ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس..SIV Times

[ارقى شاب بالمنطقة]

الاخ العزيز سيف
الف الحمد لله على سلامتكم اتمنالك الخير والاستقرار بس مجنت متوقع انو تمر بكل هاي الدراما والولايات ال3 بعد هاي الفترة القصيرة من الوصول، ولكن على كل حال، الحمد لله انك استقريت وان شاء الله تلكي شغل امعدل دفتر الا شوية بالشهر 
وبالمناسبة اني رح اكون قريب منك ال باسو مو بعيدة من سان انتونيو اعتقد ساعة لو ساعة ونص  ممتأكد
اخي بس عندي سؤال بما انو اني رايح همين لتكساس، واني موعد سفري بعد اسبوعين، شنو تنصحني اخذ ملابس؟؟ اكو فد شي معين تنصحني اجيبه ويايه ؟

[Iron_man]

اخي سيف المشهداني ..
حمدا لله على سلامة وصولك بأمان ... ان شاء الله تجد الراحة والاستقرار هناك ....

اخي ارقى شاب ...

اتنمى لك حظا موفقا وسفر سعيد وان شاء الله توصل بالسلامة ايضا ....


اخوكم
Iron_man

[vincenzo]

السلام عليكم
اعتذر عن الانقطاع بسبب الكهرباء وابارك لكل اللي صارتله تطورات واشكر اللي سافروا واتواصلوا (سيف والحداد) وعندي النقاط التالية ولو الموضوع صاير ميتلحك عليه لان ماشاء الله الاعضاء القدماء والجدد الكثيرين صايرين كلش اكتف وتطورات كلش هواية وسريعة ومتلاحقة دتصير واشكر الجميع على هاللمة الحلوة:

1- موضوع الاخ محمد2009 اللي انعلس بالصفحة السادسة واحنه صرنه بالسابعة
انتهى الموضوع بتقرير الاخ الشبح انه اذا ما جاوب ابو الريكومنديشن جماعة السفارة فهمه يتاكدون من كونه ميمثل خطر على امريكا عن طريق ال NVC
فهل هذه قاعدة عامة؟؟؟؟
ثم هو الاخ محمد ليش ما دزلهم عنوان وتزكية من شخص ثاني حتى يسهلوهه؟؟؟
لان مو مقنعه انه حجاية مواطن امريكي تخلص الواحد من عدنه من هالدوخه مالة ال NVC بمرحلة ال COM Approval

2- بموضوع احد الاخوان الاخرين واعتقد انه هو اسمه جي جي اللي بعدين كايل انه يشتغل وية MITT team وانه من راح ينزل راح يطلع عدم المحكومية فبس احب اكله ونصيحة لكل اللي مقدمين بالجديد وهي انه هذه الامور تاخذ وقت فحاولوا ان تطلعوهه قبل متوصلون لهيجي مرحله
ثم سؤال للاخ... هسه انته كلت راح تطلع بس مالة بغداد (علما ان فترة السفر للخارج تمددت الى سنه يلله يطالبوك بعدم محكومية من ذيج الدول) تكدر تنزلنه همه شرايدين بالضبط منك يعني الرسالة بالنص بعد حذف اسمك لان همه اذا عال SIV5000 فميطالبوك بعدم محكومية عراقية لان بموقع وزارة الخارجية اصلا العراق ميحتاجون منه هيجي ورقة
فانته لو تجيبلهم مالة الدول اللي قضيت بيهه اكثر من سنه لو تغلس وهية شغلتك تركض ركض
اما اذا تريد تمشي على نصيحة اساتذتنا ابو النور والشبح بان تدزلهم مالة بغداد زايد خير وسد حلوك فبكيفك بس لتعطل نفسك 25 يوم بس حته تطلعهه وهية ما مطلوبة وحتى اكو جماعة كالوا انه دبروهه بيومين بس بورقة ونص فهم ما اعتقد اكو داعي لهالتوريق وانته بكيفك بعد

[amjid1917]

اولا السلام عليكم
ثانيا مبروك لكل الاخوة الجانت شغلات موغفه على قلوبهم يعني من اخونه سيف المشهداني الى البصير والبقية كلهم بدون ذكر اسماء
انا مثل ما الكل يعرف قضية فلم هندي ووغفت بالان في سي كلش يعني طبيت بالشهر الثاني يعني اللي يقول ساقية الظلمات بعده غلطان لأن اني خير دليل لأن اكو هواي ناس قدمو وراي واخذو موعد وقابلو واستلمو فيزة يعني بين قوسين ططوه كلش مو شلون ماجان


عندي سؤال واحد الجماعة اللي خلصت قضية المراجعة الادارية مالتهم بهاي السرعة اكو سر لو على الله ويا بشيره لأن ما معقوله اللي قدمو كلهم وراي اخذو موعد وقابلو يعني جانت عندي فد 100 شيبه براسي هسه صار لونه رمادي من كثر الشيب وانتم والحمد لله تعرفون الانتظار واليكم ملخص القصة مالتي
يوم 2/12/2008 قدمت على الككوم استلمتهايوم 12/2/2009 كملت الافلام الهندية مالت نبراسكا ووصلت الهم يوم 26/2/2009
بعدين وصلت للأن في سي يوم 3/3/2009 ثم انتظرت 10 ايام يعني يوم 13/3/2009 دزولي رسالة
يوم 19/3/2009 كملت الاوراق كلها ودزيتها انتظرت لحد يوم 29/3/2009 سألتهم قالو دخلت بالغضب او بحر الظلمات وهذا يوم وذاك لا ابو علي ولا ادوات الحراثة
ريد افهم فلم بحر الظلمات شنو هواي ناس اعرفهم قدمو وراي وحصلو موعد وقابلو وحصلو فيزة وانا مسوي مثل الدرامي اللي يقول


جسر الصبر لو طال اعبر وارد بيه               وحتى الصبر لو غاب اصبر واتانيه

واخواني اذا اكو فلم يسرع عملية بحر الظلمات ممكن فد تلميح فد مسمار واحد ينطينياه علمود نفتهم شلون راح تخلص هاي السالفة


وورود كلكم تحياتي
ا

[Banah09]

السلام عليكم اخواني وخواتي جماعة SIV وكل الاخوان الطيبين المشاركين في هذا المنتدى.
اخوان اني قدمت على الـ SIV وواصلة حاليا في مرحلة ما تدعوه بحر الظلمات والبحر اظلم وكلشي ما يندره شنو راح ايصير بينه، المهم من قريت مواضع بعض الاخوة ولعبان نفسهم من IOM وقارنت بين معونات IOM والـ SIV وجدت نفسي ما اكدر اتواصل مع الـ IOM ومذلتهم لنا لذلك اريد انسحب من طلب البنفيتس ومثل ما ذكرت اني في مرحلة المراجعة الادارية من يوم 23/4/2009 ولحد الان ماكو شيء.

فسؤالي كيف استطيع رفض البنفيتس من الـ IOM واني اموقعه وباعثه للـ NVC الموافقة على تحويلي على الـ IOM وهل يؤثر هذا على القضية لو لا؟
اشكركم ومتأكدة مراح اتقصرون
اختكم ام ياسر

[BaghdadGhost]

اخوية amjid1917 ......

يمعود عض الجلبك حلكنا ...... قصدي جلب العضك كتلنا ...... شنو هالغيبه والله ذاك اليوم اجيت على بالي كلت هذا الوليد الي جاعد وحده عالطابوكة شو ماكو ..... بعدين كلت يمكن فيزوله و سافر و غلس علينه الله يوفقة .......

حبي حمد لله على سلامتك .......

اول شي انته دخلت للبحر يوم 29/3/2009 ..... يعني صارلك تقريبا شهرين ....... ترة مساله جدا اعتياديه ..... اني طولت السالفه عندي 7 اسابيع ..... و اذا تقارن بالصفحة الاولى للموضوع ... راح تشوف بان اكو اعضاء طولوا اكثر من هاي المدة ...... ماكو غير الصبر و الله كريم ... بس اوصيك كل يومين و الثالث تخابر على ال NVC و تستفسر منهم .... و ان شاء الله خير .....

مو تكطع .....

[jayjay]

طبعا السلام عليكم و ما شاء الله على هاي الردود اخواني انت تعرفون انه احنا هسة يرادلنا فد ماسنجر يللة نلحك... هههه. يعني ما شاء الله الاخوان الاعضاء الجدد والقدامى وحتة اللي صارت شغلتهم الله يستر عليهم او على عوائلهم صايرين هواية او يكتبون ردود او اكيد انت تعرفون اني هم صاير لزكة ماشاء الله.

طبعا اني اشكرك اخي  vincenzo على هاي المعلومات اللي كلش فادتني او عندي ملاحضة بس.
اخوية اني ضليت بسوريا 11 شهر او 25 يوم يعني ما ادري شنو يحسبوها سنة لو يغلسون على هال خمس ايام الباقية.
المهم اني راح اغلس على الموضوع او ادزهن او اشوف شنو السالفة او بخلال هاي الفترة مال بحر الظلمات اني راح اطلع العدم مال المحكومية بغداد على كولة اخوية الشبح يعني جفيان شر او اخاف يطلبوها بالمقابلة او شي.
او اني انشاء الله راح انزل الايميل مثل ما طلبت اللي دزولياه او نشوف الشغلات اللي طلبوها.
بس عندي ملاحضة اخذتها من صديقي كللياها قبل ما استلم الايميل مال الان في سي.
الملاحضه صديقي كللي انه هذا الايميل راح ايدزولكياه فد شي ستاندار يعني كللي راح ايطلبون كلشي بي حتى عدم المحكومية راح يطلبوها بس هم ما يريدوها او كللي ايضا لا تدزها.
ملاحضة ثانيه انه حاليا دا يطلبون الفوم DS- 157  ويه المستمسكات.
للعلم انه صديقي دزلهم كل الاوراق اللي طلبوها ما عدا عدم المحكومية او بعدين كللوله انت عندك نقص بس الفورم DS- 157 يعني غلسو على عدم المحكومية ما طلبوها.


الى الاخوة الاعضاء و خصوصا اللي واصلين مرحلة والى اخي الشبح و sivandiom والعزاز الباقين اني عندي فد موضوع احب اطرحة عليكم او اشوف شنو ردكم عليه.
الموضوع هو كل شخص من عدنا اكيد صار عندة اشكال او اكو شغلات ما يعرف شلون يمليها بألاستمارات مال التقديم او الفورمات يعني ابتدائا من DS-157 والI-360  وغيرها ومعززة بصور توضيحية فما اعرف اخواني شنو رايكم انه واحد يكتب موضوع يكون فيه معلومات كافية عن كيفية ملا استمارات ال SIV او ال IOM. ولكن بشكل لا يقبل الخطا. بهألحالة نختصر على الأخوة الجدد معاناة الانتضار لسبب اخطاء بسيطة في فقرة معينة من استمارة معينة.
والله اني يعز علية اشوف قسم من اخوانة يعني ينتضر او بعدين يجي ايميل يكول عندك خطا في فلان فقرة مثل ما صارت كبالي وية واحد من اصدقائي يعني راح تقريبا عليه شهر من الانتضار.

واني متأكد راح انت تنطوني فكرتكم عن الموضوع بردودكم الحلوة والكلهة كرم.
 اخوكم jayjay يعني جاي جاي مو جي جي يعني اكو خطأ بألسبيل ترة ارجع المعاملة عليكم لئن هو بألجواز مكتوب هيج.....ههههههه.
شكرا اخواني. او اسف على الاطالة.

[BaghdadGhost]

اختي Banah09 .......

تسلمين اختي ام ياسر على الاشتراك ويانه و ان شاء الله تسافرين انتي و العائلة باقرب وقت ممكن ....

بالنسبة للبنفتس ...... عادي اذا مقدمه عليهه و تريدين ترفضيهه ... كل الي تسوي تملين الاستمارة مال ال Resettlement Benefits Election Form to Iraqi SIVs و الي هي عبارة عن اقرار موقع من صاحب الطلب لقبول او رفض المساعدات ..... اني كلتي بهذا الاقرار كلتي اريد المساعدات ..... هسه مثل مكتلج تملي مرة ثانيه و تكولين بي ما اريد المساعدات و خلاص ...... و تدزي لل NVC و همين تدزين نسخه منه لل RPC و وياها ال DS-230 .. هاي في حاله انه انتي مستلمه ايميل من ال RPC ... و مستلمه IZ #  منهم ...... و بالايميلات الي تدزيهه تشرحين بيهه الي تريدي ...... هذا رايي ,, نشوف شنو راي الاخوة الاعضاء .....

اهلا و سهلا بيج مرة ثانيه .....

مو تكطعين ولو ادري انه راح تكطعين بس معذورة و الله يساعدج ....

[MONSTER]

مرحبه عليكم اخواني..

عندي استفسار على برنامج الاس اي في 5000,,هل يحدث تجييك امني خلال مرحله الكووم ابروفل؟
والمرحله الي بعد الكوم ابوفل من تدز الى نبراسكا شكد تاخذله وقت الى ان يتصلون بالشخص مقدم الطلب,,

وهل هنالك تجييك امني بعد مقابله السفير للغير متزوجين؟ لو بس مجرد حالات خاصه مو للكل؟

اسف عالاطاله...

واتمنى تقبلوني فرد من افراد عائله الاس اي في..تمنياتي للجميع بالسفر والموفقيه,,

[BaghdadGhost]

حبيبي جاي جاي ....

ترة موتتني .... هههههه

بالنسبة للعدم محكومية من سوريا ... ميحتاج لان انته ممقبط سنه ..

بالنسبة للعدم محكومية من العراق ...... طلعهه و لتتعاجز ...

بالنسبة لصاحبك ...... لان بالبدايه ال 157 مجانت مطلوبه ... بس بعدين كامو يطلبوهه لذلك انته هم لازم تدزهه اذا مدازها ...

بالنسبة لاقتراحك بخصوص موضوع لملئ الاستماير ..... هذا الشي صاير بالفعل بموضوع فالكون و اني كتبت موضوع عن ال 157 و هم موضوع عن ال 230 و موضوع عن ال 360 و كلهه موجوده بالمنتدى .... بس اكو اعضاء الله يسلمهم لا بيهم يسالون ولا بيهم يسوون بحث ... يعني هيج سنطاوي ..... ههههه
....
 و مثل مدتشوف هنا الاعضاء ما شاء الله منورين و الحمد لله و الشكر ابد ما فد يوم واحد بيهم تعاجز  بارد على اي سوال حته لو كان مكرر .... زين احنه بهيج حاله شنو الي بيدينه نسوي الهم .... اذا همه ما اعرف ليش ميسالون .... و هيه اول و تالي لمصلحتهم ....

[iraqgsm]

طبعا اني كلش متكئب و احب اكئبكم وياية طبعا قابلت يوم 27\4 وانطينا ورقت التاجيل و مكتوب من 1-2 شهر و اني كل اسبوع ابجيلهم بايميل الى و جانت كل اسبوع كليشة اعتيادية عدا الايميل اللي استلمته اليوم و هو شوي مختلف (يلة الطموا)


Hi,

The administrative processing is still pending. Most of the administrative processing will take between 2 to 6 months to complete. Yours is just 5 weeks and we are still waiting for your administrative processing to complete. We will contact you immediately after the processing is complete. Thank you.

Baghdad, SIV

طبعا نسيت فدشي الضابط السبونسر مالتي دز اكثر من مرة و مجاوبوا الى ان ردوا علية اليوم هم و كالوله انه طول فترة التقديم ابتداءا بال com ثم uscis الى nvc كان التجييك حصرا على main applicant و بعد المقابلة يكون التجييك على الزوج او الزوجة.

[BaghdadGhost]

اخي مونستر .... اهلا و سهلا بيك بيناتنا ...

تكدر ولو راح اتعبك .. ان تكتب مشاركتك بالصيغه الي تفيد الاخوة الاعضاء ... يعني نفس الترتيب الي شارحي احنه بالصفحه الاولى ...

 بالنسبة لسوالك الاول ..... لا ميسوون تجييك امني بمرحلة الكوم ..

بالنسبة للسوال الثاني ..... تكدر تزور الصفحه الاولى من الموضوع و تعرف شكد تطول . بس المتعارف بان 5 ايام لوصول الاوراق و 5 ايام للبت بالقضيه و تقريبا 3 اسابيع لوصول الاكيس الى ال NVC .... و احسبهه

التجييك الامني يخص كل المقدمين و مالها علاقة اذا كنت متزوج ام لا ....

ان شاء الله اكون جاوبتك على التساؤلات و اي شي تحتاج كول ....

[NOOR 2]

اخي وصديقي الحبيب سيف الغالي
انا عندما قرأت موضعك صدقني با اخي الحبيب
لقد سالت دموعي  ولم اعد اسيطر عليها
انا اسف جدا على التاخيير لم اكن متواجد
وعند وصولي الى المنزل اليوم
وجدتك قد كتبت قصة سفرك والتي من اجلها سالت الدموع
وخصوصا ما انتابك في اول مطار في نييورك
ولاتتصور مدى قلقي عليك منذ اخر اتصال بيننا وانت في لبنان
ولحين اخر لحظه من سفرك
حاولت مرار ان اتوصل الى الطريقه التي اتمكن من خلالها
معرفت اخبارك
الحمد الله الذي انعم علينا بخبر سلامتك انت وعائلتك الكريمه
اخي ابو حسوني الغالي
انا ساكون في تكساس قريبا وانت تتذكر عندما اخبرتك
لن تبعدنا المسافات عن بعض
والحمد لله مررت على 3 ولايات ولكنك استقريت في تكساس
لك مني يا اخي الصغير قبلاتي وامنياتي بالنجاح والتالق دائما


سيف لم تخبرني عندما سلمت الظروف في اول مطار
هل سئلك الموظف هل ترغب بتغيير عنوان مستلم الكرين كارت في 230
وكم المبلغ المسموح بحمله معك وهل يتم التفتيش عن المبلغ
وهل صحيح بان جهاز الموبايل وشريحة عراقنا شغاله في امريكا
والامور الاخرى
والى اللقاء قريبا اخويه الحبيب الوفي سيف

الاخ الغالي ابو اسد  الورده
اشلونك تاج راسي ومشتاقلك جدا
هسه بس اريد اعرف اختار الحكومي لو المنظمه
يرحم والديك اخويه سبع تره اني ما فتهمت كل شي اني تره كلش دايخ
وعلى فكره اني الان
دايخ بالوثائق ما الاطفال
ولكوني اسكن الان في احد المحافظات
لقد اكملت تصديقها من تربية المحافظه
وارسلوني بكتاب الى وزارة التربيه – مديريه الشهادات

والمستوى الدراسي لعائلتي كالاتي
مهني
الثني متوسط
الخامس  ابتدائي
الثاني   ابتدائي
الاول الابتدائي

هسه احتاج مساعدتكم كل اخ مر بهذه الحاله
اين تقع تلك المديريه
وكيف تتم الترجمه ومن الذي يقوم بذلك
وهل المهني نفس الديريه التي تصدق المتوسطه والابتدائيه

تحياتي اليكم احبتي الغالين

اخوكم  
NOOR 2

[BaghdadGhost]

اخي iraqgsm ....

اني راح اكون اول الملايات الي يلطمن ..... بس اوكف دقيقة ,, تريد نحجي الصدك .... من باب من شاف بلوة غيرة هانت عليه بلوته ,,,

اول شي مبروك على اداء المقابلة و ان شاء الله تحصل الفيزا عن قريب ..... صارلك تقريبا اربع اسابيع تنتضر ... و همه مالولك انه الشغله تطول خمس اسابيع ..... يعني ان شاء الله بالاسبوع الجاي راح تحصل على رد منهم و تروح تستلم الجوازات ...... يعني ماكو شي يتطلب ان نلطم عليه .... لذلك راح اطش جكليت .....

[iraqgsm]

شبوح والله كلامك صحيح بس انته ورة متفرح بموعد المقابلة يطلعلك هذا البوري الحنين و تنام و تكعد كبال الايميل والتلفون و بالورقة المشؤومة تكول 1-2 شهر و هذولة الحبابين بلسفارة يكلك العادي من 2-6 شهر

[mohammed2009]

السلام عليكم
تحياتي لجميع الاخوه الاعضاء ومبروك عليهم التقدم اسرع واقرب الى السفر وامنياتي للجميع بالموفقيه والنجاح
طبعا شكرا للاخ     vincenzo    لان متابع قضيتي لحد الان وشكرا على تحليله للموضوع طبعا احب اكلك انه الاخوان ماقصروا ويايه وخاصه اخويه العزيز شبح بغداد الي راسلته على الخاص وفهمني هوايه امور
طبعا حسب ماتعرفون اني مقدم على SIV من 11/2008 تقريبا وكملت كل الوثائق وارسلت نسخه من جوازي الى SIV وهاي اخر شي سويته ماستلمت رساله ال كوم ولادزيت اوراقي لنبراسكا وفجئه اجاني رقم ال NVC وهاي الامور كلها اتعرفوها من صفحه رقم سته
نصحوني الاخوه ان ادز رساله الى COM and SIV واستوضح منهم الامر انه كيف احصل على رقم واني لامرسل اوراقي الى نبراسكا ولامستلم رساله الموافقه من الكوم وطبعا اجاني الرد وهو كما يلي :-

Dear Sir,

 

Your case is currently under review with the Chief of Mission.  Once a decision has been rendered you will be notified.  You do not do anything at this point but wait for further guidance.  Yes, this is your number which we have attributed to your SIV application.

 

Regards,
SIV Program

وطبعا اجابتا على استفسارات الاخ    vincenzo    العزيز  بخصوص صاحب التوصيه انه جماعه الاس اي في ماطلبوا مني شخص ثاني اجيبلهم يعني اكتفوا بهذا الشخص وهذا الشخص كان جوابه الهم جدا ممتاز برئي ومقنع عندما سئلوا وبخصوص  سؤال تم طرحها على صاحب التوصيه وهو هل يشكل هذا الشخص خطر على الولايات المتحده فكان جوابه :-
To the best of my knowledge, Mr. Mohammed presents no threat to the national security or safety of the United States.
 هاي طبعا اذا كنت شاك بخصوص هاي الفقره انه قد يكون ماجوب عليها او قد اتعذر منهم لذلك طلبوا الجواز لغايه التجيك الامني 

وهاي اني من يوم 12/2/2009 الى غايه اليوم انتظر موافقه رئيس البعثه ولهيسه ماكو شي وعندي رقم ال NVC
انتو شتنصحوني اراسل جماعه ال NVc لو انتظر هم ايراسلوني وايبلغوني بالخطوات  مع العلم انه الرساله اعلاه بتاريخ 26/5/2009

وشكرا مره اخرى الى جميع الاعضاء وتحياتي الكم


اخوكم محــــمد 

[BaghdadGhost]

يولد يبنات ....

للفائدة و حته تتوضح الصورة يمكم .... هذا الايميل الي استلمته من خلود ....

Dear Mr Ali
 
Please note have been advised by our office in New York that you & your family hold a valid visa to the US and you must enter before 21-Jul-09
 
Kindly advise the following:
 
 
Kindly send me by email scanned copies from your passports & visas.
Are you residing in Iraq ? If yes then indicate which city you are residing in.
Are you ready to travel? Please note that you have to tell me exactly when you will be ready to travel as we will arrange your travel according to the period you mention in your reply, any postponing of travel is not acceptable.
What is your land line & mobile no.?
 
 
 
Your prompt reply will be highly appreciated in order to go ahead in your booking.
 
Office hours from 08:00 – 16:30 from Sunday till Thursday.
 
 
Best Regards,
Kholoud ALHAMAWI
IOM Amman Operations
 

طبعا اني سفردحي ..... الي متزوج و زوجته رايحه ويا ... اكو سؤال اضافي الي هو (هل زوجتك حامل حاليا,, اذا نعم بيا اسبوع من حملها)

وشكرا .....

[/b]

[mohammed2009]

عمي مبرررررررررروك وتستاهل و ان شاء الله توصل بالسلامه والله متدري شكد فرحتلك يله حضر روحك واستعد الى طياره الظلمات ههههه لا ان شاء الله طياره السعاده والسلامه

بالموفقيه

[حداد السيوف]

السلام عليكم
أخواني واخواتي في المنتدى اتمنى ان تكون بتمام الصحه والعافية
الحمد لله انا وزوجتي بخير والحمد لله وبصراحة انا كثير من الاحيان اتكلم مع سبع صنايع عبر الماسنجر ونفتح جات ومايك واوصيه بأن ينقل الاحداث اول بأول
الحمد لله هو رجل شريف وينقل كل ماقلت له بدقه
الحياة في امريكا جميلة ونظيفة جدا والناس هنا حبابين وبسطاء
ولكن عندما تعيش في امريكا سوف تصطدم بشيء اسمه التطور يا اخوان الباصات الها مواعيد واسامي واحرف واوقات
اتصورو لو تصدكون لو متصدكون بمقابرهم يدفنون الانسان واذا لكيتوا كلب او قطه مدفونه قريبه عليه وعليها قطعه تدل على قبرها هاي مسألة جدا طبيعيه
المهم لكي تكون جزء من هذا العالم والتطور الهائل يجب ان تتعين بوظيفة من البداية وتنقذ حياتك
يعني راح تكولون يعني شلون انقذ حياتي
يعني تتواصل مع التطور قصصدي وتعيش حالك حال العالم
شغل اكو هوايه بس متعب وشاق اكو بيه
لكن اني بالنسبة اليه راح اقدم على الجيش الامريكي لان الجيش الامريكي بيه منافع واني عندي عائله وعلى كولة ابو المثل المبلل ميخاف من المي
اخوان كولش اشتغلو ولا ذلت المنظمات الاهليه التعبانه الي تنطيك فد شي جدا بسيط وتحسسك بالذنب

لذلك وعلى اعتبار انه ماعندي كرين كارد بعدني
لذلك راح اروح باجر للمكاتب العسكريه الموجودة في المنطقه واسال شنو  الاجراءات وماهي الوظائف المتوفرة مع الجيش الامريكي بالنسبة للعراقيين

وان شاء الله نتواصل

اخوكم حداد السيوف

[Iron_man]

مبروك اخي الشبح وتستاهل كل خير ..... ديلة عاد ابدي حضر الجنط ..........  ههههههههههه


ان شاء الله يسهل لك رحتك .....


اخوك
Iron_man

[ارقى شاب بالمنطقة]

الاخوان الاعزاء
ارحب بكل الوجوه الجديدة بهاي الزاوية وطبعا مراح اجاوب على اسئلتهم لان اخونه شبوحي ماقصر ماشاء الله احسن معقب مال اس آي في هو

اخي iraqgsm نصيحة اخوية: لتفـكــــــــــــر انسى الموضوع تره التفكير يموت بس عوف السالفة وماتحس الا فد يوم جايك ايميل يكلك مرلنه يوم الخميس بتلاثة الظهر
وبالتوفيق


الاخ الحبيب ابو نور
بالنسبة للوثائق، حسب تصوري الشخصي انو المهني في نفس الدائرة
واسمها دائرة التقويم والامتحانات
موقعها كان في شارع فلسطين ساحة بيروت ولكن تم نقلها قبل اسبوعين الى باب المعظم قرب السفارة التركية بس توصل يم السفارة وتسال هناك يدلوك
والله يسهلك


اخونه شبوحي، الف عالخير عالايميل الحلو، واني متاكد انت جاوبتهه وكملت لذلك هالمرة ينراد تصبر شوية لان احتمال تغلس عليك اكثر من المرة السابقة،، وبالتوفيق اخوية


الاخ حداد السيوف، تفكيرك مثل تفكيري ونصيحتي الك احسن شي هو 09L من تروح للمكتب اسالهم عليه وهم يفهموك
شوف هذا الرابط يفيدك

http://www.armyinterpreters-09l.com/

وبالتوفيق

[Alawi]

لك شبوحي الف الف مبروك والله اني كولش فرحتلك وديالله اتصل بيهم وخيسفروك لك والله اني جدا جدا فرحانلك

اني هسة دخلت وية نفسي ابحر ظلمات خاص بيه اني مو بحر السكيورتي .. بحر خاص افكر بيه لان مدا اعرف شنو اسوي .. اخوان بس اندعولي الايام الجاية اللي دا امر بازمة كولش قوية وما عندي غيركم اليوكف وياية..


اخوكم علاوي

والف الف مبروك مرة ثانية لكل الاخوان اللي هنانة ...


فنسنزو حبيبي لا تزعل عليه اقرة الخاص اللي وديتلكياه وتحياتي ...


علاوي

[suzie83]

الف مبرووك شبح بغداد .. يا رب توصل بخير وسلامة  .. وتكلي كل الموفقية هناك ...
يا رب يفرجها عليك اخ علاوي ... وتطلع من هاي الازمة  ان شاء الله وتعديها  بخير سلامة

[komar]

اخويه العزيز والغالي شبح بغداد الف ومليون مبروك والله فرحتك الحمد لله وصلت لنهايه المشوار ويارب تسافر وترتاح انشاء الله وتنفتحلك كل ابواب الخير  ويارب تسهل امورك اخويه علاوي وكل امور الاخوه الباقين .

[iraqgsm]

شبوح الف مبروك و الموفقية بحياتك الجديدة لان انته تستاهل كل الخير يا وردة

[البصير]

أبو حسين ..

مبروك أغاتي ....

شد حيلك و كللهم من باجر أسافر ..مما وصيك ...أنت بطرك روحك ..مثل الطير ..

مو مثلنه و يانه علاليك ....ورطه ...

روح بواهسك و الهوا بظهرك


ألف مبروك اخويه العزيز....تستاهل الخير كله ياطيب

[ابو طيبه]

اعزائي اعضاء المنتدى .
الف مبروك لكل واحد صار تقدم بقضيته وانشالله الكل يوصلون بسلامه وكل هل المشاكل تصير سوالف.
بس والله من نسمع معاناة الديوصلون لامريكا والمشاكل الي تواجههم يصير عدنه احباط .
لان من دتصير مشاكل اثناء الاجراءت والمعامله شويه اهون لان انت مستقر تقريبا وتكدر تنتظر وتنسه كل شي من تتواصل بهالمنتدى الرائع لان اشوف مشاكل غيرك وتكول حشر مع الناس عيد.
بس من توصل لبلد انت غريب بيه يرادله صفنه شويه...
فياليت او ياريت كل واحد تصادفه مشكله بامريكا يسولفها والنوب يسولف شلون انحلت هاي المشكله حتى اصير فد خبره وما يصير مفاجئه للي راح يسافر لان يعرف على الاقل شلون يصرف من تصادفه مشكله .
واخيرا اتمنى ان يصل الجميع بسلام وان نتغلب على جميع المشاكل لان احنه عراقيين والي مر بينه من مشاكل ومصاعب ما اعتقد قليل لذلك انشالله كل شي سهل يصير كدامنه.
الله كريم.
تحياتي

[ابو العباس]

تاج الراس ابو حسين الذهب مبروووووووووووووك
وشايف كل الخير
ويارب السفر القريب يا رب الك والكل الطيبين اللي منتظرين ويارب نهايه الصبر خييير
 واني جدا ممنون للعضو اللي حط الصورة مال جماعه ال اس اي في ضحكنه من صدك جزاه الله خير ويارب ايوفقه
اني اسف بس جنت شويه مشغووول
تحياتي للجميع ......

[jayjay]

 شلون الشباب الاعضاء اني اشكركم او اسف اذا ما دا اكون شوية بألمواعيد مضبوط.
شباب هذا الايميل اللي استلمتة من ال ان في سي او مرة يعني المستمسكات المفروض ادزها الهم. ردا على طلب احد الاخوة الاعضاء اتمنى انه بيه فايدة وشكرا.

 
The National Visa Center (NVC) received your Special Immigrant Visa petition on 2009xxx and assigned case number BGH2009XXXX.  We updated our records to reflect your email address XXXX@yahoo.com as a point of contact on your case. 

U.S. Department of State
National Visa Center
Portsmouth, New Hampshire
IVP-SQ-BGH
 
Dear Sir/Madam:
 
The National Visa Center has received your approved Special Immigrant petition from US Citizenship and Immigration Services (CIS).  Please read this email carefully and follow the instructions below. 
 
We will work with you to ensure that you have completed the forms and gathered the documents necessary for eventual scheduling of your case. 
 
Processing Instructions
 
This e-mail contains instructions for processing the Special Immigrant visa case طبعا اسمي هنا 
 
Each traveling applicant must now complete Applicant Document Processing. Please go to the Department of State website at the following address: http://Travel.state.gov/visa/immigrants/info/info_3190.html and follow the instructions. 
 
As part of the Applicant Document Process, each traveling applicant will be required to complete and submit a scanned copy of a DS-230 Parts 1 and 2, Application for Immigrant Visa, to the National Visa Center (NVC) at the following e-mail address:  NVCSIV@state.gov.
 
Each traveling applicant will also be required to submit a scanned copy of form DS-157, Supplemental Nonimmigrant Visa Application.  This form must be completed in full and include start and finish dates for all employment, academic and military history.  This form is available at the following website: http://www.state.gov/documents/organization/79964.pdf
 
Applicants will need to send scanned copies of the following documents:
 
•   Their U.S. military I.D. and or their U.S. government I.D.
•   Their civil documents (birth certificates, marriage certificates, please also include the Iraqi national and personal identification cards (Bitaqa Shakhsiya / Hawiyya and Bitaqa Jinsiyya) and all pages of the family book)
طبعا هناك بألموقع مالتهم يكولون اذا ماكوشهادة ميلاد الجنسية تنوب عن ذلك............
•   Documents for any accompanying family members (i.e. spouse and/or children under the age of 21).
•   Police certificates
•   Biographical data page of their passport
 
Scanned copies of these documents should be sent to the NVC via e-mail to NVCSIV@state.gov.
 او اكيد الاستمارات كلهن مترجمات ما عدا اللي هيهاصلا بألانكليزي  ما تحتاج ترجمة...
The applicant must submit a police certificate from any country where they or accompanying family members have lived for six months or more.  Please check the reciprocity table at the following Department of State website to see if a police certificate is available: http://travel.state.gov/visa/frvi/reciprocity/reciprocity_3272. Police certificates are only required from those countries that indicate that they are available.   
هنا كاتبين ست اشهر او هو من المعروف صارت سنة او هذا ايأكد كلام صديقي اللي كال هذا الايميل ستاندار يعني قديم او اكو شغلات ما يريدوهة بس هم مكتوبة...
 
In addition, all applicants should submit a recent photograph of themselves to the National Visa Center via email, at NVCSIV@state.gov. Please visit

او هنا هاي الشغلة مال الصورة الحديثة يمكن جديدة ما اعرف اصدقائي بعد....   
 
We strongly encourage Iraqi-national applicants to obtain a G series passport
 
In order for you to attend your interview at the U.S. Embassy in Baghdad , you must arrange access for you and your family members to enter into the International Zone prior to your scheduled interview.  You should allow plenty of time to get through check points, and you and your family members should NOT bring any large bags, cell phones or weapons into the U.S. Embassy.
بس شباب عندي سؤال هاي الصورة جديدة يعني لازم ادزلهم صورة ويه الاوراق..... المهم اي اعرف انه الموضوع والكتابة طويلة بس حبيت ان ارد على احد الاخوة بس انشاء الله بي فائدة....
ديرو بالكم على نفسكم او تحياتي الى شبح بغداد...
 

[jayjay]

 شلون الشباب الاعضاء اني اشكركم او اسف اذا ما دا اكون شوية بألمواعيد مضبوط.
شباب هذا الايميل اللي استلمتة من ال ان في سي او مرة يعني المستمسكات المفروض ادزها الهم. ردا على طلب احد الاخوة الاعضاء اتمنى انه بيه فايدة وشكرا.

 
The National Visa Center (NVC) received your Special Immigrant Visa petition on 2009xxx and assigned case number BGH2009XXXX.  We updated our records to reflect your email address XXXX@yahoo.com as a point of contact on your case. 
 
Dear Sir/Madam:
 
The National Visa Center has received your approved Special Immigrant petition from US Citizenship and Immigration Services (CIS).  Please read this email carefully and follow the instructions below. 
 
We will work with you to ensure that you have completed the forms and gathered the documents necessary for eventual scheduling of your case. 
 
Processing Instructions
 
This e-mail contains instructions for processing the Special Immigrant visa case طبعا اسمي هنا 
 
Each traveling applicant must now complete Applicant Document Processing. Please go to the Department of State website at the following address: http://Travel.state.gov/visa/immigrants/info/info_3190.html and follow the instructions. 
 
As part of the Applicant Document Process, each traveling applicant will be required to complete and submit a scanned copy of a DS-230 Parts 1 and 2, Application for Immigrant Visa, to the National Visa Center (NVC) at the following e-mail address:  NVCSIV@state.gov.
 
Each traveling applicant will also be required to submit a scanned copy of form DS-157, Supplemental Nonimmigrant Visa Application.  This form must be completed in full and include start and finish dates for all employment, academic and military history.  This form is available at the following website: http://www.state.gov/documents/organization/79964.pdf
 
Applicants will need to send scanned copies of the following documents:
 
•   Their U.S. military I.D. and or their U.S. government I.D.
•   Their civil documents (birth certificates, marriage certificates, please also include the Iraqi national and personal identification cards (Bitaqa Shakhsiya / Hawiyya and Bitaqa Jinsiyya) and all pages of the family book)
طبعا هناك بألموقع مالتهم يكولون اذا ماكوشهادة ميلاد الجنسية تنوب عن ذلك............
•   Documents for any accompanying family members (i.e. spouse and/or children under the age of 21).
•   Police certificates
•   Biographical data page of their passport
 
Scanned copies of these documents should be sent to the NVC via e-mail to NVCSIV@state.gov.
 او اكيد الاستمارات كلهن مترجمات ما عدا اللي هيهاصلا بألانكليزي  ما تحتاج ترجمة...
The applicant must submit a police certificate from any country where they or accompanying family members have lived for six months or more.  Please check the reciprocity table at the following Department of State website to see if a police certificate is available: http://travel.state.gov/visa/frvi/reciprocity/reciprocity_3272. Police certificates are only required from those countries that indicate that they are available.   
هنا كاتبين ست اشهر او هو من المعروف صارت سنة او هذا ايأكد كلام صديقي اللي كال هذا الايميل ستاندار يعني قديم او اكو شغلات ما يريدوهة بس هم مكتوبة...
 
In addition, all applicants should submit a recent photograph of themselves to the National Visa Center via email, at NVCSIV@state.gov. Please visit

او هنا هاي الشغلة مال الصورة الحديثة يمكن جديدة ما اعرف اصدقائي بعد....   
 
We strongly encourage Iraqi-national applicants to obtain a G series passport
 
In order for you to attend your interview at the U.S. Embassy in Baghdad , you must arrange access for you and your family members to enter into the International Zone prior to your scheduled interview.  You should allow plenty of time to get through check points, and you and your family members should NOT bring any large bags, cell phones or weapons into the U.S. Embassy.
بس شباب عندي سؤال هاي الصورة جديدة يعني لازم ادزلهم صورة ويه الاوراق..... المهم اي اعرف انه الموضوع والكتابة طويلة بس حبيت ان ارد على احد الاخوة بس انشاء الله بي فائدة....
ديرو بالكم على نفسكم او تحياتي الى شبح بغداد...
 

[BaghdadGhost]

الاخوة و الاخوات و كل من قام بكتابه كلمه تهناءة .......

هاي ليش .... هيج ضايجين مني .... بسيطة ... باقي على قلبكم ..... ههههههههه

بالعكس اتمنالكم كل الخير و ربي يسهل اموركم و توصلون للمرحلة الي اني بيهه .....

اخواني اريد انوه لان باب التصويت لعضو متالق لهذا الشهر قد بدأت ..... ارجوا منكم ان ترشحوا احد اعضاء ال SIV لانهم كلهم تالق و لكم الخبار

http://www.ankawa.com/forum/index.php/topic,305098.0.html

[Banah09]

الاخ شبح بغداد اليوم يلله فتحت النت وعرفت انك وصلك هذا الايميل المفرح مبروك والله يفرحك بسلامة الوصول، انت انسان ما قصر ويانه واكيد مراح ايضيع تعبك ولا اهتمامك بكل اخوانك واندعي لنا ان نلحق بيك باسرع وقت لان ملت روحنه من التعب والانتظار وتوصل بالسلامه مره اخرى ومبروك

امانه لا تنسانه من توصل بالسلامه

ام ياسر

[★M a r t i n a★]

عاشت الايادي يا وردة على المجهود الرائع

[سيف المشهداني]

السلام عليكم احباب القلب

اشلونك اخويه ابو النور مشتاقلك والله وان شاء الله نتلاكه عن قريب بلنسبه للضرف فتحه ابو نيويورك لان اني اصلا نزلت بنيويورك والفلوس اتقد بس 10ز000 دولار اذا اكثر لازم اتبلغ كبل ما تطير حفاضا عليك
اما بلنسبه للسبونسر راح يوزعون لك ان شاء الله بلطياره اوراق او كارتات تمليها لكل فرد بل عائله وراح تذكر العنوان ال باميركا وعلى هاذا راح يعتمدون يعني مثل ما قلت لك سابقا

اخواني اني الحمد استقريت في ال باسو تكساس منطقه حلوة وجوها جميل مو بارد ولا حار اجرت بيت طابقيين هو مجمهع بيوت مؤثثه للايجار شهر بشهر 850$ اكو شقق ب600$ بس مو مؤثثه ابد وياخذون مال نص شهر ضمان يسموة عدهم ضمان طبعا هاي بغير منطقه او ولايه تحلم تلكه هيج اسعار واخواني الي بغيير ولايات يعرفون هاذا شي اقل شي ب1000$ وانته الممنون ويسون براسك فضل ويشرطون المهم الحياه هنا بسيطه وسهله مثل ما كتلكم مو مثل نيويورك ونيوجيرسي المشؤومه السيط هههه احبائي اي شي اني خادم الكم وربي يسهل كل امورك

[سيف المشهداني]

هاي مو خوش شغله مال اني كاعد وانتو نايميين هههه الله يجمعنا ان شاء الله في الستييس

[سبع صنايع]

الف مبروك اخوية الشبح والله يسهل
اخوية ابوحسوني لتخاف اني هم كاعد واتمنالك الحياة السعيدة واتمنى واني متاكد انه انت عندك كل الشجاعة لذكر ابسط الاشياء حتى الغير مشجعة او السلبية واحنة منتظرين تواصلك ويانة
واعذر الاخوة واكيد انت لاحظت انه اكو دماء جديدة واعذر القدماء لأن السفر قرب وميتواجدون الا بالليل يعني عندك العصر بس اني دائما اتواجد الصبح

[BaghdadGhost]

اشكرج اختي ام ياسر و ان شاء الله السفر القريب .....

الاخت مارتينا ..... الموضوع منور  بمرورج ...... شكرا

حبي سيوفي ..... مشكور على المعلومات يا ورد .....

خويه ابو اسد ...... اني حديقة بكل وكت موجود ...... شكرا و ان شاء الله تفرحنه بخبر استلامك للتاشيرات ....

[Iron_man]

شلونكم اخوان ... انشاء الله زينيين ...

اليوم الحمد لله والشكر اجريت المقابلة وجرى كل شي بأحسن حال عدا شي واحد (دوخني) ساذكره في ادناه ..

طبعا مراح اذكر التفاصيل المملة (يعني وصف القاعة ، وشكد طولها واكو ثلاجة لو لا ، ههههههه ، لأن هاي الامور كلها انذكرت بمقابلات جرت سابقا واخص منها مقابلة اخي الشبح الذي ذكرها بالتفصيل .... )
لذا سأطلعكم على ما جرى في المقابلة ..
بعد ما سلمت الاوراق واستلامها من قبل الموظف العربي في شباك رقم 6 ، تمت مناداتي من قبل القنصل في شباك رقم 7 ، اخذ يصماتي ، وبدأ بالأسئلة الروتينية وهي:
1- ما هي المدة التي عملت بها مع Titan ؟ وجاوبته
2- هل كنت في حزب البعث ؟ وايضا جاوبته (وهمة يتفهمون المسألة وان كان)
3- هل خدمت في العسكرية ؟ وجاوبته
4- اعطاني قائمة لأدرج فيها اسماء عائلتي غير المسافرين ، مع العلم انني غير متزوج
5- سألني ما هو تحصيلك الدراسي واختصاصك؟ وهل عملت به ؟
6- سألني عن الكفيل في امريكا ، وطبعا اني محضر عنوانه واسمه بورقة لأن ادري راح يطلبوه
7- اعطاني ورقة تعهد بأن اترك العمل وان اسافر في مدة ثلاثة اشهر ...

طبعا بالبداية نسيت اذكر انه كال ارفع ايدك واقسم بأن كل المعلومات الموجودة في الاستمارة صحيحة .. واقسمت..

الشغلة اللي دوختني ، انطاني اخر شي ورقة ووصل ، الورقة تكول بأن في مدة شهر الى شهرين سنتصل بك .. راح تكولون اي هاي عادي .. وانا اقول غير عادي ... لان صديقي هم نفس الحالة وصارله اكثر من شهرين ولا اتصلوا بيه ولا ابد .... ها وكايلين راح تكون الاوراق تحت المراجعة الادراية Under Administrative Review ... يعني هم بحر ظلمات بس يمكن شوية اصغر ...

ارجو ان اكون قد وفقت واوضحت الصورة عن المقابلة وصدقوني ... المقابلة سهلة ... وو
There is absolutely nothing to worry about it ..

ادعولي بلكي ميكون الموعد بعيد ...

وانشاء الله يوم لـ ماجلان ولـ haidor  ولكم جميعا ..

تحياتي
Iron_man

[ابو طيبه]

اخي العزيز الرجل الحديدي.
ان هذا التاجيل شيء روتيني وهو حسب قناعة القنصل واعتقد انهم يؤجلون العزاب ويؤخرونهم حتى يكملوا ارسال العوائل لان حسب ما تابعت انا وبعض اصدقائي ان العائله لا تؤجل والعازب يعطوه تاجيل او اذا كان هناك اسماء تتشابه مثل محمد جاسم او حسين علي يتم تاجيلهم حتى يتم تجيك الاسم وهو شيء روتيني .
عموما التاخير لا يمكن ان يكون اكثر من 45 يوم وذلك في ابعد احتمال .
ارجوا ان تستلم الفيزا وتصير سوالف.
تحياتي

[ayoka]

اخواني الاعزاء ما اعرف وين وصل السره المهم الف مبروك لكل من حصل تقدم في قضيته والله يسهل امور الباقيين

[vincenzo]

السلام عليكم
اكو رد بالاحمر كلشي ما افتهمت منه
عزيزي سيف اني احدق واحد وكاعدلك ليل ونهار وسوالفك سوت انقلاب بطريقة تفكيري واني متاكد غيرت تفكير هواي من جماعتنه ولذلك ما اعرف شلون اشكرك يا وردة لان كل تصرفاتك بامريكا لحد الان بطولية وهو هذا الصحيح
صديقي الزلمة الحديدي لتشيل هم انشاء الله تخلص ولو اني ما اتفق وية نظرية اخوية ابو طيبة انه العوائل مينطوهم بحيرة ظلمات لان اكو امثلة عوائل وانطوهم تاجيل....بس انته صديقي سولفلي على مقابلتك كم واحد قبلك؟؟ وكم واحد نطوهم تاجيل ؟؟ وشنو تفسيرك ؟؟

[سيف المشهداني]

السلام عليكم
اشلونكم يا طيبيين الاخ فنجيزو اعرف اني بكالمي اتضحت اهواي امور الكم واعرف اهواي عالم كرهتني لان اتكول بين النا امريكا بغير شي اني ارجع واكول امريكا كلنا نتمنى نوصل وندوس كاعها بس امريكا ما مفروشه بلورود  امريكا  بس اتمنى ان محد يدخل امريكا مثي تصورت شي وبين عندي اهواي اشياء غير شي واشكر الله لان بينت نفسي اني اقوة واتحده كلشي واني وياي عائله والحمد لله عرفت اشلون العبها بس اكو غيري ما يتحمل لان احنه اهل عز وكرم اكول ربي يسهل امر الجميع ومن بينهم انا ويسهل عليكم بكل خطوة تخوها بس لازم التخطيط والتفكير ولا تعتمد على ايا كان واشكركم على مشاعركم واكول اذا واحد مترردد وميريد يجي انحصه نصيحه اخويه ان يجي ولا يفوت هاي الفرصه الذهبيه بس التخطيط والتفكير وعدم التضجور من البدايه وشكرا اخوكم سيف من تكساس

[NOOR 2]

شكرا لك اخي الحبيب سيف الغالي

شكرا لك يانور تكساس عمي والله تره تكساس نورت
من وصل لها اخويه الغالي سيف الورده

اخويه سيف قريبا قريبا 
راح اكون في تكساس

اخوك   ابو نور 

NOOR 2

[untitled.man]

اخوتي في الـ SIV
تحياتي والف مبروك لكل من صار بقضيته اي تطور وتقدم...
وانشالله المنتظرين هم تفض وياهم باسرع وقت...

اخوية سيف الحمدالله ع السلامة ولو متأخرة بس عاشت ايدك على الشرح الواضح لمعاناتك اول ايام الوصول... وانشالله تكون اخر ايام المعاناة...

