ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس..SIV Times

[BaghdadGhost]

اخوتي الاعزاء ..... السلام عليكم....

كثرت التساؤلات في الفترة الاخير حول برنامج ال SIV . هل ان البرنامج متوقف ام لا؟ هل يوجد معيار معين للبت في المعاملات؟ ما هي المدة بين ..... و بين ....... ؟ هل يوجد احد استلم ال ...... ؟ متى ارسلوا ال .......؟ وغيرها من التساؤلات التي لا تعد ولا تحصى......

لذا ارتأيت بان ابادر بفكرة هذا الموضوع والذي بعون الله و الاخوة الاشراف من اعضاء المنتدى والذين يرومون السفر او سافروا عن طريق ال SIV لكي تتكون لدينا صورة واقعية و ليتسنى لنا المقارنة بين اختلاف الحالات للحصول على جواب وافي و شافي .....

اخوتي الاعزاء من المقدمين على برنامج ال siv .... كلنا على علم ببعضنا البعض ..... ماكو واحد راح يفلت من الموضوع .... والي يفلت ترة نزعل عليه لان في يوم من الايام كان في مرحلة التساؤل وقد وجد من يساعده ويسانده بكلمة او برد..... لذلك اطلب من اخوتي في المنتدى عدم البخل على اخوتهم الاعضاء في تقديم المعلومة......

لكي يعطي الموضوع ثمرة ناضجة ,,,,,, اطلب من اخوتي المشتركين في الموضوع سرد احداث التقديم على النحو التالي:

1. تاريخ او تواريخ تقديم المستندات الى السفارة الامريكية (في اي بلد كانت ) للحصول على Chief Of Mission Approval....

2. تاريخ استلام ال COM Approval.....

3. تاريخ وصول الاوراق المطلوبة الى Nebraska Service Center  والي هي ال NSC....

4. تاريخ اول ايميل استلم من ال National Visa Center والي هي ال NVC.......

5. تاريخ ارسال كافة المستمسكات المطلوبة الى NVC والدخول في بحر الظلمات (كما يسميها اخي العضو الجديد SIVandIOM).....

6. رقم تقريبي لل Case Number  الي استلم من NVC.......

7. تاريخ استلام رقم ال IZ من wrapsnet.org (في حالة اختيار مزايا اعادة التوطين)......

8. رقم تقريبي لل IZ.....

9. متى وصلك الايميل الي يحدد موعد المقابلة؟

10. متى قابلت؟

11. واخيرا نبذه مختصرة عن صاحب الطلب (يعني عسكري ,,, متزوج ,,,, اطفال )


اخواني الاعزاء ..... اعرف هاي المطاليب هواي ..... بس بنفس الوقت شوفوا شكد الفائدة الي راح تعم و شكم واحد راح يرتاح من المعلومات القيمة الي بالموضوع..... ارجوكم رجاء بان تبدوا رايكم بالموضوع اخاف اني نسيت شي .... او اخاف طلبت شي اكثر من اللازم او شي ميستحقة اعضاء المنتدى.....

بنفس الوقت احب اعرف راي الادارة واذا كان الموضوع ميتضارب مع قوانين المنتدى ... ياريت الاخ بيرج او الاخ ستافروس يبدون رايهم ..... اذا كان الموضوع يعارض قوانين المنتدى .... فارجوا من الادارة مسح الموضوع واني الممنون.....



اخوكم شبح بغداد.....


اخواني الاعضاء ..... تم التعديل على الموضوع ليشمل المشاركة على النسق المشروح ..... طرح الاساله و طلب النصيحة .... النقاش بالامور المرافقة لل SIV... نماذج من المقابلات ..... و اخر اخبار ال SIV .......

اذا كنت من المقدمين الجدد على ال SIV ..او من الواصلين في مراحل متقدمة .....هذه دعوة للانظمام الى هذا الركن الرائع و الي يزهوا باعضاء هم قمه بالتألق و يعتليهم حب المساعدة و تبادل النصيحة و الخبرة ..... و الاهم من كسب المعلومة الصحيحة .... راح تكسبون اخوة  ......

[BaghdadGhost]

راح اكون اول المشتركين بالموضوع ....

1. تاريخ ارسال اخر مستند كان يوم 14 ايلول 2008.

2. تاريخ استلام ال COM هو 06 تشؤين الاول 2008.

3. يوم 27 تشرين الاول وصلت الاوراق الى نبراسكا. يوم 30 تشرين الاول دزوا الاوراق الى NVC (استفسرت عن طريق الايميل)

4. يوم 14 تشرين الثاني وصلني اول ايميل من ال NVC ....

5. يوم 21 كانون الثاني 2009 دزيت اوراقي الى NVC......

6. رقم ال NVC التقريبي هو BGH2008815000

7. يوم 15 شباط استلمت رسالة من ال wrapsnet.org

8. الرقم التقريبي لل IZ هو 300300

9. اني لا متزوج ولا هم يحزنون (يعني حديقة ) ورايح بطرك روحي.... ان شاء الله ... و مخادم عسكري ولا يوم (الحمد لله)......

[pro77]

السلام عليكم

طبعا اني اعرف شكد مشغول بالك على SIV  اني ماقدمت على ال SIV بس الي صديقي قدم

وطلع علي ال SIV  والي اعرفه  انه اذا كانت وياك عائله  شويه تتئخر

واذا انته وحدك اسرع بهواي  لكن هسه    الي سمعته دايسرعون بشكل غير متوقع شغله ال SIV

يعني شويه زيدو سرعة انجاز المعاملات .

حبيت اساعدك بهذا الشي

وتكدر تفتح  موقع السفاره الامريكيه  وتروح على الهجره الخاصه

وتاخذ الرقم وتخابر وتستفسر  وهذا شي كولش عادي

ابو هدى

[BaghdadGhost]

حبيبي ابو هدى ...... اني جدا ممنون الك ....

بس صدكني ومالك علية حلفان همي الوحيد هو الاعضاء الي هستوم مقدمين عالبرنامج....

مثل متشوف من ردي اني الحمد لله والشكر مبقالي بس موعد مقابلة ..... بس تدري من جنت ببداية التقديم شكد جنت دايخ ..... هنا المغزى ... ما اريد الاخوة الاعضاء الي مقدمين جديد يدوخون مثلي ....

اشكرك مرة ثانية عالمعلومة والكلمات المرور ......

[retayah]

شباي اني انطني BGH2008
وال انفي سي دزولي موعد مقابلة ابغداد بالشهر الثالث وكالولي دز للسفاره حتى اتاكد الموعد وحتى يحضرولك اسكورد
المهم دزيتلهم ايميل واكدولي موعد المقابلة والتاريخ بس محد انطاني I.Z نمبر؟؟؟؟؟؟؟؟؟؟؟؟؟؟
علما اني ممقدم على  wrapnet.org
فسؤالي هل هذا كافي لو لازم ادز للسفارة حتى تحددلي موعد مقابلة؟؟؟؟؟؟؟؟؟ راجين الاجابه بسرعة لتعم الفائدة

[SIVandIOM]

اخي العزيز شبح بغداد...عاشت ايدك على هذا الموضوع الممتاز وياريت لو كل الاخوان يشاركونا بالمعلومات. بالنسبة الي:

1- COM stage
بلشت اول تقديم اواخر تموز 2008. كملت كل الشغلات المطلوبة بأواخر ايلول 2008 و دزولي ال COM approval في بداية تشرين الاول 2008.

2- مرحلة نبراسكا
وصلت اوراقي الى نبراسكا في 28 تشرين الثاني.واستلمت الموافقة بالبريد اوائل كانون الاول 2008 بس الحلوة انه ايميل الان في سي ما اجاني الا اواخر كانون الاول 2008 (يعني البريد العادي اسرع من البريد الالكتروني!)

3- مرحلة الان في سي
مثل ما كلت اول ايميل اجاني في اواخر كانون الاول2008.طبعا هذا كان بيه رقم ال BGH المهم دزيت موجة الايميلات اللي تحتوي على الوثائق المطلوبة في اواخر كانون الثاني 2009. علما استوعبوا الصدمة واستقبلوا الحجم  وخلصنا القتال العنيف على الجك لستات اللي ظلوا يدزوهه وكلهه شغلات غبيه وسخيفة صار يوم 27 كانون الثاني 2009 وبهذا التاريخ دخلت رسميا في مرحلة بحر الظلمات.
ما دزولي رقم IZ ولا استلمت اي ايميل لاخ فيما يخص البنفتس ما عدا انه كلولي انه حولوا ال DS 234 مالتي الى المنظمة المختصة اول ما استلموهه. دزيتلهم ايميل قبل يومين دا اكللهم الله بالخير اشو ماكو ولحد الان ما جاوبوا واللي هوه شي غريب لأنه ما يطولون اكثر من ساعات عادة ويجاوبون بس الظاهر ماخذتهم الغفوة.

بس اتمنى من الاخوان انه يكلولنا شوكت كملوا المتطلبات مال كل مرحلة مو بس شوكت بلشوا بيهه. لأنه هاي نقطة مهمة. ممكن انه الواحد يطول اكثر من اللازم لأنه عنده مشكلة في استكمال الاوراق مو لأنه همه متأخرين فالرجاء الانتباه والرجاء من الكل الدخول والمشاركة.
تحياتي
 

[BaghdadGhost]

اختي العزيزة retayah

مثل ما كلت ابداية الموضوع ...... الرجاء اتباع الطريقة الي اني اتبعتهه في سرد التواريخ ......

يمكن بالنسبة الج هذا الشي مو مهم .... بس بالنسبة لباقي المقدمين عال siv راح يكون مهم.....

انتي تردين واحد يجاوبج حته تعم الفائدة .... ولكن ما لبيتي طلبي حته تعم الفائدة لباقي الاعضاء..


اخي العزيز sivandiom

جزيل الشكر على الاستجابة للموضوع واتمنه من باقي الاعضاء الاشتراك

[Falcon1982]

أخوتي الاعزاء اسف لتاخري بالاجابه بس والله كنت مشغول فتقبلو اعتذاري
كوست مشكور على هذا الموضوع القيم

1. تاريخ ارسال اخر مستند كان يوم 28/8/2008.

2. تاريخ استلام ال COM هو 9/1/ 2008.

3. يوم 23/9/2008 وصلت الاوراق الى نبراسكا. يوم 8/10/2008  NVC بلغوني عن طريق الاميل انهم استلمو معاملتي الموافق عليهامن قبل نبراسكا.

4. يوم 8/10/2008 وصلني اول ايميل من ال NVC ....

5. يوم 18/10/2008 دزيت اوراقي الى NVC......

6. رقم ال NVC التقريبي هو BGH2008780006

7. يوم 30-12-2009 استلمت رسالة من ال  (wrapsnet.org) للعلم هم ما راسلوني انا راسلتهم بناء على توجيه من NVC.


8. الرقم التقريبي لل IZ هو 300245

9.اجاني موعد المقابله يوم 2-1-2009  .
10- كملت فحص يوم 17-1-2009
11- قابلت يوم 21-1-2009
12-استلمت الفيزا يوم 22-1-2009
13- دزيت الفيزا الى مركز اعاده التوطين واحد الان منتظر يحجزولي.
 اني متزوج . و مخادم عسكري ولا يوم (الحمد لله)......


أخوكم فالكون 1982

[Shekha]

السلام عليكم...

اني نهاية شهر كانون الثاني استلمت BGH ويوم 15 شباط دزيت اوراقي الى NVC....

بس برايكم تتاخر اكثر من شهرين حتى ينطوني موعد المقابلة ؟؟؟

Shekha

[NOOR 2]

اخي بغدادي الحبيب
شكرا لك حبيبي الغالي على هذا الموضوع والذي يعيدنا الى
سرد الذكريات وتعبها
 ارجو ان تعذرني للانني والله لم اعد اتذكر تلك الرحله الطويله
سوف ادون كل المعلومات واكتبها حسب أمرك الغالي
بس احتاج شويه وقت
وارجو منك الموافقه
حبيت ان اكون متواجد هنا كي لاتعتبرني امغلس عن الموضوع
وبهذا الخصوص راح أغير صورة توقيعي القديم الى هذا الجديد
اخوكم NOOR 2

[retayah]

السلام عليكم
طبعا شكرا الاخ العزيز BaghdadGhost على هذه الملاحظه واني جدا اسفة بس بالحقيقة اني مرتبكه جدا وعندي مجموعه اساله دائما اسالهه الى الاخ Falcon1982 بس لللاسف ما اعرف ليش مدا يجاوبني
1- اني مقدمة من العراق واني هم بالعراق قدمت طلب بتاريخ 25-8-2008
2-استلمت موافقه ال COM بتاريخ 25-9-2008
3-دزيت الاوراق يوم15-10-2009 الى نبراسكا
4-اول ايميل من نبراسكا استلمته يوم 25 -12-2009
5-واول ايميل من ال NVC استلمته يوم 3-1-2009
6-دزيت الايميلات مالتهم اقصد الوثائق الطلبوه ومجموعه من الطلبات الاخرى من الوثائق والتصحيحات تقريبا من (18-22)-1-2009
7-حصلت على ايميل المقابلة خلال هذا الشهر.
8-والمقابلة انشاء الله بالشهر الثالث (النصف الاول من الشهر).
9- اني ما ردت مساعدت ال wrapsnet.org فلا دزيتلهم ولا استلمت منهم شيء
10-دزيت لللايميل مال ال   Access فاكدولي موعد المقابلة ايضا
بس لحد هسه ما اعرف ليش ما عندي I.Z نمبر؟؟؟ وهل هو يخص فقط اللذين مشاركين بال wrapsnet.org
ياريت احد يكولي هل هذا كافي لو شلون اقصد لان اني ليهسه ما عندي ال ايزي نمبر وراح اقابل واخاف ميدخلوني لو شلون والله ما اعرف
ولهذا اني اتمنى انه  اكوا من يسعفني بالاجابه السريعه والمفيدة
وسؤالي لللاخ فالكون هل انه فقط مقابلة وحده يسوي الواحد يالله يحصل على الفيزا لو شنوا؟؟؟ لان اني شفته بس مقابله وحده مسوي
طبعا اني هم متزوجة واكيد مخادمه عسكريه فاعتقد راح تكون المساله مقاربه لفالكون
واريد اسال هل المقابلين هم امريكان ام مصريين مثل برنامج ال اي او اند ام
لان هذه المساله راح تفيدني نفسيا وحتى لا ارتبك بالمقابلة
صدك نسيت راح اسوي الفحص الطبي بالشفاء داخل المنطقة الخضراء
وشكرا على كل شيء

[BaghdadGhost]

اخي العزيز فالكون ....

دومك متالق و سباق في تقديم المساعدة لاخوانك الاعضاء و عاشت ايدك عالشرح ويارب يوفقك وتروح من دون اي منغصات.......

اخي العزيز Shekha

ممكن تكون مشاركتك مثل باقي الاخوان ..... تدري ليش لان نريد نعرف شنو الالية الي متبعتهه ال nvc  في الاتصال بالشخص ...... ممنون منك عالمشاركة.....

اخي العزيز نور.......

والله  ميحتاج تعتذر ولا تطلب موافقتي علة شي اني ما املكة .... صحيح اني كتبت الموضوع بس هوه لكل الاعضاء ..... والله العظيم اخي خجلتني باخلاقك العالية ... و اني كلي يقين بانك من ضمن الاخوان الي راح يشاركون بهذا الموضوع لانك من السباقين في تقديم المساعدة .... والله حجيك صحيح ... ادري السالفة يرادلهه كعدة و لازم الواحد يفتح الايميل حته ينزل التواريخ الصحيحة .... اخي العزيز ... اخذ وقتك و احنه بانتظارك.....

اختي العزيزة  retayah

اني جدا اسف ....... واحييج على اخلاقج العالية ...... عندي معلومة الج .... ترة الاخ فالكون عد عيناج بالجواب عالاسالة و ميقصر وية اي واحد ... واذا اتاخر عليج بالاجابة عالخاص فهذا معناه بانه هوه شوية مشغول ...... اشكرج جزيل الشكر على الاستجابة للطلب ..... واذا تكدرين مثل موصيت الاخ  Shekha بان تقومين بتعديل الاجابة وذكر الرقم التقريبي للكيس نمبر الي استلمتي من ال nvc .... واني الممنون ياوردة
  


shekha و retayah

اكيد ميحتاج تكتبون مشاركة جديدة .... بس سووا تعديل للمشاركة الاصلية واني الممنون

اكيد ننتظر باقي الاخوان الي مقدمين عال siv

[Shekha]

اخويه BaghdadGhost  تدلل وراح اكولك عالتواريخ  ....

1. تاريخ ارسال اخر مستند كان يوم 30 ايلول 2008.

2. تاريخ استلام ال COM هو 15 تشرين الثاني 2008.

3. يوم 27 تشرين الثاني وصلت الاوراق الى نبراسكا.

4. يوم 28 كانون الاول وصلني اول ايميل من ال NVC واستلمت الBGH

5. يوم 13 شباط دزيت اوراقي الى NVC وهسه كاعد انتظر الاجابة منهم....

6. نفس الشي اني ما متزوج  ..........



Best Regards,

Shekha

[iraqgsm]

السلام عليكم

1-قدمت على com  يوم 24\11\2008

2-حصلت موافقة الكوم يوم 14\12\2008 برقم siv# 75x

3- الاوراق وصلت نبراسكا يوم 12\1\2009

4-يوم 16\1\2009 حصلت الموافقة و ارسلت الى nvc

5- يوم 27\1\2009 ال nvc ارسللي ايميل يطلب المستندات و الكيس نمبر هو BGH20095320XX

6-دزيت المستمسكات المطلوبة يوم 14\2\2009

7- يوم 3\3\2009 اكتملت اوراقي و اصبحت تحت المراجعة الادارية

8-يوم 18\3\2009 استلمت الرقم من مركز اعادة التوطين وهو 30046x

9-يوم 20\3\2009 استلمت رسالة من nvc بتحديد موعد مقابلة على يوم 27\4\2009

علما اانني متزوج وعندي طفل وخادم عسكرية

[BaghdadGhost]

اخي العزيز Shekha

جزيل الشكر على الاستجابة للطلب ويارب يخليك الي ......

اخي العزيز iraqgsm

وردة انته وان شاء الله المقابلة

[retayah]

طبعا اني رقمي الحاصل عليه بال NVC  يعني تقريبا BGH2008854035

[المتفائل]

بدون زحمه ممكن بس نعرف شنو  ال   SIV  سامحونا شويه جدد أحنه

[الرحال1]

تحية طيبة اخواني اخواتي الاعزاء ...
اخي العزيز شبح بغداد شكراً جزيلاً لك على هذه المشاركة الجميلة والفكرة الرائعة منك لاختصار مرحلة خطوات برنامج الـ SIV وكذلك شكراً جزيلاً لكل الاخوة فالكون ونــور والاخ SIVandIOM وجميع الاخوة الذين اشتركوا في سرد هذه الخطوات ، وانه اسف لاني لم اشارك في هذا الموضوع من البداية لانشغالي وعدم تذكري كل التواريخ لكل المراحل ، وبعد بحث في الايميلات القديمة وجدت التواريخ التي سوف اضعها بالاسفل عسى ان يستفيد منها اي شخص مقدم على هذا البرنامج وبالتوفيق للجميع.

1- قدمت على الـ SIV  بتاريخ 20/8/2008
2- استلمت الـ COM بتاريخ 8/10/2008 ورقمي التقريبي SIV#025X
3- أرسلت معاملتي إلى نبراسكا بتاريخ 24/10/2008
4- اكتملت من نبراسكا وأرسلت إلى الـ NVC بتاريخ 8/11/2008 ورقمي التقريبي BGH200881501X
5- أكملت معاملتي في الـ NVC بتاريخ 20/11/2008
6- أعطوني رقم SIV RESETTLEMENT BENEFITS من Siv@wrapsnet.org بتاريخ 12/12/2008 ورقمي التقريبي هو IZ-30018X
7- لم يتم تحديد لي موعد مقابلة لحد الان.
8- اني لا متزوج ولا خادم عسكرية

مع الشكر للجزيل
اخوكم
الرحال1

[BaghdadGhost]

شكرا retayah على اكمال المعلومة ........

اخي الرحال1

تسلم يا ورد على جوابك الوافي و مشاركتك ....

نتمنه من بقية الاخوة المشاركة للفائدة ...... والمقارنة

[سبع صنايع]

الأخوة الأعزاء

اسف على التأخير مثل متعرفون اني شغلتي شوية تختلف لأن اني على توقيع الجنرال لذلك شوية اني عتيك
طبعا التقديم بالثامن بس رح اذكر الشغلات المهمة والأرقام كلهة تقريبية
1-بتأريخ 23-9-2008 حصلت رقم من NVC  والرقم AMM2008502007
2- بتأريخ 30-9-2008 اكتملت اوراقي
3-بـتأريخ 3-11-2008 حصلت رقم IZ-300060 من RPC
4- متزوج وعندي طفل ومخادم عسكرية

ولهسة دا انتظر حظي وليس استحقاقي يكعد وية ال NVC

[untitled.man]

الاخ العزيز شبح بغداد...

شكرا على هذا الموضوع الرائع واللي صحيح يساعدنا بمعرفة الوقت اللي ننتظره والاشياء والمتعلقات اللي لازم نسويهه قبل موعد السفر (انشالله للجميع).
اني متابع لاخبار منتدى المهاجرين من فترة مو قليلة... وبصراحة اكولك استفاديت هواي من التجارب اللي مر بيهه كل عضو مقدم على الـ SIV واللي همه مشكورين شاركونه بيهه. فردا للجميل لهذا المنتدى الرائع اريد اشارككم تجربتي ولو بعدني بالبداية... بس اي تطور راح يصير وياي راح اعدل مشاركتي هذه...

1. قدمت على الـ SIV يوم 08-01-2009.
2. استلمت الموافقة COM يوم 16-02-2009، تسلسلي اقل من 1200
3. يوم 18-02-2009 دزيت اوراقي الى نبراسكا عن طريق البريد العسكري USPS.
4. يوم 02-03-2009 اوراقي وصلت لنبراسكا.
5. يوم 09-03-2009 وصلني وصل الاستلام من نبراسكا، وبنفس اليوم صار ابروفال على اوراقي ودزولي الابروفل لتر.
6. الـ NVC دزولي اول ايميل يوم 21-03-2009، ورجعوا دزولي نفس الايميل يوم 28-03-2009.
7. دزيت كل الاوراق والوثائق المطلوبة للـ NVC يوم 04-04-2009.
8. يوم 10-04-2009 دزولي جكلست يريدون بيهه الـ DS-157 وجاوبتهم بنفس اليوم.
9. يوم 22-04-2009 السفارة دزولي ايميل وحددولي موعد مقابلة بمنتصف الشهر الخامس.

طبعا اني متزوج وعندي طفل وما خادم عسكرية.

تحياتي للجميع.

[Anthony Carmelo]

والله اخوية شبح بغداد خليتني اروح ابحوش بالايميلات اني ما اذكر التواريخ والاسماء عادة ... مشكلة مو ؟

طبعا تدري هذا المنتدى رهيب يدفع الواحد يكمل معاملاته باسرع وقت بس شسوي اذا الواحد معاملاته تخلص الا ابغداد وهو بغير مكان يلة الله كريم

1- طبعا اني مو ابغداد وافتهمت انوا اكوا هجرة لامريكا من ولد خير صديقي راسلني يوم 2008/21/06
2- دزيت لل اس اي في يوم 2008/ما اذكر يايوم بشهر الثامن (لان الايميل انمسح بالغلط)
3- بعدهاراسلتهم مرة لخ لان ماستلمت ربلي منهم يوم 2008/13/09
4- استلمت الموافقة البعثة يوم 2008/12/11 بعد عدة ايميلات ومراسلات
5- دزيت بضرف لل نبراسكا  يوم 2008/18/12 وحصلت على موافقة منهم يوم 30 من نفس الشهر
6- راسلوني مركز الفيزا القومي يوم 2009/13/01 وانطوني رقم BGH2009XXX
7- اخوك لازم يكمل معاملاته ابغداد ويدزهن
ممزوج الحمد لله وخادم 20 يوم بالجيش العراقي الباسل  ومن الله التوفيق

بس عندي سوال اخوان بالنهاية  حجم الايميل الي لازم يندز للمركز الفيزا القومي شكد تقريبا ؟؟؟؟
8- ارسلت المعاملات لل NVC يوم 2009/26/02   في 2009/13/03  documentarily completed   و بقيت تحت المراجعة الادارية والله كريم
انطوني كرملوا

[SIVandIOM]

الاخ انطوني

حجم الايميل اللي تدزه الى الان في سي راح يكون حجم خنافي خنفشاري ابي ولو توذن ما يندز. بناء على ما تقدم قسمه الى ايميلات متعدده وكللهم من البداية عدد الايميلات. وظل تابعهم الى ان ينطوك الكلمة السحرية اللي هيه your application is documentarily completed لا ترضى بس بحجاية your case is under review لأن هاي معناهه انه مجرد ديشوفوهه كاملة لو لأ الى ان يكلك documentarily completed يعني خلص وهذا معناه انه انته دخلت في مرحلة بحر الظلمات اللي هيه ال Administrative Processing. مع تمنياتي بالموفقية.

[Anthony Carmelo]

شكرا SIVandIOM على  المعلومة وبقوة الله ماكوا ظلمات
تحياتي وامنياتي بلنجاح

[الرحال1]

تحية طيبة معطرة بعطر الياسمين لكل اخواني واخواتي الاعزاء في هذا المنتدى الجميل....
اخواني يوم الكم انشاء الله تم تحديد موعد مقابلة لي في النصف الثاني من شهر اذار القادم وقد استلمت الايميل قبل ساعة من الان من الـ NVC يخبرني انه تم تحديد موعد المقابلة علماً انه شوية لحيت عليهم بالايميلات فارجو من الذين ينتظرون المقابلة ايضاً ان يلحو عليهم بالايملات (مو بس يلحون خل يسلكوهم سلك على كولت احد اخوانه الاعزاء) لان مباشرتاً بعد ما ارسلت لهم ايميل امس اسألهم عن الكيس مالتي وموعد المقابلة وقللتلهم اني مقدم ومنهي كل وثائقي في 20/11/2008 ، فاجاوبوا  وياي ودزولي الموعد اليوم...
انشاء الله نسمع اخبار حلوه ومواعيد قريبة للمقابلات لكل الاخوة والاخوات وبالتوفيق للجميع.

اخوكم
الرحال1

[iraqgsm]

مبروك اخي العزيز و انشاءالله يوم السفر

[Shekha]

اخواني الاعزاء....

اليوم استلمت ايميل من ال NVC  ويكول
Your case is currently under review.

هل هاي تعني انه كل الاوراق كاملة ؟؟؟ واشكد راح تتاخر Administrative Processing

اني دزيت كل الاوراق وكان حجمها ما يتجاوز 3.7 MB ....

Regards
Shekha

[BaghdadGhost]

اخي العزيز سبع صنايع .....
جزيل الشكر اخي عالمشاركة للفائدة ويارب استحقاقك يكعد وية ال nvc

اخي العزيز untitled.man .......

هذا الموضوع متميز بمرورك ومشاركتك اخوانك المعلومات .... اخي اهلا وسهلا بيك بيناتنه وان شاء الله تحصل على مبتغاك......

اخي العزيز Anthony Carmelo ......
اني جدا اسف اذا خليتك تروح تدور وتدوخ نفسك ..... اعرف السالفة يرادلهه ترتيب وبحوشة بالايميل .... حبي حقك علية ومشكور على مشاركتك ,,,,,,

اخي العزيز SIVandIOM ......
ماشاء الله عليك بدون حسد مبين من البداية شاد حزامك عالمنتدى ومشاركاتك رائعه ..... اتمنالك الموفقية والسفر ان شاء الله .....

اخي العزيز الرحال1 ....
مبروك اخي مقدما وان شاء الله تعدي المقابلة على خير والفسر عن قريب.....

اخي العزيز Shekha.....

طبعا الرقم الي ذكرته قياسي لان اني من دزيت الاوراق صار الحجم تقريبا 25 MB فسويت تقليص للحجم حته يرهمن برسالتين بدل ال 3 رسائل لان مثل متعرف بالياهو متكدر تدز اكثر من 10 MB بالرساله الواحدة ...... نصيحتي الك بان تتاكد من الموضوع ...... وبالنسبة لسوالك مال المدة ... الصراحة هذا احد الاسباب الي خلاني اسوي الموضوع ذها حته نجر مقارنة وية بقية الاخوان .....

[Shekha]

شكرا اخي BaghdadGhost على متابعة الموضوع....

Shekha

[BaghdadGhost]

اخي العزيز Shekha ....

لا شكر على واجب و هذا من دواعي سروري....

طبعا اكو هواي اخوان النه بالمنتدى احنه نعرفهم مقدمين عال siv  بس لحد الان ما شاركونه بالموضوع ..... منا وغاد راح انسجل غيابات ...... نبدي بالاخ Haytham964 ..... الي اتصور استلم رساله مني عالخاص بس عسى ان يكون المانع خير ..... ننتظر مشاركتك اخي هيثم ... .... واذا متريد تشارك ويانه هم ميخالف ... بس كون نعرف انته بخير ....

[سيف المشهداني]

اني واويلي من اني؟؟؟؟

اقدم واحد يمكن المهم...

راح ابدي وياكم من ال nvc لان كبلها ما اذكر كلش

دزولي ايميل بيه الكيس نمبر يوم 23-9-2008

كملت كل الاوراق ودزيتها لهم يوم 10-10-2008

رجعت دزيتلهم اني ايميل اسئلهم عن حالتي يوم 24 -10-2008 جاوبوني بنفس اليوم وكالو لي اورقك كامله وهيه في الغضب مال الله

ولحد هاذه الحضه لم استلم سوا ايميل مال مساعدات اول بارحه كالو امليها مره لخ المهم مليتها وجاب انتضرلا ر حمه من رب العباد وارجو ان تندعو لي رجاءا
علما اني على مال siv 5000 يعني مو مال جنرال وكان مكان مقابله عمان غيرتها بيروت وكالو عود لمن تخلص من الغضب اندزلك كيس جديد واني كل اسبوع اذا ما ادزلهم ايميل اخابرهم حتى عرفتني هاي الموضفه
واخيرا اكول ربي يسعد ويفرح الجميع يارب يارب يارب وشكرا

[mongoose]

شلونكم اخوان
عذروني على المشاركة المتاخرة
اني قدمت على البرنامج القديم  بعد عناء طويل
تم الحصول على توصية من جنرال بالشهر الثامن
دزوا اوراقي بالشهر التاسع
اول اتصال من NVC كان 25-9
كملت اوراقي بشهر ال11
 ولحد الان انتظر

[Handyman S]

السلام عليكم ...
استلمت من الاخ شبح بغداد للمشاركه بهذا الموضوع واني اشكره جدا" بس اكو هواي تناقض ابهاي السالفه مال الفيزه عن طريق برنامج Siv 5000 لان اني ما جاوبت على هذا الموضوع لان كنت انتظر  اهواي شغلات وراح اكتبلكم عليها بخصوص استلام موعد مقابلات جديده بس اول شيء راح اكتب عن معاملتي :

1. قدمت على Chief Of Michen اول مره في 31 - 7- 2008 وبعد مراسلتهم  بعد اسبوع قالو لي ما استلمه اي اوراق بخصوص هذا الاسم ودزيتها مره اخرى في 17 - 8-2008
2. استلمتها في 13 - 9 - 2008
3. ارساتها الى نبراسكا في 19- 9 - 2008
4. استلمت الايميل من NVC في 31 - 10 -2008
5. ارسلت اوراقي الى NVC في 13 - 11 - 2008
6. لاوراق كملت يوم 19 - 11 - 2008
7. ارسلت لهم  ثلاث رسائل كل شهر وكان الجواب نفس الشيء كل مره الاوراق كامله بس بعدها بالغضب هاهاهاه
8.استلمت في يوم 19 2- 2009 ايميل من برنامج المساعدات علما" ان اني ما امقدم عليه بس جاوبتهم عليه
9. اصدقائي واحبائي الي معي في العمل استلمو يوم 20 - 2 -2009 مقابلتان الى لبنان وثلاثه الى بغداد علما" ان هم ارسلو اوراقهم في الشهر 12 ومنهم في 1 - 2009 والله يسهل لهم  ويوفق الجميع انشاء الله

متزوج لدي اطفال اثنان وعلما" اني خدمت عسكريه ثلاثه اشهر فقط لدفعي البدل النقدي

وادلل اخويه شبح بغداد بس اتريد الصراحه لو مو انت ادز رساله كان ما كتبت اي شيء عن الموضوع لان ضايج ومتكائب اهواي على هاي الخربطه مال المعاملات الي دتصير اهناك وماكو شيء انقيس عليه علما" اني امقدم من اول ما انفتح البرنامج اي بعد ما انفتح بعشره ايام بس الحمد الله على كل شيء الي ايريده ايصير واعتز بكم اخوتي لتواصلكم ومعرفه كل شيء من خلال هذا الموقع الجميل الي فايد الكل والله

[BaghdadGhost]

اخي العزيز سيف المشهداني......

ان شاء الله يتصلون بيك قبلي لان اني ببغداد .... بس انته من هسه متغرب ...

اخي العزيز ahmed.khalid_87 ...... اني جدا اسف لان ما اكدر اجاوب على سؤالك ... بس صدكني اني سويت هذا الموضوع حته افك الشفرة مال ال nvc .....

اخي العزيز mongoose .....

ان شاء الله توصل الى حل بمشكلة الانتضار مالك .... يارب يوصلك موعد المقابلة ....

اخي وتاج راسي Handyman S .......

اني اتشرف بيك اخ الي و اتشرف بمشاركتك هاي ...... شوف مااكلك غير ان شاء الله يتصلون بيك ..... تدري ليش ... لان اشتركت ويانه بالموضوع .....ههههههه ... سبع صنايع بس كتب رد بالموضوع ... وراهه حددولة موعد مقابلة.......خخخخخخخخخ ...... اخي مرة ثانية ... اشكرك لان استجابيك الى رسالتي ... وعتبي على الاشخاص الي صارلهم من يوم الي دزوا اوراقهم علمود com لليوم همة مشتركين بالمنتدى ..... ويا ساعة يكتبلك موضوع ويخلي بالاخير فقرة (لكي تعم الفائدة) ..... بس هسة من وصلت معاملاتهم لل nvc و مبقالهم بس المقابلة .... كاموا يتكبرون عالمشاركة و (لكي تعم الفائدة للجميع )....... عالعموم

اخوتي والله من كل قلبي اتمكنالكم المقابلة قبلي وبالاخص الي خارج العراق ويارب يصيرلنه صورة حل عن قريب.....

   

[BaghdadGhost]

اخي ahmed.khalid_87 .... الرفض يكون في 3 مراحل ..... اول شي من تحاول ان تحصل على com موافقة رايس البعثة الدبلوماسية ...... لعدم توفر الشروط اللازمة او الاوراق ..... لان بدون هذه الورقة مراح تكدر تستمر بالموضوع.... و المحطة الثانية الي قد تواجه بيهه الرفض هي نبراسكا ... لان بمركز نبراسكا شغلهم هو ان يحددون منو مؤهل للاستمرار بالبرنامج و عدم الاستمرار.... نادرا ما احد ينرفض بنبراسكا.... تجي وراهه مرحلة ال nvc  والي هية مرحلة ادارية ..... بس بنفس الوقت اكو تجييك امني ..... واذا واحدنه ممسوي شي بحيته ويعرف بنفسة بانه ابد ممهدد الامن الاميركي باي شكل من الاشكال ... راح تكون مرحلة ال nvc مجرد مرحلة انتظار صعبة .... لا اكثر ولا اقل .... تجي بعدين الى المقابلة ...... و اكيد هم تعتمد عالظابط الي يقابلك بالسفارة ..... بس هاي هم شغلة سهلة بالنسبة لجماعة ال siv لان حسب ما افتهمت من الاخوة الي قابلوا .... المقابلة شي روتيني لا اكثر ول اقل ... مو مثل اللجوء .... وهذا احد الفروق المهمه بين البرنامجين .... ال siv يعتبر حق من حقوقك المشروعة الي وافق عليهه الكونغرس الامريكي باعتبار انت ساعدت القوات والحكومة الامريكية ..... اما اللجوء .... طبعا المفروض يكون نفس معاملة المهاجر بالمقابلة ... بس الجماعة بالمقابلة يطلعون عيون الواحد يالة يوافقولة ....... ان شاء الله اكون وفيت وكفيت ....... وان شاء الله التوفيق للجميع.....

[Shekha]

زملائي الاعزاء....

استلمت ايميل ويكول:
Your Special Immigrant Visa petition has been documentarily completed and is waiting for an appointment to be scheduled

هل هذا يعني بعدها المعاملة مالتي ببحر الظلمات (خوش تعبير) ؟؟ ....

[BaghdadGhost]

اخي العزيز أسد كوردستان.....

جواب على سوالك .... اي هذا معناه انه انته خلصت كل الاوراق المطلوبة منك .... وهسه انته في بحر الظلمات .... زين انته ليش ممشترك ويانة بالموضوع ...... راح نسجلك غياب

[iraqgsm]

Shekha هو نفسة اسد كوردستان

[BaghdadGhost]

شون عرفت؟؟؟؟؟؟؟

[Shekha]

اخويه العزيز BaghdadGhost غيرت الاسم .....

اشكرك على متابعة الموضوع...

[retayah]

السلام عليكم
شباب اني عندي سؤال وياريت تساعدوني بالاجابه عليه وبالاخص الاخوان المقابلين بال اس اي في
وخصوصا الاخ BaghdadGhost لان امبين معلوماته قويه جدا ويحب يساعد الاخرين
سؤالي هو اني طالبين مني الوثائق الاصليه اغلبها يعني مثل الجنسيه وشهاده الجنسيه..... الخ
فشنوا المقصود بالاصليه هل هو النسخه المترجمه يم نادر والي دزيناها الهم سكنر ام قصدهم الجنسيه نفسها.... الخ؟؟؟؟؟؟؟؟؟؟؟؟؟
والسؤال الثاني انه اذا كان القصد النسخه هي نسخه مكتب نادر المترجمه الدزيناهه الهم سكنر فهل راح ياخذوهه ام بس يطابقوهه ويرجعوهه لان ابصراحه بعد ما عندي نسخ اذا انطيتهم هذه النسخه
وياريت تكولولي شنوا الياخذوا بالمقابله عدا الجواز
وشكرا للجميع

[NOOR 2]

اخي الغالي retayah

انا متاكد من ان اخي عطر بغداد وليس شبح بغداد ما راح بقصر
وهذه اجابتي

كافة الاوراق التي يقصدونها هي الوثائق الاصليه يعني اصل الهويات وووو  بالاضافه
الى نسخ الترجمه
بمعنى ثاني هوية الاحوال المدنيه الاصليه مع ورقة تجرمتها
لا اعتقد انهم سيأخذون منك شيء عدى الجواز
وتدلل
حبيبي الغالي عطر بغداد  والله العظيم تره اني ما مغلس بس انته تعلم جيدا
الظرف الذي أمر به الان

انا اسئل عن مسكتشف حالة الغضب اشو ماكو  يمعود سيف وينك
لاتغط تره وراك وراك


اخوكم  NOOR 2

[retayah]

شكرا اخ NOOR 2 على هذه الاجابة بس حقيقتا اني مراءه مو رجل مثل ما وصفتني بس اكيد مو اسمي الحقيقي ريتا ..... وياريت يأكد هذه المعلومات من اشخاص  امقابلين على ال اس اي في حتى يطمئن قلبي اكثر
وتحياتي للجميع

[vincenzo]

اخي الشبح
موضوعك جدا راقي وانشاء الله راح يفيد هوايه ناس واني واحد منهم
اني انشاء الله اقدم هالاسبوع واول ما احصل موافقة او رفض ال كوم راح ابدي احدث بمشاركتي تباعا
بس هسه حبيت اكول انه اني قريت ودرست كل مشاركات الاخوان ولاحظت الملاحظات التالية:

اول شي انه نبراسكا ابد متاخر وتطول من يومين الى شهر في حالات نادره

ثانيا نكدر نكول نفس الشي تقريبا على موافقة رئيس البعثه اللي تكمل بشهرين على اقصى تقدير واحتمال تكمل بايام قليله

انتضار الطيران كان اقل من شهر الى ان اجت هايه سالفة ال 60 الى 90 يوموهيه مو مشكلة كبيره لان الواحد يكون مامن بهيجي مرحله

المصيبه او الغضب او بحر الظلمات هي اتعس مرحله واني احييك على محاولتك دراسة شنو فلمهه وهي طبعا تنتهي عن طريق ملحة المتقدم بالاتصال بيهم او اعطاهم للواحد موعد مقابلة بس المزعج جدا بيهه هو انه ماكو لا سره تمشي بيه المعاملات ولا اولويات واضحه وشلون متشوفهه هي تبين عشوائية تماما بس اعتقد شكد ما اعضاء اكثر شاركوا بموضوعك شكد ما راح يبين الرباط مال السالفه.

المقابله اسهل بهواي من مقابلات اللاجئين لان اصلا شروط التقديم هنا مو سهله وصعب واحد ما اله علاقه بالموضوع يحشر نفسه بال اس اي في

جوابك حول الرفض جدا عجبني وكان المفروض تنزله بموضوع خاص لانه كللللللش مهم
واريد اسال سؤال الك ولكل جماعة ال اس اي في
هل انت او اي احد من الاخوان شاف واحد انرفض ولو البرنامج مصارله 6 اشهر بس على الاقل بالخطوه الاولى مالة رئيس البعثه واذا اكو هيج حالات احد عرف شنو الاسباب

[BaghdadGhost]

اختي العزيزة retayah .....

