المحرر موضوع: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس..SIV Times (زيارة 319973 مرات)

BaghdadGhost · « **رد #1500 في:** 15:29 04/07/2009 »

اشكركم اخوتي الاعزاء ,,,,,,,,,

و الي الفخر بان اكون منتمي لهكذا بيت ممتليء بالطيبين و القائمه طويلة ,,,,,,

حبيت اخلي رد الكم كل ما افوت للموضوع لان من هسه مشتاقلكم والله ,,,,,,,

mohammed2009 · « **رد #1501 في:** 20:18 04/07/2009 »

اخويه الورد شبوحي ....

طبعا كلمه شكرا قليله بالنسبه الك على ماقدمته من مساعده لجميع الاعضاء بهذا المنتدى وبهذا الموضوع بالتحديد وكذلك على جوابك على جميع الاسئله وكل الاستفسارات ....

انت بحق اخ ... اتمنى لك الموفقيه والنجاح وان شاء الله سهوله الوصول الى بلد الاحلام وتحقيق احلامك

تحياتي وامتناني الكبير لك .... ودمت ظلا ..... هههه

اخوك

محـــ2009ــــمد

BaghdadGhost · « **رد #1502 في:** 22:02 04/07/2009 »

اخواني الاعضاء ,,,,,

كلامكم على العين و الراس و اني الممنون الكم ,,,,,, و ان شاء الله ربي يسخرلي الي احتاجه لخدمتكم قاطات مستقبلا و بالاخص في الامور الحرجه الي لم تتوضح لحد الان للحاصلين على فيزا الهجرة الخاصة (احم ,,, احم ,,,, احنه) ,,,,,

اليوم جايبلكم شغله موجودة بالنت ,, بس مو كل الاعضاء يندلوهه ,,,,,

الاخوة الي مقدمين على مزايا اعاده التوطين ولم يستلموا IZ نمبر او اي ايميل منهم ,,,,, بالامكان الاتصال بهم على :

Help Desk: (703) 907-7250
Reception: (703) 907-7215
FAX: General: (703) 907-7287
Business: (703) 907-7284

webhelp@wrapsnet.org

Help Desk Support Hours:
6:00 AM - 07:00 PM EST Monday through Thursday
6:00 AM - 6:00 PM EST Friday
Closed: Saturday, Sunday, US Federal Holidays (please see Calendar)

[/b]

البصير · « **رد #1503 في:** 22:27 04/07/2009 »

أخ علاوي

ألف شكر عا لمعلومات المفيده

و أن شاء الله توصل ســــــــالم غــــــــــانم

و بالتوفيق

البصير · « **رد #1504 في:** 22:32 04/07/2009 »

أنتوني كاراميلو

الله يسهلهه عليك و يتصلوون بيك و تأخذ الفيزا قريبا

تحياتي الك و بالتوفيق و خلينه نسمع أخبارك الحلوه

Iron_man · « **رد #1505 في:** 00:55 05/07/2009 »

شكرا لك اخي شبح بغداد .... الحمد لله انا عرفناك اخا وصديقا لنا ... بس اقول شي واحد ... الله يوفقك بحياتك وفي جميع المجالات ....

اخوك
Iron_man

iraqgsm · « **رد #1506 في:** 02:34 05/07/2009 »

ابوحسين الله يوفقك وانشاءالله نسمع اخبارك هنا بالارشيف ولا يهون اخونة الوردة ماجلان

اخوك ابو يوسف

komar · « **رد #1507 في:** 10:30 05/07/2009 »

اخونه العزيز شبح بغداد الورد الله وياك وتوصل بالسلامه كنت خير عون لكل الاخوه دعائنا الك بالتوفيق بحياتك والاستقرار ان شاء الله.

show · « **رد #1508 في:** 13:51 05/07/2009 »

مع الف سلامه اخي علاوي الورد
اتمنى سلامه الوصول و الاستقرا و النجاح الدائم في الحياه
شكرا جدا على كل ما قدمت في هذا الموسوعه المشرفه

بالتوفيق للجميع

ayoka · « **رد #1509 في:** 15:03 05/07/2009 »

اخي العزيز شبح ارجو من الله ان يسهل امر وصولك وتسهيل كل اموراتك . وحسب المقوله بما تكيلون يكال لكم

iraqgsm · « **رد #1510 في:** 15:18 05/07/2009 »

الله وياك علاوي وموفق انشاءالله الله شاهد كم الفائدة من موضوعك

vincenzo · « **رد #1511 في:** 16:18 05/07/2009 »

الله وياك علاوي
على وزن
الله وياك عبوسي...بتحت موس الحلاق

اخوان هو الولد وين رايح قابل....هو باقي ويانه هنا وانشاء الله من نوصل كلنه نسوي فد لقاء وحفله ونتعرف من صدك ويبقى هالموضوع يجدد منا لل 2012 انشاء الله اذا بقينه طيبين

اخوية علاوي بس تلكالك حاسبة معدلة وتجطل انترنت عالعالم عود اكتبلنه هنا ههههههههه

MONSTER · « **رد #1512 في:** 16:32 05/07/2009 »

اخي العزيز ماجلان بالنسبه للفورم 234 الفقره C

تخص الاهل المقدمين على برنامج الاس اي في فقط؟ مفتهمت شنو المقصود ياريت توضحلي لان الاهل مقدمين عالاي او ام ونريد بنفس الولايه ان شاء الله

Mulan · « **رد #1513 في:** 16:41 05/07/2009 »

اخواني السلام عليكم..
طبعا اني جديده بالمنتدى بس بفضل اله وبفضلكم وصلت لمرحله الNVC...عندي سوال هو كم تتوقعون تكون المده اللي تطول حتا يراسلوني؟؟؟
والسوال نفسه شلون يكون تقديم الاهل بالفورم234؟؟؟..
وشاكره الكم تعاونكم

Banah09 · « **رد #1514 في:** 17:03 05/07/2009 »

الاخت العزيزه Mulan
اولا نرحب بك في هذا المنتدى الذي هو بيت لنا ولكل عراقي وعراقية طيبة ويردون ايساعدون ويقدمون الفائده فاهلا بيج.
اما عن سؤالك عن الفتره التي ممكن ان تقضيها في مرحلة الـ NVC وهي مرحلة المراجعه الادارية فأكيد هذه المرحلة لا احد يستطيع ان يعلم كم تطول لكن بمعدل عام لجميع الاخوه لا تزيد عن شهرين وتعتمد على حجم افراد العائلة المقدمين على البرنامج لكن اغلي الاخوه يجتازوهه باقل من شهرين لهذا انوصيج بالصبر وعادي كلش راح تتعبين واتضوجين بس بين يوم وليله راح تستلمين ايميل للمقابلة والله ايسهل عليج.
اما عن استماره DS -234 بصراحة ما افتهمت سؤالج بس املائه بسيط واذا بحثت بالموقع راح تجدين احد الاخوه واضع طريقة املاء هذه الفورمه والمهم فيها معلومات شخصية وحجم الكيس اي عدد افراد العائله وهذا اول سؤال في الفورم.