اخوتي...
حبيت انقل الكم اخر المستجدات اللي دتصير ويه اللي هستوهم ديقدمون على برنامج الـ SIV...
اخوان لاتتفاجئون اذا اجاكم رد يحتوي كيس نمبر كالاتي: BGHSIV2009xxxxxx وباول مرحلة اللي هي الـ COM... اخوان تره المسألة اتصور صارت طبيعية لانه رسائل الـ COM صارت على الصيغة اللي ذكرتهه بدل من SIVxxxx...
هسه قبل دقائق ولد صديقي مقدم على البرنامج وداز اوراقه بداية نيسان... واليوم حصل الـ COM ورقمهه بالصيغة BGHSIV2009xxxxxx ... جدا طبيعي ونفس الكليشة اللي تجي بالايميل انه اسحب اوراقك من الـ IOM واملاء الفورم I-360... والخ من الخريط...
اتمنى الاخوة المقدمين حديثا يستفادون من المعلومة

تحياتي

[سبع صنايع]

اخوية الرجل الحديدي

هاردلك وان شاء الله تعدي هية مسالة وقت واستوقفتني هاي الجملة اللي كاتبهه بنهاية ردك
There is absolutely nothing to worry about it

وضحكت هواية لأن نفس الجملة اللي كاليلياها القنصل بيوم المقابلة  واخوك بعد اشكم يوم يطب بالشهر الرابع
يللة تصير سوالف

[ماجلان]

.

[Iron_man]

شكر لك اخي سبع صنايع وكل من قام بالدعاء والمواصلة ..

اخي العزيز ماجلان

المقابلة جدا اعتيادية ... ( واني هسة هم بعثت لك عالخاص ووضحت بس ما ادري انته هنا كاتب الموضوع) يلة زيادة الخير خيرين .... ههههه

عيني ... اقصد بالكفيل اللي راح تكتب عنوانه في الاستمارة DS-230  ، والذي يتم علية ارسال الكرين كارد .... واعتقد الموضوع تم شرحه وتفصيله من قبل الاخوة الاعضاء ومنهم الشبح ... مشكور طبعا
وبالنسبة لجو المقابلة ... كان عدد الموجودين قليل في الامس لم يزيد عن 22 واغلبهم عزاب وكم عائلة .... وتخيلوا كان من بين المقابلين شخص ربح باليانصيب Lottery ... واحنه عبالنه ديشاقه ... بس بعدين طلع صدك الحجي وقابل وكمل ... يعني هوة لا مترجم ولا كونتراكتر ولا ابد ...
وشخص اخر كان طالب ديروح يدرس بجامعة Iowa وحصل Student Visa  ... بخت ...
لم يكن هناك اي رفض والحمد لله وانما كان اغلبهم التأجيل (من بينهم انا) وحسب اعتقادي عدد قليل (ينعد عالاصابع) ممن حصلوا على الموافقة واخبارهم بعد يومين تأتون لأستلام الفيزا ...

طبعا احب انوه الى ان موعد اعطاء الفيزا يكون يوم كل خميس من كل اسبوع .... مع وجود استثناءات للحالات الطارئة والصعبة ....

وقت المقابلة كان قصير لكل شخص (ما بين 10-15 دقيقة) عدا شخص واحد يمكن طول نص ساعة ...

ومرة ثانية اتمنى لك اخي ماجلان كل التوفيق وللاخ حيدور ولجميع الاخوة غير المقابلين لحد الان....

وانا حاضر اي سؤال اخر ...

Yours
Iron_man

[mongoose]

 اليوم السرة فردي   ايرون مان   اطبك ويانا
عاشت  امريكا حرة عربية

[Iron_man]

ههههههههه ... والله ضحكتني اخي mongoose ... لا بس اني وية اهل الزوجي البارحة مقابلتي كانت !!!

انته شخبارك ؟؟


Iron_man

[سيف المشهداني]

الف مبرووووك للاخ العزيز نور ويارب توصل انته والاهل بالف سلامه

[BaghdadGhost]

حبي الرجل الحديدي ......

مثل مكتلك ..... ان شاء الله مجرد تاخير بسيط و يدزون عليك ,,,,, مادام اخذو الجواز هاي هيه .....

اني اختلف بالراي مع العزيز ابو طيبه ..... الشغله متتعلق بالحاله الزوجيه .... لان اكو هواي متزوجين و اجلوهم ,,,, و بنفس الوقت اكو عزاب و هم اجلوهم ......

حبي سيوفي .....

تسلم على المعلومات الي جاي تقدمهه و بارك الله بيك ....... مرات الانسان يخطط وبعدين تطلعله امور صفح تخربط الاول و التالي ....... الحمد لله و الشكر على كل حال .....

حبي فنجز .......

يابه مكانك خالي يمعود و نكول مبروك لو بعد وقت ......

ابو نور الورد .....

توصل بالسلامه ان شاء الله و من توصل لتكساس اذكرك بحجايه كتلكياها مرة ......


يابه الزلمه البلبه اسم ......

والله سالفه توب جبتلنياها ..... عاشت ايدك يا ورد و هسه تاكدت شغله mohammed2009 بانها اجراء جديد .......

اذا هيج تحسبون الزوجي و الفردي ..... لعد الي مستلمين فيزا يمكن تعتبروهم تكسيات مو .... ههههه

[سيف المشهداني]

عطر بغداد حبي عاشت ايدك على هاي الصورة بس للامانه اخذتها حللني وواهبني

[mohammed2009]

ها حبيبي شبح بغداد مو كتلك اني هم اجاني هيج رقم  BGHSIV2009xxxx
بس قسم من الاخوه الاعضاء مجان مصدك بكلامي واولهم ماجلان ...!!!

بس هسه اتمنى من الاخ untitled.man  ان يوضحنه اكثر بخصوص اجراءات هذا الموضوع ومده استلام رساله الكوم وباقي الاجراءات والتوقيتات مالتها اذا امكن ؟؟

تعقيبا على كلامك "ونفس الكليشة اللي تجي بالايميل انه اسحب اوراقك من الـ IOM واملاء الفورم I-360"

هل الي مقدم اوراقه لل IOM يجب ان يسحب اوراقه لكي يتسنى له الاستمرار في برنامج SIV واذا استمر في برنامج IOM هل راح يؤثر على برنامج SIV  ؟؟

تحياتي

اخوكم محـــــــــمد

[Iron_man]

اخي محمد Mohammed 2009

كيف حالك ؟  بالنسبة للمقدم اوراقه على ال IOM بنفس الوقت ... عزيزي ميصير لازم اتدزلهم ايميل للـ IOM وتقول لهم بأن يضعوا شغلتك On-hold مثل ما اني سويت يعني لا تكنسلها ... على الاقل استفاد من البرنامج بعدين لأن هوة باقي الى 2012 بس اكو شائعة تقول انه راح يسدون برنامج اللجوء IOM في نهاية الـ2009 .. مجرد كلام سمعته ... (اخوان ترى  ممتأكد) اللي عنده جهات اخرى قريبة عن جهة العمل خلي يجيك النا ... هههه

على العموم / عيني محمد ... انته مراح تكدر تمشي بالبرنامجين بنفس الوقت لأنه من يصير موعد المقابلة راح تنلكف السالفة هناك ... اني وصلت الخطوة مال NVC وبعدين كتلهم وقفوا هسة الما اني اتصل بيكم على الايميل ..
اني ادري انه تريد تستفاد من البرنامج علمود الاهل .. بس اللي افضله الك ولبقية الاخوان اللي مقدم على SIV خلي يبقى ماشي عليه الى ان يوصل الى امريكا ويخلص من البرنامج وبعدين مناك يقدم لأهله على الـ IOM حتى يسحبهم يمه ... وانصح طبعا بأجراء وتحضير كافة المعاملات من جواز وهوايات وغيرها (تحضروها سكنر وتخزنوها بالايميل) حتى تكون جاهزة للتقديم مناك وانت بأمريكا لأن الاهل ميعرفون التفاصيل كما نعرفها نحن ....

وانا في خدمتكم

Iron_man

[mohammed2009]

عزيزي الرجل الحديدي

اني زين والحمدلله واشكرك على السؤال

واشكرك بخصوص هذا التوضيح المفصل ولكن باي مرحله اكدر ابلغ IOM انه ايخلون شغلتي بالانتظار قبل مقابله SIV لو بعد استلام الفيزه ؟؟؟
ونفس السؤال بخصوص ال SIV هل ابلغهم ان يضعوا قضيتي بالانتظار او الغائها اذا تم استلام الفيزا عن طريق IOM مع العلم اني بانتظار المحلفين على IOM ؟؟؟

وال SIV لحد الان اني لدي رقم من SIV لم ارسل اوراقي لنبراسكا ولامستلم موافقه من COM

واريد اكول للاخ untitled.man  هل الاجراءات في المعالجه الجديده للاخوه المتقدمين لل SIV هي نفسها كما في السابق قصدي من ناحيه تسلسل الخطواط من ارسال الاوراق الى نبراسكا او تم استثناء هذه الخطواط ارجوا التوضيح

شكرا

اخوكم محــــمد

[Iron_man]

اخي محمد 2009

تريد من هسة ارسل لجماعة SIV ايميل وبلغم بأن يضعوا شغلتك (On-hold) وهذا الشي المفروض اتسويه لأنه اذا مسويتها راح تسببلك ارباك بالمقابلة مال IOM وراح يعرفون وبعدين يكولولك ليش مكتلنه احنة مو حاطين ملاحظة بأنه ميصير واحد يمشي بالرنامجين سوة !!!!
على العموم اني كنت افضل بأنه تمشي ببرنامج SIV تدري لآنه ميزاته افضل بس حرامات انته تكول بعدلك المقابلة الثانية (المحلفين) يعني You're almost there .... فكمل مع الـIOM وبعدين هناك بأمريكا انشاء الله حول كمل الـSIV ...
واذا تريد ختى شويه (تمشي بالمعاملة مال SIV ) كمل على الاقل الاوراق الى ان توصل مرحلة NVC لأن هوة بعد بحر ظلمات وياخذ وقت ... هههه

واتمنالك التوفيق

Iron_man

[amjid1917]

حبي شبح بغداد اشكرك ورده بس هاي مو صخره هاي امتداد اليه لأن الواضح لطشت هواي على هاي الصخرة وصراحة صارت بيه عقده نفسيه من الانتظار بحيث ما عندي اي واهس اسوي اي شي هو مجرد افتح الايميل على التلفون وانتهى الموضوع الواضح صارت فطريات بيني وبين الصخرة من كثر ما لاطش عليها هههههههههههههههه



وهم شوية ملتهي لأن هاي الايام جاي اشتغل خوش شغله سايق مخده وتعرف خطورة سياقة المخدة وماكو وكت اجى على النت

وردود كلكم تحياتي للجميع

[untitled.man]

الاخ العزيز محمد...

الولد صديقي مثل ما ذكرت دز اول ايميل بداية شهر نيسان والبارحة 03-06-2009 استلم الابروفال لتر... واكيد ضمن هذه الفترة دزوا ايميل الى السوبر فايزر وجاوبهم... وطلبوا منه EV ودزهه ولكن ما كانت بالصيغة المفروضة انه تكون... وطلبوا منه يوم 01-06-2009 انه يعدلهه ويذكر تاريخ بداية الخدمة وتاريخ نهايته... والغامض بالموضوع انه انطوا مهلة لحد 12-06-2009 انه يزودهم بالـ EV الجديدة وحسب ما طلبوهه.... وهو بنفس اليوم عدلهه وجاوبهم والبارحة 03-06-2009 استلم الابروفل وموقعة بيوم 01-06-2009...

اخي العزيز...
بخصوص الـ IOM همه صحيح يذكرون انه انت اسحب اوراقك... بس لحد هذه اللحظة وبتصوري الشخصي انه ما تأثر نهائيا اذا انت مقدم على الاثنين او لا... كل بروسس يمشي منفصل عن الاخر... بس همه يطلبون منك انه تسحب اوراقك انت كشخص (مو كعائلة) علمود يوفرون مجال لاكبر عدد ممكن... انت تكدر تسوي مثلي وهو الاتي...
اني من استلمت الـ COM دزيت ايميل مباشرة للـ IOM وبي نسخة مرفقة من الابروفل لتر وكلتلهم يابه اني وزوجتي وبنتي نريد ننسحب من البرنامج واريد اهلي (والدي ووالدتي واخوتي) يبقون على نفس البرنامج واني راح اكون باتصال وياكم نيابة عنهم... ووراهه بفترة دزولي ايميل وانطوني كيس نمبر وهذا الحجي كله جان بشهر شباط... بس لحد الان مما محديدلهم مقابلة... وره ما استلمت الفيزا همين دزيتلهم ايميل استفسرت بي عن اخر المستجدات بس لحد الان مطنشيني...
فيا اخوية انته بس حصل الـ COM وبعدين قرر اذا تريد توقف معاملتك ويه الـ IOM... او تريد تسحب اوراقك انت فقط وتعوف الاهل يستمرون... براحتك

اما بخصوص الاجراءات هي نفسهه لانه الايميل موجود بي انه تملي الفورم I-360 ودزه ووياه الحبربشيات المطلوبة (جنسية وترجمتهه وجواز سفر والريكومنديشنات ونسخة الـ COM واذا تريد تزيدلهه بهارات خلي وياهه شهادة الجنسية وبيان الولادة والباجات)... تدزهه لنبراسكا على نفس العناوين اللي احنه دزيناها... يعني مخلص الحجي كلشي نفس الشي ما عدا رقم الابروفل لتر اللي تغير واتصور هو راح يبقى رقم القضية الى ان تحصل الفيزا انشالله...

ادري لغيت هوايه...

تحياتي

[mohammed2009]

اخويه العزيز الرجل الحديدي

مادري اكو معلومه اني قاريها اكثر من مره ومتاكد منها على الويب سايت التابع لل SIV انه يحق لك التقديم على اي برنامج ثاني تابع للهجره الى امريكا ولك حق الاختيار بين اي برنامج تريد الاستمرار به ولكن بلغ الجهه الثانيه اذا تم قبولك في البرنامج الاول وصدرت لك الفيزا لكي يتوقف من المعالجه في ملفك.

اني بلغت ال IOM انه امقدم على ال SIV من اول مقابله وكالوا اذا اجتك الموافقه على سفرك او الفيزا بلغنا كتلهم ماكو مانع استمر بالبرنامج كالوا ماكو مانع هذا من جهه

من جهه اخرى ال SIV مابلغتهم انه اني مقدم على IOM لان كان التقديم بعد شهر على تقديم اوراقي الى SIV ومصارت فرصه اكللهم ولاهمه سئلوني فكلت اذا صارت تطورات بالموضوع كلت ابلغهم لان اني بعد مامقابل المحلفين ولامحصل موافقه يعني بعدني بالبدايه ومن باب انه ذاكرين بالويب سايت مالتهم انه الك الحق بالتقديم على برامج اخرى

فاني انتظر الى ان احصل على نتيجه تستاهل ان ابلغ الطرف الثاني عليه يعني اذا اجتي موافقه او صدرت الفيزا عود ابلغ لان ماكو شي مضمون لا على ال IOM ولا على SIV وهم كلشي ايعرفون وداعتك لاتتصورهم ماعدهم خلفيه على هاي المواضيع لان اذا الشخص امقدم على UN , SIV  , IOM كلها راح اتمر على نفس الدائره في امريكا وذلك حسب ماموجود في الويب سايت مال السفاره الامريكيه في العراق ولكن الفرق هو الاولويه

ومشكور وماقصرت

اخوكم محـــــمد

[mohammed2009]

تحياتي اخويه العزيز untitled.man

ومشكور وماقصرت على هذا التفصيل الواضح
اني صار ويايه مثل ماصار ويه صديقك لكن المشكله انه ليش اتاخرت رساله الموافقه ماعرف ليش مع العلم انه خليت كل الاحتمالات ابالي وجيكت كل الامور مالكيت فد سبب اياخر الموضوع
زين اني ارسلت نسخه من كل صفحه من جوازاتي وقائمه بعدد مرات الدخول والخروح الى العراق مع التواريخ صديقك او انته هم سويتوا هذا الشي ؟؟

وهذا الرقم BGHSIV2009xxxهذا من قبل برنامجSIV لو من NVC لان اني اجاني من NVC ??

تحياتي للجميع


اخوكم محـــــمد

[untitled.man]

هسه اجيكلك وارجعلك الخبر

تحياتي

[mohammed2009]

اشكرك ولو راح اسوي زحمه عليك

ممنون منك

[untitled.man]

اخوية العزيز ابو جاسم...

بالنسبة اللي اني ما طالع خارج العراق...

صديقي طالع لسوريه بس بجواز الاس وذاكر بالـ DS-157 انه مسافر لسوريه ومحدد السنه اللي طلع بيهه... بس همه نهائيا ما طلبوا منه اي نسخة من جوازه الاس... هذي اولا...
ثانيا... كل الايميلات اللي استلمهه صاحبي هي من العنوان التالي:
COMapprovalBaghdad@state.gov
وما استلم اي رسالة من الـ NVC... واصلا هذا الرقم ما اجاه غير بس بالابروفل لتر فقط... قبلهه جانت ايميلات اعتيادية والمتطلبات مالتهم بدون اي ارقام...

اتمنى انه وضحتلك الصورة...

تحياتي

[mohammed2009]

عزيزي الغالي untitled.man

هذا مربط الفرس الي ايريد اوصله انه صديقك استلم الابروفل وبعدين الرقم اني استلمت الرقم بدون ابروفل ولاشي هذا المحيرني واريد اعرف ليششششششش ؟؟؟؟

اني خاطبتهم وسئلتهم عن هذا الموضوع كالولي انتظر موافقه رئيس البعئه ولاتسوي اي شي بالوقت الحالي انتظر من عدنه توجيه احنه انكلك شراح اتسوي بهذا المعنى ولهيسه ماكو شي

اني ماخربط احوالي غير رساله مرساله من IraqSIVApplication@state.gov  وكاتبن بيها الرقم هذا BGHSIV2009xxx بالسبجكت وكالوا قضيتك بدت بالمعالجه في السفاره الامريكيه في العراق وراها ماكو لاحس ولاخبر وطبعا ليجوه التوقيع NVC

ومشكور على هذا التوضيح

محــــــمد

[ayoka]

اخي العزيز محمد ما اعرف شكلك لان اني مكطوع من قبل جماعتي السابقين بس اني من استلمت الكوم بيها رقم ,وكاتبين بيه SIV CASE NUMBER : BGHSSIV2009xxxxxx اني استلمت الكوم ابروفل بتاريخ 22/5
بلكت هذا يريح بالك

[ayoka]

ها اخويه العزيز محمد ترى هما عدهم خربطه هوايه لان اني هم من جنت ممستلم الكوم ابروفل اجتني رساله من السفاره الامريكيه يكولولي احنا انطيناك فيزه وكتبت ايميل الهم بس مجاوبوني واني كاتب عن هاي الشغله بنفس هذا الموضوع بالصفحه الثالثه اني من رايي انه ميصير تجيك رساله من الان في سي الا اذا عندك كيس موافق عليه من نبراسكا ونبراسكا الي اتدزه  وبما انه انت ما داز اوراقك لنبراسكا فمنين الان في سي عدهم ايميلك ؟ ارجو من كافه الاخوان ان ياكدون او ينفون هذا الحجي .

[untitled.man]

هاي هي ابو جاسم...
هاي هم الاخ/الاخت ayoka اكد هذا الشي...
لا تدوخ نفسك ولا تشيل هم... همه بس ديجيكون طبتك وطلعتك من العراق وهاي هيه...
انته بس شوفلك فد game اتلهه بي وانسه السالفة ههههههههه
وانشالله الاسبوع الجاي نسمع اخبارك المفرحة...

تحياتي

[mohammed2009]

اشكرك اخويه  ayoka

وبالفعل اني هذا الي شاغل بالي انه كيف NVC وصلتهم قضيتي وصار عندي رقم ملف يمهم واني مامراسل نبراسكا ومامستلم كتاب موافقه ايصير راحتلهم الموافقه المبدئيه وتيسون تجيك امني عليه ولو مادري ايصير هيج تمشي الامور بهاي الطريقه ؟؟

وياخي   ayoka  ها انته ثاني شخص تستلم البروفل وبعدين الرقم واعتقد كل الاعضاء على هذا النحو ...


ارجوا المشاركه من لديه رأئي بالموضوع

وتحاتي


محمد

[mohammed2009]

عمي untitled.man

هيه يلحكلها كيم رحمه لابوك .... مو طكت روحي والله هاي يوميه نفس الطاسه ونفس الحمام وشغل ماكو وكاعدين كدام النت بلكت الله يجينه جواب

والتجيك الامني من 12/2/2009 ليهسه مامعقول هيه كلها 7 سفرات بالظبط هاي لو صدك مسافر ومكطع المطارات جان اشسوو بيه

[ayoka]

اخويه العزيز محمد اني اكدلك انه عدهم خربطه مو طبيعيه شوف هذا الايميل الي اجاني واني بعدني ممستلم الكوم ابروفل . واني ابوكتها فرحت فرح مو طبيعي بعدين اخذتلي شويه تامل كلت مستحيل وانت اقراه واحكم بنفسك .
REF. NO: BGH 07/04

Greetings!

Kindly be advised that immigration visa(s) for case number:

 (BGH20087XXXX)

has been issued.



PLEASE NOTE:


-       Thursdays, at 15:00 is the only time that applicants can to pick up their visas from the consular section.

-       Applicants can authorize someone to pick up their visa(s) if they can’t pick it up themselves .

-       If applicant is unable to arrange access or escort into the International Zone, please request the Consular Section’s assistance by sending an email to: BaghdadIVAccess@state.gov , full name & contact number of the person who is picking up the visa (even if this person is the applicant) must be advised in the email.



Thank you,

Baghdad IV.
اني شلت رقم الكيس حفاضا على خصوصيه المستفيد

[mohammed2009]

والله شكلك عزيزي ayoka

يعني ماعرف شنو مامعقوله ماعدهم سياق بهيجي موضوع او هيجي برنامج ضخم مثل SIV ومادري يعني الشغله عبالك صايره مثل لعبه حيه ودرج مثل اكو اشخاص قريت عنهم انهم حصلوا موافقه للسفر وراها اجاهم رفض شي ميشبه شي انته من اتاكدت من الشخص بعد شنو الي استجد ورفضته وخليته يفرح وايبيع غراضه لو احنه ناقصين حرب نفسيه ولعب بالاعصاب ....

خلي اشوف انتظر والله كريم المشكله الاكبر لااكو موعد لاتاريخ علمود اتكون امحضر نفسك علمود واحد يحسبها يمكن اجاه شغل وعقد سنوي اشلون بله وكلوله تعال سافر وفرضا هذا العقد بي شرط جزائي مثل اهنانه بعمان راح تدخل ابيراد ومصرف ولا اكو لويب سايت تدخل عليه اتجيك رقم قضيتك ابد هب بياض اتعيش ضل صافن على الانترنيت واحنه شوكت اندزلك ايميل عود اتحرك ممكن سنه سنتين محد يعرف لا ومرات شخص ايغلسون عليه وهو خطيه ظال عايش بالامل اي هسه وباجر هوسه والله هوسه...

اسف دوختكم بس والله ميصير هيجي مثل واحد راكب بقارب وبعرض البحر وديفتر بدائره وشمس حاره وماعنده لااكل ولاشرب وكلساع القارب ايريد يغرك ويوميه ايكول راح يوصل للجزيره وهو ميدري ديفتر ابنفس الدائره هههههه  شر البليه مايضحك

تحياتي اخوان

[ayoka]

اخي العزيز محمد كلامك صحيح كل الصحه بس شنو العمل احنا لاحول ولاقوه . هما يلعبون بينا من مصدر قوه واحنا ما بيدينا اي شي بس الانتضار والامر كلش صعب والواحد ياكل بنفسه اعتقد الاخوان كلهم مروا بهاي المعاناه وليس بيدهم حيله اني احجي عن نفسي اني خارج العراق وعندي شغلي المستقل والامور اوكي والله الشغله اثرت على نفسيتي وشغلي كمت اكعد متاخر من النوم ومالي واهس اسوي كلشي ومن اطلع بره البيت بس اريد ارجعله حتى اجيك الايميل وما اعرف شسوي حتى شغلي اتاثر الى النصف بس هم اكول يله الشغله تسوى وهنا مربط الفرس انه الشغله تسوى وكذب اكلك لهي نفسك لان مترهم هذا الحجي عن نفسي حتى اهلي يكولولي اتغيرت وصدك مو كذب بس شنسوي غير الصبر والكلمه الشائعه الله كريم .   تحياتي لهذا المنتدى الرائع الي الواحد يشوف هموم الناس اتهون عليه همومه .

[mohammed2009]

السلام عليكم

اخواني ردت اسئلكم سؤالين الاول بخصوص ايمل معين الي هو هذا :- VISA@IQ.COM
ماعرف اذا اتعرفون هذا الايمل او اكو شخص مراسل هذا الايمل لان صديقي مقدم على هذا الايمل وايكول هذا مال برنامجsiv واكو ناس سافرت وهم مراسلين هذا الايمل
بصراحه اني الايمل المراسل عليه وكل الاعضاء بهذا الموضوع مراسلين عليه هو هذا IraqSIVApplication@state.gov

وسؤال ثاني اذا فرضا شخص مقدم على IOM و على SIV وقرر ان يطلع على ال IOM هل من حقه ان ايكمل برنامج SIV في داخل امريكا اختصارا للوقت لاصدار الكرين كارت ؟؟؟  ارجوا التوضيح

الي عنده معلومه على هاي الاسئله  ياريت ايفيدنه

شكرا

[NOOR 2]

شكرا لكم يا اغلى واعز اخوه لي بالكون

انا اسف على عدم تواجدي معكم
للانني مشغول جدا بترتب اموري ليوم السفر

والذي اصبح قريبا جدا تفصلني عنه عدة ايام

شكرا لكم من كل قلبي واحتاج
الى دعواتكم احبتي الغالين

اخوكم  ابونور   NOOR 2

[mohammed2009]

اخي العزيز ابو نور
شايف كل الخير والف مبرووووك وتوصل بالسلامه ان شاء الله... والله عوض صبرك بالفرج
بس اهم شي وره ما ان شاء الله تستقر خلينه نعرف اخبارك مو تكطع

وبالموفقيه....

تحياتي

[Alawi]

حبايب .. احب ابلغكم باني حصلت الفيزة وهسة هية ابجيبي .... ووديت ابيومهه ايميل الى SIV@wrapsnet.org وكتلهم اريد اسافر شهر 8 والولاية دنفر كولورادو ... ما اعرف اني عندي سبونسر هناك بس معنوي .. ولكن ما اعرف احوال الشغل اشلون ..

المهم هذاا ليي حاليا اكوله الكم ويارب الكل اتحصل الفيزة .. لازم انزل ابهاليومين الى اهلي اشوفهم وابشرهم باني حصلتهه.. اخوان ما اعرف اشو اني مفرحان...

راح اكتبلكم التفاصيل بعد يومين وبيهه معلومات اتفيد الكل لاني هسة وراح اكولهه لاول مرة باني اعمل بالسفارة الامريكية ...

تحياتي الكم جميعا ويارب الموفقية من الرب .. وانشاء الله الكل اتحصل الفيزة اللي ما اعرف اشو شكلهه مو حلو 

تحياتي

اخوكم علاوي

[jayjay]

اخي الغزيز شبح بغداد والاخوة الاعضاء اني اسف لاني مو وياكم هالايام يعني شوية جنت بألبيت او خلصت معاملات ال ان في سي  بس اخواني اشكو شغلة هاي مال الصور مال الفيزا اني ما ادري اخذت صور اعتيادية او هم يكولون قياس 5*5 يعني شأسوي هسة اروح اطلع صور جدد لو هننه نفسهن يكفن ارجو الرد  احبائي وشكرا جزيلا.
انشاء الله بس ادز الايميل مال ال ان في سي حتى ارتاح والله تعبت من هاي الاستمارات والطلبات. او اخوية الشبح اني رحت بديت بألمعاملة مال العدم محكومية او كالولي فد 25 يوم. او يسلم عليك ابو التكسي...
ديرو بالكم على نفسكم احبائي

[iraqgsm]

حبيبي بالنسبة للصور مو كل المصورين يسووها بس الطاكين اذا تريد اكو مكتب تصوير بالكرادة داخل اسمه دلشاد للتصوير

[jayjay]

حبيبي عراق اني اشكرك على الاجابة اني اخذت الصور يم مصور انيس او اكيد الكل سامع بي بألكرادة مصور محترف لولا يقل كفائة عن دلشاد او صور جدا واضحة بس سؤالي هل قياس الصورة جدا مهم يعني اذا ما ادز الصورة قياس ٥*٥ هل تعتقد راح ايرجعون المعاملة و يكللولي بيهة نقص او هاية شلون يعني صورتين يعني ادزهن بألايميل. شكرا جزيلا ارجو من الاخوان اللي عندة ملاحضة تفيد ينتطينيها لان اني كلشي مخاص بس الصور. يعني انت بألنسبة الك دزيت الصورة بألحجم المطلوب او شتكللة للمصور من اتريد تأخذ الصورة.
شكرا جزيلا

[Banah09]

الى جميع الاخوان الاعزاء
رجاءا اطلب منكم المساعده في هذا الموضوع
البارحة الحمد لله وصلتني رسالة من NVC بتحديد موعد المقابلة يوم 2/7/2009 وكل شيء حلو وجميل لكن عندما قرأت التفصيل الباعثيهه انصدمت ابمشكلة حيرتني ودوختني كلش ومحتاجة خبرتكم ونصحكم الي
اني ولدت 7/2/2009 واستخرجت جواز S لطفلي ولأني خارج القطر ما استطعت اطلع جواز G لأن السفاره العراقية هنا بالامارات متوقفه عن اصدار جواز G لكل العراقيين وراسلت NVC وبلغتهم تعذر استصدار هذا الجواز لأبني واتجاوبوا معي وبعثوا لي استمارة طلب اعفاء جواز وبلغوني اوراقي اكتملت وقضيتي تحت المراجعة الادارية والبارحه وصلني منهم موعد للمقابلة بس من الاوراق المطلوب احضارها معي والتي يجب ان تستحصل للمقابلة جواز جي للطفل واذا نقصت وثيقة من الوثائق يحق للقنصل رفض اعطاء الفيزه، الان ماذا افعل وشنو العمل ولا وقت عندي لاصدار جواز للطفل وخاصة اني خارج العراق، شنو تنصحوني اسوي، طبعا اني راح اقدم طلب اعفاء الجواز اللي بعثته لل ان في سي بس خاف تخرب كل شغلتي وتنلاص.
الله يوفقكم ساعدوني شنو اسوي ااجل المقابلة واشوف طريقة لاصدار جواز بالواسطات وهي مو سهلة كلش صعبه عليه.

[iraqgsm]

اخوية جاي جاي اي الحجم كلش مهم و ماكدين عليه باكثر من مكان بس هذولة مخربطين مينعرف صدكهم من جذبهم و لهذا اكو تفاوت بالموضوع بس انته ليش تخلي فد شي بنفسك سويه مثل ميريدوه واخلص

و نعم تاخذ سكان للصور و دزهن و تحتاجهن و ياك يوم المقابلة و موفق انشاءالله

[Iron_man]

اهلا وسهلا بيج اخت Banah09

طبعا بالبداية نرحب بيج وبهذا الركن الجميل اللي مشكور عليه الاخ الشبح اللي خلانة نتواصل مع بقية الاعضاء على الدوام ... عيني لا داعي للقلق اولا ...
من رأيي الشخصي لا تؤجلي المقابلة ولا تفكري في ذلك لأن تدرين مو بالسهل يلة ديجي الموعد ....

اللي تسويه انه ترحين للمقابلة اعتيادي وتأخذين كل المستمسكات المطلوبة واللي اكيد تعرفيها مثل ما همة ذاكرين بالايميل .... بالاضافة الى تأخذين استمارة العفو عن الجواز وتكوليلهم بأنه اني اصلا منطيتكم اشعار مسبق بانه ما عندي جواز جي لطفلي .... وانشاء الله همة يتفهمون الوضعية .. الشي اللي يخليني متفاءل به هو انه انتي حضرتج ذكرتي الاوراق جاهزة وهي تحت المراجعة الادارية وهذا الشي جيد لانه معناتها اخذوا بحالتج وتقدمتي خطوة الى الامام .... والا كيف حددولج موعد مقابلة ... مو ؟؟

توكلي على الله العزيز القدير .... وسهلة انشاء الله كلها مطول 10 دقائق ... مثل ما حدثت ويانا ...

بس العفو مذكرتي ، انتي على يا سفارة ؟؟ بغداد ، سوريا ، عمان .... ما ادري ، طبعا في بغداد يكون افضل ..

واي شي اني والاخوة حاضرين في المساعدة

Iron_man

[BaghdadGhost]

حبيبي سيوفي .......

بالعافية و محالل و ماهوب ........ بمناسبة الصورة ,,,,, شون راح تتفرج البطوله مال القارات ......

طبعا مراح ادخل نفسي بالنقاش الي صار بين الاخوان لان عوائل سعيده وبيناتكم و معلوماتكم هواي حلوة و احسن مني لان اني عتيك من جان تجينه الكوم بيهه بس SIV ...... شغله ال IOM حرب وياها اني .....

حبيبي ماجد .....

ان شاء الله تفرج ويفصلوك بسلنك من هاي الصخرة ,,,,, يجوز هيه الي جايبتلك الشؤم .... بدل الصورة و خلي نشوف شنو يصير .....

ابو الانوار .....

على راحتك ورد و ان شاء الله توصل بالسلامه ......

علاوي .......

ماكلك شي غير بسيطة

[BaghdadGhost]

حبيبي جاي جاي .....

اخبارك حلوة و ان شاء الله تكون دوم حلوة ...... بالنسبة للصورة ,,,, اغلب المصورين بعرفونهه ,,, اذا جان المصور على الشارع العام راح يعرف شنو المطلوب بس اذا جان المصور بالدربونه مراح يعرف .... هههههههههه و للتاكيد اكثر اني خليتلك ويه الرد مالتي هذا بالاتاجمنت نموذج للصورة النموذجية للصورة مال الفيزا ,,,,, طبعا هاي الصورة من التعليمات مالتهم ,,, يعني مو كرايبي هاي المرية و همه مراح يستخدمون كل الصورة بس يستقطعون الجزء الي يريدو ......

الصورة الثانيه السودة هي المقطع الي راح ياخذو من الصورة الرايسيه ...... ومساله القياسات منتهين منهه ان تكون 5*5 سم او 2*2 انج .... بس اني خليت الصور علمود تعرفون شكد لازم المسافة فوق الراس و مسافه الاكتاف و الصدر .....

[BaghdadGhost]

اختي ام ياسر .......

ترة الموضوع ميستوجب كل هذا القلق ,,,, و لتتورطين و تحاولين تطلعين جواز جي للطفلة ...... و مثل مكال اخي الرجل الحديدي .... مجرد ان تاخذين الاستثناء الي حصلتي مال الجواز هاي هيه .... بالمناسبة ,, تدرين اكو اشخاص بالغين (يعني مو طفل مثل بنتج الله يخليهه) و هم حصلوا استثناء و ماشي الحال ..... همه ليش خلو شرط ان يكون الجواز G لان هواي تزوير بال S صار .... بالنسبة للطفلة ماكو شي ينخاف منه و همه اكيد اخذوا هذا الشي بنظر الاعتبار و قبلوا عالجواز ........ سهلة ان شاء الله

[سيف المشهداني]

والله خويه علاوي مثل ماتعرف المنتخب الامريكي هم مشارك بهاي البطوله وعندي كم قناه تطل بلتلفزيون بس اني راح اباوعها على الانترنت احسن بصوت المعلقيين العراقيين او الخليج وان شاء الله نعلسهم ههههههه

[ماجلان]

.

[الكاوبوي العراقي]

يصير اخ ماجلان لان اصلا الصور مال الفيزا مايردوهة الا يوم المقابلة وعادي تختلف عن صور الان في سي
لان الان في سي يريد اي صورة بس القنصل يريد حسب المواصفات

[mongoose]

 هاي خوتي
جماعة المراجعة الادارية  او التجييك الامني الجديد   او المرحلة الرابعة او بحر الظلمات الجديد او  مدى تسهيلات الحكومة الامريكية للعاملين معا من مترجمين او موظفين 
محد فرجت عليه
جماعة البرنامج القديم ليش يشلعون كلبهم  ندفع على النفر 400 دولار ومينطونا الفيز
سبع صنايع ما فرجت  عليك هسة كم شهر مكمل
واخي عراقي جي سي ام مو تضرب سرة ترة اسويها كعدة عشائر
وايرون مان انت جديد على السرة
 وعاشت امريكا حرة عربية
   

[ارقى شاب بالمنطقة]

الاخوة والاخوات الاعزاء في ركن الاس اي في شلونكم ان شاء الله تكونون بخير
مشتاقلكم كلكم والله نفر نفر

الف مبروك لكل من صار تقدم بمعاملته وان شاء الله تتوفقون كلكم يارب
اني اسف جدا على الانقطاع بسبب تحضيرات السفر والفره على الكرايب وتصديق اخير لوجبة من الوثائق
ان شاء الله اتواصل وياكم خلال هاليومين
تحياتي للجميع

[BaghdadGhost]

اخي ماجلان .....

كلام اخوية الكابوي صحيح ميه بالميه .....


منكوس الورد ....

ان شاء الله تفرج و نفرح بخبر استلامكم للفيزا عن قريب ..


حبي ارقى شاب .....

على راحتك وردة وان شاء الله توصلون بالسلامه .....

[suzie83]

يابه الف  مبروووك  ..للاخوان والاخوات  الى  قابلوا واخذوا فيزة  والي انطوهم موعد مقابلة ان شاء الله تترتب  كل اموركم  ..وتوصلون بخير وسلامة  يا رب بالموفقية للكل

[sivwaiting]

شلونكم كروبي  اس اي في  طبعا صار لي شهر بتركيا اسف على الانقطاع اخر رساله كملت بيها الاوراق الى nvc يوم 5 مايو شوكت تتوقعون موعد المقابلة


الموفقيه للجميع

[jayjay]

شباب شلونكم عندي سؤال الكم. صديقي العينتين دز المعاملة مالته قبل شهرين تقريبا او لحد الان ماكو لا حس ولا خبر ولا com ولا ابد فما اعرف شأكلله يعني نتصل بيهم لو اندز المعالمة من جديد.
ارجو الرد اخواني حالة مستعجلة حييييييييل وهاي بوسة الكم حبايبي.

[vincenzo]

اخوية ابو جاسم: بعد كل النقاش الطويل (وتقريبا لا نهائي) بينك وبين الكثير من اخوانا الفطاحل اني شبه تاكدت انه الموضوع كله هو مجرد خربطة من يمهم بس انته سوك عليهم باليميلات وانته تفتهم السالفة منهم
اما يمته توقف البروسسنك مالتك فلتوقفة اللا اذا طلب منك البرنامج الاخر حرفيا وبايميل ان توقفه
بالنسبة لنصيحة الزلمة اللي بلا اسم فجدا راقية واشجعك ان تاخذ بيهه يعني انته وزوجتك واطفالك (ان وجد) كملو اس اي في بينما باقي الاهل يكملون اي او ام وبنفس الوقت
الايميل اللي سالت عنه ماسامع بيه واني هم انتضر من الاخوان اللي يعرف شنو فلمه ان يوضحلنه
بالنسبة للتحويل من اللجوء للاس اي في في امريكا او التقديم على البرنامجين سوية فتكدر تغوص بارشيف المنتدى وتشوف مواضيع محترمة اكثر شي اني منزلهه قبل عدة اشهر بس بصراحة ما اتذكر يمته وبلكي انته شويه تدوخ نفسك وتدورلنه اللنكات مالتهه لان المنتدى عموما بيه خوش خاصية بحث بالارشيف

امجد ابو الصخرة صديقي: شنو نسيتني؟؟؟ مو حتى تلفونات جنه نسولف...خلينة نسمع صوتك وردة....وهم اذا تريد نتطارح بسياقة المخدة لان خويك جاكي مال مخاد

ايوكا: اخوية العزيز راح ابقى اترحملك انته وعلاوي الى ان اموت على الشغلة اللي تعرفهه واني جدا اتفق وياك انه مستحيل يتغير تسلسل الخطوات لان همه هيج وما مدبريهه!!! وين عدهم وقت وفلوس لتغيير كلشي وكلاشي وخربطة الامور فوك ما هية متخربطة مو؟؟؟؟

ابو نور انته ابو بيت ومعزب وانشاء الله محد يعاتبك هنا
روح والهوة بضهرك

علاوي: صديقي متكلي وين صرت...انته اصلا كل سوالفك غموض بغموض
ولذلك اني اتمنى وكدام كل اخواني واخواتي ان تفيدنا بتواريخ معاملتك مال ال اس اي في مثل ما كلنا مسوين بالصفحة الاولى للموضوع....وكان الله يحب المحسنين

جاي جاي : صديقي لتزعل مني بس هيه هاي يرادلهه علم...اي كامرة او تلفون بيه خوش ريزوليوشن وتاخذ لنفسك صورة وتنقلهه للحاسبة او اذا عندك سكانر دخلهه للحاسبة وبالفوتوشوب لو يوليد لو اي برنامج تحرير صور رتبهه على المواصفات اللي يردوهه واذا عندك طابعة ملونة اسحب شكد ما تريد واذا لا روح لاي مكتب حاسبات واسحب

اختي باناه: انتي اصلا شلون طلعتي كل الاشياء اللي طلبوهه منج بكل خطوات ال اس اي في وانتي بالامارات ؟؟؟
ورى ما راح تجاوبيني راح اكلج سوي وكالة خاصة لاي كرايب وهوة يقدملكم معاملة جواز من بغداد ويدزلكمياه ويكلف 25 الف دينار ويطول بحدود الاسبوع...لتعقديهه اختي

جاي جاي: صديقك استلم اوتوريبلاي لو لا؟؟؟

[mohammed2009]

اخويه وعزيزي vincenzo
 
تحياتي الك بالبدايه واشكرك على هاي الملاحظات لكن حبيت انوه عن بعض التفاصيل
1_ انه الي تيصير ويايه موضوع خربطه من SIV هذا حجي صحيح بس الى متى اضل هاي الخربطه وليش وشنو الاسباب وراها ؟؟  وبصراحه اني مداقصر كل فتره ادز ايملات الهم واسئلهم لكن همه صبرهم اطول من صبري هم نفس الجواب كل مره انتظر موافقه رئيس البعثه....

2_ بخصوص انه اكمل ويه برنامج SIV واعوف برنامج IOm فهذا شي بصراحه صعب تدري ليش لان انته تتشوف SIV لهسه ماكو رد ولا اكو جواب يعني الشغله وياهم اطول سنه يمكن او اكثر بس IOM لااقل من هذا الوقت فاني راح اخليها ياهيه الي تطلع اول اروح عليها والله كريم....

3_ ظلت اخر شي سالفت هذا الايمل المحيرني  VISA@IQ.COM  الي محد يعرف لحد الان اي شي عنه هذا الايمل اكو ناس مراسله عليه وكاليلهم هذا ايمل تابع لبرنامج SIV والاستماير الي ايدزوها للمقدم هيه نفس الاستماير مال SIV وكل الخطوات تشبه خطوات SIV زين هذا من جانب الجانب الاخر انه اكو ملاحظه ابكل ايمل ينرسل للمتقدم انه احذف هذا الايمل بعد قرائته مع العلم المتقدم يرسل كل اوراقه على هذا الايمل يعني ماكو ايدز اوراق بال DHL لنبراسكا والمقابله اتم داخل المنطقه الخضراء لكن في بنايه بعيده ومستقله عن بنايه السفاره والشخص المقدم على هذا البرنامج اعرفه وراح قابل وسلم جوازاته الهم وصديقه سافر وهسه هو ابمريكا فشنو رئيكم بهذا الشي ؟؟؟؟؟

تحياتي للجميع

محـــــــ2009ـــــــمد

[ayoka]

اخواني الاعزاء اني من الفراغ الي كاعد اعيشه كلساع اروح ادور على التواريخ حتى اعرف شوكت دز الاوراق وشوكت انقبل وشوكت الان في سي والمقابله وسويت جدول بيها وبلكت الاخوان الي ما عدهم تواريخ ينورونا ولو اني اعتذر اذا غلطت بشي بالتواريخ وارجوا من الاخوان ان ينقحون النسخه اذا امكن . هههه اذكرت كتاب القراءه مال الصف الابتدائي جانو يكتبون عليه نسخه منقحه هههههههههه

[Iron_man]

شلونك اخي ayoka

طبعا الجدول حلو و مفيد لكل  من لديه سؤال عن المواعيد والتواريخ التي قد يكون السؤال عنها ، بالنسبة للمعلومات التي ذاكرها عني راح اكمل بعض التواريخ (وبالرغم اني ذاكرها مسبقاً) وهي:

تاريخ موافقه نبراسكا
28-2-2009

تاريخ ارسال الاوراق الى الان في سي
5-3-2009

تحديد المقابلة
قابلت بيوم 2-6-2009

واي شي اخر اني حاضر


Iron_man

[ayoka]

ايرون مان ورده
اني ادري انت ذاكر التفاصيل بس اني دخت اكلب الصفحات واسجل وبس كملت دزيتها عموما مبروك يا ورده ولو اعتقد اني مهنيك على العموم ورده ومتقصر

[iraqgsm]

اخوية مانكوس ابد ما اضرب السرة و بلكت الله يفرج علينه هذا الاسبوع

ايوكا شكرا جزيلا على المبادرة الحلوة

عندي فد سؤال شباب مو بس اني اكو هواية من عدنه يحب يدرس او يكمل دراستة بامريكا

الشي اللي متاكد منه انه الاجئين راح يحصلون الدراسه مجانية من خلال refugee scholarship و من خلال الحكومة

يس الممتاكد من عنده احنة جماعة ال siv فاللي عنده معلومات الرجاء التفضل بيه

[amjid1917]

اخوان ابشركم واخيرا وليس اخرا اتصلو بيه وفد فرحان بشكل فظيع بحيث من كثر الفضاعة ما اعرف شسوي ارقص لو اهز جتف لو اخذلي موالين عتابه طبعا خلي اسولفلكم الفلم من البداية


اني كالعادة لعبت روحي من الانتظار وخضرة فوك الصخرة المهم صارت عندي حالة نفسية يوميه افز بالليل اجيك الايميل على  التلفون وارجع انام بعد زوجتي سلم امرها لله بيه وقالت عليه العوض ومنه العوض ولحد ينسى يوميه عركه يوميه طلابه طبعا عطال بطال ومكَابل المرة 24 ساعة المهم فتحت الايميل الساعة 4 الفجر لكيت رسالتين كمت اخذتلي هزتين جتف  لحد ما فتح الايميل وشفت الرسالتي واني بعد ما اقللكم شصار بيه يعني صدك الموضوع ما يصدك بحيث من كثر ما انذهلت خرطت اللاستيكتين مالت فجوجي وعشت في حالة صدمة يمكن المايقرب 3 دقائق المهم بعد ان فقت من الصدمة العملاقة اكتشفت انه الاميلين من واحد من المنتديات الغبية اللي ادز رسايل وتقولك تعال شوف عرس هيفاء وهبي لو خطوبة نانسي عجرم .
المضحك بالامر انه البيت كله صحى على طك الاصبع وهز الجتف ورجع نام على التحسب لله وطلب المغفره اليه وانه الله يساعدني بهذا المرض اللي بيه

طبعا اني مشتول فلحد يتشاقه وياي لأن صاير سويج درجة اولى

حبيبي vincenzo صارت بيه عقدة نفسية ظليت اعارك ذبان وجهي هههههههههههه فلذلك ما الي خلك اطلع او حتى ادخل بحيث اذا اروح لأمريكا يمكن اشتغل سايق تكسي ههههههه من كثر ما تعلمت على سواقة المخده
ثم لا تنسى ما خليت لعبة ما ختمتها اخر شي رحت جبت بلي ستيشن وهم لعبت نفسي منه هسه مخلصها مغذي مال جاي وقهوة وقناع مال جكاير


ورود احبائي حبيت الطف الجو الكم تحياتي للجميع

[ayoka]

اخي العزيز محمد
انت ذاكر انه الايميل الي اجاك من الان في سي صحيح يعني بيه الكيس نمبر مال نبراسكا الي يبدي بال LIN لو بس اجاك الي بيه BGH اذا عندك ابو LIN تكدر اتخابر على بداله الان في سي وهيا بداله الكترونيه 24 ساعه باليوم 7 ايام بالاسبوع  وانت انكليزيتك زينه لان من جماعه ال SIV وشوف قضيتك شنوا يعني  هيا مو هيا  والتلفون مال بداله هوا  6033340700  والكود مال امريكا طبعا 1 راح تطلع عليك انسر مشين وتطلب بالبدايه من عندك اختيار اللغه وهيا تنطيك الاحتمالات وانت تضغط على الارقام وشغله كلش سهله

[amjid1917]

Ayoka
حبي ورده تحجي صدق اني صارفلي لحد الان دفتر على التلفونات تدري لو لا باليوم مرتين اتصل بيهم وماكو شي جديد واني دخلت لبحر الظلمات من يوم 29 بشهر اذار ايميل يومي بالاضافة للأتصال ببداية الدوام ونهايته اول مرة جنت استمع للأنسر مشين وبعدين قلت خلي احجي وي العاملة مالت البدالة وفعلا حولتني على وحده ام عيون خضر اني شفتها هههههه بعدين قلت ليش هيج اتصل بالتلفون الموجود وي اسم المرسل مالتهم بحيث ما خليت احد ما اتصلت بيه حتى السيناتور كندي صاحب الفكرة مالت البرنامج وما وصلوني بيه بس وعدوني المهم بقى بس ابو سمره اوباما ما اتصلت بيه هههههه

بس اني مشكلتي والله اعلم هي التالية يمكن لأن اني بعدني كاعد على الصخره لو اشيل روحي من فوكها يمكن مشت شغلتي

ثم اني كملت نبراسكا وقدمت اوراقي للأني في سي يوم 19 اذار ويوم 29 اذار اتصلت بيهم قالو اوراقكم كامله وورده ابو الجود حتى جيك لست ماكو لأن جنت محضرهن قبل لا استلم الكوم مالتي شايف هيج نادر طبعا مو شربت نادر بس نادر وعتبر بس شسوي حظي اغبر شاتليني . عندي رقم من الان في سي واموري مترستخه بحيث رقمي هو مشكلتي لأن على دمشق DMS2009571XXX  شايف هيج قهر اعرف لأن اني بسوريا راح يبهذلوني بهذله بس المشكلة كل اوراقي جاهزة ما خليتلهم عذر بس اخ شسوي يمكن اللي لازم معاملتي واحد من ولايتي ( الناصرية ) لأن ماكو هيج خباثة بس عدنه لحد يزعل ولد الناصرية تره اني هم من الناصرية وهاي مجرد مزحه خاف بعدين تصير جيب عمامك وافصل ههههههههههههه


والله صدك انشتلت بحيث لعبة نفسي من الموضوع كلش مو شلون ماجان

[ayoka]

اخويه العزيز امجد اني اعتذر لان دزيت التعليق لاخونا محمد 2009 الي اذا تقرى سالفته ادوخ وبنفس وقت ارسالي التعليق انت الضاهر دزيت السالفه مال هز الجتف وللكاع وقريت السالفه مال ايميلك الي اجاك وكلت يا الله بعدين طلعت سالفه مال نانسي عجرم بس بيني وبينك نانسي تسوا امريكا ههههههه كاعد اتشاقه وياك داد وانشاء الله ربي يفتحها بوجهك موتتني من الضحك مال بس مكابل المره اني ابو داعيك هم نفس الحاله بس اني بعدني على الجرف يعني خباللتي على كدي والله كريم

[ماجلان]

.