اني جدا اسف علتاخر بارد عالموضوع ... بس صار يومين شوية مشغول والنت ميساعد .....

اختي ... الغرض من اخذ المستمسكات الى المقابلة هو لغرض المطابقة مع الاوراق الي قدمتيهه .... لان باعتبار همه لحد الان مشايفين الشخص الي مقدم  على هجرة ... مجرد اوراق و مستمسكات لا اكثر ولا اقل .... ومادام انتي عندج نسخ مترجمة من مكتب نادر ... اخذيهن وياج واذا رادوهن هم انطيهميا لان انتي بعد متحتاجيهن .... اذا تريدين سوي نسخة ملونة منهن وانطيهميا ... بالمناسبة ترة نادر شي اعتيادي و مو شي معترف بي .... يعني حالة حال اي مترجم ......

اني اسف مرة ثانية عالتاخر بالرد

اخي العزيز الغالي NOOR 2 ....

ثق واعتقد اني مقصدتك بهذا الكلام .... انته يكفي انك كنت من اول المشاركين و كلت انه انته حاليا عندك ضروف بس تخلص راح تشارك واني اعرفك كلش زين ..... بس عتبي على الاخ هيثم الي هو من ضمن الاشخاص الي مكملين المقابلة .... واني دزيتلة دعوة عالخاص وطلبت منه يشارك لان هواي راح يفيدنة .... بس ......... ان شاء الله المانع يكون خير .....

بنفس الوقت احب اشكر كل الي استجابوا لدعوتي والي تقريبا نصف المشاركين بالموضوع واعيد شكري الخاص للاخ فالكون الي شارك بدون ما احد يكلة ..... تحياتي فالكون....


اخي العزيز vincenzo  ....

احييك على روحك الطيبة وكلامك الرائع ..... الحمد لله بديت افكر بان الموضوع صدك بي فائدة .... اخي العزيز .... قدم وان شاء الله ماكو رفض ..... اني الصراحة مسمعت احد انرفض بالخطوة الاولى مال رايس البعثة الدبلوماسية ... الا اللهم اوراقة مو كاملة ذاك الوقت حقة رايس البعثة مينطي موافقة ..... يعني مو يجيب تزكية من ابو سمير ابو الكبة الي بالخيام ويريد يسافر لاميركا ... هههههه.... ترة جاي اتشاقة حبي ..... طبعا سبقتني بالتحليل و الكلام الي ذكرته كلة صحيح .... ان شاء الله تكون مشاركتك الجاية بعنوان (اخواني باركولي حصلت موافقة رايس البعثة الدبلوماسية) يارب..

[iraqgsm]

اخوان حبيت اسال سؤال من استلمتوا الجكلستات من ال ان في سي كانت من قبل مقاول مساعد
National Visa Center
SIV Unit / JMD
Serco Inc.
Support Contractor
او غير شي ممكن هؤلاء وضفوا لتسريع المعاملات بسبب كثرة المتقدمين

[SIVandIOM]

اي نعم...نفس المقاول

بس لاحظ اخي انه ال JMD هاي تختلف من ايميل الى ايميل وتمثل رمز الموظف اللي دز الايميل.

[iraqgsm]

شكرا اخي العزيز

[NOOR 2]

اخي الحبيب عطر بغداد ( شبح بغداد سابقا )
هههههه
انا ساكتب مختصر لقضيتي
انا من بداية قتح البرنامج الجديد  500
قدمت اوراقي

لحين اكتمال اوراقي في دائرة الغضب
ههه مثل ما سماها اخويه الحبيب سيف
مركز التاشيره
حيث عشت في بحر هائج تتلاطم به الامواج العاتيه
لحين والله يفرجها عليكم
يوم لاينسى من الذاكره
26  - 27  / 2 /2009   استلمت موجة FM
ههههههههههه
استلمت رساله من مركز التاشيره يخبروني اوراقي تحلوت الى بغداد للاجراء المقابله
علما انني اكملت الفحوصات مباشرتا يوم 28 / 2
واني هسه درجة الحراره مرتفعه عندي من جراء التلقيح
للانني الظاهر حديث الولاده
ههههههههه

حبيبي عطر بغدا الغالي
ارجو من ان تسامحني للانني لم اكتب في حينها
وبشهد الله انني كنت في ظرف صعب جدا

اخوك NOOR 2

[retayah]

السلام عليكم
مبروك اخ NOOR 2 على هذا الخبر الرائع وانشاء الله يوم السفر
طبعا مكان الابره راح تبقى توجع لاكثرمن اسبوع لان اكيد انضربت ثلاثه ابر مثل ما سوو ابزوجي
تحياتي الك وامنياتي بالموفقيه والنجاح الك ولكل منتدى عينكاوه

[NOOR 2]

شكرا لك اختي الغاليه ريتا
بارك الله بك
وانا اسف جدا لكوني وجهت لك صفة رجل

شكرا لك اختي الفاضله

اخوكي  NOOR 2

[BaghdadGhost]

اخي العزيز نور 2 ....

اول شي شكرا على مشاركتك ..... وثاني شي ادعي من الله عز و جل ان ييسر امرك بالمقابلة و ان شاء الله تروح الصخونه مال الابر مال الفحص الطبي .... ههههههههههههه

مشكور حبي عالمرور

[audesos]

موضوع رائع .. شبووووح

اوديسوس

[NOOR 2]

اخي الحبيب عطر بغداد الغالي
( شبح بغداد سابقا )

اني اعرف كلش زين اني امقصر
واشكرك يا اخي الحبيب الغالي الورده
واشكر دعائك لي بالشفاء من اثر التلقيح
وان شاء الله من راح يعطوك موعد وتفرحني
يشهد الله اني بيدي راح آخذك للفحص
وياويلي من راح اشوفهم وهم يلقحوك
والله اعلكه علك
واجيبلك فرقه موسيقيه من الفضل
وبسيطه عطر بغداد
ههههههههههه
تسلم ياورده الله يفرحنه بيك

اخوك NOOR 2

[BaghdadGhost]

اخي العزيز اوديسيوس ......

شكرا اخي عالمرور وان شاء الله اوراقك تتحول لل nvc .....

اخي و صديقي نور 2 .....

حبي مشكور على كلماتك الرائعة و مشاعرك الاروع ..... يارب تخلص المقابلة على خير و ميصير بيهه اي عراقيل .....

[BaghdadGhost]

اخي العزيز ahmed.khalid_87

اكيد ورة هاي السوالف الي ذكرتهه ماكو اي مشكلة ..... بس اكيد تبقة شغلة الشخص الي يقابلك و مدى اقتناعة بالموضوع ..... بالنسبة لشغلة ال siv الي سمعتة من داخل المنتدى ومن خارج المنتدى انه المقابلة شي روتيني و سهل ان شاء الله .....

ان شاء الله يحددولك موعد المقابلة

[iraqgsm]

اليوم 3 مارس و بعد خمس ايميلات ملحة للان في سي دزوللي وكاللولي اوراقك كاملة ودخلت المراجعة الادارية (شلعان الكلب-بحر الغضب والظلمات و المصايب والله عالم بمتة ينتهي) بس الله كريم والموفقية للجميع

[vincenzo]

صديقي
iraqgsm
مبروك على عبور فد شي ودخول فد شي جديد حتى لو كان .... الغضب ههههه

وانشاء الله يكتشفون بعد بحث وتمحيص شديدين انه انته لا ارهابي ولا عندك نشاطات ارهابيه (على اضوء النقاش الفوك مال الشباب) ههههههه وتخلص وتطلعلك مقابله لوز ههههههه

بس انته انتبه الى انه اكو هوايه مواضيع جديده نازله كلهه تفاؤل او عن ناس "سامعين" انه اكو تسريعات بكلشي وكلاشي وحتى لو حجيهم كلله تمنيات فهم الله يسمع من حلكهم


ملاحظة:
هذا الرد كتبته قبل سنة وشهر واسبوع واني داراجع الموضوع من البداية
لان لاحظت اخوية BaghdadGhost تمنى ان يكون ردي التالي هو يوم استلم الكوم ابروفال  
اليوم هو 9 نيسان 2010 وسويت تحديث لردي باضافة هالملاحظة (لعد غير ما عندي شغل وعمل  )
هم حتى احقق الشغلة اللي رادهه مني اخوية اللي كطع وياية وهم حتى الاعضاء الجدد يعرفون شنو اللي صار بعدين باختصار
الاعضاء اللي مجاوبين الى ردي هذا هسه كلهم بامريكا اللا اني
بعد ملحة صاحب الموضوع والاخوان والاصدقاء قدمت بس عالاي او ام مو عالاس اي في و ورى 5 اشهر يلله انطوني كيس نمبر و ورى 8 اشهر لخ يلله نطوني موعد مقابلة اولى
بينما عالاس اي في قدمت ورة اكثر من 3 اشهر على هذا الرد وطول الكوم ابروفال مالتي 8 اشهر (رقم قياسي) و وراهه دزيت اوراقي لنبراسكا و ورى كم يوم دزوهه للان في سي اللي هم خلال اسبوع كالولي documentarily completed واتوقع مقابلة فيزا بصيف ال2010

(تحديث: يوم 23 حزيران 2010 قابلت وهسه دا انتضر الفيزا)

لذلك اقتضى التنويه

ما اعتقد اي واحد من الاعضاء النشيطين هنا راح يشوف ملاحظتي هاي لان كلهم كطعو نهائيا او نسبيا عن هالمنتدى ورى ما وصلوا لامريكا كلهم خلال 2009 بس هي للاعضاء الجدد بلكي تفيدهم

اشكر كل المشاركين هنا وخصوصا BaghdadGhost اللي هواي ساعدني وشجعني

[SIVandIOM]

عزيزي iraqgsm مبروك وانشالله تفض على خير...حبي لا تدوخ..اليوم حددولي موعد مقابلة بعد ما طولت ببحر الظلمات شهر وشوية ومتزوج وعندي اطفال وخادم الالزامية ودافع بدل وخادم الاحتياط ودايح بكومة دول بس اعرف بنفسي انه ما مسوي شي غلط...كلما يدزولي شغلة اجاوب بوضوح واعزز الاجابة بوثائق وادلة تشك حلك اكبر واحد....كول يا الله وربك يسهله عليك وعلينه وعلى الجميع.

تحياتي

[vincenzo]

الله يبشرك بالخير
sivandiom
والله كلامك كلش مطمن ويبشر بخير

حبي ممكن امثله عن شنو سالوك بايميلات وشلون شكيت حلكهم ههههههه
يعني شلون جاوبتهم
وبارك الله بيك ياورده

[BaghdadGhost]

اخي العزيز iraqgsm.......

مبروك عالانتقال من مرحلة الى اخرى ..... ان شاء الله تخلص سالفة بحر الظلمات على خير

اخي الحبيب SIVandIOM

الف الف مبروك عالموعد ... ان شاء الله السفر يارب

[BaghdadGhost]

اخواني الاعزاء ......

حبيت اليوم اسلط الضوء على حركة التعجيل بالمعاملات الحاصلة في الفترة الاخيرة ......

الاخبار من خارج المنتدى ... عندي 2 من اصدقائي جانوا ينتظرون موافقة ررايس البعثة .. الحمد لله حصلوا عليهه بالاسبوعين الفاتوا ...... وعندي صديق اخر كان ينتظر موعد مقابلة و هم حصل عليه ...

من داخل المنتدى ..... عدنا اخ عزيز علينا بس صارلة مدة مداخل عالمنتدى ما اعرف ليش ... ان شاء الله يكون المانع خير ... طبعا مراح اذكر اسمة لان هوه يجوز ميريد احد يعرف ..... جان منتظر موافقة رايس البعثة الدبلوماسية .... و حصل عليهه يوم 13 شباط .... وهسه دز اوراقة لنبراسكا .....

مثل منعرف كلنه اخونة اوديسيوس هم حصل على موافقة رايس البعثة الدبلوماسية ...

و اخونه العزيز نور 2 حصل على موعد مقابلة .....

و اخونة SIVandIOM هم حصل على موعد مقابلة ....

اكيد راح من بالي غيرهم من الاخوان الاعضاء الي صار تحرك في قضيتهم بالفترة الاخيرة ..... ارجو المعذرة ....

اذا احد عندة اخبار حلوة خلي يضيفهه

[سيف المشهداني]

اولا اقول مبروك للاخ sivandiom واقول له الف مبروك من اعماق قلبي له واتمنى لك كل التوفيق لاكن مو كل من تتاخر قضيته في الغضب يعني عنده شي اخوي هاذه المرحله انا اعتبرها حض تعم اكو جماعه انا اعرفهم معرفه شخصيه جدا جدا انهم استلمو موعد خلال اسبوع من ارسال اوراقهم الى الnvcوالف عافيه الهم يعني شنو ذوله قابل ملائكه واحنه مجرميين فارحوا منك يا اخي ان تتاكد ان هاذه المرحله هيه مرحله حض لا غير وشكرا وبلتوفيق لنا ولكم ان شاء الله

[Haidor]

الله يساعدهم

1- آني قدمت اوراقي اول مره (بشكل صحيح) يوم 10 شباط
2- استلمت ال COM يوم 28 شباط
3- دزيت اوراقي لنبراسكا يوم 3 آذار
4- نبراسكا استلموا البريد يوم 10 آذار
5- NVC دزولي ايميل باستلام موافقة نبراسكا يوم 29 آذار و طلبوا وثائقي
6- رقم ال BGH  تقريبا 200958XXXX
6- دزيت كل اوراقي لل  NVC يوم 10 نيسان
7- يوم 24 نيسان استلمت انو اوراقي كملن و الادمن بروسس بدأ
8- يوم 14 آيار خلص المعالجه الاداريه و نطوني موعد مقابله بشهر السادس


ما متزوج ... خادم عسكريه مدة 4 شهور ... طبعا ماكو أطفال

الله كريم ...

تحياتي ... حيدور

وين البخت يفلان وتكلي مبخوت ... صرت اشتغل دفان محد رضى يموت

زين البخت وياك واصــل لهل حد ... أحفُـر كَـُبـر للمـات كالــو  عـــدل  رد

[NOOR 2]

حبيب قلبي عطر بغداد
اني هم ارجع واذكرك بخصوص الاسم راجع نفسك لو اسويلك حركه ماتتوقعه

انا ادعو الله انا يفرحنا بك
يالله يارب العالمين انا ادعوك واتذرع بالدعاء اليك
انا تفرحني بأخوتي الاحبه
 عطر بغداد الغالي  وهو اسمه الجديد رغما عنه

سيف المشهداني الرائع

اخوكم NOOR 2

[/i]

[Anthony Carmelo]

بلكي الله كل الي شاركوا بالموضوع تسرع معاملاتهم

[SIVandIOM]

السلام عليكم....يمعودين غيرتو اسم الموضوع وتيهته!!
المهم اشكر كل الاخوان على تهانيهم وكلماتهم الطيبة وان شاء الله نفرح بيكم كلكم وتمشي معاملاتكم بسرعه الضوء بأذن الواحد الاحد.
 
الاخ vincenso
اسئلتهم كانت مباشرة بعد ما دزيت الاوراق...بالبداية ما استلموا بعضهه لأنه الحجم كان كبير جدا فرجعت فصخت الجبير وسويته لكم صغيره قابلة للهضم!
وراهه جعبولي بشغله عدم المحكومية من احدى الدول اللي قضيت بيهه سنه وية عائلتي...بعد ما جيكت المعلومات اللي بال reciprocity table ودازلكم اللنك مالته اللي ينطيكم معلومات الاوراق مال كل دولة عرفت ولله الحمد انه نوعيه الفيزة اللي كنت استعملهه بهاي الدولة ما يحتاجلهه ورقه شرطة...طبعا اني كلت هذا الكلام بالDS 230 بس الجماعه ما طخت عدهم فدزولي انه احنا نريدهه...جاوبتهم بأنه انطيتهم اللنك مال موقع وزارة الخارجية وسويت كوبي وبيست للحجي اللي بيه (اخاف يتعاجزون) وكلتلهم ما تحتاجون ورقه الشرطة مال هاي الدولة لأنه الفيزة اللي كانت عندي هيه من النوع الفلاني وسويتلهه سكان ودزيتهه ....ورة كم يوم جاوبوني وكالوا انه بعد ما درسنا وتمحصنا اكتشفنا انه صحيح وفقا للمانول مال تعليمات وزارة الخارجية ما يحتاج...ووراهه دزولي كالوا دخلت في بحر الظلمات...ظليت ادز واخابر....واخابر وادز...الى ان بيلي بشرني انه خلصت من بحر الظلمات وديحددون موعد...طولت يومين ودزولي فحص طبي...وكالوا ايميل الموعد راح يكون بأيميل منفصل وهسه يوصلك...وما وصل ...والعاصفه الثلجية دمرتني ...عزلوا يوم الاثنين..وووو...الى ان استلمت الموعد والحمد لله.

اخي سيف المشهداني
كلامك صحيح 100% مو كلمن يتأخر يعني عنده شي...واكيد الشغله بيه حظ وقسمه...بس اللي عنده شي هم راح يتأخر...واكو ناس المفروض تطلع شغلتهم بأيام صارلهم اشهر من ضمنهم بنيه اعرفهه وهم تأخرت شغلتهه والله الموفق...ولذلك دائما ادعيلكم بالخير لأنه هذا الشي اللي يساعد في اعتقادي.
شبحبح وحيدور....انشالله بأسرع وقت تخلص وبخير وسلام.

تحياتي

[aymen369]

اني الان في بحر الظلمات من يوم 21/1 الى الان, متى اصل الى شاطيء السعادة؟؟؟؟؟؟؟؟؟

[vincenzo]

صديقي شبح بس لا تطلع صدفه انه كل الناس اللي نعرفهم تقدمت شغلاتهم خطوه هالايام لان بسبب المعلومات بالمنتدى او هم خارج المنتدى ووصلو لنقطة الانفجار ههههههههه حلوه هاي مال الانفجار
المهم همه بدو يلحون بالاتصال والايميلات والضاهر الملحه دتجيب نقش لان يمكن الامريكان يعتقدون انه اللي يلح معناهه واكع بورطه وموضوعه حرج
ولا اكو تسريع ولا بطيخ

[BaghdadGhost]

اخي العزيز سيف المشهداني....

اني اتفق معك بهذا الموضوع ولو لازم نعرف وين يكمن الحظ ..... اني رايي يكمن في الموضف الي تمر عليه الكيس .... لان اذا اثول ابن اثول .... راح تتاخر البروسس .... بس اذا مفتح باللبن راح تمشي الامور مثل ما المفروض و بالوقت الصحيح لاكمالها......

حبيبي Haidor .......

معقولة كل هاي المدة ولحد الان ممستلم منهم اي شي ..... هههههههههههه .... مشكور حبي عالمرور و المشاركة ..........

اخوية العزيز NOOR 2........

اشكرك حبي على كلماتك الرائعة ..... ومثل ما وعدتك ..... اذا فد يوم انته او الاخوة الاعضاء تشوفون موضوع جديد بعنوان تغيير اسمي من  شبح بغداد الى عطر بغداد ... اعرف بذاك اليوم اي استلمت موعد مقابلة  و باركلي .......

اخي وتاج راسي Anthony Carmelo .....

شكرا عزيزي عالدعاء ..... هذا من طيب قلبك يا ورد

اخي SIVandIOM......

شكرا عيوني على متابعه الموضوع و الاجابة على اسالة الاخوة ... تتذكر اول مشاركة الك .. اني كتلك انته مبين من الاعضاء الي راح تكون مشاركتهم فعالة و تستمر و تتواصل (يعني بالعراقي نشط)

اخي وعزيزي aymen369 ......

طبعا لا سلام عليكم ... لا مشترك بالموضوع .... نتمنه  تكون مشاركتك شوية اقوة من السوال ... يعني فيد واستفيد ....

حبي vincenzo ......

طبعا انته تتشاقة بحجيك ... بس تدري من بدة ذها الموضوع لليوم شكم شخص تحركت قضيته ... هواي ما شاء الله ... ان شاء الله يوصل لي السرة والبقية الاخوة الي جاي ينتضرون وبالاخص الاخ siv2007 ... الله يعينه وتمشي امورة...... شونك ورة الفرمته مال الحاسبة .... هههههههههههه

[iraqgsm]

يا رب كل من يكتب قضيتة بهذا الموضوع الله يسهله و يسافر

[vincenzo]

اي والله حجيك صحيح حبي شبح
واني هم صار عندي تطور....اخيرا وافقت اقدم عال اي او ام ببغداد (ورى توسلات اجتني من كل انحاء العالم.... تعرف ملوك ورؤساء واشكال الشخصيات واني محبيت اخجلهم بصراحه هههههههه) المهم اني راح انزل موضوع عن الايميل الدزيته وشكل الاوتوربلي اللي اجاني اللي مبين انه صدك نقلوا المركز الاقليمي لعمان (لان كالولي اذا تريد تنقل سالفتك لعمان فبلغنا ومذكرو غير مكان)

بالنسبه للحاسبه اني سولفتلك منين اجاني هذا الفايروس التوصاه
واني بصراحه رغم انه يمكن مفرمت ومنصب انوع الوندوزات لهوايه ناس ويمكن الاف المرات لان مثل متعرف اني
IT
عتيييييييييييك بس يمكن ممسويهه لنفسي غير مرتين تلاثه بالعشره خمسطعش سنه اللي اني بيهه عندي حاسبه لان دائما الكا طريقه احل بيها مشاكلي بلا فرمته بس هالمره لا كان الفايروس يخجل ويه العالم والحمد لله فرمتت السي اللي هوه 40 كيكا وراح الفيروس

اني اسف انو طلعت من موضوع الصفحه بس حبيت اكول انه اهم برنامج ساعدني بالتنصيب هوه الشبح او
GHOST
ولذلك اني من رخصة اخويه الجبير نور اكلك تبقي اسمك مثل ما هو مو بس لان ساعدني بالفرمته والتنصيب وانما لان دمه خفيف  واتمنى كل الاعضاء يبطلون من سالفة تغيير الاسماء وكمنه نتيه منو صار شنو ههههههههههههه

[ahmed.khalid_87]

اخوية شبح بغداد العزيز
1. تاريخ ارسال اخر مستند كان يوم 5/2/2009
2. تاريخ استلام ال COM هوة 25/2/2009
3_دزيت الاوراق لنبراسكا بتاريخ 2/3/2009
4_وبتاريخ وصول الاوراق لنبراسكا 5/3/2009
5_استلمت موافقة نبراسكا بتاريخ 16/3/2009
6_اول ايميل من الnvc بتاريخ 29/3/2009
تحياتي

[BaghdadGhost]

اخي العزيز ahmed.khalid_87 الورد ......

مشكور حبي عالمشاركة وان شاء الله تتحول اوراقك لل nvc ........

[سيف المشهداني]

اليوم اني سويت شبه مشكله ويه ال nvc لان قبل 3 ايام دزيت الهم ايميل وكل يوم اتامل وانتضر واليوم ايجاوبوني ان اوراقك بعجها بلغضب الحقيقه اني انصدمت لان قبل اسبوع دزولي ايميل ايريدون معلومات والايميل من السوبر فايزر مالتهم يعني التيم ليدر كلت يا الله ان شاء الله مشت المهم رديت على المعلومات ودزيتها اله ورجع دزلي كال اوراقك والمعلومات كلها كامله وعن قريب راح اندزلك موعد المهم طالت المده وانا منذ خمسه اشهر مثل متعرفون انتضر بس موعد المهم اليوم يرجعون ايدزولي الكليشه مالتهم الغبيه ان اوراقك بعدها مو يمنا اوراقك بل الغضب اني احتركت نار وصرت اعصاب وسويته ربلي وكتله يعني اذا انته تفتهم انته تعتقد ان خمسه اشهر ما يكفي ان اوراق ما تجيك واني لحد الان اعمل ويا القنادر الامريكان كتله يعني هو هاذا الانصاف انه جماعه بايام تدزولهم موعد واني خمسه اشهر هاذا مو انصاف هاذا مو انصاف ودزيته .... وشيصير خل يصير اني مليت تعرفون خمسه اشهر حيل مو قليله المهم شيريدون ايسون خل يسون اني تعبت

[vincenzo]

لالالالالالالالالالالالا
لا والله اخوية العزيز سيف قصرت
يعني همه هذوله جماعة ال اس اي في لا مقابلات ولا تفاهم وبس يردولهم حجة عالواحد يعني عبالك مسوين علينه فضل
وانته لو بس محول غضبك وزهكتك الى فد شي ايجابي ومقدم عال اي او ام مثلي مو جان احسن

يلله اذا انته مسوي جواب عال اوتوريبلاي مال واحد ضايج وممركز فهذا تره ميوصل
وانشاء الله خير

[سيف المشهداني]

والله يا اخي اشكرك على تعاطفك وياي بس شسوي حاله عصبيه المهم انته كتلي الربلي ما يوصل متاكد واشلون

[vincenzo]

لان صديقي هوه جايك من جهاز يعني برنامج يعني شنو الحاسبه تقره ردك
ولذلك كل اوتوريبلاي يكون وراه تذييل انه لتجاوب

[NOOR 2]

اخي الحبيب  VINCENZO 

انا اشكرك جدا اخي الغالي وبارك الله بك على هذه الاخلاق الكريمه
وانا اتشرف بك ولي كل الشرف

اما بخصوص اسم عطر بغداد  هذا هو الاسم الذي ليلق بانسان يحمل كل هذه الطيبه
انا استميحك عذرا ان هذا الاسم هو هديتنا جميعا الى اخينا الحبيب شبح بغداد  سابقا هههه
واتمنى منك وارجو منك ان تتكرم وتساندني على هذا الاسم

عطر بغداد      رغما عنك شبح بغداد
وانا هنا احترم قرار اخي الحبيب بتغيير اسمه من

شبح الى عطر بغداد
وهو اعطاني وعد بذلك
بعد استلامه موعد مقابلة SIV

اخوك NOOR 2

[vincenzo]

اخويه الجبير نور انته والشبح (على عناد الميرضى هههههههههه) على راسي
بس اني مو علمود فد شي خاص بشخص معين وانما ضد المبدا
وزائدا....تعال اكلك راح تروح الرتبه مالته كلهه اللي ضيع زهرة شبابه عليهه ههههه
ويرجع ولا نجمه
وانتى دتشوف اختنا انجي الورده شلون دتدك على راسهه من خسرت اسمهه ورتبتهه
والاخ رممازم اللي اختفه ورد طلع باسم ما اله علاقه بس همزين كاتب "(اسمه القديم) سابقا"

وانتو بكيفكم بعد

[BaghdadGhost]

حبي سيف ......

مثل مكال اخي vincenzo .... بس مو معناها تدزلهم مرة ثانية ....هههههههههه

حبي NOOR 2 ......

اليوم فكدتكم انته و فالكون والله وردت اسوي موضوع اسال عليكم بي ... بس كلت خليهه لباجر اذا مبينوا .... بس لا جنتوا بالجادرية عالجسر .............ههههههههههه

حبي vincenzo ...........

نور يدلل بس اني كتلة اذا فديوم شفتوا موضوع تغيير الاسم مو عضو جديد ... يعني يبقن ذني الله يحفضهن الي .... هههههههههه ...... اعرف ذاك اليوم باني استلمت موعد مقابلة من ال nvc ....

[NOOR 2]

حبيبي الغالي واخي العزيز

.......  بغداد  وما اريد اذكر اول كلمه فبل بغداد

بارك الله بك يا اصيل والله بحفظك
 ونيابتا عن نفسي وعن اخي فالكون
اشكرك جدا على هذه الطيبه والاخلاقك العاليه

اخوك NOOR 2

[BaghdadGhost]

اخواني الاعزاء ....

اليوم جابلكم خبر صغيروني والي هوه يعد من ضمن التحرك الحاصل بمعاملات ال siv ..... ولكن حبيت اكتب الخبر لاخي سيف المشهداني .....

عندي ولد صاحبي خار منتدى عنكاوا ..... هوه هم مقدم عال siv  و تقريبا تواريخ معاملته مقاربة لتواريخ الاخ سيف ... ونفس الشي هوه هم جانت نفسة لعبانة من الانتظار و التاخير ... بس البارحة اتصلوا بي ال nvc  و حددولة موعد مقابلة .....

ان شاء اله يتم الاتصال بيك اخي سيف ... بس اصبر بعد شوية ....

[vincenzo]

خووووووووووووش خبر الله يبارك بيك شبح او عطر الورده
حتى سيوفي بعد ميزهك ويتعارك ويه الاوتوربلاي

[BaghdadGhost]

ههههههههههههه ..... هاي حلوة مال يتعارك وية الاوتوربلي ......

حبي vincenzo .... كلك حركات

[Handyman S]

أخواني واصدقائي الاعزاء  اني هل المره من دزيت ايميل الى الان في سي دزلي التيم ليدر ايميل يقول فيه انها بعدها بالمعالجه الادرايه الغضب بس اني استغرب ليش هو ايجاوبني دائما" مو هو الي ايرد عليه دائما" الي ايدزون يكتبون مختصر الاحرف او الرمز الخاص بهم ومثلا" M8M او jei او AES . ...ألخ بس هل المره التيم ليدر JO  وهل هذا يعني انها في المرحله النهائيه او هل هي بعدها ومتاخره في الغضب وهو مسئول عن متابعتها لمعرفه السبب لان كثير من الاخوان قبل ما يرسلون لهم موعد مقابله يطلبون منهم اوراق او معلومات اضافيه للعلم اني خابرت يوم الجمعه 27 وكالو خلصانه من الغضب بس رجعت وخابرت علمود اعرف اشصار يوم الثلاثاء وهم قالو خلصانه من الغضب وتاكدت بس بعدها خابرت ودزيت ايميل اجاني الرد من التيم ليدر  بالايميل انه بعدها في الغضب شنو الي صار ما ادري وهل اكو واحد دزله التيم ليدر وبعدها استلم موعد او شنو الي صار وياه ممكن اتفيدونه مع فائق الشكر لكم اخوتي ؟؟؟؟؟؟

[سيف المشهداني]

اخي العزيز البصير شكرا علىخبرك الحلووو وان شاء الله ربي يوفقك الجميع وان شاء الله يدزولي ويدزولك موعد عن قريب جدا ان شاء الله

حبيHandyman اني هم قبل اسبوعين دزلي التيم ليدر راد معلومات وضب سدزلي وادزله يوميين فعادي هاي بس ان شاء الله بيها تحرك السالفه وان شاء الله هل اسبوع يحددو لي ولك موعد بس كول يا الله

[BaghdadGhost]

حبيبي Handyman S .....

بالنسبة الي الصراحة اني ما اركز علة هاي السوالف مال موضفين ..... ان شاء الله التوفيق ....

سيوفي ......

يا بصير ؟؟؟؟؟؟

[NOOR 2]

اخوتي الاحبه
رجاء اطلب منكم الرأي

انا بودي ان يثبت هذا الموضوع
ما هو رايكم

اخوكم  NOOR 2

[iraqgsm]

حبيبي نور اؤيدك جدا خصوصا انه يحدث دائما من الاعضاء و عطر بغداد
اني واحد من الناس الي اقارن يوميا قضيتي بالاخرين بهذا الموضوع

[NOOR 2]

شكرا لك اخي العزيز iraqqsm

والف شكر لتايدك على الاسم
واتمنى من باقي الاخوه ابداء رايهم
اخوكم NOOR 2

[SIVandIOM]

ابو الانوار اني أيد التثبيت
اني كل يوم تقريبا اجيك الموضوع واشوفه جدا مهم.....فوت بيهه

تحياتي

[untitled.man]

هذا الموضوع بالذات لازم يومية اجيكه اذا بي رد جديد
اني هم وياكم اؤيد انه هذا الموضوع يثبت...
اتصور انه كلش مهم النا جماعة الـ SIV

تحياتي

[vincenzo]

والله كلامك ذهب نور والتثبيت ضروري...بس اتمنى من اي عضو يصير عنده اي تطور بال اس اي في ان ينزله بهالموضوع

[NOOR 2]

أخوتي الاحبه

أخي SIV  AND IOM    الغالي

أخي untitled.man  ألورده

أخي  vincenzo الطيب

أشكركم جدا لمشاركتي الرأي وبارك الله بكم وهذا اقل شيء نقدمه
إلى عطر بغداد  رغما عنه
هههههههه
 وأنا انتظر رأي أخوتي وأحبتي الآخرين

أخوكم NOOR 2

[BaghdadGhost]

اخوتي الاعزاء .....

الشكر الجزيل على مشاعركم الطيبة ..... الصراحة اني هم فكرت بالموضوع ... بس كلت ميصير الواحد يقيم اعماله .... لازم الغير همه الي يقيمون هذا الشي .....

شكرا اخي نور للاهتمام بالموضوع ..... تحياتي للجميع

[ahmed.khalid_87]

ولله اخوية العزيز شبح بغداد مشكور عالموضوع
موضوع في غاية الروعة والاهمية
ومفيد جذا
ويستحق التثبيت وان شاء الله الادارة تثبتة
تحياتي

[سبع صنايع]

فكرة حلوة ابو نور وموضوع متعوب عليه من قبل اخونه شبح بغداد
نأييدك عليهه

[untitled.man]

طبعا اخوي شبح بغداد موضوعك كلش راقي... يوميه اكلبه.
بس اليوم حبيت اعدل مشاركتي واضيف انه البارحة 09-03-2009 وصلني وصل الاستلام من نبراسكا مذكور بي انه اوراقي واصلتلهم يوم 02-03-2009 ، فجيكت على الموقع مال USCIS.gov واوراقي صاير عليهه ابروفال ودازلي ابروفال لتر بنفس اليوم 09-03-2009.

هسه اني محظر اموري "لبحر الظلمات" ومشتري "نجادة"... تعرف اخاف عاصفة... شوي هالايام اكو عواصف ترابية.

تحياتي للجميع

[BaghdadGhost]

طبعا هواي اشكركم على كلماتكم الحلوة ......

اخي untitled.man .......

طبعا مبروك على اجتياز المرحلة الثانية ..... زين هسه انته محضر سوالفك ال nvc .... حته بس يدزون يراسلوك تدزلهم ثاني يوم ..... واذا تريد نراجعهن سوية .... هههههههههه قبل الامتحان

[untitled.man]

والله يا خويه كلشي محضره بس صورة القيد شلعت فادي...
ما بقيت واحد من الشعب العراقي ما وصيته عليهه... يمكن حتى موصيك وما ادري هههههههههههههههه والمشكلة لحد هسه بعدني ما محصلهه

انشالله الموفقية للجميع...

تحياتي الك واشكرك على اهتمامك

[عيني بغداد]

السلام عليكم
شكرا على المعلومات الرائعة اللي ديقدموها الاخوان وان شاء الله الكل توصل وتحقق اللي تطمح اله.
عندي سؤال.
شلون اعرف ان معاملتي انقبلت بنبراسكا ؟ لان همه كالوا احنه استلمنها.
من دخلت على موقع لكيت يطلبون رقم الحالة واني لحد الان ممنطيني رقم حالة
انتظر  ردكم مع خالص تقديريUSCIS

[untitled.man]

اخي العزيز "عيني بغداد"

انت شلون عرفت وصلت اوراقك لنبراسكا؟؟؟ اذا دازيلك وصل الاستلام اكو بي باول سطر من الجدول Receipt Number هذا هو يمثل رقم الحالة اللي دتسأل عليه...
اما اذا شركة البريد اللي دزيت اوراقك وياهه هي اللي دتكول اوراقك وصلت... فلازم تنتظر يوصل وصل الاستلام من نبراسكا... بعدين ياله تكدر تجيك على حالتك مقبولة لو لا....

ولا تدوخ نفسك... نبراسكا بس فترة انتظار لا بيهه رفض ولا اي شي... على الاقل من كل اللي قدموا هذا الشي اللي دنشوفه...

وانشالله يوصلك الرد قريبا

[عيني بغداد]

شكرا Untitled.man
اريد اعرف اذا انت داخل او خارج العراق لان سؤالي رح يتعلق بالمستمسكات اللي رح تطلبها NVC
يعني صورة القيد وشهادة الميلاد المصدقة والامور الباقية اللي حجوا بيها الشباب لازم انجيبها من بغداد لان اني مثلا صارلي فترة طويله منازل للعراق لو مثلا يكتفون بالجناسي المترجهم والمصدقه
شكرا مرة ثاني لردك السريع
تحياتي

[BaghdadGhost]

اختي عيني بغداد .....

تكدرين تستفسرين عن حالتج يم نبراسكا بارسال ايميل الى العنوان التالي NVCSIV@state.gov

بس نصيحتي الج دزي الايميل بعد اسبوع من استلامهم اوراقج .... قصدي حته تكطعين الشك باليقين ... و تستلمين جواب وافي مو يكولولج انتظري بعد هستوهه وصلت اوراقج

شكرا عالمشاركة

[NOOR 2]

الرجاء من الاخوه الاعزاء
والذين دخلو هذا الموضوع
الم يتم الاستفاده منه
اذن
لماذا لم تطرحو رايكم بالتثبيت

شكرا لكم احبتي الذين ابدو رايهم بالموضوع

ahmed.khalid_87
سبع صنايع


اخوكم NOOR 2

[Shekha]

فعلا الموضوع رائع ولازم يثبت....

[Anthony Carmelo]

الموضوع اصبح مرجعا يستدل به وهناك الكثير من معلومات  SIV المفيدة مدرجة فية ياحبذا لو يتم التثبيت و شكرا للاخ BaghdadGhost .

أنطوني كرملوا

[سيف المشهداني]

نطالب الادراه والحكومه العراقيه بتثبيت هاذا الموضوع رجاءءءءءءءءءا(ههه الحكومه شعليها)
لا والله قمر بغداد اني راح اسميك مو ورد ولا شبح قمر انته قمر نورتنا والله بموضوعك فانا اتمنى ان يتم تثبيت الموضوع واني بليوم يمكن اكثر من مره اجيكه واشوف شنو الابديت وشكراااااااا

[SIVandIOM]

الله يساعدهم
اخر التطورات...استلمت قبل شوية ايميل من ال wrapsnet يكلي بيه دزلنا الفيزا اول ما تطلع وانطوني رقم IZ  اخيرا.

هسه سؤالي للاخوة الي اندكتلهم الفيزا...شنو الخطوات اللي صارت وياهم بالتفصيخ المفصخ....يلا حبي فالكون اتحفنا وانته ما تقصر.

تحياتي وامنياتي للجميع بسرعه انجاز المعاملات.

[سبع صنايع]

اخ SIV المحترم

بالنسبة للتفاصيل ماكو اي تفاصيل من تستلم الفيزا تسوي سكان وتدزهه الهم وراح يتصلون بالكفيل مالتك وراح يرتبولك موعد سفر ولتتوقعة قريب يعني شهرين وفوك

[SIVandIOM]

ممنون حبي سبع...بشرني ماكو اخبار على شغلتك؟ ترة كلش صافن اني بيهه...يعني ياخذون الجوازات وما ينطوك موعد؟ طمنا عليك اخوية.

[Falcon1982]

أخي العزيز بعد ما تستلم الفيزا لازم دزلهم نسخه منها وهم راح يحولونك على منظمه في امريكا حتى تكفلك ومن يحولون على المنظمه يدزولك تاكيد المكان النهائي وبنفس الوقت يدزون راسله الى الاي او ام حتى ترتب امور سفرك خلال اسبوعين راح يجيك رد من الاي او ام يسئلون هل انت مستعد للسفر ومن اي مدينه بالعراق وانطينا تلفونك الشخصي حتى نتصل بيك هاي من ناحيه واذا انت عندك كفيل فهاي الاجرائات نفس الشئ بس الفرق المنظمه تتصل بكفيلك وراح يحاولون وياه حتى يتكفلك ماديا او يكعدك بالبيت وياه وانا الحمد الله كفيلي بالاتفاق وياي رفض وهس انا صرت على المنظمه بالكامل.

أخوكم فالكون1982

[SIVandIOM]

ممنونلك اخوية فالكون على الرد...يعني مثل ما كال سبع مو اقل من شهرين تطول السالفة.

اتمنالك كل الموفقية انته وكل الاخوان.

