغير
اريد ادرس غير اختصاص من جديد (يعني اني اختصاصي حاسبات بس اريد امزجه ويه البزنس) فلازم ادرسه من جديد..اكدر اكمل ماجستير بالبزنس..على الرغم من شهادتي الي بغير اختصاص..
بس لازم احضر صفوف مكثفه وكثيره..للتأهيل (وهذا الشي يحتاجله وقت..وفلوس هوايه..وجهد)
فالحل هو ان ادرس بكلوريوس من جديد بهلاختصاص..وعلى حساب الحكومه من خلال القرض..وبنفس الوقت اشتغل بالكليه!!!!
يعني (استخدم وسيلة العصافير)
بس بجميع الاحوال اني لو اريد ..اكدر اكمل ماجستير..مثلا باختصاصي او بغير اختصاص..على الرغم من المعدل التعبان الحاصل عليه بالعراق!!!!

الشغله ينرادلها حجي هوايه و يتفرع لتفاصيل متفرعه..
بس عموماً..اني ابشرك..لا اتخاف ولاتقلق..انشالله شغلتك سهله..وميسره..وتسوي الي تريده
شكراا مره ثانيه..وتمنياتي لك بالتوفيق

[vincenzo]

اشكرك اخويه الورده واني دوختك ويايه
وراح ادزلك ال
contact information
مالتي بايميل حتى يجوز نتراهم اني وياك بالوقت ونسولف فد يوم ويجوز عن طريق اتصالاتي بالجامعات والاساتذه الامريكان وبخبرتك اللي تخبل نكدر نطلع باراء ونتائج نفيد بيهه نفسنا واعضاء المنتدى بمواضيع جديده وانشاء الله احاول جهدي اتابع مواضيعك الجايه واشارك بيها مشاركات تخليها احلى وافيد ولو انته اصلا مواضيعك ورده يا ورده

[Haidor]

vincenzo

شكرا لسؤالك و معلوماتك المهمة و الشكر لزاك للاجابة الوافية.   خيارات الدراسة كــــــثيــــــرة.  كسب اختصاص جديد و جيد بالسوق (مثل ما سوى زاك) ليس الخيار الوحيد كما يعتقد الكثيرين .. معادلة شهادتك (و خاصة اذا كانت اختصاص علمي ثمين) تعتبر من أفضل الخيارات كذلك .. أيضا محاولة التقديم على الماجستير مباشرة اذا معلوماتك بعده فريش و الجامعة تسمحلك، يعتبر من أفضل الخيارات.  لا أعرف اذا انت بامريكا أو لا، و لكن الواصل لامريكا لا يقلق مما ينتظره اذا كان ينوي الدراسة، بالاستشاره و المطالعه يوجد خيارات كثيره و حسب الولايه و حسب الظروف يتم الاختيار...

تحياتي .. حيدور

[zack13]

 vincenzo
 الـContact information وصلتلي...شكرا جزيلاً
انشاله احاول اتواصل وياك بأقرب وقت..احتمال بنهاية الاسبوع,
بس عموما اني يوميه افوت على المنتدى وبالاخص بالليل (بتوقيت مدينتي) صباحاً بتوقيت بغداد,
اذا المحاورات او الاسئله تكون بالمنتدى(هذا الشي راح افضله!!) حتى تعم الفائده على الجميع مثل محضرتك كلت,
ولولا وجود مواضيعي والافكار والنقاشات على العام (جان مصارتلك الفرصه او القدره) على متابعتها وقرائتها..
فبأي وقت وبأي موضوع..اني انشالله راح اكون حاضر..ومستعد للاجابه
اشكرك..وتحياتي.

[zack13]

Haidor
عاشت ايدك حيدور..ملاحظه مهمه جداً...
ويجب اخذها بالاعتبار...(كل شخص وكل حاله هي تعتبر منفرده ومستقله بحد ذاتها)
الخيارات كلش كلش هوايه..بس الاختيار هو (الاكثر اهميه..... واكدر اكول صعوبه!)
انت خلي الهدف وارسم الطريق..بقه اشلون توصله مو مهم...(It's just a Tools)
مهارتك وذكائك...وسرعة بديهيتك..هي الي راح تميزك عن الباقيين.