واستغرب انت مو تقولين انت في مرحلة الـ NVC يعني هاي الاستماره لازم اتكونين مقدمتها قبل الدخول بمرحلة المراجعه الادارية؟؟؟؟

ارجو التوضيح

ماجلان · « **رد #1515 في:** 17:37 05/07/2009 »

mohammed2009 · « **رد #1516 في:** 17:42 05/07/2009 »

تحياتي للجميع

بخصوص استماره DS-234 ادناه موضوع للاخ سبع صنايع يخص توضيح للفقرات الموجوده استماره DS-234 ومشكور طبعا على هذا التوضيح

DS-234

تتكون من صفحتين و29 فقرة وايضا تكتب حسب عدد افراد العائلة

1-عدد الافراد في القضية يعني اذا 2 تكتب 2 واذا اربعة تكتب 4

2-اذا انت مفدم الطلب الرئيسي تكتب نعم والزوجة والاطفال تختار كلا

3-
N/A

4-الاسم الكامل وحسب الجواز وبالانكليزي

5-الجنس

6-الحالة الزوجية

7-تاريخ الولادة

8-مكان الولادة محافظة وبلد

9- الجنسية

10-القومية

11-الديانة

12-العنوان الكامل

13-رقم الهاتف

14-العنوان البريدي

15-اخر عمل

16- اعلى مستوى دراسي يعني بكلوريوس دبلوم ماجستير وهكذا

17-اللغة الام

18-اللغات الاخرى

19-درجة اتقان اللغة

20-مشاكل صحية تكتب
None

21-عندك احد من كرايبك مقدم على نفس البرنامج

22-اذا عندك كرايب مقدم وتريد تروح وياة بنفس الولاية اكتب اسم الولاية ورقم الكيس مال كرايبك

23-عندك كرايب بامريكا

24-اسم كرايبك

25-تاريخ ميلاد كرايبك

26-عنوان كرايبك بامريكا

27-رقم تليفون كرايبك بامريكا

28- صلة القرابة يعني عمك خالك

29-عنوانه البريدي

شكرا

اخوكم

محـــ2009ـــــمد

ماجلان · « **رد #1517 في:** 17:49 05/07/2009 »

Mulan · « **رد #1518 في:** 18:28 05/07/2009 »

شكرا اخي ماجلان عالرد السريع ..
تحياتي

vincenzo · « **رد #1519 في:** 18:45 05/07/2009 »

الله يساعدهم
بس حبيت ارحب بالاخت مولان ترحيب خاص
ليش؟؟
لان هذا الفلم بالجزئين من ارقى افلام الانيميشن animation اللي اني شايفهه
اختيار موفق اختي العزيزة

ضوء الشمس · « **رد #1520 في:** 19:15 05/07/2009 »

الاخوة الاعزاء
انا اتشرف بالانتماء لمثل هذا المنتدى الرائع بكل من فيه، اتابع ما يكتب منذ شهر ونص وقد ارشدني للكثير فيما يخص قضيتي، واليوم انا بحاجه لتوجيه سؤال مهم وارجوكم ارجوكم ان تساعدوني خاصة من الاخوه خارج العراق ولديهم اطفال ولدوا بالخارج.
انا اسكن قطر منذ سنتين ونص وكنت اعمل مع القوات الامريكية في بغداد وقدمت على برنامج اس اي في والحمد لله الامور تمام ووصلت للمقابلة لكنني في المقابلة حصلت على تأجيل لحين تصحيح موقع ولادة اولادي لانهم ولدوا في قطر لكن عندما استخرجت لهما الجنسية كتب في مكان الولاده بغداد العراق وطبعا كتب في الجواز كذلك بغداد العراق وفي المقابلة لاحظ القنصل انني خارج العراق من سنتين ونص انا وزوجي لم نرجع للعراق مطلقا فكيف ابنائي ولادة العراق بغداد وهم طلبوا شهادة الولاده وفيها موقع الولاده قطر ولهذا حصلت على تأجيل.
راجعت السفاره العراقية هنا في قطر وابلغوني انهم لا يمكنهم تغيير ذلك لانه قرار من ايام صدام حسين قرار مجلس قيادة الثورة ولحد الان ما اتغير هذا القرار وما زالو يمشون عليه الوالد خارج العراق يكتب له موقع الولاده العراق بغداد والفيزه مالتي واقفة على هذا التصحيح والسفاره ابلغتني انهم لا يمكن تغيير الخطأ هذا؟

فهل ممكن اتفهموني شنو اسوي وهل احد منكم مر عليه مثل هذا الشيء، وهل هناك احد ولد خارج العراق وهم سجلوه العراق بغداد؟؟؟؟

اشكركم

ضوء الشمس

Mulan · « **رد #1521 في:** 19:46 05/07/2009 »

شكرا جزيلا عالترحيب اخي فينسينز"" شويه اسمك صعب "" اتمنا اكون لفظته صح
Mulan

MONSTER · « **رد #1522 في:** 19:50 05/07/2009 »

ممنونلك خويي ماجلان

ماجلان · « **رد #1523 في:** 19:56 05/07/2009 »

vincenzo · « **رد #1524 في:** 20:33 05/07/2009 »

فعلا كلام اخوية الجبير ماجلان جدا سليم
يعني همه السفارة الامريكية اللي بقطر والقنصل قابل ميدرون بهيجي قرارات صدامية مضحكة
بس هم على فرض انه ميعرفون انته احجيلهم انه اكو هيجي شي وياحبذا لو تاخذلهم ورقة من السفارة العراقية هناك تثبت هذا الشي او نص القرار مترجم حتى بعد ما تبقى عدهم حجة وهم اخذ بيان الطفل هو وترجمته من المستشفى القطري هم كاثبات لقصتك وهم ترة مرنين ويتفاهمون
وانشاء الله خير

Iron_man · « **رد #1525 في:** 21:33 05/07/2009 »

اخي ضوء الشمس ... مرحبا بك في بيتك الثاني .. وانشاء الله هنا الكل ميقصر ولو برد بسيط !!