[iraqgsm]

حياك الله ماجلان اطبك و جيب وياك فد عشر تكات جكاير و نص كونية كرزات

واليوم السرة زوجي

طبعا اعذرني ماجلان بس الكابة فول شنو تفاصيل المقابلة و كلي اسمك او اسم زوجتك شائع يعني  محمد لو علي لو حسين الى اخره

[iraqgsm]

طبعا الحلو انه كلمن انطك بهاي المكرمة يوم المقابلة يكول بس اكو شكم واحد حباب بدون ذكر اسماء استلموه الفيزا و لاكالوا ولا حجوا طبعا عدا اخونة siv and iom

[mohammed2009]

تحياتي اخويه ayoka

طبعا اني الكيس نمبر الي اجاني من الان سي في هو هذا :- BGHSIV2009xxxxxx
ومنتظر اشوكت الله يفرجها بس تعتقد هسه اذا اخابرهم واني عندي هذا الرقم ممكن احصل جواب ؟؟

وشكرا على النصيحه

محـــ2009ـــمد

[ماجلان]

.

[Banah09]

اخواني في ركن SIV
شكرا جزيلا لكل من فكر معي وقدم نصحه الي، طمأنتوني وراح انتظر يوم المقابلة ومشكورين الف شكر مره ثانية وفيتوا وما قصرتوا.
اخي vincenzo
سئلتني اشلون طلعت كل الاوراق المطلوبة من NVC اني املك كل الاوراق الثبوتية من توصيات وباجات وكذلك اتصلت واستخرجت عدم محكومية من الامارات لاني هنا مقيمة وخلص يعني اني ما احتاجيت الى اي وثيقة اخرى ما املكهه عدا جواز ابني لاني ما املك له جنسية ولا شهادة جنسية ولا جواز جي وهنا المشكلة. وحتى صورة القيد التي طلبوها مني استحصلتها من هنا من السفاره العراقية بس قدمت طلب وحصلت عليه.

شكرا
ام ياسر

[ayoka]

اخي العزيز ماجلان ما اعرف شكلك بس الله يكون يعونك

[suzie83]

الله  كريم  اخ ماجلان ان شاء  ما  تطول  سالفتك  لمدة شهر او شهرين  بلكي  اسبوع او اسبوعين ..انت هواية صبرت ان شاء الله صبرك  ينتهي  على خير وسلامة

[BaghdadGhost]

والله يا اخواني شريد اكول .......... شو السالفه صارت بليه ملح ....... منكول غير ان شاء الله خير و تفض من وكت .........

[أضن ترتاح من احزن]

اخواني في ركن SIV
شكرا جزيلا لكل من فكر معي وقدم نصحه الي، طمأنتوني وراح انتظر يوم المقابلة ومشكورين الف شكر مره ثانية وفيتوا وما قصرتوا.
اخي vincenzo
سئلتني اشلون طلعت كل الاوراق المطلوبة من NVC اني املك كل الاوراق الثبوتية من توصيات وباجات وكذلك اتصلت واستخرجت عدم محكومية من الامارات لاني هنا مقيمة وخلص يعني اني ما احتاجيت الى اي وثيقة اخرى ما املكهه عدا جواز ابني لاني ما املك له جنسية ولا شهادة جنسية ولا جواز جي وهنا المشكلة. وحتى صورة القيد التي طلبوها مني استحصلتها من هنا من السفاره العراقية بس قدمت طلب وحصلت عليه.

شكرا
ام ياسر

أختي أم ياسر و ألأخوان في ركن ألأس أي  في  ألسلام عليكم

بلا زحمه ممكن تكوليلنا شلون طلعتي لمولودك الجديد جواز أس و هوه ماعنده هويه أحوال و لا شهاده جنسيه؟

أيضا" شلون طلعتيله صوره قيد و هوه ماعنده هويه أحوال...يعني بعد ما عنده قيد بالنفوس أصلا"؟

أرجو ألأجابه لتعم الفائده.

مع الشكر الجزيل مقدما".

أخوك.

[سبع صنايع]

اخوية ماجلان

والله هسة يللة قريت الرد مالتك والظاهر  التاجيل راح يصير القاعدة والقبول هو الاستثناء
وطبعا كلمات المواساة مرح اتقلل من قلقك وتفكيرك خاصة بالاسبوع الاول بس بعدين تصير عادي الشغلة........

اني باجر راح احتفل بالدخول بالشهر الرابع من الانتظار وبنجاح ساحق  
اني ورقتي ام الست اشهر مع العلم القنصل كللي ابد متحس جكة ابرة هههههههه

بالنسبة لأخونة عراق جي اس ام هاي عادية مال واحد يستفيد بس من تخلص شغلتة يفلت واني بصراحة من يصير مجال ما ادخل على المواضيع ادخل على الردود الخاصة مالتك ومالت همر ايرون مان ومنكووووووووووس واكو واحد جديد هم تاخرت فيزتة اسمة شقندح بس اختفى يمكن حصل الفيزة والله وفقة وبعد ميحتاجنة طبعا اس اي في الولد كال وهية شغلتة متاخرت هواية ها طبعا ما انسة الشيخ اس اي في 2007 وهسة ماجلان طبك على السرة

وبصراحة كلكم متواجدين اللهم الا همر اشوفة متصل بس ميسجل يمنة حضور يمكن ديتصفح بمواضيع السفر والاستفادة من تجارب الغير فيا ريت يدخل يطمنه

[iraqgsm]

سبع صنايع و نسيت واحد تدري منو damn siv وجيكه وشوف

وللو ماكو اعذار بس اذا ديقره ردي خلي يسولفن شلون استلمه و التفاصيل الاخرى

[Banah09]

الى الاخ أضن ترتاح من احزن
ما اعرف انت شنو المشكلة عندك، بس تره خارج العراق يمكن استحصال الجواز S على بيان الولاده ولا حاجة لهوية الاحوال المدنية وانشاء الله من تطلع خارج العراق تعرف انه سؤالك بيه خطأ.

اختك ام ياسر

[mongoose]

 اكلكم
 عاشت امريكا حرة عربية
اكلكم  السفارة مال بغداد
مابيها حظ صايرة واليوم الاسود الي حولت بيها الى بغداد
فنصيحتي الى الاخوة المنتظرين مقابلات خلي يحولون الى بيروت او عمان
ترى ذولة مال السفارة العباقرة
راح يدخلوكم مهزلة جديدة وهي بحر ظلمات مصخم
وعاشت امريكا حرة عربية  

[komar]

اخواني الاعزاء اسف للانقطاع هذه الفتره لكن كل واحد تعرفون وظروفه غير شكل يارب تكونون كلكم بخير والله قريت ردود الاخوان وحصول الاغلبيه عله التاجيل مع الاسف انشاء الله يحصلون عله الفيزه عن قريب بس اعتقد مثل ماهو مبين انوا الجميع هيج دصير  عدهم تاجيل فاعتقد فد شي  مو صعب يجوز ديريدون يسفرون الاخوان  الي محصلين فيز خلال هالشهرين ويبدون بالباقين اكيد صاير عدهم لود يارب الموضوع يطلع مجرد انتضار لفتره قليله وتسهل  كل اموركم .

[ارقى شاب بالمنطقة]

السلام عليكم اخوان

الاخ ماجلان... كنت اتمنى ان ينطوك موعد استلام حتى ترتاح بس يله
الخير فيما اختاره الله
وحالك حال العبرية
بس ادعو من الله ان يسرع شغلتك ويتصلون بيك باقرب وقت
وبالنسبة للعضو damn siv  فهو صديقي اني اعرفه
هسه قبط 70 يوم من مقابلته ولحد الان كلشي ماكو
مع العلم هو انطوه الورقة مال تاجيل من شهر الى شهرين

[iraqgsm]

ارقى شاب بالمنطقة اعذرني بس اني جيكت مشاركاته وشفت الاتي

"تسلم يا اخي العزيز ما اعرف شلون اشكرك لان انت وفرت عليه هواي جهد

الله يسهل امورك ويوفقك لكل خير

عندي بس سؤال ثاني اذا موزحمة عليك

اني عندي فيزا اس آي في وشغلتي ويه الآي او ام هي فقط لتوفير الطيران لي
وبالفعل اتصلو بيه وسالوني شوكت اريد اسافر
انطيتهم الموعد ومجاوبوني بعد صار 15 يوم

مع العلم اسفل الايميل مكتوب بالتوقيع
خلود الحمودي
آي او ام عمان اوبريشن
السؤال هو: هل تعرف رقم تلفون محدد خاص لاغراض ترتيبات الطيران؟
يصير اكوللهم ينطوني هذه الموظفة خلود وافهمها لو شلون
شكرا مقدما اخي"

وهذا لنك الموضوع
http://www.ankawa.com/forum/index.php/topic,294296.msg3867400.html

[vincenzo]

اختي ام ياسر
اني قصدي مثلا صحيفة ال57 شلون طلعتوهه من الامارات
لو مثلا صحيفة الولادة
لو تصديقات هاية الشغلات من الداخلية والخارجية
الخ

حبي امجد
انته متكلي شذبحتنه
مو هذا سبع صنايع كدامك صارلة 4 اشهر بس بالمراجعة مال ما بعد المقابلة!!!
وهذا SIV2007 ثمنطعش شهر يلله قابل وبعدين هم طبك عالسرة
وانته كلهه شهرين وهيجي مسوي بروحك
عمي اذا انته هيجي حساس انتضر تطلعلك الفيزا وانطينياهه
ههههههههههه

طبعا هاي سالفة التاجيل صدك صايرة بلية ملح
بس يمكن تعتمد على عدد الاخوة والاخوات
لان كل اللي دياجلوهم ياخذون منهم اسماء ومعلومات الاخوة والاخوات
واعتقد والله اعلم انه سبع عنده فد سبعة وثمانين اخ و سته وسبعين اخت
وجيب ليل واخذ عتابة

[untitled.man]

حبيبي ماجلان الورد...
اخويه ايرون مان...

انشالله تهون وتعدي على خير...

تحياتي..

[SIVandIOM]

الله يساعدهم

مبروك لكلمن حقق تقدم بالمعاملة وبالنسبة للاخوان الطابكين على السرة اتمنالكم ان تفولون بأسرع وقت ممكن...يا ولد كولوا يا الله...وحاولوا تستغلون وقتكم بشي مفيد ...واكو اطنان من الاشياء اللي لازم تسووهه للتحضير للخطوة القادمة...واللي يريد نصيحة او ميعرف شنو يسوي خلي يطلب واني مستعد احضر قائمة بالاشياء اللي لازم كل واحد يسويهه اثناء انتظاره (طبعا كلمن ووضعه وظروفه)..وهذوله كدامكم الابطال سبع صنايع و SIV 2007 مسيطرين مع العلم ان همه اطول ناس صارلهم بالسرة..

هذا التحديث على التواريخ مالتي واشكر الاخ ايوكا على هاي المبادرة:

تاريخ التقديم على الكوم 28/7/2008
تاريخ الحصول على الكوم 05/10/2008
تاريخ ارسال الاوراق الى نبراسكا 28/11/2008
تاريخ موافقه نبراسكا 10/12/2008
تاريخ ارسال الاوراق الى الان في سي 20/01/2009
تاريخ اول ايميل من الان في سي (ما اعرف يعني شنو اهمية هذا الشي ولذلك راح اخلي تاريخ دخول بحر الظلمات اللي هوه 27/01/2009).
تحديد المقابله 16/03/2009
استلام الفيزا من بعد بحيرة الظلمات والرفض المؤقت 19/04/2009
ارسال الفيزا الى الRPC بعد كم يوم لأنه ما استلمتهه بيوم الصدور لأنه الا يوم خميس 23/04/2009
التحويل الى الاي او ام 19/05/2009
استلام اول ايميل من الاي او ام يسئل عن موعد السفر 25/05/2009
الاجابة وتحديد الموعد المطلوب 28/05/2009 ولحد الان ما متفق وياهم لأنه طلبت 10 سبعه كالوا اوكي حاضرين راح نحجزلك واحد سبعه!!!!! كلتلهم لا اني جنت اقصد 10 سبعه ولحد الان ما مجاوبيني..

واي سؤال ماكو داعي اكول انه اني حاضر

تحياتي

[ارقى شاب بالمنطقة]

الاخ iraqgsm
العضو صديقي ولحد الان كلشي ماكو بس هذا ولد صاحبنه استعمل حساب damn علمود السؤال مالته

بس العضو نفسه لحد الان يسمع حسك بالفالكون

تحياتي

[سيف المشهداني]

اشلونكم يمعودين مشتاقوون والله اني ماكو شي جديد يمي اكل ونوم لحد الان ههههه ابو الانوار وينك بعد ما سافرت كطعت هاااا وتحجي علينا مو اني اعلمك بعدك بلطياره واثبرك ثبيره بل الايميلات ههههه ربي يوفقك ويوفق الجميع وجماعه بغداد الله يكون بعونكم السفاره الي ببغداد صايرة تعبانه جدا اتكول رايحين لبيت ابوهم مو زين جايين هنا نضفهم اشويه ههههه

[Iron_man]

اخي untitled Man

شكرا لك على المرور والدعم ..... الله يسهل امرك ايضا

iron_man

[Iron_man]

شلونك اخويه SIVandIOM

طبعا اشكرك على توضيح الامور لبعض الاعضاء الجدد وتحديث التواريخ ... عموما

اذا امكن شنية القائمة بالاشياء اللي تنتظرنا ما بعد الفيزا ؟ وما هي الاشياء اللي من الممكن تحضيرها تحسبا ؟؟

وممنون


Iron_man

[sivwaiting]

اختي ام ياسر

اتمى الكم الموفقيه بالمقابلة بس عندي سؤال بيا تاريخ سلمتي  اوراق NVC اني سلمت الاوراق يوم 12 مايو يعني ورا شكديحددولي المقابه
 بالمناسبه شنوا اخبار الفيزا لعراقيين اني عندي شقه ملك بدبي والفيزا بعدها معلقة

شكرا
SIVWAITING

[Banah09]

السلام عليكم
الاخ sivwaiting

سلمت كل اوراقي واستلمت ايميل من NVC يوم 23/4/2009 انه اوراقي اكتملت وحاليا هي تحت المراجعه الاداريةوابلغوني لا نعرف كم ستطول تحت المراجعة الادارية.
اخي الفيز للعراقين كالسابق لا تغيير، ولكن كل العراقيين ديطلعون من الامارات لان ماكو بعد شغل وكل كفيل اتخله عن من كان يكفلة ولهذا اغلب العراقيين راحوا للبحرين لان ما بيهه بعد كفيل يعني تكدر اتروح للبحرين وتلكه شغل وتطلع واتطب ابكيفك مو مثل اهنا الكفيل كابس على الانفاس وبالنسبة للشقق قلت الايجارات الى النصف لان ماظل احد اهنا كله هجت.

[SIVandIOM]

حبيبي الرجل الحديدي...اني ما جنت اقصد شغلات الاوراق والغراض اللي تحضرهه (على اهميتهه طبعا) بس جنت اقصد الامور اللي ممكن ان تسويهه علمود تحضر نفسك للخطوة المصيرية...اهم هاي الامور في رأيي اللغه...تقوية اللغه وتحديدا اللهجه وبالنسبة للاخوان المترجمين توسيع كمية المفردات والمصطلحات اللي عدهم ... حسب ما شفته من الجيش انه ترة مو هوه هذا القاعدة...مو همه هذوله اللي تقيس عليهم ... غالبا الجنود يعتمدون على لغه ومفردات داخلية خاصه بيهم واني متأكد انه اذا كعدوا وية اي مواطن عادي ما راح يكدرون ان يتفاهمون بصورة جيدة...ما عدا المستوى الثقافي المتدني لأغلبية الجنود ...وهذا رأيي وانطباعي الشخصي اللي شفته...مسالة اخرى مهمة...استطلاع المكان اللي انته ناوي ان تروحله عن طريق الانترنت...ابتداء من الامور البسيطة مثل الشوارع والخرائط انتهاء بطبيعه السكان ووين المناطق اللي بيهه جريمة هواية ووين الباركات والاسواق اللي اسعارهه رخيصه ... مرورا بكلف المعيشه والخدمات وشلون تجر تلفزيون وانترنت ومن يا شركة وشلون عقد الايجار وغيرهه كثير...يعني بأختصار تخيل نفسك هناك وحاول ان تسوي كل شي عن طريق الانترنت..لأنه حتى انته وهناك فهم ممكن ان تسوي كلشي بالانترنت...هاي ما عدا البحث عن عمل...اللي هوه بحد ذاته شغله ممكن ان تاخذ كل وقت فراغك (بأمكانك ان تكعد تدور وتقدم على شغل انته وهنا وتكضي 24 ساعه باليوم وما تلحك)...وصدكوني هاي شغله في غاية الاهمية ولحد يكلي مو هالشكل تحصل شغل لأنه كل اللي هناك ديسوون هالشكل...السيفي مالتك مسويهه؟ لازم يكون عندك سيفي وفقا للمواصفات الامريكية اللي هيه صدكوني شغله ابدا مو سهله واني اللي اختصاص بهاي السوالف صارلي اشهر دا اشتغل عليهه وبعد ينرادلهه شغل وهيه كلهه لو صفحه لو صفحتين!!!!!!!!!! تخيلوا!! بس كل كلمة بيهه راح تحدد مصيرك ..لأنه الاحصاءات تكول انه ارباب العمل في امريكا يقضون فترة معدلهه 10 ثواني لكل سيفي...اقرا لمدة 10 ثواني وشوف كم كلمة راح تكدر تقره...هاي الكلمات هيه اللي راح يقيس عليهه صاحب العمل هل انته مثير للاهتمام لو السيفي مالتك لازم ينشمر بالزبالة...اقروا الجرايد المحلية...بيهه كميات من المعلومات المهمه والمفيدة...ادخلوا على الويبسايتات الرسمية مال المدن اللي مختاريهه..راح تلكون انه اكو برامج مساعدات خاصة بمجالس المدن وما الهه علاقه بالمساعدات الفدرالية اللي راح تحصل عليهه  وبامكانك التقديم عليهه بس لازم تعرف شلون وشنو المتطلبات...ما عدا البرامج الخاصه بالمقاطعات....افهم التقسيم الاداري اللي هوه المستوى الفدرالي اللي جواه يجي مستوى الولاية وبعدين المقاطعه وبعدين المدينه وبعدين البلدة (او القرية) وبعدين الحي...اغلب هاي المستويات الهه حكومات وكل حكومة الهه ويبسايت وكل ويبسايت بيه معلومات...ادخل على الويبسايت مال المنظمة وشوف شنو البرامج اللي توفرهه اللي هم ما الهه علاقه بالبرامج مال مساعدات اللي انته تستحقهه...لا تتوقع انه راح تلكى واحد يدليك ويفهمك على كل هاي الشغلات...انته اللي لازم تسوي هذا الشي...اذا كان اكو برامج لأعادة تأهيل النساء ربات البيوت وتثقيفهم بأساليب الرعاية الصحية والتغذية الصحيحة للاطفال وكيفية استعمال المؤسسات الصحية والاجتماعية بالمدن وببلاش وبنفس المنظمة فالموظف مال هاي المنظمة نفسه ما راح يكلك عليهه...انته دور وشوف..هذا مجرد مثال...

اسف اذا خيبت املكم..بس اني في رأيي انه هذا اهم من تحضير القوائم والشغلات اللي راح تاخذهه وياك لأنه هاي اي واحد يعرفهه ومو فد مشكلة...بس هاي الامور وغيرهه كثير هيه المهمه...وعلى رأس القائمة اللغه والعمل...وتحياتي

[أضن ترتاح من احزن]

الى الاخ أضن ترتاح من احزن
ما اعرف انت شنو المشكلة عندك، بس تره خارج العراق يمكن استحصال الجواز S على بيان الولاده ولا حاجة لهوية الاحوال المدنية وانشاء الله من تطلع خارج العراق تعرف انه سؤالك بيه خطأ.

اختك ام ياسر

أخت أم ياسر أني مقيم خارج العراق, بس ياريت أتجاوبيني على الشق الثاني من سؤالي بخصوص صوره القيد المترجمه و كيفيه طلبها و تصديقها من السفاره مثل ما أنت سويتيها.

أخوج

[jayjay]

شلون الشباب شكرا اخي شبح بغداد على الاجابة بس حبيت انطي خبر لأخواني بألمنتدى انه اني البارحة دزيت الايميل الى ال ان في سي بألخطوة الثالثة او اريد اعرف شكد تقريبا وراح يتصلون بيه بخصوص المقابلة او هل الفورم مال الريستلمنت الكشن فورم ادزة بعد استلام الفيزا صحيح لو لازم هسة انطي خبر لل ان في سي
شكرا اخواني على الاجابة او حظا سعيدا او الموفقية لكل المتقدمين.
اخوكم جاي جاي.

[Iron_man]

شكرا لك اخي SIVandIOM

شكرا على التوضيح والتزويد بالمعلومات ... كفيت ووفيت .... بالتأكيد كل الامور اللي ذكرتها مطلوب الاخذ بها ...

اخوك
Iron_man

[Alawi]

اخوان مساء الخير..
اخوية  فنسنزو لا تزعل علية انشاء الله ماكو اي غموض.. توني اتصلت بالاخ شبح بغداد والله كنه ابذكرك ويارب ننجمع بالماسنجر ... واني راح اكون ممنون ابمساعدتك ويارب كونه نطلع سوية والخاطرك راح اسرد القصه مالت التقديم من البداية...

قدمت اس اي في شهر السادس 2008
حصلت المشن ابروفل (الكوم) ابشهر التاسع 2008
وديت اغراضي الى الان في سي شهر 2 لان صارت وياية شغله الاي او ام واهتميت بيهه اكث من الاس اي في لان كان عبالي ماكو بنفت بيهه وفعفتهه وقتيا
اجت اموري من الان في سي بداية شهر الثالث
كملت اوراقي ابنص شهر الثالث وية الان في سي
الى ان اجالي موعد للمقابله ابيوم الاربعاء الماضي
قابلت وثاني يوم حصلت الفيزة مباشرة
والحمد لله وهسة اني دا انتظر موعد سفر لان كملت اوراقي وية اليو اس راب وحصلت اي زد نمبر وخلاص دا انتظر الايميل مالت خلود مثل ما فهمني الاخ شبح بغداد

اخوان بالنسبة للتاجيل فاخذو بنظر الاعتبار الامور التالية:
1- القنصل ياخذ بنظر الاعتبار انو هل سيفيد المهاجر اللي ديقابله هسة لو لا في حاله منحه تاشيرة الهجرة الى اميركا
2- القنصل مدرب تدريب على فهم المقابل وياخذ ملامحه العامة والخاصه
3- القنصل اذا شك بامر معين خلاص ياجل- يعني بطريقه ثانية انو اذا شافك ممضبوط بالكلام او كلامك شكل واللي كباله من معلومات بالنظام شكل اخر ياجل
4- الجماعه اللي امقدمين اي او ام واس اي في سوة ديرو بالكم بالمقابله خلو كلشي متشابه لان القنصل مالت الاس اي في كلشي كباله بالنظام من تقارير امنية وتقارير اخرى خاصه بيهم
5- يحبذ ان تاخذون صور اتدل على شغلكم بحيث تبهرون القنصل بيكم- القنصل يحب ان يشوف ناس ناجحين كباله لان يتشرف ان يدخلهم الى اميركا
6- حاولو ان تتكلمون انكليزي طليق يا جماعه لان القنصل كتلكم وخصوصا بغداد يهتمون بالناس اللي راح تدخل الى اميركا
7- اغلب الموظفين بالسفارة الامريكية - شنو اغلب كلهم-متدربين حته على فهم الانسان ومن الاشياء اللي راح اكولهه الخطيرة يا اخوان هي الاتي اريدكم ان تتبون عليهه:
    أ- من تحجي وية القنصل حاول ان لا اتباوع الى اليسار او اليمين- (دلاله على التلفيق والكذب)خلي عينك ابعينه او باوع ليفوك لان دلاله التذكر هية من الانسان ينظر الى الاعلى(من الامور اللي متدربيين عليهه)
ب- بين الى القنصل بان امورك موزينه امنيا وانت في خطر وانو بالكوة اجيت للسفارة
ج- حاول ان تبرز مواهبك يعني كون فخور ابشهاتدك وخصوصا الاخوان حملة الشهادات الجامعية العليا او الدراسات العليا
د- جاوب على كد سوال القنصل ولا تذكر او تسرد اي شي زايد

واخيرا كلشي بيده للقنصل ومن يشوف الامور هاي كولهه متوفرة فاله الشرف ان يمنحك التاشيرة

وطبعا لكل قنصل اله نظرتة الخاصه - والامور اعلاه تؤخذ بنظر الاعتبار فاهتمو يا جماعه

الف شكر مرة اخرى ومبروك للي حصل فيزته ويارب تي موافقات الاخوان البقية .. ولا اتخافون مازال انتو وصلتنو هالمرحله اتسافرون اتسافرون لكن القنصل من حقه ان ياخر ولحد يزعل لان اعرف احنه ملينه من الصبر والانتظار بس ميخالف اتحملو هالمرة - وما بيده القنصل شي اخيرا فيمنح يمنح حته لو اتطول الشغله 6 اشهر بس تجي الموافقه يحددولك موعد مقابله وتجي تستلم فيزة وخلص...

اتمنه ان فدتكم..

على فكرة امكو معلومة وهية شغله حظ بحظ... همة 4 قناصل يرحون 2 اجازة ويجويبقون 2 وكل واحد وحظة.. كل قنصل يبقه 3 اشهر عمل ويروح شهر ونص اجازة .. كل قنصل اله حوالي 56 ساعه مقابله بالسبوع فقط امقسميهه بمعدل مقابله لكل قنصل بين يوم ويوم...

يارب هاي المعلومات اتفيدكم وارجو ان اتسامحوني على عدم الرد لان ملتهي واني حاظر لاي سوال اخر ..

وتمنياتي الكم بالخير

ملاحظة: لا تتقيدون لا بالصور ولا بالترجمة ولا بالمعاملات - الكل لينين ومرنين بالنسبة لكل الوثائق , يعني لا تتمون اذا سانتيم اكبر وله ملم اصغر - اهم شي الجواز والجنسية وشهاده الجنسية الاصليات وياك وهاي هية _ يا ناس ومع هذا ترى القناصل الموجودين جدا متفهمين.

الولد اللوكل (مثل ميسمونه) همة مو عراقيين - للاسف اردنيين وبيهم واحد هندي حباب .. بالنسبة للموظفين الاردنيين (وهمة اخوانه طبعا) للاسف يتمنون ان يحصلون الاس اي في لهذا اشوي معاملتهم ويه الناس من اول ما يستلمون الاوراق بالبداية اشوي خشنة لان اتفموهم وخلو انتو نفسكم ابمكانهم ...  سامحو الاخوان العرب اللي معاملتهم خشنة اللي بالسفارة اقصد (نصيحه لا اتباوعولهم اصلا - واتعاملو وياهم بصيغه رسمية - لان للاسف بامكانهم اذا يعني خلو واحد ابالهم ان ياخرون الفايل وايخلونه اخر شي لان للاسف اكو بيهم من يتفلسف واني اقصد شخص المقابلين يعروفنه من هوة واللي هوة اكبر واحد بيهم ) فاخوتي اطلب منكم السماح ... وللمقال معنى ومغزى فارجو ان تفهمو المعنى - لان هذا منتدى الخير وميصير نتكلم بالسؤ عن اي واحد حته وان كان منه وبينه ومن عدنه - مو لو مو مو؟ ...

شكرا لاروع منتدى - شكرا للساهرين على ابقائه شمعه - شكرا الكم انتو المشاركين - ويارب الحب الابدي

تقبلو فائق احترامي وتحياتي
اخوكم علاوي

[Iron_man]

شكر اخي Alawi

ان شاء الله يستفاد الاخوة وخصوصا الممقابلين لحد الان من المعلومات اللي ذكرتها ... هي فعلا نصائح جيدة بخصوص المقابلة ....

ان شاء الله التوفيق للجميع ... ويا جماعة ترى عطلة السفارة يومي الجمعة والسبت (يعني ايس عبيس ميجي اي ايميل بهذه اليومين ) .... هههه
والفيزا تسلم فقط يوم الخميس من كل اسبوع ...


والصبر مفتاح الفرج ....

Iron_man

[komar]

اخوية علاوي
عاشت ايدك على الشرح المفيد جدا , وانشاء الله كلنة نستفاد من هاي المعلومات ويارب التوفيق للجميع والله يسهل امورك واتسافر وانشاء الله الجميع تستلم فيز عن قريب .....

اخوكم كومار

[mongoose]

 مبروك اخوي علاوي
والموفقية مقدما
 القنصل  ميكدر يحدد هذا زين وهذا مو زين بربع ساعة
 اول شي احنا مقدمين على فيزا خاصة او بمعنى اخر  فيزا حياة او موت
انت تمر بعدة مراحل مملة
اول شي رئيس البعثة او الجنرال العسكري  راح يجيكون حنى عشيرتك كلها  واسامي المعتقلين والمطلوبين
والمقابلات الامنية الي انت مسويها وتقييم  الشركة والسوبر فايسر  مالتك

وراها نبراسكا ايضا تجييك امني من CIA وFBI  والانتربول لاومكافحة الارهاب ومكافحة التهريب والمخدرات وراها NVC الي اطول الى  ماشاء الله  وكلها  متعلقة  بالامنية والمخابرات والامن الوطني
وعندهم خبراء بالوثائق والمستندات العراقية والتزوير  وكلشي وكلاشي
وما يحددون مقابلة ويا السفارة  الا توافق الجهات الامنية في واشنطن
ثم السفارة  مجرد روتين عادي
فاني اكول انوا القنصل  من ورا الجامة  
  راح يحكم عليك بربع ساعة  راح يحدد انت مستحق الفيزا او لا
هذا شي غير معقول  لانه الاسئلة لاتتجاوز العشرة  او ال15 سؤال
 اسئلة عادية  ما راح يكدر يسوي تقييم احترافي الك

[vincenzo]

SIVandIOM اشكرك جدا عالشرح التفصيلي واني هي هاي الاشياء اللي انته ذكرتهه هي اللي مشيبتني ولو نبقه كلنه خاليهه ببالنه تره محد يسافر من القلق هههههههههههه واني جدا اتفق وياك

Alawi اخوية انته عالبرنامج القديم لو عالجديد
اصلا بشهر السادس العام ما كان اكو موافقة الكوم وانما كبل لنبراسكا بلكي تتاكدلنا
واشكرك على الشرح الطوييييييييييييييل بس بلكي تواريخك بالضبط مثل ما مسوين الاخوان حتى نستفاد
وبشرني شنو اخر تطورات شغلتك وية ال IOM لو وية خلود الحموي؟؟؟

ولو اني اتفق وية mongoose انه القنصل كل هدف مقابلته هو انه يشوف اللي ديقابلة هو نفسه اللي صارلي مدري شكد ثابرهم ثبيرة بالمراسلات لو يجوز واحد منتحل شخصية او يجوز واحد من اخواننا العرب ومسوي نفسه عراقي بس هم ممكن يكشفوه حسب اختبار ابو انس الشهير:
لمعرفة انك عراقي اصلي يجب ان تترجم العبارة:
فد هتلي جهره سز مشنبخ على تيغة البيتونة ديباوع على الفخاتي المكنبصات براس الدربونة اجتّه كفخه على علباته خلته يتصركع وكام يدردم " سليمة تكرفني على هل الدكه الكشرة" وكمز مثل العتوي خش جوّه علمود لا يجي راشدي او عجل على علباتة او جلاق يفتك بنطرونه الجارلس .
http://www.ankawa.com/forum/index.php/topic,278968.msg3701960.html#msg3701960
 
اهم شي اختنا ام سارة مدتجاوب على سؤالي ليش ما ادري!!!

[Ahmediraqi83]

بالبدء أود أن أشكر جميع الأخوة العاملين على هذا المنتدى المفيد والرائع كما وأشكر جميع المشاركين فيها لتزويدنا بالمعلومات القيمة والمناقشات المفيدة جدا....
بالنسبة الي فأنا قدمت على برنامج اس آي في 5000 منذ آب 2008 في بغداد. وقد أكملت كل الخطوات وتم تحديد موعد لمقابلتي في بغداد ولكن لدي بعض الظروف الخاصة قد تمنعني من السفر لبضعة أشهر وقد تكون لمدة سنة كاملة.
لذا أرجو ممن لديه خبرة ومعلومات في هذا المجال وخاصة الأخوة محمد2009 والرجل الحديدي وفنسوزي وشبح بغداد وبقية الأخوة المشاركين في هذا الركن بأن ينصحوني حول كيفية الحفاظ على فرصة سفري الى أمريكا مستقبلا وعن كيفية طلب التأجيل والى أية جهة يجب مخاطبتها وماهي الصيغة التي يجب علي كتابتها؟. وهل يجب علي البدء من الخطوة الأولى ومرورا بنبراسكا والبروسسنك ومن ثم المقابلة في حالة تأجيلي لمدة سنة؟
وماذا يحصل في حالة عدم حضوري المقابلة الأولى ؟ كم اسبوعا أو كم شهرا سيتم تأجيلي؟
علما بأن جميع أوراقي جاهزة للمقابلة بأستثناء الفحص الطبي.
ملاحظة: لدي جواز بالحرف أن وسافرت بها لعدة مرات ولكن لفترات قصيرة جدا, فهل يجب احضارها في يوم المقابلة؟
تمنياتي للجميع بالموفقية والنجاح والوصول بسلام الى أمريكا وتحقيق جميع الأحلام...
وشكرا جزيلا لكل من يجيب ويقرأ هذا الموضوع...
وتقبلوا تحياتي
أحمد العراقي

[mohammed2009]

السلام عليكم

اولا تحياتي الك اخويه احمد العراقي واحب ارحب بيك ويانه بهذا المنتدى الجميل وبهاي الزاويه بالتحديد وان شاء الله الاخوان مراح ايقصرون وياك بالرد على اسئلتك

طبعا اني اريد ان ابدي رئي بموضوعك بصراحه انته ماشي خوش ماشيه وواصل للمقابله يعني مثل ماانكول شغلتك مستويه وبرئي ان تستغل الفرصه واسافر ومتضيع عليك الوقت قد اذا تطلب التاجيل تترتب على هذا الشي امور اكثر لان انته اتكول اريد ائجل سنه مو شغلت شهر او شهر ولكن اذا حسب مادكول انته عندك ظروف خاصه تمنعك من السفر فهذا موضوع يرجعلك انته تكدر انه تحجي ويه القنصل واتكله على ظروفك الخاصه ويمكن هو يتفهم ظروفك

لكن اني نصيحتي الك سافر واتوكل على الله

اتمنى انه قد قدمت الك ولو شي بسيط لكن الاخوه سوف يسعفوك بردودهم وارائهم

شكرا وتحياتي

محـــ2009ــــد

[Alawi]

الاخ فنسنزو اني على البرنامج الجديد وبالنسبة للتواريخ ما اتذكرهه صدكني لان كتلك اني كنت امركز على الاي او ام.. وبالنسبة للاي او ام ابلغتهم اني ما اريد ارتبط معهم بعد لان صارت عندي فيزة الاس اي في ولله الحمد- واعتذر ما اكدر اترجم اللي انت كايله لان ابصراحه ما مفهوم!!!

امنياتي للجميع بان الكل ياخذون الفيز وايسافرون ويارب للكل وبدون استثناء


اخوكم علاوي

[الكاوبوي العراقي]

اخوان السلام عليكم
اولا صلوا على نبي السلام محمد وعلى انبياء الله اجمعين

[jayjay]

هسة اني عندي سؤالين اشو محد جاوبني عليهن.
اني هسة دزيت الايميل الى الان في سي او ورة يومين دزولي ايميل كالولي انه المعاملة اندر ريفيو بس اريد اعرف شنو هسة اشكد انتضر او شنو وراهة. استلم موعد مقابلة لو يجيني ايميل من الان في سي لو شلون او اني اشكركم. اخواني.
السؤال الثاني:
اني ما اريد اقدم على الريستلمنت.
او ما دزيت اي ورقة او اي فورم للان في سي في هذه الخطوة . يعني الشغلة صحيحة لو لازم ادز الفورم ٢٣٤
او اكتبلهم على الخيار الثاني يعني ما اريد. او المفروض ادزها بعد استلام الفيزا.
وشكرا اخواني اتمنى الموفقية لكل الاعضاء او انشاء الله الاستمرار بأدامة الموقع بألاسئلة والردود.

[jayjay]

اخوية بغداد كوست شلونك حبي 

[mongoose]

اخوي كابوي
الايميل الي استلمته من nvc سوي فورورد الى amman siv وضيف علية بعض التعليقات
ترى الامريكان مرات يصير عندهم اشتباه ومرات ثولان

[Alawi]

حبيبي الاخ  jayjay  شكرا لردك اللطيف وهذي من اخلاقك الطيبة ...

بالنسبة لسوالك انت هسة من خلصت من الان في سي بس انتظر حسبة شهرين اذا مو اقل وتالي يودولك ايميل بيه موعد المقابله ابغداد ويارب اتمنالك الموفقية بس خليك وياهم كل اسبوعين ووديلهم ايميل ذكرهم بالابديت وهل المعامله مازالت بالمراجعة الادراية.

بالنسبة لسوالك الثاني لازم اتودي ورقه الرستل بنفتس مالت المساعدات واتخلي الاختيار "كلا" للان في سي وهاي هية ...
ويارب اتحصل الفيزة مالتك ونفرحلك بالخير .. اللي عليك سويته والباقي على الرب وهسة انت بس عليك الانتظار ويارب كون انتظارك قليل..

تقبل تحياتي
اخوك
علاوي

[ماجلان]

.

[ayoka]

اخواني الاعزاء مبروك الي صار تقدم بشغلته اني الكابه صاعده فول الله يكون بعون الجميع

[iraqgsm]

بشرى سارررررررررررررررررررررررة

اجت رسالة كبل ساعة باستلام الفيزا باجر يوم لسبع صنايع و ماكنوس و ايرون مان و ماجلان siv 2007

طبكت وايراتي حيل و انشاءالله للجميع

[iraqi83]

سلام عليكم
اشلونكم اخواني انشاء الله بخير
بصراحه عندي سوأل وياريت لو تساعدوني بيه
اني مدقم على iom بشهر 12 على اساس direct case  من عمان
لان مشتغل بشركه عملت مع القوات الامريكيه
وعلى هل الاساس قابلت محلفين قبل فترة وسويت الفحص الطبي
قبل اسبوع
واني سمعت ببرنامج siv من خلال هذا الموقع لان بعمان مسامع بيه نهائيا
فاريت لو تنصحوني شلون اقدمله ؟؟وتنصحون بهل الشي؟؟
مع العلم اني على اساس استلم الظرف (نيجه المحلفين بشهر 7) بس من سمعت سرعه الحصول على الكرين كارت ب siv كلت لازم اسال
اسف على الاطاله
وتحياتي الكم جميعا

[jayjay]

اخي علاوي اني اشكرك على الرد. بس حبي اني اريد اعرف شوكت بألضبط لازم ادز الاستمارة مال الريستل بنتفتس. هسسسسة لو بعد استلام الفيزا. لئن همة كاتبين جوة بألاستمارة انه اتدزهة بعد استحصال الفيزا في خلال عشرة ايام

مع العلم انه انت تعرف اني توني دزيت الاوراق للان في سي او منتظر الرد.
او تعتقد اذا ما اراسلهم للتأكيد يعني السالفة تتأخر لئن هم لحد الان مواعيدهم مضبوطة وياية او ماكو تأخير. 
شكرا اخي
اخوك جاي جاي.

[ارقى شاب بالمنطقة]

العزيز iraqgsm

الف الف مليووووووووون مبروك اخوية العزيز والله فرحتلك وان شاء الله السفر والاستقرار وراحة البال ويوم لاخوانه البقية ان شاء الله

[ارقى شاب بالمنطقة]

الاخ العزيز ابو طيبه

اولا عالخير والف مبروك على هذا التقدم الي صار عندك

الايميل الاول هو من رابسنت ومرفقه الاشورنس فورم

حمل الملف المرفق وشوف المقصد النهائي (final destination) والي يمثل المكان الي راح تسكن بيه بسلامة

موشرط تجاوب عالايميل الاول

وبالنسبة للايميل الثاني زين سويت جاوبت عليه بس تاكد زين دزيتلها نسخة من الجوازات والفيز لولا

هسه كل ما عليك هو الانتظار لحين ما تتصل بيك من جديد وتكلك بموعد سفرك بس يرادلك صبر شوية

تمنياتي بالتوفيق اغاتي

[ارقى شاب بالمنطقة]

الاخ     iraqi83

طبعا برنامج الاس اي في احسن وانت مادام عندك شروط التقديم قدم مخسران شي ماكو لا رسوم ولا كلشي وهذا الموضوع بي تفصيل كامل عن البرنامج

http://www.ankawa.com/forum/index.php/topic,270934.0.html

اقراه واذا عندك اي شي مواضح تعال اسال هنا وان شاء الله منقصر وياك

بالتوفيق

[mongoose]

مبروك الى جي سي ام

[iraqgsm]

مشكور وممنون لارقى شاب بالمنطقة و اخوية مونكوس وانشاءالله اول واحد يباركلكم الاسبوع الجاي انشاء الله

[iraqgsm]

شباب عندي مشكله زغيرة و اريد مساعدتكم

الايميل و صلني الساعة اربعة ونص العصر و رديت و طلبت اسكورت للسفارة بالخمسة المهم موصلني بعد جواب منهم و ما اعتقد راح احصل جواب اليوم و الاستلام باجر فشلون اذا مدزولي ايميل باجر الصبح علما انه بالرساله اللي دزوه لامكتوب تاريخ ولا تفاصيل الاستلام و الرساله مدرجة ادناه

Greetings!

Kindly be advised that immigration visa(s) for case number:

 (BGH200952xxxx)

has been issued.


PLEASE NOTE:


-       Thursdays, at 15:00 is the only time that applicants can to pick up their visas from the consular section.

-       Applicants can authorize someone to pick up their visa(s) if they can’t pick it up themselves .

-       If applicant is unable to arrange access or escort into the International Zone, please request the Consular Section’s assistance by sending an email to: BaghdadIVAccess@state.gov , full name & contact number of the person who is picking up the visa (even if this person is the applicant) must be advised in the email.
-       Printout this email & show it to the consular team.


Thank you,

Baghdad IV.
ApeshA

[Alawi]

اخوية العزيز جاي جاي : للتاكيد ودي ورقه الرستل الى الان في سي هسة ولا تنسة وياهه الدي اس 234 حته لو انت اموديهه قبل همينه وديهه بعد مرة ميخالف همة يحبون شخص يأكد دوم وياهم... احسلك  وتالي من انشاء الله تستلم الفيزة يارب هم ماتين اتودي نسخه من الرستل اللي انت وديتهه الى اليو اس راب مع نسخة الفيزة . لا تنسه انو من الممكن القنصل يطلبهه منك اثناء المقابله حته ايخليهه وية الملف اللي راح يعطيكياة انشاء الله من تستلم الفيزة .. فوديهه هسة قبل بعدين...

اخوان للمعلومات ترى الظرف اللي يعطوكمياه اثناء استلام الفيزة هوة الملف مالتك اللي راح يعتمدون عليه لان رسمي وصادر من السفارة الامريكية ولا تنسون هاي بعد التدقيق.. هسة الشغله الحلوة انو ترى هالملف انت اللي امسوية مو غيرك وهوة عبارة عن مجموعه ما كل ما انت وديتته من فورمز وسرتفكيت وصور وباجات والى اخرة وحته الرستل بنفتس والجناسي والترجمات كولهه ... فاخوان اي طرف يسال عن اي فورم ودي الفورم وودي المتعلقات وياه يعني مثلا الدي اس 234 لازم دوم اتودي وياهه عنوان الكفيل اذا اكو كفيل واتودي الرستل بنفتس ..

شبح بغداد عيني وينك دا احاول اتصل عليك ماكو .. اتمنة ان تكون بخير..

تحياتي الكم واني حاظر لاي سوال او استفسار

علاوي

[الكاوبوي العراقي]

مبروك اخوية IRAQGSM
تستاهل الفيزا يابطل

[ماجلان]

.

[Alawi]

اخي IRAQGSM  اللي سويته صحيح .. اطبع الرساله وخليهه ابجيبك وروح للخضراء غالبا الاسكورت يعني ميهتم .. فانت اذا سبع دبرلك واحد مو مشكله .. كلش كلش اتصل بالولد ابو مستشفى الشفاء واحجي وياه هوة ايدخلك واعطيه 10 الالاف ميكول شي ... وروية نسخه من الايميل مالتك .. من اتطب للسفارة رويهم بالسيرفس كاك (اللي هوة مكان الدخله مالت السفارة ايسمونه سيرفس كاك) رويهم الايميل وهمة راح ايدخلوك .. ديربالك الاستلام من الساعه الثالثة عصرا يعني انت تعال من الساعه وحده الظهر كون انت اباب السفارة يعني تعال الساعه 12 للخضراء ودبر امورك ترى مو مشكلة ..

ويارب تستلم الفيزة مالتك عاجلا يارب ....

وتحياتي الك وامنياتي بالموفقية ...

اخوك علاوي

[Shekha]

السلام عليكم....شلونكم شباب SIV ......

ان شاء الله الكل تكون بالف خببر.....

[Iron_man]

شلونك اخويه iraqgsm

مبروك لك على استلام الفيزا وانشاء الله السفر قريبا ..... واشكرك على البشارة الحلوة ...


اخوك
Iron_man

[Iron_man]

اخويه شبوحي الوردة هاي وينك ؟؟؟ خما اكو شي ؟؟؟ داخابر عليك يطلعلي مغلق ... طمأننا ...


اخي SIVand IOm

الحمد لله نحن بخير ..... وننتظر الفرج ويه هذه الفيزا اللي بدأوا يؤخروون بها .... دعواتكم


Iron_man

[البصير]

Iraqgsm

مبرووووووك و يوم السفر القريب

[iraqgsm]

يابة رحم والديكم  وبارك الله بيكم ولو ما نشارك ونتساعد هنا الله ميوفقنة

[البصير]

حبي سيف الشهداني

حبيت أسألك عن الوايت كارد I-94

جماعة SIV مشمولين بهذا الأجراء ...!!

و هل استلامه بنفس المطار (أول مطار أمركي تدخلهه ) لو يرسل الك عالبريد ؟

أقامه ميمونه و حياة سعيده

أخوك البصير الي أنت ناسي ...

[iraqgsm]

شباب سؤال اكو اي اوراق مطلوبة لاستلام الفيزا وثانيا مو مطلوب هويتين بيهن صورة لدخول الخضراء اني عندي هوية الاحوال المدنية بس الثانية منين اجيبها شهادة الجنسية تمشي خصوصا اذا كدرت احصل ابو احمد الي بالشفاء لانه لازم يعوف هوية بالباب للخضراء

ارجوالرد بسرعة

[jayjay]

اخوية العزيز علاوي والاخوة الاعضاء.
شكرا اخي علاوي على الرد.
اني هسة استلمت ايميل من الان في سي وبيه اتاجمنت مال الرستلمنت الكشن فورم. كالولي امليها او دزها. بس همزين بسرعة كالولي يعني ما اتأخرو عليه او هذا نص من الايميل.