شكرااا للجميع

[احلى بابليه]

ماشاءالله عليك يا زاك موضوع كلش قيم ومعلومات قيمه وتعجز الكلمات على شكرك لان انت دتقدملنه كلشي مفيد وجديد و دتنطينه بريق امل بمواضيعك المتفائله ادعيلك الله يوفقك من كل قلبي وان شاءالله يوم التتخرج بمعدل عالي ونفرح بيك وراها تستفاد من شهادتك .. شكرا جزيلاً

[vincenzo]

صديقي حيدور الورده.....شنو هالبداعه
لو تدري هالمنتدى الراقي شكد فادني ولو اني دخلتله متاخر وانتو هوايه اقدم من عندي
ولو تدري شكد صرفت ورق (اي 4 مو فلوس هع هع هع) وحبر طابعه بدلته لان قراية الحاسبه مزعجه للعين وخصوصا الكهرباء والانترنت مو دائما متوفره لان اني بعدني ببغداد
واول ما بلشت بمواضيع سلاما للعراق وابو قمر وعكعك ووووو وزاك الورده وتحضر راح يوصللك السره حيدوري ههههه
بالمناسبه اني اتذكر يمكن انته هم مهندس   يعني كرايبي ههههههه

واشكرك على حجيك الذهب اللي كلله
insight
بس اني ردت اعرف اكو امتحانات للقبول بال
postgraduate school
ممكن تصلح ما افسده الدهر ببغداد هههههه ولو اني بوثيقة البكلوريوس كاتبلي
the first in 114 graduates
من جامعتي الاصليه ولو معدلي 73%

يعني ممكن اكو فد امتحان بامريكا ممكن اني او انته او زاك او اي واحد اخو خيته يجيب بيه درجات كلش قويه تخليهم يغلسون على ال
GPA
واني متاكد احنا كلنا كدهه وكدوك

زاك حبيبي اني اتفق وياك تماما انه ماكو داعي للاتصالات الشخصيه اللي متفيد الاخرين بس اني دزيتها الك لان ممكن نسوي فويس جات وهو اسرع واكثر
reliable and flexibility
وخصوصا انه بعض المسائل لازم الواحد يسولف بيهه عن معلومات  شخصيه واني صديقي بعدني ببغداد فاحاول اكون حذر مثل متعرف حضرتك وانته مريت بهاي الضروف

[zack13]

احلى بابليه
الله ايخليج اختي العزيزه,
شكرا على كل الكلام والتعليق..والوصف الجميل..الي ذكرتيه...
انشالله ومثل ماكلتي..واكيد على كد ما اكدر
دعائي لكي بالموفقيه والخير والسلامه,
تحياتي.

[zack13]

 vincenzo
كلامك صحيح..وعلى العين والراس,
انشالله..ومثل ماكلت..يتم التواصل..ونفيد ونستفيد,
وايد بأيد نوصل لشاطيء السلامه
(بس اتمنى تصبر عليه فد يومين..لحد نهاية الاسبوع)
ووو...اشكرك جدااً.

[fors]

اني اشكرك على مواضيعك الحلوة او المعلومات الي قدمتة الية او انشاء الله من اول امريكة نتعرف انصير اهل









شكرا زاك

[zack13]

 fors
انشالله توصل لمريكا...قريباً جداا..وانشالله اي معلومه انكتبت او تخلت كانت مفيده,
تسلم اخويه العزيز...والتوفيق انشالله للجميع.

[Majid Radhaa]

مرحبا اخواني الاعزاء حبيت اضيف معلومة صغيرة عن احدى الجهات اللي تقوم بمعادلة الشهادات و هي موجودة في ميامي في ولاية فلوريدا و طبعا اي واحد يحب يسوي معادلة للشهادة يكدر يزور موقع الشركة للاطلاع على ما تقدمه من خدمات و الجهات التي تعترف بعملها. www.jsilny.com و انا شخصيا ارسلت لهم شهادة الدكتوراة في الهندسة التي حصلت عليها من الجامعة التكنولوجيا في العراق و شهادة الماجستير في الهندسة و التي حصلت عليها من كلية الهندسة جامعة بغداد و قد تمت معادلتهم من قبل الشركة اعلاه. و انا ذكرت الجامعتين لكي يكون معلوم للجميع ان الجامعات العراقية معروفة للامريكان و لا خوف من التقديم لمعادلة الشهادة اذا كنت تحس انها ستفيدك في الحصول على عمل طبعا الشركة تذكر ان الشخص حاصل على الشهادة الفلانية من الجامعة الفلانية و هي مكافئة للشهادة الفلانية التي تمنح في الجامعات الامريكية. كانت الاجور 130 دولار لمعادلة الشهادة الواحدة و لكوني ارسلت الشهادتين في وقت واحد فقد تم اعتبارها معاملة واحدة وبقت الاجور 130 دولار ( علما باني ارسلت صك بمبلغ 260 دولار لكن هم ابلغوني بانه انا ارسلت مبلغ زيادة و ارجعوا المبلغ الزايد لي بصيغة صك. أوادم!!!! مو ...لو عندكم راي اخر؟). انا كتبت الرد هنا بعد مت قرات ما كتبه الاخ saadtom حول مستقبل الشهادة في امريكا. تمنياتي للجميع بالموفقية. أتمنى انه قدمت معلومة بسيطة قياسا لجهد الاخ zack13. اخوكم ماجد