نعم اخي انا اتفق تماما مع رأي اخي ماجلان في الموضوع وحاول ان لا تتأخر فيه واسرع باكمال معاملة الترجمة والتصديق لأن هم تاخذلها وقت ...
ونقول الله يسهل امرك وامر جميع الاخوة ...

اخوكم
Iron_man

ضوء الشمس · « **رد #1526 في:** 22:49 05/07/2009 »

الاخ ماجلان والاخ فنسنزو والاخ الرجل الحديدي
اشكركم لردكم على استفساري، وللعلم بحثت عن القرار فلم اجده على النت وفاتني طلبه من القنصلية بالدوحه ، وانا بلغت السفاره الامريكيه انه قرار صدامي مضحك لكنهم اجابوني انه صدام راح وكل قراراته غيرت وهذا شيء منطقي لكن الواقع انه قرار صدام بهذه الحال ما زال يعمل به وللاسف.

ما زلت اتأمل احد الاخوه الذي ولد خارج العراق هل ايضا سجل اولاده العراق بغداد او اي محافظه اخرى بس العراق وهم مولودين خارج العراق لان اني محتار ليش متمسكين بهكذا قرار امخربط.

مره ثانية الف شكر لكل من رد عليه وامنى له التوفيق والنجاح.

ضوء الشمس

mohammed2009 · « **رد #1527 في:** 23:38 05/07/2009 »

اخويه ضوء الشمس

طبعا احب ارحب بيك بالبدايه واهلا وسهلا بيك بين اخوتك ...

بخصوص موضوعك ابصراحه اني مريت ابنفس حالتك من ناحيه انه بنتي ولدت خارج العراق وتم تسجيل في الجنسيه وجواز السفر انه مكان الولاده هو العراق بغداد (طبعا اني ماواصل للمقابله) وكنت افكر وقلق بخصوص نفس الي صار وياك انهم يعرفون انه ابنتي مولده خارج العراق وكيف مسجله في الجنسيه والجواز انه الولاده العراق ... لكن لما اصدرت صوره قيد 57 تم ذكر الحل لهذه المشكله والحمدلله بشي رسمي وكان مذكور انه تم تحويل ولاده المذكور فلانه بت فلان من عمان الاردن الى بغداد (لان اني بعمان) ...

واعتقد انه عند تقديم هذه الوثيقه وتحتوي على هذا التوضيح سوف اتمكن من التخلص من هذه المشكله لانها وثيقه رسميه صادره من دائره الجنسيه ومصدقه ...

نصيحتي الك انه اتصدر هاي الوثيقه وهي صوره قيد عن التسجيل عام 1957 من دائره الجنسيه التابع لها واذا كان مثبت ان ولدك مولد خارج العراق سوف يذكرون هذا التوضيح ويقولون تم نقل ولاده فلان ابن فلان من قطر الى العراق ....

تحياتي الك وان شاء الله اكون قدمتلك شي ايفيدك واني حاظر وتدلل..

وتحياتي لكل الاخوه ... وسلامي لاخويه الورد ماجلان

محــــ2009ـــــمد

MONSTER · « **رد #1528 في:** 00:14 06/07/2009 »

Mulan · « **رد #1529 في:** 00:20 06/07/2009 »

Mulan

MONSTER · « **رد #1530 في:** 00:23 06/07/2009 »

ماجلان حبي ولو تعتبتك ويايه شهاده الجامعه مطلوبه بمرحله الان في سي؟؟

Banah09 · « **رد #1531 في:** 00:31 06/07/2009 »

الاخ ضوء الشمس
بعد ان قريت ما تمر بيه دورت بالنت ولقيت هذا المقال اشويه قديم بس ايخص الموضوع واني ما وقف القنصل وياي عند هكذا موضوع الحمد لله..

http://www.iraqcp.org/Articlesokicpnet/view.php?id=10533

عندما توضع بغداد محل عمان في هويات المواطنين!

هذه ليست طرفة من الطرائف التي يتندر بها اهالي بغداد بل هي اجراءات رسمية حيث دأبت دوائر الاحوال المدنية وضع كلمة بغداد محل كلمة عمان في حقل محل الولادة في هويات الاحوال المدنية للاطفال المولودين في الاردن، وهذا ليس الا مثالاً لما تقوم الدوائر المذكورة في التعامل مع الاطفال المولودين خارج العراق سواء وقعت الولادة في عمان او دمشق او القاهرة او لندن او ستوكهولم او في أي بلد لجأ اليه العراقيون نتيجة ظلم النظام الدكتاتوري السابق او اعمال العنف والتهجير التي عمت البلاد بعد سقوط النظام التي قامت بها قوى الارهاب او التطرف الديني او الخارجين عن القانون.

لقد اتخذت هذه الاجراءات تنفيذاً لقرار ما كان يسمى مجلس قيادة الثورة ذي الرقم 196 في 20/10/1999 وان اصدار هذا القرار وان لم تذكر فيه الاسباب الموجبة الا ان المتتبع لسياسات النظام السابق يدرك ان القصد هو نفي وجود العدد الكبير من اللاجئين العراقيين الموزعين على مختلف المنافي شرقاً وغرباً، فضلاً عن ذلك فان بعض ازلامه كانوا قد طلبوا منه ذلك من اجل قبول اولادهم في الكليات الامنية ككلية الامن القومي وكلية الشرطة والكلية العسكرية اضافة الى المناصب العليا والوظائف الحساسة التي كانت تشترط ان يكون الشخص ووالديه مولودين في العراق.