Please indicate on the attached form that you are declining to receive
refugee benefits and return the form, via email, to NVCSIV@state.gov.

Your case has been documentarily completed and is currently under review
for administrative processing. Unfortunately, we do not have a timeframe
for this procedure. As soon as an interview appointment is scheduled
for you, you will be notified, via email.


يعني اخوتي انتبهو الى شغلة انه هم كاتبين بنهاية الفورم انه المفروض اتدزون هاي الاستمارة بعد استلام الفيزا لمدة عشرة ايام  بس هم طلبوها هسة بهالمرحلة.
انشاء الله اتفيدكم هاي المعلومة.
شكرا اخواني واخي علاوي خصوصا.
اخي علاوي اتمنى ان تبقى ويانا على اتصال انشاء الله حتى في حال وصولك الى الولايات المتحدة.
لئن اخوتك بألموقع محتاجين معلومات هواية.

[Iron_man]

اخي iraqgsm

كما تعرف بأنني لم استلم الفيزا بعد .... ولكن من خلال اطلاعي العميق على الموضوع ولما كتبوه الاخوه ... انه فقط تأخذ هوية الاحوال وياك واخذ شهادة الجنسية للاحتياط ....
اذا الاسكورت مالتك ابو احمد فهو يرتبلك اياها لانه بالاستعلامات يعرفوه .... ثم على فكرة انت لازم تطبع الايميل مال السفارة اللي يكول بأنه لازم تحضر الباجر لاستلام الفيزا (اخذه وياك) ... ولا تشييل هم سهلة ان شاء الله...

مبروك مرة ثانية ..... ادعي لنا


اخوك
Iron_man

[BAHARIA]

شلونكم شباب
اني و منذ فترة من المتابعين لمنتدى الهجرة والاجئين وخاصة للمواضيع التي تحمل SIV في عنوانها او مضمونها...
لان اني من المقدمين بطلب لفيزة الهجرة الخاصة لامريكا
وارجو ان تقبلوني صديقا لكم هنا في منتداكم اللطيف الذ افادني كثيرا بابداعات اعضائه و اخص بالذكر
 انجي و BaghdadGhost  و retayah و SIVandIOM و Falcon1982 و Shekha و NOOR 2 و iraqgsm و سبع صنايع  و untitled.man و Anthony Carmelo
و سيف المشهداني و Handyman S و ماجلان و ayoka و ابو طيبه  و ارقى شاب بالمنطقة
والكثير الكثير من الاعضاء اعتذر اذا لم اتذكر بقية الاسما ولطالما اسهبت بقراءة مواضيعكم ومعلومات الكيسيز مالتكم

اسف على الطالة , بالنسبة الي فكيسي كالاتي :
1- تاريخ ارسال الاوراق الى السفارة الامريكية ببغداد2009-01-04
2- تاريخ استلام الكوم ابروفل 2009-23-05
3- تاريخ ارسال الاوراق لنبراسكا 2009-24-05
4- تاريخ وصول الاوراق لنبراسكا 2009-08-06
ولحد الان ما دزو ايميل الي
اتمنى التوفيق للجميع من من ينتظرون معاملاتهم او المقابلات
واهني كل من اكمل كل شيء وباقي على السفر بالسلامة ومن وصل اصلا

شكرا للجميع على المجهود الرائع

[BaghdadGhost]

اخواني الاعزاء ......

بالبدايه احب اعتذرنكم للانقطاع لثلاثة ايام و لضروف خارج ارادتي ,,,, بعيد عنكم الحاسبة وجعانه و باجر اني من الصبح بشارع الصناعه ......

اول شي احب اذكرلكم الي صار بيني و بين الاخ Alawi ,,,,, اتصل بيه للاستفسار على شغلة تخصة ,,,,, و بعد الحديث ,, طلبت منه طلب باعتباره يعمل في السفارة و اني من القليلين اليي يعرفون هذا الشي ,,, طلبت منه ان يستفسر النا عن السبب وراء هذه التاجيلات الغير مبررة ,,,,, الولد  مقصر و شرحلي كل الامور الي سولفهه بالمشاركة مالته ...... و كال بالحرف الواحد بان هذه الاشياء لازم اذكرها بالموضوع لان اني استفاديت من المنتدى و جاء وقت رد الدين ...... حته تناقشنا بالكريقة الي راح نوصل بيهه المعلومات لان اذا هو سوه هذا الشي قد يسببله احراج او مشكلة معينه ...... احب احييك علاوي على روح الاخوة و حب التعاون الي عندك و اشكرك جزيل الشكر على المعلومات .......

بالنسبه للاخوة الي كان لديهم اعتراض بما طرحه علاوي ,,,,,, اذا نفكر قبل كل شي منو علاوي ,,, راح نعرف شنو المفروض نكوله كرد على مشاركته ,,,,, علاوي هو شخص جديد على المنتدى و ركننا هذا بالتحديد ,,,, يعمل في مكان حساس ,,,,, مستلم الفيزا و الحمد لله ,,,,,,

بناءا على الي تقدم ,,,,, السؤال هو ,,, شنو مجبورية علاوي بطرح هاي الامور الي سولف بيهه ؟ اكيد ماكو بس تفسير واحد للموضوع هو المساعدة ,,,,, و اكيد مشكور عليها ....


اخي SIVandIOM ......


كلامك صحيح مية بالمية ,,, اني شفت الي تسولف عليه ,, لان من اشتغلت ويه الجيش اول شي ,,,,  و بعدين فرييتهه على الشركات ,,, شفت شنو الفرق بالثقافة و التعامل و حته اللغه مثل مكلت ,,,,, اشكرك يا طيب على تحديثك للتواريخ ,,, ولو اني مقصر ويه ايوكة بس والله مناسيك ...........

مشكور يا وردة على الشرح الوافي .....

حبيبي ماجلان ,,, jayyjay ,,,, ayoka,,,, الرجل الحديدي ,,,,, سوزي ,,,,,, و كل من سال عني

تسلمون يا ورود على سوالكم و الاهتمام ,,,,,, صدكوني مو بيدي بس والله اللابتوب موتني ..... المشكلة من افتح شوية و افوت عالموضوع اريد اكتب رد ..... بينما اكتب الرد لو تسوي شت داون اللابتوب لو تروح الشبكة ....... و من افوت ثاني مرة اشوف الردود زادت ... و اعيد بالجديد ,,,,, هههههههههههه ,,,,, اكيد اني لو مسافر انتوا اول العالم راح تعرفون بهذا الشي لان اخوتب و اني مراح اضم على اخوتي .......

حبيبي iraqgsm ......

الف مبروك لاستلامك الفيزا و ان شاء الله تهون ,,,, نو كتلك الاسبوع الفات بس انتظر هالاسبوع و ان شاء الله خير ,,,,,, سوي مثل مكال الاخوة و ان شاء الله الاسكورت ميكول شي ,,,,, بالتوفيق مقدما .....


اخوان اسف بس راح افوم بالرد على بقية المشاركات ... والله مناسي احد ....

[الكاوبوي العراقي]

اشكركم اصدقائي الاعزاء

[BaghdadGhost]

مع الاسف وصلت الامور لهاي الدرجه ...... ساقوم بقفل الموضوع ......

شكري للكل من احترم الموضوع و صاحب الموضوع و الاخوة الاعضاء الي يستفادون من الموضوع .....

و عتبي على كل من استخدم الموضوع ساحه حرب لاضهار عضلاته و اتخاذ قرارات بعيدة كل البعد عن واقع الموضوع ,,,, ولم يفكر ببقية الاعضاء الذين قد يستفادوا من الموضوع مستقبلا ,,,,, و قام بوضع ردود جديده على الساحة و خلافا لما عهدناهم ...... ولم يفكر ولو للحظة بان هذه الردود قد تظطر الاخوة الاداريين لمسح الموضوع برمته ,,,,,,, ليش  ديديرون بال ,,, شو الفيزا و بالجيب .....


اني صحيح مستلم الفيزا ,,,,,, ولكن همي و بالي ويه اخوتي البقية الي ممقابلين و الي راح يقابلون و الي قابلوا و ينتظرون الفرج ........

لذلك راح اقفل الموضوع و ساقوم بمخاطبة احد الاخوة الاداريين لحين مسح الردود الخارجه عن الموضوع ......

[tiger-ALtlkefy]

شكرا للاخ شبح بغداد على الموضوع  والذي وصل الى صفحة الثامنه واستفاد منه الكثير
واشكره مرة ثانية على اهتمامه وقيامه بقفل الموضوع كي لا يبتعد عن هدفه ويكون لنقاشات شخصية مثل ما موجود بالردود الاخيرة
ساقوم بمسح جميع الردود المتجوزه او تدور على امور شخصية بعيدة عن هدف الموضوع مع احترامي لجميع الاعضاء
وكذلك ارجو الانتباه اي تجوز من اي عضو او فتح الباب لنقاش من جديد خارج اطار الموضوع ساقوم انا او احد الاخوة الاداريين بمسح الرد وانذار العضو
لذلك اتمنى ان يبقى الموضوع بمساره الجميل الذي يخدم الكل

اخي شبح بغداد ساقوم بمسح الردود  وباستطاعتك فتح الموضوع مرة ثانية لخدمة الاعضاء

تحياتي
تايكر

[BaghdadGhost]

الشكر الجزيل للاخوة الاداريين للتدخل ,,,,,,, ان شاء الله ننسى الي صار لان بنظري الي قدمناه هو قطرة في بحر المساعدة الي المفروض نقدمها .....

اخي العزيز BAHARIA .....

اهلا وسهلا بيك اخ عزيز بهذا الركن ..... ان شاء الله مراح نقصر وياك باي سوال ...

مشكور على مشاركتك و المعلومات و التواريخ الي ذكرتهه يا وردة ........

مو تكطع .......

[BaghdadGhost]

اخي الكابوي العراقي .....

نصيحتي ان تاخذ كلشي وياك للمقابلة ,,,, بالسبة للابلكيشنس اخذ من كل وحدة نسخه ملونه .... و بقية الامور همين اخذهن وياك ...... حته لتخليلهم اي حجة لتاجيلك الله لا يكولها .....

موفقين مقدما .....

[BaghdadGhost]

اخي jayjay

بالنسبة للتقديم على البنفتس ........ يكون في مدة اقصاها 10 ايام بعد استلام الفيزا ,,,, يعني عندك منا لعشر ايام من تاريخ اصدار الفيزا ,,,,,, باليوم ال 11 ما الك حق بالتقديم ,,,,, و بما ان حاليا بالمقابلة يكولون للواحد روح و تعال بعد 10 ايام بالقليل لاستلام الفيزا ,,,, مراح يكون عندك مجال للتقديم و راح توكع بمطبات و اشكالات انته في غنى عنها ...... اذا الك نيه من صدك ان تقدم ,,, قدم من هسه ,,, و مثل ممذكور بالايميل ,, املي الاستماير و دزهن لل NVC و همه بدورهم يحولوهه لجماعه اعاده التوطين للترتيب لخطوات الجايه .....

اسف عالتاخر بالرد ......

[BaghdadGhost]

اخواني الاعضاء .......

بشارة و يكون لي الشرف ان ابلغكم بيهه ....... الاخ سبع صنايع ...... شبي ؟ حصل الفيزا و البقية عليه هو يشرحلكم ......


ترليون مبروك اخي ابو اسد ....

[ارقى شاب بالمنطقة]

عاااااااااااااااااااااااا

هذا خوش خبر شبوحي

الف الف مبروك اخونه العزيز سبع وبالتوفيق يارب ويوم لبقية الاخوان ان شاء الله

شبوحي شلونك مشتاقلك

البصير وينك يمعود شو كطعت ؟؟
شصار من شغلتك؟؟

[الكاوبوي العراقي]

الاخ شبح بغداد
ما افتهمت شنو تقصد الابلكشنس وشنو نسخ ملونة ممكن توضح اكثر

الاخ سبع صنايع مبروك وتستاهل

[BaghdadGhost]

اخي الكابوي ....

على سبيل المثال وليس الحصر ..

DS-230

ds-234 (اذا مقدم على بنفتس)

resettlement election form

ds-157

I-360 للاحتياط

الجنسية , شهاده الجنسية , بيان او صورة قيد الولادة ,,,,, مع ترجمتهم و اقرار من المترجم ..

عدم محكومية ,,,,, صورة قيد 57

الركمنديشنات ,,,,, الباجات ,,,, و اي شي ثاني تحس راح يفيد بيوم المقابلةلان الك الحق بتقديم كل الامور لتحصل على رضا القنصل ......

اسف اذا نسيت شي مذكرته ....... مو تنسة الجواز ,,,, ههههههههه
 

[BAHARIA]

مساء الخير
شكرا للاخ العزيز شبح على الترحيب الانيق
بالنسبة الي راح اكون دائما متواصل معاكم بكل ما هو جديد واذا عندي اي معلومة تفيد اي متقدم لبرنامج الهجر SIV فمراح اقصر

تمنياتي للجميع بالتوفيق

بالنسبة لردك الاخير على سؤال الاخ الكاوبوي

فهل انت متاكد من طلب العدم محكومية لان بالنسبة للمترجمين العاملين مع القوات الامريكية الذين اجتازوا السكريننغ وحسب ما سمعت بانهم ميحتاجون عدم محكومية لكونهم كلير اساسا تبعا للسكرين الامريكي لهم

[سبع صنايع]

اخوتي احبتي اصدقائي

اليوم اخوكم سبع صنايع استلم الفيز بعد 95 يوم من الانتظار
الفيزة مالتي 6 اشهر صادرة بتاريخ 20-5  وما اعرف ليش منطونياهة بوكتهه اكيد غلطة اخرى من اغلاطهم
طبعا الموضوع بيه الكثير من التجاذبات والايميلات بس خصم الحجي انه اني قابلت بتاريخ 8-3 واجاني تاجيل ابو الست اشهر وبعد 70 يوم دزيتلهم ايميل كتلهم انه ميصير هيجي وانتو كلتو شكم يوم جاوبوني انه فيزتك وفيزة ابنك جاهزة للاصدار من تاريخ 20-4 بس احنة ننتظر تنتهي اجرائات زوجتك الادارية حتى يطلعن سوة
ونامت الشغلة وهم ةدزيتله ايميل كتلهم يابة زين مو اكو شي اسمه النفاذية للسيكيورتي جيك جاوبوني وكالوا اي انت الاكسباير مالتك يوم 20-6  اذا متطلع فيزتك تروح مرت اللخ لامريكا ومنعرف شكد اتطول
كالوا فيزتك ست اشهر تكدلر تطلع مالتك ومال ابنك وزوجتك وراك وعندك وكت كتلهم اذا هيجي لعد ليش مطلعتوهة من 20-4 المهم يوم 18-5 كتلهم مال والغطة غطة وكلما ادز ايميل يكولون احنة اندزلك وبعدهة مجاهزة لحد مدزولي كالوا تعال الخميس والكاهن صادرات من تاريخ 20-5 طبعا كلشي محجيت لان بس اريد افلت اخوكم كالاسد طفرت من النافورة مال الرشيد و كعدت اول واحد بالكوستر وطبيت اول واحد للقنصلية بس كبلي بنية وابنهه وقدمت اول واحد اوراقي وطلعت العلاكة حسب توصيات الشبح طبعا شوية المكان متغير خالين تلفزيون وثلاجة بيهه مي وخالين ارقام واشارات على الشبابيك كول الوراية كام ينطوهم جوازاتهم واني ماكو طبوا وجبة لخ واني ماكو صاحني الاردني ابو اسد تعال كلي انت متاكد انت البرنسبل كتللي وعلي اني كلي اكعد
اني اول ما رجعت طبكت العلاكة وخليتهه بجيبي وكلت بصوت عالي يا علاكة ردي لمكانك المهم البصفي ضحكو كول ورة 10 دقايق صاحني واتعذر وانطاني الجوازات وانطاني ورقتين كلي اقراهن على حقوقك وواجباتك طلعت والو ابو احمد وللتخطيط وانكرة بعشرة وظل يندعي وهو اتذكر ابني ومتذكرني لان سوة وياة موقف بالفحص الطبي


خلاصة الكلام اني مخلصت من عدهم الا بغلطة جبيرة وهي يمكن البنيفت راح علية وعلى العموم اني ما اريد اقدم على المنظمة لان ربك مسهلهة والف الحمد الله والشكر بس كل ما في الامر يرتبولك خط الرحلة
لا اكثر ولا اقل

اني اخوكم وحاضر لاي سؤال واني احيي كل اخوتي جماعة التاجيل واكلهم اذا سبع صنايع حصل الفيزة فما بقة الا القليل للكل ودائما دزولهم ايميلات وذكروهم وهاي اني كدامكم فيزتي كاملة من 20-5 واليوم يللة استلمتهه

قبل لا انسى كنت اتمنى اليوم اشوف عراق جي اس ام ويجوز شفته بس ما عرفتة  واكلة الف مبروك
واني احب اشكر كل من ساندني بالدعاء طيلة الفترة السابقة واشكر الاخ الشبح عمود الزاوية على نقل الخبر واكول الف الحمد الله والشكر للي خلاني ارفض السفر على الللجوء واتمسك بالهجرة اللي اعتبرهه حق من حقوقنة

وفي النهاية احب اكل لاخوتي حجاية زغيرة من اخ خبرتة الحياة

اخواني الي دينتظرون واللي حصلو الفيزة ترة الفيزة مو نهاية المطاف الفيزة اول الطريق وبعد ورانة حصبة وجدري واني يالمني من اشوف عضو يتباهى بفيزتة لو هو هسة بامريكا وانت كاعد متاجل لو ابحر الظلمات
ويكلك اني بامريكا وانت بالعراق ليش هو بعد 5 سنين اكو واحد يبقى سولفلي انت اشسويت بامريكا واحجيلنا تجاربك الفاشلة والناجحة على حد سواء

الحجي هواية بس الادارة والاخ شبح اتكفلوا بالموضوع وكفوا ووفوا


اخوكم ابو اسد

[Alawi]

اخوية بحاريا (من رخصة الاخ العزيز شبح بغداد) ماكو داعي للمحكومية لان ممطلوبة للجماعة اللي اصلا عايشين بالعراق ..من جانب

من جانب ثاني ترى الجماعة هنا جدا متساهلين من ناحية الدكيومنت اللي عندكم يعني مو اله اصلي جيبه مستنسخ ملون او ابيض واسود وهوة يقبل بيه عادي ماكو مكشكله ماعدا (الجواز , الجنسية, وشهادة الجنسية) لازم اصليات...
 اخوان اتصدكون وصلت الى درجة يقبلون الدكيومنت مالت صورة قيد 1957 بدون ترجمة اذا تشرحله انو مثلا اكو مشكله مثل ما اني سويت .. كتله اني اللي ترجمت صورة القيد ولا وديتهه لا خارجية وتصديق فقط من دائرة الجنسية .. اليكدر ايصدق خيصدق ليتعاجز بس الميكدر بالفعل ليصدق بس لازم يشرحله للقنصل.

تحياتي الكم وراح هسة اكتب خبر كولش مفيد ويارب يفيد الكل..

تحياتي الكم
وشكرا للاخوة المشرفين للتصرف الحسن دليل على رقي اخلاقكم  العالية

شكرا للاخ شبح بغداد على اعادة فتح المنتدى لان من طبعك الطيب ويارب تتسهل اموكم والكل توصل بالسلامه وبامان

تقبلو احترامي لكم جميعا

اخوكم
علاوي

[Alawi]

الف مبروك للاخوان ابو اسد وسبع صنايع لاستلام الفيز ويارب نسمع اخباركم الطيبة بالوصو ل قريبا ...
ويارب كون يوم للبقية الباقين ويستلمون فيزهم انشاء الله ...

وكلامك صحيح ابو اسد الكل تاليتنه هناك حته لو صار الف تاجيل..

وامنياتي للكل بالموفقية

اخوكم
علاوي

[BaghdadGhost]

اخي بهاء

بالنسبة للعدم محكومية ..... اذا قضيت فترة سنه او اكثر في دولة من الدول ,,, يتوجب عليك استخراج عدم محكومية من هذا البلد ,,,,,, اما بالنسبة للعراق ,,,,,, بالتعليمات يكولون مو مطلوبه ,,,, ولكن احنه نكول زياده الخير خيرين ,,,,,, اذا الواحد يكدر يطلعهه خلي يطلعهه ...... هاي بالنسبة للبرنامج الجديد .....

اما بالنسبة للبرنامج القديم .... الصراحة ماعندي معلومة اكيده عالموضوع و اكيد الاخوة المقدمين عالقديم مراح يقصرون بالرد .....

اخوان ,,,,, امانه الله ورسوله ,,,,,, ترة حداد السيوف يسلم عليكم هواي و يعتذر منكم لان كلش ملتهي و يكول  ان شاء الله باقرب فرصة يفوت ويرجع مثل الاول ,,, بس خلي تصفه هناك

[jayjay]

السلام عليكم اخي شبح بغداد طبعا اشكرك على الرد او انشاء الله يوم السفر ونشوفك مرتاح حبي.
بس عندي ملاحضة اخي شبح بغداد على BAHARIA طبعا مثل ما كتلي اني سويت رحت او انشاء الله راح تكمل العدم محكومية بس اني ما دزيتهة.
 الان في سي دزولي رسالة او كالولي انه اني المفروض ادز الاستمارة مال البنتفتس DS-0230 بعني في بداية الخطوة الثالثة. بس ما كالولي على العدم محكومية يعني ما اعتقد يطلبوها.
المهم الواحد ايطلعها او يدزها احسن اله مثل ما كلت.
احتمال يطلبوها من الشخص بعدين.
شكرا اخوكم جاي جاي

[Iron_man]

مبروك لك اخي سبع صنايع على استلام الفيزا ... تستاهل كل خير

انشاء الله تكمل مسيرة الاحلام بنجاح ...


Iron_man

[SIVandIOM]

سبع صنايع

مليار مبروك وتستاهل....انته تعبت هواية وهسه وكتك ان ترتاح نفسيا وتتحضر للخطوة الجبارة الجاية....السفر القريب انشالله..

هاي ينرادلهه ذبيحه...هههههه

تحياتي

[iraqgsm]

مبروك سبع صنايع والله فرحتلك اني هم استلمتهة اليوم و الحمدلله

[الكاوبوي العراقي]

اخي سبع صنايع الف مبروك تستاهل كل خير
بس يمكن توضحلنا شنو معنى انه السيكيورتي جيك يصير اكسباير
هاي ماافتهمتهة اخوية

الف الف مبروك

[mohammed2009]

تحياتي اخويه سبع صنايع والف مبروووووووووووووك على الفيزا وان شاء الله السفر والوصول بالسلامه
وبالموفقيه والنجاح

محـــــ 2009 ــــــــمد

[ماجلان]

.

[suzie83]

يابه  يراد لكم  ذبيحة ..... وهلاهل   اخيرا   اخ  سبع  صنايع  حصلت فيزاا  .. الف  مبروك
والاخ siv2007   الف  مبروووك   
الاخ iraqgsm الف مبروووك   .. ان شاء الله  بالموفقية

[IT FOR EVER]

اصدقائي الاعزاء
ولو اني هاي ثاني مشاركة بس من اقرة المشاركات احسكم كلش قريبين مني يعني مثل اصدقائي
اني ابشركم طلعت مقابلتي بهذا الشهر ان شاء الله اروح ومن ارجع اسولفلكم  وابشركم وان شاء الله الكل تتحقق امنياتهم وتحياتي الى كل اعضاء المنتدى الطيب.....

ملخص عن معاملتي ال SIV
قدمت يوم 1-1-2009
وراح اقابل بنهاية الشهر السادس ؟
اعذروني لعدم التواصل وذلك لعدم التفرغ وانتو اتعرفون الشغل والانترنيت حسرة
اذا اكو نصائح ياريت اتكتبوهه الي مع التقدير

تحياتي

[ayoka]

سبع صنايع ورده وتستاهل كل خير مبروك يا ورده يرادلك زفه مال اولي

[BaghdadGhost]

اخي IT FOR EVER ......

اول شي الف اهلا و سهلا بيك بهذا الركن الرائع باعضائه ........

هاي شنو ,, يمعود ,,,, صدك كالوا مختصر بس مو هيج .... وين التواريخ وين الارقام التقريبيه .... هاي انته من البدايه راح نسجلك غياب ,,,,,,,,

حبي ان شاء الله مقابلة سهلة و تجي تفرحنه بموعد استلام الفيزا ..... اي سوال ببالك كول ,,, بس نصيحتي ان تقرا نماذج المقابلات الموجودة هنا بالموضوع (يمكن بالصفحة 7) و تشوف شنو نصائح الاخوة الاعضاء و ان شاء الله بالتوفيق .....

مو تكطع ,,,,,

[BaghdadGhost]

اخواني الاعضاء .....

اليوم جايبلكم معلومة جديدة ,,,,, الرجاء عدم السوال على مصدر المعلومه او عدم النقاش بها (حته ليصير الي صار),,,, اني راح اذكرهه فقط للفائدة ......

المعلومة تكول ,,,,, من الشخص تتحول اوراقة من ال NVC  الى السفارة لغرض اجراء المقابلة ,,,, اكو جك لست تجي ويه كل كيس ,,,,,, هيه هاية الي ينظر الها القنصل بالكومبيوتر مالته وقت اجراء المقابلة ,,,,,

البت في القضايا و تحديد فيما اذا الشخص راح يستلم فيزا او يؤجل ,, يعتمد على الجك لست ,,,, و بالاخص النقطة الي تخص التاجيل الا و هي التجييك الامني ...... اذا كانت هاي الفقرة مؤشرة بالجك لست التابع لمقدم الطلب لدى القنصل ,,, راح تمشي الامور اوكي و راسا تستلم فيزا ,,,, اما في حاله ان هذه الفقرة غير مؤشرة لسبب ما ,,, ذاك الوقت راح يصير نفس الي صار ويه الاخوة الي تاجل استلامهم للتاشيرة .......

بنفس الوقت ,,,, القنصل يعتمد على ردة الفعل في اجابه الشخص على اساله القنصل .... و همين القنصل محدد بقانون اصدار التاشيرة الا و هو ال INA 221 g  (الله لا يشوفلكميا) و لا يستطبع ان يصدر فيزا لاي شخص يفتقر لاحدى الشروط ,,,,,, طبعا اكو مرونه بالموضوع لبعض الفقرات ,,, ولكن اكو مسائل حساسه و غير قابلة للنقاش .... لذلك من القنصل ينطي الورقة مال معلومات افراد العائلة لمقدم الطلب ,, هذا الشي مو اعتباطا و انما لان مقدم الطلب (او الكيس) لم يمر بهذه المرحلة (الغلط اكيد مو من القنصل و انما من الدوائر الي تمر بيهه الكيس بامريكا) ..... و بالتالي راح ترجع الكيس لامريكا مرة ثانيه لغرض اكمال كافه الامور المتطلب توفرها لاصدار الفيزا .....

حبيت اشارككم بهاي المعلومة و ان شاء الله التوفيق للجميع ............

[سبع صنايع]

طبعا اخوتي اني اشكركم على مشاعركم الجياشة واشكر كلمن ارسلي يبارك على الخاص
واحب اكل لجماعة التاجيل انه مبقى شي و3 من عدنة استلموا بيوم واحد يعني الشغلة ان شاء الله هم رح اتصير ساكية

اخي الكابوي لكل شخص مقدم على الفيزة وقت محدد لاصدار الفيزة وهو شهرين من انتهاء الاجرائات الادارية يعني اذا لسبب من الاسباب منطوك الفيزة ومرت شهرين لازم تنعاد الاجرائات الادارية وانتوا بعد تعرفون شنو الاجرائات الادارية
اللي صار وياية انه اجرائات ابني واجرائاتي خلصت وبقت بس اجرائات زوجتي والوقت كام يداهمنة لان الشهرين بقالهه بس عشر ايام بس الحمد الله فضت على خير
لذلك اني اريدكم تنتبهون لهاي النقطة وتذكروهم لان عليهم لود ومرات هواية يغلطون وخصوصا جماعة التاجيل اللي تعبر الشهرين والجماعة اللي تروح اوراقهم للسفارة ويتاخر موعد مقابلتهم...........

[untitled.man]

اخي العزيز سبع صنايع....

الف الف الف مبروك على هذا الخبر الحلو... والله فرحتلك من كل قلبي...
وداعتك عبالك اني اللي استلمت الفيزا... اوففففففف واخيرا خلصت!!!
تذكر مرة كتبتلك باحد الردود انت راح تختم الـ SIV يله تطلع ههههههههه وهو هذا اللي صار...
الف مبروك مرة ثانية وانشالله انت والعائلة الكريمة تستقرون وتصير كل هذي سوالف..

اخوتي iraqgsm & siv2007
الف الف مبروك على استلام الفيزا وانشالله يوم السفر القريب والاستقرار الدائم...
والله اخباركم ترد الروح وتزيد فرحتنه... بس اريد افتهم... البارحة شلون ما تعرفتوا؟؟؟؟
بس هو اني هم صوجي... عفته الولد صاحبي يروح وحده للسفارة ويستلم الفيزا وما رحت وياه لانه جنت مشغول....
والله لو جاي الا جان فضحتكم.... عملاء... ههههههههههههههه

تحياتي والف الف الف مبروك

[ahmed.khalid_87]

اخواني الاعزاء احب ابشركم
البارحة طلعت من مرحلة المراجعة الادارية والحمدلله
وحددولي موعد المقابلة
وهاي تواريخ المعاملة

1_ تاريخ ارسال اخر مستند كان يوم 5/2/2009
2. تاريخ استلام ال COM هوة 25/2/2009
3_دزيت الاوراق لنبراسكا بتاريخ 2/3/2009
4_وبتاريخ وصول الاوراق لنبراسكا 5/3/2009
5_استلمت موافقة نبراسكا بتاريخ 16/3/2009
6_اول ايميل من الnvc بتاريخ 29/3/2009
7_ تاريخ اكتمال الاوراق /5/5
8_ انتهاء المراجعة الادارية 11/6

واسف على الانقطاع بس مرحلة المراجعة الادارية نسيت اكو شغلة اسمهة هجرة (لئن عبالي الشغلة تطول)
تحياتي

[ahmed.khalid_87]

معاملتي مو طولت اكثر من شهر  بالمراجعة الادارية
البارحة الظهر دزيت مسج للتيم ليدر (اول رسالة ادزهة للnvc بعد اكتمال الاوراق)
واجاني الرد المعاملة تحت المراجعة الادارية وبعد تقريبا ساعتين اجتني مسجين مسج بيهة موعد المقابلة ومسج بيهة معلومات الفحص الطبي
تحياتي

[Iron_man]

مبروك اخي ahmed.khalid_87  ... وان شاء الله المقابلة سهلة وسريعة ...



اخوك
Iron_man

[البصير]

مبروك لكل الأخوان الي حصلوا على فيزة SIV

و أخص بالذكر

سبع صنايع ....كل تأخيره و بيهه خيره ....و أكيد طعم الفيزا حلو بعد هذا الصبر الجميل

IRAQGSM   مبروك مره ثانيه و الله يوفقك

SIV 2007 مبروك و تستاهل الخير كله يارب و بالتوفيق

مبروك لكل الي حصلوا على موعد مقابله و الله يسهلهه عليكم أجمعين ..

عزيزي أحلى و أرقى وأروع شاب بالمنطقه...

شكرا جزيلا على سؤالك و أني ممنون منك وهذا دليل على ذوقك و أخلاقك ..

حبي أني بعثت رساله الى خلود الحماوي و سويت سيسي لل نيويورك .....

و جاوبتنني ثاني يوم ...من يحجزولي و يأخذون موعد الرحله رح يبلغوني ...و أني أنتظر جواب منهم

و لو أني حددت موعد سفري بشهر تموز ..و لحد الأن ماكو شي منهم ...

ننتظر ونشوف ...

أنت شخبارك ؟؟حددولك موعد ....!!! خلينه نسمع أخبارك

التوفيق للجميع

[ahmed.khalid_87]

اخوية العزيز الله يبارك بيك

مبروك اخي ahmed.khalid_87  ... وان شاء الله المقابلة سهلة وسريعة ...



اخوك
Iron_man

[ayoka]

احمد الورده مبروك على عبورك شطيط الغضب ويا الله يسهلها بوجك يوم المقابله

[ahmed.khalid_87]

مشكور يا وردة
طلع شطيط صغير هههههههه
ان شاء الله يوم الي الك تخلص معاملتك من الغضب
تحياتي

احمد الورده مبروك على عبورك شطيط الغضب ويا الله يسهلها بوجك يوم المقابله

[BaghdadGhost]

اخي ابو شهاب .....

الف شكر على المعلومات و الف الف مبروك على استلامك موعد مقابلة و ان شاء الله تستلم موعد سفر بجاه السميع العليم .. تستاهل كل خير و يوم لبقية الاخوان عن قريب ان شاء الله و هم يفرحونه ....

[ahmed.khalid_87]

وردة علاوي
وردة
الله يبارك بيك ويحفظك ويوفقك
ان شاء الله تسافر بأقرب وكت والاستقرار والامان
تحياتي

اخي ابو شهاب .....

الف شكر على المعلومات و الف الف مبروك على استلامك موعد مقابلة و ان شاء الله تستلم موعد سفر بجاه السميع العليم .. تستاهل كل خير و يوم لبقية الاخوان عن قريب ان شاء الله و هم يفرحونه ....

[سبع صنايع]

الاخوة الاعزاء
الف شكر اخوية الرجل البلاية اسم ابوصورة المجكنمة وبالفعل يجوز اني ختمت الاس اي في ههههههه
الرجل الحديدي ان شاء الله تسهل وما بقة شي
البصير رحم الله والديك وانت اعتقد طولت لان على الست اشهر مو براحتك اتسافر
الاخ احمد مبروك على الموعد والله يبعدك عن كل تاجيل
كلام الاخ الشبح صحيح مية بالمية واني ذكرت بردي بعد المقابلة انه كدامهم لستة وبيهه الاسماء وكدامهه كود واعتقد اذا مماشر عليك ياجلوك


بالمناسبة البارحة كان اخوية SIV2007 صاعد وياية بالكوستر مال السفارة وكان بيناتنه شبر بس اني ما ادري ولا هو  وعلكولته ان شاء الله نلتقي بامريكا


ان شاء الله تفرج على المنكوووووووووووووس وماجلان وهمر وجون85 والرجل الحديدي واي احد ناسيه
شوفوا العدد بدة يتقلص ما شاء الله وان شاء الله هلسبوع يصفر

[ahmed.khalid_87]

الاخ احمد مبروك على الموعد والله يبعدك عن كل تاجيل

الله يبارك بيك اخوية
ان شاء الله الموفقة للجميع

[jayjay]

شلونكم شباب.
بألبداية مبروك لكل الاخوان اللي حصلو على الفيزا. انشاء الله الموفقية والنجاح والحياة السعيدة.
اشكرك اخي شبح بغداد والاخوة الاخرين على هاي المعلومات المهمة وخصوصا اللي تخص مرحلة التأخير بعد المقابلة.
اخوكم جاي جاي منتضر موعد المقابلة مالته ما اعرف شكد تطول انشاء الله مو هواية.
اذا اكو معلومات تفيد اكون مشكور او اكيد الموضوع بي كلشي يعني اذا اكو مستجدات بهاي المرحلة.
شكرا اخواني.

اخواني الاعضاء .....

اليوم جايبلكم معلومة جديدة ,,,,, الرجاء عدم السوال على مصدر المعلومه او عدم النقاش بها (حته ليصير الي صار),,,, اني راح اذكرهه فقط للفائدة ......

المعلومة تكول ,,,,, من الشخص تتحول اوراقة من ال NVC  الى السفارة لغرض اجراء المقابلة ,,,, اكو جك لست تجي ويه كل كيس ,,,,,, هيه هاية الي ينظر الها القنصل بالكومبيوتر مالته وقت اجراء المقابلة ,,,,,

البت في القضايا و تحديد فيما اذا الشخص راح يستلم فيزا او يؤجل ,, يعتمد على الجك لست ,,,, و بالاخص النقطة الي تخص التاجيل الا و هي التجييك الامني ...... اذا كانت هاي الفقرة مؤشرة بالجك لست التابع لمقدم الطلب لدى القنصل ,,, راح تمشي الامور اوكي و راسا تستلم فيزا ,,,, اما في حاله ان هذه الفقرة غير مؤشرة لسبب ما ,,, ذاك الوقت راح يصير نفس الي صار ويه الاخوة الي تاجل استلامهم للتاشيرة .......

بنفس الوقت ,,,, القنصل يعتمد على ردة الفعل في اجابه الشخص على اساله القنصل .... و همين القنصل محدد بقانون اصدار التاشيرة الا و هو ال INA 221 g  (الله لا يشوفلكميا) و لا يستطبع ان يصدر فيزا لاي شخص يفتقر لاحدى الشروط ,,,,,, طبعا اكو مرونه بالموضوع لبعض الفقرات ,,, ولكن اكو مسائل حساسه و غير قابلة للنقاش .... لذلك من القنصل ينطي الورقة مال معلومات افراد العائلة لمقدم الطلب ,, هذا الشي مو اعتباطا و انما لان مقدم الطلب (او الكيس) لم يمر بهذه المرحلة (الغلط اكيد مو من القنصل و انما من الدوائر الي تمر بيهه الكيس بامريكا) ..... و بالتالي راح ترجع الكيس لامريكا مرة ثانيه لغرض اكمال كافه الامور المتطلب توفرها لاصدار الفيزا .....

حبيت اشارككم بهاي المعلومة و ان شاء الله التوفيق للجميع ............

[jayjay]

شباب ممكن تساعدوني بخصوص الاسكورت للخضراء يعني شلون احصل واحد او بيمن اتصل.

[Banah09]

السلام عليكم

Classes of Aliens Ineligible to Receive Visas

http://travel.state.gov/visa/frvi/ineligibilities/ineligibilities_1364.html

اسباب تاجيل القنصل لبعض الاصدقاء في اصدار الفيزه في هذا الرابط

شكرا

[iraqgsm]

حبيبي جاي جاي اتصل بابو احمد(صفاء) اللي يدخلك للفحص الطبي و عندك ليميل السفارة اذا تريد يدخلوك

[untitled.man]

اخي وصديقي العزيز ابو شهاب الوردة...

الف الف مبروك على تحديد موعد المقابلة والانتهاء من بحر الضلمات...
انشالله المقابلة تكون سهلة ومابيهه تعقيدات... وبحيل الله ما ينطيك القنصل اي تأجيل...

اتمنالك الموفقية اخي العزيز وانشالله نسمع اخبار طيبة منك

تحياتي

[ahmed.khalid_87]

اخي وصديقي العزيز ابو شهاب الوردة...

الف الف مبروك على تحديد موعد المقابلة والانتهاء من بحر الضلمات...
انشالله المقابلة تكون سهلة ومابيهه تعقيدات... وبحيل الله ما ينطيك القنصل اي تأجيل...

اتمنالك الموفقية اخي العزيز وانشالله نسمع اخبار طيبة منك

تحياتي

صديقي العزيز
تسلملي ياوردة
ان شاء الله تسافر باقرب وكت والموفقية ان شاء الله
تحياتي

[amjid1917]

اخوان ابشركم معاملتي بعدها طبعا ضوجتكم هواي بس صارت عندي عقدة وحبيت اخبث شوية عليكم واقول معاملتي راح تختتم الشهر الثالث وبعونه تعالى بحر الظلمات عند البعض غير تسميته الى بحيرة الظلمات واني راح اسميه محيط الظلمات او فضاء الظلمات لأن صدق لطشت بيه


المهم مبروك لكل الاخوة والاخوات وانشاء الله يوم السفر

[MONSTER]

اخواني عائله الاس اي في...مبروك للاخوان الستلمو الفيزا هاي فرحه مو بس الكم فرحه للمنتظرين والطابكين عالسره,

الله يبشركم خليتو عدنه امل,

اني اعتذر عن تأخري بكتابه التواريخ بس الشغل مدينطيني مجال كل يوميه مشنات,ههههه

عالعموم التواريخ هيه كالاتي,,

تاريخ ارسال اخر مستند كان يوم 6/4/2009
2. تاريخ استلام ال COM هوه 24/5/2009
3_دزيت الاوراق لنبراسكا عن طريق البريد العسكري OVERNIGHT FED-EXبتاريخ 27/5/2009

واحد صديق دزلياهن بس ماعرف لحد الان ممستلم اي شي من نبراسكا ومادري اذا بيهة وصل استلام اولا؟

شباب تره قلق حيل وطلعتلي مقابله محلفين بغداد وسحبت الكيس يعني انجلط مابيهة مجال هههه

والسؤال الثاني الباجر بيش ساعه اللعبه؟

[BaghdadGhost]

اخي مونستر

الك وحشه يمعود ...... شنو هالمشنات الكشرة ..... دير بالك يمعود ......

بانسبة لسوالك الاول ,,,,,, اي مرحلة نبراسكا بيهه وصلين ,,,, الاول وصل استلام الكيس ,,, و الثاني يعتبر مثل الاخطار (يعني تبليغ) بارسال الكيس الى ال NVC ,,,,,, هاي الوصلين يدزوهه لعوان صديقك الي كتبته باستممارة ال I-360  ,,,,,,طبعا هاي الوصولات مجرد شكليات لان الكيس تمشي بالاجراءات و الوصل بعده مواصل لصاحبك ......


بالنسبة للسوال الثاني ,,,, باجر ان شاء الله اللعبه الساعه خمسة العصر بتوقيت بغداد ,,,, و هذا اللنك لتفاصيل اكثر

http://www.kooora.com/default.aspx?c=3024

[MONSTER]

الله يخليك اني الاشوق حبي شبح, بس صارلي فتره طويله مقارنه ابقيه الاعضاء من دزيتهة مثل مدتشوف بالتواريخ هذا شي اعتيادي؟

[iraqgsm]

شباب شكرا على الدعاء انشاءالله منكطع ابد بغض النظر عن الضروف

شبح وردة شلونك

اصدقائي ارجو الدعاء بالموفقية لماجلان ومونكوس وايرون مان و اني اكللهم لتشيلون هم ترة تستاهل الانتظار

ولا تيئسوا من رحمة الله

[BaghdadGhost]

شبح وردة شلونك

اصدقائي ارجو الدعاء بالموفقية لماجلان ومونكوس وايرون مان و اني اكللهم لتشيلون هم ترة تستاهل الانتظار

ولا تيئسوا من رحمة الله

حبيبي انته شون الامور ....... طبعا قلبا و قالبا على الي كلته ....


اخي مونستر ......

شوف بالنسبة للمدة بين ارسال الاوراق  الى نبراسكا و استلام اول ايميل من ال NVC ... هاي المدة تنقسم الى ثلاثة اقسام ......

فترة بين ارسال الاوراق و استلامها من قبل نبراسكا ,,, و هاي تعتمد على نوع البريد الي ارسلت بي الاوراق و سرعه ايصاله للاوراق .....

فترة وصول الاوراق الى نبراسكا و ارسالها الى ال NVC ,,,, هاي تقريبا اسبوع (اخذهه مني) ...

فترة اررسال الكيس من نبراسكا و استلامه من ال NVC ,,, هاي الفترة عادتا اقل من 3 اسابيع .....

المجموع راح يكون عندك شهر بالوجه + فترة ايصال الاوراق من ايدك الى نبراسكا ......

يعني بعدك عالجرف لان يجوز اصلا هنه مواصلات ,,, او واصلات بس كتلك من يدزون الوصل الى صاحبك ,, يدزو بالبريد العادي ,,, لذلك يجوز الاوراق واصلة ,, بس الوصل مواصل لصديقك ...... و للتاكد اكثر راسل نبراسكا على البريد الالكتروني مالتهم ,,, و كللهم يابه اريد اعرف وصلت الاوراق لو لا و انطوني ال Receipt Number ,,, و الي عادتا يبدي ب LIN,,, حته وراها تجيك قضيتك على موقع ال USCIS ,,, هاي بس يم نبراسكا ......

[BAHARIA]

شلونكم شباب اسف غلى الانقطاع بسبب العمل
بالنسبة للنيس مالتي اني باقي انتظر ايميل من نبراسكا
اتمنى وادعو من الله ان يسهل امر الجميع

[Iron_man]

اخي ارقى شاب بالمنطقة ....

شلونك ؟ بعدك عالموعد ؟

انشاء الله رحلة سعيدة وسفر غير شاق وتوصل بالف سلامة ....


اخوك
Iron_man

[ماجلان]

.

[ارقى شاب بالمنطقة]

العزيز البصير...
ان شاء الله يتصلون بيك همه شغلتهم شوية يرادلهه صبر واتمنالك التوفيق اخي العزيز

الرجل الحديدي شكرا على السؤال واني يوم الثلاثاء سفري من بغداد بعون الله

تمنياتي بالتوفيق للجميع

[MONSTER]

حبي شبح طبعا تعبتك ..دزيتلهم ايميل حسب الي اقترحته وان شاء الله من يردون انقله للموضوع علمود تشوفه..

[mongoose]

HOW ARE MY FRIENDS
THEY CONTACT MY TODAY THEY TOLD ME MY VISA IS READY
NEXT THERSDAY I WILL PICK UP MY PASSPORT
BEST REGARDS FOR YOU ALL
AND I WISH SOON THEY WILL CONTACT IRONMAN AND MAJELLAN AND THE OTHERS FRIEND

[jayjay]

congratulations mongoose inshallah  have a nice safe trip, and take care your self.

[عاشـــــق*شمـــــس*]

1. تاريخ او تواريخ تقديم المستندات الى السفارة الامريكية (في اي بلد كانت ) للحصول على Chief Of Mission Approval....

15 November 2008
من بغداد

2.تاريخ استلام ال COM Approval.....

19 January 2009

3-تاريخ وصول الاوراق المطلوبة الى Nebraska Service Center  والي هي ال NSC....
يمكن ممتأكد بصراحة بس على الأكثر يوم ٢٩ من شهر الواحد، لكن القضية مالتي طلعت من نبراسكا و راحت لوزارة الخارجية يوم
19 February 2009

4- تاريخ اول ايميل استلم من ال National Visa Center والي هي ال NVC.......

6 March 2009

5.تاريخ ارسال كافة المستمسكات المطلوبة الى NVC والدخول في بحر الظلمات

13 March 2009

6.رقم تقريبي لل Case Number  الي استلم من NVC.......

****BGH200955

7.تاريخ استلام رقم ال IZ من wrapsnet.org (في حالة اختيار مزايا اعادة التوطين)......

5 June 2009

8.رقم تقريبي لل IZ.....

**IZ-3005

9.متى وصلك الايميل الي يحدد موعد المقابلة؟

10 April 2009


10.متى قابلت؟

20 May 2009

بالنسبة للحالة الزوجية: فآني اعزب، و مخادم عسكرية، و اكيد اكيد...آني مترجــــــــــــــــم.


اما تاريخ استلام الإيميل الذي يخبرني ان الفيزا الخاصة بك جاهزة و تفضل استلمهة حارة و مكسبة كان يوم ٢٩ مايو الجمعة ٢٠٠٩.....و بما انه الإستلام كل يوم خميس، فذهبت يوم الخميس يوم ٤ بشهر حزيران و استلمت الفيزا....و بصلاحية جيدة للإستخدام! لمدة ثلاثة اشهر..
أما ارسال نسخة من الفيزا لـ راسبنت فقمت به بنفس يوم استلام الفيزا...و منتظر على الشحن لحد هاي اللحظة.

الولاية : تينيسي

هل يوجد كفيل ام لا:
بصراحة ما اعرف إذا كان يعتبروه كفيل او لا، لكن آني فضلت اسكن بالقرب من احد الأصدقاء، و وصيت الصديق، انه إذا رادوا يحنبطوك انه تكون كفيل فلتقبل(او بالأحرى مكان المفروض اكولة هيج، لإن هو اصلاً محيقبل يصير كفيل، لإن بكل بساطة، هو امريكي، يعني لا من نفس الدم و لا من بقية اهله!!!!هههههههه... فأكيد محيقبل، عادي شلون ما تصير خلي تصير)

هل من نصيحة؟
نعم اكيد، اكو نصيحة......طلعت بفائدتين، الأولى اي شخص يريد يسوي الفحص الطبي، خلي  يسويه عند الشفاء، لإن اسهل، و الدفع كاش، و ليس صك، بالإضافة إلى السهولة...يمكن الي ما عدهم باجات شوية يلاقون صعوبة...او بالأحرى هو ابو الشفاء يدخلهم بس الي افتهمته بفلوس....و مثل مكال اخونة العزيزBaghdadGhost هم لازم تتأكدون انه جهاز الأشعة عدهم شغّال، حتى لا تضطرون تدخلون و تخرجون مرة اخرى من المنطقة الخضراء.

النصيحة الثانية، إذا كان عندك اهل او صديق صديق، او مقتدر مالياً، فماكو داعي تقدم على المساعدات، خصوصاً إذا كنت من جماعة الـ SIV (يمكن الكل اهنا من الـ أس آي في، بس فقط للتأكيد) و ما عندك عائلة....لإن تكت الطيارة هو براسك براسك، لكن تختلف إذا عندك عائلة، او ما عندك ابد احد اهناك بأم ريــــــــــــــكا!...خصوصاً بعد ان عرفنا كيفية المعاملة الغير لائقة من قبل المنظمات لحامل الـ SIV

ما اكول غلطت انه قدمت على الريسيتلمينت، لأن بكل بساطة، ممكن هذا خطأي يستفاد منه آخرين، مثل ما آني استفاديت من أخطاء الآخرين و آني كنت المستفاد.........