تحياتي

[NOOR 2]

السلام عليكم اخوتي واحبتي الرائعين

سيف المشهداني هاي شنو  لاتنسى صار الاتفاق على اسم
عطر بغداد  ورغما عنه
ههههههههه

اخواني
هناك التباس او قد يحصل لاتباس لدى الجميع
تتذكرون DS234   والتي ارسالنها سابقا
وعلى ضوئها تم تنظيم ارقام IZ  وبلغونا بها
ولكن بعد مرور فتره من الزمن اعادو  ارسالها لنا وطلبو منا
ملئها مره ثانيه على اساس هذه لغاية 2012
هنا ياتي اسؤال
هل الغي IZ  الذي تبلغنا به حين ارسلنا لهم DS234  القديمه
الاخ  SIV  AND IOM 
 رجاء وضح لنا هل استلت منهم رقم سابقا
او هل ارسلت لهم DS234  القديمه
او هل ارسلت لهم فقط للمره الاولى DS234  الجديده واعطزك رقم IZ
رجاء وبالتفصيل

شكرا لك  ........... بغداد لحين التغيير
اخوكم NOOR 2

[سيف المشهداني]

يمعوديين الحكوووووووووووا لي

اليوم خابرتهم وطلعتلي الثوله كتلها بويه بشري اكو شي جديد كالت اوراقك كملت وبس بقى اسكجول مال موعد كلت يا الله كتلها عيني متأكده كالت اي انته اسمك هيج كتلها والله هو كالت خلص لهنا نعمه من الله وكيفت وفرحت المهم اني داز ايميل استفسر عن حالتي اليوم ايجاوبني التيم ليدر ايكلي اوراقك بعدها بل الغضب اخوكم انسطر شلت التلفون طلع لي بيلي اني ما اتفائل بيه ابد كتله يابه هيج الشغله
كلها كال ها اي مرات تجي وترجع كتله خل يولن بكلبي ما طولت كلت اخاف انفعل وانزل كتله اوكي شكرا وهسه دزيت ايميل واشوف ردهم الغبي اشكد اغبياءءءءءء

[سيف المشهداني]

أخواني واصدقائي الاعزاء  اني هل المره من دزيت ايميل الى الان في سي دزلي التيم ليدر ايميل يقول فيه انها بعدها بالمعالجه الادرايه الغضب بس اني استغرب ليش هو ايجاوبني دائما" مو هو الي ايرد عليه دائما" الي ايدزون يكتبون مختصر الاحرف او الرمز الخاص بهم ومثلا" M8M او jei او AES . ...ألخ بس هل المره التيم ليدر JO  وهل هذا يعني انها في المرحله النهائيه او هل هي بعدها ومتاخره في الغضب وهو مسئول عن متابعتها لمعرفه السبب لان كثير من الاخوان قبل ما يرسلون لهم موعد مقابله يطلبون منهم اوراق او معلومات اضافيه للعلم اني خابرت يوم الجمعه 27 وكالو خلصانه من الغضب بس رجعت وخابرت علمود اعرف اشصار يوم الثلاثاء وهم قالو خلصانه من الغضب وتاكدت بس بعدها خابرت ودزيت ايميل اجاني الرد من التيم ليدر  بالايميل انه بعدها في الغضب شنو الي صار ما ادري وهل اكو واحد دزله التيم ليدر وبعدها استلم موعد او شنو الي صار وياه ممكن اتفيدونه مع فائق الشكر لكم اخوتي ؟؟؟؟؟؟

أخواني واصدقائي الاعزاء  اني هل المره من دزيت ايميل الى الان في سي دزلي التيم ليدر ايميل يقول فيه انها بعدها بالمعالجه الادرايه الغضب بس اني استغرب ليش هو ايجاوبني دائما" مو هو الي ايرد عليه دائما" الي ايدزون يكتبون مختصر الاحرف او الرمز الخاص بهم ومثلا" M8M او jei او AES . ...ألخ بس هل المره التيم ليدر JO  وهل هذا يعني انها في المرحله النهائيه او هل هي بعدها ومتاخره في الغضب وهو مسئول عن متابعتها لمعرفه السبب لان كثير من الاخوان قبل ما يرسلون لهم موعد مقابله يطلبون منهم اوراق او معلومات اضافيه للعلم اني خابرت يوم الجمعه 27 وكالو خلصانه من الغضب بس رجعت وخابرت علمود اعرف اشصار يوم الثلاثاء وهم قالو خلصانه من الغضب وتاكدت بس بعدها خابرت ودزيت ايميل اجاني الرد من التيم ليدر  بالايميل انه بعدها في الغضب شنو الي صار ما ادري وهل اكو واحد دزله التيم ليدر وبعدها استلم موعد او شنو الي صار وياه ممكن اتفيدونه مع فائق الشكر لكم اخوتي ؟؟؟؟؟؟

     نفس شغلتي بلضبط اخوي وهسه لحد الان ماكو شي

[SIVandIOM]

اخوية NOOR2
كلمن اندزله رقم IZ يعني ماكو داعي يملي الاستمارات مرة ثانية. هل استلمت انت رقم وتم طلب ملء الاستمارة؟
اني ما استلمت رقم سابقا...هاي اول مرة. طبعا مليت الاستمارات اول مرة من دزيت كل الوثائق المطلوبة للNVC وحسب والتعليمات ودزولي ايميل يكولون خلص استلمنا DS234 و ال resettlement benefits election form وتم تحويلهه الى الجهه المسؤولة بس ما استلمت رقم IZ في وقتهه. صار التغيير ودزولي الاستمارات وكالوا امليهه مره ثانية.. اني هم كالاسد نفذت وهسه دزولي رقم IZ وابوك الله يرحمه ووالدين الحضور.

سيف الورد....اول ما اتصلت وطلعت البنية متأكد انه ما رديت رقمك غلط؟ وهيه اللي كالت اسمك؟ اذا متأكد فخلص يعني طلعت من الغضب. احتمال الايميل اندز لأنه ما بين عد الموظف اللي دزه انهه خلصت...اتصالك مرة ثانية ببيلي ما كان المفروض تحجيله كل القصه...لو سائله وكأنما ما تدري شنو الفلم وتشوف الرد احسن. على العموم اصبرلهه كم يوم اني 4-5 ايام يلا حصلت الموعد من بعد ما خلص الغضب. اصبر ودعواتنا وياك الله يسهلهه ويخلص الغضب وتطلع من بحر الظلمات بخير وسلام.

تحياتي

[سيف المشهداني]

شكرا على ردك SIVرديتلها الرقم صح وكالت انطيني اسمك وانكيتها وكالت اي اوراقك كلها كملت وهيه بس منتضر موعد والله ماعرف بعد يم الله ضلت

[NOOR 2]

اخي SIN AND IOM  الغالي

انا ارسلت لهم القديمه واستلمت رقم IZ  ولاكنهم بعد فتره ارسلو لي يطلبون
ملء الجديده وفعلا تم ذلك وارسلتها لهم

اخوك NOOR 2

[SIVandIOM]

اخوية سيف...يمن يكلك الاوراق خلصانه مو معناه انه خلص الغضب...انصحك ان تسأل وبالتحديد بعد ما يكلك خلصنه السؤال التالي:
Does this mean that the adimintrative processing is complete? please confirm this
وشوف الرد وهم انطي مجال فد منا لباجر او انتظر الايميل والله يسهلهه عليك وعلى الجميع

اخوية NOOR2 على الاغلب ما راح يغيرون الرقم مالتك والله اعلم...دزولك الايميل لأنه اندز للكل من قبل ال NVC لأنه مو همه اللي يخصصون الارقام وانما ال RPC او WRAPSNET وعلى كل حال هذا الكلام بعد وكت عليه....النظام الجديد كله يبدي من بعد الفيزا اللي اتمنالك سرعه الحصول عليهه انشالله انته والجميع.

تحياتي

[iraqgsm]

وين الاداريين الحبابيين مروتكم دثبتو الموضوع مو والله العظيم تعبنا الموضوع كل شوية صاعدنازل بالمنتدى والله دخنااااااااااااااااااااا
والله اشوف الموضوع عشر مرات باليوم بالقليل و مرة ثانية تضامنا مع اخونا نور2

[NOOR 2]

شكرا لك اخي الحبيب iraqgsm
الف شكر لك على التضامن
وهذا اقل شيء نقدمه للاخينا الغالي
.........بغداد   رغما عنه

اخوك NOOR 2

[Handyman S]

أخويه SIVandIOM اني سويت الي كلت عليه كتبتلهم هاي الجمله قبل متكول بس اجاني الرد نفس الشيء وعلما" اني هم سئلت البنيه نفس السؤال وكتلته " هل انتي متاكده بانها خلصت من ادمستريتف بروسس كالت اي متاكده " وبعدها اجاني ايميل ويكول بعدها في الغضب من التيم ليدر علما" اني اتصلت مرتين هاتفيا" وكالتلي نفس الشيء اذا" ممعقوله تغلط مرتين وقبل يويمين من الان هم اتصلت بيهم وقالو بالغضب وهذا يدل ان ممكن يكون كلام بيلي صحيح رجعت الى الغضب ؟؟؟؟؟؟؟

أخويه سيف المشهداني لا ادوخ لان اصلا" مندري شنو الي ايصير انت نفس شغلتي بالضبط الي صار وياي  يوم 27 -2-2009 بخصوص الاتصال والايميل مال تيم ليدر شنو الي ديصير ما ادري وهم طلعلي بيلي في نفس اليوم وقلي شنو الرقم وانطيته الرقم وما سئلني عن الاسم ابدا" وراسن قال بعدها بالغضب بس كانت البنيه على الهاتف تطلب الرقم وبعدين تصفن شويه واتكلي شنو اسمك وتتاكد من الاسم وبعدين تعطي النتيجه الي هي لحد هسه كل واحد يحجي شكل ومنعرف شنو الي ديصير ؟؟؟؟؟؟؟؟؟؟

الى  الاداريين مع التاقدير ممكن تثبيت الموضوع شاكرين لكم تعاونكم لغدمه الجميع!!!!

[Shekha]

اخواني الاعزاء ،

اني هم استلمت IZ نمبر بس كاتبين بالايميل :

Please provide the full name, address, telephone number, email address and relationship for the individual(s) you desire to be resettled near

زين لازم انطي عنوان صديق ؟؟؟ وهذا يعتبر ككفيل ؟؟

Best Regards

[BaghdadGhost]

حبي شيخا ....

اني هم اول مرة من دزيت الاستماير مال بنفتس مجنت كاتب اي احد ..... بعدين من سووا هاي الحملة مال ارسال استماير فكرت بان استعين بصديق هناك و بالفعل كتبت كل معلوماته بالاستمارة و دزيتهه لل nvc  و لجماعة البنفتس الي دزولي iz

[BaghdadGhost]

اخواني الاعزاء .....

بالبداية احب اشكر الاخ نور 2 و كل الي طالبوا بتثبيت الموضوع ......

عندي سوال لاصحاب الخبرة و بالاخص للاخ فالكون, SIVandIOM , ابو الانوار وبقية الاخوة .......

عندي صديق استلم البارحة ايميلات من ال ان في سي تشتمل الفحص الطبي و موعد السفر و تعليمات المقابلة ...... بال pdf الي بي موعد و تعليمات المقابلة ..... كانما الفايل جاي من السفارة الامريكية الي بالاردن ..... بس هوه الاسم صحيح و الكيس نمبر صحيح ....و الايميل جان جاي من NVC ..... وهم مكان المقابلة صحيح بغداد ... بس سوالي ليش كان مذكور بيهه عنوانالسفارة الامريكية الي بالاردن ....؟؟؟؟؟

مشكور مقدما  على الاجابة

[سيف المشهداني]

اخويه ابن بغداد الغالي ...
يمكن صديقك كان بلبدايه على عمان وبعد\ين حول بغداد ممكن نتعر ف هاذا الشي والمهم هو حصل موعد مبروك عليه ويارب تسهل اموره

[BaghdadGhost]

مشكور حبيبي سيوفي عالرد ... بس هوه الولد من البداية على بغداد .... وهو اصلا مواصل للاردن ولا جايب طاريهه

اخوان يعني كل شي مذكور مطابق للكيس مالته بس هاي العنوان مال السفارة الامريكية الي بالاردن شجابهه بالوسطة

VILLA NO. 5, ALKURSY
WADY ALSEER, BURKAN ST
AMMAN
JORDAN

بس المقابلة بالعراق و معلوماتة كلهه صحيحة.....

[الكاوبوي العراقي]

اشكرك على هدا الموضوع اخ شبح بغداد
لاني الان حصلت موافقة نبراسكا والان على عتبة بحر الظلمات (مركز الفيزا القومي)
عندي اسالة وخصوصا على:
يريدون تعداد 1957 هاي شلون؟؟
باستمارة ds-230  اكتبهن كلهن نو لو شلون
وحتى العسكرية اني دافع بدل اكتب نو
والله دايخ
اخاف اكتب يس وتنلاص لان اني خدمت 3 اشهر
وبعدين اني قبل ما اشتغل وي الامريكان مترجم تشاجرت مع ظابط امريكي وحبسني 3 اشهر وبعدين اجوي المحققين واعتدرولي وكالو انتة نعرف قصتك واحنة اسفين والظابط راح يتعاقب وانطوني عنوان تايتن واسم شخص هناك وكالولي تروح تقابل وتجي تتعين يمنة وفعلا كبل قبلوني وهاي الشغلة صارت ب2003 لكن بالاحتجاز اخدوا بصماتي
وحاير بين الصدك والكدب وشلون خاف يكنسلوني وما اعرف مع العلم اني مشتغل 6 سنوات مع الامريكان
وعندي توصيات قوية ومن ضمن هاي التوصيات كاتبين بيهة" ان فلان خدم الجيش الامريكي لوجستيا و محليا وقارب وجهة النظر بين العراقيين والامريكيين وعمل في 3 اشهر مالم يستطيع ان يعمله الجيش الامريكي قاطبة في سنة كاملة وانه لايشكل اي خطر على امن الولايات المتحدة واستطاع انقاد حياة عدد كبير من الجيش الامريكي وساعد الشعب العراقي وعين 3000 عراقي وجعلهم يتحولوا من مقاتلين يرفعون السلاح ضدنا الى ناس مفيدين بالمجتمع وساعد في استقرار مناطق الكرخ الملتهبة ودفعت عائلته ثمنا غاليا في سبيل حرية الشعب العراقي"
انتهى التوصية

فالرجاء المساعدة اخواني الاحباء

[BaghdadGhost]

اخي الكابوي ... مبروك اولا

ثاني شي راح اجاوب وحدة وحدة على الاسالة ....

بالنسبة لصورة قيد 57 ... تروح لدائرة الجنسية مالتك و تسوي معاملة تولد 57 لاغراض الترجمة .... الشغلة تطول يوم واحد بس من تستلم الاوراق نصيحتي الك تاكد من ان مكتوب كل شي بالحقول يعني حتى الجنس لتخلي فارغ .... كلشي و قبل متطلع منيمهم همتاكد بان مكتوب رقم اخر جنسية انته مطلعهه ... وراهه تاخذهه وتروح لدائرة الجنسية و السفر تصير بشارع الرشيد قرية من نزلة الجسر مال السنك ... على الشط .... هم تروح الصبح و الاجراءات بسيطة هناك .... متطول بس يوم واحد وراهه تاخذ المترجمات وتروح لتصديقات الداخلية بزيونة والضابط راح يدليكياهه .... نص ساعة ختم تصديق وراهه تصدقهه بالخارجية ....

بالنسبة لل ds-230 سوالك ممفهوم ... بس اني دزيتلك ايميلي عالخاص اذا تريد نكعد اني وياك عالمسنجر ونترسهه وحدة وحدة .....

بالنسبة للعسكرية ... انته تعتبر خادم ... اكتب يس بس بالملاحضات اكتب 3 اشهر مركز تدريب فقط....

بالنسبة لشغلة المشاجرة  و الحجز والبصمات ... نصيحتي الك بان تذكر كل شي بما انزل .... وترة اذا السالفة مثل ما ذكرتهه ... مبينه حته للاثول بان الصوج من الظابط الامريكي مو منك ... لان انته لو مسوي شي مجان شغلوك يمهم ... مو

والي ياكد كلامي و كلامك هو الركمنديشنات الي وراهه .... بس هذا في حالة انه انته بالفترة الوراهه مسويت اي مشكلة وية اي شخص ... لان كثرة المشاكل تعتبر خلل بالشخص .....

ان شاء الله خير و لتدوخ مادامك مشترك بمنتدى عنكاوا....

[Falcon1982]

أخي العزيز انا على استعداد تام لمساعدتك واحب اشكر شبح بغداد على تنبيه الي .

أخي العزيز انا رديت عليك سابقا وهم هل المره اكلك هذا العنوان مال موضوع انا كاتبه عن المستلزمات مال نبراسكا وشلون تملي الاوراق والفورمات بالاضافه الى صوره القيد الخاصه بتعداد1957.

http://www.ankawa.com/forum/index.php/topic,270928.0.html

اذا محتاج شئ ثاني اتصل بيه على الخاص .

أخوكم فالكون1982

[SIVandIOM]

اولا السلام عليكم
ثانيا ممنون حبي شبح على التنبيه على الخاص
ثالثا بالنسبة لصاحبك ... انته كلت انه دزوله من ضمن الايميل موعد السفر؟!!! تقصد موعد المقابلة مو ؟؟ لا تخرعني الله يخليك لأنه ماكو هيجي شي. وبالنسبة للعنوان مال السفارة فمو مشكلة ممكن انه تكون غلطة مطبعيه...المهم التعليمات تكول وبصورة واضحة انه يسوي الفحص الطبي ببغداد والمقابلة بالسفارة ببغداد...مو؟ اذا هالشكل فاما ان يكون خطأ طباعي او انه البروسسنغ مالته صار بالسفارة مال عمان..وهمه على فكرة من البداية ما ضامنين انه مقابله اي احد تصير بنفس البلد اللي هوه بيه...مجرد بأقرب مكان ممكن...بس اني ما سامع انه دازين احد من اهل بغداد الى عمان الا اللهم بناء على طلبه هوه. المهم ممكن انه يخابر الNVC ويتاكد او يدز ايميل علمود يقطع الشك باليقين.

هسه بالنسبة للأخ الكاوبوي...تعداد 1957 هوه نفسه صورة القيد واكتب المعلومات حسب ما انته تعتقده صحيح...لا تغير اي شي...ولا تخاف من شغلتك اللي سويتهه قبل ما تشتغل لأنه مثل ما كلك اخوية شبح بالضبط ما عدا شغلة وحدة ومن رخصتك اخويه العزيز شبح ترة صورة القيد ما تحتاج انه تترجمهه بالسنك ولا تصدقهه...اخذهه من الجنسية وكبل انكر سلف وروح يم المسرح الوطني ترجمهه يم مكتب نادر بنص نهار...اني سويت هالشكل بعد ما اتأكدت من ال NVC اكثر من مرة.

طبعا اخر تطوراتي انه سويت فحص طبي بالشفاء ودا افكر انه انزله بموضوع مستقل بس ما متأكد انه راح يكون مهم الكم اولا وثانيا كلش لاعبة نفسي من اللي صار بالفحص بس المهم انه خلص ولله الحمد.

واي شي لاخ اني بالخدمة.

[NOOR 2]

شكرا لأخي الحبيب ........ بغداد للتنبيه
واعتذر عن التأخير لعدم التواجد ولضعف الانترنت
أخي ...... بغداد
بالنسبة لصاحبك هناك احتمال خطاء أو السهو ممكن ابن يكون هم درجوا معلومة
خاطئه أو هو أدرج معلومه خاطئه
المهم يجب أن تكون كل التعليمات التي وصلت أليه مطابقه مع اوراقه وخصوصا BGH…….
وعليه مطابقة كل المعلومات وفي حالة التأكد من مطابقتها
يكون الحال اعتيادي وعليه إرسال رساله إلى السفا ره لغرض تامين له اسكورت
وفي حالة إجابة السفارة يكون الأمر مؤكد وانه مقابلته لاتوجد بها خلل


بالنسبة للأخ الكابوي  وفيما يخص صورة القيد
أنا هنا أأيد أخي عطر بغداد وللأسباب ألتاليه
الذهاب إلى دائرة النفوس وطلب صورة قيد للإغراض الترجمة ويحاول أأكد يحاول
أن تكون صورة القيد للجميع أفراد ألعائله
وفعلا يتم الذهاب الى دائرة السجلات لغرض التصديق والترجمه علما أنهم بنفس هذه الدائرة يتم ترجمتها وتكون لكل شخص مهم مهم مهم جدا لكل شخص راح تكون له صورة قيد مفرده وبعد ذلك إلى زيونه للتصديق
وبعدها إلى وزارة الخارجيه للتصديق عليها
لاتتعجب أو تستغرب للانه أذا فلعت هذا راح تكون هذه ألورقه أو صورة القيد
وثيقه جداجدا مهمه لديك وتحتاجها في أمريكا ويمكن لك أن تعوض بها عدة وثائق

هذا أنا فعلته ولك الخيار

الأخ انطوني  أنصحك بالفحص بمستشفى الشفاء للانني أجريت الفحوصات هناك
المبلغ اقل والاجرات أسرع
ومها تحتاج أنا حاضر بالمساعده

أنا أرجو منكم ان تتقبلو مني اعتذاري للتاخر عنكم بالرد
وشكرا مره ثانيه للاخي عطر بغداد
أخوكم NOOR 2

[Handyman S]

باركولي شباب اجاني موعد مقابله في لبنان في بدايه الشهر الرابع وانشاء الله يوم الي يجي موعد مقابله اخونه وحبيبنه سيف المشهداني لان اتوقع الموعد مالته الاسبوع القادم لان هو ديمر بنفس اجرائاتي وانشاء الله يوم الى الكل يجيهم الموعد ويسافرون 

[سيف المشهداني]

لك عيني الله يبشرك بلخير يارب يارب يارب  تسهل امورك يا اصيل بارك الله بيك حبيبي واني لاحكك ان شاء الله ربي يسهل مقابلتك يا تاج راسي

[BaghdadGhost]

اخوتي فالكون و ابو الانوار و SIVandIOM .....

مشكور الكم اخوتي عالرد ويارب يوفقكم ....... نور ظل بالي يمك تاري السالفة طلعت يم النت .... ان شاء الله يصير طلقة ....

اخي و صديقي Handyman S .......

طبعا هذا الخبر قديم ..... هسه راح تكلي شون اني عرفت ..... راح اكلك فوت على هذا الرابط وشوف اني شنو الي كتبته وراح تتعجب ..... بس هم اكلك مبروك

http://www.ankawa.com/forum/index.php/topic,273142.msg3687589.html#msg3687589


سيوفي ......

تتذكر الاغنية الي تكول ظلينة بس انه وياك ....... هههههههههه

[سيف المشهداني]

حبيب بغداد الغالي ....
ههههههههههههههههههههههههههههه
ياخوبه انا وياك راح انعزل المنتدى ونطلع انقفل ونطلع اخر اثنيين يارب نفرح اثنينه يارب بس كول يا الله والله ما ينسه عبده ومبروووك للكل الف مبروووك

[vincenzo]

هاي منو يروح ومنو يبقه ؟؟؟؟ ههههههههههه
اخوان انتو كلكم تتوكلون وتروحون وراكم بعد عمر طويييييييييييييييييييييييييييييل لو اجي وراكم لو لا هههههههههههههههههه

[Anthony Carmelo]

الف مبروك handyman s  بالتوفيق ويوم الي تفرج على الجميع
الف شكر للخ نور 2 والاخ فالكون على تعاونهم المثمر
تحية وسلام
انطوني كرملوا

[mongoose]

 الله يسهل على الكل  
اني تم تحديد مقابلة لي الشهر  الرابع
في بغداد
اني كملت كل شي يوم 8-11ويا nvc
علما اني  على القديم
دعواتكم الي يوم استلم الفيزا بعون الله
ويوم نتلاكة كلنا بتكساس

[الكاوبوي العراقي]

مشكورين اخواني الاعزاء
شبح بغداد وفالكون ونور وكل الاصدقاء
والله انتم احسن عون والله يوفقكم

الاخ شبح بغداد  ساتواصل معك على المسنجر فقط قل لي ما احسن وقت لديك

وانا بخدمتكم اخواني الاعزاء

[BaghdadGhost]

اخي mongoose .....

الف هلة بيك و مشكور على مشاركتك يا ورد ... ان شاء الله تستلم موعد مقابلة من ال nvc و تتلاكة و نتلاكة بتكساس .......

حبي الكابوي .... اني حديقة ... يعني متوفر في المسنجر في اغلب الاوقات .... واذا مموجود بس دزلي رساله عالخاص بالمنتدى حتى افتح مسنجر .....

[NOOR 2]

أخوتي الاحبه الرائعيين
لا تنسو  لاتنسو التصويت وابداء الرأي بتثبيت هذا الموضوع

الف شكر والف تحيه للاخي الحبيب ............. بغداد  والف مبروك لحين الاعلان.........

وانا بخدمتكم دائما
اخوكم  NOOR 2

[BaghdadGhost]

حمودي حبيبي .....

شكرا للتذكير على البرنامج واني من هسه وصيت الوالدة تذكرني بي ..... بس هو اكيد على موضوعنه ؟؟ ومنو راح يكون ضيف البرنامج .....؟؟؟؟؟


اخي و صديقي نور2 ........

الشكر والف شكر بس ممنوع رمي العيارات النارية ......

[NOOR 2]

اخي الحبيب ......... بغداد

..............لحين الاعلان

ههههههههههههههههههههههههههه هههههههههههه

اخوك NOOR 2

[سيف المشهداني]

دخل يثبت الموضوع الا اسويها بلقاذفات الامه احركها ............ههههههه

[iraqgsm]

شكلنا مو دخنا من الصعدة و النزلة بالمنتدى مروتكم ثبتوا مه---------------------------------م

[iraqgsm]

مبرررررررررررررررررررررررررررررررروك التثبيت هسه تمام

[BaghdadGhost]

اخوتي الاعزاء ..... و الاخ نور2 ..... و الاخ ستافروس

الشكر الجزيل على كل المجهود الذي بذل من ترشيح و تأييد و تثبيت للموضوع ..... و عسى ان تعم الفائدة .....





الاخوة الاعضاء الاعزاء ...... لمعرفة اخر مشاركات اخوانكم ... الانتقال الى الصفحة الثانية .........

[NOOR 2]

اخي الحبيب ستارفوس الغالي

انا اشكرك جدا اخي واستاذي الحبيب ل
لاستجابتك الى رسالتي التي وجهتها لك
بارك الله بك وفعلا انا فخور جدا بك وبهذا المنتدى الرائع

الف شكر لك اخي واستاذي العزبز
والف شكر الى كافة اخوتي واساتذتي المشرفين والاداره

اخوكم  NOOR 2

[Shekha]

شكرا على التثبيت....

[untitled.man]

مشكورين على التثبيت...

تحياتي

[سيف المشهداني]

الـــــــــــــــــــــــــــــــــــــــــــــــــــف ألــــــــــــــــــــــــــــــــــــــــــــــــــــــــــــــــف مليــــــــــــــــــــــون
مبــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــروك
التثبيت موضوع رائع ويارب تسهل امورك الجميع واني اولهم يارب

[samoual]

ش

[BaghdadGhost]

اخي ممكن تساعد نفسك قبل ما احنه نساعدك .....

يعني باختصار ممكن تكتبلنه شوية عن حالتك و الخيارات الي عندك .... الي يقرا المشاركة مالتك يكول هاي الفيزا لامريكا بفلس و نص و لكل الاشخاص ..... ماكو هيج شي ..... بس شوية سولفلنة

[samoual]

ا

[سيف المشهداني]

samoual
اخويه العزيز اترك السالفه خل تولي ما تفيدك ........................

[SIVandIOM]

شباب......خلي فد واحد حباب من عدكم يجاوبه للأخ...احسن مما اني اتهور بيه...اني مو حباب بهاي السوالف....شبح حبي....تفضل بلا زحمة عليك

[Anthony Carmelo]

 samoual صدك لو تشاقة !!!

[ahmed.khalid_87]

هههههههههههههههههههههه
اني حباب وحجاوبة
اخوية العزيز بالsiv يطلبون رسالة من GLS تاكيد الوضيفة ولازم سنة
هاي شلون تجيبهة؟؟؟؟ورسالة تزكية وبيهة ايميل رسمي مال الجيش منين تجيبهة؟؟
انسة السالفة احسن هههههههه
تحياتي

[BaghdadGhost]

حبيبي samoual ....

اني هم حباب و انصحك تنساهه لهاي السالفة و الي كلك السالفة تصير بمجرد باج واحد ترة يجذب عليك .... العالم تاخذ وياهه لوري مستندات و وثائق و ركمنديشنات للمقابلة وتالي تنرفض ......

[سيف المشهداني]

ههههههههههههههههههههههههه
متكلي جنت اسير الامه محتركه صارلي 5 اشهر اركض بس وره الغضب وانته جاي اتريد بباج تروح لامريكا والله والله والله انيال قلبك!!!!!!!!!!!!!!!!1

[ahmed.khalid_87]

اخواني الاعزاء
صورة قيد ولادة لجميع افراد العائلة؟؟
وعدم محكومية من العراق واذا من خارج العراق لازم لكل افراد العائلة؟؟
تحياتي

[vincenzo]

صديقي العزيز سموال اني راح اصير اكثر واحد حباب بالجماعه واجاوبك فد جواب يخبل ههههههههههه
لتزعل مني ها
عيني انته تدري اني لمدة تلث سنين تقريبا مشايف اهلي وتلث مرات (اذا محظوظ وبقاعدة جبيره) من اطب للمطعم احط اصبعي على جهاز بالباب (وطبعا اني عايش وياهم كل الوكت) ويفوتون باجي اللي به شريحة الكترونيه مثل السيم كارد بنفس الجهاز ويتاكدون انو اني هو اني يلله ادخل للمطعم هههههههههه طبعا هايه الشريحه بيهه معلوماتي الكامله وبصمة الاصبع وقزحية العين وكلشي وكلاشي وطبعا هايه مستحيل تتزور لان حتى اذا عندك هيجي تكنلوجا فتشفير المعلومات بالشريحه ما اعتقد سهل
طبعا غير انه همه اكو ناس بنفس الوقت اللي اني اقوم بيه بعملي الطبيعي دينبشون ورايه ويطلعون قصص اجدادي العظام ههههههههه وكل فتره فترة يسوون ويايه مقابله امنيه من هايه التعجبك
وطبعا مو اي واحد مثلي راح يحصل هايه الفيزا اللي انته دتسولف عليهه وانما يرادلك سنين شغل وتزكيات وكومة اوراق ومقابلات تثبتلهم انه انته متعرض لخطر حقيقي بوجودك وين ما انته و مكاتل بكايه بحياتك كلهه هههههههههههههههه وما اريد اصعب الموضوع عليك صديقي بس اذا انته مماذي احد بحياتك وعندك المميزات والقابليات والخلك ان تشتغل وياهم فتكدر تبلش من هسه ووره سنه يجوز تنشمل بالبرنامج هاي طبعا اذا كدرت تحصل شغل هسه وهمه دينسحبون ولتسالني شلون تحصل الشغل لان هذا خارج نطاق هذا المنتدى واني اذا ما اعرفك شخصيا ما اكدر احط نفسي بهيج موقف
وانشاء الله جوابي مفيد
يا تزوير باج يامريدي هههههههههههه عمي ماكو هيج بكه تلعب شناو ههههههههههههه

[vincenzo]

احمد خالد صديقي مينراد مال ولاده لاي احد اذا عندك جنسيه ام الفسفوره (واكيد عندك) بس حاول تقره موسوعة فالكون وكل الخطوات وتستفاد

[SIVandIOM]

والله عمي طلعتوا صدك حبابين..همزين الله ما جاوبته اني...يمكن لو مجاوبه جان المشرفين منعوني من الدخول للمنتدى بعد...

حبي احمد خالد مثل ما كلك Vincenzo صورة القيد لعائلتك المباشرة..ما الك علاقه بهاي السالفه الجنسية هيه اللي راح تحير بيهه...اذا ما متزوج فراح تطلع لأهلك والك...واذا متزوج فراح تطلع الك ولزوجتك واطفالك....عدم المحكومية ماكو من العراق وبس من الدول المطلوبة من خارج العراق والك ولعائلتك اللي مقدمين وياك وجانوا بهاي الدوله...ولا اكلك...اقرى شوية بالمواضيع...

تحياتي

[سبع صنايع]

الف مبروك على التثبيت لهذا الموضوع الرائع

[سيف المشهداني]

vincenzo

صدك حـــــباب خوش اجوبه شافيه ههههههههههههههههههههههههه

[vincenzo]

شوف سيوفي صديقي شكد اني حباب...بس المشكله ليهسه ملكيت بت الحلال الحبابه بكدي هع هع هع هع هع هع

[samoual]

ي

[BaghdadGhost]

حبي   samoual .......

اكيد عرفت بان جاي نتشاقة وياك مو ...... بس اذا حسيت اكو دفرات بالموضوع ... ترة من الضغط النفسي لبعض الاخوان من ورة الانتظار الطويل ... يعني ينتظر على احر من الجمر المقابلة ... و من تجي يطلعلك العينتين القنصل بفد دربونه تخليك متعرف شتسوي ...... الله كريم وان شاء الله التوفيق للجميع ... و مشكور عالدعاء يا ورد .....

تحياتي

[NOOR 2]

السلام عليكم
اخوتي واحبتي

ان شاء الله السفر للجميع وبدون استثناء


يالله

اخوكم NOOR 2

[samoual]

لا اخوية شبح بغداد اكيد كل الاعضاء  يتشاقون اعرف هذا
والله يساعدهم على الانتظار  ندعي الله يسهل لهم الامور كلها

[vincenzo]

اخويه سموال عود سلمنه على جرير والفرزدق والاخطل ههههههههههههه شنو شو نسيتني
لا كلمة شكر لا حامض حلو لا شربت
ادري مو اني حباب وين الدفرات بحجيي هههههههههههههه
ثم تعال اكلك انته حجيك كلله حزازير واني كلفتني صفنه ام الست ساعات (والصفنه طبعا مو النه) يلله كدرت اخمن انه انته بتركيا وبعدني ممتاكد
شنو فتاحين فال احنه؟؟؟؟
بس احب اضيفلك انه هذا المنتدى واعضاءه واشباحه (على عناد نور الورد) هو ارقى مكان اني شايفه بحياتي ينطيك مساعده لوجه الله وبدون مقابل وشلون نصائح اتخبل
واني راح انطيك اول نصيحه:
عيني شكد متذكر تفاصيل عن نفسك وتكون اوضح شكد ما راح اخوانك هنا يساعدوك وانته هم بهالاثناء مساعدهم لان حالتك راح تنضاف لخبراتهم وراح قسم يقارنون وياك ويستفادون
بس انته كون تصير ذكي وتنطي كل معلومات قضيتك بدون اي شي يخلي اي واحد يعرف انته منو طبعا للضرورات الامنيه لان الموقع والمنتدى عام ومنعرف منو ممكن يكون ديتفرج علينه وعلى اللي نكوله
واهلا وسهلا بيك واكثر بالوياك

[samoual]

ا

[vincenzo]

والله اخويه اني مهندس الكترون وماجستير وحياتي كلهه رياضيات ومعادلات وحاسبات وولا يم الشعر بس همه هذوله جماعتك اكو واحد ميعرفهم
ومثل مكتلك انته ابقه ويانه وانته انشاء الله تستفاد بس نصيحه جديده
فكر هوايه يلله تنزل موضوع جديد لان اذا قديم بالنسبه للاعضاء فمراح هوايه يتحمسون للاجابه وحاول تسوي مثلي اول مندليت المنتدى دور بالارشيف وسوي بحث بالموقع وعادي راح تصرفلك فد شهر قرايه واطلاع وبالاخير اني متاكد راح تلكالك زاغور يوديك وين متريد بس يرادلهه شويه تعب واحتمال تلكه ناس مثلك بالضبط وبعدين تصيرون اصدقاء وتسولفون بره المنتدى وتتوصلون لنتائج وتنزلوهه كمواضيع لباقي الاعضاء حتى يستفادون

[iraqgsm]

اخوتي اليوم الساعة 11 الصبح استلمت رسالة من nvcinquiry ملحق بملف بي دي اف يحتوي على موعد المقابلة يوم 27\4\2009 بعد 17 يوم فقط من دخول بحر الضلمات (طلع شط زغيروني)
بسبعد انتظر رسالة ثانية المفروض استلمها من السفارة حول الدخول للخضراء و اماكن الفحص الطبي
يوم الكم جميعا

[show]

الف مبروك اخي iraqgsm  على اجتيازك بحر الضلمات وبهذا السرعه القياسيه

بالتوفيق للجميع

[ahmed.khalid_87]

اخوية العزيز شايف مليون خير
والموفقية ان شاء الله
تحياتي

[سيف المشهداني]

الف مبروووك خويي والله يسهل امرك

[vincenzo]

فرحتلك فرح مو طبيعي صديقي واللا شويه احزم الحجيه واركصهه ههههههههههه وانشاء الله الفيزا والسفر السريع وهسه اول ميصير عندك وكت نسولف بالمسنجر حتى اباركلك من صدك ههههههههههههههههههههههههههه

[BaghdadGhost]

اخي و صديقي و عزيزي iraqgsm ........

1000 مبروك و متعرف هسه اني شون فرحان ...... الي الشرف بان  تستقبل التهاني بهذا الموضوع بس اني اخالفك الراي  بشي واحد من كلت موضوع عطر بغداد ..... اخي هذا الموضوع مثل ما احس اني و انته وباقي الاخوة الي مقدمين عال siv هو موضوع كل شخص بينه و مثل مكال بعض الاخوة ... هذا الموضوع صار مثل غرفة خاصة بجماعة ال siv في بيت منتدى الهجرة واللجوء .... ماكو مرة من المرات اني فتت للموضوع و مشفت بيهه واحد من الاخوة متواجدين بالموضوع ....

اليوم الفرحة جبيرة و حضر نفسك لعزيمة ..... بس بعد ما تقابل ان شاء الله و يختمولك الجواز  ......

[BaghdadGhost]

ها صدك نسيت .... هسه المن وصل السرة ..... يوم الالك سيوفي عن قريب ان شاء الله .....

مو ...... لو اني غلطان ......

[NOOR 2]

الف مبروك اخي الحبيب iarqgsm

ان شاء الله السفر قريبا

ياربي تفرحني بسيوفي ونخلص
سيوفي انته وغفت كلش علينا هههه
الف مبروك

اخوك  NOOR 2

[سيف المشهداني]

والله يا اخوان مو كتلكم اني راح اعزل المنتدى واطلع اخر واحد هاذه اذا طلعت شغلتي اتعصلكت على كوله صاحبي ...
اليوم هم خابرتهم وراحت واجتي وسئلت السوبر فايزر كلهاكولي له بعدها بلغضب كتلها 6 اشهر كالت يكول راح اتصل بيهم واشوف السبب تاخير واسوبع الخ هم خابر ؟؟؟؟؟؟؟ حركو دمي الله يرك دمهم

شكرا للكل عن السؤال لاكن يا اخوان احتاج دعائكم لان شغلتي اتعصلكت ...

[وداعاً بغداد]

أخوان يمكن أني مطفي من الرئيسي بس شنو رقم I.Z

[Anthony Carmelo]

مليون مبروك IeaqGSM  والله فرحنالك وفرحتنا بنفس الوقت بلكي الله تسرع المعاملات عاد ..
امنياتي لك بالتوفيق والحصول على الفيزا
تحياتي
Anthony Carmelo

[SIVandIOM]

الف الف مبروك حبي iraqgsm وانشالله يوم اللي تستلم الجوازات مفيزة وانشالله يوم السيوفي وكل الاخوان

وداعا بغداد رقم IZ بمعاملات الاي او ام يعني الكيس نمبر الرئيسي مالتك وبمعاملات الاس اي في هوه الكيس نمبر اللي يخصصلكياه RPC علمود شغله البنفتس والمساعدات فقط يعني مو الكيس نمبر الرئيسي...تحير بيه يمن تحصل الفيزا او تخلص اورافك من ال NVC

 تحياتي

[iraqgsm]

اخوتي شكرا جزيلا وبارك الله بيكم و يوم للكل و اولهم سيوفي
اخي عطر بغداد والله هذا الموضوع انشاءالله وجه خير للجميع

[سبع صنايع]

الف مبروك اخوية العزيز

وان شاء الله يوم الفينشنزو والشبح وسيف و2007 والكل ان شاء الله واحنة عدنة صديق بالمنتدى طولت اجرائاته الأدارية 10 ايام فقط والله سهلهة علية والبارحة دزولة ايميل بالفحوصات وراح يتبعوة بموعد مقابلة وما اكدر اكتب اسمه الا اذا هو دخل لأن يمكن هوه يريد يبشركم او يمكن يخاف من الحســــــــــــــــــــــــــــــــــــــــــــــــــــــــــــد !!!!!!

وعندي استفسار احب كل الي عندة معلومة يجاوبني بالسرعة الممكنة
اكو بنية اسمهه ساسي فاتحة موضوع وعندهة استفسار هيه خارج العراق ومتكدر ترجع السؤال هو
اكو واحد بيكم سوة صورة قيد 57 من الجنسية وما اخذهه للسنك يعني كبل ترجمهه بنادر الرجاء الأجابة وبالسرعة القصوى مع الشكر

[SIVandIOM]

اي والله...وكلتهه بالموضوع مالتهه وكلتهه بهذا الموضوع....لك عيني سبع شلون بيك...احلفلك؟؟؟

يمعود من الجنسية لمكتب نادر لل NVC وانته تعرف اني هسه وين واصل.

[SIVandIOM]

وهسه هم عدت الحجي مرة اللخ بالموضوع مالتهه...بعد شسوي؟

[سيف المشهداني]

الله اني من الجنسه وديتها لهذه بلسنك والاجراءات بسيطه مو معقده بس الا هي تجي او واحد عدها منها وكاله عامه بس ماطول الاخ sivايكول من الجنسيه وترجمها صح هم تصير بس همه طالبين مال سنك وكلها تعبر عليهم لان هم اغبـــــــــــــــــــياء جدا جدا

[pro77]

اخوان منو يندل ال DHL  ببغداد  وشلون اودي اوراقي بالبريد


ابو هدى

[BaghdadGhost]

حبي ابو هدى ......

اكو بفندق فلسطين ... واكو بالمنصور يم سيد الحليب ..... اني دزيتهن من فندق فلسطين ... بس الصراحة هواي جماعة وراهه نصحوني بالفرع الي بالمنصور لان تعاملهم احسن و ارخص و احسن ....

[vincenzo]

يعني هذا البالمنصور شنو شمكتوب عليه قطعه؟ لان مو مال واحد يروح ويسال بالشارع
ووين بالضبط عالشارع العام مال نفق الشرطه (يعني جنك جاي من العلاوي ورايح للنفق ورى متعبر الاربع شوارع مال اليرموك)

[iraqgsm]

اخوتي فد سؤال اني موعد مقابلتي يوم  27\4\2009 و اتصلت اليوم بمركز الشفاء و انطوني موعد هذا الاسبوع و اليوم من جنت اتصفح موقع وزارة الخارجية لكيت تعليمات للفحص الطبي لجماعة ال siv يكول
Notice to Applicants
All IV and SIV applicants must obtain a medical examination by a panel physician one week before their scheduled appointment at the Consular Section. For information on where to obtain this medical examination please email BaghdadIV@state.gov.
يعني الفحص لازم كبل اسبوع بس مو اكثر قبل المقابلة
والملف بالمرفقات للتاكيد
فممكن احد يساعدنا و شنو رايكم اخابر الشفاء و ااجل الموضوع

[BaghdadGhost]

حبي iraqgsm .....