ومن الجدير بالذكر ان هذا القرار يتعارض بالاصل مع الفقرة 19 من المادة الاولى من قانون الاحوال المدنية رقم 65 لسنة 1972 المعدل التي عرفت البطاقة الشخصية (هوية الاحوال المدنية) بكونها وثيقة قانونية لتعريف الشخص الذي تعود اليه والتي تصدرها المديرية العامة او دوائرها التابعة (طبقاً لقيده في السجل المدني او سجل الجاليات وفق النموذج الذي تقرره).

ان هذا الاجراء ينسحب على شهادة الجنسية العراقية وجواز السفر كما نص القرار المذكور وهو اضافة الى مخالفته للقانون كما اسلفنا فانه يحرّف تاريخ الشخص ويخلق طائفة من الارباكات تؤثر سلباً على مصالح المواطن داخل العراق او خارجه وخاصة في بلد الولادة، من هنا فان مديرية الجنسية والسفر والاقامة مطالبة باقتراح الغاء القرار المذكور وقد تأخرت كثيراً في هذا المقترح كما ان البرلمان العراقي مطالب بالاسراع بادراج هذا المطلب في برنامجه المتعلق بالغاء قرارات مجلس قيادة الثورة المنحل سبيلاً لتخليص الملايين من العراقيين المولودين خارج العراق مما يلحق بهم من ضرر نتيجة ذلك القرار الجائر.

ابراهيم المشهداني

ام ياسر

ماجلان · « **رد #1532 في:** 08:13 06/07/2009 »

ماجلان · « **رد #1533 في:** 22:59 06/07/2009 »

mohammed2009 · « **رد #1534 في:** 23:03 06/07/2009 »

السلام عليكم

تحياتي للجميع ... اخويه الغالي ماجلان تدلل ويدللون الاخوان وان شاء الله استفادوا من المعلومه الي قدمتها ..

اخواني مثل ماتعرفون اني حاليا شغلتي في دائره نبراسكا وهاي التفاصيل :-

21/6/2009 ارسلت اوراقي الى نبراسكا عن طريق الفيدكس من عمان
24/6/2009 تم تاكيد الاستلام من قبل دائره نبراسكا انهم استلموا اوراقي
26/6/2009 تم المصادقه على ملفي
1/7/2009 تم ارسال ملفي لكن اين لااعرف كان مكتوب بالموقع الي استفسر منه عن قضيتي (Current Status: Approval notice sent.)
وكان كل ظني انه تم ارساله الى NVC كما تعرفون انها المرحله الي تلي مرحله نبراسكا مباشرة
وارسلت رساله البارحه 5/7/2009 استفسر اذا كان ملفي وصل الى NVC فقالوا لي لم نستلم ملفك و انه يلزم بعض الوقت لوصل الملف ...
وتفاجئت بنفس الوقت واثناء الاستفسار عن حالتي من خلال موقع نبراسكا رأيت الاتي :-

Current Status: Case was shipped to the Department of State for visa processing.

ان ملفي تحول الى وزاره الخارجيه لمعالجه الفيزا ... سؤالي :-

هل وزاره الخارجه ترسل الملف الى NVC واكمل معهم الخطواط مثل ماهو معروف ؟؟؟
او سيتم تحديد موعد لي بالسفاره في عمان لان الملف تحول مباشره الى وزاره الخارجيه ؟؟
قصدي هل تحويل الملف الى وزاره الخارجيه اجراء عادي وتسلسلي ؟؟؟

وانا سئلت هذا السؤال لان كما تعرفون انه انا حصلت على COM Approval بعد اربعه شهور من اتمام ارسال كافه اوراقي ... لذلك ممكن ان يكونوا قدموا مرحله NVC على مرحله COM Approval معي فقط كاجراء خاص بهم لااعرف ؟؟؟؟

ارجوا من اخوتي اعطاء ارائهم بالموضوع لان الصراحه اشو دخت من هاي السالفه

شكرا وانتظر ردودكم الجميله

اخوكم

محـــ2009ــــمد

Iron_man · « **رد #1535 في:** 23:23 06/07/2009 »

اخي mohammed2009

لا دير بال ... على كولة البعض

It's Only a matter of time

صدكني ..... متشوف والا هناك كايليلك تحولت اوراقك الى NVC ..

والله يسهلك امرك

اخوكم
Iron_man

mohammed2009 · « **رد #1536 في:** 23:31 06/07/2009 »

اخويه الرجل الحديدي

اشكرك على اجابتك وان شاء الله على كولتك تتحول اوراقي الى NVC

بس قصدي انتوا هم مريتوا بمثل هذا الشي انه ملفكم اتحول الى وزاره الخارجيه وبعدين الى NVC ؟؟؟

شكرا

محـــ2009ـــمد

vincenzo · « **رد #1537 في:** 01:20 07/07/2009 »

صديقي ابو جاسم
عاشت ايدك على هاي التفاصيل اللي اني دانتضرهه بفارغ الصبر لان مثل متعرف اني وياك تقريبا صنف
اني جان عندي هيجي شك بالبداية انه قدموا الان في سي وسوهه وية الكوم ابروفال بس ما ردت احجي بالبداية بس هسه هذا الاحتمال كلش زاد وبلكي يتاكد اكثر وتستلم فيزتك وتسافر قبل ميسافرون جماعة الطريقة الةديمة هههههههههه
ويجوز على راي الرجل المعدني هم ترجع للان في سي ولو استبعد هايه الشغلة
وهم يجوز الطريقة الجديدة مو للكل وانما لحالات خاصة
يعني مثلا اني ارهابي تارك ههههههههه فيجوز مثلا يقدمولي التجييك الامني لان اني خطييييييير
اي تطور يصير عندك سولفلنه اول باول لان اني مقدم عالدكتوراه بحالتك وحتى تقديمي بالاس اي في مو حتى اسافر وانما حتى اتاكد من النظرية الجديدة

untitled.man · « **رد #1538 في:** 07:43 07/07/2009 »

اخوتي في الـ SIV...

تحياتي لكل شخص بيكم... والف مبروك لكل تطور صار وياكم...