ختـــــــــــــــــــاماً سلامي و شكري لكل الناس الطيبة، العراقيين الطيبين...أخص بالذكر:
اولاً هذا الموقع الي بصراحة مليان حب و مودة، لم اجدها بأي موقع آخر...يأسرك من اول دخول له.
صاحب الموضوع الكريم، الأخ العزيز....BaghdadGhost و أقول له: يمكن تأخرت اشوية اخوية العزيز، بس حرصت على قراءة التسع صفحات الخاصة بهذا الموضوع، و حرصت اكثر ان تكون اول مشاركة هي الجواب على الأسئلة المطروحة في هذا الموضوع، فلهذا نلتمس العذر، و انه متسجلنة غياب،ههههههه...أخ عزيز و غالي.

الأخوان و الأخوات الذين لطالما شعرت بأنهم فعلاً اخوة و اخوات حقيقيين من خلال قراءة كافة ردودهم و تعليقاتهم الممتئلة بالفائدة و المحبة و السعي لمساعدة الغير، لكن بصراحة هنالك اسماء يجب ان تكتب، اسماء بالنسبة إلي شخصياً لا استطيع ان انساهم او انسى اسماءهم الحركية...فالشكر للجميع و اقول شكراً لـ
 SIVandIOM و Falcon1982 و NOOR 2 و vincenzo و iraqgsm و سبع صنايع و untitled.man و سيف المشهداني و ارقى شاب بالمنطقة و البصير و ماجلان و Angie(صحيح يمكن أنجي مموجودة بهذا القسم، لكن فعلاً استفاديت كلش اهواية من نصائحها...الف شكر أنجي)
الله يوفق الجميع و الحظ و الحياة السعيدة و الآمنة للجميع...يوم الي نلتم و نسوي جميعة المترجمين المحللين العاملين مع القوات الأمريكية!!!........الله كريم يا شباب

لطالما شعرت بالإمتنان لهذا الموقع،  و لكل الأصدقاء المتواجدين في هذا الركن من هذا الموقع...
اتمنى أنه مشاركتي كانت ذات فائدة لبعض الناس...

مع خالص التحيات...

[mohammed2009]

تحياتي للجميع بـــــــــــــــــــــــاركولي اليوم وبعد عناء 6 شهور استلمت ال COM Approval وطبعا جنت كلش سعيد بيها ولكن يافرحه ماتمت ......

المشكله انه اني مقدم على IOM وباجر موعد المحلفين وحسب ماجاء برساله ال COM انه اذا اريد الاستمرار على برنامج SIV لازم اوقف اي برنامج ثاني زين اني هسه عندي خيارين ومحتار بيهن وياريت مساعدتكم اخون لان مقابلتي باجر :-

1_ الخيار الاول انه استمر على IOM لان اذا الله سهل وره المحلفين الشغله ماطول اذا بالزايد 3 شهور واخلي شغله ال SIV بالانتظار ومن اوصل امريكا حسب ماقريت بالمنتدى انه اكدر اكمل اوراقي مع ال SIV  لان عندي ال COM

2_ الخيار الثاني انه اخلى برنامج IOM بالانتظار واستمر بال SIV ولكن كما اتعرفون انه الشغله اطول لحد مااكمل اورقي مال نبراسكا وادزها واطلع صوره قيد وعدم محكوميه لان اني بعمان وهوايه بعد كدامي مراحل وموافقه امنيه يعني يمكن اطول 6 شهور او اكثر ادري هيه افضل من ال IOM لكن مثل مايكلك عصفور باليد احسن من عشره بالشجره

معلومه اصغيره :- اني ليش طولت 6 شهور يله اخذت ال COM لان بالبدايه ارسلت صوره من كل صفحه بالجواز مالتي فاعتقد انه تم فحص امني على الجواز السؤال وين انه هل سيتم تجيك او فحص الجواز مره ثانيه لاصدار موافقه امنيه لو كيف سيتم الامر ارجوا التوضيح ؟؟؟

على العموم اخوان اني بصراحه اريد مشورتكم ورئيكم بالموضوع لان كلش محتار لان باجر لازم اكل للمحلف انه اني على يابرنامج استمر علمود اكون واضح وياه من البدايه

اخوان انتظر جوابكم وتحياتي لكل الاخوه الي ساعدوني والي استفاديت من معلوماتهم هوايه الف شــــــــكر


محــــــ 2009 ــــــمد

[عاشـــــق*شمـــــس*]

ألف ألف مبرووووووووك ابو جاسم...
عيوني كونك مو من العراق مقدم، و إضافة إلى هذا الشي، انت اصلاً وصلت لمراحل متقدمة بالآي او ام، فآني اكول، او رأيي انه تستمر على الآي او ام، و الحمد لله انت تعرف كلش زين فوائد الأس آي في، و على كولتك تكدر مناك تقدملهة، و ايضاً إذا انت متأكد انه على الأكثر ثلاثة اشهر و تطير او الفيزا تطلعلك، فها هية اخوية، توكل من رأيي و استمر على الآي او ام و الله يوفقك....هذا رأيي.

و بالمناسبة ابو جاسم، هو مو لازم توكف البرنامج الآخر، و إنما يفضل من باب اتاحة الفرصة للآخرين و آني اشوف، انه برنامج الأس آي في، بيه عدد كافي جداً و ماكو داعي تلغي معاملتك يمهم، و استمر بالأثنين، ما اعرف بصراحة إذا هذا الشي يأثر عليك بالمقابلة، بس ما اعتقد، لكن حسب القانون و التعليمات ماكو شي يجبرك ان تلغي احد البرنامجين، و انما فقط للتذكير و من منطلق اتاحة الفرصة للآخرين....اخوي استمر بالأس آي في، ما اعتقد يأثر على احد، لإن العدد ٥٠٠٠ يعني خير و بركة، ما اعرف شنو رأي الأخوان؟!

اكول ابو جاسم...يعني المحلفين هسة بعمان! زين عندك علم اشوكت يكونون في مصر، لإن عندي صديق اهناك، و هل همة نفس المحلفين و يفترون، لو غيرهم؟

الف مبروك مرة اخرى على الأبروفال و على جسلة المحلفين، و ان شاء الله الله يسهلهة عليك....

مع خالص التحيات.
عاشـــــق*شمـــــس*

[komar]

اخويه  محمد اول شي مبروك عله استلام com approval و ثانيا  اخويه استمر عله البرنامجين الكل هيج ديسوي لان صراحه ماكو شي مضمون 100% قابل المحلفين وتوكل عله الله وبعدين عود يصير خير والله يسهلك انشاء الله    .... وخلي ازيدك علم مو  الكل مستلم انو لازم يكنسل واحد من البرنامجين اني لحد الان ممستلم هيج شي واعتقد اكو بعض الاخوه هم ممستلمين هاي الفقره هاي الي اكدر انصحك بيه..

اخوك كومار

[Iron_man]

مبروووووووووووووووك اخوية mongoose ....على تحديد موعد استلام الفيزا .... والله فرحتلك

انشاء الله السفر عن قريب .....


اخوك
Iron_man

[mohammed2009]

اشكرك اخويه عاشق الشمس و كومار
ويوم الكم ان شاء الله واذا جنتوا مسافرين يارب ايسهل اموركم اهناك

اجابه على سؤالك اخ عاشق الشمس اني ماعرف بشغله المحلفين بس اكو مقابلات على حد علمي الى نهايه الشهر فهمه نفسهم ايروحون لمصر ماعندي علم بصراحه

وثانيا اني مااكدر استمر بالبرنامجين لان بالرساله مكتوب التالي :-

Special Note: If you are also currently pursuing a case with the U.S. Refugee Program (USRAP) through IOM, please contact BaghdadInfoCenter@iom.int to withdraw your application now that you have Chief of Mission (COM) Approval to apply for the SIV program.  If you have extended family members (parents, siblings, etc) included on your refugee case, they can continue with the refugee process but we ask that you withdraw your own refugee application as soon as possible so that both the refugee and SIV programs can help more people.

اخويه كومار اشلون استمر بالبرنامجين يعني مراح ايائر عليه ؟؟؟؟
فموبايدي لازم اختار احد البرنامجين بالوقت الحاضر

محـــــ2009ـــــمد

[Iron_man]

مبروك اخي mohammed2009  

وانشاء الله مزيدا من التقدم والمضي في شغلتك ...


Iron_man

[mohammed2009]

شـــــــــــــكرا اخويه الرجل الحديدي
اتمنالك كل خير ان شاء الله وتمنياتي لك بالموفقيه

محـــــ2009ـــــــمد

[iraqgsm]

مونكووووووووووووووووس مبرووووووووك وتستاهل فرحتلك هواية والله فرحتلك انشاءالله يوم لايرون مان وماجلان يا رب

[ayoka]

اخي العزيز مونكس الف مبروك الك يا ورده . والحمد لله انفضت شغلت mohameed2009 الله يسهلها على الكل

[BaghdadGhost]

اخي العزيز عاشق شمس .....

يمعود ,,,, هاي وينك من زمان ,,,,, اي ليش متشتركت من قبل ,,,,,, الف هلا بيك بهذا البيت مثل مكلت و ان شاء الله مبين من مشاركتك الاولى منور بالمعلومات و النصائح .........

مبروك على كل خطوه سويتهه و اهم شي استلام الفيزا و ان شاء الله التوفيق ,,,,,, اني و عضو من اعضاء هذا البيت العراقي ان شاء الله راح نسافر بلثلث الاول من الشهر الجاي ,,, اذا يفيدك هيج موعد ,,, راسلني عالخاص حته نفلت سويه لان خويك هم سفردحي (ممتزوج) ...

[BaghdadGhost]

حبيبي منكوس ,,,,,,,

الف الف الف مبروك و ان شاء الله السفر القريب ,,,, الحمد لله خلصت و هذا الاسبوع جان اسوبع الافراح بالنسبة لجماعتنه و اتمنه تكمل الفرحه بالاتصال ببقية الاخوة الاعضاء ,,,,,,,


اخي ابو جاسم ,,,,,,,,,

مبروك على استلام الكوم بعد هاي الفترة ,,,,,,هاي الحاله مارة من قبل على كم عضو ,,,,, و نصيحتي الك التالي ,,, تروح باجر للمقابلة مال محلفين ,,,,, تكمل المقابلة و لتسولف ابد على السالفه مال اس اي في ,,,,,, من تخلص المقابلة كله للمحلف بان اني ترة هيج سالفتي و المطلوب ايقاف الاجراءات حاليا مال تقديمك على ال اي او ام ,,,,,, ايقاف مو الغاء ,,,,, و شوف شنو الي يكلكيا لان اني افضل ان تروح مهاجر وليس لاجئ ,,,,,,,, هاي نصيحتي الك و ان شاء الله موفق ,,,,,,

[mohammed2009]

اشكرك اخويه شبح بغداد

والله خويه بعد الموضوع قيد الدراسه يعني كل احتمال اله فوائده واله مضاره وبعدني دافكر والله كريم

مشكور اخويه على رئيك

محـــــــــ2009 ـــــــمد

[سبع صنايع]

احب ابارك للمنكوووووووس مرة لخ هنا وتستاهل ويوم الرجل الحديدي وماجلان هههههههههههههه الله فرجهة باسبوع سبحان الله يمعود ذاك الرجال الاحبة لو مسمينا محرومين من زمان كان فضت وارتاحينة

اخوية ابو جاسم انتبه على نقطة مهمة انهم يترجوك ولا يعطوك امر وهنالك فرق بين please و you must or you have
واني ختمت البرنامجين وحصلت سفر على اللجوء ورفضته لخاطر الاس اي في
فانت توكل على الله وقابل وصدكني واتذكرني الاس اي في اسرع بهواية حتى لو واصل محلف ولتنسة مزايا الاس اي في

[ماجلان]

.

[komar]

الف الف مبروك للاخوه الي استلموا فيز يارب يوم الي للباقين ويرتاحون انشاء الله....

[mongoose]

شكرا للاخوة  وان شاء الله نتلاكة بلاس فيكاس
شبح بغداد وسبع صنايع وعراقي جي سي ام وايرون مان وماجلان
فرجت بعد عناء طويل واليوم سويت شعر شعر حتى اخوي الكبير كعدتة من النوم راد يكتلني الاشوية
واليوم لكل الاخوة وخاصة ماجلان والرجل الحديدي  الفرج القريب
اخوكم مانكوس بن ام مانكوس

[suzie83]

احب  اكول شي واحد  مبرووك  من كل  قلبي للاخوان الي طلعت فيزهم  والى  تحدد موعد  سفرهم
وان  شاء الله  يا ربي  تتوفقون  وتلكون كل  الخير  ..بدربكم  .. لانه عن  جد  تستاهلون  كل  خير  وكل  حلو  بهاي  الدنيا  هواية  تحملتوا وهواية  صبرتوا ... وان شاء الله  بعد ترتاحون .. طبعا ما اريد اكولكم  شنو شعوري  هسه من دا اقره  الردود  لانه عن جد فرحت هواية  ...بلكي  احنا  هم الله يفرجها  علينا البقية  الى منتظرين  بالسرة ... ادعوا  لنا   ..
تقبلوا مروري 

[ماجلان]

.

[سبع صنايع]

اخوية ماجلان مو جاوبت بموضوعك اني جوبوني ورة 5 دقايق بس ما ادري يجوز صدفة ههههههههههه

[ماجلان]

.

[BaghdadGhost]

حبي ماجلان ,,,,,,

بالنسبة للاوتوربلي راسا يجيك ,,,,, بس اذا قصدك على الجواب الي يريح الاعصاب ,,, هذا يوصل ورا تقريبا اكثر من شهر ,,, لان راح يرتبوله ويه منظمه و تتصل بصديقة و وراها يدزولة فايل بي دي اف بي معلومات ,,,  اسم صديقة و الولاية الي رايحلهه و اخر مطار يوصلة و اسم المنظمه المعتمدة و اسم الموضف الي يقابلة من يوصل و تلفون الموضف و هاي هيه طلابة ....... 

[ماجلان]

.

[mohammed2009]

تحاتي الى كل الاخوان على مرورهم

واخويه ماجلان الورد اني لا شايل عليك ولا على كل واحد بالعكس انته اخ عزيز ومحترم وشبح بغداد يدري هذا الشي ولايهونون الاخوه الاخرين متدرون اشكد استفادين من هذا المنتدى وهذا الموضوع بالذات فانت اظل اخ وااخ عزيز

اني بصراحه قررت اني باجر اروح للمقابله مال IOM وكانما ماعرف شي على رساله الموافقه الي وصلتني من SIV ومن ارجع راح اكمل اوراقي وادزها لنبراسكا لكن يبقى السؤال هل تؤثر عليه اذا اخفيت الموضوع على الطرفين ؟؟؟؟
 لان حسب اعتقادي ان ال IOM اذا عرفوا انه عندي موافقه على غير برنامج ممكن ايكلولي احنه برنامج لاجئين وشغلتنه للناس المحتاجه الذهاب بالفعل فاذا انته عندك موافقه ابغير برنامج ممكن اتروح اتكمل على هذاك البرنامج طبعا هما مراح ايكولوها بهاي الصيغه ممكن ابصيغه تاجيل علمود اني امل واتجه الى برنامج SIV هذا مجرد اعتقاد

وال  SIV اذا عرفوا انه اني لازلت مستمر على ال IOM هل راح يتاخذون اجراء ابحق قضيتي لو مثل ماكال شبح بغداد انه مجرد طلب لااكثر ولااقل


محــــ2009ـــــمد

[الكاوبوي العراقي]

مبروك اخي مونكوس  على الفيزا واخي محمد على الابروفال
اني راح اقابل يوم 1 تموز على سفارة بغداد ومحتاج كل معلومة تخص المقابلة
ان شاء الله التوفيق للكل

[ayoka]

اخواني الاعزاء فد سوال رحمه الوالديكم.
اني اجاني ايميل ال NVC الي يردون بيه الشغلات وملاعيب العيد كلها اني كل هاي الملاعيب عندي يعني شهاده عدم محكوميه دبرتها وصوره قيد وعقد الزواج والباجات كلها عندي بس شغله الجوازات بعدها مخلصانه ؟ سوالي هوا هل يجوز ارسال هذه الشغلات وبعدين من تجي الجوازات ادز الباقي لو اتاني منا لاسبوع علما احصل الجوازات وادزها كلها بيوم واحد والله حيره على كوله المطرب كريم منصور . المشكله اني ضليت مجلب بجواز الاس وكلت يله هيا كلها جواز عراقي علما طلعتلنا شغله الاس اي في والله كريم

[Banah09]

الاخ ayoka
انشاء الله افيدك بردي
انا ايضا صادفتني نفس المشكلة ولهذا انصحك ان تنتظر الحصول على الجواز وبعد ذلك قدم اوراقك كلها مره واحده، افضل لك لانهم اكيد راح ايدزون الك اكثر من ايميل يطالبونك بالجواز.
ارجو ان اكون افدتك بأجابتي.

ام ياسر

[BaghdadGhost]

اخي ماجلان ,,,,

بالنسبة لصديقك لتخاف علية لان شغلته ماشية ان شاء الله ,,,,

بالنسبة لشغلتك ,,,, مو اشكال اذا تريد تسكن في ولاية معينه و ماعندك اي صديق بيهه ,,,,, و اذا نلاحظ قضيتك ,,, نشوف هسه انته في افضل اوقات اختيار الولاية ,,,, عيني ,, ادرس الموضوع زين و اختارلك كم ولاية تقرر ان تسكن بيهن ,,, و املي ال 234 مرة ثانيه و ضيف الاختيارات بالفقرة الاخيرة مال الملاحضات ,,,,, و اذكر بيهه الحاله ,,, يعني كللهم يابه ترة اني ماعندي اي صديق في امريكا ولكن ارجو ان تسكنوني في الولايات التاليه ,,,, و تذكرهن حسب الافضليه ,,, لان من راح يجون على اختياراتك ,,, راح يبدون بالاختيار الاول ,,, اذا مرهم يحولوك عالاختيار الثاني و هكذا ,,,,

ال 234 من تمليهه مرة ثانيه دزهه بس لججماعه الرابس نت ,,,,,  و هاي الشغله مراح تاخر اي شي بالوقت الحالي لان همه اول و تالي ينتضرون نسخه من الفيزا مالتك .....

طبعا تفكيرك جدا ذكي و انصح بقيةة الاخوة الاعضاء ان يسوون نفس الشي ,,, لان ترشح ولايات تريد تسكن بيهه هواااااااااي افضل مما همه يختارولك الولاية ,,,,,

[BaghdadGhost]

اخي ايوكة .....

مثل مكالت الاخت ام ياسر ...... نصيحتي ان تنتظر ,,, لان اول و تالي راح يطلبون الجوازات منك ,,,, بالاضافة الى ان معلومات الي بالجوازات تحتاجهه في مليء الاستماير ,,,,, من تدز كل الاوراق بيوم واحد تختلف عن ما من تدزه ايميل و وره شهر ترسل الايميل الثاني ,,,,,,,, ان شاء الله شغلة الجواز متطول ,,,,,

[ayoka]

اخي العزيز شبح بغداد
اني ممنون الك  وفعلا صارت الشغله صدك . اني راح اسوي بنصيحتك ونصيحه الاخت ام ياسر واتاني الجوازات حتى ادزهن بيوم واحد صحيح هيه هيه يك حساب

[الكاوبوي العراقي]

اخواني الاعزاء

[ayoka]

ورده الكابوي العراقي انشاء الله تحقيق الاماني بس بروح ابوك مخلصت طلقاتك اشو بعدك شايل الكلوك

[ahmed.khalid_87]

شايل الكلوك

مو كلوك


  desert eagle

[ayoka]

اخويه العزيز احمد اني على وكتي جان الكلوك والسيزد والبيرتا . وبعدين عفتهن ما اعرف وين وصلو هذا الصحراء مسامع بيه . هذا الكابوي اكيد متسلح زين سلامي يا ورده

[ahmed.khalid_87]

اخويه العزيز احمد اني على وكتي جان الكلوك والسيزد والبيرتا . وبعدين عفتهن ما اعرف وين وصلو هذا الصحراء مسامع بيه . هذا الكابوي اكيد متسلح زين سلامي يا ورده

عيني هاي نوعية قديمة حسب علمي
هاي صفحتة بموقع ويكيبيدا   http://en.wikipedia.org/wiki/Desert_Eagle
واكو صناعة اسرائيلي وامريكية   شوف هاي الصورة للصناعة الاسرائيلية شكاتبين بيهة
http://www.darinmurphy.com/images/firearms/Desert_Eagle.jpg
تحياتي

[Elv1]

السلام عليكم

عندي سوال بخصوص ال siv اني دزيت اوراقي لنبراسكا ودزولي رسالة كالو بيها احنا دزينا  لل nvc وهما راح بدزولك اي ميل

سوالي شنو لازم اسوي هسة وشكد تاخذ وقت يلة تطلع علما اني حضرت كلشي حتى صور اخذت
يعني شنو لازم اسوي

لان اني معلوماتي بسيطة بل الموضوع وانتم ماشاء الله مفلسينها للشغلة اكون ممنون

وطبعا شبح بغداد ماكو هيج الله يوفقك انشاء الله و المترجميين كلهم يسولفون بيك شهرتك واصلة لكل القواعد

واني منون الكم هواي والله يقدركم على مساعت الناس

[BaghdadGhost]

حبيبي الفس .....

مبروك انتقالك من نبراسكا لل NVC ,,,,, و عاشت ايدك لان محضر كل الامور ,,,,, بالنسبة للفترة ,,,,, نبراسكا تدز الكيس مالتك على البريد الاعتيادي (خطيه ماعدهم فلوس عالمستعجل) لذلك الشغله متطول فد 15 يوم و يوصلك ايميل من ال NVC ,,,,,

[ahmed.khalid_87]

سوالي شنو لازم اسوي هسة وشكد تاخذ وقت يلة تطلع علما اني حضرت كلشي حتى صور اخذت
يعني شنو لازم اسوي
 

اخوية لازم تنتظر اسبوعين او اكثر بشوية
وبعدين الnvc يتصلون بيك ويكلولك دز ملفاتك

اذا عندك اوراق نقص مثل الجواز او عقد الجواز او صورة قيد العائلة سويهة بفترة الانتظار لاختصار الوقت
حتى لمن يتصلون بيك الnvc كبل تدز ملفاتك

تحياتي

[ahmed.khalid_87]

وطبعا شبح بغداد ماكو هيج الله يوفقك انشاء الله و المترجميين كلهم يسولفون بيك شهرتك واصلة لكل القواعد

وردة علاوي
وردة

[ماجلان]

.

[BaghdadGhost]

حبي ماجلان .....

مساله جدا اعتيادية ,,,,, دز ال 230 و ال 234 و ال Resettlement Benefits Election Form لل رابس نت ,,,,,, و كلهم شنو السالفه و ليش دازلهم ايميل 

[Iron_man]

شلونكم اخواني ....

اليوم وبفضل من الله القدير استلمت ايميل من السفارة يقول بأن الفيزا جاهزة يوم الخميس للأستلام ....

اتمنى الموفقية للجميع واخص منهم بالذكر اخي ماجلان ... وحقيقة لا اعرف شيئا عن حيدور اللي كان من المفروض ويانه بنفس الفترة ...

شباب صرنه مجموعة على يوم الخميس ... يمكن راح اتشاوف وية منكووس و الاخ Siv2007 ويمكن الاخ سبع صنايع

وان شاء الله تتسهل معاملات الجميع .....

اخوكم
Iron_man

[الكاوبوي العراقي]

الف الف الف مبروك اخوية ايرون مان
وهاي ثاني مرة اباركلك بموضوعين
هسة يكولون هذا غير لوكي
ههههههههههههههه

تستاهل

[BaghdadGhost]

الف الف ممبروك اخي الرجل الحديدي ......

تستاهل كل خير ,,, مو كتلك اعتبر الفيزا بجيبك و ترة مساله وقت لا اكثر ولا اقل ,,,, الحمد لله فضت باسبوعين و ان شاء الله الموفقية للي بقوا ,,,,,,

[mohammed2009]

الــــــــــــــــف ميرووووووووك اخويه الرجل الحديدي والله هوايه فرحتلك وتمنياتي للجميع بالتقدم اكثر فاكثر

اخوكم

محــــ2009ــــــمد

[Iron_man]

شكرا لك اخي الكابوي العراقي .... لا حشاك مو لوكي ... هاي اكول من طيبتك وذوقك الرفيع ....


انشاء الله يسهل امرك ...

شكرا لك اخي الشبح ... يا ابو المواقف الطيبة ... شكد ما اشكرك ما يكفي بحقك .... الله يوفقك ..

اخي محمد 2009 شكرا لك ايضا وانشاء الله نسمع عنك وبأخبار طيبة ورائعة .....


اخوكم
Iron_man

[الكاوبوي العراقي]

اخوان شلونكم
ترة جماعتنة اليوم بدعو بالمباراة ولا عبالك لاعبين وي اسبانيا
وتعبناهم للاسبان وباخر دقائق كامو يضيعون وقت بس يريدون المباراة تخلص
وحتى الكوول الي جابو كان نتيجة خطا دفاعي
بس محمد كاصد الحارس اليوم بدع
لعد وينكم ليش مالعبتو هيجي وي جنوب افريقيا
برافو نكولهة لاسود الرافدين

[siv2007]

أقدم شكري الجزيل وأمتناني للأخ شبح بغداد
وكذلك الشكر الجزيل الى كل الاخوة والاخوات الذين قدمو تهانيهم لي بمناسبة حصولي على الفيزا.. ادعو من الباري عز وجل ان يسهل عليكم وتستلمون الفيز حتى الاخ علي يسافر وهو مرتاح على الاقل حتى يعزل الموضوع ههههههههه

يا رب توفق اخواننا الباقين الذين ينتظرون دون ذكر اسماء

[البصير]

مبروك للرجل الحديدي لموعد أستلام الفيزا

مبروك لكل الي حددولهم موعد أستلام فيزا

ومبروك لكل من الأخوين NOOR2 و أرقى شاب بمناسبة سفرهم ....ووصولهم بالسلامه يارب

و أن شاء الله التوفيق للجميع

[عاشـــــق*شمـــــس*]

الف مبروك mongoose  على تحديد موعد استلام الفيزا

مشكور Komar و suzie83   الله يبارك بيكم و إن شاء الله يوم الي انبارك لكل الأخوة الباقين... و اكيد انتو من ضمنهم...آمين.

ماجلان ، عيوني، بس لا يطلع صديقك هو نفسة صديقي.........هههههههههه، على كل حال، نفس الحالة ويا صديقي....و سؤال كنت ناوي اسأله...بس اهنا اكو سؤال آخر...
شبح بغداد كونك اقرب واحد هسة على السفر، و اكيد مريت بهذا الشي....الجواب ورة شهر، و يرسلولك ايميل بيه بي دي اف عن كل المعلومات، و بعد الإيميل هم اكو اتصال يتصلون بيك؟ و التكت و هاي السوالف بالإيميل تجيك لو شلون؟ و هل الإيميل الي ذكرته بيه ما يسمى و ما سمعنا عنه الكثير الملف المدعو(هههههه)، اشووورنس فورم؟ و شنو فائدته هذا الأشورينس فورم، لو هو نفسه البي دي اف يسموه اشورينس فورم؟!
و بالنسبة لصديقي هو دز الفيزا مالتة للرابسنيت، لكن ممستلم ليهسة الآيزي نمبر؟ فشلون و هل اكو اي وسيلة اخرى للإتصال بهم؟تلفون؟ ايميل؟

و سؤال اخر....همة المنظمة يكولون بالإيميل مالتهم، إذا اختاريت المساعدات، فيجب ان تسافر على ترتيباتنة؟ زين مثلاً طخت بعقل صاحبي الي هو هسة ما عندة اي زي نمبر، و كال اوكي اريد اسافر على حسابي! همة اشلون يحسون؟ لو ميحسون لكن حيفقد الفرصة من الإستفادة من قرض الطائرة و احتمال يحقرووووووون وياه؟!!! هذا بصراحة هم من ضمن الأسئلة الي في بالي.

ماجلان، اعتقد انه إذا ماكو كفيل هم إلك حق تختار الولاية لكن ليس بالضرورة يقبلون على الي تريده، هذا الي افتهمته...

الكاوبوي العراقي، بالنسبة إلي على كولة اخونة شبح بغداد، سفردحية و ما عدنة شي و حدايق، فمكان اكو مجال واسع للقنصل في الإسئلة...سألني تقريباً اربعة اسألة:
خادم عسكرية؟
هل متزوج؟ طبعاً جاوبته لا، فكان يسألني:
كم طفل عندك!!!!!!!!!!!!!!!!(طبعاً هاي اللعبة من قبل عرفتهة بالمنتدى، او من النت، ما اتذكر بصراحة)
شنو تخطيطك إذا وصلت اهناك؟
مسافر قبل لو لا، و اشكد المدة؟

هاي كل الأسئلة، الي سألنياهة، يعني شغلة روتينية، بس ما اعرف هل الشغلة مزاجية، ام تدخل بيهة جيك لست على كولة اخونة شبح بغداد، يعني، هية اكيد كلهة قسمة و توفيق من رب العالمين.

ما شاء الله، يعني ارقى شاب بالمنطقة و Noor2 اليوم سافروا! الله يسهللهم يا ربي، و اكيد دعائنا إلك يا الكاوبوي العراقي و كل الأخوة الي بعدهم ممسافرين...بالموفقية و السفر و الوصول بالسلامة...

مبروك Iron_man على تحديد موعد استلام الفيزا............و الله فرحة تذكرني بنفس فرحتي من وصلني هذا الإيميل...بس انتبه على الوقت الجديد!اكيد همة دزولك الوقت الجديد، ترة تغير من يوم ١٨ من هذا الشهر، حسب علمي...

و ايضاً مبروك لـ siv2007 يا الله هاي الصفحة رقم تسعة كلهة خير،ما شاء الله كثرت بيهة التبريكات..

عيوني شبح بغداد...يعني هسة السالفة صارت تقريباً اكثر من الشهر بشوية من موعد ارسال الفيزا إلى الرابسنت، يعني مو مثل قبل ٧٠ يوم كمعدل(بيهة الخير، يعني الإجراءات صارت اسرع، و الله خوش خبر)....بس شبح بغداد، آني بعدني متصلوا بية، فشلون اكلهم اريد اسافر بهيج موعد ويا شبح بغداد! غير اول شي يتصلون بية؟

[SMWSIV]

السلام عليكم
 اخويه Ahmed Khalid

اولا اتمنى لك الموفقيه وانشاء لله السفر القريب ومبروك على تحديد موعد المقابه

موا فقة الكوم16/3/2009
,موافقه نبراسكا يوم6/4/209
ايميل من nvc 14/4//2009
;تكمله الاوراق يوم 12/5/2009
استلام ايميل من nvc يزم 19 /5/2009  يكول الاوراف بادارة الملفات
شوكت توقع يدز ولي على موعد المقابلة

الموفقية للجميع

smwsiv
 

[ahmed.khalid_87]

اولا اتمنى لك الموفقيه وانشاء لله السفر القريب ومبروك على تحديد موعد المقابه

 
شوكت توقع يدز ولي على موعد المقابلة

 
 

اخوية العزيز
الله يبارك بيك وان شاء الله الموفقة للجميع

اخوية هسة اكو تسريع بالمعاملات بمرحلة المراجعة االادارية
يعني المعاملات متزيد عن الشهر ونص
اني بالكيس 4 افراد وطلوت تقريبا شهر واسبوع
وخليك على اتصال بيهم وان شاء الله مطول لتقلق
تحياتي

[Haidor]

الله يساعدهم

آني موجود بين ثنايا المنتدى، دا اشرب سحلب.

اخباري رح تفاجئكم شوية و بصراحة ما ردت أعلن عنهه ليروح واحد يفتهمه غلط و تأثر على معنوياته قبل السفر.   أني أجلت مقابلتي لحين أكمال معاملة الزواج .... أأأييييييييي شباب قررت أتزوج يلله أطلع حتى نطلع آني و زوجتي و نأسس كول شي براحتنه و على كيفنه أحسن ما أسافر وحدي و أتلطلط و بعدين أرجع لو ما أرجع و وين أتزوج و هوووووووووو شيفضهه بعدين و تمشي السنين ركض.

بالنسبه للطلب مالتي جماعة السفارة الشرفاء ما قصروا و كللولي شوكت متكمل اجراءات زواجك دزلنه اوراق زوجتك و نضيفهه عل الكيس مالتك.

مختصر عن البهذله في عملية البحث عن فتاة العمر ... العملية صعبة جدا و بنفس الوقت مطلوبه و انشالله نتيجته جيده ... تقريبا لكيت المطلوب بس باقي الاستعدادات النهائية و أخيرا الحنبطه

بصراحة اللي يساعدني على هذي الخطوة هو ديمومة العمل مالتي و الوارد مالته و استمرار صلاحية تمشية المعاملة لفترة جيده تقترب من السنه و حتى امكانية تجديد المعامله بعد سنة.   يعني الفرصة متوفرة انشالله يبقى شلون الواحد يخطط اموره و يلعبه صح.

أني أخاف أحجي هالحجي ليروح يخربط ترتيب الشباب العزاب اللي ديسافرون ... كولنه مندري شلون رح يكون مصيرنه اذا سافرنه ... كل واحد و فرصه شكل و اتجاهاته شكل و اهدافه شكل .. المهم الواحد ميبقى كاعد و ساكت .. يأما ديسافر أو ديعمل بشغل زين أو يتزوج و يرتبله عائله الخ...

شكرا لكل من سأل عليه و أني متابع لاخبراكم ... ماجلان مبروك المقابله و انشالله السفر العاجل الك و للرجل الحديدي و الكاوبوي العراقي و جميع من قابل بهالفتره و ددتمشي شغلته بدون عراقيل.

أدعولي و تره أني مو بس مشغول ... حياتي كوله مليوصه و محتاج صفنات هوايه و تفكير و تخطيط و عمل.

بالتوفيق للجميع ... حيدور

[الكاوبوي العراقي]

حبي حيدور
اشتكنالك
الف مبروك على خطوة الزواج صدك هاي احسن خطوة لان الغربة بدون وليف ماتنحمل
اهم شيئ من تختار مواصفات البنت بجانب الاخلاق والجمال اختار وحدة سباعية يعني مو مايصة وتتنكرز لان انتو راح تتغربون وينرادلك وحدة سباعية ومتخاف وتعرف تسيطر على الامور بغيابك وتاسسلك عائلة وتكون مدبرة ومثقفة بس وي الثقافة لازم تكون شخصيتهة قوية ويفضل تكون اكبر شوية منك حتى تتطمن انه اكو رجال بغيابك في البيت مو امراة
والله يوفقك وموفق

اخوك الكاوبوي العراقي

[Alawi]

حبيبي حيدور الف مبروك وشايف كل الخير وامنياتي الك بالسعادة والراحة..
بس صدك هاي اشلون فكرت بيهه؟

الف مبروك مقدما وبالرفاه والبنين عيني..
اخوك علاوي

[Haidor]

الكاوبوي العراقي أشكرك هوايه و انشالله نلتقي في يوم ما .. هذه الخطوة مو بالضرورة قد تكون صحيحة و الكثير الكثير نصحوني بأن اتجنبها بالوقت الحالي و لكن كل أنسان و ترتيبه ... هي الحنبطه ورانه ورانه ... ملاحظاتك كلش صحيحة ... و لهذا كلت المهمة صعبة بعض الشئ

علاوي اتمنالك و للجميع الخير و السعادة

حيدور

[BaghdadGhost]

اخواني الاعزاء ,,,,,,

اول شي اريد ابلغكم بان اخي نور اتصل بيه البارحه الصبح من عمان قبل ميطيرون لامريكا ..... سلم على الكل و كال ان شاء الله من اوصل اتصل بيكم ,,,,, بالليل اني شفت سيف على النت و سالته كال مسامع شي لحد الان ,,,,, ان شاء الله يكونون هسه واصلين بالسلامة ,,,,,,


اخي عاشق شمس ......


بتاريخ 1-5 دزيت صورة من الفيزا لجماعه ال رابس نت

بتاريخ 4-5 اجاني الاوتو ربلي من الرابس نت......

بتاريخ 26-5 اجاني الاشورنس لتر منهم و الي بيهه البي دي اف المذكور بي اسم المنظمه و اسم الموضف و تلفونه و اسم صديقي و الوجهه النهائية (بس المدينه مو العنوان) ....

بتاريخ 31-5 اجاني اول ايميل من خلود ,,, و الي بي كم سوال من ضمنهن شوكت تريد تسافر و تريد نسخه من الفيزا و الجواز ....

ذاك يوم و هذا يوم ,,,,,,

الايميلات موجودة بالصفحه الي قبل هاي ,,,,, ان شاء الله اكون جاوبت على سوالك و سوال هواي من الاعضاء ,,,,,,,,

[BaghdadGhost]

الاخ الجديد SMWSIV .......

اهلا و سهلا بيك اخي العزيز و شكرا لاشتراكك معنا ...... ما تفضل به اخي احمد صحيح و ماعندي اي اضافة عليه ,,,,,,, ان شاء الله الموفقية ,,,,

اخي Haidor ,,,,,,,

يعني تدري حقك من متسولف ,,,,, تدري ليش؟ لان مو بس خربطت الغزل كله ,,,,, ما راح اكلك شي بس راح اتصل بيك عالخاص ....... بس اني ما اتفق ويه اخي الكابوي بهاي سالفه اكبر منك ,,,, لان هيه مرة وحدة بالعمر الواحد يتزوج ,,,,, النوب ياخذله اكبر منه ,,,,, زين بفترة المراهقة الثانيه للرجل شراح تكون المرة ,,,,, اكيد جكمجه .... هههههههههه

[الكاوبوي العراقي]

هاي شنو الجماعة ادارة المنتدى اخترعوا قسم جديد اسمة"اهم مواضيع منتدى الهجرة واللاجئين"
ونقلوا كل مواضيع الهجرة واللجوء المثبتة اليه
ومن ضمنها موضوع الاخ شبح بغداد

[MONSTER]

حبي شبح..

Dear sir,

i sent my papers to Nebraska Service Center since the 27 th of July,by
the OVERNIGHT MAIL,

Just want to know if you guys recieved my papers,if so would you please
send me the Receipt Number,

Sincerely,


الرد كالاتي, 

Please note once they have started
processing you application they will send you a receipt number.


زين مفتهمت يدزولي الرسبت نمبر عالايميل لو يدزوو للعنوان الي اني كاتبه؟

شغله ثانيه اذا اكو خطأ بالفورم i-360 ورادو يرجعوهة علمود امليهة من جديد وين يدزوهة عله عنوان المرسل؟(الشخص الدزلياهن) لو عله العنوان بالفورمه؟

بمرحله نبراسكا هم يدزون ايميل؟ لو بس الان في سي؟؟

دوختك بالاسئله واذا مابيك حيل ترد اي عضوو عده خبره..مشكوورين عالردوود مقدما,

[الكاوبوي العراقي]

الاخ مونستر
هاي انتة صدك تحكي
من تاريخ 27 تموز الماضي انتة داز اوراقك لنبراسكا
قبل كل شيئ اريدك تجاوبني والباقي سهل

[MONSTER]

حجي غلطه مطبعيه 27th oF MAY ههههه مادري شبي الكيبورد يجلب

ماعدك معلومات تكدر تفيدني بيهة خويي؟

[الكاوبوي العراقي]

اخ مونستر
هاي ليش هيك شغلتك صارلهة 20 يوم
اني دزيت اوراقي بالDHL لنبراسكا وكتبتلهم بالفورم I-360 عنوان صديقي الامريكي
الي صار انه مكتب الDHL انطوني رقم الشحنة حتى اتابع وين وصل الباكج مالتي عن طريق الانترنت
تابعت يومية لحد ماوصل الباكج الى نبراسكا بعد 4 ايام من ارساله
وفي اليوم التالي نبراسكا دزت الريسيبت نمبر الى صندوق بريد صاحبي الامريكي فصاحبي سوالي للرسالة سكنر ودزلياهة بالايميل(معناها نبراسكا تكلة احنا وصلنا الفايل)
وبعد 3 ايام اخرى استلم صاحبي بصندوق بريده رسالة الابروفال من نبراسكا ودزلياهة بالايميل(معناها نبراسكا وافقت على الفايل)
وفي نفس اليوم اتاني ايميل من نبراسكا يكولولي انه مبروك وافقنا على التماسك ودزينا فايلك للان في سي وهمة يتصلون بك بعد اسبوعين وفعلا بعد اسبوعين اتصلوا الان في سي
يعني العملية كلهة من ارسال الاوراق بالدي اج ال الى استلام رسالة نبراسكا ماطولت 8 ايام

وبعدين حتى لو اكو غلط سواء بالاستمارة او عنوان كفيلك الامريكي فلازم يبلغوك بالانترنت انهم وافقوا على التماسك ومعليهم بالاغلاط همة يتاكدون من باجك والتوصيات وموافقة السفارة ببغداد وتعيش

حاول تتاكد من كفيلك بامريكا وخلي يشوف بريده او يخابر نبراسكا بالتلفون ويفتهم

وشكرا

[MONSTER]

اخويه مقصرت مشكور..

المشكله انه اني مكاتب عنوان كفيل مشيت عله نصائحكم بالموضوع,,بس اكو فقره ثانيه مال عنوان كتبت بيهة عنوان صديقي يعني همه حيراسلون صديقي الكاتب عنوانه بالفقره هاي ام السطر الواحد

؟

[الكاوبوي العراقي]

اخوية مونستر
انتة لازم تكتب رقم صندوق بريد صاحبك بامريكا مو شرط كفيلك اي صندوق بريد بامريكا لواحد تعرفة مع رقم الكود للمنطقة ورقم الزيب نمبر للولاية
همة يريدون صندوق بريد بامريكا لان دائرة الهجرة بنبراسكا مايدزون بريد خارج الولايات المتحدة فقط داخل امريكا لا تكلي ماكتبتلهم رقم ص.ب. بامريكا

[MONSTER]

خويي الكابوي,,

العنوان بي رقم البنايه و ks xxxx
هذا التقصد علي لان اني كتبتلهميا كله مبقيت

[الكاوبوي العراقي]

حبي مونستر
مثلا

P.BOX : 123456
CODE: 3456
ZIP CODE: 24W546

STATE  ,CITY, STREET, BUILDING
OWNER OF POSTACE BOX
PHONE NUMBER TO PERSON IN USA
HIS NAME

[MONSTER]

اي حبي تلفونه ورقم البنايه والستيت والستي

كله اوكيك,,هوه غير يدزولي نبراسكا مو حنجلط

 الكابوي تعبتك تاج راسي

[Iron_man]

شلونك اخي ماجلان ؟؟؟

بشرنا شصار من شغلتك ؟ استلمت ايميل لو بعد ؟  بالنا يمك ؟

ان شاء الله يسهل امرك ...


اخوك
Iron_man

[ماجلان]

.

[jayjay]

شلونكم شباب اخباركم اسف اخواني على الانقطاع بس شوية الشغل مالتنا هنا شوية تعب, انشاء الله الكل زينين.
بألمناسبة اليوم راح ايصيرلي اليوم العاشر تقريبا في بحر الضلمات بس اني شوية متفائل ما ادري ليش. انشاء الله ما تطول.
الموفقية للجميع.
جاي جاي

[Elv1]

السلام عليكم شلونكم اخوان

خوية شبح بغداد عندي سوأل ععلمود المعاملة مالتي اني اوراقي وصلت للnvc يوم 4-5 واليوم 19-5 ولحد الان     
ما دازيلي ايميل  شتكول ادزلهم ايميل لو انتضر وشنو لازم اسوي بل الخطوات الثانيية وشغلة  شهادة الولادة اطلعها لو لا لان واحد صديقي كلي لت تطلعها

واني منون الك هواي

[ahmed.khalid_87]

http://www.radiosawa.com/arabic_news.aspx?id=1932835&cid=2
 الشغلة حتعلك بين كورية الشمالية وامريكا

[الكاوبوي العراقي]

اشو جماعة الفيز صنطة
والاخ شبح بغداد مختفي
صار يومين ماكو شنو ماخذين off

[john85]

السلام عليكم اخواني و اخواتي في هذا المنتدى الرائع....

اولا احب اقدم اعتذاري لكل الاخوة عن عدم مشاركتي في اي موضوع ... لان الصراحة من دخلت معاملتي بحر الضلمات صارت عندي حالة نفسية و بعد ذلك قابلت و خلت بحر الضلمات الثاني ......

المهم اخواني الاعزاء و الله حبيت ابشركم انه و اخيرا استلمت الفيز مالتي و مال عائلتي يوم الخميس و شوفوا الحظ (اول يوم بتاريخ الباص مال السفارة يتاخر لل 10) هههههههه المهم

اخواني اني مقدم على البرنامج القديم بديت بالاجراءات من شهر ال11 - 2007 حصلت توقيع الجنرال شهر السابع 2008 ارسلت اوراقي النبراسكا مباشرة و حصلت الرسيبت نوتيس يوم 2-8 و الابرفال نوتيس 15-8 و بديت رحلتي مع الان في سي ............ الى شهر الرابع 2009 اجاني ايميل الموعد + ايميل الفحص الطبي و رحت للفحص بعيادة الشفاء و ابو احمد الوردة خوش كصبني المهم قابلت يوم 17-5-2009 و جنت كلش فرحان بس القنصل الله يسلمه كلي عيني ابو حسين احنة نتعذر منك و كلش خجلانين بس جنسية بنتك المترجمه ماكو و احنه رايديها و انطاني الورقة مراجعات ادارية من شهر الى شهرين بس اني بنفس اليوم رحت جبت الجنسية مترجمة و رجعت اكيد ويا ابو احمد و ربك بعد معاناه ظويله كدرت ادخل للسفارة و ماعندي اي هوية (ربك سهلها) انطيت القنصل الهوية المترجمه و كال هذا مراح ياثر لان لازم نسوي الاجراءات الاضافية روح و احنه نتصل بيك (بالايميل طبعا)....

رجعت كلش ضايج و انتظر انتظر انتظر الى يوم الاثنين الماضي اجاني ايميل يكول عيني تعال استلم الفيز مالتك خلصانه يوم الخميس ( وجان اكو غلط برقم القضية رقم واحد غلط دزيت ايميل و صلحوا الرقم) .

و رحنا يوم الخميس و ماشاء الله الجماهير محتشده حول نافورة فندق الرشيد المهم اني وصلت تقريبا بالسبعة و شوية  و ننشتل للعشرة اتصلت با ابو احمد ردت اروح بس صديقي يمي كال بالعشرة اذا ماكو شي نروح لابو احمد.... و اذا بالباص يدخل من ابواب الفندق و الجماهير تنطلق الى الباص بكل لهفة .... نزل شخص اردني يذيع الاسماء و كلمن يكول اسمه يصعد للباص

المهم اخوكم 3 اسم جان لزمت اول كشن لان اعرف السالفة و قبط الباص و بقوا بعض الاخوان واكفين كالولهم راح نرجعلكم درب ثاني.

بعد الوصول للسفارة صرنا 3 سراوات و اخذوا اوراقنا للتسجيل داخل استعلامات السفارة.

من دخلنا بعد التفتيش الدقيق جدا و صلت الى قاعة المقابلات  و اكو الموظف الهندي كلي عيني اكتب اسمك الكامل على نسخة الايميل الموجوده عندك كتبته و انطيتهيا بعد دقايق جاب 3  ظروف + الجوازات و داخله الفيز و الحمد لله و كلي هاي الظروف متفتحهن الى ان توصل للمطار بامريكا و تسلمهن لموظف الهجرة في امريكا......

و هاي قصتي من الالف الى الياء
و اكرر اسفي لعدم تواجدي في المنتدى مع اخوتي و اخواتي و اني اخوكم حاضر لاي استفسار

اسف للاطالة


اخوكم  علي ابو داليا

[Elv1]

مبروك اخويا john85 عل الفيزا يوم الي تسافر الله يوفقك انشاء الله يوم ال الي و اخذ الفيزا

الف مبروك

[john85]

الف الف الف مبروك للرجل الحديدي على استلام الفيزا و اكيد عشت معاناة انتظار الباص يوم الخميس...

الاخ سبع صنايع , و منكوس , و SIV2007 مبروك على استلام الفيزا و ان شاء الله الموفقية و السفر القريب...

جميع الاخوة المنتظرين استلام موعد او استلام فيزا ان شاء الله يارب استلامها عن قريب و الله يفرحكم بالايميل الموعود عن قريب ان شاء الله


اخوكم علي ابو داليا

[الكاوبوي العراقي]

الف الف مبروك ابو داليا وان شاء الله توصل بالسلامة

[john85]

Elv1 اشكرك اخوية العزيز و ان شاء الله يارب تستلم الفيزا عن قريب

الكاوبوي العراقي الله يبارك بيك اخوية و ان شاء الله يارب تستلم الفيزا عن قريب و السفر القريب ايضا

اخوكم ابو داليا

[ماجلان]

.

[ماجلان]

.