[NOOR 2]

اهلا اخي وصديقي الحبيب زاك الورده
نورت المنتدى ودائما نورك مشع بمواضيعك الرائعه
بارك الله بك اخي الحبيب على هذا المجهود والذي لايمكن لنا تقيمه
أخي الحبيب
انا الان انتظر فقط موعد السفر بمعنى التذاكر فقط  SIV
أخي أنا لديه أطفال يبداء مستواهم الدراسي من الصف الثاني متوسط
الى الثاني الابتدائي
سؤالي هو
هل يحتاج جلب الوثائق ألمدرسيه
وإذا يحتاج جلبها هل تترجم الى اللغه الانكليزيه من العراق
بمعنى هل يمكن ان اصادقها من الخارجيه بدون ترجمه
وماهي الفائده منها اذا كان هناك اختبار يجرى على الطالب
وكيف يتم الاختبار على الطالب وهو لايجيد اللغه الانكليزيه
وهل يعتبر عدم اجادته اللغه سبب رئيس الى تاجيل او اعادته الى
مراحل ادنى
وكيف تكون دراسة اللغه للعائله  وماهو الوقت المستغرق من اجل ذلك
بمعنى كم وقت كورس اللغه الاعتيادي
ومن يتحمل نفقة النقل والدراسه
انا اعتذر منك قد اطلت عليك
ولاكنني على ثقه تامه من انك ستبحث لي عن اجوبه

اخوك   NOOR 2

[Majid Radhaa]

اخي العزيز نور اسمح لي بان اجيبك عن الاسئلة التي وجهتها الى الاخ زاك. اولا ان تحديد المرحلة الدراسية يعتمد على شيء واحد فقط و هو عمر الطالب و تاريخ ميلاده تحديدا ما يعني مثلا اذا كان تاريخ الولادة هو 14 كانون الثاني سنة 1995 عندنا بالعراق يتم تسجيل الطالب مع مواليد 1994 في الصف الاول (نسميها يكسب سنة) هنا في اميركا هذا الكلام ما موجود يسجل مع اقرانه اي ان الطفل اذا كانت ولادته بعد بدا العام الدراسي (1 ايلول من كل سنة يبدأ العام الدراسي هنا) سيتم تسجيله مع مواليد السنة الجديدة. هذا بالنسبة للتسجيل فاذا ترغب ببقاء اولادك بنفس الصفوف اجلب معك شهادات النقل مترجمة من مكتب معتمد و اذا عندك وقت حاول الحصول عليها من الوزارة مترجمة و مصدقة من الخارجية و لكن اذا ما عندك مثل الحالات التي فيها تسريع لا تحتاج الى اي وثائق. بالنسبة الى اختبار اللغة هو ليس لتحديد المرحلة الدراسية بل لتحديد اذا كان الطالب بحاجة الى دروس اضافية لتقوية لغته و لديهم 3 مستويات الاول لديه مبادئ الحروف فقط و لا يتمكن من التواصل بمفرده و المستوى الثاني يعرف قليل من الانكليزية تمكنه من التفاهم مع اقرانه و لكنه بحاجة الى تقوية مفردات لغته و المستوى الاخير متمكن من اللغة و ليس بحاجة الى مساعدة. معظم الطلبة العراقيين هم في المستوى الاول فلا تخاف على اولادك لن يخسروا اي سنة دراسية او يحولوا الى مرحلة ادنى. طبعا المدارس التي تقبل المهاجرين الجدد و فيها صفوف خاصة لتعلم الانكليزية هي المدارس الحكومية عامة و بعض المدارس الخاصة و لكنها مكلفة جدا.
بالنسبة لكبار العمر اتكلم عن تجربة خاصة حدثت مع زوجتي و هي تم اختبارها في
 Florida community college of Jacksonville و تم تحديد مستوى اللغة التي تملكه وعندهم 8 مستويات هي كانت بالمستوى السادس و تم تسجيلها في دورة مدتها شهرين و بعدها عملوا لها اختبار  و عند النجاح تنتقل الى المستوى اللي بعده الدراسة مجانية كوننا لاجئين و تم منحها بطاقة نقل بالمواصلات العامة (الباصات) لغرض التنقل. لا اريد ان اعمم هذه الحالة لكني شرحت لك تجربة عشتها. اتمنى من الاخوان اللي عندهم معلومات تفيد سؤالك. تحياتي لك مع التمنيات بالموفقية