اخوية ابو جاسم...
انته سالفتك جدا اعتيادية ومابيهه اي غموض... ماشية المعاملة حسب ما مرسوم الهه...
انته دتحجي على الايميلات اللي دتستلمهه من الـ CRIS واللي هي كلهه 3 ايميلات... الاول اليوسرنيم والباسوورد... والثاني Approval notice sent... والثالث Case was shipped to the Department of State for visa processing. وهذا الاخير هو نفسه الـ NVC... فلا تدوخ نفسك ولا تحتار... نفس الخطوات اللي مرت عليه... بس اني اريد انصحك نصيحة اخوية بس مو تزعل...
على كيفك ويه المسألة... راح تصير بيك جلطة ههههههه.... الايميل اللي ددزهه لاي جهة دزه وانساه ولا تفكر بي... وتلكاهه هي جايه على كيفهه... ودير بالك على الضغط.... ههههههههههه
حبي اتشاقه وياك... بس ثق واعتقد انه معاملتك ماشية نفس ما مشت معاملتي... بس انته سالفتك طولت اكثر بالكوم ابروفل....

تحياتي

IT FOR EVER · « **رد #1539 في:** 07:54 07/07/2009 »

السلام عليكم شباب
اليوم واخيرا اجاني ايميل يبلغني يموعد استلام الفيزا , طبعا اني جدااا ممنون الكم ولكل الاخوة الاعضاء على مساندتهم لي واشكر الاخوة القائمين على هذا الموضوع وياربي الله يوفقكم وان شاء الله الكل تطلعلكم فيزا وتسافرون يااااااااااااااااااارب .
هذه تفاصيل معاملتي

1-1-2009 اول ايميل ارسلته الى الى SIV

Sun, Feb 15, 2009 COM Approval

20Fep 2009 ارسال الاوراق الى نبراسكا بالبريد العسكري

10- Apr 2009 تاريخ استلام الاوراق

Wed, Apr 29, 2009 اخر ايميل دزيته الى NVCISv

June 29, 2009 Visa interview

Mon, Jul 6, 2009 Visa Has been issued

مع تحياتي الى كل الاخوة الاعضاء

البصير · « **رد #1540 في:** 10:13 07/07/2009 »

ألف مبروك أخ IT FOR EVER

ان شاء الله خلود الحموي من IOM - عمان تدز لك ايميل و تسألك يمته تريد تسافر قريبا ....طبعا أذا كنت مقدم على المساعدات

بالتوفيق

mohammed2009 · « **رد #1541 في:** 13:03 07/07/2009 »

السلام عليكم

اخويه IT FOR EVER مبروك موعد استلام الفيزا وان شاء الله موعد السفر ...

اخويه الغالي untitled.man صحيح اني اجاني ايمل من CRIS وبصراحه اني الى اعرفه انه NVC تابعه لوزاره الامن القومي مو لوزاره الخارجيه لذلك صار ويايه هذا الالتباس .... واني ماشيل هم للموضوع لك اكو شي مادري اذا اتعرفه او لا انه اني مقدم على IOM والشغله بالاي او ام تتمشي بسرعه وني اريد اطلع على SIV وهيه بس هاي المدوختني وان شاء الله الي بي الخير الله ايقدمه ومشكور اخويه على معلومتك الي كلش فادتني .....

اخويه وصديقي الورد vincenzo

بشرني ماصار وياك جديد شنو اخبار الاوتوريبلاي بلكت احنه شغلتنه تطلع بلا ماتمر على NVC (هم لو كرايب اوباما هم ايدخلوا على NVC هههههه) ... واي شي جديد اني راح ابلغك بي وخلينه نسمع اخبارك مو تكطع ....

شكرا

محــــ2009ــــمد

vincenzo · « **رد #1542 في:** 13:15 07/07/2009 »

لا والله كلشي ماكو
بس تره اني مو قصدي يلغولنه الان في سي
وانما يلقون ال DS230
ويقدمون الان في سي ويسوونه قبل نبراسكا
وهاي تره كلش وارده ليش لا
وما اعرف اخوية البلا اسم ليش ما صفن على شغلة الرقم اللي اجانه من الان في سي من البداية
ويكدر يراجع موضوعي اللي رابطة موجود بواحد من ردودي هنا فوك او يمكن بالصفحة القبلهه

ماجلان · « **رد #1543 في:** 13:27 07/07/2009 »

mohammed2009 · « **رد #1544 في:** 13:35 07/07/2009 »

اخويه العزيز ماجلان

انته كلامك صحيح والاخ بلا اسم هم كلامه صحيح بس اكو شي اني واخويه vincenzo مرينه بي يختلف عن الي مريتوا بي وهذا تره الي دنسئل عليه وهو اعطائنا رقم الي يبدي ب BGH والتابع لل NVC من قبل استلام الموافقه مال رئيس البعثه وماكو احد من الاعضاء لحد الان مر بهذا الشي وهيه هاي مربط الفرس لذلك اني من رئي ... انه ممكن اتمر شغلتنه على NVC كجراء روتيني لاستكمال الاوراق المطلوبه فقط وبعدها بفتره قصيره يتم تحديد موعد المقابله (طبعا هذا الشي الي اتمناه هههه) ... والله اعلم

واكيد الايام القادمه راح تثبت صحه هذا الكلام ... وان شاء الله خير

اخوكم

محـــ2009ــــمد

untitled.man · « **رد #1545 في:** 13:50 07/07/2009 »

"دانته بتحلم يا بابا" هههههههههههههه

اخوية ابو جاسم.... اكعد صار وكت الغده ... هههههههههههه

اتشاقة وياك حبيبي... واني اتمنه يكون كلامك صحيح وتخلصون...

تحياتي

الكاوبوي العراقي · « **رد #1546 في:** 13:55 07/07/2009 »

ماجلان انتة موجود

الكاوبوي العراقي · « **رد #1547 في:** 15:18 07/07/2009 »

انلاصت انلاصت انلاصت انلاصت

mohammed2009 · « **رد #1548 في:** 15:21 07/07/2009 »

خير اخويه كابوي خوما صاير شي ؟؟؟؟؟

Banah09 · « **رد #1549 في:** 15:32 07/07/2009 »

الكاوبوي العراقي

خير اخونه خو ماكو شيء شنو اللي انلاصت ظل بالنه يمعود

ام ياسر

john85 · « **رد #1550 في:** 17:17 07/07/2009 »

الكاوبوي العراقي خير اللهم اجعله خير

ان شاء الله ماكو شي

يمعععععععععععود قلقتنا

اخوك ابو داليا

untitled.man · « **رد #1551 في:** 17:47 07/07/2009 »

حبيبي كاوبوي...