[BaghdadGhost]

اخي مونستر ,,,,,

اسف للتاخر بالرد ,,,, ولو الكابوري مبقالي شي اكوله لان كلامه صحيح ميه الميه ,,,,,, بس اني الي انتبهتله بان الطرف الي جاوبك مستخدم they يعني مو we لذلك استنتج بان انته داز الايميل للجهه الخطا ,,, يعني اما سالت السفارة او ال NVC ,,,,, و مراسلت نبراسكا ,,,,, ارجو منك التوضيح ,,,, اني ليكدام و حته لا ااخرك راح انطيك ايميل نبراسكا ,,,, الي هو SIVTranslator.NSC@dhs.gov

بالنسبة للشخص الي كتبت عنوانه بال 360 ,,, هذا مو كفيل ,,, هذا مجرد يستلم البريد من نبراسكا و الي هو عبارة عن وصل استلام اول ميستلمون اوراقك و اخطار بتحويل الكيس مالتك الى ال NVC ,, بعد الكوافقه على الكيس ,,,,,, يعني لتدوخ بسالفه شنو دور هذا الشخص الي كتبت عنوانه ,,, لان بس مجرد يستلم الميل مالتك و مثل مذكر اخي الكابوي لان همه ميدزون بريد خارج امريكا .....

بالنسبة للرساله الي دازلهميا انته ,,, طبعا سامع يكلك جفيان شر ,,,,, اي غير تذكر بيهه تفاصيل هواي ,,, اني راح اخليلك نموذج رساله و انته اكتبه و ضيف عليه معلوماتك ,,,,,

 Dear sir,

 on اكتب تاريخ ارسال الاوراق , I mailed my petition to Nebraska Service Center NSC, using اكتب عنوان البريد الي دزيتلهم عليه . I have not receive any confirmation of my petition receipt. therefore, I would like to know current status of my case. Tank you for your assist and cooperation 

[/b]

[BaghdadGhost]

حبيبي جاي جاي ....

شون الامور مشتاقين يمعود ,,,,,, عشر ايام ,,,, تهون ان شاء الله

اخي الفس ,,,,,,,

جدا جدا اسف ,,,,, و اللهه المسنجر فشلني ويه هواي عالم ,,,,, هو و النت ,,,,,
نرجع للسالفه ,,,,, اني عبالي انته تكول صارلك 19 يوم ,,,, بس من شرحك افتهمت بانك صارلك 15 يوم ,,,,, يابه ترة هاي مساله جدا اعتيادية لان مثل مكلت لبقية اخواني الاعضاء ,,, نبراسكا يدوزن الفايل مالتك بالبريد الاعتيادي مو المستعجل (ازمه اقتصادية و بواجي) ,,, اني من العالم طولت اسبوعين باله وصلت ,,,,, حبي لتقارن نفسك بصاحبك لان تدري بسالفه البريد الاعتيادي ,, ممقيدين باي زمن ,,,,,,,

بالنسبة لشهاده الولادة ,,,,, اذا ماعندك الاصليه ,,, طلع صورة قيد ولادة ,,,, متطول يوم واحد بس ...


حبيبي الكابوي ,,,,,,,

واللله اعرف اني مقصر هالايام ,,,,, بس مبقالي شي عالسفر ,,, مع ذلك اني مخال هاي حجة لعدم التواجد و تقديم المعنونه ,,,,, بس هاليومين الفاتوا ,,,, بيت خالي ديشيلون من بيته و رادوني عونه ,,,

اسف من كل الاخوة الاعضاء لقله تواجدي ,,,,,, ان شاء الله مينعني عن التواجد اي شي .....

[mohammed2009]

السلام عليكم
تحياتي اخواني الاعزاء كما تعرفون والحمدلله استلمن رساله الكوم واريد الان مراسه نبراسكا لكن لدي بعض الاستفسارات التي تخص I-360

بخصوص العنوان للشخص الي راح يستلم البريد بامريكا في الفقره الثانيه اكو بعض المعلومات بالعنوان هل ضروري نملاها مثل
Apt# - U.S Social Security - A# - IRS Tax #   

هل من الضروري ملئ هذه الفقرات وماذا تعني حسب الترتيب ؟؟؟؟

وبخصوص اي شي يتم ترجمته هل نبعث النسخه الاصليه للترجمه لو نسخه عنها ونبقي الاصل لدي لحين المقابله ؟؟

وشكرا


اخوكم محـــ2009ــمد

[mohammed2009]

وسؤال ثاني اخوتي الاعزاء

اني في عمان وقدمت من عمان لكن رقمي يبدء BGHSIV2009 هل هذا يؤثر على الموضوع مع العلم هناك بعض الاعضاء الذين في عمان رقمهم يبدء ب AMMSIV

هل هناك داعي لمراسلت ال SIV وطلب توضيح او تغير الكود وكما ذكر هل يؤثر هذا على قضيتي ؟؟

وشكرا

محــــ2009ــــمد

[john85]

اشكرك اخوية العزيز ماجلان على هاي المشاعر الرائعة ... و ان شاء الله يارب الموفقية و استلام الفيزا با اقرب وقت

و صدكني الفرج قادم

اخوك ابو داليا

[SMWSIV]

السلاك عليكم

اخوان jayjay & ُElve

اني اليوم يوصل 40 يوم ابحر الضلمات وما اجاني موعد المقابله اخر يوم تكمله الاوراق NVC يوم 10 مايو  بس يكولون ميطول اكثر من شهرين

الموفقيه للجميع

 SMWSIV

[Elv1]

هلو SMWSIV شلونك انشاء الله زين

شغلتك واكفة غير مي يدزولك اي ميل اي خوية انتا معمولك عمل روح لشبح بغداد هوة يفتحلك العمل

ههههههه 

والله جديات البارحة كنت احجي وية اخوية شبح بغداد وكتلة خوية اني معاملتي طولت شان يكلي شغلة ما افتهتها? كالي انتا تشرب جكايركتلة لا  شان يكول  اصبر ترى تطلع
بس اصبر وبعدين من تجيك راح تذكرني راح تذكر احجايتي
اني اليوم الجكاير ابالي من الصبح يمكن راح ادخن
ههههه

طبعا اخونا شبح بغداد ابد ما قصر

[mohammed2009]

اخــــــــــــــــــــــواني اني بانتظار اجوبتكم لان باجر اريد ارسل الاوراق لنبراسكا ..... شــــكرا مقدما


محــــ2009ــــمد

[john85]

اخي العزيز محمد 2009 بالنسبة للمستمسكات المترجة انت لازم تسوي سكنر و تحول الصور الى PDF و ترسلهن بايميل تسوي اتاجمنت طبعا...و النسخ الاصلية المترجمه راح تاخذهة وياك للمقابله و هذا كله بعد ما الان في سي يراسلوك يعني بعد الابروفال نوتس من نبراسكا....و من يراسلوك الان في سي و يطلبون هاي المستمسكات

الاوراق التحتاج ترسلها لنبراسكا و هي الكوم ابروفال , و ال I-360 , نسخة من الجواز, و على البرنامج القديم جان يرسلون نسخة من الصك و اعتقد هسة ماكو هذا الشي لان هذا البرنامج مجاني.


و ان شاء الله ما نسيت شي و اذا اني نسيت اذكر شي اخر اتمنى من الاخوان يضيفوا


اخوك ابو داليا

[Elv1]

اخويا ابو جاسم شلونك بل النسبة للسوالك توكل وملي i360 بس مالك علاقة بل  U.S Social Security خلي
N/A لان هاي مو الك وانشاء الله خير

[mohammed2009]

شــــــــــكرا اخويه ابو داليا واخويه Elv1 وتحياتي الكم

وان شاء الله راح اعمل بنصيحتكم ممــــــــــــنون

محـــ2009ــــمد

[BaghdadGhost]

اخي العزيز ابو ديانا البطل ,,,,,

تدري ليش بطل ,,, لان الله يساعدك على هاي المدة ممال الانتظار ,, غيرك واحد جان بطل السالفه من زمان ,,,,, بس شوف نتيجه الصبر شكد حلوة ,,,,,, الحمد لله على كل حال و اهلا و سهلا بيك ويانه ,,,,,

طبعا مبروك استلام الفيزا و ان شاء الله السفر القريب و الاستقرار و الراحه .....

اخي ابو جاسم ......

اسف للتاخر بالرد ..... بالنسبة لهاي الفقرات الي ذكرتهن ميحتاج تكتب بيهن  اي شي و همه عدهم علم بانك لا تمتلك الاجابه .,,,,, اذا تحب اكوو رد اني كاتبه لاحد الاخوة بموضوع بالمنتدى ,,,, و رافق ويا صور لل 360 موضح بيهه شون تملي الاستمارة بالطريقة الصحيحة ..... بالنسبة للترجمه ... دز نسخ مصورة و الاصليه خليهه ليوم المقابلة


حبيبي الفس ,,,,,

انته و الاخوه تدللون و بس لتزعلون مني من اتاخر بالرد لان والله مو بيدي ,,,,,,

[BaghdadGhost]

اخي ابو جاسم .....

هذا اللنك مال ردي لكيتلكيا لان كلت خاف انته مستعجل .....

http://www.ankawa.com/forum/index.php/topic,303097.msg3890323.html#msg3890323

اني الممنون

[mohammed2009]

مشـــــــــــــكور كل الشكر اخويه شبح بغداد والله ايسهل امورك ان شاء الله

محـــ2009ـــــمد

[john85]

شبح بغداد الورده تسلم على ترحيبك بي و قبولي كاخ و صديق هنا وياكم بيت كل العراقيين المنتدى الرائع

و على حجايتك نهاية الصبر جانت فرحة جبيرة و يارب يوم للاخ ماجلان و كل الاخوة المنتظرين و احب اكلك عاشت ايدك اخوية على هذا الموضوع الروعة

ان شاء الله تسهل امور كل الاخوة

اخوك ابو داليا

[john85]

ابو جاسم
الوردة تتدلل و لا شكر على واجب و هذا واجبنا نحاول نساعد الاخوة مثل ما اكوا اخوة ساعدونا و محد قصر ويانا .....و ان شاء الله اجوبتنا راح تساعدك اخوية العزيز

اخوك ابو داليا

[MONSTER]

عزيزي شبح

معذور انت بالنسبه للرد الكتبته اجاني من BAGHDAD COM APPROVAL لان بوكته من كتلي راسلهم  دزيت ايميل الى SIVTranslator.NSC@dhs.gov
واجاني اوتو ربلي وجنت ممتأكد هوه هذا الايميل مال نبراسكا والحقيقه تعاجزت اسأل وجانت عندي مشن للجاو كلت عادي خلي ادز على الان في سي شحيسوون قابل ,,

بالنسبه للرساله مالتي صحيح جفيان شر حته بوكتهة تعاجزت اروح للكوكل علمود اطلعلي شكم كلمه قويه حشاكم صرت تي ان تي بامتياز هههه

حبي شنيه التفاصيل الي انت ذاكرهة واني مذاكرهة مشفت شي جديد بس فرق التعبير مابيه حيل ادزلهم مره ثانيه لايكولون هذا حرش


عله شغله الشخص الكتبت عنوانه مجنت دايخ بي بس هسه دخت لان البارحه دازلي ايميل ابديت لعنوانه منتقل لغير مكان زين هاي شتخليلهة وتطيب البارحه حته الكفر صار بالايراني

غير الانتظار اكو حل ثاني؟ تعبتكم اخوان

[الكاوبوي العراقي]

اخوان
مدتحسون المنتدى مشاركات اعضائه قلت والاعضاء المخضرمين فقدناهم والمنتدى صار ماصخ حيل
شنو الجماعة كلهم كلبوا لامريكا

[jayjay]

اخواني في ارشيف معاملات الاس اي في.
طبعا اعذرونا شوية مشاركاتنا قليلة لئن شوية هذا بحر الضلمات شوية ممل والشغل هواية.
او اكيد كل الشكر للأخ بغداد كوست يعني هو اللي يديم المنتدى ومشكور على هذا الجهد والمتابعة لكل الاعضاء.
اخي العزيز SMWSIV هاني انشاء الله على حجيك يعني صارلك اربعين يوم تنتضر, يعني راح اشتريلي تكتين جكاير احسللي. او اغلس على الموضوع هيه انشاء الله تصفة.
او عندي سؤال للأخوة او الى الاخ شبح بغداد بخصوص المرحلة القاتمة والمضلمة.
اخي شنو اسباب التأخير في مرحلة بحر الضلمات يعني فقط التجييك الامني. يعني مثلا الشخص اللي خادم عسكري, او اللي مسافر خارج البلد يعني احتمال اكثر يتأخر اكثر من غيرة.
اخي  SMWSIV انشاء الله ما بقى شي يعني انشاء الله خلصت. بس اريد اعرف انت هم دزيتلهم ايميلات للتأكيد.
او اكو ملأحضة اني انتبهتلها يعني للشباب اللي بألخطوة الاولي. صايرين اللي ما يدزلهم اوراق معاملة كاملة ما ينطوة خبر الله هو يتصل بيهم يلله. اني عندي 2 اصدقاء انتضرو تقريبا شهرين او ما اجاهم خبر الله هو اتصل بيهم يلله كللولة عندك نقص.
اشكركم اخواني انشاء الله المشاركات تكثر.

[BaghdadGhost]

حبيبي الكابوي ,,,,

اول شي ان شاء الله المقابلة تعدي على خير و سلامه ,,,,,, اذا انته هيج دتحس ,,, ترة اني حته لو راح اوصل هم راح اضل كاعد على كلبكم ,,,, هههههه

[سبع صنايع]

صحيح الاخوة انقرضوا بس لعدة اسباب
1-اللي سافر
2- اللي ديحضر للسفر
3-اللي رح يقابل
4-بحر الظلمات
5-المراحل الاولية للتقديم

لكن الشي  الاهم للغياب انه بعد 9 صفحات من المعلومات الدسمة ما بقة شي ينكال وصار ارشيف بس تكلبة تفتهم كل شي واكو هواية يدخلون زوار ويستفاد ويفلت
واذا انطب بس نسولف رح ينتفي الحاجة من الموضوع ويأثر عليه لذلك حان الوقت ان نسلم الراية وان شاء الله اللي ورانة يسلموهة للبعدهم لحد ال2012 والكل يفلت

[SMWSIV]

سلام عليكم

عزيزي Jay & Jay  اخذ تكتين او اكلك ثلاثه بس انشاء اول تكه ويدزولك على المقابله وراها بطل جكاير

ورا يومين  من تكمله الاوراق لل ان في سي اني دزيت ايميل الهم وبعدين ورا 3 ايام جاوبوني ودزو لي الجيك لست كالو  انريد اثبت انته منطي بدل للخدمه العسكريه ترى جتى يعرفون بال 3 اشهر خدمه مركز التدريب لان عرك التدريب يخفف من دماء المعركة على كوله ابو عداي اووووف لا تذكروني

المهم ورا ما دزيت التسريح جاوبوني بان الاوراق كامله وحاليا بالمراجعه الاداريه وباسرع وكت ندز لك على المقابله والحبل على الجرار

الموفقية للجميع والملتقى بشوارع تكساس
 

[SMWSIV]

سلام عليكم

عزيزي Jay & Jay  اخذ تكتين او اكلك ثلاثه بس انشاء اول تكه ويدزولك على المقابله وراها بطل جكاير

ورا يومين  من تكمله الاوراق لل ان في سي اني دزيت ايميل الهم وبعدين ورا 3 ايام جاوبوني ودزو لي الجيك لست كالو  انريد اثبت انته منطي بدل للخدمه العسكريه ترى جتى يعرفون بال 3 اشهر خدمه مركز التدريب لان عرك التدريب يخفف من دماء المعركة على كوله ابو عداي اووووف لا تذكروني

المهم ورا ما دزيت التسريح جاوبوني بان الاوراق كامله وحاليا بالمراجعه الاداريه وباسرع وكت ندز لك على المقابله والحبل على الجرار

الموفقية للجميع والملتقى بشوارع تكساس
 

[BaghdadGhost]

اخي جاي جاي ,,,,,

بالنسبة لمرحلة بحر الضلمات  ,,,,,,, لان يصير بيهه تجييك على الشخص ويه اكثر من جهه و التخاطب مع هذه الجهات مراح يكون لفرد معين و انما عده اسماء مشتركة و التجييك ميكون فقط بالاسم المذكور بالجواز و انما يحاولون ان يشوفون هل ان الاسم يتطابق مع غير سبيلنك ,,, لذلك تكون المرحلة طويلة نوعا ما ,,, بس صدكني كل هذا الانتظار يصير سوالف بس تستلم ايميل المقابلة ,,,,,,,

[jayjay]

اخوتي بغداد كوست و SMWSIV اشكركم على الرد انشاء الل مثل ما كلت تصير سوالف بس والله الصراحة اني ضايج من هاية الضغلة كلش مملة او مؤخررا ولهذا اريد اريدهة تصير بسرعة. انشاء الله ما يصير تأخير انت شأخبارك بغداد شصار من شغلتك شوكت تروح. انشاء الله الموفقية.
ديرو بالكم على نفسكم.

[الكاوبوي العراقي]

اخواني الاعزاء
السلام عليكم


وراح ادزلكم نسخة من الورقة المشؤومة

والسلام
اخوكم المضروب بوري الكاوبوي العراقي

[mohammed2009]

السلام عليكم

مثل ماتعرفون اخوان هناك عده اوراق يجب ارسالها الى NVC بعد استلام اول رساله من هذه الجهه والاخ سبع صنايع كان منزل موضوع حول كل الاوراق والمستمسكات وكيفيه اصدارها ومن يادوائر وكيفيه التصديقات والترجمه وعاشت ايده على هاي المعلومات لكن كل الي كال عليه اذا كان الشخص موجود في بغداد

لكن اني سؤالي وين انه اذا كان الشخص خارج العراق هل سوف يتم طلب نفس الاوراق منه ؟
واذا كان الشخص خارج العراق كيف سيتم اصدار مثل هذه الاوراق التي يتطلب حظور الشخص امام ظابط الجنسيه والبصم امام لاصدار صوره قيد 57 مثلا

وكثير من الامور التي تتطلب تواجد الشخص لاصدار مثل هكذا اوراق
ارجوا من المتقدمين على برنامج SIV المتواجدين خارج العراق ان يوضحوا لنا ماهيه الاوراق التي تم ارسالها الى NVC وكيف تم اصدارها عن طريق وكاله الى شخص في بغداد لمراجعه الدوائر المعنيه او من خلال السفاره العراقيه المتواجده في البلد المقيم فيه الشخص المتقدم لل SIV ??
لكي تعم الفائده للاخرين

شكرا

محـــ2009ـــمد

[الكاوبوي العراقي]

وهاي الرسالة

[الكاوبوي العراقي]

وهاي الرسالة

[mohammed2009]

تحياتي الكابوي العراقي

وقلبي وياك والله كلش ضجت من هيج صار وياك بالمقابله لكن من وجهه نظري كان المفروض انه ماتكللهم على شغلت زوجك وخاصتأ انه غير رسمي يعني مامثبت بالمحكمه فاكيد همه مراح يعرفون بي اله من خلالك وارجع اكلك مو كلشي تره يناكل اني ماريد ازيد عليك جروحك لكن مدام كالتلك سوء فهم ان شاء الله خير وان شاء الله ماطول وتمنياتي الك بالموفقيه
وهاي الرساله المشؤؤمه الي انطتكياه القنصله امبين معقجها لما كايل بس ههههههه

شكرا

محــ2009ــــمد

[BaghdadGhost]

يا اخي الكابوي ,,,,,,

والله عتبي عليك جبير ,,,, يعني انته قبل المقابلة سالت على كل شي ,,,, ليش مسالتنهه على هذا الشي ,,,, واني رايي من راي حمودي لو مكايللهم عليه لان اصلا انته ممصدقة يم المحكمه ولا عندك اي اطفال من زواجك الاول ,,,,, يعني تقريبا ما اله اي وجود و ميكدرون يكتشفون هذا الشي ,,,,, بس مع ذلك الف الحمد لله على كل حال و مثل ميكول ابو المثل ,,,, من شاف بلوه غيره هانت عليه بولته ولو هيه مو بلوه ,,,,,, يعني بهاي ولا بغير سالفه حساسه مثل الاشتراك بحرب الكويت او الحرب الاخيرة ,,,,,

ان شاء الله تهون و تصير سوالف ,,,,,

[BaghdadGhost]

بالنسبة لابو جاسم ,,,,

خويه هاي السالفه راح يفيدوك بيهه جماعه لبنان لان عدنه اكثر من واحد قابل هناك ,,,,, بس اني ارجع و اكول بان الي خارج العراق راح تكون مقابلته بيهه نوع من التسهيل اللامر بالنسبة للوثائق لان عدهم علم بان صاحب الطلب مو بكل سهوله يكدر يطلع هاي الامور ,,,,,

خلي اكلك سالفه ,,,,,, كلش كلش اذا مكدرت تقدم اي وثيقة لل NVC ,, راسا استخدم حجه بان متكدر ترجع للعراق لاستخراج هذا المستمسك بسبب التهديد ,,,,,,,

[mohammed2009]

اخويه الغالي شبح بغداد

اشكرك على الاجابه السريعه بصراحه اني اريد منك اذا تكدر ان اتنزلنه الرساله من NVC علمود اعرف بالظبط همه شيريدون واشوف شاكدر اجيبلهم وثائق والي ماكدر اكيد راح اكللهم هاي الوثائق تتطلب حضوري في بغداد وانا مهدد ولااستطيع الذهاب

وياريت من اخويه الكابوي العراقي ايوضحلي بالنسبه لطبع الاصابع وعدم المحكوميه الي تصدر من المخابرات الاردنيه بما انه اني بالاردن ياريت ايوضحلي اشلون استخرجها عدم المحكوميه اليس المفروض من مركز الشرطه ؟؟؟ وشنو تقصد بطبع الاصابع ؟؟؟

شكرا

محـــ2009ــــمد

[الكاوبوي العراقي]

الاخ شبح بغداد والاخوة المخضرمين ربع الاس اي في
تكدرون تقرون رسالة التاجيل المرفقة وي الموضوع وتكولولي نصا شاسوي وشنو سبب التاجيل

شكرا

[mohammed2009]

اخويه الكابوي العراقي

بالنسبه لرساله التاجيل الي حظرتك نزلتها بالاعلى راح اجاوبك على اسئلتك من وجهه نظري

1_ انه شراح اتسوي :- اتجيب عقد الطلاق من زوجتك الاولى وترسله الى السفاره الامريكيه في الاردن عن طريق الارامكس وهذا حسب مامذكور برساله التاجيل

2_ سبب التاجيل :- انه الملف غير كامل وذلك بسبب هذه الفقره وهي فقره زواجك الاول وحسب ماعتقد انه سيتم ارجع ملفك مره ثانيه الى امريكا للمراجعه الاداريه وهذا ايضا مذكور برساله التاجيل

واتمنالك الخير والموفقيه وان شاء الله الشغله ماطول

شكرا

محـــ2009ــــمد

[الكاوبوي العراقي]

الاخ محمد 2009
هاي مجانا

[الكاوبوي العراقي]

بس اخوية محمد

[mohammed2009]

اخويه الكابوي العراقي

انته اتسوي الي عليك اتجيب صوره من عقد الطلاق حتى لو مامصدق لانه انته بلغتهم بهذا الشي واذا تكدر ايظا ترجمه ايكون افضل وارفقه ويه النسخه العربيه ودزلهمياه وان شاء الله خير

شكرا

محــ2009ـــمد

[komar]

اخويه العزيز الكاوبوي  قلبي والله  وياك ادري   شنو الي انته  بيه هسه وماكلك ليش هيج كلت  وغلطت لان واحدنه من يصير بنص السوال  ميكدر يكذب لان مندبرهه وصار الي صار  ماكو ياس ان شاء الله من رحمه رب العالمين انته استعجل باوراقك ودزهه ويصير خير ان شاء الله ماعدنه غير   الدعاء الك وصدكني حته لو مغير السفاره اشو بغداد نفس الشي لتضل تلوم بنفسك لان اخوك هم مر بنفس الحاله واتعس بالاي او ام من وره غلطه تافهه الله يفتحلك كل دروب الخير  يااخويه.

[jayjay]

السلام عليكم اخواني في ركن الاس اي في.
طبعا الله يساعدك اخوي الكاوبوي او اني اعرف الموضوع شوية صعب بس انشاء الله, الله يسهل وتصير  شوية صبر, ولو كلنا نعرف انه هيج مؤسسات ما تتعامل الا بألشي الرسمي والحكومي بس كان من المفروض انه انت ما متزوج رسمي سابقا, يعني ما كان من المفروض ان تكول هذا الشي, بس انشاء الله خير.
ثانيا الاخ محمد اني اعتقد في الصفحة السابعة او الثامنة او التاسعة نزلت الايميل اللي دزولياه الان في سي يعني بي كل المستمسكات اللي طلبوها مني بس اني ترة مقدم من بغداد ما اعرف اذا تحب تراجعة بقت يمك انشاء الله يفيدك.
او مبروك على الموضوع اخي بغداد دخولة الصفحة العاشرة.
شكرا اخواني.

[Iron_man]

اخي الكابوي العراقي ...

شلونك ؟ اول شي احب اكول اللي صار بعد صار شتريد اتسوي ولو عتبي عليك بأنه شلون كاتب بالاستمارة شكل وحجيت شكل اخر ... لو تكتب متزوج مرتين ومطلك ، لو اصلا مجيب طاري الموضوع ...

المهم ، هسة ما عندك غير شي الا وان تهم نفسك على عقد الطلاق لأن بعد عرفوا وبقى مثبت يمهم وخاصة السفارة الاردنية كلش ممتساهلين بهاي المواضيع ...

وترى يا اخوان نصيحة لوجه الله بالمقابلة لا تجاوبون اطول من السؤال .... بس على كــد السؤال صدكوني هوة هذا اللي احنة نقع بيه .... تصوروا اني ليش هم حدث تأجيل عندي بالمقابلة ؟؟ هم من ورة سبب بسيط وسخيف ...

اسأل الله العلي القدير ان يوفق اخونه الكاوبوي وبقية الاخوة في هذا الركن الرائع ...

اخوكم
Iron_man

[mohammed2009]

تسلم اخويه جاي جاي

لكيت موضوعك ورساله NVC في الصفحه ال 7 وشكرا لجهودك

محـــ2009ــــمد

[BaghdadGhost]

اخي ابو جاسم ,,,,هاي الراسله الي استلمتهه من ال NVC اول رساله و الي يطلبون بيهه الامور ,,,,,

Dear Sir/Madam:
The National Visa Center has received your approved Special Immigrant petition from US Citizenship and Immigration Services (CIS).  Please read this email carefully and follow the instructions below. 
The Defense Authorization Act for Fiscal Year 2008, Public Law 110-181, was signed into law on January 28, 2008. Section 1244 of this legislation, entitled “Special Immigrant Status for Certain Iraqis”, as amended by section 1 of Public Law 110-242  enacted on June 3, 2008, authorizes 5,000 special immigrant visas annually for Iraqi employees and contractors for fiscal years 2008 through 2012. This provision creates a new category of special immigrant visa (SIV) for Iraqi nationals who have provided faithful and valuable service to the U.S. Government (USG), while employed by or on behalf of the U.S. government in Iraq, for not less than one year after March 20, 2003, and who have experienced or are experiencing an ongoing serious threat as a consequence of that employment.  Under this particular program, there are no filing or biometric fees associated with filing the petition or obtaining the visa.
We will work with you to ensure that you have completed the forms and gathered the documents necessary for eventual scheduling of your case. 
 
Processing Instructions
This e-mail contains instructions for processing the Special Immigrant visa case.
Each traveling applicant must now complete Applicant Document Processing. Please go to the Department of State website at the following address: http://Travel.state.gov/visa/immigrants/info/info_3190.html and follow the instructions. 
 
As part of the Applicant Document Process, each traveling applicant will be required to complete and submit a scanned copy of a DS-230 Parts 1 and 2, Application for Immigrant Visa, to the National Visa Center (NVC) at the following e-mail address:  NVCSIV@state.gov.
In order to download the DS-230, you will need to have Adobe Reader on your computer.  If you do not have Adobe Reader on your computer, please visit:  http://www.adobe.com/.  There is no charge to download Adobe Reader.
Please note that the website instructs applicants to send their original documents to NVC.  Applicants who are applying for a Special Immigrant Visa under the SQ category (Special Immigrant Iraq National who was employed by or on behalf of the United States Government) DO NOT need to send their original documents to NVC.
Applicants will need to send scanned copies of the following documents:
•       Their U.S. military I.D. and or their U.S. government I.D.
•       Their civil documents (birth certificates, marriage certificates, please also include the Iraqi national and personal identification cards (Bitaqa Shakhsiya / Hawiyya and Bitaqa Jinsiyya).
•       Documents for any accompanying family members (i.e. spouse and/or children under the age of 21).
•       Police certificates
•       Biographical data page of their passport
These scanned documents should be sent to the NVC via e-mail to NVCSIV@state.gov.
Please provide our office with translations of all documents not in English.  Your translation must include a statement signed by the translator that states the following:
o   Translation is accurate, and
o   Translator is competent to translate.
The applicant must submit a police certificate from any country where they or accompanying family members have lived for six months or more.  Please check the reciprocity table at the following Department of State website to see if a police certificate is available: http://travel.state.gov/visa/frvi/reciprocity/reciprocity_3272. Police certificate are only required from those countries that indicate that they are available.   
In addition, all applicants should submit a recent photograph of themselves to the National Visa Center via email, at NVCSIV@state.gov. Please visit http://travel.state.gov/visa/immigrants/info/info_3740 for further information on the photo requirements.
We strongly encourage Iraqi-national applicants to obtain a G series passport.  For more information on Iraqi passports, please visit the following website: http://travel.state.gov/visa/immigrants/info/info_4172.html
In order for you to attend your interview at the U.S. Embassy in Baghdad, you must arrange access for you and your family members to enter into the International Zone prior to your scheduled interview.  You should allow plenty of time to get through check points, and you and your family members should NOT bring any large bags, cell phones or weapons into the U.S. Embassy.
At the time of the interview, the applicant must provide the originals of all documents that were scanned by e-mail to the NVC.  These documents demonstrate proof of relationship between the applicant and any traveling family members and should include their original birth certificate, marriage certificate, birth certificates for their children, Iraqi national and personal identification cards for each family member (Bitaqa Shakhsiya / Hawiyya and Bitaqa Jinsiyya), family book, etc.   Please note that there is no need to renew these identification cards for this visa process.
If the applicant chooses not to participate in the Resettlement Benefits program, as explained below, the applicant will be responsible for all necessary travel arrangements and expenses to reach the embassy or consulate where the interview will take place.
If you have any questions regarding SQ petitions in general, please visit:  http://travel.state.gov/visa/immigrants/info/info_4172.html 
We have emailed this Instruction Letter to all the contacts provided for this case. Please notify us as soon as possible regarding who will serve as the main point of contact for this case.
Questions
If you have specific questions about the applicant’s case, please contact NVC.
             E-mail                 E-mail us at NVCSIV@state.gov.
                                       In order to ensure a prompt response:
•       The subject line of the e-mail should be the relevant NVC Case number.
•       Provide the applicant's name and date of birth (as written in the applicant’s passport).
       
            Phone Assistance
Customer Service Representatives are available to respond to inquiries Monday through Friday from 7:30 AM to 9:00 PM (EST) (603 334-0828).
Note: This service requires the use of a touch-tone telephone.
             Mailing            National Visa Center
       Address           Attn: SIV Unit
                                32 Rochester Ave.
                                Portsmouth, NH 03801-2909
When contacting the National Visa Center about the applicant’s case, always include the following information:
     Name of Visa Applicant:              XXXXXX
     Case Number:                 BGH2008815XXX
     Embassy/Consulate:          Baghdad, Iraq
     Foreign State Chargeability:        Iraq
If a period of one year passes without contacting the NVC (by e-mail, telephone, or mail), all submitted documents will expire.  Upon expiration, the documents would need to be resubmitted in order to continue the immigration process.
The applicant should NOT make any travel arrangements, sell property, or give up employment until the U.S. Embassy or Consulate General has issued a visa.
Possible Resettlement Assistance for Special Immigrant Visa Recipients
The National Visa Center (NVC) has been given guidelines for resettlement benefits for Special Immigrant) (SQ) visa applicants.  If you are interested in receiving assistance in the U.S. and your visa is granted, please read the attached document and follow the instructions that explain how to apply for these benefits.
Information pertaining to this program and the forms you need to fill out can be found on the following website:  http://travel.state.gov/visa/immigrants/info/info_4172.html.  By clicking on resettlement benefits information link, you will be sent directly to the instructions and to the forms you will need to fill out.
You may also wish to visit http://www.wrapsnet.org/RPCWRAPS/FAQs/tabid/75/language/en-US/Default.aspx for frequently asked questions.

<<Resettlement Benefits Election Form to Iraqi SIVs on letterhead_2008_10_15 (2).pdf>> <<DS0234-Biodata form.pdf>>
Regards,
AES
National Visa Center
SIV Unit
SI International, Support Contractor
NVCSIV@state.gov
603-334-0828
This email is Sensitive but Unclassified based on the definitions provided in 12 FAM 540.
Any information in this transmission pertaining to the issuance or refusal of visas or permits to enter the United States shall be considered confidential under Section 222(j) of the Immigration and Nationality Act (INA) [8 US C. Section 1202]. Access to and use of such information must be solely for the formulation, amendment, administration, or enforcement of the immigration, nationality, and other laws of the United States under INA 222(j) and as specified in FAM guidance. If you have received such information in error, do not review, retransmit, disclose, disseminate, use, or take any action in reliance upon this information, and contact the sender as soon as possible.

[/b]

[mohammed2009]

تسلم اخويه شبح بغداد ماقـــــــــــــــــــصرت ممنون .....


محـــــ2009ـــــمد

[BaghdadGhost]

اخي الكابوي ,,,,,

صدكني عيوني راحت بس ردت اقرا الي مكتوب ,,,, كلش مغوش بس بالنسبة للنقطتين الي ذاكريهن ,,,, اول شي يريدوك تدزلهم عن طريق الارامكس ورقة الطلاق من ,,, ذاكرين يمكن اسم زوجتك السابقة ,,,,,,

و الثانيه هي بان الكيس مالتك راح تمر على تجييكات اداريه اضافيه و همه راح يبلغوك من تصدر الفيزا مالتك ,, و كايليلك اي سوال تريد تساله دز على ايميل السفارة الي بعمان و الي كاتبيلكيا ....

[mohammed2009]

تحياتي اخواني الاعزاء

ولول اليوم ثقلت عليكم بالطلبات بس ياريت الي عنده الفورمه مال Refugee benefits
ايزلها هنانه بالموضوع واتكون بصبغه PDF لتعم الفائده للجميع

شكرا مقدما

محـــ2009ـــمد

[الكاوبوي العراقي]

الف شكر وتحية اجلال واكبار واحترام لاعضاء المنتدى الرائعين والله يحفظ الشباب على هاي القلوب النظيفة
والله اني من اقرا ردودكم انسى القهر لان انتوا ابناء هذا البلد الطيب العراق العظيم

واذا اني ربنا سبحانه وتعالى ما قسملي اروح لامريكا لحكمته وقدره فاساله سبحانه ان يسهل امركم ويعجل سفركم لاميركا في القريب العاجل لتخلصوا من القهر والظلم وتستقرون بامان وسلام

وما اقول غير خسران اي بلد يفرط في هيك شباب ويهجرهم لغير بلاد
نعم العراق خسر ابنائه الطيبين وصفى لوحوش الظلام

والحمد لله الذي لايحمد على مكروه سواه

اخوكم ابو محمد

[BaghdadGhost]

اخي ابو جاسم ....

و هاي المعلومه لكل الاخوه المقدمين بالجديد و الاخوة الخاتلين بس يقرون (الزوار)

نصيحتي ان اي فورمه تريد تمليهه تنزلهه من الموقع مباشرتا لان هاي الفورمات دائمه التحديث و حته لتشتبه انته على مال شبح بغداد نزلهه هنا (هاي بالمقابلة تكلهم) هههههه ,,,,,, حبي صدكني مو تعاجز مني بس والله لمصلحتك انتته اولا و اخرا ,,,,,,,,

بالمناسبة الايميل مالتي هذا عتيك ,,,, لان هسه ال NVC جاي يطلبون همين تدزلهم ال ds-157 ,,, ويه بقية الامور المذكورة ,,,,,

[Banah09]

الاخ المحترم محمد
طلبت ان تعرف ماذا يفعل مقدم الـ SIV اذا كان خارج العراق عندما تطلب منه الطلبات المستحيلة وهو خارج العراق، راح اسولف الك وللكل للفائده العامه وكرد جميل صغير لهذا المنتدى الذي فسر لي واوضح لي الكثير من الغموض وكيفية التعامل معها.
طبعا انا خارج العراق من نص عام 2007 قدمت اوراقي وحصلت على الموافقات بس والله ما اذكر التواريخ وماعندي وقت ادور واسجل التواريخ فأعذروني اخوتي، وصلت لمرحلة الـ NVC بعثت كل الطلبات الذاكريهه جناسي لي ولزوجي وشهادة جنسية لي ولزوجي وجواز G لي ولزوجي وكل ورقه كانوا يرديوهه عدا صورة قيد 57 ودفتر الخدمة العسكرية وشغلة اخرى بعدين اسولف الك عنها بالترتيب يعني ثلاث اشياء لم يكونوا قد طلبوها في المرحلة الاولى، بعد ذلك استلمت منهم ما يدعى جيك لست الاول وهنا كانت الطامة الكبرى.
نسيت اخبرك اني كنت حامل بهذه الفتره وواصلة لشهر التاسع وموافقة السفاره كان بيهه بس اسمي واسم زوجي لهذا راسلت الـNVC وبلغتهم اني حامل وبعد شهر اولد شسوي بلغوني ان انتظر الى ان ما اولد واحصل جنسية وجواز G لأبني يلله اتابع الشغلة وهاي هي الشغلة الثالثة التي قلت الك راح اسولف عنها الك بعدين جنسية وجواز G للطفل واني خارج العراق ولا يمكن ومستحيل تماما العدوده للعراق الا اذا اشيل كفني ابيدي. (فأنت التخيل اشصار بيه)

المهم ولدت وراسلتهم يابه انتوا طلبتوا صورة قيد وهاي ماتطلع الا من بغداد وطلبتوا جنسية وجواز للطفل وهاي هم مستحيل لأن اهنا السفاره العراقية في الامارات وقفت اصدار جواز G وحاولت وياهم بكل الطرق بس ابد ماكو  اكدو لي انهم لا يستطيعون اصدار جواز جي طبعا قبل ما استخرج جنسية.
اشسويت اهنا كمت اكتب الهم واتوسل دخيلكم وبختكم مستحيل اجيب صورة قيد 57 من العراق ومستحيل اجيب جنسية وجواز للطفل بس ماكو فائده يوميه جيك لست ايطالبوني بيهاي الشغلات بعدين ما عفتهم هم ظليت افهم بيهم اني مستحيل ارجع للعراق وماكو احد يستخرجهه الا اذا كان بالعراق لو تردون مزوره المهم اشو دزوا لي طلب اعفاء جواز لأبني استماره خاصة اسمهه طلب اعفاء جواز وبلغوني اوراقي اكتملت بس يوم المقابلة انتي مطالبة بصورة القيد والا اتحصلين رفض او تأجيل ، سويت وكالة لاحد الاصدقاء واستحرج لي صورة قيد من غير نا اكون بالعراق بس والله كله اخطاء ولا شيء صحيح بيه وجنسية لبني وكذلك كلها اخطاء ومن غير جواز سفر بس معتمده على طلب الاعفاء وحدد لي يوم للقابلة يوم 2/7 واني ما املك صورة قيد صحيحة ولا جواز للطفل ولا جنسية مثل الناس لانها كلها اخطاء بس سويت عدم محكومية لي ولزوجي من الامارات من الشرطه العامة بالامارات وباقي اوراقي جاهزه والله اعلم شنو راح ايصير بالمقابلة.
قصدي من هذا همه اذا اتلح وياهم بانك ما تقدر اتحصل افلان ورقه قد يساعدوك بس مو دائما بس ممكن استخراج هاي الاوراق وانت بره اذا عندك واسطات اكيد سامع ابهاي الكلمة واسطااااااااااات


ام ياسر
 







 

[mohammed2009]

شكرا اختي ام ياسر

وعاشت ايدج على هاي المعلومات الي كلش فادتني والحمدلله بس ردت اسئلج اذا اكدر اجيب كتاب من دائره الجنسيه الي اني تابع الها هل يعتبر هذا صوره قيد؟؟ لو لازم ايمر على دائره الجنسيه السنك الي بشارع الرشيد واكمال الاجراءات من هناك ؟؟

شـــــــــكرا

محــــ2009ــــمد

[mohammed2009]

تحياتي اخويه الغالي شبوحي

اني طبعا دورت بالمنتدى وكالعاده لكيت موقع لجميع الفورمات التابعه لبرنامج ال SIV وبمجرد كتابه نوع الفورمه بالبحث (Search) سوف تظهر كل النتائج التي تبحث عنها وهذا الرابط

http://www.state.gov

شكرا

محــــ2009ــــــمد

[vincenzo]

السلام عليكم
طبعا اني كلش خجلان من كل واحد منكم على الغيبه المابيهه داعي
واحب ابارك للي تطورت شغلته واسلم عالاعضاء الجدد والعتك شلع
واحد من اسباب غيابي هو انه الموضوع صار ميتلحك عليه ووكت ماكو وكل يومين تلاثة من افوت للمنتدى اباوع اشوف صفحة لو صفحتين خلصانه واكول اهوووووووووووووو هاية شيقراهن هههههههههههه الصراحه حلوة

واكو سبب ثاني يمكن راح يصدمكم صدمة مو طبيعية هههههههههههه وخصوصا العتيجين اللي يعرفوني من زمان
اخوان
اني اشعر بالغربة والنقص من اكتب بهالموضوع واشوف تطورات العالم وشديصير وياكم ويمكن جان اكو دافع اخلاقي اليه انه اكتب هنا لان يمكن اني صاحب اول رد بالموضوع من كتبه اخونه علاوي بروفيسور ال اس اي في
ليش؟؟؟
لان اني اصلا ما مقدم عال اس اي فيهههههههههههههههههههههههههههههه
مفاجاة مو بلله

راح تكولولي ليش؟؟
وهاي الاسباب:
1-   اني اصلا احب العراق العظيم وميعجبني اسافر ههههههههههههه
2-    ما اتحمل اقدم واسافر اذا ما اطمان عليكم واحد واحد هههههههههه
3-   السبب الحقيقي اني كاتبه بموضوع يمكن قبل اربع او خمس اشهر وماكو داعي اعيده لان مراح يفيد احد

المهم هستوني قدمت وصارلي 47 ساعة من قدمت (حييييييييييييييل) ولهسه ما حصلت الكوم ابروفال....تخيلوا؟!؟!؟ هههههههههههههههههه

طبعا اني بقمة السعادة وخال هذا الاوتوريبلاي كبالي ودا اتمتع بالبحلقة بيه وما مصدك....معقولة اني صرت مثل العالم؟؟؟؟
اتمنى ان تطول شغلتي فد تلث اربع سنوات يلله تكمل لان الاستعجال مو حلو (حسب المثل الشعبي الصيني اللي يكول...لا تسرع يا بابا فنحن بانتضارك)
وبهالمناسبة السعيدة عالك اغنية اربعه وعشرين ساعة واني متاكد كل الكبار بالعمر بيكم يتذكروهه وجانت تطلع قبل الجريدة التلفزيونية بالسبعة العصر عالقناة الاولى وتكول:
يا عشكنه             فرحة الطير اليرد لعشوشة عصاري
يا عشكنه             ويا عناكيد العنب ونحوشهه عصاري
كاعنه فضة وذهب واحنه شذرهه
ويا حلاة العمر لو ضاع بعمرهه
يا عشكنه يا عشكنه يا عشكنه
...............................
ايدي بيدك عالمساحي الدنيا تموز وشمس
وليلي اضوا من صباحي والوكت زفة عرس
الخ

وجان يغنيهه فؤاد سالم ووحده وياه يمكن انصكت بذاك الوكت ما اتذكر بس شكد راقية

المهم قبل ما اقدم وحسب الخبرة المتراكمة اللي تجمعت عندي من هالمنتدى والناس الطيبين اللي بيه جمعت كل الاشياء اللي ممكن احتاجهه وخزنت سكاند كوبيز منهه كلهه حتى اي شي يطلبونه مني راسا "كلكين" ادزهه وعندي ملاحظات يمكن تفيد اللي يريد يقدم:

1-   من رحت اترجم صحيفة ال 57 يم نقيب عمار بالسنك (اللي مسوينهه يعرفونه) لكيت عالحايط مكتوب اللي ميكدر يجي يراجع (كان يكون بغير دوله) ممكن يسوي كفالة خاصة من كاتب عدل او سفارة يمشي بيهه اي احد ثاني ويدزهه اله بايميل والشخص اللي يراجعله يطبعهه ملون هي والجنسية والجواز....الخ
والكفاله:
بسم الله الرحمن الرحيم
اني (…………..) قد وكلت السيد (…………) لمراجعة مديرية شؤون الاحوال المدنية/قسم السجلات لغرض اصدار صورة قيد مترجمة لي (ولعائلتي) وتصديقها من وزارة الداخلية ووزارة الخارجية/الدائرة القنصلية.

2-   اللي جوازه بيه خطا بالاسم او تاريخ الولاده او شئ من هذا القبيل يكدر يسوي مثل (1-) او اذا يكدر يجي لبغداد لدائرة الجوازات العامة بساحة الاندلس ويتلفون جوازه ويطلعوله جواز جديد بكم يوم (يعني ينطونه موعد واني سوولياهه بخمس ايام) يعني اللي ميكدر يرجع لبغداد ويدري السفارة تطولهه وتعرضهه فيكدر يسوي كفالة لواحد ويدزله مستمسكاته بايميل وهو يطبعهه ملونه … بالمناسبة همه راح يعتبرون الجواز بدل تالف رغم كونه مو تالف لان همه غلطانين بس حسبي الله ونعم الوكيل لان هم راح تسوي صك ابو ال25 الف لجواز ال G واذا ممسوي صك راح تلكه العرضحالجية بالباب يبيعون صكوك بدون اسم ب 35 الف وبكيف الواحد اذا يريد يتقفص عليه.

تقديمي راح احاول اخليه يكون نموذجي الى ابعد الحدود لان يمكن اخوية شبح بغداد راح يسويه بحث مال دكتوراه اله وراح ابقى اضيفله اي تطورات او نصائح اتوصللهه.
طبعا اشكر هذا المنتدى اداريين واعضاء وخصوصا شبوح وجماعة ال اس اي في شلع وكم صديق امريكي بالصفحة الثانية من الكوكب.
واخيرا تكدرون انتو هم تلقون نضرة عالاوتوريبلاي اللي اجاني وتتونسون وياية لان نزلته هنانه بس ديرو بالكم الدحجة بعشر دولارات ههههههههههه

[mohammed2009]

تحياتي اخويه الورد vincenzo

وعاش من شافك ان شاء الله اتكون ابخير وسلامه .....
طبعا تدري هاي اول مره ادري انه هسه يله قدمت على SIV مع العلم انته باول مشاركه الك بهذا الموضوع كلت راح اقدم بعد اسبوع بس الظاهر صارت عندك ظروف منعتك من التقديم وكذلك انته عندك هوايه مشاركات بالموضوع ونصائح الى الاعضاء الموجودين ضمن هذا الموضوع يعني معقوله مثل ميكول المثل نجار وبابه مشلوع هههههههه

تحياتي الك واتمنالك ان تمشي معاملتك بسرعه ومتتعطل ....... ولاتكطع خلينا نسمع اخبارك

محـــ2009ــــمد

[komar]

اخويه العزيز محمد طبعا صوره القيد من اهم الامور الي لازم تطلعهه مثل مكالت الاخت ام ياسر اذا  انته بالاردن فروح للسفاره العراقيه اكو مكتب تاخذ استماره منهم همه بصف السفاره وتختمهه بالسفاره  ها ي اذا  ردت تسوي وكاله لاحد حته هوه يمشيلك بيهه  الشغله مال الوكاله بنفس اليوم  ودزهه وخلي احد اهناك يمشيلك بيهه  ويفضل اذا اخوك او اقاربك  او اي صديق واي استفسار اني حاضر لان اني هم اهنا بعمان   ولتتهاون ومتطلعهه لصوره القيد وبالتوفيق ان شاء الله.

[Iron_man]

هلو اخويه vincenzo

هاي شنو انت ......... مو طبيعي .....هههههههههه

ادري لعد خابصنه بالبداية واني واني ... هههههه ... يله نكول الحمد لله ... طبعا هو القرار الاول والاخير يرجع الك ...

أسأل الله ان يسهل امرك وبقية الاخوة ...

اخوك
Iron_man

[mohammed2009]

تحياتي الك اخ كومار

وشكرا على هاي المعلومه وان شاء الله مثل ماتفضلتوا راح اسوي وكاله لشخص ابغداد وهو ايقوم باصدار صور القيد 57 ان شاء الله

وعندي سؤال ثاني بما انه انته والكابوي ابو محمد بعمان من اروح اصدر كتاب عدم محكوميه من المخابرات مال العبدلي وراها من اروح اصدق الكتاب من دائره الاقامه الي يم دوار الواحه اذا كنت مجاوز لازم ادفع قيمه التجاوز يله ايختمون على الكتاب بانه "ليس له قيد" لو بدون دفع الغرمات ؟؟

شكرا

محـــ2009ــــمد

[komar]

عيني ابو جاسم  من تروح للاقامه والحدود بس طلع ورقه اليو ان ومراح تدفع اي غرامه اني متجاوز جنت هوايه بس هذا الي صار ويايه طبعا بالمخابرات هم راح  يتاكدون منهه ولازم تكون صالحه وممنتهيه  يبقه همه بخير وسلامه يوم الي تسافر رح لو تدفع الغرامات لو يدكولك منع عود 5 سنوات  وتدلل واي سوال اني بالخدمه .