[susu2u]

طبعا اشكرك اخ زاااك على ع الموضوع الجدا مفيد وبالصميم لان بصراحه ماخليت واحد اذا مسالته عن الدراسه لاني حقيقه دا اريد ادرس اختصاص جيد واله مستقبل هنا بامريكا
لكن اريد اسالك سوال .. اني طالبه درست سنه هندسه كيمياوي بجامعه بغداد واجيت هنا داافكر ادررس الاختصاص الي لطالما ردت ادرسه وهو طب الاسنان لكن اتفاجات هنا بهالمجال لان بيه الف نوع من طب الاسنان والكل دينصحني ب دنتل هايجنك اسستنت لكن الي اريد اعرفه كم سنه هلاختصاص يعني اكدر بعد السنتين مال كميونتي كالج اكمل جامعه لو لا؟؟ وهل هي افضل من الهندسه الكيمياويه ؟؟

ارجو الرد ومشكوره

مريم الاشوريه

[NOOR 2]

الف شكر لك اخي ماجد

بارك الله بك على جوابك الشامل
وفقك الله اخي الحبيب

اخوك  NOOR 2

[susu2u]

مرحبا زاااك

اتمنى تكون قريت رسالتي بخصوص الدراسه وبليييز اذا عندك اي جواب على اسالتي جاوبني مو تنسى!!!!!

واتمنى اي واحد عنده اي نصيحه فاني منتظره ردكم ياجماعه الخير


تحياتي الكم جميعا


مريــــــــــم الاشــــــــوريه

[نـور]

عاشت الايادي اخونا زاك على الموضوع الرائع والمفيد

شكرا يا متألق عاشت ايدك


تحياتي... الك 

[vincenzo]

اخت مريم او سوسو2 يو
الاخ العزيز زاك مشغول جدا بالدراسة والعمل
واني راح اجاوبج على كد اللي اعرفة وانشاء الله تستفادين
بالنسبة للدراسة الجامعية بامريكا للاجئ او المهاجر تكون مكلفة نسبيا (يعني حسب الحالة المادية للمتقدم او اهله) ولا تكون مجانا اللا اذا كان المتقدم ذو امكانيات استثنائية او حاصل على قرض حكومي او من جهة خاصة او Scholarship اما بالنسبة الج لدراسة طب الاسنان
فانتي محضوضة لان ما باديتهه بالعراق او بالشرق الاوسط لان المجموعة الطبية من الصعب جدا معادلة شهادتها في امريكا دون باقي الاختصاصات
ولذلك تكدرين تبدين من البداية بفد جامعة زينة وحسب الولاية اللي رايحتلهه (ولو انصحج بولايات الساحل الشرقي او كاليفورنيا او تكساس لان هناك تتركز الجامعات المرموقة)
اهم شي تكون عندج شهادة الاعدادية العراقية مترجمة ومصدقة من وزارة التربية والخارجية ببغداد وبعدين حضري نفسج لامتحان القبول اللي هو غالبا يكون ال GRE وانشاء الله راح اجيبلج مواقع تنطي كتيبات ونماذج اسالة وشروحات حول هذا الامتحان واللي هو يشبه البكلوريا عندنا
ثم اهم شي درجة جيدة جدا بالتوفل وهم هاي يرادلهه سوالف واما تتصلين بالاستاذ ماجد صاحب الرد اللي فوق ردي او اتصلي بيه اني واسولفلج التفاصيل شلون تطلعين درجات قوية بثنينهم او تطلعين كل مواضيع زاك وتقريهه واكو موضوع للاخت العضوة طموحه حول الدراسات العليا في امريكا هم بيه اشياء تفيدج
وتعبت من الكتابة وانشاء الله اكملج بعد شوية