خير انشالله...

اني موجود... كول وأمر...

الكاوبوي العراقي · « **رد #1552 في:** 17:55 07/07/2009 »

والله يوالله المعين اخوتي

mohammed2009 · « **رد #1553 في:** 18:09 07/07/2009 »

اووووووو الله ايساعدك اخويه والله مشكلتك مشكله ... واكيد شما راح تحجي ويه اهل السفاره واتفهمهم على شغله السيد مراح يفتهمون .... وهسه حتى لو طلعلوهم عقد طلاق (مريدي) مال محكمه ومصدق وكلشي ودزه الهم هم مراح ايفيدك ..... لان انته تدري ممكن اجيكون عليه وايشوفوا غير قانوني انوب تدخل بسين وجيم ....

فماكو غير اتظل اتصير على موقفك انه هذا شي موجود بالعراق وهو العقد من خلال رجل الدين (السيد) وذلك لان عمر الفتاه يكون دون السن القانوني للزواج او اي سبب اخر ... ويوجود حالات كثير بالعراق متزوجون على نفس هذه الطريقه وانا لااملك سوى هذا العقد ....

وتعوفها على رب العالمين .. وان شاء الله تسهل امورك

شكرا

محــ2009ـــمد

Iron_man · « **رد #1554 في:** 19:10 07/07/2009 »

واللي يا اخويه الكابوي الله يكون في عونك .... ما ادري شكولك واني حتى لا متزوج ولا مطلك ... بس الاخوة في احد المواضيع اتفقوا على انه نكتب اي رد يساعد في التخفيف فيما يمر به اخونا كاتب الموضوع مع الدعاء طبعا من الباري عز وجل بأن يسهل قضية اخونا الكابوي العراقي ....

تقبل مروري

Iron_man

john85 · « **رد #1555 في:** 19:12 07/07/2009 »

و الله اخوية العزيز الكاوبوي هاي موخوش شغلة بس كلشي و اله حل

اخوية العزيز اني اشوف جواب محمد 2009 منطقي جدا انت تصر على موقفك بس تشرحلهم اني سويت عقد يم رجل دين فقط و لم يتم تصديقة بالمحكمة و لهذا السبب لا يوجد اصلا عقد محكمة و اشرحلهم انه فقط هذا العقد العندك من زواجك الاول و هذه عقود الزواج يم رجال الدين موجودة بالعراق و يكدرون همه يسالون على هذا الشي و بلكي الله يتفهمون موقفك

و من الله التوفيق

و خليه على الله و الله كريم و اتمنى اكو جواب احسن من الاخوان البقية

اخوك ابو داليا

untitled.man · « **رد #1556 في:** 19:42 07/07/2009 »

والله يا خويه الكابوي هذا ابد مو خوش خبر...

انت مثل ما ذكروا الاخوة محمد وجون حاول انه تشرحلهم شنو عقد الزواج عند السيد...

وانشالله يصير خير....

اتمنى لو بيدي اقدم اكثر... بس مالي غير ادعيلك بهاي محنتك انه يفرجهه عليك باسرع وقت.

تحياتي

MONSTER · « **رد #1557 في:** 20:33 07/07/2009 »

شكرا اخويه العزيز ماجلان.

شباب بالنسبه للفورم 234 مدتنملي عالحاسبه!! يصير امليهة كتابه واسويلهة سكان؟
اذا عدكم اي معلومه اتمنى تساعدوني بيهة..

mohammed2009 · « **رد #1558 في:** 21:00 07/07/2009 »

اخي العزيز MONSTER

انته تكدر تملي الاستماره 234 من خلال الكومبيوتر اذا كان عندك برنامج PDF اكروبات ريدر 8 او 9 البروفشينل فقط
وذلك من خلال الذهاب الى Tools ومن ثم الى TypeWriter ثم الى Show Typewirter Toolbar
وراها راح تطلعلك مثل الاله الكاتبه تكدر تكتب باي مكان انته اتريده ....

وطبعا اذا ماعندك لازم اتحمله من النت بصراحه اني ماعرف موقع معين بس ان شاء الله اذا لكيته انزله الك ..

وبخصوص انه تملي الاستماره ابيدك ... من وجهه نظري ليش لا اذا خطك حلو وزين بالانكليزي مابيها شي امليها وسويلها سكنر ودزها ..

شكرا

محـــ2009ــــمد

MONSTER · « **رد #1559 في:** 21:18 07/07/2009 »

مشكوور اخويه العزيز محمد اي عندي الاكروبات ال 9 هسه اجرب واشوف تسلم يا غالي

ماجلان · « **رد #1560 في:** 22:51 07/07/2009 »

mohammed2009 · « **رد #1561 في:** 23:33 07/07/2009 »

اخواني الاعزاء ...

اخونه الغالي شبوحي الورد ... محد يعرف اخباره او محد عنده اتصال وياه ... لان حسب علمي انه يوم 7/7/2009 سافر من بغداد الى عمان ... ويوم 8/7/2009 راح ايسافر الى الولايات المتحده مباشره حسب اعتقادي .... هل اخويه ماجلان عنده اي معلومات ؟

واتمناله الوصل بسلامه وراحه البال والله ان شاء الله ايسر رحلته ...

محــــ2009ــــمد

ماجلان · « **رد #1562 في:** 23:43 07/07/2009 »

vincenzo · « **رد #1563 في:** 03:08 08/07/2009 »

الله بو الخير
اولا هو اخذ وياه لاب توب
ثانيا اصدقائي ماجلان وبلية اسم بلكي تسولفولنه عن اخر توجيهاتكم لهيلاري كلنتون وتسولفولنه شكم مره باليوم تلوون اذانهه من تسوي وكاحه هههههههههههه
يا عيني مو احنه وانتو وكل العراقيين كل خبرتهم مبنية على تجارب وتحليلات شخصية
يعني عدكم مثلا علم ورى ال 2012 شراح يصير بالاس اي في
احنه شغلتنه تختلف وحتى اذا دنقشمر على نفسنه فهم تختلف
يبقه للاسوا لو للاحسن هاي اللي محد يعرفهه
بالمناسبة الرقم اللي دزولياه مو مثل مال اخوية ابو جاسم BGD وانما NVCSIV2009##### وهو جايني من
SIV Unit
National Visa Center
Serco Inc
Support Contractor

untitled.man · « **رد #1564 في:** 07:42 08/07/2009 »

حبيبي فنجوز الوردة...