[Banah09]

الاخ محمد
اسفه على تاخر الرد بس النت ما ساعدني وجوابي على سؤالك انه صورة القيد 57 تطلع من دائرة الجنسية التي انت تابع لها وتتضمن معلوماتك انت وعائلتك (اهلك) اذا كنت اعزب ومعلوماتك انت وزوجتك واولادك اذا كنت متزوج، واني ما وديته لدائرة الجنسية بالسنك راسا جبته يمي ومن يمي دا اترجمهه حسب ما نصحوني الكثير من الاخوه بالمنتدى ومنهم الاخت ساسي والشهم شبح بغداد لانه فهمنه انه ماكو داعي ابد للدوخه بس ترجموهه يم مترجم معترف بيه وقانوني واي سؤال حاضرين.

ام ياسر

[mohammed2009]

تسلم اخويه كومار

على معلومتك بخصوص الغرامات لكن اكو احتمال انه ادفعها قبل لااسافر قصدي انته ماسالت جماعه الاقامه والحدود انه اذا سافرت راح تترتب عليك هذه الغرامات حتى لو كنت مسجل باليو ان و اذا امتنعنت عن الدفع راح ايختمون على الجواز منع 5 سنوات قصدي اكو كلام مؤكد بخصوص هذا الموضوع شكرا

اختي العزيزه ام ياسر

كلش اشكرك وخلصتيني على كلوتج من دوخه الدوائر مابين دائره الجنسيه بالسنك وراها دائره التصديقات بزيونه وهوايه شغلات يعني كتاب واحد من دائره الجنسيه الي اني بيها يكفي ان شاء الله بالغرض وجماعه ال NVC اعترفوا بي وكالولج اخذي وياج للمقابله ؟

شكرا

محــ2009ـــمد

[Banah09]

مرحبا
هذه صورة قيد 57 ايكون هذا شكلهه وماكو داعي للترجمه من السنك ترجموهه عند اي مترجم مرخص وقانوني معترف به.

[mohammed2009]

شـــــــــكرا اختي ام ياسر وان شاء الله راح اكتفي فقط بشغله الكتاب الصادر من دائره الجنسيه ومن استلمه اترجمه يمي افضل

محـــ2009ـــــمد

[سبع صنايع]

الاخ الكابوي العراقي

الف الحمد الله والشكر على كل حال وانت باسوأ الاحوال رح تتاخر شهرين عن حياتك الجديدة يعني متتذكرهه بعد عشر سنين من تسولف لاطفالك الامريكان شلون اجيت لأمريكا

اني ردت اسوي كوبي بيست لردي او نصيحتي بتحويل المقابلة الى بغداد بس كلت يكفيه الي بيه هسة لأن انتة لو مقابل ابغداد وكايل نفس الحجي هم كان حصلت نفس النتيجة

مرات اكو امور تافهة بس الامريكان يدققون بيهه لذلك اني متكلمت عن زواجي الاول واللي كان بيه عقد محكمة لأن ادري راح يسوهة بلوة علية وهنة كلهن 5 ايام من الزواج للطلاق

السؤال هسة انت راح ترجع لبغداد لو تكدر تبقى بعمان لو شلون

[john85]

اخي العزيز الكاوبوي العراقي....تحية طيبة

اخي و الله ما اعرف شاحجي بس اسال الله ان يصبرك و ان شاء الله تستلم الفيزا باقرب و قت بس استعجل باستحصال عقد الطلاق

و عسى ان تكرهوا شئ و هو خير لكم

اخوك ابو داليا

[IT FOR EVER]

السلام عليكم
الله يساعدك اخويه الكاوبوي وربي ان شاء الله تفرج عليك بس كول يالله .

[BaghdadGhost]

اخي اي تي ,,,,,

ان شاء الله بالتوفيق يوم المقابلة و اهم شي لتخاف و اعرف بان انته رايح تاخذ حقك مو رايح تطلب شي عائد لغيرك ,,,,,,,

[vincenzo]

صديقي الزلمه الحديدي
مو حيدور صدمني فد صدمه مو طبيعية
اني هم ضليت ادورلي مره كل هاي الفترة قبل ما اقدم
وحتى بالشورجة وبمريدي هم دورت
بعدين اجتني معلومات انه هناك اكو موديلات احدث وارخص
وحتى اكو بالاقصاط

كاوبوي صديقي
انته شكو مستعجل
في التاني السلامة
وعلى كولة سبع
كلهه تصير سوالف

اختنا ام ياسر
بارك الله بيج على تنزيل صورة القيد
وهاي بصراحة فاتتني
بس اني كتبت بردي السابق مال فرحة الاوتوريبلاي (مو فرحة الزهرة) منطوك الوكالة الخاصة
ويكدر الوكيل يوديهه للسنك يترجمهه
ولو على كولة اخونا بالسفارة Allawi انه همه يتساهلون بهاية الامور
بس واحد يسد اي باب ممكن همه يلكولهم حجة بيه
وهم ما جاوبتيني على شلون حصلتوا صحيفة الولادة وعدم المحكومية من بغداد

[Banah09]

اخي vincenzo
السلام عليكم
هم رجعت وسألتني على شهادة الولاده وعدم المحكومية واني كتبت للأخ محمد انه اني  سويت عدم محكومية منا من الامارات وشهادة الولاده للطفل عندي طبعا ومصدقة منا من السفاره واما لي ولزوجي اكتفينه بالجنسية وشهادة الجنسية...
فدوه بس ركز من تقره ولا ترجع تسألني

ام ياسر

[IT FOR EVER]

شكرا اخي BaghdadGhost

[mickillson]

السلام عليكم اخوان ....اسمي  مايكي .عضو جديد..قدمت على برنامج ال اس اي في وكلشي مشه تمام

قابلت بوم 27 ابريل 2009 وكالولي تعال 3 ايام استلم الجوازات والفيز ..اتفاجات من رجعت للبيت كالولي
your case need some administrative processing

   وصارلي شهرين لاحس ولاخبر ...

متزوج لدي 2 اطفال ...خدمت 3 شهور عسكري وكنت موظف في التصنيع العسكري


شنو رايكم بالموضوع لان اخوكم ضاااااااج من الانتظار

[الكاوبوي العراقي]

اخ مايكي
اهلا بك بالمنتدى

[BaghdadGhost]

اخي مايكي ,,,,,,

اهلا و سهلا بيك ,,,,,, بس سالفتك جديدة الصراحه و مصاير يمنه هيج حاله ,,,,,, عندي سوال بالاضلفه للي تفضل بي اخوية الكابوي ,,,,,,, الايميل من وصلك ,,, هل انت متاكد بان هذا الايميل الك ,, يعني بي اسمك او الكيس نمبر مالتك ,,,, لو مبين عالايميل من هذني الكليشة ؟

يجوز الايميل مو الك ,,,, زين انته شنو الي سويته من وصلك الايميل ,,,, سويتله ربلي و كتلهم يابه شنو السالفة ,,, لو راسا اقتنعت بالكلام مالتهم؟

[mickillson]

اخي مايكي ,,,,,,

اهلا و سهلا بيك ,,,,,, بس سالفتك جديدة الصراحه و مصاير يمنه هيج حاله ,,,,,, عندي سوال بالاضلفه للي تفضل بي اخوية الكابوي ,,,,,,, الايميل من وصلك ,,, هل انت متاكد بان هذا الايميل الك ,, يعني بي اسمك او الكيس نمبر مالتك ,,,, لو مبين عالايميل من هذني الكليشة ؟

يجوز الايميل مو الك ,,,, زين انته شنو الي سويته من وصلك الايميل ,,,, سويتله ربلي و كتلهم يابه شنو السالفة ,,, لو راسا اقتنعت بالكلام مالتهم؟

صديقي العزيز شكرا على الرد ...اني قابلت ابغداد يوم 27 ابريل والقنصل كلي يوم الخميس تعال واستلم وكلي دز ايميل الجماعه الدخول علمود ايدخلوك اني دزيتلهم اشو هذوله راسا كالولي انتظر احنه اندز عليك ...مع ذلك اني كلت خل اروح رحت الخميس بس ملكبت اسمي وجان اكو واحد يمكن اردني ..بس مبين عله حيل ايجب العراقيين !!!!!!...كالي يايه مو كنالك انتظر اني هم درت وجهي ورجعت.... قبل اسبوعين دزيت ايميل كالولي
 your case need some administrative processing وهاي تاخذ من شهر الى الى 3 اشهر حسب الايميل مالهم  بس الغريب ماعرف شنو القصه ...شكرا اصدقائي وتعبتكم ويايع وتسلمون على الردود

[Angel80]

طبعا بعد صبر وانتظار طويلين اجاني موعد المقابلة يوم 23\6 لهنا حلو وكل شي تمام يوم 22 خابرني واحد من السفارة يكول انو عدهم مشاكل بالنظام والموعد تاجل وكال لا تجي يوم 23 واحنا نتصل بيك طبعا اليوم 25 وما كو شي اذ اكو احد يكدر يكولي شنو الفلم اكون ممنون

[سبع صنايع]

عجيب امر السفارة
المفروض يزدادون خبرة بزيادة عدد الفيز الصادرة يوميا بس اخطائهم تفشل
وخصوصا اللي يكولوله تعال اخذ فيزة ويبدي يحلم ويخطط وبعدين يكلوله سوري

اخوية الشبح شلونك
اكلك شنو فلم خلود الحموي دكلي شوكت تسافر يعني اذا انطيهه موعد يكون نهائي وتكلي تتدلل ابو اسد لو شلون يعني اذا كلتلهة بعد اسبوعين لو ثلاثة تكلي مال لو تدزلي ايميل وتكلي منكدر شوفلك غير موعد

تحياتي

[ارقى شاب بالمنطقة]

الاخ شبح بغداد والاخوان الاعزاء في عائلة الاس اي في
اني جدا اسف للانقطاع بسبب عدم وجود النت اليوم يله سحبت انترنت وطبروني ب 100 دولار 50 تامينات بس سلملي اذا رجعت بعد و46 اشتراك شهر
جربت اجطل عالوايرلس بس كلهه محمية يمكن حسو بالنكره

اخوان انا كان بنيتي انزل موضوع بنفسي ولكن بعد ما شفت موضوع اخونه ابو نور مراح انزل حتى افسح المجال لبقية المواضيع
بالنسبة الي انا حاليا في مدينة سان انتونيو ولاية تكساس، المدينة جميلة جدا جدا جدا وخصوصا مركز المدينة يوجد نهر يمر تحت العمارات وعلى ضفافه مطاعم وفنادق ومناظر خلابة
جو المدينة حار نوعا ما مع وجود رطوبة بالجو ولكن بوجود التبريد والكهرباء مشتغلة 25 ساعة باليوم مراح تحس بالحر
التنقل بالباص مهمة ليست سهلة بالاظافة الى ان الباص مايمر بكل المناطق يعني لازم تدكهه مشي بعض الاحيان
اليوم التالي لوصولي قدمت على السوشيل سكيورتي نمبر وكالولي اسبوعين ويطلع ان شاء الله
المنظمة المسؤولة عني واعتقد هي الوحيدة بالمدينة اسمهه Catholic Charities وناس خماطة قفاصة الى ابعد الحدود

اخوان اني متاكد نسيت هواي فرجاءا الي عنده اي سؤال يتفضل

[BaghdadGhost]

حبيبي Angel80 ,,,,,,

والله ما اعرف شكلك بهاي الحاله ,,,, بس مادام خلل بالنظام ,,,, يعني عليك و على غيرك ,,,, حاول ان تعرفلك اي شخص هم ماجلين مقابلته علمود هذا الخلل (اني اشك الخلل بيهم م بالنظام) و ترتب انته ويا حته اي واحد بيكم يستلم شي يبلغ الثاني ,,,,,,,

هاي مني دعوه لاي عضو من الاعضاء او الاخوة الزوار الي قد يمرون بنفس الي يمر بي الاخ انجل ,,, اطلب منكم التنسيق للفائدة و كوم التعاونت ما ذلت ,,,,,,,

[BaghdadGhost]

خويه ابو اسد ,,,,,,,

اني قصدي بان تتصل بيهه قبل متحدد اي شي ,,, و تحدد الموعد مالتك وياعا شفهيا ,, حته هيه راسا تكلك يصير لو لا ,,,, و حته اذا ميصير راسا راح تكلك يا يوم يرهملهه بان انته تسافر ,,,,,,, زين ترة اني كلشي مفتهمت منك ,,, هههههههه  انته خابرتهه لو لا ؟

[ماجلان]

.

[BaghdadGhost]

اخي ارقى شاب بالمنتدى ,,,,,,

الف الف مبروك سلامه الوصول ,,,,, ان شاء الله تحقيق الاماني ,,,,,, عندي منك طلب ,,,,,

مثل متعرف اكثر الي وصلوا هم متزوجين ,, و باعتبارك انته كنت هنا و تقرا ما يكتبوه المتزوجون بعد وصولهم ,,, تكدر تسلطلنا الضوء على الامور الي حسيت بيها اختلاف عن ما قريته لانك سنكل فيز (ممتزوج) ,,,, و شنو الايجابيات و السلبيات بالموضوع ,,,,,

ممنون مقدما و مبروك مرة ثانيه

[BaghdadGhost]

اخي ماجلان ,,,,,,

هاي شنو اني شكد خير عليك ,,,, بس دعيتلك وراها دزولك ايميل ,,,,,,

عمي طعش تالاف مبروك و ان شاء الله مثل مكلت ربي يفتحهه بوجه فري  هارت و الكابوي العراقي ,,,,,,,

بالمناسبة ,,,,, موضوعك الي بديته جدا روعه و اتمنه بان متمسحه لفائده الجميع و لو اني نفس الوقت ادعي بان ان شاء الله محد بعد يطبك عالسرة ,,,,,,

[jayjay]

اخوية شبح بغداد اندعيلي فدوة اروحلك.... صارلي لحد الان 15 يوم بالبحر الضالم اليوم دزيت ايميل للان في سي او ما ادري بعد بلكت الله يدزولي جواب.

[سبع صنايع]

اخوية الشبح هاي شبيك اليوم اجاني ايميل منهه وبعدني كلشي ممسوي

ماجلان العزيز مبروك على الفيزة والله فرحتلك وان شاء الله السفر القريب وراحة البال

[الكاوبوي العراقي]

الف الف مبروك اخوية ماجلان والله تستاهل الف خير والله فرحتلك من كل قلبي.
هاي شنو بقينا بس اني وفري هارت يعني بس جماعة عمان ليهسة ماكو شيئ
ومبروك سلامة الوصول للاخ ارقى شاب بالمنطقة والاخ نور يستاهلون

شباب اني ما اعرف هل كلكم انطوكم ورقة التاجيل حسب قانون G-221
لو بس اني لان اني محددولي مدة المراجعة الادارية
تكدرون تساعدوني وتقرون الرسالة وتعرفون هذا تاجيل او رفض
ما اعرف هل راح ياثر على الكيس

والسلام

[SMWSIV]

سلام عليكم

ياجماعة بس بعمان اكو هيجي تعقيدات مال المراجعه الاداريه لو تطابق البصمات -لان جماعه بغداد يخلصون المقابله خلال 6 دقائق وره اسبوع او اقل الفيزا بالجيب

الموفقية للجميع

[vincenzo]

ايييييييييييييييييييييييييييي
خلصنه منكم كلكم وكم يوم ونخلص من كاوبوي وفري هارت وابقى وحدي اني والاوتوريبلاي مالتي والعب بالموضوع شاطي باطي اني وايوكا والجدد الباقين هع هع هع هع هع

ماجلان لعد شبيك ذبحتنه ومنزل موضوع وخابص نفسك وتدك على راسك
هيه كلهه 18 يوم همه متقصدين حتى تحضر امورلتك مال السفريعني هسه اني مثلا صارلي راح يقبط 90 ساعة من استلمت الاوتوريبلاي اليخبل ولهسه ما مسافر
تصور!!!!

[IT FOR EVER]

مبروك اخ ماجلان وان شاء الله الجميع

[BaghdadGhost]

حبيبي سبع ,,,,,,,

خوما ضوجتك بحجايتي ,,,,,,, يجوز و اني ما ادري ,,,,, هم احسبهه عليه مو اشكال لان اني ما ادري شبيه اليوم ,,,,

[ayoka]

مبروك للاخ ماجلان . والحمد لله على سلامتك اخي ارقى شاب بالمنطقه .
فنجز اني وياك انشاء الله لان سالفه الجوازات لعبت نفسي لجنه النزاهه لاعبين جوله على حضي وفوكاها ورقه ونص على الجواز المهم اني بعدني متاني الجوازات علمود التقديم للان في سي .
الله كريم بلكت تفرج بوجهه الكل .

[HUMMER]

و الله ayoka أني كلت للناس الي دايسولي جواز لأبني أني مستعد أنطي أربعه مو بس ورقه و نص, بس هاي صار اسبوع و كل يوم عذر شكل و حجه شكل و الوقت دا يمشي عليه.

أنت شلون دا اتسوي جوازك؟ شكد صارلك تنتضر؟

أخوك

[Iron_man]

هلو حبيبي ارقى شاب شلونك ؟

مبروك الوصول والاستقرار .. انشاء الله دائما حياة زاهدة وعيش هنيئ ..... والله ضحكتني مال 25 ساعة متطفى الكهرباء ..... هههههههههه .

ردت من عدنا ان نسألك ، شسويت على الشهادة مالتك ؟  لو بعد ؟  وبالنسبة للمنظمة ، شكم شهر راح تكون المساعدات مال اعادة التوطين ...؟

اتمنى لك الموفقية في حياتك ...

Iron_man

[ماجلان]

.

[ماجلان]

.

[vincenzo]

ماجلان انته شفته لو بعدك
يخبل والله

وبما انه اني ما بقالي شي على السفر
وحتى اوتوربلاي هم استلمت
فبدات عندي فد اعراض مال تردد
داكول شكو عندي رايح
هنا احلى هههههههههههه

وباعتبار دائما اي شغله تنضمن وتصير بالجيب يبدي الواحد يبطنش
واني مثل ما تدري بعد ضمنت كلشي
 لان حتى اوتوريبلاي هم حصلت ههههههههه
وماكو هيج مدلله دلال

[mongoose]

مبروك اخوي ماجلان
الله فرجها عليك
اخوي شبح اني يوم 19 دزيت الفيزا
يمتى تتوقع يدزولي الجواب واني ما عندي كفيل
علما اني استلمت الاوتو ربلي

[iraqgsm]

ماجلان مو كنلهة موضوعك كله خير و شبوح ادعيتة بالمكان هاي طلع سادة وتشورون

[mohammed2009]

الف مبــــــــــــــــــــــروك اخويه الورد ماجلان متدري اشكد فرحتلك من كل قلبي على هذا الخبر الحلو وان شاء الله يوم السفر والاستقرار والموافقيه ....


وتحياتي الى كل الاعضاء وتمنايتي الهم تتيسر معاملاتهم ان شاء الله...


شـــــــــكرا

محـــــ2009ــــــمد

[amjid1917]

vincenzo          ههههههههههههههههه طبعا ضحكت من كل قلبي اي يابه حطه على قلبك هذا الاوتو ربلي لأن راح يوغف على قلبك وشوف شلون راح تاخذ الابروفال فد سنة سنتين اني من عرفتك صارلي 3 اشهر وانته استوك يله قدمت على طلب الابروفل لعد لمن تاخذ الفيزة يمته ثم تعال لقيتلك مكان يمي على الصخرة مالتي

ماجلان ورده مبرووووووووووووووك والف مبروك
ايوكا اخويه تره الجماعة بالان في سي يشلعون قلبك لكف طلقة وحضر روحك اوراقك كلها لازم تكون كاملة


ثم هسه اريد اسأل الاخوان عن فد شي شنو يعني الرقم ( 666) بالنسبة للأمريكان واذا واحد طلع فكَر وططوه ورقمه كله ستات وسيدات وانسات شنو رأيكم اكو هيج ططوه اني اعرفلي واحد هو المسكين هم كمل اوراقه الهم ومسح ايده بالحايط وتوكل على الله وطلب منه العوض شايفين هيج ططوه

طلع اطوط مني ههههههههههههه
  تحياتي ورود
بالمناسبة معاملتي طبت بالشهر الرابع وبعدها لاطشة بمستنقع المراجعة الادارية

[john85]

الف الف مبروك اخوية ماجلان.....تستاهل و الله عوض صبرك خير

ان شاء الله يوم السفر القريب ان شاء الله

اخوك ابو داليا

[vincenzo]

امجد صديقي شنو هالغيرة والحسد ؟؟؟
انته عندك مثله؟؟
ثم شفايتلي ابقى عمري كلله عالصخرة مالتك
اصلا اتشرف
اكو احلى منهه
اني اختلف عن كل العالم اللي معاجبهم ينتظرون كم شهر
وبس استلمت الاوتوريبلاي اعتبر نفسي تعوضت عن كل التعب والاذية اللي شفتهه بشغلي والسنين الضيعتهه
ايباه
شوف شكد قنوع

[الكاوبوي العراقي]

عيني فينسيزو
شلونك حبي
انتة يعني تريد تقنعنة انتة هسة يلة مقدم
اذا ماتطلع محضر امورك تريد تسافر اني اكص ايدي
شنو فرحان بالاوتوربلي هية مال دروب
عليك سبع الدخيل مو تريد تسافر

[ارقى شاب بالمنطقة]

شكرا لكل من قدم التهنئة وان شاء الله يوم الالكم

تعالو هنا شوفو الحياة الحلوة ونصيحتي لاي واحد تطلعله فيزا خلي يستعجل بالطلعة لان اليوم الواحد محسوب هنا والمعاملات تاخذ وقت من السوشيل الى الكرين كارد الى اجازة سوق وما الى ذلك

اخ شبح مفهمت قصدك بالنسبة للاعزب من اي ناحية يعني ممكن توضح

اخوان مثل ما تطرقو بقية الاعضاء الي واصلين،،، السيارة بامريكا ايدك ورجلك يعني كلشي متكدر تسوي بدون سيارة، الباصات مالتهم حديثة وحلوة بس المشكلة متمر بكل مكان ولازم واحد يحفظ ارقامهن علمود ليصعد بالباص الغلط

[vincenzo]

ارقى شاب
شوف هذا موضوع اخونا روبن اذا عندك مجال وانته تعرف شبح شيقصد
http://www.ankawa.com/forum/index.php?topic=311577.0

واكو هواي مواضيع عتيكة هم دائما نسال عليهه ومو مال هسه اكعد ادورلكياهه لان جنت انته بوكتهه بعدك ما صاير عضو ويانة بعين كاوا

[suzie83]

فجنزو  ..  سودة عليه  هيجي  فرحان  باتوربلاي  عمت عينه  ههههههههههههههه   لعد لو تحصل  فيزا  شتسوي يمكن  تعلكه  بجرجوبة  بركبتك  مو ؟؟؟  ههههههههه  شبح عيني  ما دامك  هيجي  وادعيتك  توصل   شبيك لعد ويانا  ما تدعيلنا  هم كلها   حظوظ  ههههههه 

ماجلان  مبرووك  ويا رب  تتسهل امورك كلها   ..ترى اني  ما ززومتك على الفيزا   والله   

[vincenzo]

اخوان
صار تطور بقضيتي
شبساع
وفوكاهه اوتوربلاي لاخ
ارجو من اللي عنده وقت ويحب التحشيش والضحك يجيك موضوعي
http://www.ankawa.com/forum/index.php/topic,311955.msg3959672.html#msg3959672

ورايكم مهم لان اني اقل واحد خبرة بكلشي وكلاشي

[SMWSIV]

هلهوله للشعب الصامد
 حددولي موعد المقابله يوم 15 تموز  يعني بالضبط 45 يوم من تقديم الاوراق ل NVC

الموفقيه للجمييييييييع

[mohammed2009]

الف مبرووووووووووووك اخويه SMWSIV  وان شاء الله تستلم الفيزا ابيوم المقابله وبالموفقه

تحياتي

محـــ2009ــــمد

[koka75]

السلام عليكم ورحمةالله وبركاته
انا اريد ان اقدم علبرنامج السي اي في وانا متزوج ولدي اطفال فهل ارسل بيانات زوجتي واطفالي البيانات اقصد بيها  نسخ الجوازات والجنسية وشهادة الجنسية الى السفارة الامريكية في العراق اي الخطوة الاولى او لا بس بياناتي وشكرا مقدما على اجابتكم لي

[mohammed2009]

السلام عليكم

اولا اخي العزيز  koka75  احب ارحب بيك ويانه بهاي الزاويه الجميله لبرنامج SIV

وراح اذكرلك كل الامور المطلوبه منك باول رساله

1_ استماره DS-157 الى طبعا راح تلكاها على هذا الرابط http://www.state.gov/documents/organization/79964.pdf
وهذا هم رابط لاخونه الرائع BaghdadGhost    يشرح بي كيفيه ملئ استماره ال DS-157
http://www.ankawa.com/forum/index.php/topic,243025.0.html

2_ copy of the jensiya
نسخه عن البطاقه الشخصيه (الجنسيه) لك ولجميع افراد العائله وتوضوع في ملف PDF واحد

3_  Employment Verification
وطبعا هاي كتاب من مكتب الموارد البشريه (مكتب شؤون الموظفين) في المكان الي كنت تشتغل بي اذا كنت تشتغل بشركه ولازم ينذكر بي نقاط مهمه وهيه كالاتي:-

أ_ موقع عملك في الشركه او الموقع الوظيفي
ب_ بدايه ونهايه تاريخ العمل مع هذه المنظمه او انك لازلت مستمر بالعمل


4_  Letter of recommendation وهاي من مسؤولك المباشر في العمل ان يكتبلك توصيه يذكر بيها النقاط التاله :-

أ_ ويذكر انه كتب هاي التوصيه الك ويذكر اسمك
ب_ يذكر اسم المنظمه او الشركه الي انته تعمل بيها
ج_ بدايه ونهايه تواريخ العمل التابع لك او انك مازلت مستمر بالعمل
د _ عنوان الوظيفي بالشركه او المنظمه
خ_ يذكر اسمه وايكول انه المسؤول المباشر عنك
و_ الذكر بالتوصيه انه انت كنت او لاتزال حسن السير والسلوك في هذا الشركه
ي_ يذكر كذلك انه انته لاتشكل تهديدا او خطرا على امن الولايات المتحده
ن_ في اخر التوصيه يذكر صاحب التوصيه اسمه,ايمله (لازم ايكون ايمل رسمي تابع لشركه او منظمه وليس ايمل مجاني  مثل الياهو وغيره من الايملات ) , ورقم تلفونه وايوقع
وراح اكتبها بالانكليزي علمود اتكون واضحه لصاحب التوصه الي راح يكتبلكياها :-

Employee Name:
Company Name:
Beginning and end dates of employment:
Position Title:
Confirmation that you are the supervisor of the employee
Confirmation that the employee is currently (or resigned) in good standing
Confirmation that the employee presents no threat to the national security or safety of the United States, to the best of the supervisor’s knowledge
Name, title, email and phone number of the supervisor

5_ brief statement
 فتشي مختصر عن قصتك وعملك وتهديدك وهاي الامور اتكون ابورقه بيضه وكذلك اتسويها PDF


6_ Biographic data
بينات تتعلق بيك شخصيا وهي كالاتي :-
ا_ اسمك
ب_ اسم والدك
ج_ اسم جدك
د_ اسم العائله (العشيره)
هـ _ اسماء اخرى / اسم الشهره
و_ الجنسيه
ي_ رقم جوازك (اذا متوفر)
ن _ تاريخ الميلاد
ع_ محل الولاده
خ_ الجنس
ف_ المنزله الزوجيه
ث_ علاقه بمقدم الطلب

وطبعا هاي هم ابورقه بيضه قصدي فايل دوكيومنت واتحولها PDF   وهاي المعلومات اتسويها لجميع افراد الاسره حتى الاطفال كل واحد اله معلوماته الشخصيه وهم راح اذكرها بالانكليزي علمود تكتبها صح مثل مامذكوره

Name:
Father’s Name:
Grandfather’s Name:
Family Name (Tribe):
All other Names/Alias:
Nationality:
Passport Number: (if available)
Date of Birth:
Place of Birth
Gender:
Marital Status:
Relationship to Principal Applicant:

وكلها اتسويها ملفات PDF  وادزها برساله واحده على هذا الايمل     
IraqSIVApplication@state.gov

وراح يجيك اوتوا ربلاي ايكلك استلمنه الرساله وتمنياتي الك بالموفقه والنجاح

واي شي اني حاظر بالخدمه
اخوك

محـــــ2009ــــــمد

[untitled.man]

اخواني في احلى ركن... الـ SIV

الف مبروك لكل واحد بيكم سافر او قابل او تحددله موعد مقابلة او استلم الفيزا....
وطعش تالاف مبروك للي استلموا اوتوربلاي!!!!!!.... هع هع هع هع

يابه والله مرحلة بعد استلام الفيزا اسوء من الانتظار ببحر الظلمات.... تنتظر وترجع ليوره... وترتب بالجنط وتوزن ومتلحك... وشيل هذا وخلي هذا..... يبوووووووووه دوخه....

حبيت امر واسلم عليكم... وبعدني منتظر الاشورنس فورم.... والله كريم

تحياتي

[BaghdadGhost]

اخي SMWSIV ,,,,,,

الف الف مبروك و تستاهل كل خير  ,,,,, رقم قياسي ,,,,,, ان شاء الله استلام الفيزا

اخي koka75 ,,,,,

اني اسف مو متاكد من الاجابه وله جان جاوبتك ,,,,,, انته ينرادلك واحد متزوج و خويك بطرك روحه ,,,,,, ان شاء الله الاخوة ميقصرون ,,,,,

حبي منكوس ,,,,,,

بعد وكت ,, اصبر ,,, ههههههه ,,,,

حبي ارقى شاب بالمنتدى ,,,,,

اني قصدي بان شنو ايجابيات و سلبيات ان تكون ممتزوج و انته مهاجر في امريكا ,,,,,,,

[الكاوبوي العراقي]

اخوتي الاعزاء

والسلام عليكم ورحمة الله وبركاته

اخوكم الكاوبوي العراقي

[mohammed2009]

تحياتي اخويه الكابوي العراقي

طبعا اولا الله ايساعدك على الوضعيه الي انته بيها واني بصراحه مالومك على تعب الاعصاب الي انته اتمر بي لان هذا كل احنه تنمر بي بصوره عامه حتى الاخوه الاجئين الي مقدمين على UN وصارلهم 3 سنين او اكثر......

الامريكان انته يمكن تعرفهم اكثر مني والكل يعرف انه همه بلد القانون والشغله اشكد ماتكون تافه ومتستاهل هم ايدققون عليها ويطلبون وثائق في سبيل ماتاثر على امنهم مستقبلا لذلك هم جدا معقدون بكل معاملتهم وليس فقد الهجره او الاجوء ...
بخصوص قرار طبعا هذا قرار شخصي تابع الك واني ماكدر اكلك غيره لان انته صاحب القرار النهائي لكن انته مشيت خوش مشيه وماعندك شي يعني فات الكثير ومابقى اله القليل واعلم ياخي تره الشي الي وصلتله غيرك يتمناه يوصله اني من نصيحتي الك كاخ انه انته انسى الموضوع ومارس حياتك الطبيعيه ولاتخلي بالك يمهم وبنفس الوقت لادز الهم رساله ولاشي لان ممكن بهاي الرساله اتحط على نفسك نقطه سوده يمهم انته في غنه عنها في وقت همه احتمال في مراحل اصدار الفيزا الك وهذا الشي يمكن راح ايخرها هوايه من الاخوه الي انطوهم تاجيل شهرين او اكثر لاستلام الفيزا واستلموها بعد 15 يوم مثل اخويه الغالي ماجلان ملخص كلامي الك انه لاتستعجل ولاتخلي العصبيه اتسيطير عليك في مرحله مهمه ممكن اتغير حياتك .....

تحياتي الك واتمنالك حسن اختيار القرار

اخوك

محـــــ2009ـــــمد

[MONSTER]

اخويه العزيز الكابوي!!

طبعا نصدمت من قريت ردك؟؟ ممعقوله مو انت الي تستعجل حبي

صح محد يحس بالوجع اله صاحبه بس تفرج اخويه هسه مو كبالك كلهة جانت متأجله وجتهة الفيزا ؟وهيه شهرين وتجيك ! ليش تستعجل عالضيم

 اذا بقيتهة ماتصور حتأثر عليك عوفهة انساها وارجع للشغل لان كعده البيت تسوي حاله نفسيه  لا اكثر ولا اقل.

انت حقك بكل الي كلته وهذا شي صحيح بس (ايد وحده متصفك) يعني بس حتضر روحك واحتمال حتأثر عله هواي اشياء مو بس الهجره

تره محد نرفض او طول اكثر من شهرين بعد المقابله بالبرنامج الجديد..واليوم جنت بالاي او ام ديقابلون الاهل صاحتني الموضفه دتستفسر عله شكم معلومه كالتلي بصريح العباره (الاس اي في مضمونه وبيهة مميزات)

لاتتسرع هذا قرار غلط راجع نفسك واستهدي بالرحمان

[vincenzo]

اخوية كاوبوي
دز على هالورقة مال السيد من اي واحد ببغداد يسويلكياهه بجم فلس ووديلهمياهه وفضهه وسافر
او دزلهم كلهم ما اكدر ارجع لبغداد حتى اجيبهه وطز بيهم اذا رفضوك الله ليكولهه عود دزلهم الرزالة المعدلة
بس انته اذا حاجتك يم ال....
شنو هالاستعجال
زين ليش ما صرت عصبي عليهم بالمقابلة
يمعود دكول يا الله انته شبقالك

اخواني الباقين اللي كلمن استلم فيزته وبطلتو من عدنه
شنو القصة؟؟؟
اني طلبت رايكم بالرسالة اللي اجتني
ويمكن بس ثنين لو تلاثة دخلوا للموضوع وبس شقه وضحك
يعني من جانوا تصير عدهم مشاكل يكلبون الدنيا ومواضيع وردود والناس تواسيهم وهسه من خلصت مشاكلهم انسحبوا بهدوء
اللي يتعاجز يدوس على اللنك
http://www.ankawa.com/forum/index.php?topic=311955.0;topicseen
فراح اسولفله هنا
ورى ما قدمت باربع ايام واوراقي كاملة ومظبوطة دزولي رسالة يكولون نقص ال EV مع انه اني دازهه
فدزيتهه مرة ثانية
بس الغريب انه ورة اربع ايام بس
وانه الرسالة اجتني من ال NVC  ووياهه رقم غريب
التفاصيل بموضوعي باللنك
اتمنى اسمع ارائكم الجادة

[koka75]

شكري وتقديري لجهود الاخ شبح بغداد وشكري لجميع الاعضاء الي منورين الموضوع الاكثر من رائع انا جديد في التقديم على ال s.i.v وانشالله بس ابلش بالتقديم ابدا بذكر التفاصيل وشكرا مرة اخرى للجميع

[BaghdadGhost]

اخي الكابوي ,,,,,,

بعيدا عن العواطف ,,,, لان هيج قرار لازم متدخل العواطف باتخاذه و انما العقل ,,,,,, لذلك مراح اكلك لا حرامات ليش هيج ,,,,, و انما راح اكلك التالي :

اتمنه من الله بان متتندم مستقبلا على هاي الخطوة و الي اتخذتهه  بسبب طلبهم منك تقديم ورقة باستطاعه الكل الحصول عليها (اثبات طلاق) ,,,,,, روح و الهوى بضهرك ,,, بس ما اريدك تنسا بان قرارك اعتمد ميه بالميه على تاجيلهم الك الاخير ,,,,,,

الله عليك لو مماجليك و منطيك الفيزا جان بطلت تسافر لو لا ,,,,,, اذا جان جوابك اي ,,,, من هسه اكلك الله يوفقك و احييك على هذا القرار الصعب ,,,,, اما اذا كان جوابك لا ,,,,,, ارجع و اكلك احسبهه مرة ثانيه قبل كل شي لان هذا القرار راح يلازمك طول حياتك

بالمناسبة ,,, لتنسه بانك صاحب عائلة ,,,, يعني حرام عليك تتخذ قرار مجرد لانك ضجت من شي معين ,,,, لان هذا الشي مو بس تابع الك و انما هذا مستقبل اطفالك ,,,,

اتمنالك الموفقية باي قرار تتخذه ,,,,,,

[BaghdadGhost]

اخواني الاعضاء المتزوجين ......

الاخ koka75 سال سوال على الخطوه الاولى و الجواب مالته اني ممتاكد منه لان اني ممتزوج ,,,,, بلكي شويه همتكم

ورود كلكم 

[ابو العباس]

مساء الخير شباب
البارحه وصلني الايميل اللي بيه تفاصيل الفحص الطبي  يعني طلعت من بحر الظلمات وان شاء الله يوم اللي ايطلعون الكل من هذا البحر
شباب رح احاول اكتبلكم التواريخ حسب مااذكرها
تاريخ استلام ال COM
17-3-2009
تاريخ ارسال المستمساكات لنبراسكا
24-3-2009
تاريخ التحويل الى ال ان في سي
29-3-2009
دزيت كل الاوراق للان في سي ودزولي جك لست وكملت كل الاوراق ودزيتها.
وابيوم 20-5-2009
دزولي ايميل وكالولي الكيس مالتك كملت وثائقيا
وبقت اببحر الظلمات شهر واسبوع
يوم 27-6-2009
دزولي الايميل مال الفحص الطبي والتفاصيل
وان شاء الله بقا ايميل موعد المقابله
ويارب الكل يجيهم هذا الايميل واتعدي المقابله للكل على خير يارب
واني اكيد اشكر هذا المنتدى الاكثر من رائع بكل ماتحمله الكلمه لان اتوقع انه الكل استفادو منه
وتحياتي للكل وبالاخص الاخ الوردة شبح بغداد ساعدني وساعد الكل جزاه الله كل الخير .
تحياتي للجميع

[mohammed2009]

السلام عليكم

اخويه الغالي شبح بغداد اني جوابت اخونه koka75 والجواب موجود ليفوك تحت سؤاله مباشره واي شي اني حاظر وتدللون

شكرا

محـــ2009ـــمد

[Banah09]

اخ koka75
راح يطلب منك كستمسكات لكل افراد عائلتك حسب هذا الايميل
وبعض الطلبات الاخرى
 

Thank you for your interest in the Special Immigrant Visa (SIV) Program.

 

We have reviewed your application and request that the following documents be submitted as they were either missing or incomplete:

 

 A copy of the jensiya (al Bitaqa al Shakhseya) for your spouse and any eligible children (children must be un-married and under 21 to be part of the SIV application);
 

Employment Verification: A scanned letter or email from your employer's human resources office stating position, title, start and finish dates of employment.  This requirement is separate to that of the Letter of Recommendation and must be issued by your employer's HR office and show your start and finish dates (or confirm that you are still employed);
 

Biographic data for the Principal Applicant and each family member, in the following format:
 

Name:
Father’s Name:
Grandfather’s Name:
Family Name (Tribe):
All other Names/Alias:
Nationality:
Passport Number: (if available)
Date of Birth:
Place of Birth
Gender:
Marital Status:
Relationship to Principal Applicant:
 

Upon our receipt of all of the items listed above, we can continue processing your application.

 

Sincerely,

 

SIV Program Iraq

 

[mohammed2009]

تحياتي اختي ام ياسر

بس حبيت اذكرج انه نسيت اتذكرين طلبين مهمه وهي :=

1_ استماره DS-157
2_ رساله التوصيه Letter of Recommendation

وشكرا

محـــ2009ــــمد

[mohammed2009]

السلام عليكم

اولا اخي العزيز  koka75  احب ارحب بيك ويانه بهاي الزاويه الجميله لبرنامج SIV

وراح اذكرلك كل الامور المطلوبه منك باول رساله

1_ استماره DS-157 الى طبعا راح تلكاها على هذا الرابط http://www.state.gov/documents/organization/79964.pdf
وهذا هم رابط لاخونه الرائع BaghdadGhost    يشرح بي كيفيه ملئ استماره ال DS-157
http://www.ankawa.com/forum/index.php/topic,243025.0.html

2_ copy of the jensiya
نسخه عن البطاقه الشخصيه (الجنسيه) لك ولجميع افراد العائله وتوضوع في ملف PDF واحد

3_  Employment Verification
وطبعا هاي كتاب من مكتب الموارد البشريه (مكتب شؤون الموظفين) في المكان الي كنت تشتغل بي اذا كنت تشتغل بشركه ولازم ينذكر بي نقاط مهمه وهيه كالاتي:-

أ_ موقع عملك في الشركه او الموقع الوظيفي
ب_ بدايه ونهايه تاريخ العمل مع هذه المنظمه او انك لازلت مستمر بالعمل


4_  Letter of recommendation وهاي من مسؤولك المباشر في العمل ان يكتبلك توصيه يذكر بيها النقاط التاله :-

أ_ ويذكر انه كتب هاي التوصيه الك ويذكر اسمك
ب_ يذكر اسم المنظمه او الشركه الي انته تعمل بيها
ج_ بدايه ونهايه تواريخ العمل التابع لك او انك مازلت مستمر بالعمل
د _ عنوان الوظيفي بالشركه او المنظمه
خ_ يذكر اسمه وايكول انه المسؤول المباشر عنك
و_ الذكر بالتوصيه انه انت كنت او لاتزال حسن السير والسلوك في هذا الشركه
ي_ يذكر كذلك انه انته لاتشكل تهديدا او خطرا على امن الولايات المتحده
ن_ في اخر التوصيه يذكر صاحب التوصيه اسمه,ايمله (لازم ايكون ايمل رسمي تابع لشركه او منظمه وليس ايمل مجاني  مثل الياهو وغيره من الايملات ) , ورقم تلفونه وايوقع
وراح اكتبها بالانكليزي علمود اتكون واضحه لصاحب التوصه الي راح يكتبلكياها :-

Employee Name:
Company Name:
Beginning and end dates of employment:
Position Title:
Confirmation that you are the supervisor of the employee
Confirmation that the employee is currently (or resigned) in good standing
Confirmation that the employee presents no threat to the national security or safety of the United States, to the best of the supervisor’s knowledge
Name, title, email and phone number of the supervisor

5_ brief statement
 فتشي مختصر عن قصتك وعملك وتهديدك وهاي الامور اتكون ابورقه بيضه وكذلك اتسويها PDF


6_ Biographic data
بينات تتعلق بيك شخصيا وهي كالاتي :-
ا_ اسمك
ب_ اسم والدك
ج_ اسم جدك
د_ اسم العائله (العشيره)
هـ _ اسماء اخرى / اسم الشهره
و_ الجنسيه
ي_ رقم جوازك (اذا متوفر)
ن _ تاريخ الميلاد
ع_ محل الولاده
خ_ الجنس
ف_ المنزله الزوجيه
ث_ علاقه بمقدم الطلب

وطبعا هاي هم ابورقه بيضه قصدي فايل دوكيومنت واتحولها PDF   وهاي المعلومات اتسويها لجميع افراد الاسره حتى الاطفال كل واحد اله معلوماته الشخصيه وهم راح اذكرها بالانكليزي علمود تكتبها صح مثل مامذكوره

Name:
Father’s Name:
Grandfather’s Name:
Family Name (Tribe):
All other Names/Alias:
Nationality:
Passport Number: (if available)
Date of Birth:
Place of Birth
Gender:
Marital Status:
Relationship to Principal Applicant:

وكلها اتسويها ملفات PDF  وادزها برساله واحده على هذا الايمل     
IraqSIVApplication@state.gov

وراح يجيك اوتوا ربلاي ايكلك استلمنه الرساله وتمنياتي الك بالموفقه والنجاح

واي شي اني حاظر بالخدمه
اخوك

محـــــ2009ــــــمد

[vincenzo]

ابو جاسم وام ياسر ماقصرتوا
بس فد اضافة لان صرنا فنانين بالتقديم
يفضل انه قبل متحول اي شغلة الى PDF وهي بعدهه word ان تضيفلهه header او هامش علوي بيه اسمك الثلاثي حتى لا تضيع وهاي من شبوح
والشغلة الثانية (واللي هم كالياهه ونسيت ما طبقتهه مظبوط ولذلك رجعولي يطلبون شغله ناقصة ) هي ان تسمي الفايلات اللي تسويلهه اتاجمنت باسماء تشبه بالضبط اللي همه رايدينه بالاوتوربلاي اللي ذكرته اختي ام ياسر
يعني مثلا ال employment verification اني لو مسميهه EV مثل ما همه طالبيهه يمكن ما جان رجعوا طلبوهه مني لان هذولة عجوزية وبس يريدولهم حجة

بس عندي فد فكرة:
بالادوب اكروبات التاسع واللي قبله هم اعتقد تكدر تلزك مجموعة بي دي افات بفايل واحد او PDF واحد
فليش ما نلزكهم كلهم باتاجمنت واحد وحته ما تبقه عدهم حجة بعد ؟؟؟؟

ههههههههههههههه
العالم سافرت وراح تحصل جنسية واحنه هسه يلله دنتفلسف بالخطوة الاولى

[Banah09]

الى كل جماعة الـ SIV الجدد من داخل العراق وخارجه ارجو لكم الفائده
اذا كنتم تحتاجون الى  Employment Verification
وصعب عليكم الاتصال بمكتب الموار البشريه الخاص بكم اتصلو بهذا الشخص فهو جدا خلوق ومحترم ويحب ان يساعد واطلبو منه
 Employment Verification
وطبعا هاي كتاب من مكتب الموارد البشريه (مكتب شؤون الموظفين) في المكان الي كنت تشتغل بي اذا كنت تشتغل بشركه ولازم ينذكر بي نقاط مهمه وهيه كالاتي:-

أ_ موقع عملك في الشركه او الموقع الوظيفي
ب_ بدايه ونهايه تاريخ العمل مع هذه المنظمه او انك لازلت مستمر بالعمل

على فكره هاي بس للمشتغلين ويه Titan
وعنوانه

Will Proctor HR Support Specialist

L-3 Communications

Titan Linguist Operations & Technical Support

Phone # 703-390-7373

Fax # 703-390-7308

 william.proctor@L-3com.com

 


واني متأكده مراح ايقصر وخاصة الاخوان الجدد وخارج العراق شيوديهم للعراق واشلون ايطلعوهه وطبعا هو راح ايدز على الايميل ويثبت ارقامه الخاصة حتى الامريكان يتصلون بيه ويتحففون من صحة المستند


ام ياسر

[BaghdadGhost]

اخي ابو جاسم ,,,,,

اسف جدا صدكني منتبهت بانك ذاكر بردك هاي الفقرة مال (لك و لافراد عائلتك) ,,, امسحهه بيه ورد ,,,,,,,

اختيي ام ياسر ,,,,,,,

والله يوم عن يوم جاي تخجلينه بمشاركاتج البديعه و الف رحمه على والديج لان الي ذكرتي بالمشاركة راح يسهل امر هواي اشخاص ,,,,,, ربي يوفقج و يحفظ العائله من كل مكروه ,,,,,

اخي فسنجون ,,,,,

حبي كلامك صحيح و هذا الشي حته موجود بالاكروبات الثامن ,,,,,

[koka75]

الشكر الجزيل لكل الاخوان والاخوات الي كتبو رد وجواب لسؤالي والله ماعرف شلون اشكركم بس اهم شي ادعيلكم بالموفقية والنجاح والوصول والاستقرار والله يفتحه بوجهكم نشالله شكرا الكم كلكم
اخوكم
خوخة

[BaghdadGhost]

حبيبي ابو العباس ,,,,,

الف الف مبروك و ان شاء الله تستلم ايميل المقابلة اليوم او باجر بالزايد ,,,,,,,, ماشاء الله مطولت ببحر الضلمات ,,,, الضاهر اكو شخص جان يدعيلك هاي المدة كلهه ,,,,, ههههههههه

ان شاء الله نسمع اخبارك الحلوة و تفاصيل مقابلتك تكون مفرحه ,,,,

[ayoka]

اخواني الاعزاء
ماكو جديد بالنسبه الي لان متاني الجوازات الجي حالي حال الاخ  همر المهم بس ردت اذكر انه اني استلمت الكيس نمبر من الان في سي والي هوا  seo2009661XXX يمكن اني الوحيد الي يبدي رقمه ب seo لان اني عايش بكوريا الجنوبيه والله كريم تحياتي شبح بغداد وفنجز بس اريد اكلك عميت عليه . بلكت يسويها البخت ونطلع سويه بس اني بريستيجي عالي مابيع لبلبي وياك شنو رايك بالشلغم اويلي صار شكد مماكل شلغم  المهم اني يوميه اطب على الموضوع بس المشكله ماكو جديد . تحياتي الى رواد المنتدى وتقبلو مروري 

[jayjay]

شباب شلونكم اخباركم, انشاء الله بخير.
اخوان سمعت اخبار بخصوص تسريع المعاملات بشهر السابع. هم سمعتو هيج اخبار.
اخوكم جاي جاي الانتضار ما زال في يومه ال٢٠ في بحر الضلمات او ماكو شي لحد الان.