ملاحظه: اختي اني كنت مدرس بالقسم اللي قاعاته الدراسية فوك قاعاتكم بالكيمياوي وبقسمين بنايتهم على صفحة بصف البحيرة وانشاء الله ما اقصر وياج لان احنا زملاء جامعه وحدة ونفس الكلية

[susu2u]

مرحبا اخويه vincenzo او باصح استاذي

شكرا ع الرساله وادري بيك تعبت بالكتابه بس راح اتعبك وياي اكثر بالاسئله واكيد كتاباتك راح تفيدني وراح تفيد غيري الي مثل حالتي

بس اريد اسالك سوال اخر والي هو:

اكو توفل واكو esl شنو الفرق بينهم وياهي الافضل؟؟ زين اني راح اقدم ع الشتا ان شاء الله ع esl  على مود اكدر اقدم ع الكميونتي كالج , زين طب الاسنان شلون كبل جامعه لو همين كميونتي كالج بدايتها وكم سنه دراستهم؟؟ واني ذكرت انه طب الاسنان بيه الف نوع اختصاص  دخت والله شدرست وبشنو ادرس اتمنى تساعدني ؟؟

واني منتظره الرد

مريم الاشوريه

[vincenzo]

والله اخت مريم بالنسبة لطب الاسنان ما عندي هواي معلومات لان من جنت طالب ما احب كل المجموعة الطبية رغم اني كنت بطب بغداد وبعدين يلله حولت هندسة وبعدين اختي الحقيقية الازغر مني طبيبة اسنان خريجة بغداد هيه وزوجهه بس همه بغير دولة مو يمي وانشاء الله اول ما احصلهه اتصل بيهه واجيبلج معلومات

بس اكو هواي اعضاء وعضوات ويانة هنا اطباء واطباء اسنان ميحضرني اسمائهم وممكن اما تتابعين المنتدى وتكتشفيهم وتبدين تتصلين بيهم اكثر او تنتضرين بهالموضوع ان يجاوبوج او تنزلين موضوع جديد ممكن تختاريلة اسم مثل "دراسة طب الاسنان في الولايات المتحدة" واكيد راح ينتبهولة الجماعة

التوفل وال دي اس ال كلش متقاربين وواحد يعوض عن اللاخ بكل الجامعات الامريكية بس اني ملاحظ انه التوفل الجديد مطلوب بكل مكان واكثر شيوعا وميحتاج لا دراسة ولا دورة لان اكو كتب تحضير اله اهمهه Barron's how to prepare for the TOEFL test وممكن اما تشترينه اونلاين او تبرينه من ولايتج اعتقد بسعر بسيط لان هوه ببغداد بالمتنبي طبع ايراني جيد ووياه سي دي بعشر دولارات

وادعولج بالتوفيق يا بنت كليتي

[dento_10000]

هلو سوسو احب اجاوبج على دراسه طب الاسنان بامريكا. بالنسبه لطب الاسنان متكدرين تبدين بالكوميونتي كولج. وطب الاسنان بالجامعات الامريكيه 8 سنوات اول 4 سنوات كليه بايولوجي ولازم يونيفيرستي طبعا مو كوميونتي كولج وثاني 4 سنوات تدرسين دينتال سكول باحدى جامعات طب الاسنان مثلا جامعه بوسطن. وراها تتخرجين طبيبه اسنان عامه. بالنسبه للدينتال هايجين فاختصاص كلش حلو والوظائف مالته تزيد بشكل سريع جدا ورواتبهم كلش اوكي. بالكوميونتي كولج بين السنتين وال3 واكو الدينتال اسستنانت تقريبا سنتين او اقل وايضا اوكي شغلهم ماشي ورواتبهم زينه . وانتي اختاري بكيفك. thanks

[susu2u]

شكرا اخواني ع الرد واشكركم ع المجهود

بس عيني اذا انت دتكول انه طب الاسنان 8 سنوات طبعا هاي ماعدا اللغه الي بعدني مماخذتها واحتاجلي فد سنه همين هاي اقل شيء طبعا

يعني خلي احسبها ........  راح اكون مشيبه الى ان اصير طبيبه اسنان بسلا يطلعنا مرض مثل مال خنازير بس بالاسنان وبعزلون اطباء الاسنان...ههههه


وشكرا مره ثانيه

اختكم مريـــــم الاشوريــــه

[سلاما للعراق]

وهذا ايضا موضوع مهم يستحق ان يكون في الصفحة الاولى ويقراه الاعضاء الجدد


وووووووسلاما للعراق

[nana1972]