هاي انت ليش هيجي مكشر سنونك علينه...
مو جاوبت بموضوعك وشرحتلك وجهة نظري حسب اخر اجتماع كعدناه ويه هيلاري...

وردة فنجوز

Iron_man · « **رد #1565 في:** 08:40 08/07/2009 »

شلونك اخويه untitled.man

شنو اخبارك ؟؟؟ اشو ماكو على المسنجر ... شصار من شغلتك ؟؟

Iron_man

vincenzo · « **رد #1566 في:** 11:25 08/07/2009 »

هاي شنو جماعة الينتهي اسمهم بال"مان" كلله مسنجر من ورانه هههههههههه اني هم راح اغير اسمي الى فنجنزو-مان......هيه ضلت علية
اكلكم خو ما اكو زعل بالارشيف ههههههههه
اخوية بلى اسم جاي اتشاقة وياك وانته طيب ووردة

اخوان شبح خابرني بالتسعه ونص الصبح بتوقيت بغداد من عمان وجان على وشك ان يطير (يعني يشد جناحات) وجانوا وياه اعضاء اخرين سكوتيين يمكن سمعته يكول SIVandIOM
بس لا ميلحكون عالفاتحة مالة مايكل جاسم ويفشلونه وية العالم لو يخمطون الواجب الدازينه وياهم هههههههه

Iron_man · « **رد #1567 في:** 11:58 08/07/2009 »

اي اخوية vincenzo لعد شعبالك ... هههه .... اني اتصالاتي واموري بس ويه اهل الـ "مان" على نفس الوزن والقافية ... ايرون مان ........ هههههههههه

وعلى سالفة مايكل جاسم .. وين يلحكون بعد ... حتى اليوم الثالث خلص ... وشالوا الصواني والاكل ... هههههههه

سلملي على شبح اذا اتصل بيك ....

سلامي الك والى الاخوة الحاضرين ...

Iron_man

الكاوبوي العراقي · « **رد #1568 في:** 17:12 08/07/2009 »

مبروك مبروك

سبع صنايع · « **رد #1569 في:** 20:35 08/07/2009 »

اخوتي الاعزاء

حبيت افرحكم واكلكم انو موعد سفري هو 21-7

ان شاء الله الكل تتيسر امورهه وتسافرون وترتاحون

ماجلان · « **رد #1570 في:** 20:56 08/07/2009 »

ahmed.khalid_87 · « **رد #1571 في:** 21:29 08/07/2009 »

اخوية سبع صنايع
ان شاء الله توصل بالسلامة
والاستقرار والموفقية ان شاء الله
تحياتي

john85 · « **رد #1572 في:** 21:49 08/07/2009 »

ابو اسد الوردة يارب توصل بالسلامة و سفرة سهلة ان شاء الله و ممتعة.....
ومثل ما كتلك بالسابق انه راح تشوف الحياة غير شي خارج العراق و راح تتحسف على الايام الكنت ميت بيها بالتراب و ماكو كهرباء و سحب و ماء ووووووووووووووو

ان شاء الله يارب يوفقك و تسجل اسد بالروضة على السنة الجديدة ههههههه

اخوك ابو داليا

البصير · « **رد #1573 في:** 21:54 08/07/2009 »

ألف مبروك و توصل بالسلامه و يوم يدزونه موعد السفر قريبا

مبروك

Iron_man · « **رد #1574 في:** 22:30 08/07/2009 »

الف مبروك اخوية سبع صنايع تستاهل وفرحتلك ... ان شاء الله توصل بالسلامة وتجد الاستقرار والراحة ....

وانشاء الله يوم لبقية اخواننا ممن ينتظرون مواعيد السفر ...

تقبلوا مروري ...

Iron_man

mohammed2009 · « **رد #1575 في:** 22:50 08/07/2009 »

اخويه الغالي سبع صنايع

مبــــــــــــــــــــــــروك وشايف كل الخير وان شاء الله يوم نسمع اخبارك وانته داخل امريكا ... نتمنالك سهوله الطريق وسرعه الوصول بدون تعب او مشاكل ان شاء الله ماكو مشاكل ...

واحب اكول انه اكو شخص من الي مقدمين على SIV هم موعد سفره يوم 21/7/2009 وهو الاخ بلاك ووتر ان شاء الله تتعرف عليه بالطياره .. وهو يبدأ رحلته من بغداد ...

اتمنى لكم الخير والموفقيه

اخوكم

محـــ2009ــــمد

Banah09 · « **رد #1576 في:** 23:02 08/07/2009 »

الاخ سبع صنايع

مبروك وتوصل بالف سلامه انت والاهل، الله يوفقكم

ام ياسر

vincenzo · « **رد #1577 في:** 23:43 08/07/2009 »

عالخير اخوية سبع

والله يا اخوان تمنيت لو اخونه علاوي هسه موجود
مدري هسه فوك المحيط الاطلسي مدري وصل؟؟ المهم هو جان مصر على انه L3-Titan ما عدهم Human Resources والامبلويمنت فيريفيكيشن اللي اني دازهه صار 3 مرات موقعة من ال Director of Subcontracts مظبوطه وهمه ميفتهمون بس هسه دزولي رساله وضحولي انه لازم ابو الهيومان ريسورسز يوقعهه والتفاصيل طبعا هم نزلتهه بموضوع تقديمي وتمنيت هسه صديقنا موجود حتى شوية اتناكر وياه هههههههههه
وهسه دزيتهه مره ثانية للي دزلياهه من تايتن واستعملت الايميل اللي ذاكرته اختنا ام ياسر وكتله انه لازم هذا الشخص يوقع
واسف لان دوختكم بس حبيت اذكر اي شي يصير وياية

mickillson · « **رد #1578 في:** 01:01 09/07/2009 »

شباب اني بدا صبري يتفذ ...صارلي اكثر من 10 اسابيع انتظر يتصلون بيه من السفاره بس ماكو شي جديد ..ماعرف شنو الموضوع قابلت يوم 27 ابريل وراهه كالولي ادمن بروسس وصارلي شهرين ونص وماكو شي ..اريد اعرف رايكم شباب..علما اني قابلت بغداد وكلشي مر بسلاسه

Banah09 · « **رد #1579 في:** 01:09 09/07/2009 »

الاخ mickillson

اصبر اخي، المراجعة والتدقيق تاخذ وقت، اصبر ولا اتفكر بيهه ولو صعب هذا الكلام بس حاول.