انته ليش تدخل نفسك بهاي المعمعات ..... انته بس اتقيد بالايميل الي دزولكيا و التعليمات الموجودة بي ..... كلشي لتلغي و توكل على الله ...... يمعود يعني همه هيج مظبوطين ..... اكو مقولة يكولوهه الامريكان بهاي الحالة only in a perfact world

[iraqgsm]

حبي iraqgsm .....

انته ليش تدخل نفسك بهاي المعمعات ..... انته بس اتقيد بالايميل الي دزولكيا و التعليمات الموجودة بي ..... كلشي لتلغي و توكل على الله ...... يمعود يعني همه هيج مظبوطين ..... اكو مقولة يكولوهه الامريكان بهاي الحالة only in a perfact world

اخوية مو المشكلة هذا جزء من ملف موعد المقابلة
IMPORTANT INFORMATION
Please read and follow all Interview Preparation Instructions located on the
Department of State's web site at:
http://travel.state.gov/visa/immigrants/info/info_1335.html
Important information regarding the required medical appointment is listed
on this site. Failure to read and promptly follow all instructions provided on
this site will result in your immigrant visa being refused at the initial
interview.
وبعد متدخل لهذا اللينك و تختار medical examination و تختار الحروف التلاثة الاولى للكيس نمبر مالتك يطلعلك ملف بي دي اف اللي ارفقته بمشاركتي السابقة

[BaghdadGhost]

اخوتي فد سؤال اني موعد مقابلتي يوم  27\4\2009 و اتصلت اليوم بمركز الشفاء و انطوني موعد هذا الاسبوع و اليوم من جنت اتصفح موقع وزارة الخارجية لكيت تعليمات للفحص الطبي لجماعة ال siv يكول
Notice to Applicants
All IV and SIV applicants must obtain a medical examination by a panel physician one week before their scheduled appointment at the Consular Section. For information on where to obtain this medical examination please email BaghdadIV@state.gov.
يعني الفحص لازم كبل اسبوع بس مو اكثر قبل المقابلة
والملف بالمرفقات للتاكيد
فممكن احد يساعدنا و شنو رايكم اخابر الشفاء و ااجل الموضوع

زين حبي ..... انته ليش تكول قبل اسبوع مو اكثر ... ليش متكول الفحص لازم يكون قبل اسبوع او اكثر قبل المقابلة ....... يعني انته اذا خلصت الفحص الطبي قبل اسبوعين من المقابلة ... مراح هذا الشي يخالف الي همه كاتبي ......

[BaghdadGhost]

حبي ....

طبعا اني رحت عاللنك الي انته خالة وتاكدت من الملف .... بس بنفس الوقت نزلت الفايل مال عمان ... وشفت الفرق شاسع بين كمية المعلومات المذكورة ..... جيكهه انته بدربك .... قصدي انه هذا الشي لو مهم جان ذكروا مثل ما ذاكرين تفاصيل بالنسبة لاداء الفحص بغير مدن .....

[سيف المشهداني]

يمعوديين الدعاءا اليوم مقابله اخونه نووووووووووووووور دعواتكم يارب سهل امره يارب

[ayoka]

شلونكم شباب
اني سالفتي غير سالفه
اني مشكلتي تارك الشغل من زمان وفالت بدوله ما بيها بس 10 عراقيين . عندي ريكمنديشنات وباجات وقدمت على siv وعلكتها بالسفاره الامريكيه وخليت السفير يتصل بالبرنامج الي بغداد بس هوا الاثول دزلي الايميلات الداخليه الي بناتهم اكو واحد من الريبلي يكولون احنا نشك انه عنده سنه خدمه بعدين مجاوبه كله ثبت انه عنده اكثر من سنه وخلوني بقلق ؟
لان مشكلتي انكطعت اخبار السوبر فايزر عني بس عندي ريكمنديشنات بتواريخ المباشره والانقطاع
اذا اكو واحد مر بهاي المشكله يكدر يجاوبني بليز

[SIVandIOM]

حبي iraqgsm مثل ما كلك اخوية شبح لا تقلق على موعد الفحص. اني جماعه الشفاء اصروا انه يسوولياه قبل يومين فقط من المقابلة وحاولت وعالجت وياهم وما فاد بس ما فرقت ولا راح تفرق شغله الاسبوع القصد منهه انه يحثوك على ان تكون النتيجة بأيدك بيوم المقابلة وهوه هذا المهم...ممكن قبل اسبوعين وممكن قبل يومين...وبعدين ترة الفحص مال الشفاء قمة بالكلاوااااااااااااااااااات فلا تدوخ.

الاخ ayoka اولا السفارة الامريكية في بلدك ما الهه علاقه بالSIV من اول التقديم الى حد ان تخلص اوراقك عند الNVC بس بالمرحلة النهائية يلا يتدخلون ويسوولك مقابله بيهه (اذا امكن هذا الشي). هذا السفير اللي يمك كلش متعاون وحباب وديتساعد وياك بس في واقع الامر هوه ما اله علاقه. نصيحتي ان تحاول جهد امكانك ان تحصل السوبرفايزر مالتك او اي شخص اخر (امريكي الجنسية) كان يشتغل وياك علمود يسويلك الركمنديشن لتر وهم لازم تتصل بالجهه اللي جنت تشتغل وياهه علمود يوفرون verification of employment اللي هوه يختلف عن recommendation letter يعني اكو شغلتين مو شغله وحده. احتمال الركمنديشنات اللي عندك تشتغل ك verification of employment اذا انطبقت عليهه الشروط بس ما ممكن ان تستعمل الركمنديشنات اللي عندك ك recommendation letter لأنه هاي لازم تكون مكتوبه خصيصا لاغراض ال SIV يعني جديدة وطالعه من الفرن تجوي. وعلى فكرة عزيزي هيه هاي صعوبه ال SIV تكمن هنا بهذني الوثيقتين. اتمنى ان تكون اجابتي فادتك.

انشاء الله الموفقية لأخونا نور NOOR 2 ونسمع عنه اخبار حلوة ومفرحه انشاء الله.

تحياتي واسف على الاطاله. 

[ayoka]

اخويه siv اشكرك على اهتمامك
اني شكلي مطوف لان الامريكان يمكن نسوني مكاعد يجاوبون والباقين ما اعرف ايميلاتهم .
زين اذا اكو نقص بالاوراق مال siv يجاوبوك راسا لو وره ما تنتهي المهله مال 4 اسابيع يدزولك طابع وهاي هيه والله دخنا يا جماعه

[SIVandIOM]

حبي ayoka جماعه ال SIV يجاوبون بس تعرف الايميلات بالسره وشوية تطول بس اي نقص عندك يجاوبوك ويكلولك وفرلنا فلان شغله علمود نكمل معاملتك ووراهه بعد ما يدزولك الا ان تدز الشي اللي طالبه. ولازم تدور على الجماعه اللي مشتغل وياهم حتى اذا ما عندك ايميلاتهم اسئل عليهم غير ناس ومن واحد لواحد ترة الدنيا اصغر مما تتوقع والوجوه تتلاكى...واذا كلهه قفلت بوجهك سوي بحث بال google على اسمائهم وممكن ان تلكى هوايه معلومات عنهم بالانترنت...دور.

[ayoka]

داد siv اني اشكرك ورده
عندي اسامي موقعين على الريكمنديشنات راح احاول اطلعها على الكوكل بلكت الله يرهمها ويه الكل ودعائي ل noor بالتوفيق وللكل .
واني جدا اشكرك siv

[iraqgsm]

اخوان شكرا على الردود و بارك الله بيكم

[ayoka]

اخوان اني طولت عليكم بس الي عنده معلومات عن الخطه البديله لل siv وهي iom هل صحيح ان التقديم محصور فقط في العراق والاردن ومصر ولبنان هل ممكن من دوله اخرى ارجو الرد لان siv شغله وجعانه للي عايف شغله من فتره طويله وطافر

[vincenzo]

اول شي يمكن اني متاخر وهسه نور الورده حاط الفيزا بجيبه الزغيرون فاعتذر

ايوكا حبيبي ممكن بس اعرف منو هاي الدوله البيهه بس 10 عراقيين ههههههههه حتى تكون قضيتك واضحه للكل ولان اني عندي اصدقاء ديقدمون من هواي دول يمكن متجي ببالك واحتمال اكدر اساعدك

ثانيا اذا هم ممكن تسولفلي شنو كان شغلك او على الاقل ويامن وهل كان اكثر من سنه لان هيه الحرب مصارلهه 6 سنوات يعني قابل صارلك عشرين سنه فالت

اخيرا انته شنو وضعك بالمكان اللي انته بيه ؟؟؟ لان اذا لاجىء قانوني فانسى ال iom

اتمنى ان متزعل مني وان تفهم انه قصدي من الاساله هو حتى افهم موضوعك زين واكدر اني واخواني الاعزاء هنا نساعدك احسن وحتى يمكن نوصلك بالسوبرفايزر مالتك

[حداد السيوف]

1-   تاريخ أرسال معاملتي كان في شهر 1-11-2008 من العراق
2-   تاريخ أستلام التوقيع هو يوم 6-12-2008
3-   تاريخ وصول الاوراق لنبراسكا هو 4-1-2009
4-   تاريخ استلام اول ايميل من ال ان في سي هو 7-1-2009
5-   تاريخ أرسالي للأوراق هو2-2-2009
6-   رقم تقريبي Bgh2009411000
7-   يوم 29-2-استلمت من جماعة وابس نيت
8-   لحد هسه ماعندي رقم تقريبي لل اي وزي ولكن عندي موعد مقابلة واتمنى ان تكون مساهمة مفيدة واتقدم بالشكر للوردة شبح بغداد على هذا الموضوع الجميل والمفيد

[BaghdadGhost]

حبيبي حداد السيوف ......

اهلا وسهلا بيك ويانه بهذا الموضوع ... ان شاء الله ربي يسهل عليك المقابلة ..... طبعا حرصك على تقديم الفائدة لزملائك هو الي خلاك تشترك بهذا الموضوع وتضيف معلوماتك لان مثل ما مبين من المعلومات بانك محصل على موعد مقابلة ..... يعني مبادرتك قليل الي يسووهه و مشكور يا ورد ....

اكو شي مبهم ..... شون اتصلوا بيك جماعة ال وابس نيت و بدون مينطوك رقم اي زي ...... لان همه من اتصلوا بيك ... يعني معاملتك وصلت يمهم .... مو .....

اتمنالك الموفقية و تسلم يا طيب .....

[حداد السيوف]

هو هذا الي مدوخني اخ شبوح
ليش مدزولي رقم اي زي بس طلبو مني ادزلهم نسخة من الفيزة من احصلهه

[vincenzo]

لك هله بابو السيوف الورده
اي هسه تمام وراح اتوسطلك يم جماعتنه ال SIV ويصرفولك باج بيه شبح ميخوف يفيدك اذا تريد تقدم على هجره للعراق من امريكا هع هع هع هع هع هع

[BaghdadGhost]

بس لا عندك واسطة ...... علة كولة اخوية vincenzo هع هع هع هع هع

[حداد السيوف]

مشكوووووووووور ياوردة على شعورك بس اني اخاف من باج الاشباح سويلي باج ابو السيوف واني احدلك اياه حد ههههههههههههه
حبي شبح بغداد اخويه العزيز ممنون اللك هوايه بس اني لا وساطة ولايحزنزون بس والله على كثر ماساعدت الناس وماضميت بكلبي المعلومات او الشغلات الي تفيد جماعتي الله وفقني
وحتى بالشغل اكو من جماعتنه حتى الي ميريد ايروج اروحله ونصحه وكوله هايه فرصة واظل اشرحله من اول خطورة الى ابعد نقطة اني واصلهه
مع تحياتي لك ياشبوح الاشباح

[vincenzo]

ابو السيوف بس لا انته اللي مقنع نص الشعب يقدمون عال SIV ومسويهه ازدحام ودتتاخر معاملاتنا من وراك هههههههههههههههههههههههههههههههههههههههههههههههههههههههههههههههههه

[The Immigrant]

السلام عليكم اخواتي و اخواني
اشكرك عيني شبح بغداد على هذا الموضوع الرائع اللي كان من المفروض اشارك بيه من زمان بس آني كان ماعندي انترنت الشهر الماضي و بالشغل ما اكدر ادخل على المنتدى و هسه يلله سحبت انترنت للبيت
على العموم ... آني مقدم على ال إس آي في من العام بس ما كنت ذاب حيلي عالشغلة بحيث تأخرت لما حصلت موافقة رئيس البعثة ببداية الشهر الثاني و دزيت اوراقي لل إن في سي يوم 15/2/2009 ووصلت يوم 19/2/2009 و دزوا رسيت نمبر لل C/O مالتي بامريكا يوم 23/2/2009 و كالوا بأن الكيس مالتي أبروفد و أول البارحة دزولي ال إن في سي الكيس نمبر BGH 2009 XXXXXX
اخوان آني دايخ بشغلة و ما اعرف شسوي
آني كنت في الأردن بفترة التسعينات لأكثر من مرة يعني أروح و من تخلص اقامتي لو أجي للعراق لو اطلع للبنان ابدل الفيزة و مرة من هاي المرات آني باقي بعمان لمدة أكثر من 6 اشهر ( يعني لفترة مستمرة ) و هذا طبعا كان بجواز ال M و وراهه سقط الجواز و طلعت جواز N و هم رحت بيه للأردن لمدة 7 أشهر وهم سقط و طلعت جواز S  و هسه عندي G بس هاي الأخيرات ما بيهن بقاء لأكثر من 6 أشهر خارج العراق
و لو طولت عليكم أخوان بس بصراحة آني في حيرة كبيرة لأن مستحيل هسه اكدر اروح للأردن علمود اجيب عدم محكومية ................ زين شلون؟؟؟؟؟؟ اكدر امشيهه و اكول آني ما باقي في اي دولة خارج العراق لأكثر من 6 أشهر؟؟؟؟؟؟؟ يعني أكول آني جنت بعمان ... بس أكول بقيت 5 أشهر فقط ؟؟؟؟؟

اخوان انتوا كلكم خبرة ....... ساعدوني رجاءا

أخوكم
The Immigrant

[Shekha]

اخواني الاعزاء....

كبل يوم طلعت من بحر الظلمات و استلمت موعد المقابلة نهاية شهر الرابع....

الف الف مبروك للاخ نور والاخ iraqgsm وان شاء الله الكل يسافرون .....

بس بالنسبة للفحص همه مأكدين على الاقل تكون كبل اسبوع:

Panel physicians and medical examination- All IV and SIV applicants must obtain a medical examination by a panel physician at least one week prior to their scheduled appointment at the Consular Section. For information on where to obtain this medical examination

اني ان شاء الله بداية شهر الرابع ابدي بالفحص والله كريم...


اخوكم
Shekha



 

[Anthony Carmelo]

اخواني هذا كلامكم يعني لازم الفحص الطبي اقل شي اسبوع قبل موعد المقابلة ؟؟؟ صحيح

[iraqgsm]

اخوية Shekha و Anthony Carmelo اني اتصلت بالسفارة و كالولي مو مشكله كبل شهر او اسبوع  المهم تجيب النتائج و ياك مثل ما كال عطر بغداد
Shekha مبروك اخوية و انشاءالله اني وياك بنفس اليوم

[vincenzo]

شوف شبح
كلام شيخا وكلام iraqgsm الجديد يثبت انه انته يمكن غلطان بجوابك ل iraqgsm لان لاحض عبارة at least ولو همه يقبلون بالعكس جان كتبوا at most ومع ذلك اعتقد انه الموضوع كلله زايد من عدهم وهمه مجرد يريدون يضمنون انه  كامل ومكمل وويه  الواحد يوم المقابله

اخويه the immigrant اني برايي لتغلس على اي معلومه وكللهم انه متكدرتجيب عدم محكوميه لان هسه مستحيل تحصل فيزا للاردن وهمه يعرفون واذا لحو (او حته هسه انته حاول) دز على عدم محكوميه مناك من اي احد تعرفه هناك ولو بفلوس او اعتقد اصلا سفارتهم هنا ممكن تساعدك بس عندي شعور انه ممكن يخبثون عالواحد اذا يكللهم ديريدهه علمود هجره لامريكا او انه هوه مشتغل ويه امريكان
وسمعتهم معروفه بكونهم شكد خوش اوادم

[ماجلان]

.

[vincenzo]

صديقي ماجلان انته والمهاجر
متكلولي شكو رحتوا للاردن بذاك الوكت ههههههههه واكثر من 6 اشهر
غير يصير شويه عدكم بعد نضر بالتسعينات وتتوقعون راح الامريكان يطيرون صدومي ويبقون بالعراق وتضطرون تشتغلون وياهم وبعدين ينسحبون ويسوون برنامج ويسمونه اس اي في وبعدين ايسهلونه هذا كلله وهم جان لازم تتوقعن انو باقين طيبين لهسه هههههههههههههههه
لتفهموني غلط اصدقائي تره دا اتشاقه بس هوه طلب الامريكان شويه مو واقعي ولا عملي
وانشاء الله نلكالهه حل

[ماجلان]

.

[BaghdadGhost]

اخواني The Immigrant و ماجلان .....

الموضوع وصاحب الموضوع يتشرف بمشاركتكم ويانه ... و مثل مكال بعض الاخوة ... ان شاء الله يكون مشاركتكم فاتحه خير و تسمعون اخبار حلوة باذن الله ..... بالنسبة لشغلة عدم المحكومية .... اني اييد كلام اخوية vincenzo .... يعني تحجي الحقيقة افضل من ان تراوغ ..... مثل مجاي نشوف هالايام بان مقابلات ال siv هو شي روتيني و مجرد لاثبات الهويه لا اكثر ولا اقل .... اني رايي ان تحكون الحقيقة و بنفس الوقت تاخذون عدم محكومية مال بغداد حته تغطي على الباقيات .... لان موظف السفارة مرات يحب يساعد و هوه مابيدة شي بس هذه امور مطلوبة منه .... فاذا سال ذاك الوقت على عدم المحكومية .. سلموا مال العراق و كولوله على القصة مال بقية الدول ....

حبي vincenzo .....

طبعا خليتني اشكك بابو العوينات الي بساحة النصر الي سوالي الفحص و النظارات قبل شهر ..... قصدي من هذا انه اذا تقرا الي كتبة اخوية iraqgsm بمشاركته الاولى ... راح تشوف ماكو كلمة at least ..... و ترة هذا الشي مثل ما انته ذكرت مجرد تحفيز حتى الواحد يخلص الفحص الطبي .....

عذرا اخواني على التاخر بكتابة الرد بس البارحة مكان عندي نت .....

التوفيق للجميع ....

[Anthony Carmelo]

اخواني عندي سوال شاغل بالي 
اني خدمت شهر عسكرية معسكر تدريب سنة 2001 وبعدهه حصلت تاجيل لقبولي بالماجستير انذاء وخلصت الماجستير وصارت الحرب.... وكل هذا دزيته الهم ..... السوال هسة وضعيتي شلون يعني اعتبر مطلوب خدمة شهرين لو هسة متشملني العسكرية لان حسب ما ادري صارت طوعية مو الزامية على الاقل هل الفترة ؟؟ بس لا يريدون كتاب تسريح؟؟؟؟
عذرا يمكن البعض يعتبرة  silly question بس معلوماتي بالعسكرية موكلش
تحياتي وشكرا للمساعدة
 

[BaghdadGhost]

حبي انتوني .....

صدك تحجي ... اكيد جاي تتشاقة .... بس اكو شي اني مفتهمته ... منو الي يطلبك شهرين ؟؟؟؟؟

[iraqgsm]

Anthony Carmelo
اني خادم عسكرية بعد مترقن قيدي بالكلية و خدمة بس سنة ونص و يشهر العاشر 2002 اجى قرار الرئيس القائد ابو حفرة بالعفو و اعادة المرقنة قيودهم و رجعت للكلية و تاجلت عسكريتي و ما عندي اي مستند صحة كلامي هذا و دزيت هذا الحجي مع تفاصيل خدمتي لمركز الفيزا القومي بورقه ووقعت عليها و انطوني موعد مقابلة فلا تقلق و اني برسم الخدمة و الاخوان كلهم مراح يقصرون

[sinjab]

يا اخي يا iraqgsm مفتهمنا اي حفره تحجي عنها

تقصد الحفره مال الدور لو مال سامرا

مو هيه حتى الحفر كثرن

[vincenzo]

صديقي انتوني انته سالفتك بالضبط مثل سالفتي بس اني ورقت لظابط التجنيد "سيء الصيت" واجل تسويقي وجبه 3 اشهر وبعدين هم ورقتله وهم اجلني وجبه 3 اشهر وطلع قبولي بالماجستير بوكتهه بس المشكله انه باخر تاجيل مرجعلي دفتر الخدمه اللي كان بطاقه خضره وضيعوه وبعد محتاجيته ودائما اكول اني ملابس عسكريه (ولو مرات بالسكريننك يتسودنون من يسمعون اني ماجستير ولا بعثي ولا لابس جيش بس اني دائما اثبت على رايي الى ان شككوني بنفسي وقبل فتره من طلعت الوثائق من الكليه كلبت بفايلي وتاكدت انه اني جنت مستقل الى ان سقط النظام والحمد لله)

بالنسبه الك قصتك مابيهه اي اشكال وسولفهه الهم كما انزلت
ما اعرف عندك مشكله غير اللي كلته ؟؟؟؟؟

[vincenzo]

ماجلان والله خربتني ضحك ههههههههههههههههه وهو اني هذا قصدي كان ان اضحكك ولو انته واكع بورطه وبما انه المعزب الشبح عنده نفس رايي فروح والهوه بضهرك

سنجاب شنو هاي حفرة سامرا... هاي اني مسامع بيهه

[vincenzo]

بالمناسبه هايه سالفة التوريق للظابط هم جنت احجيهه بالسكريننك وجانو شويه يضوجون بس مكان عدهم مشكله

شتكولون اذكرهه بمعاملة الهجره او مقابلة محلف؟؟؟؟ ولو هيه ماكوا اي دليل يثبتهه وحد يعرفهه بس اني والظابط مال تجنيدي وواحد من جنوده جان اللوكي مالته...يعني جان ممكن اني اوتوماتيكيا اتسوق باخر وجبه منو يقره منو يكتب وهمه خالين هايه السالفه حتى ظباط التجنيد يسترزقون بذاك الوكت لان الظابط مالتي جان دافع سرقفليه لوضيفته دفتر ونص بذاك الوكت ههههههههههه

عمي والله العراق هسه مليون مره احسن من مذلة ورعب ذيج الايام بس هم موزين نسبتا لفرصة الهجره لامريكا وخصوصا اذا الواحد مهدد بسبب عمله

[Handyman S]

هلو اخواني واصدقائي اليوم سمعت شخصيا" من شخص عنده مقابله في بيروت كانت ثلاث ايام   وراح يستلم الفيزه البارحه واجلو موعده يعني كلوله روح احنه نتصل بيك وصارت بيروت هم اتخوف لان اتصلت بيه اليوم الى بيروت وكانت وضعيته كلش تعبانه وهو وحده متزوج

[Anthony Carmelo]

BaghdadGhost  ولا مدا اشاقة اذا تناقشهه قانونيا والله يستر
iraqgsm حبي ممنون الك هواية شكرا للمعلومة والله يسهل امرك بالمقابلة  / همزين اني لكيت نسخة من كتاب التاجيل ودزيته الهم و نسخة من كتاب الدراسات للتبليغ بوكتها
vincenzo صديقي مكصرت والله ومن رايي لتذكر شغلة الفلوس مال الضابط لان احتمال تعتبر بنظرهم تساعد على الرشوة وهاي نقطة ضدك بس عندي تعليق اول مرة اسمع واحد ماجستير مو بعثي ههههههههه ما ادري بس الهندسة احد الشروط الرئيسية الي يجب توفرها بالمقدم تاييد بانتمائة للحزب ودرجته الحزبية  وبعد ما ادري احتمال غير كليات يجوز وهم جريتني لسوال شتكولون اكول اني جنت مويد لمن قدمت على الماجستير لو لا ؟؟؟ اكيد همة عدهم خبر انوا الماجستير لازم منظمين لهل الطامة

تقبلوا مروري
انطوني كرملوا

[سيف المشهداني]

Handyman S
اشلونك اخويه اشلون الباقيين ان شاء الله مرتاحيين هاذا مو خوش خبر اخويه مال لبنان هم ياجلون اشطلعت لعد وين نروح خاف لبنان تعبت هم مثل البقيه بس اكو خبر انه الاسماء كل الي مقدميين او الي مقابليين رايديها ال FBIماعرف ليش تجييك فهاذا هم راح ناخذ شهر تاجيل و(هلنا عايشين ياجدوووو) الله يسهل امر الجميع اخويهHandyman S  البصير كلك هاذا المعلومه لو غيره لان البصير هم مقالبه لبنان ماكو اي خبر عليه ضل بالنا عليه ؟؟؟؟؟؟

[BaghdadGhost]

صدك هذا راح يكون مو خوش خبر ...... الله يسهل لكل الاخوة الي بلبنان .....

حبيبي انتوني ...... تدري خويك فلت من هاي سالفة العسكرية والحمد لله و كضيتهه 7 سنين بالكليات علمود لا البس ..... ان شاء الله التوفيق ......

[vincenzo]

انتوني حبيبي اشكرك عالنصيحه مال العسكريه واني هم اكول هيج بس اني حاجيهه بالسكريننك اثناء الشغل ويه الامريكان غباء من عندي وما اعرف اذا راح يجيكوهه بعدين

بالنسبه للحزب اعتقد بالسنوات الاخيره من عمر النظام صارت هيته هههههههههه ويمكن لان اني جنت اول على قسمي المهم اني مجنت منتبه الهالموضوع ابدا الى ان اشتغلت ويه الامريكان وكاموا يلحون بهايه السالفه ويتفاجاون الى درجة اني هم تفاجات ليش اني مستقل ولو اكو بعث بذاك الوكت والله جان انتميت حتى اسهل مقابلات تجديد الباج كل فتره ههههههههههه وهسه انته حيرتني...شتكول اكول اني جنت مؤيد كذبا وافتراءا هههههههههههه ليروحون يعتبروني جذاب بالكوه هههههههههههههههه وياوصونهه عليه واني لا بالعير ولا بالنفير ههههههههه

[BaghdadGhost]

اخوان ...... اكو موضوع احب نناقشة .....

شون الي مقدم على ال siv يعرف الولاية الي راح يسكن بيهه ..... اكيد البعض راح يكول .. يمعود غير يودون الواحد يم الكفيل .... بس السوال هو .... شون الواحد يتاكد من هذا الشي ... يعني اكو رقم تلفون ام فقط مراسلة جماعة البنفتس عن طريق الايميل ؟؟؟؟

[Shekha]

اخويه BaghdadGhost ،

اذا عندك كفيل فراح يسكنوك يمه واذا ماعندك كفيل راح يكلولك انطينا اسم شخص رايد تبقى بنفس ولايته و هذا الي صار وياه....

Regards

Shekha

[BaghdadGhost]

حبي Shekha ....

هذا الكلام صحيح واني هم اعرف بي .... بس البارحة كنت يم ولد صاحبي هم مقدم على siv  و حددولة موعد مقابلة ... سالته مقدم عالبنفتس ؟؟ كال لا .... كتلة ليش ؟؟ كال لان جماعه البنفتس حاليا مجاي يسكنون الشخص يم الكفيل و همه يختارولة بكيفهم الولاية و المدينة .... يعني السالفة متخالفة .... لذلك اني حبيت اعرف اذا اكو طريقة يكدر الواحد بيهه يتاكد من الولاية و المدينة قبل متوكع الفاس بالراس ....

مشكور حبي عالرد

[NOOR 2]

اخي الحبيب عطر بغداد الغالي

انا على يقين كامل انه يمكن لك السكن باي مكان ان تختاره وهذا ما انا لاحظته بالرغم من ان الشخص الذي قابلني طلب مني عنوان في امريكا سالته عن ذلك
الكرين كارت
سئلته عن السكن اخبرني هل انت مقدم على المساعدات اجبته بنعم

انا وانت سنتكلم بذلك على الماسنجر ان شاء الله
اخوكم  NOOR 2

[/size][/i]

[ahmed.khalid_87]

اخوية العزيز NOOR 2
شكد طولت معاملتك الsiv
من تاريخ تقديمك لحد تاريخ حصولك على الفيزة؟؟
تحياتي

[BaghdadGhost]

حبي حمودي ......

نور حاليا ماعندة نت .... الصراحة هو عندة بس كلش تعبان .... هاليومين راح يروح لابو المنظومة و يشوف شنو السالفة وان شاء الله يجاوبك ...

[BaghdadGhost]

اخواني .....

حبيت اخليكم بالصورة بالنسبة لاخر التطورات ..... اخونه الرحال حصل على الفيزا بس عندة مشكلة صغيرونة بشغلة البنفتس

و اخونه سنجاب طلع من بحر الظلمات و حصل موعد مقابلة ... بس هم عندة مشكلة صغيرونة بشغلة الجواز ....

هذي روابط المواضيع و الاخوة يطلبون عونتكم .........

http://www.ankawa.com/forum/index.php/topic,285101.0.html

http://www.ankawa.com/forum/index.php/topic,284978.0.html

مبروك للاثنين

[سيف المشهداني]

عاشت ايدك عطر بغداد وان شاء الله الموفقيه للجميع

[ahmed.khalid_87]

اخوية العزيز شبح بغداد
شخبار معاملتك وية الnvc
اني الnvc لحد ممتصلين بية
تحياتي

[BaghdadGhost]

حبي حمودي ....

اني خلكي طويل ويه ال nvc  .... ههههههههههه

زين انته معاملتك طلعت من نبراسكا ..... واذا طالعه صارلها شكد ؟؟؟؟

[Shekha]

اخواني الاعزاء،

هل بيوم المقابلة يريدون الفورم DS-234 ؟؟؟

Regards
Shekha

[Anthony Carmelo]

اكيييييييييييييييييييييييد يحتاجوههه وكل شي دزيتهه نسخ اصلية لل NVC

[Anthony Carmelo]

الاخوان الي راح يستلمون فيز ان شاء الله والي استلموا بهل الايام اكوا خبر قريتة كبل فترة حول
(سفارة الولايات المتحدة تمدد صلاحية تأشيرات الدخول لحاملي جوازات السفر العراقية لمدة سنة واحدة) يعني الفيز الممنوحة صلاحيتهه سنة من الاصدار  تشمل فيز الهجرة لو بس سياحة وعمل؟؟

[BaghdadGhost]

والله حبي انتوني ما عندي اي معلومة على هذا الخبر ........ بس يا ريت يطلع صدك .... بلكي الاخوة الاعضاء عدهم هيج معلومة او احد يكدر ياكدهه

[SIVandIOM]

الخبر صحيح بس ما متأكد انه التمديد يشملنا...شكل الخبر يوحي بأنه خاص بالتأشيرات العادية...الزيارات والدراسه وما الى ذلك مو تأشيراتنا الخاصه...والله اعلم.

[NOOR 2]

اخوتي الاحبه
الخبر غير صحيح للانهم يطلبون منك السفر خلال 3  اشهر

يعني الفيزه لحد الان  3 اشهر

اخوكم NOOR 2

[ahmed.khalid_87]

اخوية العزيز
بتاريخ 18 دزولي نبراسكا موافقة
واليوم دزولي الnvc
الكيس نمبر
تحياتي

حبي حمودي ....

اني خلكي طويل ويه ال nvc  .... ههههههههههه

زين انته معاملتك طلعت من نبراسكا ..... واذا طالعه صارلها شكد ؟؟؟؟

[BaghdadGhost]

مبروك حمودي وان شاء الله متطول يم ال nvc .......

[vincenzo]

اخواني الاعزاء الله يساعدهم
ماعندي شي جديد غير بس نصيحه تحشيشيه نلطف بيهه الجو
احمد خالد وشبح بغداد وكل اللي ببحر الظلمات
اكو نازله جوابه (جمع جوب) مال تايرات جديده رهيبه اتمنى كل واحد يقتنيله كم جوب حتى يبقى مطوف ببحر الظلمات في موسم الضروف الجويه التعبانه منا وهيج
الله يكون بعون الجميع

[ahmed.khalid_87]

اخي العزيز الله يبارك بيك
ان شاء الله نسمع خبر استلامك الفيزة
تحياتي

مبروك حمودي وان شاء الله متطول يم ال nvc .......

[NOOR 2]

اخي الغالي عطر بغداد الحبيب الورده الطيب ال ال ال ال ال بعد
اخوتي الاحبه
رجاء تقبلو مني الاعتذار عن التاخيير وهذه هي قصتي مع بحر الظلمات

1.   2 /9/2008  استلمت موافقة السفاره
2.   30 / 10 / 2008 ارسلت اروقي من نبراكسا الى NVC
3.   14 / 11 / 2008 وصلت اوراقي الى  NVC    بحر الظلمات
4.   9 / 3 / 2009      استلمت اجمل رساله وهي خروجي من بحر الظلمات وتم تحديد لي موعد
5.   وفعلا تمت مقابلتي والحمد لله انا الان انتظر استلام التاشيره

اخوتي يرحم والديكم انتم احسبوه وعرفو المده
اخوي العطر اكو موضوع انته مغلس عليه
وهذا تنبيه لك اعلن لو اسويه معارك داميه لاتغلس لاتغلس لاتغلس لاتغلس

واني بخدمتكم والف تحيه للعطر البغدادي
اخوكم  NOOR 2

اخوني الاحبه

تنفذا لرغبة اخينا الغالي ايكه

تم مقابلتي يوم 22 /3
واستلمت التاشيره يوم 4/4

ارسلت التاشيره يوم 6/4

وانا انتظر موعد سفر لحد الان ما بلغت

وانا بالخدمه

[BaghdadGhost]

اخي العزيز نور2 .....

مشكور حبيبي عالمشاركة ولو فتيت افادي و افاد العالم ياله نزلت التواريخ واني اعرف بان النت يمك تعبان ...... ربي يوفقك و يوم السفر عن قريب و الالتحاق بفالكون ان شاء الله .....

اني ابد ممغلس وانته تدري و اني عند وعدي بس بوكتهه ان شاء الله .... وتدلل

[Anthony Carmelo]

الخبر صحيح بس اعتقد ميشمل الهجرة الخاصة مثل مكال الاخ  SIVandIOM
وهذا لنك الخبر

http://iraq.usembassy.gov/pr-031909.html
تحياتي

[NOOR 2]

اخي الحبيب انتوني الغالي
كلامك صحيح للانني قابلت قبل عدة ايام
ووقعت على وثيقه اتعهد بها بالسفر خلأل 3  اشهر

التاشيره الخاصه غير مشموله

وما احلى العطر البغدادي ...............

اخوكم  NOOR 2

[HUMMER]

ألسلام عليكم

أنا أشارك لأول مرة في تجمع الخير هذا و عندي سؤال موجه لأخوان SIVandIOM و سبع و أرجو ان يتسع وقتهم لأجابتي:

الحقيقه لدي نفس حالتهم مع القنصليه!!

ألسؤال هو :  هل حاولتوا ألأتصال بالقنصليه عن طريق ألأيميل أو ألهاتف ؟

مع الشكر الجزيل.

[SIVandIOM]

للأسف ما اكدر اجاوب قبل ما يجاوب اخوية سبع...هسه يجاوبك لا تخاف لأنه خوش سبع وابن حمولة

[HUMMER]

أنشاء الله كلنه أخوان ................... أني بالأنتضار

[SIVandIOM]

اثناء انتظارك عندي سؤالين الك اذا مو زحمة عليك...شوكت قابلت؟؟ وهل شكيت بأي شي كان هوه السبب اللي خله القنصل يسوي هالشكل وياك؟؟ يعني كونك على القديم او الجديد او عسكريتك او سفرك او اي شي حسب اعتقادك..ولا تدوخ جوابك يمنا انشاء الله...بس ننتظر سبع شوية

[HUMMER]

ألأسبوع الأول من شهر الثالث.

بصراحه أعتقد أن ألأسئله و أجوبتي كانت عاديه و ستندر ولا أضن أنها كانت ما سبب التأجيل.
و لم أرى على تصرفات القنصل ما يدل على شك!

ما ردت أبحثهه و ياكم هو : ما هيه أحسن طريقه للأتصال بالسفاره للسؤال عن أي تقدم من عدمه؟
(طبعا" عندي علم بالأيميل baghdadsiv@state.gov و رقم الهاتف الموجود على الوب سايت).

هل هناك طريقه أخرى؟

أكيد أتصلتوا بيهم.

ممنون مقدما".

أخوكم

[SIVandIOM]

سهله الوسيله موجودة...ومنا لباجر اذا ما جاوبك سبع الصبح تكون يمك انشالله.

[George W. Bush]

هلو شباب
اني اخوكم George W. Bush عضو جديد وياكم اني حصلت على فيزا SIV في الشهر الثالث من هذا العام

و التواريخ كالأتي
قدمت اوراقي شهر الثامن 2008
حصلت الCOM في شعر التاسع 2008
دزيت اوراقي لنبراسكا نهاية شهر التاسع 2008
جتني موافقة نبراسكا في منتصف الشهر العاشر 2008
وصلني الكيس نمبر مال NVC في بداية الشهر 11 من 2008
كلولي ال NVC كملت اوراقك و هي تحت المراجعة يوم 12/12
دزولي موعد مقابلة في بداية الشهر الثالث من 2009
و قابلت و استلمت الفيزا بعد يومين من المقابلة في الشهر الثالث 2009
استلمت كيس نمبر من RPC منذ شهر 12 2008
دزيت الفيزا الهم و لحد الأن انتظر موعد السفر
اني ما خادم عسكرية و متزوج


ناوي اروح لولاية ميسوري ياريت الي عنده معلومات عن هاي الولاية يبلغنا بيها

شكرا
اخوكم George W. Bush

[SIVandIOM]

الاخ العزيز Hummer

على الوعد ...الوسيله هيه الرقم التالي
0012026631225
لا تنتظره يكمل اللغوة مالته راسا دوس 1 وبعدين 0 وتنطي الكيس نمبر وتشوف النتيجه..

من رخصه اخوية سبع...الرقم هوه نطانياه واني انتظرت يوم الى ان يدخل وهوه ينطيه بس عسى ان يكون المانع خيرا...وما اعتقد انه سبع راح يمانع لأنه ورده...بس الفضل في هذا الرقم لله وبعدين لسبع صنايع...اللهم اني بلغت اللهم فأشهد..

تحياتي

[HUMMER]

أخويه أشكرك جدا".

أليوم بلليل سوف أتصل بهذا الرقم.

سأعاود ألأتصال بكم عند حصولي على نتيجه.

الشكر الجزيل مره اخرى لك و للأخ سبع.

أخوكم

[BaghdadGhost]

اخي العزيز ..... hummer

اهلا وسهلا بيك بيناتنا وان شاء الله منقصر وياك .....

حبي SIVandIOM ......

 الله يبارك بيك على المتابعة و ان شاء الله متطول سالفتك ويارب تفرحنه عن قريب

اخي العزيز ..... George W. Bush

اهلا وسهلا بيك اخي بيناتنا ..... مبروك على استلام الفيزا وان شاء الله السفر القريب .....

بالنسبة للولاية تكدر تجيك موضوع النور مال الولايات كلهن  ..... هو احد المواضيع المثبته .....

اخي سبع ..... ان شاء الله يكون المانع خير ...... الك وحشة

[vincenzo]

عاجل عاجل عاجل (على طريقة اخويه وحبيبي نور)
siv2007 حصل موعد مقابلة SIV
صدكوني هاي مو كذبة نيسان
ولو هوه البارحه خبصنه خبص بالباركولي مالته
هههههههههههههه

[vincenzo]

اخويه شبوحي هو الرئيس بوش مديسال على شغلات موجوده بالانترنت لو ربعنه مترجميهه من هاي المواقع وانما من ناس موجودين هناك

مو سولفنه بهالموضوع وحتى انتقدت الاعضاء الكلش متميزين قبل فتره لان ديسوون هيج وعلى تقصير اخواننه اللي بامريكا على الاستمرار بالمنتدى

[BaghdadGhost]

اول شي اريد ابارك لاخي و زميلي siv2007

ثاني شي اريد افرحكم باخي نور2 لاستلامه التاشيرة ....

حبي فجنزو .... والله حقك و اني الغلطان

[Anthony Carmelo]

مليون مبرووووووووووك للاخ نور 2 استلامة الفيزا ويارب الوصول بسلام
ابارك للاخ siv2007 موعد المقابلة بعد طول الانتظار ويارب حصولة على الفيزا

Anthony Carmelo

[SIVandIOM]

واخيـــــــــــــــــــــــــــــــــــــــــــــــــــــرا انجبست الفكة ..اقصد انفكت الجبسة مال SIV2007 الف مبروك للعضو الاعتك والاقدم بال SIV يمعود هاي ينرادلهه قطيع طليان...بالموفقية حبي وانشالله يوم لشبح العزيز.

مبروك ابو الانوار على الفيزا و انشالله يوم السبع والي ولكل المهفوفين بوري...الف مبروك

[BaghdadGhost]

ها اخواني ...... هاي فرحة ثالثة ......

اخونا البصير هم حصل على الفيزا البارحة ... بس اليوم نزل الموضوع ......