[koka75]

اخي العزيز Banah09 اود ان اشكرك على اجابتك لي ولكن هم يبقة عندي بعض الاسئلة اخوان اني دوختكم بقضيتي ولكن لان شغلتي شوية مخربطة لاني خارج العراق من1 3 سنيين ونص ودايخ بهاي السالفة واصلا مصدكت لكيتها لان مجنت اعرف اكو هيجي برنامج اصلا المهم اسالتيهي تتعلق بالمرحلة الاولى :انت كاتب انه لازم ارسل لهم الجنسية مالتي  او شهادة الجنسية -- الجنسية الي عندي ضايعة وعندي نسخة منها طبعا نسخة ملونة ووصيت ولد صاحبي بالعراق يسويلي بدل ضايع فهل ادز النسخة العندي القديمة الي هية اصلا ضايعة ام انتضر اكمل الجديدة البدل ضايع وادزها واخي الي ساكن في كوريا كيف عرفو انت ساكن بكوريا يعني بلغتهم بهذا الشي من اول ايميل لان مداشوف اكو فد اختيار بالبيانات المطلوبة العدهم انه وين الشخص ساكن حاليا انشالله ماكو تعبتكم ولحيت بس تحملوني اخووكم اني ونشالله متقصرون وياية -- شكرا لكل الاعضاء وشكرا اخي شبح بغداد لانك ذكرت الاخوان الاعضاء بسؤالي يمكن لانني جديد فمحد انتبه علسؤالي ونشالله الله يوفقكم جميعا -شكرا لكم
خوخة

[اخوكم البغدادي]

اصدقائي اني جديد بالموقع ومشارك بهالبرنامج وحبيت اعرض قصتي بلكي يمكم حل
اني بعثت اوراقي صار  اكثر من 4 اشهر اول اسبوعين دزوا  رادوا الجواز بعثتة ورى شهر كالوا ننتظر جواب المسؤول  او المشرف عليك اتصلت بية كال موصلني شي بعثت رسالة اللخ كتلهم هذا وضعي والسوبر فايزرطار تؤيدون رسالة من المسؤول الجديد؟كالوا انتظر تنعرض قضيتك وانت بعد راسل الشيف اوف مشن اللي ابغداد راسلتة 3 مرات والاخ مطنش  انتوا يا شباب مارة بيكم هيج حالة؟ وشنوا الاجراء الصحيح؟

[mohammed2009]

تحياتي اخويه العزيز البغدادي

احب ارحب بيك بهذا الركن الجميل لبرنامج SIV

اخويه ....  حالك مثل حالي .... اني هم بالبدايه من قدمت لهذا البرنامج شلعوا قلبي بالطلبات وره ماخلصت كلشي رادوا نسخه من الكل الجوازات الي عندي ال S و G وعلى شرط اسوي سكنر لكل صفحه ودزيته الهم ونامتلك الشغله 4 شهور بالتمام والكمال بعدين اجتني COM Aprroval من بغداد ...

فانته اتكول صارلك 4 شهور ان شاء الله ماباقي شي وايدزولك الموافقه .... بس ياريت لو تذكرنه التواريخ ليستفادوا البقيه منها لان هاي شغله طلب الجواز صارت تتكرر مع الاعضاء الجدد المتقدمين على برنامج SIV

تحياتي الك واي شي احنه بالخدمه

محـــ2009ــــــمد

[Banah09]

الاخ koka75
اسفة على تأخر الرد لكن النت هالايام تعبان وصعوبة بالدخول للموقع، المهم سألت على الجنسية افضل واكيد كل الاخوان يؤيدوني بذلك ان تنتظر الى ان تحصل الجنسية الجديده لان راح تطلب منك بالمقابلة وحتى لا تدوخ نفسك يوميه امسوي وداز مستمسكات جديده.
وعن العنوان مال الاخ كيف عرفوا هو ساكن بكوريا في احدى الاستمارات التي عليك بعثها لهم يطلب العنوان ومدا اذكر اي استماره يسأل المتقدم عن العنوان للتحضير بأجراء المقابلة معه في المكان او البلد المتواجد فيه الشخص في السفارة او القنصلية الامريكية.

شكرا
أم ياسر

[ارقى شاب بالمنطقة]

الاخوان الاعزاء شبح وفسنزو

طبعا بالتاكيد الاعزب رح تكون هواي شغلته اسهل
يعني وين واحد بس بطرك روحه ووين تفكر بزوجة واطفال يعني مو هينه تره

بالنسبة الي مثلا، اطلع الصبح،، اركض نص ساعة
ارجع اسبح واتريك
واطلع اسج
اخذ الباص
انزل بنص الطريق واصعد غير باص
افوت للمولات
اذا جعت اكلي لفة
وشوكت ما اتعب ارجع ،،، بينما اذا متزوج متكدر تسوي هذا الشي، يبقى بالك يم البيت ولازم تسوكلهم وترجع تتغده وياهم وبالك يمهم خاف يصير شي

بالنسبة للمصاريف اني طبعا مقدم عالبنفت يعني الايجار طالع
الفود ستامب بعده مكامله معاملته
صارلي 10 ايام اني صارف 8 اوراق وممشتري شي
اشتريت ملابس تقريبا بورقة ونص
اشتراك انترنت تامينات 50 وسلملي اذا ترجع بعد، واشتراك اول شهر 50 ,,, هاي هم ورقة
تلفون ب70 دولار
اشتراك الجم ب 50 دولار للشهر
والباقي كلهه عالاكل ،،، يعني هاي اعزب وهيجي لو عائلة انت قدر بعد؟؟؟

[jayjay]

اخوية البغدادي
الي اعرفة انه مسألة الجواز ما نتطلب في مرحلة الشيف اوف مشن. او بخصوص الرسالة مال السوبر فايزر يعني اهنا الاشكال يعني انت المفروض ترفق مع الاوراق الركمندايشن لتر مال السوبر فايزر مع الرسالة مال الشركة اللي تشتغل بيها.
 او بعد اسبوعين تقريبا من ارسال الاوراق هم راح يدزون ايميل للسوبر فايزر مالتك اللي مكتوب بألركمنديشن ليتر او هو لازم يرجعلهم جواب فانت اتأكد من صاحبك اذا مجاوبهم لو لا.
المهم انت لا تحاول تنتضر هواية او دزلهم رسالة اذا ماكو جواب بخصوص لأن هم صايرين ما يجاوبون او ما يكللولك عندك نقص اللا انت تسأل.
المهم بس اخي انت لا تأيس يعني هية هاي الشغلة يرادلهه واحد يعني يسوي اللي عليه او يتابع بس ما يفكر بيهة اهواية. هية اتصير.

[BaghdadGhost]

اخي ايوكة ,,,,,,,

يعني هسه التاخير من يمك ,,,,, لان هسه همه ينتظرون منك ترسللهم الاوراق ,,,,,, زين عدا الجوازات ,, بقيه الشغلات محضرهن ,,,,, يعني الاستماير كلهن ماليهن ,,,,,,

اخي جاي جاي ,,,,,

هاي شنو ,,,, يمعود تريد تظرب السرة ,,,,,, هنه كلهن 20 يوم ,,,,,,, بعد وكت ,,,,

اخي البغدادي ,,,,,,

ارحب بيك بهذ الركن الرائع باعضائه قبل كتاباته ,,,,,,,,,, بالنسبة لحالتك و حاله حمودي هي حالات نادرة ما اعرف شنو السبب ,,,,,, لان اغلب الاعضاء مطلبوا منهم الجواز ,,,,,,,,, و الي ملاحظة بالفترة الاخيرة اكو تاخير بسالفه ال كوم لذلك اصبر و الله كريم ,,,,,,,

[BaghdadGhost]

حبي ارقى شاب بالمنتدى,,,,,,

تسلم ورد عالشرح الي يشرح القلب ,,,,, لك عيني اني جاي اقرا ارتاحيت من سوالفك ,,, عاد النوب لو صدك شون ,,,,,,,,, بس هواي صارف ولو هاي بس بالبدايه ,,,,,,,,, تسلم ورده و منتظرين ردودك الحلوة ,,,,,,

[ayoka]

ها حجي ابو حسين كول

[mohammed2009]

 ها شبوحي خير ......  شنو دزولك الكرين كارت قبل السفر شنو معقوله !!!!! 

بشرنه خوما اكو شي....

[Anthony Carmelo]

السلام عليكم
اعزاء الغالين واخوتي الاحبة  اعتذر عن تاخري في كتابة تفاصيل مقابلتي كبل شهرين يوم 20 ايار مقابلة SIV   وذلك لانشغالي بترتيبات تغيير سكني وعملي وانقطاع خدمة الانترنت (بس كلت هية تجربة وبلكي تستفادون منهه)
احب ان اشكر الاخ الغالي ابو نور الوردة على نقل اخباري في المنتدى واشكر الاصدقاء الذين سالوا واستفسروا عن حالي.
وصلت المنطقة الخضراء الساعة 7 صباحا وبعد الانتضار في الساحة ماقبل مدخل الرئيسي لجسر المعلق جاء الاسكورت الساعة 8.30 واصطحبنا للسفارة وبعد تفتيش دقيق جدا دخلت السفارة وتوجهت للاول شباك وهو الرسوم اعطاني اللبناني ورقة الوصل بصفر دولار كون البرنامج فري وبعدها بربع ساعة سلمت اوراقي للموضف ( جميع الاوراق عدا دفتر الخدمة مع العلم انهم قبل ذلك استفروا عليه في مرحلة الNVC  ) وبعد حوالي ساعتين ناداني موضف السفارة واجرى المقابلة في حقيقة الامر كنت في نفسي مترددا ليس خوفا من السفير ولكن للشغلة برمتها (السفر وترك العمل ومقارنة احوالي بين انا عليه وما ساكون عليه )
اعتقد ان السفير وبخبرته المحنكة لاحظ ذلك.
هنالك عدة امور في المقابلة شغلت بالي اولها انه لم سالني على تحصيلي الدراسي ولا على عملي في الشركات الي سبقت ولحقت شركتي اصل القضية كذلك لم يسالني عن الخدمة العسكرية فقط اعطاني ورقة تعهد بترك العمل ووقعني  على  DS230واخذ البصمات وطلب مني جوازات اخرى غير الجي .
كان الحديث جدا مقتضب عدا شغلة انتمائي لحزب البعث عند الجواب بنعم كون التقديم على شهادة الماجستير تتطلب ذلك ورغم كوني فقط درجة مويد بعدها ذهب الى جرارات خلفة واحضر ورقة تاجيل لشهرين وفيها عنوان للاتصال بهم واحتفض بجواز الجي.
ارتكبت خطا واحد فقط غير مقصود اثناء التقديم كما نوه علية الاخ العزيز البصير وهو عدم تطابق معلومة ذكرت في وثيقة DS157  و DS230 بخصوص الخدمة العسكرية.(خدمة شهر واحد وتاجيل للدراسة ضنا مني عدم اعتبارها خدمة كونها موجلة)
في الفترة التي قضيتها هناك تعرفت على اشخاص لديهم ايضا موعد مقابلات قسم منهم معاملات سحب اوزيارة وقسم اخر فقدات للكرين كارت وقد تحدثت معة بخصوص فترته التي زادت عن 6 اشهر خارج امريكا (قضى 8 اشهر في العراق) فقال لي ابلغتهم بسرقة الكرين كارت وسوف ادفع 400 دولار غرامة وادخل من جديد!
اعزائي اطلت عليكم ورب ضارة نافعة , شكر خاص للاخ العزيز الغالي نور 2 على سواله الدائم ومبادرتة الجميلة بتنزيل موضوع مختصر حول مقابلتي واشكر الاخوان والاخوات الذين شاركوا فية
تحياتي للجميع واي سوال اني حاضر

اخوكم
Anthony carmelo

[vincenzo]

هسه انتوني حبيبي استلمت الجواز لو بعدك؟؟ لان كل اللي اجلوهم من اعضائنا القدماء استلموا واخرهم كان ماجلان
وتتوقع تاجيلك كان بسبب ارتباكك لو لان عندك خربطة معلومات بين الورقتين؟
وانطاك ورقة تذكر سبب التاجيل ما اعرف شاسمهه بس بيهه رقم 221؟؟
زين طلب منك معلومات جديدة عن الاخوة والاخوات او اخوة واخوات الزوجة لو لا؟؟
واخر سؤال وماكو ترك
اللي وياك كلهم اجلوهم لو شنو؟؟ واكو واحد انرفض تماما؟
واشكرك جدا على دوام التواصل والشرح الحلو

[alialjanabi28]

السلام عليكم
أنا أسف لتدخلي ولكني لحاجتي لأي معلومة قد تفيدني بهذا المجال وجدت انه كان يجب أن اسألكم شاكرا تعاونكم معنا وبارك الله فيكم
أنا مقاول اشتغلت بعقود مباشرة مع الأمريكان ولدي شركة بأسمي أنا مديرها وقد وقعت بعض هذا العقود بأسمي ومنها عقود زادت عن فترة السنة تم تهديدي بالعراق وحاليا انا ساكن في الأردن أرسلت أيميل الى هذا العنوان لغرض التقديم على برنامج SIV العنوان كما هو موضح بالموقع التابع للسفارة الأمريكية بالعراق IraqSIVapplication@state.gov
هذا الكلام قبل شهر ولحد الان لم يصلني أي رد منهم انا لم ارسل لهم نسخ عن العقود الموقعة بل ارسلت لهم ارقام العقود في حين العقود كنسخ هي عندي متوفرة كما ارسلت لهم رسائل التزكية وهية تتجاوز العشرين رسالة وكذلك الباجات ولكن لم يصل اي رد منهم منذ قرابة الشهر فسوؤالي هل صحيح العنوان الذي انا ارسلت اليه ام يوجد عنوان ثاني ولماذا لم يتصلو لحد الان وحتى تأكيد على وصول الرسالة او الايميل لا يوجد من طرفهم وهل بالضرورة هم يتأخرون هكذا ويطنشون عن الايميلات

هل توجد ايميلات ثانية كان يجب ان اراسلها
لتحصيل موافقة COM  علما اني لا متزوج ولا خادم عسكرية
لكن من الضروري توضيح أنه اني ماعندي هاي الرسالة من السوبرفايزر الي تكول انه اني ماشكل خطر على امن الولايات المتحدة دزيت لكل الامريكان الي اشتغلت وياهم والكل طنشوا عبالك ديسولنة فضل على العموم الله يسامحهم فأكدر أقدم بدون هاي الرسالة  وتتوقعون أكدر أحصل ال البروفال من COM
أرجو المساعدة يا أخوان  علما انا ساكن في الاردن حاليا ولست بالعراق
أخوكم علي

[mohammed2009]

السلام عليكم

تحياتي للجميع ... حبيت اسئل الاخ الكابوي العراقي والاخت ام ياسر لان همه خارج العراق

بعد اصدار صوره القيد من دائره الجنسيه بالعراق اكو داعي للتصديق من وزاره الخارجيه بالعراق ومن السفاره العراقيه بالاردن (لان اني بالاردن) ؟؟؟

وشكرا مقدما على الجواب

محــــ2009ــــــمد

[Banah09]

الاخ محمد
بالنسبة لتصديق صورة القيد انا بالنسبة لي لم اصدقها من اي مكان راسا بعثوها لي هنا وترجمته وبالمثل فعلت الاخت ساسي وهذه نصية من الاخ شبح بغداد المهم ان تختم بختم مترجم قانوني، اما اذا كان عندك وقت وشخص قادر على اتمامها لك فليصدقها لك زيادة الخير خيرين.

ام ياسر

[vincenzo]

اخي علي الجنابي
الايميل اللي ارسلتله صحيح جدا
وكل معلوماتي اللي متاكد منهه انه اي واحد يرسل لهذا الايميل وعنوان الايميل هو اسمه الثلاثي ومجرد ان يكوللهم مثلا "الله بو الخير" يدزوله على الاقل autoreply مثل اللي دزولياه ونزلته بموضوعي خلال ثواني وهو يؤكد استلام الايميل ويكلك ما راح نباوع بيه الى من 6 الى 8 اسابيع سواء اكان سؤال حول التقديم او تقديم كامل او ناقص الوثائق.
حاول ان ترسل مرة ثانية
اما بالنسبة لكونك مقاول وهل انت مشمول بهذا البرنامج او لا او كونك متكدر تحصل تزكية او اثبات توضيف فاعتقد انه صفحة الاسالة والاجوبة هنا راح تفيدك اكثر
http://travel.state.gov/visa/immigrants/info/info_4172.html#

كذلك راجع موسوعة الاخ فالكون في المواضيع المهمه والمثبته
المهم انه اذا تسالني عن رايي الشخصي فعلى الاكثر انه جنابك ما مشمول بهذا البرنامج وانما تكدر تقدم من الاردن مباشرتا على ال IOM وتطلع بوقت قياسي انشاء الله لان انته ما جنت تشتغل في شركة امريكية وعندك مسؤل امريكي مباشر والتعميم اللي صار ببرنامج المترجمين ما اعتقد يشمل اي واحد تاجر مع الامريكان لان اذا هيج راح يتوسع بشكل مو طبيعي وهم يعرفون هذا الشي بس انت هم حاول لان يجوز تسوي فد سابقة احنا منعرفهه
تحليلي هذا ناتج من كونك ما عندك شرط مهم يطلبوه وانته تفضلت بيه

[mohammed2009]

شـــــــــكرا اختي ام ياسر ماقصرتي وجزاج الله الف خير


محـــ2009ــــمد

[BaghdadGhost]

ايوكة ,,,,, حمودي ,,,,,

هاي شبيكم ردت اعطس ,,,,,, هههههههههههههههههههه ,,,,, ابو جاسم هاي شون دبرتهه مال الكرين كارد ,,, والله كل ما اتذكرهه اخرب ضحك ,,,,,,

خويه انتوني ,,,,,,

يمعود وينك انته ,,,, مكانك خالي ,,,,,, شون الامور ,,,,, الله يساعدك على الخربطة الي  صارت وياك و ان شاء الله هسه استقريت ,,,,,,, صدك ترة اني قريت الي كاتبه عالمقابلة و اسالتي نفسهه مال فجنزو ,,,,,,,,, 

ان شاء الله بعد متكطع ,,,,

[BaghdadGhost]

اخي الجنابي ,,,,,,

مثل موعدتك ,,,,, راح اجاوبك هنا ,,,,,, عيني انته يحق لك التقديم على ال SIV ,,,,, بالنسبة للامبلويمنت فرفكيشن ,,,, ميحتاج هذا الشي و يمكن الاستعاضة عنه بالنسبة للمقاولين ب العقود الي وقعت مع الجانب الامريكي ,,,,,,,

الي سويته انته صحيح و الضاهر اقتنعو بارقام العقود و التفاصيل الي دزيتهه ,,,,,, لان لو ممقتنعين جان كالولك يابه دزلنه العقود ,,,,, استوقفتني ملاحظه حلوة للاخ فنجز يسالك بيهه على الرساله الي انته دزيتهه للسفارة ,,,,, شنو جان العنوان مالتهه ,,,,, حسب حسابك لازم يكون العنوان اسمك الكامل حسب جواز السفر ,,,,,,,,,

اي شي ثاني حاظرين ,,,,,,

[alialjanabi28]

شكرا أخواني على مساعدتكم اليه والله اني أحس أنه بين أهلي وأخواني
أولا بالنسبة لرد الأخ vincenzo  الي بين بيه انه اني ميشملني برنامج SIV فأعتقد انت غلطان لأنه بعد قرائتي للتعليمان وشروط القبول هو صح البرنامج قبل كان فقط للمترجمين بس توسع وانظافت عليه فقرة المقاولين اني عندي عقود بأسمي طولت أكثر من سنة وهذا أحد شروطهم وللعلم أكو أحد الموظفين عندي حصل على  SIV لكن المشكلة انه حصلهة عن طريق الضابط المسوؤل عليه في أحدى الكمبات  وانقطعت أخباره أكيد هو سافر لأميركا والله يوفقه انشاء الله فيكيفما أني مديرة وصاحب الشركة والعقد باسمي

ثانيا بالنسبة للرد والأوتو ربلي مال الأيميل الي ذكرتة أني في رسالتي السابقة فأحب ابين لجنابك أنه اني بعثتلهم اكثر من 4 أيميلات ولا استلمت حتى اوتو ريبلي منهم  وبعدين بعثت لنبراسكا شرحتلهم عن قضيتي ورحبوا بالفكرة وقالولي انه لازم اول شي احصل موافقة COM  يعني رجعوني للخطوة الأولي وأكدوا انه اني مشمول ضمن هذا البرنامج

ثانيا بالنسبة رد الأخ شبح بغداد أني هواية اشكرك لروح مساعدتك والتي اتدل على أصالتك بارك الله بيك يا أصيل وأبن الأصول

أني ما افتهمت شنو تقد بالعنوان هل تقصد السبجكت

كان السبجكت مالتي هو اسمي وأسم الشركة مالتي وكلمة SIV Applecation
بعثت الرسالة من أيميل شركتي الي هو معرف أكيد عدهم ما أدري اذا لازم أكتب رقم جواز سفري
بالمناسبة أني جوازي من نوع الأتج H  وللمفارقة طلعتي فيزا أمريكا قبل اسبوعين على نفس الجواز الي اني زاير بيه امريكا 4 مرات اخر مرة قبل سنة بس ماقدمت على الأس أي في
وتعتقد انه ممكن سفراتي ورجوعي خلال المدة المسموحة قد توؤثر بسرعة اعطائي الموافقة كوني اني رحت لأميركا ورجعت خلال الفترة الممنوحة كزيارة عادية وما أثرت على الأمن الوطني لأمريكا
طيب وبعد هذا كله ليش مديردون على أيميلاتي يعني حتى تأكيد الأستلام هم ماكو منهم

[vincenzo]

اخوية علي الجنابي
اني هسه افتهمت
عيني
الاوتوربلاي او تاكيد الاستلام مو بشر اللي يسويه
وانما برنامج مثل ما اكيد حضرتك تعرف
وهمه اكيد هم خالين من ضمن البرنامج فلتر يهمل الرسائل اللي مو السبجكت على كولتك مالتهه مو اسم الشخص المقدم
وانته مثل ما دتكول داز ارقام وماكو اي اسم بالعالم جزء منه ارقام
ولا اعتقد انه اكو اسم وخصوصا اذا عراقي بيه كلمة ابلكيشن او APPLICATION وهذا هو السبب اللي خله رسائلك الهم تنهمل وتنمسح من الانبوكس مالتهم
فارجو منك ان تدز مرة ثانية
وان تراجع الاسالة والاجوبة اللي بالرابط اللي انطيتكياه لان مو اني كاتبهه

اما بالنسبة لكونك مشمول بالبرنامج او لا
فالشروط واضحة بالويب سايت مالة البرنامج
ولو اخي الشبح عندة راي انه حتى اللي ما مشتغل عند الامريكان مثل جنابك هم مشمول لكون جان يسوي بيزنس وياهم وهو ما مشمول بفقرة اثبات التوضيف
اني بصراحة هاي الشغلة ما مقتنع بيهه
واللا ليش ما كتبوهه بموقعهم الرسمي!!!
اما انته تكول عندك صديق نفس الحالة ومشت اموره او الشبح عنده غير راي...فاني اصلا شجعتك على التقديم لان قابل هو مال ابوية هههههههههههههههه بس انت امشي ورا اللي يبجيك ولتمشي وره اليضحكك ههههههههههه واني عرضتلك اسوا الاحتمالات

هلو ورده

[IT FOR EVER]

السلام عليكم شباب

يوم 29-6 قابلت في السفارة الامريكية - بغدادواليكم التفاصيل
1- الذهاب الى مدخل المنطقة الخضراء من جهة فندق الرشيد والمرور من السيطرات جميعها وصولا الى ساحة الانتضار وهي بداخل فندق الرشيد بجانب النافورة
2- اتى الاسكورت الساعة 8:30 صباحا وذهبنا الى السفارة
3- تفتيش في السفارة لمدة ساعة او اقل شوية
4- الدخول الى السفارة وعلى الشباك رقم 2 تسلم الجوازات وتبلغة انه انت من جماعة ال SIV
5- بعد ربع ساعة يذيعون اسمك تتوجه الى الشباك وتسلم المستمسكات المطلوبة
6- بعد على اقل تقدير نص ساعة ينادون اسمك للمقابلة
7- طبعا حيبلغك القنصل بارسال ايميل لك عند اكمال الفيزا .
ملاحضة :
طبعا هاي الاوقات في حالة عدم وجود اي نقص في المستمسكات فأذا اكو نقص راح كل ساعة يذيعون اسمك ويسالوك هاي وين وهاي وين
ملاحضة:
طبعا سرة بالمعاملات ماكو بس الاحسن ان تصعد الكوستر اول واحد وتنزل للسفارة اول واحد وتسلم اوراقك همين الاول بهاي الحالة تضمن بأنه العملية كلهه اتفض بساعة.

تحياتي

[Iron_man]

شلونكم اخواني في ركن الـ SIV

مبروك مقدما لك من حصل معه اي تقدم في شغلته من استلام مواعيد للمقابلات او لكل من اجرى المقابلات واستلام الفيزا ....

انشاء الله الموفقية للجميع

اخوكم
Iron_man

[HUMMER]

أخوان تعقيبا" على رد ألأخ IT FOR EVER ,شنو الدخول للمقابله صار من باب فندق الرشيد؟

مو كان من باب المعلق؟

أخ IT FOR EVER بلكي تنطينه شويه تفاصيل بلا زحمه, زين الفحص الطبي سويته بالشفاء؟ و منين أجاك أسكورت الشفاء؟ يعني من يا باب؟

أخوكم

[ماجلان]

.

[ماجلان]

.

[alialjanabi28]

ألأخ vincenzo  ِكرا كثيرا لملاحظاتك  أنشاء الله راح أغير السبجكت وادز اليوم ايميل جديد وابلغ بالتفاصيل
الأخ ماجلان أشكرك هواية على المعلومة هاي  راح أتجاهل كل ايميلاتي وارسل واحد جديد من ايميلي الشخصي اني هسة اتذكرت الأتاجمنت الي دزيتهة بالمرة السابقة جانت 3 ميكا يمكن ولهذا السبب ماوصل الأيميل اني اليوم راح اخلي مرفقات اقل وابعث الأيميل وراح أبلغك بالتفاصيل انشاء الله  يمكن احتاج نصائحكم وياية خطوة بخطوة ومشكورين مقدما لكل الأخوان الي ساعدوني بلكت وعسى الله احاول هالمرة ويجاوبوني  ومن باجر ارح أقدم على IOM  مكتبهم قريب على شقتي اهنا بعمان واشوف بلكت هم  تفيد
أشكركم للمرة الثانية اخواني الأعزاء

[سبع صنايع]

السلام عليكم

ان شاء الله الجميع بخير اني انتظر الحجز وتحديد الموعد النهائي للسفر اللي ان شاء الله يكون بهذا الشهر

عندي بس ملاحظة زغيرة حول موضوع المتعاقدين مع القوات والشركات الامريكية

كل شخص يوقع عقد للعمل كموظف كأن يكون مترجم او موظف وياخذ راتب من الشركة الامريكية يعتبر متعاقد وهذه الكلمة تختلف عن عقود المقاولات لان المقاول لا يستلم راتب ولايوقع عقد نظامي  ويستلم راتب شهري من الشركة  بل يوقع عقود عمل مؤقتة لاداء مهمات منصوصة بالعقد

اما بالنسبة اذا كان الاخ الجنابي مشمول او لا فاكيد جماعة ال5000 اعرف بهذا الشي

[ماجلان]

.

[الكاوبوي العراقي]

الاخ الجنابي
اولا اني بعمان وعندي 2 اصدقاء مقاولين وي الامريكان طلعوا على برنامج SIV لامريكا
واكدر اساعدك اذا تريد
المهم انه اني كنت مع ابن عمي المقاول خطوة بخطوة من التقديم على SIV وكملت معاملتة ب3 اشهر ورحبوا بي هواي لان وضعة افضل من المترجم بهواي
بس اخوية ارقام العقود غير كافية يريدون منك كل العقود وعلى ضوء ذلك يحسبون مدة السنة حسب مدة العقد المكتوبة بكل عقد وترة اذا مسوي عقدين او اكثر بنفس الوقت يعتبرن عقد واحد  وبوقتهة ابن عمي دزلهم بالايميل 14 عقد يلة كملت السنة اتذكر سوينة اتاجمنت كبير ب12 ميكا يلة كمل العقود كلهة وبالنسبة انتة متحتاج رسالة HR الموارد البشرية لان انتة عقودك هية كافية
وكلام كثير حبيبي بعد
واني حاضر بالخدمة

شكرا

[سبع صنايع]

الاخ العزيز ماجلان

اني اللي سرع بشغلتي انه انتظر اخو لأسد الحمل في الثلث الاول واني اتحارشت بيهم ودزيت ايميل وراسا الحموي كالت شوكت تسافر كتلهه 25-7 وكالت نحجز ونتصل بيك وصار اربع ايام ماكو شي والله كريم بس اول شي لازم المنظمة تكول اوكي واني مثل متعرف مقبول على الاي او ام لذلك اوراقي موجودة اصلا يمهم لذلك
الاشورنس استلمتة ورة يومين من ارسال الفيزة

الاخ الكاوبوي كلامك منطقي بس اكو هواية مقاولين ماعدهم او ممحتفظين بعقود لمدة سنة او اكو عقود تجهيز بدون اوراق خاصة بالبداية يعني 2003 زين بهلحالة شنو الاثبات

[الكاوبوي العراقي]

الاخ سبع صنايع
اني كلامي متاكد منة مية بالمية وبالعكس المقاول ميحتاجون منة رسالة المواردالبشرية وداكلك حبيبي 2 مقاولين طلعوا لامريكا على برنامج اس اي في
وهذا يا مقاول تعبان ماعندة عقود لمدة سنة او مضيعهن
وعلى فكرة اخوية الجنابي ترة همة مايعتبرون MOA مايعتبروهة عقد واعتقد انتة تعرف شنو معنى MOA
"MEMORANDUM OF AGREEMENT"
وللاسف هية كل الوحدات كانت عقودهة مع المقاولين MOA.
همة يريدون عقود مال المطار او RCC BAGHDAD,RCC TIKRET,RCC MUSEL,RCC CAMP VIECTORY,RCC NASSRIYAH,RCC RAMADI,CAMP ANACONDA,CAMP SPIEGER,CAMP LIBERTY
يعني تكون بداية العقد هيكW91GEW-09-*************
يعني اخوية الجنابي العقد ابو 14 صفحة من المطار وانتة تعرف شاقصد
يعني ابن عمي كان عندة 6 سنوات عقود بس مااعترفوا بس بعقود من المطار وشكرا

[Anthony Carmelo]

صديقي العزيز vincenzo والغالي BaghdadGhost بالبداية الف مبروووووووك الفيزا علاوي تستاهل والله وماشاء الله موضوعك فتح الصفحة العاشرة فاتتني اربع صفحات منه
ابارك للاخوان الي استلموا فيز وان شاء الله المنتضرين واخص بهم الاخ سبع صنايع 
بالنسبة للاسألة فنسنزوا  ... الجواز بعدة يمهم ولم يتصلوا بيه بعد. اما سبب التاجيل اعتقد الخربطة بين الورقتين ولم اكن مرتبكا ابدا ولكن انتابني شي من عدم المبالاة اثناء اجراء المقابلة .. نعم اعطاني ورقة بيهه سبب التاجيل تكول we must undertake an administrative review of my case
لم يسالني لا على العائلة ولا اسماءهم ولا عن التحصيل الدراسي ولا السيرة الذاتية فقط عن الشركة الامريكية وطبيعة عملي كذلك لم يتطرق الى الخدمة العسكرية اصلا
في القاعة كان الكثير من الناس ومنهم عوائل ايضا واحد ازكرتي اعتقد كان مهندس كهرباء انطاة موعد فيزا و معاملة لم شمل هم انطاه فيزا وعائلة قبلي انطاها تاجيل والبقية لم اركز بصراحة كنت قد تعرفت على شخص مسيحي طيب لدية ابنة يعمل لها معاملة لم شمل زواج باقاربة في امريكا وهو مقدم له معاملة هجرة طبيعية مدتها 10 سنوات !!

Anthony Carmelo

[ماجلان]

.

[alialjanabi28]

حبيبي أشكرك للتوضيح أي طبعا أني أعرف ال MOA لا اني عندياها تقريبن اثنين منهن بس بقية العقود كلهة عقود نظامية وقعتهة مع مكتب العقود اتجاوزت السبعين عقد من بينهم عقود صيانة كانت فترتهة اكثر من سنة وسنتين يعني فترة العقد هية سنتين ولازال لحد الأن عندي عقود سارية المفعول وعقودي هية وية  JCC-I  , BRCC , RCC Fallujah RCC-BIAP, RCC Balad , RCC Taji   أنت ماشاء الله امبين عليك عندك خبرة بهذا المجال ياريت لوكنة ملتقين من قبل

[alialjanabi28]

أخوي الكابوي العراقي ,اخوية شبح بغداد والأخوان البقية
هسة اريد ابدي وياكم خطوة خطوة اذا ماعندكم مانع
هسة أول شي :
1. أبعث رسالة الى السفارة الأمركية بالعراق على الأيميل الأتي : IraqSIVapplication@state.gov
2. محتوى الرسالة راح يكون السبجكت SUB: Name  / passport number / Applecant for SIV
3. محتوى الرسالة تتضمن أسمي ورقم جوازي والحالة الأجتماعية ومان وتاريخ الولادة  (أكو شي أكثر ياريت اتبلغني بيه)
4. شرح مفصل لحالة التهديد الي حصلت لي
5. شرح مفصل لطبيعة الأعمال المشمولة بالتعاقد مع الأمريكان كعقود
6. طلب لشمولي ضمن برنامج SIV
7. طلب بالمتن التابع للرسالة لحصول موافقة COM
طبعا هذا الكلام كله بالأنكليزي
7. الأتاجمنت :
A. نسخة عن جواز سفري (هل يجب ان تتضمن فيز الأمريكية المحصلة في ما مضى ؟)
B.  نسخة عن هوية الأحوال المدنية (هل ممكن انهم يريدون نسخة عن بطاقة الشرطة ام لا ؟ وماذا عن شهادة الجنسية هل ضروري ارسالها؟)
C. أرقام العقود (هنا لا استطيع ارسال العقود لأنها كثير وتأخذ حجم بالأيميل فهل استطيع ارسال فقد الأرقام وقيمة العقود وتواريخها وأسم الزبون او الوحدة العسكرية ؟)
D. كتب الشكر وكتب التقدير المحصلة خلال تلك الفترة
E.  نسخ عن الباجات الممنوحة خلال فترة خدمة العقود
F. نسخ عن الكوينز وهية المداليات الذهبية (أرجو الأيضاح اذا كانت مهم ارسالها ام لا)
G. أستمارة DS-157
H.  أرجو تصحيح اذا كان هناك اي غلط رجاءا و اذا كان هناك شي مفقود لم يتم ادراجه مع تحياتي للجميع

[mohammed2009]

اخويه العزيز علي الجنابي 28

حبيت اضيف الك نقطه انته ماذاكرها ولازم اتسويها وهيه كالاتي :-

6_ Biographic data
بينات تتعلق بيك شخصيا وهي كالاتي :-
ا_ اسمك
ب_ اسم والدك
ج_ اسم جدك
د_ اسم العائله (العشيره)
هـ _ اسماء اخرى / اسم الشهره
و_ الجنسيه
ي_ رقم جوازك (اذا متوفر)
ن _ تاريخ الميلاد
ع_ محل الولاده
خ_ الجنس
ف_ المنزله الزوجيه
ث_ علاقه بمقدم الطلب

وطبعا هاي هم ابورقه بيضه قصدي فايل دوكيومنت واتحولها PDF   وهاي المعلومات اتسويها لجميع افراد الاسره (اذا كنت صاحب عائله) حتى الاطفال كل واحد اله معلوماته الشخصيه وهم راح اذكرها بالانكليزي علمود تكتبها صح مثل مامذكوره

Name:
Father’s Name:
Grandfather’s Name:
Family Name (Tribe):
All other Names/Alias:
Nationality:
Passport Number: (if available)
Date of Birth:
Place of Birth
Gender:
Marital Status:
Relationship to Principal Applicant:

وتحياتي الك

محـــ2009ــــمد

[MONSTER]

شباب عندي سؤال بالنسبه لعدم المحكوميه

كايلين بالموقع

 is living in their country of nationality at their current residence for more than 6 months


معناها اذا دزو الان في سي لازم ادزلهم العدم محكوميه؟ واذا مدزيتلهم يخلون الكيس قيد الدراسه لو عادي منا للمقابله اطلعهة؟ لان تعرفون تاخذلهة وقت طويل

زين اني عندي عدم محكوميه قديمه بالافين وسته طلعته والسبيل مال اسم مو نفس الجواز يصير احدثهة لو لازم اطلع جديده؟

[سبع صنايع]

الاخ العزيز ماجلان
 
الله يبارك بيك وان شاء الله يوم تستقر وتسويلك واحد امريكي مأصل
اني على تكساس بدالاس بمنطقة اسمهه ارفنغ والظاهر على كولتك رح تظل لازكة بيه شغلة الانتظار ههههههههههههههههه

[vincenzo]

صديقي علي الجنابي
اني اسف لان اعتقادي كان مو بمحلة
واحنا نريدلنا واحد ينطي فد راي ايجابي بينما اني كان رايي سلبي
وبالنسبة لتقديمك مبين من اسالتك انه انت ما قريت موضوع فالكون المثبت
وصدك يرادلك واحد وياك بكل خطوة وبالتفصيل
واني ارشح اخوية العزيز الكاوبوي لانه هو قريب عليك هم بالاردن فتكدر تتصل بيه عالخاص وترتبوهه لو تلتقون لو تلفون لو مسنجر وهو خبير وواصل لنهاية السالفة
فارجو ان تستعين به وهو انشاء الله ميقصر لعدم تضييع الوقت لان الاخطاء بالخطوات مال التقديم تضيع هواي وكت وذولة عدهم خلك مو طبيعي بتاخير المعاملات
والله يسهل امر الجميع

[john85]

حبيبي ابو اسد الغالي الف مبروك تحديد موعد السفر..... ولو اني ادري شوكت بس حبيت اباركلك هنا حتى لاتزعل هههههههههههههههه مبروك على اخو اسد ان شاء الله يتربى بعزك و يكون امريكي اصلي مثل ما ذكر ماجلان (خط و نخلة و فسفورة)

حبي ان شاء الله نتلاكه هنااااااااااااااااااااااك لو تجي التركيا الجنة هههههههههههه

اخوك ابو داليا

[IT FOR EVER]

أخوان تعقيبا" على رد ألأخ IT FOR EVER ,شنو الدخول للمقابله صار من باب فندق الرشيد؟

مو كان من باب المعلق؟

أخ IT FOR EVER بلكي تنطينه شويه تفاصيل بلا زحمه, زين الفحص الطبي سويته بالشفاء؟ و منين أجاك أسكورت الشفاء؟ يعني من يا باب؟

أخوكم

اخي العزيز HUMMER
نعم الدخول الان من باب فندق الرشيد واعتقد هواية احسن من المعلق والحرس اهناك كلش متعاونين ومكان الانتضار هو نافورة فندق الرشيد.....
الفحص الطبي / نعم اجريت الفحص الطبي في مركز الشفاء وراح يجيك ايميل بي ارقام اللي تتصل بيهم وطبعا سعر الفحص للشخص فوق ال 18 سنه 190$  . وتستلم الفحص بيدك بنفس اليوم .

واي سوال اني حاضر

[ارقى شاب بالمنطقة]

سلام عليكم اخوان شلون الاحوال ان شاء الله الكل بخير
بس حبيت اسلم عليكم واشوفكم شدتسوون متسوون
اني قبطت اسبوعين بتكساس، وقبل يومين طلعلي السوشيل سكيورتي نمبر واليوم فتحت حساب بالمصرف
حسب نصيحة احد الاخوان كلي لتخلي اكثر من 3000 دولار بالحساب حتى لتنكطع المساعدات وبالفعل سويت
اسم المصرف مالتي USAA
كالولي انتظر اسبوع ويجيك عالميل الدبت كارد (فيزا كارد) ودفتر شيكات

تمنياتي للجميع بالتوفيق

[ماجلان]

.

[Iron_man]

شكرا لك اخي العزيز ارقى شاب ... اتمنى لك دوام الصحة والموفقية في حياتك ...


شكرا على المرور ..


اخوكم
Iron_man

[BaghdadGhost]

الى كل اخوتي و اخواتي في هذا الركن الرائع باعضائه قبل كتاباته ,,,,,,, السلام عليكم ,,,,,

اطلب منكم ان تعذروني للتقصير بالايام القليله الفاتت لاني مشغول جدا و اطلب منكم ان تسامحوني ,,,,, بالرغم من قيامي بالرد على مواضيع تخص ال SIV في الصفحة الرايسيه للمنتدى ,,,,, و السبب بان التكاتف و حب المساعده موجود في كل المواضيع ,,,,,, ولكن جدا واضح و فعال في هذا الموضوع ,,,,, و الدليل المشاركات السابقه التي رغم انشغالي ,,,, حاولت ان اجد احد من الاخوة سال سؤال و لم يجب عليه احد ,,, و الحمد لله لم اجد لانكم رائعون ,,,,,,

الكثر منكم يعلم بان سفري قريب و لن اخذ معي لابتوب (لان انتحر الله يرحمه) و ساقوم بشراء جديد بعد الوصول باذن الله ,,,,,, لذلك ساحاول قدر الامكان عدم التغيب عنكم طويلا ,,,,, مع احترامي و تقديري للكل ,,,, احب ان ابلغكم باني طلبت من الاخ ماجلان ان يتابع الموضوع و اي اساله و استفسارات قد تحتاج الى اجابه في فترة غيابي ,,,,,, و لم يتوانى الاخ ماجلان عن تقديم المساعده و قبل بكل رحابه صدر طلبي ,,,

اسف للاطاله ,,,,,

[HUMMER]

زين اخوان عند الدخول من باب الرشيد, أكو موقف سيارات قريب؟ أحسن الواحد يروح بسيارته؟ أذا أنروح أبتكسي وين ننزل و شنوصف للسايق؟

أذا عائله و اطفال, أكو ضل او سقيفه يم النافوره؟ ياريت توصفولنا المكان.

اسكورت الشفاء هم مناك صار ييجي؟

و سؤال اخير؛ فحص البالغين بالشفاء مو كان 90 دولار؟ شنو زاد أو صار 190؟

مع جزيل الشكر مقدما"

اخوكم

[MONSTER]

هاي وين جان خاتل موضوعك حبي ماجلان صدك ابيي ممنونلك خويي

[ماجلان]

.

[ماجلان]

.

[MONSTER]

حبي ماجلان الخير والبركه نته هههههههه

[الكاوبوي العراقي]

وداعا اخي وحبيبي ابو حسين الوردة وان شاء الله توصل امريكا بسلامة
انتة فخر النة لانك ابن حلال شبوحي
والله يحفظك
اخوك الكابوي العراقي

[IT FOR EVER]

مرحبا شباب
ممكن شرح تفاصيل مابعد استلام الفيزا يعني واحد يكدر يحدد موعد سفرة بنفسة لو همة بكيفهم  واذا اكو تفاصيل مفيدة ارجو كتابتها . مع التقدير

تحياتي

[Alawi]

حبيبنه واخونه شبح بغداد ... الك كول الفضل
كل الشكر
كل الامتنان
ويارب يفتحهه بوجك يارب ويسهل امرك ويوصلك بالسلامة وتستقر وترتاح واتحصل شغل وماكو اي معرقلات ابوجك ..

ويارب نلتقي باميركا البلد العراقي الثاني النه كونه..

واتقبل هديتي الك .. اغنية اهلي يا العراقيين للفنان هيثم يوسف...

واهديهه من خلال هذا المنبر لكل احبتي واني هسة دا اسمعة ودا ابجي لان طيارتي يوم 27 جولاي ووجهتي كولورادو.. واكيد راح اشتاق الى بغدادنة لان اهلي وناسي واص\قائي وكل ذكرياتي الحلوة بيهه ..
وحسبي الله ونعم الوكيل على اللي بهذلنه

وتبقون انتو اهلي يا العراقيين يا ناس يا طيبين ...

وتقبلو احترامي وسلامي

اخوكم علاوي

[الكاوبوي العراقي]

اخوية علاوي
بعدلك 23 يوم على السفر ومكضيهة لطم وبواجي
قابل وين رايح انتة مهاجر يعني حسيت بالغربة عندك كرين كارد وتحجز مرجع لبغداد وبعدين هسة ماكو امريكان بالشوارع بدلوهم بهمرات مال السادة والعمائم وطبعا الامريكان ارحم واحسن من المعممين
فعليمن تبكي على بلد احتلوا العجم لو مقامات اهل البيت الي من تطبلهة هسة عبالك طاب الى قم الكل تحكي فارسي وعبالك انتة بايران
الحكي هواي

الله يوصلك بالسلامة

[البصير]

Allawi

الله يسهلهه عليك وتوصل بالسلامه..

حبي عندي سؤال ...أنت ححدت موعد السفر ؟؟ و يمته دزولك الموعد ..؟؟  لأن الي افتهمته من خلود الحموي ان الموعد  و تواريخ وجدول الرحله يندز قبل اسبوعين من تاريخ السفر.....

أنت يمته دزولك ايميل موعد سفرتك ؟

أني لحد الأن مدازيلي موعد سفر على الرغم خابرت خلود و دزيت ايميل....و كالت قبل اسبوعين من السفر ندز الموعد ...

حبي أنتظر جوابك حته أعرف ....

تحياتي

[Alawi]

اخوية الكابوي - كلامك كوله عسل وصحيح - لكن تبقه غربة الاهل والوطن حركة ابدمنه ومثل مكلت اني من هسة دا ابكي لاعتبارات خاصه والله كريم ويسهله علينه كونه - و ما اكول غير افا عليك هذا بلدنه اشلون ننساه- اني ما اكول لا بس تبقه اكو لوعة بالكلب لان حرامات ظل للناس اللي انت حكيت عنهم. ومثل ما كتلك حسبنا الله ونعم الوكيل.

اخوية البصير كلامك كولش حلو وصحيح وانو خلود الحموي قبل اسبوعين ترسل كول المعلومات مالت الرحلة اللي انت اتحدد يمته مو غيرك بس مو اقل من شهر التحديد حته يشوفولك الخطوط الجوية المتاحة بالمده المحدهه ولاعتبارات خاصه بيهم حته يوفرون الناس اللي تستقبلك لا تنسة دخول منطقة الترانزيت يحتاجلهه موافقات وخصوصا للي ميسافرون (اقصد الجماعة اللي راح يستقبلوك بالمطارات ابمنطقه الترانزيتات).

وبالنسبة اللية اني غير شكل الجماعة من عملي ناية دينسقولي بان لازم اوصل الى وجهتي ابيوم 29 جولاي لاعتبارات اعلن عنهه بعد الوصول والك مني الف تحية..

بس اكلك انو تكدر اتحدد سفرتك بس مو اقل من شهر من تاريخ رد المنظمة عليك وتاسيسهه للمتطلبات اللي انت تحتاجهه بالولاية اللي بيهه السبونسر مالتك.
يعني ما معناه خلال 60 يوم من استلامك الفيزة انت هناك وهاي اقل مده تكدر اتسافر بيهه اذا انت كنت امقدم على المساعدات. اللي ممقدم عادي يحجز ابيومهه ويسافر بدون اي تاخير.
وتحياتي الك

اخوك علاوي

[Alawi]

اخوية الكابوي - كلامك كوله عسل وصحيح - لكن تبقه غربة الاهل والوطن حركة ابدمنه ومثل مكلت اني من هسة دا ابكي لاعتبارات خاصه والله كريم ويسهله علينه كونه - و ما اكول غير افا عليك هذا بلدنه اشلون ننساه- اني ما اكول لا بس تبقه اكو لوعة بالكلب لان حرامات ظل للناس اللي انت حكيت عنهم. ومثل ما كتلك حسبنا الله ونعم الوكيل.

اخوية البصير كلامك كولش حلو وصحيح وانو خلود الحموي قبل اسبوعين ترسل كول المعلومات مالت الرحلة اللي انت اتحدد يمته مو غيرك بس مو اقل من شهر التحديد حته يشوفولك الخطوط الجوية المتاحة بالمده المحدهه ولاعتبارات خاصه بيهم حته يوفرون الناس اللي تستقبلك لا تنسة دخول منطقة الترانزيت يحتاجلهه موافقات وخصوصا للي ميسافرون (اقصد الجماعة اللي راح يستقبلوك بالمطارات ابمنطقه الترانزيتات).

وبالنسبة اللية اني غير شكل الجماعة من عملي ناية دينسقولي بان لازم اوصل الى وجهتي ابيوم 29 جولاي لاعتبارات اعلن عنهه بعد الوصول والك مني الف تحية..

بس اكلك انو تكدر اتحدد سفرتك بس مو اقل من شهر من تاريخ رد المنظمة عليك وتاسيسهه للمتطلبات اللي انت تحتاجهه بالولاية اللي بيهه السبونسر مالتك.
يعني ما معناه خلال 60 يوم من استلامك الفيزة انت هناك وهاي اقل مده تكدر اتسافر بيهه اذا انت كنت امقدم على المساعدات. اللي ممقدم عادي يحجز ابيومهه ويسافر بدون اي تاخير.
وتحياتي الك

اخوك علاوي