بارك الله فيكم zack13
موضوع جدا مهم بالنسبه لنا
والمعلومات المهمه اللي كنا نريد المعرفه بها والف شكر
نانا

[جورجيو]

الاخ زاك شلونك ؟ شكرا على مجهودك بمساعدة اخوانك وربي يوفقك
حبيت اسألك في حالة المقابلة مع الiom والمحلف نذكر طاري الدراسة ؟ لو هاي الكلمة تأثر علينا باموافقة؟
وصحيح الراغبين باكمال الدراسات العليا الماجستير والدكتوراه للمجموعات الطبية لازم تعيد دراسة البكالوريوس من اولها؟ ماكو جامعات تعادل الشهادات بهيجي اختصاصات؟ واسف لاني طولتها عليك بالاسئلة بس فد سؤال اخير القروض لاصحاب الدراسات شلون الواحد يحصله ومن وين (اي موسسات او جامعات تنطي قروض)؟ وادعيلنا بلكت الله يفرجها علينا لان شلعو كلبنا هذولا المنظمة مال iom  

[Aram2003]

الاخ العزيز زاك تحية ممطر ة بعطر الكوثر
اخي العزيز حبذا لو استطعت تعريفنا عن طريق المنتدى عل اي مهندس استطاع معادلة شهادته وعمل في وظيفة جيدة وفي اختصاصه كي نستفاد من تجربته
مع جزيل الشكر والتقدير لك وللاخت انجي

[vincenzo]

اخوية ارام2003
زاك مثل مدا تلاحظ صارلة حوالي 6 اشهر ما داخل للمنتدى
ولذلك اذا تسمحلي اجاوبك
الدكتور بالهندسة Majid Radhaa كدامك معادل كل شهايده اذا تقره الموضوع وكل ردوده وديشتغل بشهادته بفلوريدا مثل ما دتلاحظ
اليريد يعادل شهادته يكدر

[swim]

NAZGOL
ناززززكول...صديقي واخويه الحبيب...
الحمد اله والشكر...وانشالله يوم الالك عزيزي الورد.

جواباً على سؤالك (حسب الاختصاص الي انشالله ناوي اتكمله!!!!)
يعني اذا ماجستير باختصاصك (راح تحتاج تمتحن GRE or Gmat) والي بدورهم يحتوون على اختبار للرياضيات المتقدمه..لكن اذا قررت تدرس اختصاص اخر (مثل اداب انكليزي...فمتحتاج بس توفل...يعني بس للغه)

واذا ردت تدرس بكلوريوس او اسوسييد(من جديد) ايضا حسب الاختصاص!!
يعني حسب.......اذا علمي كان او انساني(لكن هذي المره راح ايكون الامتحان بالرياضيات الاساسيه مو المتقدمه) فلا اتخاف
اني امتحنته..علما انه اني جنت ناسي حتى اشلون اطرح واجمع الكسور (مال الابتدائيه)
راجعتها خلال اربعة ايام ورحت امتحنت
والحمد اله حققت درجه(94)
وهذا حسب كلام المشرف على الامتحان (هي الدرجه الاعلى الي حققها اي طالب خلال وجوده وعمله كمشرف!!!!)
الحمد اله وانشالله تسوي الي ابالك..(لا تقلق كلنا جنه هيجي خايفين وقلقين ومرعوبين من المستقبل الغامض والمجهول)
بس اشويه  اشويه وبمرور الايام...الضباب انقشع..والغشاوه انشالت
وافتهمنا الوضع زين...وبدينا انشوف راسنا من رجلينه..
شكراااا

__________________________________________________

السلام عليكم
أخي ما هي نوع الأسئلة ممكن تضع لنا سؤال أو سؤالين حتى يكون عندنا تصور عن كيفية الأسئلة.
شكراً جزيلاً لك

[proph1]

شكرا اخ زاك على المعلومات القيمة

[toofy]

مثل هذه المواضيع يجب ان تبقى دائما على الصفحه الاولى وحرام تندفن بالارشيف لما فيها من فائده لكل صاحب شهاده وبمختلف الاختصاصات
اشكرك زميلي vincenzo لان نورتني لهذا الموضوع
بارك الله بيك

[شكسبير]

والله ياخويه اني هم ائيدك انو هيجي مواضعيك حرامات تندفن وياريت لو تبقى مثبته  لان خوش مواضيع ومفيده  وعسى ان  يتقبلون هذا الشي الاداره