الف الف مبروك حبي ويوم الوصول سالم ان شاء الله

[سيف المشهداني]

شنوووو هل الاخبار الحلوة المن اكول مبرووووووووووك اكول مبروك النا كلنا لان اي واحد ربي يفتحه بوجها يعني علينا كلنا لان احنه اخوان بس اسمحلولي بلبدايه اكول مليار ومليون والف مبروك لاغلى اخ وصديق نور مبروك حبيبي استلامك الفيزة واكول الف مبروك لاخونا العتيك siv2007 على استلامك الموعد واكول الف مليون مبروك لاخونا البصير لاستلام الفيزة ربي يسهل امر الجميع

[MO87ALQAYSI]

[/b] مرحبا اخواني شكرا علة الموضوع الراقي
اني مقدم علة البرنامجين طبعا الاي اوم ام و الاس اي في
واصل لمرحلة مقابلة المحلفين بلمقابله المحلفين هاي بلنسية للاي او ام
و واصل لمرحلة الي قبل بحر الظلمات ههههههههههههه( يعني عندي كيس نمبر و صالي خمس ايام من دزيتهلهم الاوراق مالتي اقصد NVC) و هسة خايف لان يكولك المقدم علة البرنامجين يمكن ينرفض و الطامة الاكبر انو ماعرف شوكت موعد المقابلة مال محلفين يعني ( علحشن خالتنه الا او اي) علما انو اني بالاي او ام مفاتح ملف انما اسمي بلملف وية والدي !!!! هل هذا رح يعتبر انو اني مقدم علة المعاملين؟؟؟؟
و صارلي خمس ايام من مكمل الاوراق مالتي هل هاي شغلة طبيعية؟؟؟؟
علما اني بعمان و اجيت لعمان  لان الاي او ام سهلتنه فيزة الدخوووووول و رح امووووت من القلق !!!
اخوان الي يعرف اي معلومة رجائا يقدملي المساعد و اشكركم هووووووواية .....

اخوكم المحطوط علشحن القيسي

[vincenzo]

صديقي القيسي الورده
اولا اسمك معقد حاول تغيره لان بصراحه ما اعرف شاصيحلك لان هوه اضبط من اسمي عبالك باسورد ومجموعة حروف وارقام وعالكهه
ثانيا اخذهه من اخوك الزغير ورى نقاشات وجدالات طويله بالمنتدى وويه الاصدقاء والقوانين يوميه متغيره اتاكدت من فد شي واحد وهو انه محد يرفضك لهذا السبب ولكن ممكن احد البرنامجين يطلب منك بايميل ان تترك البرنامج الثاني والاختيار راجع الك وانته تعرف ان ال SIV مميزاته افضل بهواي بس يبقه محد يعرفك بكد ما انته تعرف نفسك ويا برنامج افضللك
فروح اخذلك جرخله على مواضيع المنتدى واقرا كل ردودهه وقرر
وخصوصا هذا الموضوع واستعمل خاصية البحث بالمنتدى
واعذرني من التقصير

[vincenzo]

اعتذر اسمك واضح بس اني بطئي فهيم
"مو القيسي-تولد 87" ههههههههههه

[NOOR 2]

يا أروع وأنبل وأجمل وأغلى أخوه

اشلونكم تاج راسي

حبيبي الغالي فينشوز + فنينشوس + فينجوز
هاي أمين طلعتلي بيه مال عاجل عاجل عاجل  والله مو آني
هههههههههه
أخويه بالله عليك تأكد منو هذا صاحب العاجل عاجل
وأساسا هذا مو أسلوبي أبدا

اننوني الغالي ألورده ربي يبارك بيك ويفرحنا بأخبارك

         SIV and IOM 
 الحبيب أدعو الله وبحق فاطر السموات والأرض يفرجه عليك
وعلى أخي الحبيب سبع واله العظيم في أول يوم مقابلتي تذكرتكم

أويلي سيف أويلي
حبيبي الغالي وصديقي العزيز ألورده الطيب الرائع
أدعو لك من كل قلبي وفي كل صلاه أن يفرجها عليك يالله ونفرح بيك
والله انسويلك حفله من العمر ولصبح دك ولطم .
وهيه تره ماتحله بدونك ابدآ لا التاشيره ولا السفر ألا سيوفي بيه
هههههههههه

نسيت وهاي كله من وره فنجوز
ألف شكر لك أخي الحبيب الغالي والرائع والطيب
عطــــــــــــــــــــــــــر بغداد رغما عنك
والله يبارك بيك ياشهم

وعلى عنادك فنشوز ههههههههه

أخوكم
NOOR 2

[vincenzo]

اخويه نور الورد
والله ردت انزع هدومي واركصلك مصلخ بنص الشارع
ههههههههههههههههه

[سيف المشهداني]

اشلونكم اصدقااااء
والله دوخوني ذوله البعوره ؟؟؟؟ البارحه خابرت الساعه 8 جماعه الغضب المهم كلتلي رقم الكيس واسمك صفنت اشويه كالت اوكي كلها كملت بقى بس تحديد يوم موعد كتلها بس كولولي متاكده خلصت من الغضب كالت اي خلصت كتلها يعني اشوكت تدزولي موعد كالت ما اعرف بس يمكن اسبوع الخ ؟؟؟ كلت يا الله لهنا اوكي صح
اني الخميس داز ايميل من الدوام اليوم اجيت فتحت الايميل لكيت دازيلي البارحه ايميل الساعه 8 ونص يكولون اوراقك بعدها بلغضب شسوي ماعرف راح يخبلوني شنو الفلم ماعرف ؟؟؟؟؟ واني اكدت عليها كتلها اتاكدي كالت اوراقك كلها كملت وطلعت من قيد الدراسه والمراجعه الغضبيه شنو الفلم فهموني

[vincenzo]

يمعود سيوفي شكو مستعجل
مسامع بيت الدارمي اللي يكول:
   لا تسرع يا بابا
                       فنحن بانتضارك
ثم هو اسوا احتمال هو ان يصير وياك مثل اخونه SIV2007 لو محمد رشيد
وداعتك كلهه 18 شهر ويدزولك فد موعد يخبل
هع هع هع هع هع

يمعودين شنو كلكم تروحون وتعوفوني وحدي هنا
اكوم احجي ويه نفسي...اسال سؤال ... واجاوب نفسي... عود منتدى علساس

[NOOR 2]

حبيبي واخي الغالي فنجوز
الله يسلمك ويفرحنا بيك
ان شاء الله من تكمل كل الاجرآت 
اني وياك دك رقص ونكطع الشوارع
ويتلكانه عطلر بغداد وسيوفي بالسايد الثاني هم عالكينه

ههههههههههههههههه
الله يحفظكم من كل مكروه
اخوكم
NOOR 2

[سيف المشهداني]

يمعود يا مستعجل صارلي 6 اشهر ؟؟؟

[سيف المشهداني]

نور حبيبي شكرا على ردك الرائع بس والله ذوله دوخوني وما كدرت اكتبلك رد المهم تحياتي الك وين انته موجود هههههههه صارت اغنيه ربي يوفقك ويسهل امرك يارب

[ahmed.khalid_87]

اخواني الاعزاء
ال ds-0234 المعروفة بالbiodata
تنملي بالحسبة لو شلون؟؟
تحياتي

[BaghdadGhost]

اخواني نور 2 و فجنزو ......

الله يديم هاي الفرحة يا رب .......

[Anthony Carmelo]

اخواني اريد رايكم
صارلي تقريبا شهر من دزيت اوراقي لل nvc ولحد الان مجاني ايميل من benefits election 
ادزلهم ايميل هسة لاستحصال رقم IZ ؟؟؟ هو صحيح على الايميل  Siv@wrapsnet.org لو غيره؟؟؟
اشكركم مقدما

[BaghdadGhost]

لا حبي انتوني ...... ترة مده شهر جدا اعتيادية ..... لتستعجل و ان شاء الله همه يتصلون بيك .... هذا رايي بعد ما اعرف شنو راي الاخوة .....

اخواني الاعزاء ...... لمعرفة المزيد من امور ال siv الانتقال الى الصفحة الثالثة ........

[BaghdadGhost]

حبي سيوفي ......

بس انطيهه شويه صبر و معليك بشغله الايميل .... ان شاء الله راح تستلم موعد مقابلة هذا الاسبوع و كول كال الشبح ...... التحديث للداتا بيس مالتهم يكون يومي ... الاجابة على الاستفسارات الهاتفية يكون اصح .... لان ارسال ايميل المقابلة يكون ضمن بروسس شوية بي تاخير لان تصور شكد مسجلين كيسات يم ال ان في سي .... مو مثل الاتصال .....

[untitled.man]

اخي العزيز شبح بغداد
تحية طيبة...
طبعا اول شي احب اهني كل الاخوان اللي حصلوا الفيزا، واللي تحددلهم موعد مقابلة... انشالله دائما متوفقين...
ثانيا، اعذرني ما حدثت المشاركة مالتي لانه جنت هوايه مشغول... بس لا مسجلني غياب...
اخويه بالنسبة للكيس مالتي، الـ NVC دزولي ايميل يوم 21-03-2009 والكيس نمبر BGH200957705X
واليوم يله دزيتلهم الاوراق مالتي.... وجطينه ببحر الضلمات... وماشاءالله داشوف هواية جماعة مطوفين كدامي... بس ولا يهمك اخوي النجادة مالتي اصليه... مو مال مسبح الفردوس... ههههههههه
وبالنسبة للفورم DS234 وطريقة ملئهه، فكلامك كلش صحيح بس احب اضيف شغلة انه بالاصدار 7.0 احتمال ما تكون موجودة Typewriter فلازم تسوي ابديت للادوبي اكروبات وترست الحاسبة وتبدي تشتغل... الابديت تقريبا 54 ميغابايت.

تحياتي

[BaghdadGhost]

حبي untitled.man ,,,,,,

شون ممسجليك غياب .... اكيد غياب و من زمان .... ممنوع من المشاركة الا بحضور ولي امرك ...

حبي حمد لله على السلامة و مكانك خالي مبروك على التطورات الجديدة وان شاء الله متطول يم  ال nvc .......

[BaghdadGhost]

و نسيت اكلك بالنسبة للادوب بروفشنل .... اني قصدت الفيرجن الثامن .... لان هو كلش عملي .....

مو تكطع يا ورد ....

[BaghdadGhost]

حبي حمودي ......

الاستمارة 234 لا تملا بالحاسبة ...... يعني مو مثل البقية .... بس اكو طريقة اذا تريد تمليهه بالحاسبة .... تفتح الاستمارة بالادوب اكروبات بروفشنل ... وتروح اليفوك على شريط الادوات الرايسي ... و تنقر على Tool .... وراهه راح تطلعلك قائمة ... تختار منها Typewriter ... راح تطلعلك اله طابعه تكدر تكتب بيهه شتريد بالاستمارة او وين متريد ......

ربي يوفق الجميع .......

[BaghdadGhost]

اخواني المشاركين .....

لمعرفة المزيد من تفاصيل ال SIV يرجى الانتقال الى الصفحة الثالثة ....

[BaghdadGhost]

اخواني الاعزاء .......

راح استغل هذه الصفحة لجمع تفاصيل مقابلات اخوتي من القمدمين على ال SIV و ذلك للحصول على صورة واضحة جدا حول المقابلة و الي تعتبر خطوة مصيرية و اخيرة في مسيرة الحصول على فيزا و السفر الى بر الامان ......

بنفس الوقت الموضوع ما زال مفتوه امام الاخوة الاعضاء الجدد للمشاركة و الانظمام الى هذا البيت الرائع .....

[سيف المشهداني]

والله عمي عطر وورد وقلب ونبض بغداد انته
تاج راسي عاشت ايدك على هاذا المجهود وربي يسهل امرك بجاه الواحد الاحد حبيب قلبي رايد بس اذا واحد مقابل لبنان مثل اخونا الغالي البصير يشرحلنه اشويه واني جدا ممنون رحم الله والديكم جميعـــــــــــــــا

[NOOR 2]

شكرا لك اخي الحبيب الغالي

عطر بغداد رغما رغما عنك

على هذا الموضوع والمجهود الكبير
وانا عن نفسي اعتبر هذا الموضوع هو ركني المضل والذي اجد به
اغلى الحبايب
ويحتوي على اجمل الافراح

الف الف الف شكر للعطر البغداداي الاصيل
وعلى عناد العزيز الغالي
فينشوز ÷ فينوز = فنجوز

اخوكم

NOOR 2

[Haidor]

الف مبروك للاخ نور 2 و الف شكر للاخ شبح بغداد لمتابعة اخبار الاخوة و السؤال عنهم ..

أحب أن أحدث معلوماتي ... فقد ارسل لي مكتب الفيزا القومي رساله يخبرني بان أرسل لهم جميع اوراقي قبل اسبوع و انا أعمل منذ ايام على اكمال هذه الاوراق.

سؤالي: هل يجب أن نعمل عدم محكوميه اللي أحنه بالعراق؟ انا بصراحه لم أجد مثل هذا الشي بالتعليمات ... فلماذا نقوم به؟ لذا قررت أن لا اعمله.  سؤال أخر: أنا مقرر أن اترجم صورة القيد بواسطة مكتب ترجمه عادي و ليس كما يفعل الكثير ... هل فعل احد الاخوه هذا الشئ و حصل فيزا؟

تحياتي .. حيدور

[سيف المشهداني]

اخويه حيدر نصيحه من اخوك
لا تدخل نفسك بشغلات تدوخك طلع صوره قيد حتى لو ما تدزها بس طلعها ميراد لها شي تعب نفسك يوم والترجمه اني انصحك ان تترجمها يم نادر لان احنه فتحنه عينيه نادر يترجم للسفارات والهيئات الحكوميه ترجم وسويها ودزها وكول يا الله وربي يسهل امرك بجاه الواحد الاحد
اخوك سيف المشهداني

[Haidor]

سيف

ممنون اخويه عل النصيحه ... بصراحه لو أكو مجال جان سويته لعدم المحكوميه بس أخوك أرتبط بعمل بعد ميكدر يفك مننه ياخه ... صورة القيد الحمد لله طلعتهه بس دايخ بالترجمه ... يمكن أترجمهه يم نادر مثل ما كلت ... اسهل من الفرره مال دائرة النفوس ... يبقى عدم المحكوميه اذا ما سالوني عليه من أدز اوراقي ما أسوي ... بلكي يمشوهه ...

تحياتي .. حيدور

[ahmed.khalid_87]

اخواني هاي الرسالة من الnvc
According to the Department of State's Foreign Affairs Manual (FAM), the
police certificate for Iraq is unavailable, so you do not need to obtain
a police certificate for Iraq.  However, if you lived in any other
country for more than 1 year you would have to obtain a police
certificate for that country.  For more information regarding police
certificates, please visit our website at
http://trave.state.gov/visa/frvi/reciprocity/reciprocity_3272.html.

Regards,
KJR
National Visa Center
SIV Unit
Serco Inc., Support Contractor
NVCSIV@state.gov 
603-334-0828

عدم محكومية من العراق ممطلوبة
وقبل جانت اذا عايش اكثر من 6 اشهر يجيب عدم محكومية هسة سووهة سنة
يعني متساهلين وية العراقيين
تحياتي

[BaghdadGhost]

حبي سيوفي ....

شكرا على كلماتك الجميلة ... ان شاء الله راح ابحوشلك على مقابلة بلبنان و اجيبلك التفاصيل ....

اخي نور 2 ....

شكرا صديقي على المشاعر الرائعه وربي يسهلك امرك ....

اغاتي حيدور ......

اخ عزيز و اني ممنون على مشاركتك و استجابتك .....

بالنسبة لعدم المحكومية ... اني اشوف ان هذا المستمسك كلش مهم تدري ليش ؟؟ لان العراق صارلة بال30 سنه الفاتت بلد دمار و ارهاب و عصابات .... و بما انك راح تترك هذا البلد و تريد تخلي مسؤليتك من اي شي قد تتهم بي مستقبلا ... لذلك اني افضل الواحد يطلع عدم المحكوميه حتى لو مراح يستخدمهه بشغلة السفر ... يعني السالفة مثل الواحد من يترك العمل يسوي براءة ذمه .... تصور اذا ربي سهلك و رحت لاميركا .. و احتاجيت هذا المستمسك للتقديم على شي معين .. شنو راح يكون موقفك وراح تكول ياريت سويتهه من جنت بالعراق ... اما بالنسبة للمقابلة .... اخي نور2 يكول صحيح همه مسالين على عدم المحكوميه ... بس بالمقابلة اول شي يسالون عنهه .... و فد شي مهم جدا ... بقت يمك ...

اما بالنسبة لسوالك على شغلة الترجمة ... فهذا الشي جدا اعتيادي وراح انطيك رابط لموضوع مالتي اني شارح بي كل شي عن هذا الموضوع .....

http://www.ankawa.com/forum/index.php/topic,242799.msg3473525.html#msg3473525

[BaghdadGhost]

اخواني الاعزاء ....

راح ابدي بمقابلة اخونا فالكون باعتبارة اول من قابل .....

هذي التفاصيل و رابط الموضوع للاطلاع اكثر على التفاصيل و الاساله و الاجوبه .....


انا دزيت الرساله قبل اسبوعين من المقابله  وهم ردو علي وكالو تعال للمنقطه الخضراء في يوم المقابله بس قبل الساعه 8:30 حتى ندخلك ولازم تجي من مدخل الجسر المعلق بالكراده .
بيوم المقابله انا وصلت الساعه 6:30 للخضراء وظليت انتظر السكورت الى الساعه 9 يله اجانا الاسكورت واخذنا الى السفاره الامريكيه علمود المقابله وبعد شكم نوع من انواع التفتيش دخلوني الى قاعه المقابله
طبعا قاعه المقابله هي عباره عن قاعه صغيره حوالي 9 ب4 متر وبيها عشر شبابيك الشباك الاول مخصص لجماعه الرسوم والي هم يستلمون رسوم الفيزا طبعا برنامجنا ما مشمول بهذا الشئ لان احنا كلشئ فريه

الشباك السابع وهو المهم بالنسبه النا لان هو مخصص لجماعه الهجره الخاصه طبعا اول ما تدخل تسلم جوازك لهذا الشباك وهو راح يكلك اكعد وانا اصيحك وطبعا كل الي عدهم مقابله كاعدين بنفس الغرفه وتعرفت بهواي اصدقاء هناك المهم بدو يصحونا واحد واحد بس بالمقابله احنا كلنا نسمع شنو يكولون وشنو يسئلون وهم المقابله هي كلش سهله بس يراجع وياك الفحص الطبي والي انت كاتبه و وين اشتغلت وشنو كانت مهماتك بشغلك وشنو خططك اذا انطاك الفيزا ورحت الى امريكا المهم انا ظليت اسمع الاسئله واجمع معلومات منا ومنا يعني عرفت شلون اجاوب على اسئلتهم.

المهم الصبح جان موجود شخص يطلع الروح لان كل شوي يعيد السؤال ويدقق ومرات يحاول يغلطك والاهم بهاي الحاله تلتزم بالي انت ذاكره الهم وهو طبعا الحقيقه لان كلشئ يعرفون عنك.

الساعه 12 بدلو شفت وجابو واحد جديد وهنا هذا الجديد بدء بيه كلت بس الله يستر صالحلي انا و زوجتي واول شئ كاله لا تخاف انا راح انطيك الفيزا بس اريد ادردش وياك شوي واعرف شكم شئ منك
 كتله اوكي انا جاهز.
كال اول شئ خل ناخذ بصماتك انت وزوجتك وفعلا تم أخذ البصمات لنا بعدها سئلني
انت جنت تشتغل بيا شركه وشنو طبيعه شغلك هناك طبعا انا جاوبته
كلي هس تشتغل وين هم جاوبته
كلي انت خريج كليه واذا الجواب نعم شنو اختصاصك وهم جاوبته
رجع كلي انت من جنت تشتغل ويا الشركه هم فد يوم ترجمت شئ الهم كتله لا.
سئلني انت مسافر برى قبل كتله اي كال عدد الدول الي سافرت الها و السبب وشكم يوم بقيت هناك وهم جاوبته
كلي اذا انا انطيتك الفيزا اليوم شنو راح تسوي كلته طبعا انا راح احاول احصل شغل بارت تايم كلي ليش كتله حتى اكدر ادرس و اعادل شهادتي كلي خطه كلش حلوه .
بعدين سئل زوجتي كالها هذا زوجك طبعا هي ولا طكه بالانكليزي انا جاوبته نيابه عنها .
كلي انت من شوكت مقدم على البرنامج كتله من شهر السابع كال طيب ومن شوكت انت متزوج كتله على التاريخ كال طيب انت تزوجتها قبل لو بعد التقديم كتله لا طبعا قبل لا اسمع حتى بهل البرنامج كال انا خصلت مقابله وياك وانت تكدر تروح وتجي باجر تاخذ جوازك وجواز زوجتك بيه الفيزا طبعا انا شكرته وانطاني وصل وكل باجر من تجي بس تعال لوحدك وجيب الوصل وهم يدخلوك من الباب مال الخضراء.
وثاني يوم فعلا رحت بالموعد وطبعا بس الله ستر لان طلع هذا الي قابلني موظف جديد وما يعرف الاجرائات حيث لازم ينطيني اميل ادرس ادز عليه رساله بالوقت الي انا اريد اروح بيه حتى ينتظرني سوكورت والوصل ما يأكل بس بداخل السفاره
المهم ربك ستر لان المترجم الي باب الخضراء ( ان شاء الله يوفقه دنيا واخره) تعاطف وياي وراح دور الي شخص سكورت حتي لا يضيع موعدي مال استلام الجواز.

المهم دخلت واستلمت جوازي وبيه الفيزا ومعاه انطوني اوراق بظرف واحد الي والثاني لمرتي وكلولي لا تفتح هاي الاورقا باي شكل من الاشكال لان لازم شخص امريكي بالمطار يفتحها وهو المسؤل من دائره الهجره والجنسيه.
بس احب انبهكم الى ملاحظات البرنامج الجديد فتره الفيزه مالته 3 اشهر ومن سئلت الموظفه ليش كالته لان انتهم راح تسافرون اسرع وانت هس كدامك عشر ايام للسفر لان احنا مبلغين المنظمه تكمل اجرائات سفرك بسرعه بس انت لازم دز الهم نسخه من الفيزا
.
وهذا كلي الي صار واي سؤال انا حاظر.

اخوكم فالكون1982.


http://www.ankawa.com/forum/index.php/topic,259433.0.html

[BaghdadGhost]

هذي مقابلة اخوية SIVandIOM ... والي هيه تقريبا نفس تفاصيل مقابلة اخوية سبع صنايع .... ربي يسهل عليهم و يستلمون الجوازات ماشرة و كاملة .....



السلام عليكم اخوان
طبعا بعضكم يعرف انه تحددلي مقابلة SIV على البرنامج الجديد في بغداد وهسه راح احجيلكم على التفاصيل
رحت للسفارة عن طريق اسكورت اني دبرته وصلت قبل الموعد ب 45 دقيقة تقريبا...دخلت للقاعه اللي وصفوهه باقي الاخوان من قبل انتظرت شوية بعدين صاحني احد الموظفين عربي واكو غيره عرب بس لاحظت انه هذوله موجودين وقامو بالترجمه لبعض الناس اللي ما يتكلمون انكليزي فلا تقلقون من ناحية المترجم بعد. الموظف اخذ الظرف مالت الفحص اخذ بس الاستمارات ورجعلي الاشعه وكلي هاي تاخذهه وياك من تسافر...طلب الاوراق الاصليه انطيته الظرف اللي اني محظره حسب ما كلولي بالتعليمات مال المقابلة باوع كلي عاشت ايدك انه حاط كلشي بنفس المكان ومرتبه...استريح القنصل شوية ويصيحك..كعدت ثنين قابلوا قبلي وحددلهم موعد الخميس الجاي يستلمون الفيز كلت يا الله..
صاحني اجيت للشباك...سويت البصمات اني والاهل ووقعنا على ال DS230 الاصلية اللي اني جايبهه ويايه..وحلفنا وكلي خلي عائلتك يكعدون لأنه عدنا اطفال وجنا شايليهم...بالفعل كعدت زوجتي والاطفال ورجعتله للشباك..بدى يسئلنا اسئله كلش عاديه وبأسلوب لطيف...شتشغل حاليا...وين اشتغلت سابقا...ابدى اعجابه بالخبرة الطويله اللي عندي والمكانات اللي اشتغلتهه...شنو شغلك قبل الحرب...وين سافرت خارج العراق..شوية استغرب من كثرة الدول اللي رايحلهه بس ما سئل شي..سئل يا وظائف اللي انته دستعملهه بالتقديم لل SIV حددلته الوظائف حسب ما موجود بالركمديشن لتر اللي لاحظت انه كان ديقرة بيهه..سئل شنو ناوي تشتغل بامريكا ووين ناوي تعيش...ومن هيج اسئله بسيطه...كلي انتظر شوية..راح ورجعلي ورة كم دقيقة وصدمني بالخبر الصاعق...كلي نحتاج انه نسوي تدقيق اضافي وجمع معلومات و administrative processing اضافي وهاي الشغلة راح تاخذ بعض الوقت وتحتاج الى معلومات اضافيه كتبلياهه بورقة وكلي امليهه...ما احجيلكم شصار بيه بس ما بينت اي شي بقيت جدا هادئ وكتله اني شايل ويايه كل الوثائق اللي ممكن ان تتخيل ان تحتاجهه و ممكن اوفرلك هسه الان فورا كل اللي تريده من معلومات مدعمه بوثائق على اي شي اللي تريده فهل راح تخليني ادخل مرة ثانية ببحر الظلمات...كلي للأسف اي...بس لا تقلق هاي مسأله جدا عادية ومو فد شي يدعو للقلق وفرلي المعلومات اللي طلبتهه منك بهاي والورقه وتعالي لنفس الشباك...اخذت الورقه وكعدت املي بيهه...بيهه كم سؤال على الدول اللي زرتهه بالعشر سنوات الاخيرة...ارقام الجوازات العراقية السابقه اللي عندي ..هل ضايع او مسروق مني جواز سابقا...نوعيه التدريب او المهارات العسكرية الخاصه اللي عندي..هل اشتركت في اي معارك او نزاعات مسلحه..دراستي...شغلي السابق...انتماءاتي السياسية...اسماء اخواني وخواتي...كل هاي الاسئله بصفحه وحده بس..طبعا اني شايل ويايه اوراق بيض بس كلت خلي اتحارش بيه رحتله كتله المكان اللي حاطلياه علمود اخلي شغلي السابق ميكفي انطيني ورقه علمود ارفقهه واخلي بيهه كل الوضائف اللي اشتغلتهه صفن كلي ماكو داعي اكدر اني الكاهه من معلوماتك اللي بالاستمارات؟؟؟!!!(اي لعد شكو طلبتهه اي ابن ال...) كتله جوازاتي القديمه جايبهه ويايه هياتهه اخذهه كلي لا بس اكتبلي ارقامهه...كملت المعلومات وانطيتهياه...شفته خلى كل اوراقي بمجر مكتوب عليه needs SAO وبصفه اكو مجرين واحد مكتوب عليه ok to issue (هذا للي الله موفقهم وانشالله كلكم تتوفقون) واللاخ مكتوب عليه g221 الله يستر منهه...كلي هاي هيه...ما اكدر اكلك شكد راح تطول بس احنا راح نشتغل عليهه ونتصل بيك قاطعته كتله ال USCIS هيه اللي راح تسوي ال administrative processing كلي لا ال USCIS ما الهه علاقه (تعقيبا على موضوع الاخ عكعك اللي نزله البارحه)..كلي اني ادري انه هاي شغلة مزعجه وانته جنت تتوقع ان انطيك الفيزا بس تأكد انه هاي شغله عادية وما تعني اي شي بس مجرد تأخير اضافي...طبعا لاحظت انه اكو ملف كدامه بيه كل الوثائق اللي اني دازهه لل NVC وملزوك ورقه من فوك بيهه معلومات المعامله وانه جايه من NVC ومكتوب ملاحظة ليجوه please expediate processing يعني الرجاء تسريع المعامله كلت بكلبي اذا التسريع هالشكل لعد العرقله شلون؟؟؟ لا حول ولا قوة الا بالله العلي العظيم.. المهم حاولت انه اسئله هل ال NVC هيه اللي راح تسوي الadministrative processing كلي اسف ما اكدر انطيك هيج تفاصيل كتله زين شنو اللي خلاك تتخذ هذا القرار كلي نفس الجواب واعتذر كتله اوكي دا افتهمك وبكل لطف وهدوء...نطاني الاوراق الاصليه اللي نطيتهه الهم..بدون الجوازات..كتلهه الجوازات تبقيهه كلي اي اذا تريدهه انطيكياهه انته ناوي تسافر؟...كتله اكو احتمال بعد شهر تصيرلي سفرة بس ما متأكد ...كلي بكيفك تريدهه انطيكياهه هسه ما تريدهه بقيهه وشوكت ما تحتاج تعال اخذهه...كتله اوكي خليهه يمك واذا احتاجيت اسافر اجيكم هنا اخذ الجوازات كلي اوكي...ونطاني استمارة صادرة من السفارة ببغداد تكول انه انرفضت الفيزا حاليا الى ان يتم استكمال التجييك الاضافي و administrative processing وفقا لأحكام قانون INA g221 الملعون وكلي احنا ندزلك ايميل يمن نخلص...وهاي هيه..وانا لله وانا اليه راجعون..


http://www.ankawa.com/forum/index.php/topic,280484.msg3711653.html#msg3711653

[BaghdadGhost]

اما هاي المقابلة .... ميحتاج كول شكد مهمه لان مال العزيز .... ربي ينورله طريقة لنور


أخواني الأعزاء

تم تحيد لي موعد مقابله على برنامج SIV وفعلا تم مقابلتي والحمد لله لقد
حصلت على التاشيره
وهذه تفاصيل ألمقابله
الساعه السادسة صباحا كنت في مكان الانتظار للانهم طلبو مني الحضور
قبل الساعه السابعه
الساعه الثامنه حضر الاسكورت وهنا أنا انصح كل أخوتي الذين لديهم موعد لمقابله
إرسال رساله إلى السفا ره وطلب اسكورت

تم تجبيك الأسماء وبعدها ذهبنا إلى السفا ره وصلنا الساعه التاسعه صباحا
سلمت أوراقي والفحص الطبي
تم تجييكها من قبل احد الموظفين لغرض تهيئتها لمقابلة القنصل
أثناء التجييك
طلب مني الموظف شهادة ألجنسيه أخبرته أنني لم أرسلها إلى NVC   ولاكتني أحضرتها معي وفعلا أعطيتها له

سألني هل أكملت عدم ألمحكوميه 
أخبرته أنني لم أقيم خارج العراق ولم أرسلها ولاكتني أكملتها من باب الاحتياط وفعلا أعطيتها له
سألني هل جلبت معك بيانات الولاده أخبرته أنني لم أرسلها لهم ولاكتني أرسلت لهم الهويات ولم احضر معي بيانات الولاده . أجابني اوكي
أعطاني الاشعه واخذ باقي أوراق الفحص الطبي
طلب مني الانتظار
بدؤ بالمقابلات وافق على قسم وأجل قسم أخر قبل المناداة على اسمي كان قد أجل شخص
ذهبت إلى الشباك سلمت على القنصل وهو رحب بي بداء بسؤالي اسأله مختصره جدا
طلب حضور زوجتي للأخذ بصماتها
أولادي بداء بطلبهم واحد تلو الأخر وتكلم معهم ويلاطفهم
أول شخص من أبنائي سأله بالغه الانكليزية أجاب عليه
الثاني كم عمرك
الثالث ماهي هوايتك
المهم أطفالي جميعهم أعجب بهم والحمد لله على نعمته كانون هادئين جدا بالرغم من قسم منهم  صغار بالسن ضحك كثيرا معهم
القنصل كان إنسان جدا رائع وطيب جدا
طلب من التوقيع على 230
وكذلك طلب مني التوقيع على ورقة الاستقاله من العمل والتعهد بالسفر خلال 3 أشهر
أعطاني ورقه إيصال بالجوازات
هنئني وتمنى لنا النجاح
أنا شكرته بابتسامه عرضها اكبر من المحيط الأطلسي

غادرت السفا ره وبدون اسكورت
الشخص الذي يقابل يمكن له الخروج مباشرتا
هذا ما حصل معي
وأنا حاضر للأي سؤال وبخدمتكم جميعا
نصيحتي هي جلب كافة الأوراق المطلوبه وغير المطلوبه
واكمال عدم المحكوميه
للانني لاحظت أن مقابلتي كانت جداجداجدا سريعه تقريبا 15 دقيقه
بالرغم من أن عائلتي كبيره

اخوكم NOOR 2




http://www.ankawa.com/forum/index.php/topic,283428.msg3731356.html#msg3731356

[BaghdadGhost]

وهذه مقابلة اخوي الرحال 1 ... ربي يوفقة و يسافر عن قريب ان شاء الله


اخواني اخواتي الاعزاء تحية طيبة...
شكراً جزيلاً الكم اخواني الاعزاء واخواتي وارجو يوم الكم تقابلون وتحصلون الفيزا باقرب وقت وانه اسف لان تاخرت عليكم بالرد لانشغالي ببعض الامور ، والان اسرد اليكم تفاصيل المقابلة في القنصلية الامريكية في بغداد:
في البداية قبل المقابلة باسبوع يجب ان ترسل ايميل الى العنوان BaghdadIVaccess لكي يتم توفير اسكورت لك في نفس يوم المقابلة (ولا يحتاج ان توفر انت اسكورت) لان الاسكورت سوف ياتيك وياخذك الى باب القنصلية الامريكية ومجاناً بالاضافة الى انه الاسكورت الخاص بالسفارة سوف لا يعطي الجنسية مالتك في البوابة عند التفتيش وهذا شيء مهم لانه تحتاج الجنسية الاصلية في القنصلية، حوالي الساعة بـ 8:30 سوف ياتي الاسكورت الخاص بك وياخذك الى باب القنصلية الامريكية هناك سوف تقف في صف حيث يتم ادخال شخص شخص بعد تفتيشه وبعد ذلك تنتقل الى صالة الانتظار حيت تقوم بتسليم جوازك الى شباك 7 وتبقى تنتظر هناك حتى يتم استدعاءك حيث بعد ذلك سلمت بقية الاوراق الخاصةبي من  (حيث لم يسألني عن شي بل انا اعطيته الاوراق التي لدي) (الفحص الطبي (بالنسبة للفحص ياخذ منك الاوراق ويرجعلك الاشعة) – التزكيات مستنسخة – الجنسية اصلية واستنساخ والترجمة لها – وشهادة الجنسية اصلية واستنساخ وترجمتها – صورة قيد 57 الاصلية وترجمتها – صور 5*5سم (عدد 2) – وورقة تحتوي على عنوان الشخص الذي تعرفه في امريكا) هذه كل الاوراق الخاصة بي التي سلمتها لهم ، بعد ذلك جلست وبدأ الموظفين الخاصيين بالسفارة بمقابلة كل واحد من خلال شباك رقم 7  وشباك رقم 8 حيث انه كان فيه حينها موظفيين اثنين فقط يقابلون الاشخاص ، حتى الساعة 12 تتوقف عملية المقابلة حيث يذهب الموظفيين لضرب الغداء بينما احنه ميتين من الجوع بالاضافة الى انه القاعة باردة شوية فانصح انه الي عده اطفال ان يجلب معه غداء الهم لان راح يضلون احتمال للعصر بدون غداء وان يلبسهم ملابس شوية ثخينة لان القاعة باردة، تقريباً الساعة بـ الواحدة رجعوا الموظفين الخاصين بالمقابلة واستمروا بمقابلة الاشخاص حتى تقريباً الساعة الثالثة فتم مناداتي للمقابلة فبدأ الموظف يسألني عدة اسئلة  (مع ملاحظة مهمة انه بعد الساعة 12 يتعب الموظفين من المقابلات فتكون المقابلة اسهل معهم ولا يلحون بالاسئلة حيث ان الي قابلوا بالبداية طولت مقابلتهم من 15 دقيقة – 30 دقيقة)
1-   وين جنت تشتغل وشكد الفترة وشنو جنت تشتغل؟  فجاوبته
2-     وهل خدمت عسكرية لو لا وليش ؟ كتله ما خدمت لاني كنت ادرس
3-    وهل كنت في حزب البعث ؟ كتلة أي ، كلي ليش ؟ كتله لان ماكوا احد كان يكول لا إذا طلبوا لانتماء لحزب البعث، كلي شنو رتبتك بحزب البعث ، كتلة ابسط رتبة وهي مؤيد.
4-   كلي عدك احد بامريكا ؟ كتله أي ، كلي تريد تسكن يمه ؟ كتله أي بنفس الولاية.
5-   اخيراً كلي انه ادز ايميل لنفس العنوان لكي يوفرولي اسكورت في يوم استلام الفيزا في الساعة 3 عصراً.
هاي تقريباً كل الاسئلة الي سألني اياه حيث ما طاولت الفترة مال المقابلة كله 10 دقائق بعده كلي وقع على ورقة DS230  وبعدين هو وقع بنفس الورقة وبعدها اطاني ورقة اخرى تتضمن تعهد انه راح اسافر خلال ثلاث اشهر من استلام الفيزا ، وراها كلي تعال استلم الفيزا بعد عشرة ايام واطاني ورقة بيه تاريخ استلام الفيزا ، وراها شكرته وطلعت. هذا اخواني لاعزاء كل ما حصل معي في المقابلة وارجو ان وضحت الصورة ولو بشكل مختصر عن المقابلة مالتي.

اخواني اخواتي الاعزاء بالنسبة الى المقابلة تره سهلة والفيزا صادرة الكم 99% (حيث كل الي قابلوا بنفس اليوم معي استلموا موعد للفيزا) فلا شيلون هم للمقابلة مجرد انه يريد يتأكد منكم موظف القنصلية عن انه انتوا نفس الاشخاص الي مقدمين لو لا ، اما بالنسبة الى الاوراق المطلوبة فهي راح تجيكم قبل المقابلة رسالة من الـ NVC بيه بالتفصيل اي ورقة مطلوبة منكم وكدام كل مستمسك اكوا حرف وهذا الحرف يوضح حالة المستمسك على سبيل المثال هذا المستمسك غير مطلوب منك او مطلوب فقط الاصلي او..... الخ . فكلشي متوضح في الرسالة الي تسلموه قبل المقابلة.

وشكراً جزيلاً الكم


اخوكم الرحال

http://www.ankawa.com/forum/index.php/topic,280933.msg3715794.html#msg3715794

[BaghdadGhost]

اخواني ...... هاي مقابلة اخونا البصير .... ربي يوفقة و الف شكر على الشرح الوافي .....




بالنسبه لمقابلتي كانت كالأتي

كان و صولنه قبل الموعد ب ساعه الى مبني السفاره و عنوان السفاره موجود باميل الموعد من يرسلوه الك هو عنووان  و اضح في منطقة عوكار..

عزيزي سيف ..من توصل للسفاره لا تاخذ اي شي وياك ..يعني ..لا موبايل ..و لا كاميرا ..و لا اي    جنطه  نهائيا...سواء الك   او    للزوجه  و الاطفال ...لان لا يسمح بدخول اي من هذه الاشياء و بالتالي التخلص من هذه الامور رح يأخرك ....وهذا الشي الي صار و ياي .....تصورت انو نخلي كل جاجياتنا في داخل صندوق داخل السفاره   ......المهم ...في مكان قريب و بالضبط امام  السفاره...مقهى صغير قرب بارك امام  السفاره   ..تكدر تخلي حاجياتك يمه مقبل مبلغ 4000     ليره ...و لو مو هذا الي نقذنه كان احتارينا ..

بعد التفتيش..تدخل للاستعلامات...و تشوفه با ستماره الموعد و اسمائكم موجوده عنده....يعطيك باج بي رقم....يعني دورك.....5      او    9    او   حسب موعد  وصولك..

دخلنه و اكو تفتيش ثاني طبعا .....شكو حلكي    شك    بالتفتيش    عبالك داخل للبنتاغون ...و أني جهالي و ياي ...تجيكم السالفه..

دخلنه و كعدنه و كالو لي انت على شباك 6 ....

و بعد انتظار دوري ....و طبعا خلال هذه الفتره   (الانتظار )    لأن اني رقمي كان 10  وو اصلين رقم 5....

جهالي صغار..واحد   سنتين و نص ....واحد 3 ونص     بدوا   يتحركون ...طبعا   ماكو    جهال  ..بس  جهالي ....و العيون  كلهه  عليهم ....و بدا     يلعبون     بالمي  مال البراد...و بدو      يفترون  و يجولون   و اني وراهم ...و عيون المراجعين   و يانه ......يعني     شكو   حلكي      شك  ..و دمروني ..و أني لا أكدر  احجي  و ياهم     او   أصيح  عليهم ...و الجهال عبالك     يدرون   احنه    بالسفاره  و ما أكدر   احجي   و استغلو  الوضع أبشع  استغلال.....هههههههههههه 

المهم  ما أطولهه عليكم...صاحو برقمي عله    شباك      ر قم 6 لتجييك الاوراق و الجوازات ومعاينه الوجوه  ..و خصوصا الاطفال ....لان صورهم بالجواز اصغر من هسه....بالمناسبه.....التأكييد  على     الفورم DS 230  حصريا....الجنسيه الاصليه و الفحوصات الطبيه.......القصد انه لا تنطي شي اذا ما طلبه منك....أني  فقط انطيته  هذه الاشياء....و سألني عندك     شي  بعد ؟؟؟   كتله    اني    شتريد  ..انه   انطيك .....و بالنتيجه       فقط   هذه الاوراق  انطيته..طبعا    بالاضافه  الى      صوره    عدد 2  لكل    شخص...

استلم مني كل شي و رجعت  انتظر .....و بعد   تقريبا 15  دقيقه ..بالميكرفون    نادو باسمي  الى غرفه    رقم     7.......و هذه  الغرفه  خاصة   للعوائل  ....توجهنه   الى الغرفه ...غرفه    صغيره  و بيهه حاجز زجاجي  و كراسي عدد   2 ...و خلف الحاجز كانت تجلس فتاة امريكيه مملوحه...و لطيفه التعامل جدا ...يعني  من    شفتهه أني كلت حصلنه على الفيزا...و كالت رجاء اجلسوا ...

سألت زوجتي تتحدثيين الانكليزيه ..أجابت  زوجتي نعم ...طبعا  كا اوراقي امامهه...و أمامهه كومبيتر...و رفعت الفورم DS230  و كالت ارفعوا ايديكم و اقسمو ان كل المعلومات المدونه في هذا الفورم هي صحيحه....فأقسمنا .....بعد ذلك طلبت مني برفع بصماتي  و كذللك   زوجتي  فقط ....و بالنسبه    لأطفالي   ما أخذولهم رفع بصمات ..

سألتني عن المكان الي كنت اشتغل بيه  و كتلهه....و شنو طبيعة عملي  و كتلهه ...و تاريخ   عملي ...و هي كانت تدقق و تشوف الكومبيوتر من كنت اتكلم...و خصوصا الفتره...

و سألتني عن التهديدات الي تعرضتلهه...و هم شرحتلهه باختصار  شديد...و كالت  اوكي ...اعطتني كارت و كالت تكدر تجي انت او زوجتك و تستلم الفيزا   لعائلتك بعد يومين....و شكرتني ..و اني و زوجتي شكرناها..

و بعد يومين استلمنا الجوازات و كانت الفيزا صالحه لغاية 6    اشهر.

و شكرا الكم و يوم الكل     يفيز

البصير

http://www.ankawa.com/forum/index.php/topic,286463.0.html

[majad]

 ارجو ان اتكتبوا لي ارقام هواتف اللجان المشؤولة عن التوطين او الايميل  بخصوص الاستفسار  عن ملفي لان في اخر مراجعة لي قالو ملفك الان تحول الى التو طين وسوف نتصل بك في اقرب وقت  وهذا الاكلام منذ 45 يوم ولم يتصل بي احد ارجو المساعدة

[سيف المشهداني]

السلام عليكم ورحمه الله وبركاته

اخي البصير العزيز اخواني
اشكرك على الشرح الوافي بارك الله بيك والف مبروك مره اخرى من اعماق قلبي ربي يسهل عليك كل امورك ويسهل امور الجميع شكرا حبيبي .. شكرا عطر بغداد الغالي .....

[untitled.man]

مرحبا شباب رواد وقراء الـ SIV times
اخويه شبوح كيف الحال...

طبعا عندي معلومة احب اشارككم بيهه واللي اتصور الاغلب يعرفوهه بس زيادة الخير خيرين...
طبعا السالفة صارت بمقابلة القنصل ويه اثنين من اصدقائي قبل اسبوع واللي حالتهم جانت نفس الشي انه ما كاتبين بالـ DS230 عنوان بامريكا علمود يدزون الكرين كارد عليه... فالقنصل اجل سالفتهم وانطاهم الاوراق التلاثة (INA Section 221) مثل اللي استلمهه الاخ سبع صنايع بس ما انطاهم اي ورقة يملوهه معلومات اضافية وسئلوا تأثر هذه على اصدار الفيزا، جاوبهم كال لا، بس دزولي عنوان شخص بامريكا ويخلص الموضوع....

فنصيحة اخوان... اللي بعده ما مالي الفورم DS230 خلي يحصل عنوان شخص بامريكا يدزوله الكرين كارد مالتكم ويكتبه بالفورم... واللي داز الاوراق للـ NVC هم مو اشكال بس ياخذ العنوان وياه بورقة ويه الاوراق اللي راح ياخذه للمقابلة، لانه كاللهم انطوني هسه عنوان شخص كلوله ما موجود ويانه... فأجل اصدار الفيزا اللهم... فارجو ان تتأكدو من هذا الشي لانه تأجيل على شغلة ما تسوه....

تحياتي

[vincenzo]

ما دا افتهم اخويه "الزلمه الماعنده اسم"
يعني التقديم عالكرين كارد صار من بغداد ويه الدي اس 230 وحتى قبل الوصول لامريكا لو شنو؟؟؟

[untitled.man]

اخي العزيز فنجوز...
هذا البرنامج (وانت سيد العارفين) مباشرة ينطيك الكرين كارد بدون ما تسوي اي اوراق او معاملات من توصل لامريكا... لانه المعلومات المطلوبه كلهه موجودة بالـ DS 230...
بس السالفة انه هناك مو مثلنه تروح توكف سره على الدوائر الحكومية (حسب ما يسولفون الاخوان اللي موجودين بامريكا)، اي شي يصدر من دائرة يندز على عنوان، فالقنصل طلب عنوان بامريكا علمود يدز الكرين كارد مالتهم عليه وهمه ما جانو كاتبي بالفورم... لذلك لازم الواحد يكون مرتب اموره ويه واحد ثقة علمود يستلم الكرين كارد مالته...

تحياتي

[HUMMER]

ألسلام عليكم

سؤالي عن ألأخوان SIVandIOM و سبع, صار هواي ما سمعنا منهم

أرجو ان يكون المانع خير

أخوكم

[سبع صنايع]

الأخوة الأعزاء

مشتاقين
اخ همر شكرا على السؤال واني مشغول بأعمال خاصة ما الهه علاقة بالسفر لذلك قليل ادخل للمنتدى وخاصة اذا ما عندي شي جديد اضيفه الكم بالاضافة الى حزني على بعض الأصدقاء من خارج المنتدى الي رجعوا بسرعة غير متوقعة للعراق ولحد يسألني ليش وشلون كلمن وظرفة ومجرد سوء حظ للعراقيين ان تجيهم مثل هاي الفرصة الي يحلم بيهه كل شخص بالعالم بهذا التوقيت السئ

بالنسبة لأخر تطورات قضيتي فاني كدرت احصل ايميل محامي امريكي ودزيتلة رقم القضية وشكم شغلة وبعد الاتصال بالسفارة تبين ان اوراقي رجعت لامريكا الى ال USCIS وانطاني رقم وحجيت وياهم وكالوا شغلتك تطول من 6 اشهر الى ربما سنوات

اني حاليا تقريبا نسيت الشغلة وشوكت متصير خل تصير بلكت الوضع  يستعدل بأمريكا
 سلامي الى كل الأخوة والأخوات
واني اكيد بين فترة وفترة ادخل للمنتدى واذا صار شي جديد اكيد انتو اول ناس تعرفون

[BaghdadGhost]

اخي majad .....

هذا الموضوع مخصص لجماعة ال siv ..... و معلوماتنا الصراحة قليلة عن ال iom .... اذا تحب اطلب هذا الشي من الاخوة اعضاء المنتدى على العام ... وان شاء الله تلكي جواب وافي .....

اخي untitled.man .....

طبعا كلامك صحيح 100% .... بالمناسبة هذا بالضبط الي صار ويه واحد من الاخوة الي اني اعرفهم خارج المنتدى ..... و هم مجان جايب العنوان ويا بوكت المقابلة .... ورة يومين جاب العنوان و ضافوا على الاستمارة .... وراها استلم الفيزا ...... يعني الشغلة تتاخر كم يوم بس .....

اخي سبع ....

صدك تحجي ... بس لا كذبة نيسان .... يمعود والله انكلبت كابه يمي ..... خاف اكو التباس بالموضوع .... ان شاء الله يتصلون بيك عن قريب ....


اخي فجنزو .....

نعم هذا الكلام صحيح ..... التقديم على الكرين كارد يبدا فبل وصول المهاجر الى امريكا .....و حتى التخويل مشمول بال 230 ....

[BaghdadGhost]

اخواني الاعزاء .....

عندي سوال ..... بالنسبة لل ds-230 .... من الواحد يقابل .... ياخذ ويا نسخة حتى يوقع عليهه لو همه من عدهم يطلعون الي وصلتهم من ال nvc ..... هذا سوالي مرتبط الصراحة بالشغلة الي ثارها اخوية untitled man ..... يعني قصدي اذا الواحد دز الاستمارة 230 لل ان في سي بدون عنوان شخص بامريكا ..... يكدر قبل يوم المقابلة يضيف هذا العنوان الى الاستمارة و ياخذها ويا للمقابلة حتى كلشي يكون جاهز ....؟؟؟؟؟؟؟

[MZ3EL]

السلام عليكم..

شباب عندي سؤال عله شغله الاس اي في.. اني مقدم عالاي او ام ومستوفي شروط الاس اي في وصلت مرحله متقدمه بالاي او ام مقابلتين ودانتظر محلفين,

حسب ماقريته من رودوود الاخوه المختلفه بالمنتدى ناس تكول الاجئ يكدر يطلع ومناك يكملهة وناس تكول اذا دخلت كلاجئ تبقى لاجى وهسه اني محتار مع العلم دانتظر موافقه الكوم بالاس اي في

اريد جواب وافي واكونكم ممنون

اخوكم

[HUMMER]

الأخوة الأعزاء

مشتاقين
اخ همر شكرا على السؤال واني مشغول بأعمال خاصة ما الهه علاقة بالسفر لذلك قليل ادخل للمنتدى وخاصة اذا ما عندي شي جديد اضيفه الكم بالاضافة الى حزني على بعض الأصدقاء من خارج المنتدى الي رجعوا بسرعة غير متوقعة للعراق ولحد يسألني ليش وشلون كلمن وظرفة ومجرد سوء حظ للعراقيين ان تجيهم مثل هاي الفرصة الي يحلم بيهه كل شخص بالعالم بهذا التوقيت السئ

بالنسبة لأخر تطورات قضيتي فاني كدرت احصل ايميل محامي امريكي ودزيتلة رقم القضية وشكم شغلة وبعد الاتصال بالسفارة تبين ان اوراقي رجعت لامريكا الى ال USCIS وانطاني رقم وحجيت وياهم وكالوا شغلتك تطول من 6 اشهر الى ربما سنوات

اني حاليا تقريبا نسيت الشغلة وشوكت متصير خل تصير بلكت الوضع  يستعدل بأمريكا
 سلامي الى كل الأخوة والأخوات
واني اكيد بين فترة وفترة ادخل للمنتدى واذا صار شي جديد اكيد انتو اول ناس تعرفون

شكرا" للأجابه و أتمنى لك النجاح في أي قرار تتخذه سواء في السفر أو غيره.

أنا قضيتي مشابه لقضيتك من حيث النتيجه و لو أختلفت التفاصيل بعض الشيء.

و للكن ماذا عن الجوازات, هل ستتركها في السفاره؟

على كل  حال الخير فيما أختاره الله.

أخوك

[NOOR 2]

اخي الحبيب عطر بغداد الغالي ورغما عنك

اني ما راح اجاوبك على سؤالك بخصوص  DS230

تعرف ليش
للانه اني وياك جنه سوه ليش ما سئلتني عن ذلك
ويوميه نتكلم اشو ما سئلت
تحيايت اخي الحبيب الطيب الورده الغالي

نورت اخي الحبيب سبع الغالي الك وحشه
اخوكم  NOOR 2

[ماجلان]

.

[NOOR 2]

اخواني الاحبه

حبيبي وتاج راسي واخويه الغالي وووووو  عطر بغداد

رغما عنك

ارجو الانتباه الى هذا الشيء

عند ارسالك ds230  بها حقل تكتب فيه عنوان الشخص في امريكا
والذي راح يستلم لك الكرين كارت

في حالة ارسالك ds230  ولم تذكر به عنوان
واذا كتب لك الله واعطوك موعد مقابله
سيطلبون منك جلب الوثائق ومن ضمنها  ds230
نصيحتي نصيحتي نصيحتي لاتغير بها شيء أبدا
للانك اذا غيرت بها شيء راح تكون مغايره للنسخه الثانيه الموجوده امام القنصل
اترك حقل العنوان كما هو
وخذ معك عنوان شخص في امريكا مكتوب على ورقه
واعطه للقنصل اثناء المقابله
للانني اعطيته الى القنصل بيوم المقابله وهو بيده كتب العنوان
في الحقل المخصص في ds230
لا سامح الله اذا غيرت شيء ستكون النسخه التي جلبتها معك غير متطابقه للنسخه الموجوده لدى القنصل
وفي حالة الموافقه عليك سيطلب منك التوقيع عليها وياخذها منك
وفي يوم استلام التاشيره
سيسلموك مظروف مختوم لكل شخص وبداخل هذا المظروف تلك الاستماره
ويطلب منك عدم فتح الملف مطلقا
وعليك تسليمه في اول مطار تصل اليه في امريكا
للشخص المسؤل عن الهجره

واني خادم زغيرون زغيرون زغيرون
اخوكم NOOR 2

[angie-dawood]

تسلم اخي شبح بغداد مجهود رائع عاشت الايادي

[untitled.man]

الاخوة الاعزاء...
اخوتي شبح وماجلان...
اتصور الاخ نور كفى ووفى على اسئلتكم...
الاخ ماجلان... اذا ما ذاكر العنوان لا تدز اي شي، بس بيوم المقابلة اتأكد انه العنوان ماخذه وياك والباقي مثل ما شرحه الاخ نور... اما بخصوص هل انه راح تسكن وياه، وبيضتين الصبح، فهذا العنوان ماله علاقة نهائيا بمسئلة الكفيل والكفالة، هذا العنوان يسموه (U.S. address and point of contact) ويحتاجوه بس علمود يدزون الكرين كارد و السوشيال سكيورتي كارد مالتك... فقط لا غير.

تحياتي

[سيف المشهداني]

السلام عليكم

حسب معلوماتي على عنوان الشخص الي باميركا والي صار ويه اهلي هو لا يعتبر كفيل  ولا ابد مجرد انته اول ما تروح لاميركا ميعرفون وين راح تكعد ولانه الكرين كارت يطلع بسرعه ايريدون شخص تعرفه وبس لمن يجهز الكرين كارت ايكومون ايدزوه اله وباقي المستمسكات مثل السكيورتي نمبر وفوت ستامب كل هاذه الامور تندز الة شخص الي تعرفه فلازم هذه الشخص علاقتك قويه بيه وعلاقه صداقه او اهل لان اذا متعرفه وهيج بس خليت اي اسم هذه راح يضرك لان انته ماتعرف شنو الي بباله اكو اهواي اهناك انذال المهم ان شاء الله اكون قد اعطيت الفكره وشكرا اخوكم سيف

[vincenzo]

1- صديقي "الزلمه اللي بلى اسم"
اني كل قصدي (واني اخوكم الزغيرون وكل معلوماتي منكم ومن هذا المنتدى وبعدني بالكوم) هو الوقت اللي راح يستغرقه استحصال الكرين كارد ورى ما الواحد يوصل واللي هسه افتهمته وعاشت ايدك على فتح الموضوع لانه بشارة حلوة انه احتمال الواحد يوصل لامريكا ويلكه الكرين كارد ينتضره

2- سبع .... استاذنة الورده
والله سويتلي مغص وكلبتلنياهه كابه....ممكن بس شوية تفهمنه شنو الفلم ولو عالخاص لان احنه هم اخوتك وكلش زعلانين على قضيتك
الله يسهللك يا طيب

3-مزعل
اكو ناس حقيقيين حولوا هناك بس امكانية ان تسوي هذا الشي تعتمد على شغلك ويه الامريكان جان شنو وشعندك تزكيات قوية (اذا تكدر تسولفلنه) واللي نطوكياهه عدهم استعداد يوكفولك هناك وكفه اخوية ويه USCIS بس اهم شي لتتنازل عن ال SIV قبل ما تاخذ ال COM approval حتى اذا طالع عال IOM

4- نور الورده- حياك الله على تواصلك انته و  ..... بغداد الى هسه وانتو اكيد مشغولين كلش بعد الفيزا
وكلا مك ذهب (مو ذهب مع الريح) وايدك على عدم تغيير اي شي باي وثيقة بعد ارسالهه بايميل لان فعلا يتخبلون من التغيير والتحوير والشطب والحك هههههههههههههههه

ملاحضه : ادري هايه "الزغيرون" شو هم عدتهه 3 مرات ههههههههه

5- ماجلان اخوية العزيز نفس سؤالك دار ببالي وبلكي اخوان اكثر خبرة يجاوبونة على شنو هذا العنوان واكيد اخونا ابطل فالكون بس يستقر ما راح يقصر وبالنسبه لجواب untitled man فمعناهه انه ابو العنوان اللي راح تنطيه هم لازم يعرف عنوانك بعد الوصول اذا قريب او بعيد عنه (يعني لازم تكون على اتصال مباشر وياه ويكون خوش ادمي وابن عوائل حسب وصف سيف المشهداني) حتى يدزلك هاي الشغلات بالبريد مثلا

6- انجي الورده حياج الله

[MZ3EL]

فنسينزو..

عندي 5 سبونسرز ركمنديشن من جنرال بسنه 2005 ركمنديشن من جنرال اخر سنه 2007 وحوالي 20 الى 25 ركمنديشن من كورنل وكابتنيه وملحقاتهم,

زين بالكوم ابروفل ينطوك شهرين الى ان تدز اوراقك, وبعدين تنلغي تصير اكسباير يعني اذا مطلعت عالاي او ام خلال شهرين الكوم تسقط,

[BaghdadGhost]

اخويه فجنزو ....

والله ما قصرت ويه الاخوان ...... مبقيتلي شي اكتبه ....

اختي الغاليه انجي ......

اليوم الموضوع نور بتواجدج الكريم ......

[ام ديار]

 بعث الموضوع "ارشيف لمعاملات ال SIV و اخر الاخبار و نماذج للمقابلات............. SIV Times " إلى صديق سلامي لقراء الموقع هذه اول مشاراكاتي معكم وارجو منكم تحقيق رغبتي فانا اريد منكم فقره خاصه على un فقط جداول المقابلات وكل ما يتعلق بالفقره  unارجوكم ارجوكم وكل من عنده معلومات بهذا الشان لايبخل علينا بشي ارجوكم .

[untitled.man]

اهلا وسهلا بيج اختنه ام ديار...

يا ريت والله لو اكدر اساعدج.. بس مثل مدتشوفين هذه الزاوية هي خاصة بالاعضاء اللي مقدمين على برنامج الـ SIV ونكدر نساعدج بهذا البرنامج...
بس الـ un و IOM اكو غير موضوع ومثبت يخص هذا الشي تكدرين تتطلعين عليه والاخوان هناك ما راح يقصرون... وبالمناسبة اكثرية اعضاء المنتدى على برامج الـ UN و IOM، ونسبة قليلة على SIV، فاكيد راح تحصلين على اي شي تحتاجيه منهم...

تحياتي

[BaghdadGhost]

اخي العزيز untitled.man ....

مشكور اخي على متابعتك للموضوع و اهتمامك الواسع ...... ربي يوفقك ويحفظك من كل مكروه ...

[BaghdadGhost]

اخواني الاعزاء ....

الاخ mongoose اليوم قابل و الحمد لله و هذه تفاصيل المقابلة و اللنك ..... مبروك اخي و ان شاء الله استلام التاشيرة و السفر عن قريب .....


شلونكم اخوان
اني البارحة كانت مقابلتي بالسفارة في بغداد الساعة 8
اني رحت الساعة ستة الاربع وبعد انتظار وانتظار الا اجة الاسكورت
سلمت جوازي للنافذة  ودفعت اربع مائة دولار لانوا اني على البرنامج القديم
صاحوا باسمي بعدها انطيتة الاوراق والجنسية والشهادة والصور وماسالني
على بيان عدم المحكومية ولا انة مسوي اصلا
جيك الفورم سالني على عنوان في امريكا كلتلة ما عندي الااتصل بصديق
الا اكدر اوفر هاي المعلومة
انطاني ايميلة وكال  من تحصلة دزلياة
 كلي انتظر واحنا انصحيلك
 بعد نص ساعة تقريبا
صاحلي القنصل
سالني اسئلة عادية وين مشتغل  انت بعثي لو لا كلتلة اي   اقصد مؤيد
يا سنة كلتلة 2001
 انت  متزوج عنك جهال واسئلة سريعة
كلي ماراح انطيك الفيزا  الا توفرنا عنوان امريكي علمود الكرين كارد اندزة الة
 كال عيف الجواز وهاك استمارة رفض مؤقت حتى توفر العنوان

 وشكرا


السلام عليكم
اشكركم على هذه الاطرائات
اسف على الايجاز المختصر بسبب الانترنيت البطيء

الاسئلة السريعة اقصد بيها انوا  لم ينظرلي بريبة ولم يشلغم  ويطلوح روحي
انت وين انولدت  انت وين عايش
انت وين اشتغلت  كلتة من 2005 الى 2008 وبطلت بشهر التاسع
ما سالني ليش بطلت  وسالني شنو وظيفتي كلتلة اشتغل بشركة اتصالات
سالني اذا هي ممولة من الحكومة الامريكية كلتلة لا هي عراقية  مالها علاقة بالامريكان
 
انت خادم عسكرية  لو لا
كان جوابي لا
انت بعثي كلت اي يا سنة  كلت 2001 ماسالني مؤيد عضو فلكة او اي شيء اخر
متزوج نعم لو لا
عندك اطفال نعم لو لا
انطاني استمارة كال علمود الخدمة العسكرية  هي طوعية في امريكا
لكن في حالة الحرب لازم  تجند كلت  صدك جذب بعيوني
 كال اريد ايميلك ورقم موبايل
كتبتة الة
انطاني استمارة INA 221
الماشر الاول والثاني
ومكتوب السبب انه  لايوجد عنوان امريكي
كلي لا تشيل بال بس انطينا عنوان
وماكو اشكال
كال  راح احتفظ بالجواز
 البارحة باللبل دزليتلة ايميل  وجاوبني اليوم كاتبلي OK THANK YOU 
سؤال اخوي SIV 2007علمود انوا اني ما كاتب العنوان  صوجي
ما جبيت عنوان وياي
وعلمود  الجماعة الي قابلوا وياي  اني اول واحد قابلت وطلعت
لانه كل شيء صار سريع  حتى ما كدرت احجي ويا واحد
لانه سلمت الجواز ورا دقائق صاحولي ادفع 400 دولار
دفعت كالو  انريد اوراقك  انطيت الاوراق  كلي روح استريح
كعدت شوية  وصاحلي   وكملت كل شيء
 وخلة الفايل مالتي بجرار مكتوب علية INA 221
وبصفة OK TO ISSUEوبصفة SAO
واني مستعد اجاوب على اي استفسارات


http://www.ankawa.com/forum/index.php/topic,288573.0.html

[ahmed.khalid_87]

اخوية العزيز شبح بغداد
اهلا وسهلا بعودتك
شنو رايك بلقب زعيم الsiv??حلو مو؟؟؟

وبانتظار عودة الاخ العزيز نور2
تحياتي

[iraqgsm]

اخواني ممكن اسال الاوراق المطلوبة بالضبط يوم المقابلة الاصلي و المترجم رجاءاا

طبعا اني جنت دا احضر الباكج و لاحضت ان ورقة الجي ال اس مو اصلية بس عندي اصلية غير اللي دزيته بس مؤرخة بعد شهر من اللي دزيتهة فنصيحتنكم اخوتي

[BaghdadGhost]

اخواني.... هاي مقابلة اختنا ريتا .... الله يوفقهه و توصل بالسلامة ...


السلام عليكم
طبعا شباب اني قابلت البارحة بالسفاره والحمد لله كل شيء بخير وانطوني موعد لاستلام الفيزا بعد 10 ايام واكوا ناس بعد 3 ايام يستلموهه اقصد القابلوا ويايه.
طبعا صدك المقابله سهله كانت بس كذب انه ما بيهه رفض او حسب ما يقول البعض انه روتينيه لانه اول شخص قابل هو مترجم خطيه اجلوا سته اشهر واعتقد السبب لانه كان حابب يروح وبعدين يسحب مرته وياه فمقتنعوا بهذه السالفه وكالوله منوا يكول انه انته متروح تتزوج اهناك وتعوف زوجتك.......... وشك ما عدل او بدل اطلاقا ما وافقوا يعني بين قوسين خلوه ابحر الظلمات بس هذا صدك بحر مال ظلمات
طبعا اني اول مشفت الحاله ردت اخرب من الخوف لان هذاك الشخص كان مترجم فوري وانكليزيته توب وهيجي سوو بيه لعد لو اني شراح يسوون بيه.
بس الحمد لله اجاني غير قنصل وقابلني ومشت الامور على خير
بس ملاحظه ملاحظه ملاحظه جدا جدا جدا مهمه
انه ماكوا مترجم وياكم ولا حتى يوفرون مترجم ولازم انته توفر مترجم الروحك مثل ما شفت وحده جايبه ابوهه يترجم الهه لان زوجها ديريد يسحبها وهيه متعرف انكليزي
طبعا اني خفت من هذه المساله لان مكنت اعرف انه ماكوا مترجم ولا اكوا واحد كال بهذا المنتدى على هذا الشيء واحتمال كايل بمكان بس اني مقريته المهم الله سهلهه وانشاء الله تجي الفيزا عن قريب ما بقه شيء هي 10 ايام
طبعا لا ترحون حيل من وكت وتعبون نفسكم لان اصلا السفاره متنفتح الا بال 8:30 وفوك وهذا الولود المترجم جاي من السبعه الصبح ومنتظر بالباب مال السفاره خطيه.... والله حالته تكسر الخاطر وردت ابجي من القهر على سالفته لان صاله فوك السنتين دينتظر لان البكج مالته ضاع ن ديروح النبراسكا وكام عاد كل الاوليات من جديد
لا والمصيبه دفع ال 400$ قبل ميقابل لان هو مشمول بيهه
شباب بالنسبه للمتزوجين اخذوا اكثر من صوره وياكم من يشوفون اكوا دفيء عائلي وصور زواج ويه الاهل احس افضل لان حتى طبيعة الاسئله راح تتغير وراح تشوفه يكون يضحك وياك القنصل وهكذا
اتمنى ان تجربتي تفيدكم وتستفادون من اخطائي حتى الله يسهل عليكم مقابللاتكم
وشكرا


http://www.ankawa.com/forum/index.php/topic,259433.msg3682237.html#msg3682237

[BaghdadGhost]

اخي iraqgsm .......

اني نصيحتي الك بان تاخذ كل الاوراق الي قدمتها من يوم التقديم الى السفارة للحصول على ال COM و حتى موعد المقابلة ..... حتى لا يطلبون منك شي انته مجايبة وياك يوم المقابلة و  هذا الشي قد يادي الى تاخير باصدار الفيزا .....

اما بالنسبة للباكج و ورقة ال جي ال اس ... فهذا الشي مراح يكون عائق لان همه اول و تالي مياخذون الركمنديشنات الاصليه مالتك ... بس يطلعون عليهه ... و اذا تحب اخذهن ثنيناتهن ....


اخي و صديقي ahmed.khalid_87 ....

شكرا لترحيبك .... هاي مال اللقب بقت يمك حبيبي .....

بالنسبة للاخ نور2 .... اني اليوم سولفت ويا بالتلفون و هوه وعدني بان يرجع بس شوية مشغول بشغلة السفر و الترتيبات ...... و هم عندة مواعيد كلش قريبه ويه طبيب الاسنان ...

تحياتي و شكرا مرة ثانية على السوال ....

[untitled.man]

اهلا وسهلا برجعتك اخوية شبح بغداد...
هذه الزاوية زاويتك واحنه ضيوفهه... بس منريدهه تبات بدون مشاركات...
وبخصوص المشاركات... اني هسه محتاج مساعدتكم..
البارحة دزولي جماعة الـ NVC جيكلست يريدون بيهه DS-157 كاملة مكملة لكل افراد العائلة...
طبعا اني جاوبتهم... بس تغير واحد سويت عن الاولى اللي دزيتهه للـ COM وهو انه ضفت عنوان الشخص اللي اريدهم يدزون الكرين كارد اله...
شنو رأيكم بهذا الشي... صايرة ويه واحد منكم؟؟؟ معقولة تكون نفس المعلومات اللي ديطلبوهه من بعض الاشخاص اثناء مقابلتهم للقنصل (مثل الاخ سبع صنايع)، بس ديختصرون الوقت ويطلبوه بالايميل قبل المقابلة ؟؟؟؟؟
يا ريت من اهل الخبرة المساعدة...

تحياتي

[BaghdadGhost]

حبيبي untitled.man .... مشكور على مشاعرك .....

هاي مال الزاوية مالتك لتسولفهه ابد ..... يعني بشرفك هسه يصير اني امسح الموضوع ؟؟؟؟؟ الا اللهم ماعندي ذمه ولا ظمير ياله هيج اسوي .... حبي الموضوع موضوعكم والله ...

بالنسبة لل 157 و ال ان في سي .... الصراحة اليوم استلمت رساله عالخاص من شخص مشترك ويانه بهذا الموضوع (للخصوصية مراح اذكر الاسم ) و هم صاير ويا بالضبط نفس الي صاير وياك .... و مالك علية حلفان راسا اجا اببالي سالفة سبع صنايع و SIVandIOM و الاستماير الي انطوهميا يوم المقابلة .... بالنسبة للي انته سويته عين العقل و ما اتصور اكو خطا .... و ترة مو بس انته هيج مسوين وياك .....

احنه نتمنه انه تكون على كولتك هاي السالفة لاختصار الوقت على المقدمين ....

ربي يسهلك امرك ....

[سيف المشهداني]

لولولولولووووووووووووووووووووووووووووووووووووش جددولي موعد الحمد لله لولولولووووووووووووووووووووش

[untitled.man]

الف الف الف مبروك اخوية سيف...
انشالله السفر القريب

تحياتي

[ahmed.khalid_87]

الف مبروك
شايف كل خير
ان شاء الله نسمع خبر حصولك على الفيزة
تحياتي

[سيف المشهداني]

رحم الله والديكم احباب قلبي

[BaghdadGhost]

اخوية سيف الغالي ,,,,,,,,,,


الف الف الف مبروك .... ان شاء الله نسمع خبر سفرك ان شاء الله .. والله متكمل الفرحة الا بعودة اخي و زميلي نور2 الى المنتدى ......

اخواني الرجاء الدخول على هذا الرابط

http://www.ankawa.com/forum/index.php/topic,288872.0.html

[سيف المشهداني]

عطر بغداد رغم عنك ههههههههه تسلم يا ورده يا غالي  ونور اجيبه اجيبه معليك اني ارجعه

[Anthony Carmelo]

الف الف مبرووووووووووووووووووووووووووك سيف وشايف الف خير ان شاء الله القبول وتحصل الفيزا
الظاهر الاخبار الحلوة هواية اليوم

[Anthony Carmelo]

حبايب ...حددولي موعد المقابلة... بشهر الخامس... اليوم استلم الايميل باالاعلام مرفق وياة عناوين عيادات الفحص الطبي يوم للجميع وبالتوفيق, يوم اللك شبوح وبقية المنتظرين

Anthony Carmelo

[BaghdadGhost]

مبروك حبيبي انتوني ..... الف الف مبروك وربي يسهلك امرك و تفرحنه بالتاشيرة .....

[ماجلان]

.

[untitled.man]

الف مبروك اخوية Anthony Carmelo
انشالله موفق ويم اللي نسمع اخبار سفرك..

الاخ العزيز ماجلان...
والله يا خويه هذا اللي صار ويايه... وره اسبوع من دزيتلهم الاوراق المطلوبة، دزولي جكليست يريدون الـ DS-157... اني هم استغربت مثلك، بس الاخ شبح بغداد مشكورا وضحلي انه مو بس اني، اكو غير جماعه هم طالبين منهم هذه الفورم...
فانت حضرهه اخاف يطلبوهه وبيوم المقابلة انشالله هم اخذهه وياك...

تحياتي

[ahmed.khalid_87]

اخوية العزيز
شايف كل خير والف مبروك
وان شاء الله نسمع خبر سفرك

حبايب ...حددولي موعد المقابلة... بشهر الخامس... اليوم استلم الايميل باالاعلام مرفق وياة عناوين عيادات الفحص الطبي يوم للجميع وبالتوفيق, يوم اللك شبوح وبقية المنتظرين

Anthony Carmelo

[stormy]

مرحبة اخوان
اليوم كرايبي مقجمين علة الاس اي في خلصوا كل الاوراق المطلوبة منهم رجعوا دزولهم كلولهة املوا فورم اسمة ds-567 احد منكم سمع عنة هوة كلش بسيط بس غريبة مسامعين بيه

[سيف المشهداني]

stormy
والله يا عيني هاي جديده من ال nvc يعني بهل الاسبوع كامو يدزون لاكثر من واحد بس على العموم  سووها وشوفو شنو بعد حجتهم وان شاء الله سيعلموكم بموعد للمقابله عن قريب ان شاء الله

[BaghdadGhost]

حبيبي ستورمي .....

والله هاي سالفة جديدة علة كولتك ... اني ابد مسامع هيج شي قبل

[سيف المشهداني]

فيكه جديده منهم همزين خلصنا منهم ولا جان اذا دازيلي يمكن افجرهم هههههههه جذب طبعا ما اسويها

[NOOR 2]

أخي الحبيب عطر بغداد
رغما عنك
أخوتي وأحبتي وتاج راسي الذي احنيه إليكم وأمامكم
اعترافا مني على حبكم ووفائكم الأخوي والذي
سأبقى افتخر به طول العمر
بارك الله بكم على هذه ألطيبه وهذه الأخلاق والكلمات الرائعه
والتي تعجز عن شكرها وتقديرها
لن استطيع فراقكم أيها الاحبه ويشهد الله ما أصعب تلك الأيام الماضيه وانأ بعيدا عنكم

والف مبروك للحبيب الغالي سيف المشهداني
ومثلها الى انطوني  ومثلها الى منو الي استلم بغيابي
تحيه من القلب أليك يا عطر بغداد ألحبيبه رغما عنك

http://www.ankawa.com/forum/index.php/topic,289256.0.html
أخوكم
وعلى عناد فنجوز
NOOR 2

[سيف المشهداني]

هــــــــــــــــــــــــــــــــــلا بيك هـــــــــــــــــــــــــــــــلا وبجيتـــــــــــــــــــــــــــك هــــــــــــــــــــلا
نورتـــــــــــــــــــــــــــــــــــ يا غالي بعد لاتروح وتعبنا وتبقيني لل12 سهران علمـــــــــــــــــــــــــــــودك
ههههههههههههههههههههههههههههههههههههههههههههههههههههههههه

[Anthony Carmelo]

نورت الصفحة نور 2 مشتاقين الك شكرا على التبريكات ياطيب
يارب يوم للمنتظرين من سبع صنايع و SIV&IOM وBaghdadghost والبقية باسرع وقت

نور عندي سوال الك وللاخوان الي عندة معلومة موكدة لان كبل فترة انته نوههت لهل الموضوع

احنا كلنا نعرف الازمة الي صايرة اهناك من صعوبة الشغل وفقدان الوضائف و و و 
اقريت باحد ردودك انوا بعد استحصال الكرين كارت يكدر الواحد يرجع ويشتغل بالعراق وكل 6 اشهر يسويلة مرة لابقاء الاقامة سارية (هذا في حالة مدبر شغل اصلا او مناسب) زين
1-اكوا واحد سواها حسب متعرفون ؟وهل علية مسائلة لاحقا ؟؟
2- شكد الفترة الي لازم يبقى بيهه باامريكا من يرجع مرة لخ ويحقله يعود للعراق؟؟
3- هل الفترة خارج امريكا تطرح من فترة 5 سنوات جنسية ؟؟ (حسب الاخ بيرج يكول لا علاقة بالسفر على الجنسية)
فقط للمعلومة وان وي طائرة رحلة لامريكا تكلف بحدود 1700 $

واني دوختكم واحب اشكر الاخ البصير على مساعدتة الي على الخاص

اخوكم

Anthony Carmelo

[Banah09]

مرحبا اخوان
نشكر كثيرا الاخ شبح بغداد على مساعدته لنا نحن مقدمي SIV انا عندي سؤال مطروح سابقا لكن محد اجاب عليه وسؤالي هو:
طلبو مني Family Book حسب تعداد 1957 وانا خارج العراق ولا ادري من اين احصل عليه وسالت في السفاره العراقية قالو انه يعني صورة قيد للعراقين ويمكن تقديم طلب بالسفاره وملئ استماره والحصول على صورة القيد وسؤالي هل هو هذا نفسه ما يدعى family book حسب تعداد 1957 لاني دخت وما ادري شنو اشوي؟

وسؤالي الثاني انهم طلبوا لأبني جواز جي لكن كما تعلمون لا تصدر السفارات حاليا جواز جي وبلغت الـ NVC بالامر وردوا علي احصلي على جواز اخر لبنك نافذ لمدة ستة شهور وحصلت على جواز اس S وردوا عليه انه اوراق ابنك انتهت هل يعني هذا انهم بطلوا من جواز جي لو بعدين هم ايرجعون ويطلبون جواز جي لابني
اشكركم على الرد.


شكرا

[Anthony Carmelo]

 Banah09

بالنسبة للسوال الاول الجواب نعم هية نفسها
السوال الثاني اعتقد اوراقة كملت ولا حاجة للجي حالها حال مقدمي طلبات اللجوء

تحياتي الك

[ahmed.khalid_87]

اخوية العزيز
اهلا وسهلا بيك
ولله فرحت لمن شفتك رجعت


وهاي هدية مني الك
كل متضوج فوتلهة وطلع حركتك بي ههههههههههههههههههه
http://www.planetdan.net/pics/misc/georgerag.swf
ان شاء الله تعجبك
تحياتي

أخي الحبيب عطر بغداد
رغما عنك
أخوتي وأحبتي وتاج راسي الذي احنيه إليكم وأمامكم
اعترافا مني على حبكم ووفائكم الأخوي والذي
سأبقى افتخر به طول العمر
بارك الله بكم على هذه ألطيبه وهذه الأخلاق والكلمات الرائعه
والتي تعجز عن شكرها وتقديرها
لن استطيع فراقكم أيها الاحبه ويشهد الله ما أصعب تلك الأيام الماضيه وانأ بعيدا عنكم

والف مبروك للحبيب الغالي سيف المشهداني
ومثلها الى انطوني  ومثلها الى منو الي استلم بغيابي
تحيه من القلب أليك يا عطر بغداد ألحبيبه رغما عنك

http://www.ankawa.com/forum/index.php/topic,289256.0.html
أخوكم
وعلى عناد فنجوز
NOOR 2

[NOOR 2]

سيوفي الغالي الف شكر لك اخي الحبيب

انتوني الحبيب الرائع والاخ والصديق النبيل
انا اشكرك جدا عللى رسائلك على الخاص والتي طلب بها عودتي للمنتدى
اخي الحبيب

المقديمين على SIV  يحصلون على الكرين كارت مباشرتا عند وصولهم الى امريكا

هنا يجب ان تتسائل او نتسائل جميعنا
كيف يمنحونا الكرين كارت حال وصولنا الى هناك قد يستغرق الوقت
شهر اقل او اكثر

اخواني الاعزاء الانتباه رجاء
 برنامج SIV   يعتبر من اهم واكبر البرامج التي اصدرتها امريكا يختص بالمهاجرين
وله اهميه وصلاحيات رهيبه جدا جدا
اخواني الاعزاء
كما تعلمون انا قدمت اوراقي الى IOM   وبعد فتح SIV   قدمت اوراقي
ولكن هنا
اصر رئيسي بالعمل على استمراري على برنامج SIV 
ويمكن ان يدرك اكثر مني في حينها ماهو برنامج SIV
المهم الله وفقني وحصلت على تأشيرة العمر على برنامج SIV
هنا سوف اعطيك الاجابه انتوني الغالي

تعرف لماذا كان يصر رئيسي بالعمل على ان اقدم على برنامج SIV   الكبير

لكي اعود للعمل معه وهذا ما اخبرني به انه يمكن لي العوده والعمل معه
ولاتؤثر مدة بقائي في العراق على اقامتي في امريكا
للاننا يمكن لنا العوده والعمل تعرفون انتم جيدا اين
اخواني نعم يمكن لكم العوده الى العراق والعمل مره ثانيه
نعم لقد عاد قسم اخر من الاصدقاء من هناك
وتركو عوائلهم هناك
وهم الان يعملون

اخوكم  NOOR 2

[ayoka]

هلو اخواني الاعزاء اني دزيت  اوراقي لل nvc علمود التزكيه وردولي اوتو ربلي كالولي شغلتك من 4 الى 8 اسبوع اشو صارلهم اكثر من 9 اسابيع وماكو شي شنو رايكم اراسلهم لو اسوي نفسي مدايرلهم بال لان اني ابو عليه وسلامي وانشاء الله نلتقي باكبر ملهى بامريكا

[ayoka]

اخوان ساعدوني رجاءا اجاني ايميل هسه هذا هوا


Greetings!

Kindly be advised that immigration visa(s) for case number:

 (BGH2008790010)

has been issued.



PLEASE NOTE:


-       Thursdays, at 15:00 is the only time that applicants can to pick up their visas from the consular section.

-       Applicants can authorize someone to pick up their visa(s) if they can’t pick it up themselves .

-       If applicant is unable to arrange access or escort into the International Zone, please request the Consular Section’s assistance by sending an email to: BaghdadIVAccess@state.gov , full name & contact number of the person who is picking up the visa (even if this person is the applicant) must be advised in the email.