                 وتحياتي 

[vincenzo]

صديقي توفي
عندي فد عبارة هواي مرات اجاوب بيهه على تساؤلات اعضاء جدد او على الاقل اجدد من عندي ما ملحكين على مواضيع اني عاصرتهه واعرف شكد راقية
هاية العبارة هي "اخذلك فرة بالارشيف" او "استعمل خاصية او دكمة البحث بالصفحة الاولى" 
وما اعرف يمكن اكو بعض الاخوة والاخوات يتضايقون من ردي هذا ويقومون بتكرار مواضيع نوقشت سابقا باسهاب وعلى احسن ما يكون مما يسبب تخمة للمنتدى بالمواضيع
وهاي الاشكالية (اللي هي اشكالية مواضيع "باركولي" و "الحكولي") هم هواي ناقشناهه سابقا من بدأ مستوى مواضيع المنتدى بالهبوط النسبي بس بعدين ملينة من الحجي
وذاك اليوم اخوية الجبير عبسي الكندي بسمرلي من سألني على معنى الكوم ابروفال من كللي "بس لا تعيد عباراتك الشهيرة"

اعتقد انه من حقي استعمل عباراتي السابقة الذكر لوجود هذا الارشيف الرهيب اللي لاحظته حضرتك

[Aram2003]

اخواني المهندسين شكرا لهذا الموضوع الجميل والمفيد
الحديث جان اهنا عن اصدقاءنا جماعة المدني اولقسم المدني
ياريت اية معلومات عن مهندسي الكهرباء
هل يحتاجون نفس الامتحانات؟
واذا لا كيف السبيل لايجاد عمل في الكهرباء
واذكركم لفائدة الجميع بهذا الموقع لتشغيل المهندسين
http://www.thinkjobs.com/think.nsf/MainHome?Openform&count=25
والشكر للجميع

[lionofiraq]

   السلام عليكم شباب ممكن سؤال

اني خريج ترجمة لغة انجليزية يعني اذا الله سهلي و رحت و قدمت على دراسات هل استطيع ان احصل على منحة دراسية و هل يطلبون مني معادلة شهادة لو شنو السالفة ؟؟؟؟؟؟؟؟؟؟؟؟ فهموني الله يخليكم

[زيوس]

للرفع شباب

زيوس- المنامة

[lionofiraq]

السلام عليكم شلونكم شباب عندي سؤال الى اخوية زاك ZACK   بس من رخصة فنزووووووووووو 


اني خريج قسم ترجمة فرع انكليزي و معدلي 61 اعرف معدلي مو طكوك بس هذا الي كدرت عليه سؤال بسيط اتمنى الأجابة من حضرتك عيوني و صديقي

هل استطيع ان اعادل شهادتي لغرض العمل فقط ام لازم يشوفون شنو المواد الي مماخذها و يدرسونياها ؟؟

و هل ممكن اني كلاجئ احصل على قرض يكفيني ادرس بيه اني الحمد لله عندي الوثيقة مصدقة من الجامعة و الخارجية و بالدرجات؟

اني اعرف انه اكو مواقع للحصول على هوية مترجم قانوني و الشباب مقصروا بس اريد اعرف هذه الأستفسارات اعلاه رحمة على والديكم

و بعدين اذا ردت ادرس كم الدرجة اذا ردت اجيب بالتوفل اهنا بماليزيا يريدون اما ايلتس 6 لو توفل 5.5 و قسم من الكليات بماليزيا اذا متكدر اتجيب هيجي درجات ايدخلوك كورس لغة و رة الكورس اتكمل البرنامج الأكاديمي فهل هذا الشيء موجود بامريكا؟؟؟

ممنون منكم جميعا و تحية خاصة لفنزووووووووو البطل هاهاهاهااهاها

[زيوس]

عزيزي طيف الموضوع قديم ولاحظ التاريخ

بالنسبة للاخ زاك صارله مدة طويلة ما دخل المنتدى فحاول توجه سؤالك لشخص اخر واعتقد فينسنزو يفيدك او الاخ ابو اندرو

تقبل تحياتي

زيوس- البوسنة

[vincenzo]

ههههههههههههه يابة رخصتك وياك يمعود
اني شعلية تترخص مني
بس هو الولد ابو الموضوع حالف ميطب للمنتدى فد حلفان كفارته تطلع بالخمسين مليار وسترة وبنطرون دولار هههههههههههه فاني بس انبه لان ما اريدكم تتعبون
بالمناسبة اعتقد اسألتك جاوبوا عليهه بغدادي والتكساسي وماجلان بغير موضوع وبالتفصيل دأبقى وياهم لان همه نفس شغلتك هم مترجمين