Thank you,

زين اني مو بغداد وكايللهم اني بكوريا ومنطوني من قبل اي نمبر والله دخت

[Anthony Carmelo]

اخي العزيز نور 2 انته روعة وعاشتيدك وصلت الفكرة والله يبارك بيك ويرزقك ويحميك من كل سوء

Anthony Carmelo

[Anthony Carmelo]

ayoka
اول شي اسوي اشيل رقم الكيس نمبر مالتك من الموضوع هههههههههههه
ثاني شي انته وين دزيتلهم تفضيلك للسفارة على المقابلة اكيد ابغداد وبذلك راح اصير ابغداد واذا متكدر لازم اتدزلهم ايميل اتغير بيه مكان المقابلة what ever you like

Anthony Carmelo

[HUMMER]

أخ ayoka

من وين أجاك هذا ألأيميل؟

يعني من أي جهه, nvc ؟ سفاره؟  com؟

بأنتضار جوابك قبل ردي.

أخوك.

[HUMMER]

هلو اخواني الاعزاء اني دزيت  اوراقي لل nvc علمود التزكيه وردولي اوتو ربلي كالولي شغلتك من 4 الى 8 اسبوع اشو صارلهم اكثر من 9 اسابيع وماكو شي شنو رايكم اراسلهم لو اسوي نفسي مدايرلهم بال لان اني ابو عليه وسلامي وانشاء الله نلتقي باكبر ملهى بامريكا

شلون دزيت أوراقك لل nvc علمود التزكيه؟؟

قصدك التزكيه مال كوم ...صحيح؟

[ayoka]

اي دزيت الريكمنديشنات علمود احصل على ريكمنديشن لل nvc

[ayoka]

اخوان اني دزيت اوراقي لل iraq siv aplecationوذلك للحصول على ريكمنديشن حتى ادزها لل نبراسك حول قضيه siv  اجاني هذا الرد وفر عقلي

[HUMMER]

أخ ayoka أنت شنو جنت تشتغل او وين  حتى أتأهلت للبرنامج ؟

أرجو أجابتنا حتى نكدر نعطيك الحل المناسب.

أخوك

[ayoka]

اخويه يعني داز اوراقي لنبراسك واريد من الاس اي في ريكمنديشن يعني شجنت اشتغل فلاح بالقصر الجمهوري دفتهمها مو طكيتها لروحي

[HUMMER]

ayoka
اول شي اسوي اشيل رقم الكيس نمبر مالتك من الموضوع هههههههههههه
ثاني شي انته وين دزيتلهم تفضيلك للسفارة على المقابلة اكيد ابغداد وبذلك راح اصير ابغداد واذا متكدر لازم اتدزلهم ايميل اتغير بيه مكان المقابلة what ever you like

Anthony Carmelo

المشكله أنه هذا مو رقم الكيس مالته, هذا رقم الكيس مال فد واحد كان طالعله بروسس بعد المقابله او هسه فرجت.


أخوان ... منو هنا طالعله تأجيل و رقم الكيس مالته  هوه: BGH2008790010 ؟

[ayoka]

اخويه همر والله اني هم اشك بالسالفه وافرح اذا واحد جان صابر واجاه الايميل هذا لان ممعقوله قابل اني رامبو

[ayoka]

hi humer is not of the man block the messge
I think this man he do not have the glory ??

[untitled.man]

الف تحية لحضرتك اخي نور...
نورت صفحات منتدى الهجرة واللاجئين برجعتك ومشاركاتك..
اتمنالك الموفقية والسفر القريب انشالله...

تحياتي

[BaghdadGhost]

الف الف الف هلا بيك اخي نور .....

موتتني ... طككت مرارتي ..... سويت بيه سعال ديكي ... لما قبلت ترجع .... وين تروح مني ... افصلك افصلك .... حضر عمامك احنه كوامه وياكم .....

[BaghdadGhost]

اخي ايوكة ....

هذتا الي صار وياك مجرد التباس لا اكثر ولا اقل ... يعني هذا الايميل مجان المفروض يروح الك بس همه المطاية دزو الك ...... اذا تريد بلغهم بالخطا لان خطية ابو الكيس نمبر الاصلي (يعني مو مثلك مزور ) هههههههههه اتشاقة وياك ... خطية ترة ينتظر منهم هذا الايميل

[ayoka]

والله يا شبح بغداد اني شفت الايميل الاي اجاني بيه  كاربون كوبي لواحد الاخ دخت طلعت شجره العائله بلكت عرف ما عرفته المهم دزيتله ايميل يكول يا غافلين الكم الله بس تدري من اجاني الايميل حيل كيفت بعدين سئلت نفسي شنو فيزه شنو مقابله والمشكله صارف 70 دولار كله هينكن الله ليوفقك يلي بكلبي

[sivwaiting]

سلا م عليكم اخويه بغدا د كوست
 الله  يوفقك انشاء الله  ومبروك المقابلة بس عندي سؤال  اني طلعلي موافقة نبرسكا قبل 4 ايام  . زين مال العائله شوكت يدزون لات الكوم اجا لوحدي شلون يصير طريقة العاءلة مع الشكر

[BaghdadGhost]

حبيبي المنتضر اس اي في ....

اهلا وسهلا بيك ويانه ربع ال اس اي في ....

بالنسبة الي اني سكرتي ابضاي .... هههههههه .... هاي مال بالب الحارة بس اني قصدي انه اني حديقة ممتزوج ورايح بطرك روحي .... بس اتصور بان افراد العائلة كلهم ينذكرون بالموافقة مال رايس البعثه الدبلوماسية COM وياك باعتبار انته صاحب الكيس الرائيسي ... يعني افارد العائلة ميجيهم اوراق مستقلة باسمهم ... بس انته و بورقتك ينذكرون كلهم ..... هذا رايي .. ما اعرف شنو راي الاخوة المتورطين .... العفو قصدي المتزوجين ..... بالمناسبة خويك ترة بعدني ممقابل و اشكرك على الدعاء .....

ربي يوفقك و تسهل امورك .....

[ahmed.khalid_87]

اخوية العزيز
بالموافقة ينذكر بس اسمك
مو اسماء العائلة كلهة!!
تحياتي

سلا م عليكم اخويه بغدا د كوست
 الله  يوفقك انشاء الله  ومبروك المقابلة بس عندي سؤال  اني طلعلي موافقة نبرسكا قبل 4 ايام  . زين مال العائله شوكت يدزون لات الكوم اجا لوحدي شلون يصير طريقة العاءلة مع الشكر

[NOOR 2]

اخوتي الاحبه
اخي عطر بغداد رغما عنك

ارجو ان تسمحولي ان اوضح لكم التالي

موافقة البعثه الدبلوماسيه والتي هي  COM
تذكر بها جميع افراد العائله وتاريخ ميلادهم
وهذا الشي اكيد
للانني استلمت الموافقه وبها كل افراد عائلتي
وانا الان بحمد الله وفضله التاشيره بالجيب الزغيروني
مثل ما كال اخويه الغاليه فنجوز 
وان اشاء الله راح يكون موعد سفري قريب جدا

اخوكم الزغيروني ازغيروني ازغيروني

NOOR 2

[ahmed.khalid_87]

اخوية نور2
اني حصلت على موافقة البعثة الدبولماسية
ذاكرين بيهة بس اسمي بدون اسماء افراد العائلة!!
ودزيت اوراقي لنبراسكا اني وعائلتي وحصلت موافقة نبراسكا!!
والان اوراقي بالnvc
ماتوقع اكو مشكلة اذا مذاكرين جميع افراد العائلة بموافقة البعثة!
تحياتي

اخوتي الاحبه
اخي عطر بغداد رغما عنك

ارجو ان تسمحولي ان اوضح لكم التالي

موافقة البعثه الدبلوماسيه والتي هي  COM
تذكر بها جميع افراد العائله وتاريخ ميلادهم
وهذا الشي اكيد
للانني استلمت الموافقه وبها كل افراد عائلتي
وانا الان بحمد الله وفضله التاشيره بالجيب الزغيروني
مثل ما كال اخويه الغاليه فنجوز 
وان اشاء الله راح يكون موعد سفري قريب جدا

اخوكم الزغيروني ازغيروني ازغيروني

NOOR 2

[NOOR 2]

اخي الحبيب احمد الغالي

انا حصلت على موافقة البعثه وكان رقم الموافقه اقل من رقم 50

وهذا ما حصل معي وكل اسماء عائلتي تم ذكرهم بالموافقه وتاريخ ميلادهم

وداعتك هذا الشيء صحيح
احتمال تم تغيير المنهج او او او
وانا الان كلشي مخلص
واني بالخدمه

الله يا عطر بغداد رغما عنك عنك عنك

اخوك  NOOR 2

[George W. Bush]

الأخ Noor2
مبروك استلام الفيزا .. حسب علمي انه انت دزيت الفيزا للRPC سؤالي هو هل اعطوك الRPC موعد سفر او ارسلوا لك اي تفاصيل؟

ارجو الأجابة عن سؤالي لأن انا دزيت نسخ الفيزا الهم قبل شهر و لحد الأن ما جاوبوني

اخوك George W. Bush

[NOOR 2]

اخي العزيز جورجي

نعم ارسلت لهم التاشيره الى مركز اعادة التوطين
وذكرت لهم عنوان احد الاصدقاء هناك والذي ارغب بالسكن قريبا منه

وهم ارسلو لي انهم سيرتبون لي ذلك مع صديقي وسيتصلون بي خلال اسبوع
واني بالخدمه ومبروك لك استلام التاشيره

اخوك  NOOR 2

[hamoody]

السلام عليكم اخواني الاعزاء
طبعا اول شي مبروك ال كلمن اخذ الفيزا وان شاء الله التوفيق للي مقدمين ودينتظرون اخوان اني عندي سؤال واتمنى كلمن عندة اجابة اتفيدني يجاوبني
سؤالي هوة انو اني دزيت اوراقي لل ان في سي يوم 1من الشهر الثاني 2009 ودانتظر المقابلة بس بعد ممبينة ليهسة علما انو الكيس نمبر مالتي يبدي ب 2009 شكد هية اتطول الفترة المفروض بعد متندز الاوراق لل ان في سي يعني كم شهر؟ ومنين يجي موعد المقابلة من ال ان في سي نفسها لو غير ايميل يدزولنا الموعد؟ علما انو ال ان في سي دزولي كلولي Your case has been documentarily completed and is currently under review
for administrative processing
وكلولي اول منحددلك موعد رح يجيك بالايميل
ادري ضوجتكم لان اسالتي هواية بس اني من النوع القلق شوية فاتمنى الي عندة جواب على اسالتي يجاوبني واكونلة جدا ممنون....
اخوكم حمودي من بغداد

[BaghdadGhost]

حمودي حبيبي .....

احنا بالخدمة ..... انته ردت نصيحة .... و اني راح انصحك ....
حسب الي ذكرته بان اوراقك كاملة يم ال ان في سي من يوم واحد شبط .... معنا صارلك شهر و اسبوعين .... هاي المدة قليلة بالنسبة لل ان في سي و التجييك الامني و الي احنه هنا بالموضوع نسمي بحر الظلمات لان متعرف ولا راح تعرف شوكت راح يخلصون ..... اني ما اريد اايسك بس ترة بعد وكت ..... نصيحتي الك بان تنصب بالحاسبة فاركراي او بلاك او سنايبر و تبدي تلعب و تختم لعبات و ابد لتفكر لان التفكير يدمرك .... ها بالمناسبة .. حاول ان تدخل يومية الى عنكاوا لان هذا الشي راح ينسيك و مراح تشوف الا و همه متصلين بيك على مقابلة ....

بالنسبة لموعد المقابلة يجيك من ال ان في سي ايميلات ثنين ... واحد بي تفاصيل موعد المقابلة و الثاني تفاصيل الفحص الطبي و تفاصيل الاسكورت لاجراء المقابلة ....

تدلل و شكد متريد اسال

[untitled.man]

الاخوة الاعزاء...
الاخ sivwaiting...
اني استلمت الـ COM بشهر الثاني وكانوا ذاكرين بس اسمي بيهه... علما اني متزوج وعندي طفل...
دزيتلهم ايميل مباشرة وكلتلهم: يابه تره كل الجماعة اللي داير مدايري اسمهم واسماء عوائلهم مذكورة بالـ COM بس اني، ليييييييييييييش؟!؟!؟!؟
وهذا جان جوابهم:

Dear Mr. Untitled man,

At this stage of the process only the principal applicants’ information is required. Your application has been forwarded to the National Visa Center(NVC). When NVC contacts you, they will require the additional family information.

Once more, congratulations on your Chief of Mission Approval for Iraqi Special Immigrant Visa Status.

 

Sincerely,

SIV Program

تحياتي

[hamoody]

شبح بغداد اني ممنون جدا الك واشكرك هواية على مساعدتك بس اني ترة صارلي شهرين واسبوعين مو شهر واسبوعين لان من 1 شباط واليوم 12 نيسان واكو شغلة هية الي شاغلة بالي انو عندي اصدقاء الكيس نمبر مالتهم 2008 بس طولت شغلتهم تقريبا شهرين واجاهم موعد او يمكن اقل شوية من شهرين فشنو القصة اشو كل واحد شكل يعني همة ماعدهم شي يعتمدون عليه؟ لو بالسرة الشغلة ؟
وتعبتك وياية حبي وجزيل الشكر الك
حمودي

[untitled.man]

الاخ العزيز حمودي...
تحية طيبة..

بالضبط مثل ما كلت... ما عدهم شي يعتمدون عليه... وانطيك هذا المثال:
جماعة قدموا اوراقهم بنفس اليوم 1 شباط والكيس مالتهم يبدي 2008، واحد منهم قابل يوم 2 نيسان، والثاني لحد الان دينتظر يحددوله موعد مقابلة.... دتشوف الفرق...
اني اتصور اكو عوامل تأثر بسرعة الكيس واللي هي حسب الي دنشوفه:
- الخدمة العسكرية
- السفر خارج العراق
- العوائل (اتصور معاملتهم تأخذ وقت اطول)
- تشابه الاسماء
والى اخره...
تقريبا نفس الموافقة الامنية ببرنامج الـ IOM

تحياتي

[damn siv]

سلام عليكم اخوان
الرجاء الدخول على الرابط والاجابة عن سؤالي

http://www.ankawa.com/forum/index.php/topic,289462.0.html

شكرا جزيلا

[George W. Bush]

الأخ العزيز NOOR2
شكرا لأجابتك على سؤالي لكني ارسلت لهم الفيزا قبل شهر و اجابوني في وقتها انهم سيرتبون لي الوضع كون عندي كفيل في مكان معين و لحد الأن لم يرسلوا لي اي شيء
اما بالنسبة لأتصالهم بك خلال اسبوع فهذا شيء رائع لأنهم و كما يقال يتأخرون 60 الى 90 يوم لأتمام اجراءات السفر

شكرا و اتمنى لك الموفقية

George W. Bush

[NOOR 2]

الاخ العزيز الغالي والي يامرنا امر  damn siv

انا اشكرك جدا على هذه الاختصارات بالسؤال
يمعود بله هاي وين لكيته

هههههههههه
اخوك  NOOR 2

[BaghdadGhost]

اخي George W. Bush .....


ان شاء الله يتصلون بيك عن قريب

[sivwaiting]

اي Untitled Man


لعد نفس الشي احنا سوى واني متزوج وعندي ولد واحد يجوز وره الان في سي يردون مال العائله بالتوفيق للكل

[BaghdadGhost]

اخي hamoody .....

حاول ببين يوم و يوم تتصل على ارقام ال NVC و تجيك حاله الكيس مالتك .....

اني ما اجزم بان هذا الشي راح يسرع من الكيس .... بس في حاله ان الكيس مالتك تحتاج تذكير لا اكثر ولا اقل ... او  واصلة الى مرحلة تتطلب منك ارسال بعض المستمسكات التكميلية ... بس همه ناسين بان يرسلولك ايميل .....

[سيف المشهداني]

السلام عليكم اخواني عندي شغله اريد استشيركم بيها رجاءا ساعدوني لان اشويه دخت بيها
اني طبعا دزولي موعد والحمد لله على بيروت في النصف الثاني من شهر ايار المهم اني ما مقدم على المساعدات ورفضتها من البدايه لان جان ببالي شغله وما ماصارت هناك باميركا المهم وما اريد من اخذ الفيزه اتاخر لان البقاء في بيروت مكلف حسب قول احد الاخوان الاعزاء اريد ان اخاطب ال RPCواكلهم انني لا اريد تذاكر الطيران اريد فقط توفير مسكن هناك انتو شنو رايكم اسوي هاذا الشي لو شسوي اني ما اريد همه يحددون موعد لسفري اني اريد اسافر اني اريد بس سكن منهم رجاءا اشويه دخت بهاي السالفه ممكن اشوف ارائكم بيها وشكرا

[NOOR 2]

سيوفي الغالي وتاج راسي

والله اني دخت وما اكدر اعطيك الجواب للانه طلبك مقسم
انا اعتقد الحل كما هو

ارسال DS234  الان وفورا واطلب منهم شمولك بالمساعدات
اجراء المقابله وان شاء الله وبقوته تحصل على التاشيره
عد الى بغداد
ارسل لهم صوره من التاشيره واطلب او اخبرهم انك الان في العراق
وتطلب سفرك يكون من العراق
والسبب انه لديك امور يجب ان تصفيها في العراق

انا متاكد ان السفر يمكن لك ان تحدد من اين تنطلق

هم سوف يرسلون اليك رساله يطلبون منك اخبارهم هل انت جاهز للسفر واقرب مطار اليك

اتمنى ان يكون هذا الحل الاقرب اليك

ها سيف تريد تفلت ليش اخويه
مو اني وانته على تكساس غير انسافر سويه

اخوكم NOOR 2

[سيف المشهداني]

حبيبي ما عاش الي يدوخ....
حبي اني راح ارسل الهم ال ds234  وراح اشرحلهم والله كريم حبي نور ما اكدر ارجع لبغداد لعده اسباب ومنها العمل ... المهم اشكرك على ردك وما اعوفك الى اخر يوم في حياتي
اخوك سيف

[BaghdadGhost]

حبيبي سيوفي ......

الشغلة كلش سهلة ...... اول شي تقدم عالمساعدات و تكللهم بانك تريد موعد السفر يكون (تذكر التاريخ ) و تكون الحجة بانك لحد الان ممتخذ اي اجراءات للسفر لذلك عندك ترتيبات لازم تحلهه قبل متسافر .... بس دير بالك ترجع للعراق لان هذا الشي راح يخلي القنصل يشكك بمدى اهليتك و شمولك بهذا البرنامج .... تدري لان هوه مخصص للاشخاص الي عملوا مع الحكومة الامريكية و معرضين للتهديد .... يعني شون ميكون تواجدك ببيروت افضل من بغداد .....

[Haidor]

سؤال حبي شبح بغداد و الاخوة الاصدقاء:

بعد أن أرسلت الاستمارات و المعلومات المطلوبه لل NVC دزولي رسالة وره 3 ايام يكولون
We have received the documents attached to your correspondence and your case is currently under review.  Once the review is complete, you will be notified with further instructions.
هل هذا معناه 1) ألبس الجوب (مال تاير) لان  دخلت مرحلة بحر الظلمات لو 2) لازم يدزولي documentation completed يلله ألبس الجوب؟

شكرا مقدما...

حيدور

[BaghdadGhost]

حبيبي حيدور .....

اذا انته متاكد بانك ارسلت كل الاوراق المطلوبه منك ...... نصيحتي الك فد يومين و جيك الكيس مالتك بالتلفون و شوف شنو يكلولك .... وبنفس الوقت دزلهم ايميل اسال بي اذا بعد محتاجين اي وثائق لاكمال البكج مالتك

[سيف المشهداني]

عاشت ايدك عطرنا الغالي بس اني هسه كبل ما اقره ردك وبعد مشاورات مع حبي نور سويت الاتي
دزيت الهم ايميل وهو انني اريد اقدم على مساعداتكم وانني عندي موعد مقابله وهاذا الكيس مالتي واريد بعد التاشيره ان اسافر بسرعه ولا استطيع الانتضار في لبنان مده طويله ولا استطيع الرجوع الى العراق بسبب المجاميع المسلحه عندما يعلمون انني حصلت الفيزه هاذا الشي سوف يهدد حياتي ودزيتلهم هاي الاستماره الي بيها التوقيع كتبت الكيس نمبر واسمي وهاي الامور رجعلي اوتو ربلي فقط وشكرا

[BaghdadGhost]

حبيبي سيوفي ....

عين العقل ... تدري اني مفتهم غلط ... اني تصورت بانك متريدهم يسفروك بسرعة و تريد انته تحدد الموعد مال السفر .... يعني بالمكلوب ..... هههههههههه .... اعذرني شويه دايخ من ورة طبيبيه الاسنان ...... مو من ورة البنج .... لا من ورة الطبيبة لان هيه تخبل ايه من الجمال ....

[siv2007]

السلام عليكم أخوتنا المقدمين على الـ اس اي في هذه امانة انقلها لكم من أخونا الغائب الحاضر  فينشينزو



اولا: هو يبارك للجميع الذين سافروا او تم تحديد مواعيد سفرهم


ثانياً: فيما يخص معاملته الهجرة واللجوء فهي تسير حسب ما مخطط لها ويعتقد ان شغلة ال اس اي في هي في المقدمه.


ثالثاً: هو يتمنى العوده والمشاركه ولكن..........لاسباب خاصه لا يمكنه المشاركه او اضافة ردود او الاجابة على الخاص!!


رابعا :يهديكم كل محبته وتقديره ويشكر كل من راسله على الخاص.

هذه الامانه انقلها لك وتقبلوا مني كل التقدير[/glow]

[HUMMER]

عاشت ايدك عطرنا الغالي بس اني هسه كبل ما اقره ردك وبعد مشاورات مع حبي نور سويت الاتي
دزيت الهم ايميل وهو انني اريد اقدم على مساعداتكم وانني عندي موعد مقابله وهاذا الكيس مالتي واريد بعد التاشيره ان اسافر بسرعه ولا استطيع الانتضار في لبنان مده طويله ولا استطيع الرجوع الى العراق بسبب المجاميع المسلحه عندما يعلمون انني حصلت الفيزه هاذا الشي سوف يهدد حياتي ودزيتلهم هاي الاستماره الي بيها التوقيع كتبت الكيس نمبر واسمي وهاي الامور رجعلي اوتو ربلي فقط وشكرا

أخ سيف أني سألتهم نفس السؤال قبل فتره و كان جوابهم أنه أذا أنت كنت تريد أن تشارك بهذا البرنامج فلازم تقبل بالسفر الي يرتبه ال IOM. يعني مامكن تستفاد من برنامج DOS Resettlement Benefits عند الوصول الى أذا هم سفروك.

ولكن ماسألتهم أذا دفعت مبلغ السفر للIOM كاش قبل السفر , هل هذا يسرع من جدوله السفر؟

أخوك
 

[BaghdadGhost]

اخي siv2007 ......


مشكور على نقل الامانه و سلامنا الى الاخ فجنزو ....... ولو اني وصلتني معلومة خلتني ازعل منه ...

الله يوفق الجميع ........

[سيف المشهداني]

عاشت ايدك همر حبي وهسه خل اشوف ردهم وأرجع ابلغكم

[HUMMER]

هذا من الي أجاني منهم بوقتها:

NOTE:  You must travel on an IOM arranged flight in order to qualify for
Department of State benefits.  Should any of the information you
provided on the DS-0234 change prior to your arrival in the United
States, please notify the Refugee Processing Center as soon as possible.

تحياتي

[HUMMER]

أخونه الغالي SIVandIOM

بشر.....أكو أخبار....أنشأ الله خير

أخوك

[Haidor]

أخوان حديثكم ذكرني بسؤال يدور بدماغي صار فترة .... اذا الواحد مقرر يقدم عل المساعدات و يخللي ال IOM ترتب سفره ... ممكن يدفع بطاقة السفر و يخلص من تسديده مال اقساط؟ لو لازم one package deal?

[HUMMER]

معلوماتي أنه ممكن الدفع مقدما" بعد أن تكتب لهم و تطلب هذا الشي بس ما أتصور الدفع مقدما" يسرع من ترتيبات سفرك.

[SIVandIOM]

السلام عليكم

اولا اسف على الانقطاع لسفري خارج العراق

وثانيا اشكر الاخوة الاعزاء خاصه Hummer على سؤالهم عليه

ثالثا ولله الحمد قبل كم يوم اتصلوا بيه السفارة الامريكية ببغداد وكلولي لازم اجيبلهم جوازي علمود يختمون الفيزا لأنه خلصت الاجراءات مالتي....الحمد لله والشكر لله...كلتلهم اول ما ارجع للعراق( انشالله بعد كم يوم) اجيبلهم جوازي لأنه جوازات عائلتي بعدهه يمهم اصلا....طبعا ما دازيلي اي ايميل بس على التلفون


انشالله يوم لأخوية سبع صنايع والكم كلكم

مبروك لكلمن حصل فيزا او موعد وانشالله اتواصل وياكم اول ما ارجع لبغداد

تحياتي

[BaghdadGhost]

اخي SIVandIOM .......

 اتشرف بان اكون اول المهنين ..... ربي يوفقك و تسافر ان شاء الله و مثل مكلت ان شاء الله نسمع مثل هيج خبر حلو من اخونه سبع صنايع عن قريب ...... و اكيد كل الاخوة الي طلعتلهم نفس البلتيقة ....

[HUMMER]

مبروك أخي SIVand IOM و أنشأء الله السفر القريب. والله فرحتلك.

يعني أتصالهم ممكن يكون عن طريق التلفون؟ شكرا" لأنك نبهتنه حتى أنكون دائما" قريبين على الجهاز.

مقابلتي كانت قريبه جدا" لمقابلتك فأنشاء الله تكون أخبارك الحلوه هذه فاتحه خير علينه كلنه . مبروك مره أخرى.

أخوك

[untitled.man]

الف مبروك اخي SIVandIOM....
انشالله عودة سالمة للعراق... وسفر قريب لبر الامان...

تحياتي

[سبع صنايع]

اخ SIV

الف مبروك على الأخبار الحلوة وان شاء الله تتسهل على الكل
وعندي شكم استفسار  راح ادزلك على الخاص
وواضح من جواب الأخ همر انه ايضا يمر بنفس الحالة ان شاء الله تفرج علية
وسلام لكل الأخوة ومشتاقين وشنو اخبار فالكون اشو طولت الغيبة

[سيف المشهداني]

الف مليون مبروك ربي ان شاء الله نفرح ب سبع وبكل المنتضرين

[NOOR 2]

الف الف الف الف مليار مبروك اخي SIV AND IOM

اجمل خبر وان اشاء الله السفر قريبا

وان شاء الله يوم الي نفرح

بسيوفي الغالي
وسبع  ابو الاسود الورده

والعطر البغدادي الاصيل ورغما عنه

وانطوني ووووووووووو

اخوكم NOOR 2

[BaghdadGhost]

اخواني الاعزاء ......

اخونا الرحال واكع بمشكلة ...... نريد همتكم بالردود و الاقتراحات ...... الرحال سوه موضوع بالمنتدى ... الي يريد يضيف الرد بالموضوع ... واذا ملكا للموضوع يكدر يضيف الرد هنا ....

هاي المشكلة وان شاء الله محلولة ....


اخواني اخواتي الاعزاء تحية طيبة ...
اخواني واخواتي اريد منكم مساعدتي في امر ما ، مثل ماتعرفون اخواني اني انهيت مرحلة المقابلة وصدرت لي الفيزا على برنامج الاس اي في وانتظر موعد السفر (وانشاء الله للجميع ) حيث تم الاتصال المنظمة بقريـبي وطلبوا منه ان يتكفل بسكني فرفض ذلك فقالوا له سوف يتم نقلي الى ولاية ثانية اذا لم يتكفلني ، فما نصيحتكم لي وهل يجب ان يتكفلني علماً انه طلبوا منه ان يوقع اوراق خاصة بكفالتي ؟وهل صحيح ان المنظمة تخلي مسؤوليتهاعني اذا لدي قريب طلبت السكن في نفس ولايته؟
ارجو الاجابة من الاشخاص الذين لديهم الخبرة في ذلك .

وشكراً جزيلاً لكم 
اخوكم
الرحال1

[NOOR 2]

اخي الرحال 1 الورده

لايوجد مثل هذا الشيء وسوف اوضح لك كيف

تتذكرون انه كان لنا زميل في المنتدى اسمه فالكون والحمد لله نحن نتذكره بالرغم...
عندما ارسل لهم عنوان صديقه في امريكه اتصلو به هناك
وطلبو منه ان يتكفله بالسكن وغير ذلك
طلب فالكون منه عدم التوقيع على كونه كفيل مادي بالرغم من استعداد صديقه لذلك
وفعلا تم الرفض من قبل الصديق والقبول ان يكون كفيل معنوي فقط
وفعلا تم ذكلك وهو الان يسكن بنفس المدينه

اما بخصوصي
انا طلبت من صديقي والذي ارغب بالسكن قربه وهو مديري الرائع

تناقشت معه على ذلك وانني ارغب ان يكون كفيل معنوي فقط
وبعد الحاح كبير عليه وافق على ذلك
بعد اتصالهم به تم النوقيع على ان يكون كفيل معنوي
واخر رساله استلمتها من مركز اعادة التوطين
يخبروني انهم سيرتبون موضوع سكني وبمساعدة صديقي هناك

اتمنى ان تكون الصوره واضحه اليك
اخوك الذي ينتظر السفر فقط SIV

NOOR 2

[سيف المشهداني]

كلام نور صحيح وهاي المنضمه اشكد فـــــــــــكر لعد اني دزيتلهم كتلهم اريد ارجع انضم بمساعدتكم ةدوكلشي ما دزولي ماعرف ليش بس اني غلطت دزيتلهم رقم الكيس نمبر مالتي واخاف ايسون لهم ملعوبه

[Anthony Carmelo]

الف الف مبرووووووووووووك SIVandIOM على الفيزا مقدما
ويارب يوم لسبع صنايع و بقية الاخوان المنتضرين
شكرا اخي العزيز  NOOR 2 للامنيات الطيبة وتاكيد المعلومة المهمة وبالفعل اني من قابلت مقابلة اولى بالIOM وافقوا على كفيل معنوي فقط

امنياتي للجميع الموفقية

Anthony Carmelo

[hamoody]

اخواني الاعزاء السلام عليكم
طبعا تعذروني مداشارك هواية بس دائما داشوف اخر اخباركم يعني يوم بيومة بس قليل داكتب لان شوية قلق ودانتظر موعد المقابلة وليهسة ماجاني علما انو الكيس نمبر اجاني يمكن 17-1-2009 ودزيت اوراقي لل ان في سي يوم 1-2-2009 وكلولي اوراقك كملت وتحت المراجعة الادارية قبل اسبوعين تقريبا او شوية اكثر بس ماجة شي بعد يعني اني هسة بمرحلة بحر الظلمات طبعا يومية داجيك الايميل وماكو واني هم دزيتلهم كتلهم اخبار الكيس مالتي وهم كلولي الاوراق كاملة وتحت المراجعة والله كريم بس بصراحة شباب اني قلقان اكول همة هم يغلسون لو ماعدهم هيجي شي يعني كل المعاملات يمشوهة واتمنى اذا احد يعرف تقريبا شكد الفترة بين بحر الغضب وتحديد الموعد؟؟
واشكركم اخوان كلش هواية

اخوكم حمودي

[BaghdadGhost]

الشكر الجزيل لكل الاخوان الي لبوا طلب المساعدة وربي يوفقكم و ترتاحون بحياتكم الجديدة ....

عندي سوال لاخي الرحال ... انته على اي ولاية مقدم ؟؟؟؟ يعني هذا الحجي الي صار باي ولاية او اذا تكدر تذكرلنه اسم المنظمة حتى اخاف واحد من الاخوان على نفس المنظمة يتنبه للموضوع قبل ميصير .....

اخي حمودي الورد .....

الله يساعدك و ان شاء الله يتصلون بيك عن قريب ..... بس ترة نصيحة مني ... ابد لتفكر بالمدة .... اطبك عالسرة .....

[ayadkoo]

ارجوكم لمن يعرف موضوع اللجوء الي عن طريق un  خرج الى بلد ثالث فانا اريد معرفت تفاصيل خروجه من الف الى الياء وكم المده التي استغرق انتظاره لحين موعد السفر .....فانا اريد ان اعرض لكم قصتي بالكامل فانا حدثت معي قصه في دولة الامارات العربيه المتحده الشارقه فانا لدي ثلاثة اولادوكلهم ولدتهم في الامارات لاني مقيمه منذ8سنوات فعند ولادتي الاخير في مستشفى في الامارات خطف طفلي الصغير على يد امراه دكتوره هنديه والحمدلله مسكوها واعدوه لي من تلك الحظه لم احس بالامان فقدمت un منذ 6اشهر فقط استلموا مني القضيه ولاحس ولاخبر لحد الان فهل قبلوا بي وام لم يقبلوا لان قضيتي هذه خارج العراق لااعرف لحد الان اتصل بهم لن يعطوني الجواب الشافي فانا اريد الجواب لمن عنده خبره في هذه المواضيع ولكم جزيل الشكر نحن العراقيين لو نذهب الى القمر لاحقنا القدر والله يعطينا الصبر انشاء الله ولكم كل الاحترام ارجوا ممن عنده الخبره في هذه المواضيع الاجابه  شكرا

[البصير]

أخ SIV & IOM

مبروك الفيزا و تستاهل كل خير و الله يوفقك


أخوك البصير

[BaghdadGhost]

اخي العزيز ayadkoo

ادخل لهذا الرابط

http://www.ankawa.com/forum/index.php/topic,290586.0.html

[Haidor]

شباب سؤال خطف بذهني: ليش يريدون الاستماره مال DS-157 الخاصه بال Non-immigrant Visa ببرنامج الاس اي في مال هجره؟ أشو أكو تناقض .... أعتقد سؤالي مكرر بس دورت على اللي سأل أول مره و ما لكيت المشاركة...

تحياتي .. حيدور

[NOOR 2]

اخويه الغالي حيدور

لم افهم سؤالك لكي اعطيك الاجابه ماهو المقصود بالسؤال

رجاء وضحلنا اكثر كي اعطيك الاجابه
اخوك NOOR 2

[untitled.man]

اخي العزيز حيدور...
اني اتصور (رأيي الشخصي) يريدون يتأكدون انه انت نفسك اللي مقدم للبرنامج من بدايته لحد وصولك لهذه المرحلة... لانه انت تعرف همه ما يعرفوك انه انت الشخص المعني الى يوم المقابلة... والاسئلة اللي يسئلهه القنصل مثل ما كالوا الاخوة اللي قابلوا محورهه حول محتويات الـ DS230... فاتصور هذا الطلب هو لزيادة التأكيد وللمقارنة بين ما انت ذاكره بالـ DS-157 و DS-230... اما ليش يطلبوهه لكل افراد العائلة... فهذه لحد الان ما واضحة...

اتمنى الاخوة الباقين يتحفونه بأرائهم...

تحياتي

[BaghdadGhost]

حبيبي حيدور .....

مثل متعرف .... برنامج ال SIV هو برنامج جديد على الحكومة الامريكيه ..... و قد وجد خصيصا للاشخاص الي ساعدوا الحكومة الامريكية في حرب تحرير العراق ..... لذلك ما كان اكو استمارات مخصصة خصيصا لهذا البرنامج .... و حتى الاجراءات هي وقتيه و متفق عليها .....

تتذكر من بدا البرنامج ابو ال 50 نفر بال 2005 ..... كان ماكو خيار ال SIV في ال I-360 ... وجان الاختيار يتم على اخرى و تشرح الحاله ..... يعني قصدي بان لتستغرب من هاي الاجراءات و التعديلات بالموضوع .... و لتنسه بان البرنامج بعدة باوله مقارنتا بالمدة المحددة ..... و صدكني راح تصير هواي تغييرات بالتقديم ..... ان شاء الله ربي يسهلك امورك و توصل لامريكا و ورة سنه تشوف واحد هستوة جاي عال اس اي في و تساله شنو الي صار ويا بالتقديم ... صدكني ذاك الوكت راح تستغرب هواي عالتغيير الحاصل ....

[BaghdadGhost]

اخواني الاعزاء ......

هاي وحدة من نماذج المقابلات الي جرت في الفترة الاخيرة و الي هيه لاخونا حداد السيوف .....

نتمنالك الموفقية و الراحة و الاستقرار ......


أخواني وأخواتي السلام عليكم
أني حبيت أشرح كيف تمت المقابلة وياريت الكل يستفاد من هاي التجربة
 كان عندي موعد مقابلة يوم 12-4-2009
وكان التنبيه انه اذا اريد اجي لازم أدز ايميل الى BaghdadIVaccess@state.gov  من أجل تأمين الحصول على أسكورت

أخوان نصيحة لازم حتى لو عندك باج مال دخول للمنطقة الخضراء دزولهم وكلولهم يابه أحنا عدنا باجات علمود يحسبون أحسابهم انه انتوا راح تجون للمقابلة
رجائي لكم ان لاتذهبوا بدون متنطوهم خبر تأكيد بمجيئكم
المهم ,, كلولي الساعة بالعشرة مقابلتي
دزيتلهم رسالة يابه اني اريد سكورت ماعندي سكورت
هم بعد يومين جاوبوني كلولي يابه تعال قبل الساعة 7 صباحا
اني من الصبح طلعت اني وزوجتي الساعة 6 الصبح
اخذنه تكسي ب 6 الاف عيني
ووصلنا تقريا سته ونصف بمنطقة الانتظار
طبعا اذا زوجتك وياك هي راح تكعد بصفحة ويه البنات وتخلي جنسيتهه وياهه وانت بصفحة
أخي العيزيز واختي العزيزة بالنسبة للأوراق كولشي أخذوا وياكم وصدكوني حتى لو مطالبين عدم المحكوميه أخذوا لأن يفيدكم
المهم,, اني حتى صور ويه الامريكان أخذت واخذت صور مال العرس وتزكيات
المهم بعد وصولنه
زوجتي كعدت بصفحة واني بصفحة ووصارت الساعة 8 ونصف والاسكورت ماكو المهم قبل ال تسعة بين الولد الاسكورت
هو ولحد اسمر يشبه حيد ابو تايتن اذا تذكروا وباجه لونه اخضر مو اخضر اي زي لا اخضر كأنه كارت اخضر
المهم,, اول ما اجه اخذوا نصيحة من عندي وتدخلون حاولو تمشون على السريع ووحاولو اول ناس تصعدون بالباص
الباص راح يكون تحت التقاطع الي اسفل جسر المعلق
باص لونه ابيض والسايق مالته أسود اوغندي او اثيوبي الله اعلم ومرات الاسكورت هو يسوق
وبعد متوصلون المنطقة مال السفارة حاولو تنزلون اول الناس وحظروا جوازكم وبيدكم ورسالة ال NVV
لازم تشوفوه للحرس
ومن توصلون اخوان اني اعرف انتو مرتبين بس تجنبا للأحراج يعني أكو درج زغير صعدوا بيه لأن أكو شاب والله فشلت من عنده دفعني واني زوجتي دنصعد الدرج وعبر على الساحة الترابيه خله ذولي الحرس يحجون مو خوش حجي انتوا حاولوا توصلون أول السرة لكن بالمعقول
المهم الله يوفقه الهذا الولد هو هم اخونا وعراقي
اول شي راح توكف سره ذولي الحرس من بيرو وشويه نحسين كون حذر بتعاملك وياهم ولتصير عصبي لأن هم كولشي ميفتهمون بالأنكليزي كليته أسباني
تدخلون واحد واحد يعني اني دخلت وبقت زوجتي بره
تنزع حزامك وشكو شي معدن بجيبك تخليه بباكيت هم ينطوك اياه
يفضل انه متجيب موبايل
وللتحرك الا هم يكلولك بعدين تعبر بجهاز ال اكسري
ويرجعولك غراضك حاول تمشي على كيف لان اني مخلوني انتظر زوجتي وهي كانت جدا خايفة
وبعدين تمشي بساحة طويلة تقريبا 3 دقايق
وتدخل هم الحرس يدلوك
اول متدخل تتفتش مرة ثانية
اذا وحدك روح عل شباك 6 او 7 سلم جوازك واذا اهلك وياك انتظرهم وسلموا الجوازات سويه
ووالله احنا كعدنه ارتاحينه
بالمناسبة نهاية القاعة على اليمين يوجد حمامين رجالي ونسائي
وبعدهم يوجد ثلاجة بماء بارد
راح تكعد وكبالك شبابيك وعلى كل حايط بصف اي شباك هناك سبيكر
وفوكاكم كاميرات وولاقطات صوت

بعد مكعدن بساعة
ناداني واحد عبالك أمريكي طلع لبناني أخذ كل أوراقي وكلي عندك صور زواج وعائليه انطيته أياه
بعد منطيته أياه كلي تفضل أستريح
وبعد مرور ساعتين تقريا نادا بالجهاز من شباك رقم 7 ضابط القنصلية
فتوجهت بالذهاب اليه وكان أنسان خلوق ورائع
فأول سؤال قال
اين زوجتك
ناديت عليهه وجاءت زوجتي فقال لي
أخي انت اول شي بصم وبعدهه زوجتك
كلي انت تقسم على ان كل المعلومات بال DS230 صحيحة كوتله نعم وقسمت
كلي صاركل شكد تشتغل كوتله سيدي العزيز من شهر الخامس 2003 وكوتله رقم باجي مال GLS حسب مدتشوف بال 300
فصاح بصوت عالي واو مان
أني بصراحة كيفت لأن اني حدقت بالعراق صدك حدقت
كلي هاي شنو اني اخترعت وخفت بصراحة كوتله
شنو وهو جان ديأشر على صور العر س     كوتله هاي اني وزوجتي كال لا هذا شنو شدسويه انته
اني كبل افتهمت
اني وزوجتي جنا لازمين سيف ودنكص الكيكه فهو اخترع وكلي احنا بأمريكا كوله بسجينه اني ضحكت هو هم ضحك ههههههههههههههههههه
كوتله عيني اني اكوا منتدى مشارك بيه مسمي روحي حداد السيوف
هو ارتاحلي
كلي انت حزبي
كوتله شوف اني من دخلت الكلية دخلت للحزب وصرت مؤيد ومابيه شي كل العراقيين هم لازم يدخلون للحزب في الزمن السابق
فهو كلي عيني مبروك هاي الفيزة تجي تستلمهه يوم 16 بالشهر
وانطاني تكت زغير مال فيزة دربالكم كولش مهم بالأستلام
المهم اني اخذته وانطاني بعد ورقه وقعت عليهه تقول بالضبط ان الفيزة صلاحيتهه لمدة 3 اشهر وكذلك انه لازم ابطل واسافر خلال 3 اشهر

أخواني من تطلعون ماكو اسكورت يطلعكم فلا دوخون
اتمشوا شويه وبعدهه أخذوا تكسي

يارب يكون الموضوع مفيد الكم
وان شاء الله أكتبلكم باقي الوضوع عندما ذهبت وأخذت الفيزة وكيف تصاعدت الهلاهل برجوعي للبيت

أخوكم حداد السيوف





http://www.ankawa.com/forum/index.php/topic,290643.0.html

[SIVandIOM]

اخواني الاعزاء:
Baghdadghost و hummerو untitled.man و سيف وسبع و Noor2 و Anthony Carmelo و البصير اشكركم جزيل الشكر على التهاني وانشالله تتوفقون بكل الاجراءات الباقية الكم انتوا وكل الاخوة المنتظرين

اتمنى الكل يخلصون معاملاتهم بأسرع وقت ممكن وتفرج على الجميع انشالله.

الاخ الرحال يا ريت تنطينه اسم الولاية والمنظمة اذا مو زحمة...اكو شي غلط بالسالفه مالتك...

[Haidor]

عطر بغداد ... untitled.man و NOOR2 الف شكر عل المشاركة .... نور سؤالي كان اذا هي فيزة هجرة ليش يطلبون ملئ استمارة مال عدم هجرة NON-immigrant
الاخوان ما قصروا .... شباب هذه الصفحة و هذه المشاركة ككل صارت مقصدي الاول بالمنتدى ... الكم كل الحب و الاحترام.

SIV و بس و الباقي خس (يراد نسويلنه رابطة و شعار - تبا للموافقة الأمنية)

حيدور

[سيف المشهداني]

الف مبروك لحداد السبوف تستاهل والله بس اريد اسئل عللا القسم يعني شنو تقسم بشنووو وشكرا

[BaghdadGhost]

حبيبي حيدور .......

طلبك موجود و اني مسوي هذا الشي مفاجأة ان شاء الله عن قريب .....

سيوفي الورد .....

اني الصراحة اول مرة اسمع بهاي شغلة الحلفان ...... منتضرين حداد السيوف يكللنه شنو السالفة ..؟؟

[Anthony Carmelo]

عاشت ايدك BaghdadGhost على نقل وقائع مقابلة الاخ حداد السيوف ومبروووووووك عليه الفيزا

الانترنت يمي كلش تعبان ولذلك ادخل  اكلب تقريبا بس هذا الموضوع..
هاي شلون ركزت عليهه سيف شلون الواحد يقسم يعني ههههههههه

Anthony Carmelo

[سيف المشهداني]

انتوني صدك دخت يعني شيكول الواحد وداعت امي صح لو والله لو وداعتك لو وداعتج لو شنوووو؟ ههههههه

[SIVandIOM]

اخوان القسم فد شي كلش بسيط كل ما هنالك انه القنصل يسئل هل تقسم انه كل المعلومات اللي بالاستمارة DS230 صحيحة تكله نعم وبالانكليزي:

Do you swear that all the information on this form is correct

Yes I do, or yes I swear or simply yes

وهذا الشي استندر بالمقابلة وبعد هذا الحوار البسيط القنصل راح يخليكم توقعون على الاستمارة وهاي هيه..وغالبا هاي العملية تصير بالبدابة ووراهه تجي الاسئله البسيطة...يعني لا تدوخون شغله سهله.

تحياتي

[NOOR 2]

أخواني وأحبتي جماعة  SIV   حصرا
احتاج منكم هذا اليوم 20 /4   تدعون وتذكرون الله إلى احد أحبتنا الغاليين
اذكروا الله خصوصا هذا اليوم

ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله
ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله
ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله
ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله
ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله
ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله
ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله
ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله

اخوكم  NOOR 2



 

[Haidor]

ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله
ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله
ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله
ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله
ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله
ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله
ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله
ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله ياالله

[ayoka]

اخوان اني مقدم على الكوم بس مشكلتي تارك العمل من زمان عندي ركمنديشنات بيها التواريخ اكثر من سنه بس رادو مني Verification of 12 months employment with the U.S. government in Iraq: A scanned letter or email from your employer's human resources office stating position, title, start and finish dates of employment.  This requirement is separate to that of the Letter of Recommendation and must be issued by your employer's HR office and show your start and finish dates (or confirm that you are still employed); 
 زين شلون بالله اذا احد عنده الايميل مال تايتن اكون ممنون لو اكو غير حل لان حسب ما افتهمت يردون من الي جان موضفني مو ريكمنديشن والله يكون بعونكم يوميه سالفه جديده دعواتي للكل بالموفقيه

[البصير]

أخي الكريم

يريدوون منك شغلتين

كتاب ريكومنديشن بالاضافه الى كتاب أو ايميل الي جان موظفك أو من الهيومان ريسورسز يثيتون بيه عنوانك الوظيفي و الفتره الي اشتغلت بيهه من   و    الى   حته يعرفون انك اشتغلت فتره لا تقل عن 12 شهر أي سنه و حسب شروط البرنامج

و تقبل مروري

[ayoka]

اخي البصير اشكرك على مرورك الكريم اني اجاني الايميل مال ريكمنديشن الي بيه انه ميمثل خطر على امريكا وانه جنت اشتغل وياهم بس المشكله ممذكور بيها فتره السنه يعني يكدر السوبر فايزر مالتي يدزلهم ايميل بسنه شغل لو الا من تايتن

[البصير]

أخي الكريم ...أني هذي شغلة تايتن مسامع بيهه و لا أعرفهه....بس بوكتهه مديري هو الي سوالي الركومنديشن و سوالي كتاب عن الهيومان ريسورسز و ثبت لي الفتره ايضا من .........و الى .. ومشت المعامله على أكمل و جه ....

أنت بالنسبه الك خلي السوبرفايزر مالك يثبت فترت عملك بكتاب لاخ و تمشي معاملتك ان شاء الله

[سيف المشهداني]

يا الله يا الله سهل امر الجميع يارب

[ayoka]

الاخ البصير شكرا جزيلا لك وانشاء الله يسهل على الجميع والله انكسر ضهري من كعده الانترنيت وهسا رايدين مني دفتر الخدمه العسكريه مالتي والله كريم انشاء الله يسهل على الكل

[BaghdadGhost]

اخي البصير ......

والله كفو منك و ماقصرت .... جزاك الله خير الجزاء على هاي المساعدة الي جاي تقدمهه ولو ايوكة فت افادك .... ههههههههههههه ..... جاي اتشاقة حبي ايوكة .....

[ayoka]

اخواني الاعزاء اني اشكركم على مساعده الكل واتمنا اساعد اي واحد اكدر اساعده لان كاعد اشوف حالي والله يساعد الكل على هاي اللوعه

[ayoka]

حبيبي شبوحه بغداد خليني ساكت عليك تره اندار عليك وما اخليلك مجال تتنفس والله كل سبعطعش سوال بجزء من الثانيه كله ارض ارض ادزلكياهن عاشت ايدك حبي على كلشي

[NOOR 2]

ها ايوكه شتريد بعد
مو شلعت كلب كلبهم
علكيفك عمي تره ذوله اخوتك
وما يخافون من السبعطعشين ولا الثلانييين

تحياتي اليك يا غالي
هلو عطر بغداد رغما عنك
ونفذ الوعد تره اندارلك والله
اخوكم NOOR 2

[BaghdadGhost]

اخواني الاعزاء ..... هذا نموذج مقابلتي الي تمت بخير و الحمد لله ولهذا الجمع الرائع ....

يوم انقل خبر مقابلتكم بايدية ان شاء الله

تحيه طيبة .......

نبذه مختصرة عن الكيس .....

. تاريخ ارسال اخر مستند كان يوم 14 ايلول 2008.
. تاريخ استلام ال COM هو 06 تشؤين الاول 2008.
. يوم 27 تشرين الاول وصلت الاوراق الى نبراسكا. يوم 30 تشرين الاول دزوا الاوراق الى NVC (استفسرت عن طريق الايميل)
. يوم 14 تشرين الثاني وصلني اول ايميل من ال NVC
. يوم 21 كانون الثاني 2009 دزيت اوراقي الى NVC
. رقم ال NVC التقريبي هو BGH2008815000
. يوم 15 شباط استلمت رسالة من ال wrapsnet.org
. الرقم التقريبي لل IZ هو 300300
. حصلت على ايميل النقابلة و تفاصيل الفحص الطبي يوم 14-4
. قمت بعد اسبوعين بالفحص الطبي في مركز الشفاء في المنطة الخضراء ... و الحمد لله
. تمت المقابلة اليوم في السفارة الامريكية في بغداد ...
. الحالة الزوجية (سفردحي , يعني حديقة , يعني سنكل , يعني ممتزوج   ) , الخدمه العسكرية و الحمد لله ولا يوم (سفليان ).....
. السفر خارج العراق .... ابعد شي عن البيت مالتنه واصلة بحياتي هو ميناء ابو فلوس بالبصرة ..... يعني ممسافر ....

تفاصيل المقابلة ......

. تاكيد موعد المقابلة و طلب اسكورت قبل 10 ايام من المقابلة ....
. الوصول الساعة السابعة صباحا الى الجك بوينت ...
. وصول الاسكورت الساعة الثامنه و النصف ......
. بعد اجراءات التفتيش و الطرق .... وصلنا الى السفارة الساعة التاسعه ....
. اجراءات الانتضار في السرة للقيام بالتفتيش في السفارة و عملية التفتيش تقريبا 20 دقيقة حتى الوصول الى قاعة الانتظار ....
. اول شي تقوم بي هو تسليم الجوازات الخاصة بجميع افراد العائلة الى الموظف العربي ... ملاحظة : اذا كان الجواز محطوط بحافظة ... اخراج الجواز من الحافظة ...
. بعد التسليم ... الانتظار لحين سماع الاسم بعد مناداته من قبل نفس الموضف العربي الي اخذ الجواز ... من ثم البدي باعطاء الاوراق المطلوبة و الصور لاجراء المقابلة ....
. العودة الى الانتظار لحين مناداة الاسم من قبل القنصل .....
. اول شي يقوم بي القنصل هو اخذ البصمات .... بعد ذلك يقوم بسوالك على مصداقية المعلومات التي قدمتها في ال ds-230 .... من ثم يبدا بالاساله الروتينيه
- التحصيل الدراسي ... الاختصاص
- بعثي ام لا ... اذا الجواب نعم .. يسالك شنو درجتك الحزبية ... و للتوضيح اكثر شنو كان السبب وراء الانخراط في حزب البعث ...
- العمل الحالي .... اذا مستمر بالعمل .... او  اخر عمل كنت تعمله اذا حديقة (يعني مدتشتغل هسه )  ... اسم مرؤوسك بالعمل .... مدة العمل .... مكان العمل .... سبب ترك العمل ...
- شنو الي راح تسوي من توصل لامريكا ...
- هل لديك اقارب او اصدقاء بامريكا .......
- ما هي علاقتك بالشخص الي ذاكر اسمه و عنوانه بالاستمارة ds-230 .... هل تثق به لان يكون مستلم الكرين كارد مالتك .....
. بعد ذلك يطلب منك ان توقع ورقة تقر فيها بالسفر خلال 3 اشهر من تاريخ اصدار الفيزا ....
. من ثم يعطيك ورقة تتظمن تعليمات و موعد الحضور الى السفارة لغرض استلام الجواز ....

فك الجفرة او قراءة ما بين السطور ....

+ من كنت جاي اقدم الاوراق الاصوليه الى الموضف العربي قبل مقابلة القنصل .... قمت بالاشتباه و اعطائه المستنسخات بدل الاوراق الرسمية ( صورة قيد الولادة , صورة قيد 57 , عدم المحكومية ) ما يعني ان المقابلة تتحلى بنوع من المرونه ... الصراحة وراها اني انتبهت و كتله ترة هاي مستنسخات مو اصليه ... هو كلي مو اشكال ....

+ شويه انتبهوا وياي بهاي الشغلة ..... من قدمت ال ds-230 الى ال nvc بالايميل ... مكنت كاتب اي عنوان في السؤال رقم 11 الخاص باسم و عنوان الشخص الي يستلم الكرين كارد في امريكا .... من بعد ذلك بمدة و قبل ان احصل على ايميل موعد المقابلة .. قررت بان استخدم شخص صديقي بامريكا لهذا الغرض .... مع ذلك اني مسويت اي تحديث للكيس مالتي و كلت خلي اخليهه على يوم المقابلة ... المهم ... اني الي سويته بالبيت قبل المقابلة هو اخذ الاستمارة الاصلية و كذلك عمل نسخة اظافية للصفحة الاولى من الاستمارة بعد مليء معلومات الشخص .... و قمت باخذها معي الى المقابلة .... كلت ويه نفسي ليش الموضف يكتب العنوان بخط ايدة و يجوز يكتبه خطا او غير واضح ... من سلمت الاستمارة الى الموضف ... سالته و كتله عندي نسختين من الصفحة الاولى ... كالي شنو الفرق بيناتهن .. كتله وحدة بيهه عنوان الشخص و الاخرى مابيهه عنوان الشخص والي هي اني قدمتهه لل nvc ... فشنو تريد ... كال انطيني ام العنوان .. هذيج شنو اسوي بيهه .... دليل اخر على المرونه و عدم التزمت ... بس يكون الاجراء غير مثير لاي شك .....

+ من سالني القنصل على فترة العمل ..... اني جوابي اله كان كل الفترة الي اني اشتغلتهه مع الجيش الامريكي ... يعني خبطتهن كلهن و انطيته الزبدة .....

+ بالاستمارة ds-230 السؤال 22 الي يطلب تعديد كل الاعمال الي اشتغلتها بالعشر سنين الماضية ..... اني من مليت الاستمارة بذاك الوقت ... مكفا المكان حته اكتب بي كل الاعمال ... بنفس الوقت ردت اكون صريح و شفاف بالاجابه ... لذلك سويت وورد دكيمنت و ذكرت بيهه كل الاشغال الي اشتغلتها .... المهم .. من القنصل جاي يجيك الاستمارة و وصل لهاي الورقة الي اني خالهه بالاخير .... صفن عليهه و قراها كلها تكول هيه الاستمارة مو بقية الاوراق .... سالني ليش سويت هذا الشي ... كتله ردت اكون صادق بالاجابه مالتي و صريح ... كال اوك شكرا ...

+ سالني القنصل سوال جدا مهم .... و هذا السؤال يعتمد على حاله الكيس (يعني سفردحي مثلي لو عائلة ) و على عمر الشخص ... المهم سالني شنو الي راح تسوي من توصل لامريكا .... اني كتله هذا السوال ما اكدر هسه اجاوبك عليه لان هواي اكو امور راح تتوضحلي من اوصل ... كال هذا الشي صحيح ولكن على وضعيتك الحاليه هسه شنو الي انته تفكر تسوي ... جوابي كان باني مفكر باكمال الدراسات العليا ولكن هذا الشي يتطلب اموال ,,, و الاموال تجي من العمل .... لذلك كل شي مربوط بفرصه العمل الي راح اجدها هناك .... كالي خوش تخطيط ....

+ من جاي انطي الاوراق الى الموضف العربي ... سالني على الترجمه كتله اي موجودة .. انطيته مال الجنسية و شهادة الجنسية و صورة قيد الولادة ..... سالني كال ليش مو من مكتب معتمد ... اني كتله بان انتوا ممحددين مكتب و بس تريدون اقرار من المترجم الي يقوم بعمليه الترجمه ... و هذا جايبة وياي تريدة؟؟ كال اي اوك هذا كل الي اني جاي اسال عليه عبالي ماعندك .... و انطيتهيا ....  مما يؤكد كلامي الي اني ذكرته بموضوع ترجمه الوثائق و نصيحة مني امشوا على الي اني كاتبه و بدون صرف فلوس زايدة .... يسقط نادر و مكاتب الترجمه .... عدا جمعيه المترجمين لان اني عضو بيهه .... ههههههههه

امور تاكدت منها بيوم المقابلة .....

1. الفيزا بدون اي مبلغ من المال مو مثل البرنامج القديم يدفعون 400 دولار .... لان فيزا البرنامج الجديد هي فقط ل 3 اشهر .... اما القديم ل 6 اشهر .... و هذا الكلام من القنصل نفسه .....

2. مثل مذكرت بان فيزا البرنامج الجديد هي 3 اشهر ... البرنامج القديم 6 اشهر ..... باقي الحالات بالفعل صارت سنه واحدة مدة صلاحيه الفيزا .....

اخواني و احبابي الاعضاء ...... ما اعرف شون اعبرلكم عن فرحتي الي متنوصف ..... و يوم ان شاء الله تمشي كل معاملاتكم ..... اني بالخدمه لاي سوال او استفسار ...... وربي يوفقكم و يحميكم و جهالكم ... و يوم الي اهنيكم على سفركم يا رب ......

تحياتي و شكري الى كافه اخواني جماعه ال SIV الي ساندوني بكل معنى الكلمه في هذه المحنه ... و بالاخص اخي و زميلي NOOR2 الي تعرفت عليه و على كثير من اخوتي و اخواتي من اعضاء المنتدى عن طريق المنتدى .......

اسف للاطاله ......

وهذا لنك الموضوع http://www.ankawa.com/forum/index.php/topic,292117.0.html

[سيف المشهداني]

الف برموك حبيب القب علاوي ويارب السفر القريب وتوصل بلسلامه وهاي مفاجاءه منك حلوة لان لم تبلغنا بانك استلمت موعد كبل اجتياز المقابله حبي والله فرحتلك والحمد لله والشكر ويارب ان شاء الله يوم للكل

[Anthony Carmelo]

سيف لازم مجنت امتابع مو نور نوة كبل فترة عليهه هههههههههههههههههه
علاوي مكلتنا بيا ولاية راح تسافر ان شاء الله ؟؟؟

[NOOR 2]

أخي الحبيب وصديقي الوفي وزميلي الرائع
عطر بغداد رغما عنك
تعجز الكلمات وتعجز الأقلام بكتابة كلمات التهنئة
ماذا اكتب وماذا أهديك وكيف أهنيك
عشنا أيام الانتظار سويتا لحين يوم مقابلتك وكلي قلق
لاتتوقع مدى انشغالي تلك الساعات القليله ألماضيه والتي مرت وكأنها سنوات لحين خروجك من ألمقابله
الساعة الثانية عشر ظهر هذا اليوم 21 /4
وبشرتني بالبشرى التي كنت انتظرها لحظه لحظه
مبروك وألف مبروك لا تكفي مليارات بل ملايين المليارات
لاتكفي
كيف اهنيك كيف
يا أخي ويا صديقي الحبيب
أشكرك ياالله على هذه ألفرحه التي منحتنا إياها هذا اليوم
والذي لن ينسى أبدا
مبروك لك ومبروك لي ومبروك لجميع الاخوه
اليوم يوم الفرح الكبير اليوم يوم الأفراح الرائعه
اليوم يومنا يا عطر بغداد
اليوم يوم SIV
أن شاء الله ويارب العالمين
تكمل فرحتنا بالحبيب سيف واكله سيف أن شاء الله
نفرح بيك والله وأسويه حفله للصبح
وما أنسى أخوتي الغاليين
سبع ألورده
أنتوني الغالي
فجنزو
وسنجاب
وكل جماعة SIV
والباقين
حيدور اتذكرتك والله
SIV  وبس والباقي خس ههههه
هلاهلاهلاهلاهلاهلاهلاهلاهلاهلاهلاهلاهل
هلاهلاهلاهلاهلاهلاهلاهلاهلاهلاهلاهلاهل
للصبح هلاهلاهلاهلاهلاهلاهلاهلاهلاهلاهل
أخواني استميحكم عذرا للانني لم أسيطر على كلماتي
يشهد الله ألفرحه كبيره... وتره حقي
عطر بغداد مثل ما كنا متفقين والحر لاينسى وعده
تذكر وعدك
ولك مني ألف مليار تحية حب وسلام

أخوك إلى الأبد   NOOR 2

[البصير]

 ألف مبرووك أخي الكريم و ان شاء الله السفر القريب و الأطمئنان و راحة البال

البصير

[BaghdadGhost]

مشكور حبيبي سيوفي .....

انتوني حبيبي ان شاء الله فيلادلفيا - بنسلفينيا .....

تسلم حبي نور و الله يبارك بيك .......

ياطيب يا بصير الوردة ممنون اني الك .....

[ahmed.khalid_87]

حبيبي الغالي شبح
شايف كل خير
ولله تستاهل كل خير
ان شاء الله السفر القريب والموفقية والاستقرار
وردة مال الله شبح
تستاهل الجنسية والجواز همين مو بس الفيزة:)
تحياتي

[untitled.man]

الف الف الف مبروك اخي العزيز شبح بغداد...
والله فرحتنه بهذا الخبر الحلو...
تستاهل كل خير اخي العزيز...
وانشالله السفر القريب الاستقرار والامان الدائم...

تحياتي

[SIVandIOM]

الاخ العزيز شبح بغداد...شكد ما اهنيك فهو قليل بحقك..

كلش فرحتلك وانشالله السفر السريع والسهل وايجاد العمل بأسرع وقت انشالله..

اتمنالك كل الموفقية يا طيب ... كلش فرحتنه .. وهذا تتويج لجهودك بهاي الصفحة الرائعه..

مبروك مرة ثانية..

اخوك

[ayoka]

الاخ العزيز شبح بغداد متصور شكد فرحت علمودك وانشاء الله شايف الف خير وهاذا كله بمجهودك الرائع الف الف مبروك 

[BaghdadGhost]

حبيبي ahmed.khalid_87 ..... تسلم يا ورد و ان شاء الله تستلم موعد مقابلة .... و تفرحنه بيك

حبي untitled.man ... يعيش يا ورد الورود و ربي يوفقك و هم تستلم موعد مقابلة ....

تاج راسي SIVandIOM .... فرحتي كانت من اجتازيت المحنه الي انته بيهه ... ان شاء الله تفرج على اخونه سبع صنايع و يستلم الجوازات يا رب ..

عيوني ayoka ... تسلم حبيبي عالتهناءة و ان شاء الله لا اني ولا اخوتي بهالصفحة راح نقصر وياك و راح نوصلك للمقابلة باذن الله .....

[حشاش]

السلام عليكم
اخوان موضوعكم الطويل جدا كلفني يومين اقره بيه
وردت اسولفلكم عن نفسي

بس بالنسبه للاخ
AYOOKA

ليش ما انت تروح لتايتن بالمنطقه الخضراء وتطلب منهم هذا اثبات التوضيف لاكثر من سنه واني بوقتهه انطونياه خلال نص ساعة مو اكثر وهمه الممنونين


واشكر الجميع عالمعلومات الحلوة

[Shekha]

أخواني الأعزاء

كملت المقابلة والحمدلله وجانت المقابلة كلش بسيطة وسهلة بس ترتيب اوراق
 
وهذه تفاصيل المقابله:

الساعه السادسة ونص  صباحا كنت في مكان الانتظار يم جسر المعلق ...

الساعه الثامنه ونص تقريبا حضر الاسكورت ويفضل السفارة يسويلك الاسكوت حيث ترسل رسالة إلى السفاره وتطلب اسكورت....

بعد تجبيك الأسماء ذهبت إلى السفارة و وصلنا الساعه التاسعه صباحا....

الحمدلله وصلت اول واحد وراسا سلمت جوازي لشباك رقم 7 ...

وراها بخمس دقائق جان يصيح اسمي فد موظف لبناني واخذ كل الفورمات الاصلية والفحص الطبي، جنت مرتب كل الاوراق بفايل واحد وانطيته اله وهو جان ياخذ الي يريده بحيث ما سالني على اي شي ....

وره فتره جان يجي القنصل وصاح اسمي وجنت اول واحد يقابله....

واول شي كتله بقلبي الايه الكريمة (ربي اشرح لي صدري ويسر لي امري واحلل عقدة من لساني يفقهوا قولي) صدق الله العظيم

ذهبت إلى الشباك سلمت على القنصل وهو رحب بي وسالني اسئلة مختصره جدا جدا والاسئلة هي:
-الاسم
-الاختصاص
-بعثي لو لا...كلت بس جنت مسجل يمهم حتى اكمل دراستي .
-عسكريه : كلت ماخادم، كلي ليش كلت متخرج ورا 2003
-سالني على شغلي وطبيعته جاوبته.
-كلي لازم تترك الشغل ، كلت اوكي
-كلي احلف.. Yes Sir I swear ووقعت عالفورم DS-230
-وكذلك طلب مني التوقيع على ورقة الاستقاله من العمل والتعهد بالسفر خلال 3 أشهر

واخذ بصمات اصابعي وكالي الف مبروك عالفيزة بالموفقية واني شكرته هوايه

صراحة القنصل كان إنسان جدا رائع وطيب جدا

واخيرا اني جدا ممنون من الزملاء الي دائما جنت ازعجهم باسئلتي وهم بارك الله بيهم ابد ابد ماقصروا وياي...


Shekha

[BaghdadGhost]

اخي العزيز Shekha .....


الف الف مبروك و ربي يوفقك .... فرحتني بهاذا الخبر السعيد و ان شاء الله تحقيق الاماني ..... شون تكول ازعجتهم بالاساله ... ترة هاي حجايتك ينزعل منهه ... حبي احنه في خدمة الطبيبين ......

الف مبروك مرة ثانية .....

[Shekha]

اشكرك حبي عطر بغداد وبارك الله بيك....

Shekha

[NOOR 2]

الف الف الف مليار مبروك اخي الحبيب  Shekha

والله اخي العزيز فرحتلك من كل قلبي
وان شاء الله السفر قريبا

ويارب تكمل كل قضايل ربعنه في SIV

اخوك  NOOR2

[untitled.man]

الف مبروك اخوية Shekha
انشالله السفر القريب...

اخوية شبح بغداد واخوتي في الـ SIV...
ابشرووووووووووووووووا...

بحر الظلمات طلع ساكية صغيرونة....
السفارة حددتلي موعد مقابلة بمنتصف الشهر الجاي...
ولحد الان جماعة الـ RPC ما دازيلي ايميل وIZ Number واني طالب المساعدات... فشتقترحون؟؟؟؟
الف شكر لكل من ساعدني بمعلومة وبدون ذكر اسماء...
انشاء الله خير للكل...

اعذروني على الكلمات القليلة، لانه بصراحة مو قوي بالتعبير وما اكدر اوصف الفرحة العارمة اللي اني بيهه هسه

تحياتي

[Anthony Carmelo]

الف الف مبروووووووووك صديقي العزيز Shekha انته تستاهل كل خير اتمنالك الموفقية بحياتك القادمة

عزيزي untitled.man  بحر الظلمات ساكية على اليعرف يسبح زين هههههههههه
اني من رايي تراسلهم وتستفسر منهم على الرقم مالتك فورا

بالموفقية للجميع

[BaghdadGhost]

حبيبي untitled.man ......

يا الله ... هالاسبوع الافراح متواليه علينه .... ان شاء الله ربي يديم هالفرحة ويفرجهه على كل اخوتي جماعة ال siv والي هم جزء من هذا الركن الرائع الي و الحمد لله قرب الاشخاص بيناتهم .....

الف الحمد لله و الشكر و ربي يوفقكم بالمقابلة يا رب .... دعائي الى بقية الاخوة الي منتضرين البت في قضاياهم ..... منجوس و سبع صنايع .... و بقية الاخوة ان شاء الله يطلعون من بحر الظلمات ....

ربي يوفق الجميع ......

[Shekha]

اخواني  Noor2 و Anthony Carmelo...

اشكركم اخواني الاعزاء وان شاء الله الكل راح تسافر....

Shekha

[NOOR 2]

هاي شنو  الحمد لله الف الحد لله

اخواني بلا حسد جماعة SIV  صارت كل ايامهم افراح وافراح

وما اجمل هذه الافراح

اخواني تعالو نلتم ونسويه حفله من العمر

SIV  SIV  SIV   SIV  SIV  SIV  

واي شي تحتاجون انا بالخدمه
الف مبروك حبيبي الغالي untitled.man
ولو اسمك دمرني بس ميخالف من اجل الفرح
كلشي يهون

ربي يفرحنا باخوي الغالي ابو اسد  سبع  ويستلم الجوازات
وما انسى اخوي الحبيب سيف  ويبشرنا باستلام التاشيره
واخويه انتوني الغالي
وكل جماعة  SIV

والله نعلكه علكه من العمر

اخوك  NOOR 2

[Shekha]

ان الي اشوفه ان شاء الله كلنه راح نسافر بطائرة وحده ....

[BaghdadGhost]

لك عيني شيخة .....

الله يسمع منك ... صدك وتصير هيج ..... والله تصير سفرة العمر ......

[ahmed.khalid_87]

اخوية العزيز
الف مبروك صدك خبر مفرح
ان شاء الله تستلم الفيزة
تحياتي

الف مبروك اخوية Shekha
انشالله السفر القريب...

اخوية شبح بغداد واخوتي في الـ SIV...
ابشرووووووووووووووووا...

بحر الظلمات طلع ساكية صغيرونة....
السفارة حددتلي موعد مقابلة بمنتصف الشهر الجاي...
ولحد الان جماعة الـ RPC ما دازيلي ايميل وIZ Number واني طالب المساعدات... فشتقترحون؟؟؟؟
الف شكر لكل من ساعدني بمعلومة وبدون ذكر اسماء...
انشاء الله خير للكل...

اعذروني على الكلمات القليلة، لانه بصراحة مو قوي بالتعبير وما اكدر اوصف الفرحة العارمة اللي اني بيهه هسه

تحياتي

[untitled.man]

اخوتي شبح بغداد، انتوني، احمد خالد، نور2...

تسلمون على مشاعركم الطيبة... واتمنالكم كل خير... وانشالله تساهيل رب العالمين لكل واحد منكم...

اخويه العزيز نور2...
اذا تريد وداعتك هسه اغيره للاسم... بسم تره هو حلو ومجكنم... وتعودت عليه ويه الـ SIV.... ههههه

اخي العزيز انتوني...
تسلم ياوردة وانشالله على كولتك هسه ادزلهم ايميل واكللهم يابه شغلتي استوت ومنتظرتكم...

حبيبي الغالي شبح بغداد...
اشكرك من اول مشاركتي لحد هذه اللحظة بهاذي الزاوية الراقية... ويا رب يسمع من حلكك وتعدي المقابلة على خير...

اخي وصديقي ابو شهاب...
الخبر الحلو والمفرح من نلتقي كلنه جماعة الـ SIV بمكان بامريكا ونسولف على هذه الايام... انشالله تفرحني بخبر مقابلتك القريب انشاءالله....

تحياتي

[Haidor]

الف مبروك شيخه و انشالله توصل لبر الامان بسلامه و تستقر و تبني حياتك مثل متحب.

أخي untitled.man مبروك تحديد الموعد و انشالله سهله المقابله و تعدي على خير

بالنسبه الي البارحه رسميا دخلت مرحلة ال admin processing و ذبوني بالبحر ... نشوف شوكت رح يلكاني واحد و يعبرني هذه المرحله.

بالتوفيق لجميع أخوان ال SIV الاعزاء ... حيدور

[BaghdadGhost]

حبي حيدور .....

الله يوفقك و ان شاء الله تستلم بفترة قصيرة ..... بس شو متاخر بالتقديم .... شنو جان عندك اوراق نقص لو شنو الي صار ....؟؟؟ اذا اكو شي يفيد الاعضاء ممكن تذكرة حته البقية ميوكعون بهيج مطبات ....

[Haidor]

اللي صار انو رادوا استمارة D-157 و دزيتلهميا و ماجاوبوني لحد ما سمعت بنصيحتك و دزيتلهم ايميل اسأل شكوماكو و كللولي تره انت كملت اوراقك و تحت ال Admin Processing بس ما أعرف منين صرت بهذي المرحله ... يعني همه من واحد يكمل اوراقه وياهم ما يراسلوا على اي شي .. يعني اوتوماتيكيا دخل بحر الظلمات بدون ميكللوله ... فنصيحتي للاخوه نفس نصيحتك: اللي ميعرف هو بيا مرحله بعد ارسال الاوراق، ممكن يراسلهم و يعرف شمروا ببحر الظلمات لو يطلبوا بعد أوراق.

تسلم أخويه عطر بغداد عل السؤال و الاهتمام.

أخوك .. حيدور

[وداعاً بغداد]

أخوان أني دزيت طالبا ً للمساعدات وحصلت على رقم IZ  بس اكو مشكلة وهو عنوان الشخص اللي أروح يمه هو مجرد صديق ...فهل يعتبروه كفيل لو لا؟؟؟؟؟وشلون أذا لم يعتبروه كفيل أكو أحتمال يشمروني لغير مكان؟؟؟؟؟

[BaghdadGhost]

حبيبي وداعا بغداد ....

اول شي عندي سوال ... بالاستمارة 230 شون جاوبت بالسؤال 10 و 11 .... هاي وحدة ثاني شي بالنسبة لل 234 مو اشكال اكتب عنوان و معلومات الولد بالاستمارة علمود يسكنوك قريب عليه ... بس بالعلاقة اذكر صديق و هم للاحتياط خابر الولد و كله ليوقع على اي شي و خلي بس تسكن بالقرب منه و باقي الامور خلي يخليهه عالمنظمة .....

[SIVandIOM]

السلام عليكم

اسف جدا على الانقطاع اخوان

الف مبروك للي قابلوا وللي مشت شغلاتهم وانشالله يوم اللي الكل تمشي معاملاتهم

بالنسبه الي استلمت الفيزا قبل كم يوم ولله الحمد واسف جدا مرة ثانية انه ما كدرت ادخل وابلغكم

انشاء الله الكل يتسلمون الفيزا بأسرع وقت وخاصه سبع صنايع اللي بالي ضال يمه

تحياتي

[NOOR 2]

الفففففففففففففففففففففففففففففففف مبروووووووووووووووووووووووووووووووووووك

SIV  AND  IOM

والله فرحنالك
وان شاء الله نفرح باحبتنا الباقين

اخوك  NOOR 2

[Anthony Carmelo]

مبرووووووووووووووووووووووووووووووك SIVandIOM وشايف الف خير تروح وتوصل بالسلامة وتتوفق بحياتك القادمة

Anthony Carmelo

[BaghdadGhost]

الف الف مبروك حبيبي SIVandIOM ...... تستاهل كل خير

[وداعاً بغداد]

ألف شكر أخوية شبح بغداد على الرد....بالنسبة اللي مليت "N/A"  بالنسبة للفورمة 230 أما للفورمة 234 فكتبت أسم صديقي اللي بجورجيا حتلى يلكولي مكان يمه ..وشكرا  ً وأني بخدمتك وبخدمة كل المنتدى بالأجابة على أي سؤال تحبون تعرفون جوابه

[BaghdadGhost]

اخي وداعا بغداد ......

انته الي سويته لحد الان صحيح .... كل الي مطلوب منك تسوي هو التالي .....

اول شي بيوم المقابلة ان شاء الله تاخذ عنوان الولد بورقة لان راح يطلبون منك عنوان شخص حتى يستلم الكرين كارد ...والي هو الجواب مال السؤال 11 بالاستمارة DS-230 .....

ثاني شي ان شاء الله من تستلم الفيزا و تدزهه لجماعة التوطين .... وراها خابر صديقك و فهمه بان ميوقع على اي شي ويكون حذر بالتوقيع لان المنظمة حشاك و حشه صديقك تطرح زواج ....

اما بالنسبة لاستفسارك حول احتمالية تحويلك الى مكان اخر ..... ما اتصور هذا الشي وارد لان مثل ما ذكرت بانك ان شاء الله رايح لجورجيا و المنظمات الموجودة بهاي الولاية ما عليهه زخم مثل باقي الولايات مثل كاليفورنيا او تكساس او مشكن ..... لذلك لتخاف و ان شاء الله كلشي يمشي حسب متحب .... بس لتوهوس .... ههههههههههههه

[iraqgsm]

شباب قابلت اليوم و انطكيت ب need sao كلىشي كا يمشي حسب الاصول و تمام بس القنصل نام على الحاسبة و انطاني ورقة فقط لزوجتي كلي امليهه و اطمئن كلشي تمام راح تستلم الفيزا بسرعة و اكد على اخوة زوجتي و اتصور هي مسالة اشتباه بالاسماء لان اسم ابو زوجتي هو علي حسين وبصراحة اني دايخ و مسطور

[untitled.man]

الله يساعدك اخوية iraqgsm...
انشالله مسألة وقت وتهون...
بس ياريت تذكرلنه تفاصيل المقابلة بشوية تفاصيل اكثر... طبعا من يصير عندك مجال...
اتمنى ما يطول انتظارك...

تحياتي
رجل بلا عنوان (هذي لاخوية NOOR2) ههههههههه

[NOOR 2]

شكرا لك اخي العزيز 
رجل بلا عنوان

ولاكنني سوف اسميك  MAN  وهذا الشطر الاخير من اسمك

تحياتي اليك والى الجميع

اخوك  NOOR 2

[BaghdadGhost]

حبي iraqgsm .....

مبروك مقدما وان شاء الله مجرد تجييك ميطول اكثر من اسبوع و تفرح الفرحة الجبيرة ......

[iraqgsm]

تفاصيل المقابلة
اجة الاسكورت الساعة 8 وثلث وصلنا للسفارة بالتسعة دخلنا جوة طبعا القاعة مو جبيرة بس بيهة حمام و اكو ثلاجة مال مي  سلمنا الجوازات للشباك السادس و كالوا اكعدوا ابني طبعا بدع شكني بس اني ضليت محافظ على هدوئي و راه بنية امريكية صاحتلي هم من السادس و اخذت كل الاوراق و كالت اكعد طبعا القنصل حباب اول عائلة انطاهم موعد الاسبوع القادم والعائلة الثانية رفضهم اتصور لان خلاها g221  و بعدها بنية وحدهة انطاهة موعد الاسبوع القادم ووراهة اجة سراية رحت اني وزوجتي وابني وقعت الاوراق و زوجتي هم وقعت و بصمنا وكال لزوجتي تكعد وضليت اني واكف و سالني
سالني كاللي شنو علاقتك بالشخص المذكور بالحقل ال11 بالدي اس 230 كتله الضابط اللي جنت اشتغل ويا
شتشتغل هسة كتلة مبطل من شهر 12 كال ليش كتله الوحدة مالتي سافرت و ما عندي احد يكمللي اوراقي
سالني احجياي تاريخ الخدمة سطرتله كال اوكي
كلي بعثي كتله اي كلي الدرجة كتله مؤيد كال اوكي
كلي خادم عسكرية كتله اي و حجيتله تفاصيل الخدمة
كلي مسافر كتله لا كلي زوجتك كتله لا
كلي يمته ازوجت اخذت صفنة و كتلهة ضحك و كللي  wife always remember and husband always forget
كلي الدراسه حجيتله
شناوي تسوي من تروح لامريكا كتله راح احاول ادرس اونلاين و كفيلي الضابط وعدني بشغل (طبعا للعلم اني سمعت من بنية مترجمة بالسفارة كالت للزوجتي اللي عنده احد ديطلعوا واللي ما عندة ينرفض لان ماكو شغل و ميريد ينطوك الفيزا و بعدين ترجع من ماكو شغل)
وراهة اخذلة صفنة نص ساعة على الحاسبة يكتب ويشيل بالاوراق و يليهن بعده كلي بالحرف we will issue the visa very fast after you fill the additional information for your wife , yes it says 2 months ut I don’t think it will be that long
يعني راح نصدر الفيزا بسرعة بعد اكمال المعلومات لزوجتك و جان ينطينة الاستمارة المشؤومة وخلهة اكسات على كلشي عدا اسم الاب والام والاخوة و الاخوات و تواريخ الميلاد وكلي مو شرط مضبوطة
طبعا اني جنت هادئ وحباب و مليتهة ورجعتة وخلاهة بمجر need sao 
اعتقادي بان اسم ابو زوجتي هو علي حسين قد يكون هناك اشتباه بالاسماء و عليه انصح الجميع اذا تريد تتزوج جيك اسم ابو البنية قبل متتورط
و بصراحة اني مسطور و دايخ حيل هسة

[untitled.man]

الف شكر اخي iraqgsm على التوضيح واتمنى تعدي السالفة على خير ويدزولك ايميل يكلون بي يمعود تعال مو صارلنه قرن طابعيهه للفيزا... تعال استلمهه وفضنه.... هههههههههه

اخوان اريد اخذ رأيكم بشغلة...
اني طبعا ما خادم عسكرية ولا ساعة وحدة، بس عندي دفتر خدمة ومأشر 3 مرات انه اني طالب، واني ذاكر من بداية البرنامج انه ما خادم عسكرية وما دازلهم الدفتر... السؤال: اخذه لدفتر الخدمة ويايه للمقابلة واشوفه (المشكلة انه ما مترجمه)، اثبات اكثر انه اني جنت طالب بالفترة الفلانية؟؟؟؟؟
لو اعوفه واغلس ولا من شاف ولا من دري واخاف افتحلي باب ما ينسد بعدين الا ورة بحر ظلمات جديد؟؟؟؟

مشورتكم فدوة

تحياتي