[ابو هبه]

أخواني الاعزاء
أخي زاك أعانك الله
بالنسبه لي فأنا موضوع الدراسه وتكملتها  لاولادي يتسبب  لي في قلق غير طبيعي بل استطيع ان اصفه بأكثر من ذلك وقد سألت الكثير من الاصدقاء حول الموضوع لم يجيبني بصوره وافيه
1- لي 4 أبناء أبنتي الكبيره في الثالث كلية لغات عبري متفوقه وهي موضوع قلقي الاكبر...بأي اختصاص تستطيع اكمال دراستها؟؟؟وماذا تحتاج من وثائق تحضرها لتجلبها معها؟؟
الثانيه في الصف الخامس الادبي..يعني بماذا يعادلون  الادبي في امريكا ؟؟لو تمتحن علمي وتكمل؟؟
الولد الثالث صف ثاني متوسط كلية بغداد هذا مستواه احسن من البقيه وامنيته ان يكون طبيب في المستقبل ..هل يستطيع ان يكون كذلك؟؟ وانا اعلم ان الاجور عاليه لاكمال الدراسه الطبيه وخصوصا لذوي الدخل المحدود وماذا يحضر من وثائق بالنسبه له ولاخته اللتي في الخامس (طبعا أقصد الوثائق اللتي  يأخذها معه الى امريكا)؟؟
الرابعه امورها ابسط من الجميع كونها طفله بعمر 3 سنوات وانا مطمئن عليها  هناك 100%
2- موضوعي انا وزوجتي نؤجله في رساله مقبله حتى لانطيل الموضوع
ارجو من كل من لديه معلومات مؤكده ان يريح بالي ويبرد النار اللي تحرقني

أخوكم ابو هبه

[Iron_man]

تحية طيبة وشكر الى الاخوان اللي ساهموا في هذا الموضوع واخص منهم بالذكر الاخ زاك 13 واخي الحبيب فينشنزو ....


احبتت ان اضيف ردا اخر ... للرفع فقط ..



تقبلوا مروري

Iron_man

[BaghdadGhost]

بنظري هذا الموضوع يستاهل النقل لقسم اهم مواضيع الهجرة و اللجوء ,,,,, شنو رايكم؟

[ali.cooom]

فعلا

[mosul87]

اخي العزيز
شكرا  على موضوعك الرائع
بالنسبة للي عندة شهادة ثانوية ( سادس اعدادي)
قلت يجبيها + نسخة مترجمة
طيب ما راح تحتاج تصديق ؟؟ !!
ياريت اذا تحتاج تحددلنا من وين ؟
تحياتي اللك

[ابو الطيب الهاشمي]

ورررررررررد
وررررررررررد
ورررررررررررررررررد

[clap again]

شلون موضوع حلو ذكرني بايام انتظار الفيزا
طبعا اني ممشارك بهذا الموضوع بس كنت حاضر
اني الي واكف بصف حيدور و بيده جكاره كنت 

شكرا لكل الاعضاء ايام السبعينات 

[عكعك التطوى]

رفع

[vincenzo]

هاي شنو هذا هم رفعته
مو اذا صاحبه ميريد يفوت للمنتدى كله
انت ليش دترفعه!!!

[مــــان]

عاشت ايدك يا وردة

مشكور على هل تفاصيل المفيدة

تحياتي

[ام الهنا]

up...

[ALBERT.]

up

[MoOoD]

الاخ zack13 ..

قرأت الموضوع وجدأ عجبني اسئلك

انا خريج بكلوريوس لغة عربيه وعرفت اكو جامعات كثيره ممكن اكمل بيها الماستر او الدكتوراه  بالدراسات الشرق اوسطيه او التاريخ الاسلامي او اي شئ يتعلق باللغة العربية مثل جامعه مشكن وكنتاكي وشيكاغو وغيرها.
بس السؤال هنا .. الدراسه تكون باللغة العربيه او باللغة الانكليزيه .؟!!
وشكراً عيوني

[wolverine]

بارك الله بيك اخويه ومشكور , بس انت ما ذكرت بالنسبه للفوق ال18 المنحة الي يحصلونها للدراسه الجامعية راح تتكفل قسط الجامعه الخاصة لو بس الحكومية؟

[movetoo]

 مشكورة جهودكم