اصبر

ام ياسر

mickillson · « **رد #1580 في:** 01:17 09/07/2009 »

شكرا اختي على الرد ...وبارك الله بيج

الكاوبوي العراقي · « **رد #1581 في:** 03:36 09/07/2009 »

الف مبروك اخي سبع صنايع توصل بالسلامة ان شاء الله
اخي مايكلسون ترة اني وياك منتظرين والله يعيننا واصعب شيئ هو الانتظار بعد مقابلة السفارة يعني اليوم بسنة اني يريدون مني عقدطلاق محكمة يلة يفيزولي والله كريم

الكاوبوي العراقي

ayoka · « **رد #1582 في:** 04:28 09/07/2009 »

الف مبروك للاخ سبع .

سيوف الليل · « **رد #1583 في:** 07:31 09/07/2009 »

شلونكم شباب ومشكورين على الجهد الطيب ............

عندي سؤالين:

1.ما هي الاوراق المطلوبة الى Nebraska Service Center والي هي ال NSC....

2.ما هي كافة المستمسكات المطلوبة الى NVC .

شكرا جزيلا.....................

iraqgsm · « **رد #1584 في:** 14:19 09/07/2009 »

اخوية مايكلسون لتقلق اهريهم ايميلات وهسه تسهل انشاءالله يا رب

iraqgsm · « **رد #1585 في:** 14:27 09/07/2009 »

شباب شلونكم اريد مساعدتكم ونصيحتكم

اني استلمت الفيزا يوم 11\6 دزيتهة بنفس اليوم مع العلم اني عندي prc no. من وكت الان في سي

المهم ردوا علية يوم 17\6 وكالوا راح ندبرلك منظمة و بلغ الكفيل اللي هو معنوي بس حسب الاتفاق اللي بينا المهم لحد يوم 29\6 ممتصلين بالكفيل واليوم 9بالشهر وكلشي ماكو فشلون كلولي

Banah09 · « **رد #1586 في:** 17:29 09/07/2009 »

الاخوان المحترمين
عندي سؤال اشو اليوم استملت هذا الايميل من wrapsnet ذاكرين بيه رقم الـ TC هو كذا علما اني مقدمة على البنفت ولحد الان ماعندي رقم IZ فهل هذا الـ TC يعني IZ نمبر...؟؟؟؟؟

Your case has been assigned an RPC case number: TC-xxxxxx

Regards,

Refugee Processing Center

ماجلان · « **رد #1587 في:** 17:33 09/07/2009 »

IT FOR EVER · « **رد #1588 في:** 18:51 09/07/2009 »

السلام عليكم شباب
اليوم والحمد لله استلمت الفيزا وكلشي اوكي ,ماعدا شغلة وحدة لا السفارة دزتلي ويه ايميل الاستلام مال الفيزا خطوات البنفت ولا خلود الحموي دزت ايميل ولا كلشي واني هسه عندي فيزا بس مااعرف شسوي مع العلم اني مقدم على البنفت ,ياريت جواب واني الممنون

تحياتي للجميع

Mulan · « **رد #1589 في:** 19:04 09/07/2009 »

اخوان سلام
عندي سوال بالنسبه لبوليس سرتفيكيت بمرحله للان في سي ..شنو المقصود بيه؟؟
اني قريت باحد المواظيع انو لازم احنه نكتب تعهد ..ياريت اذا احد يكتبلنا شنو الكليشه تكون وشكرا.

IT FOR EVER · « **رد #1590 في:** 19:15 09/07/2009 »

اخي العزيز Mulan
يقصد بالبوليس سرتفكيت هو العدم محكومية وهي معاملة اتسويهه بدائرة الجنايات اذا داخل العراق او خارجه
واكو تفاصيل اكثر عن الموضوع في الصفحات السابقة الشباب شارحين شرح وافي عن الموضوع
وارجو من الشباب الخبرة ان يصححولي اذا جوابي صحيح ام لا

تحياتي

Iron_man · « **رد #1591 في:** 19:16 09/07/2009 »

اخي IT FOR EVER

مبروك لك استلام الفيزا وانشاء الله يوم السفر عن قريب .... وبالنسبة للايميل اللي اتدزة الى جماعة اعادة التوطين هو :
Siv@wrapsnet.org

وتدزلهم نسخة من الفيزا + نسخة من استمارة DS-0234 + ونسخة من الورقة اللي وقعتها مال استلام المساعدات .... (عرفتها لو لا ؟؟) ..

وبعدين راح يجيك ايميل وينطوك كيس نمبر خاص بالتوطين مو مثل ذاك القديم مال NVC ...

والرقم المفروض يبدي بالاحرف IZ بينما هسة مثل مسمعت من بعض الاخوة انه مغيرين الاحرف الى TC ... انته المهم تستلم الرقم ..

واني حاضر لأي شي اخر

اخوكم
Iron_man

Iron_man · « **رد #1592 في:** 19:19 09/07/2009 »

شنو القصة اليوم كلها عدها اسئلة .. زين ماكو ترك ؟؟؟ ههههههههه

IT FOR EVER · « **رد #1593 في:** 19:24 09/07/2009 »

صديقي العزيز Iron_man شكرا على الجواب السريع
يعني من الطبيعي ان اني ادزلهم لو لا لان البارحة صديقي وصلة ايميل منهم يبلغه بوصول معاملته من السفارة واليوم استلم الفيزا ؟؟؟؟
ارجو التوضيح مع التقدير

Iron_man · « **رد #1594 في:** 19:29 09/07/2009 »

لا لا كلش طبيعي اخي IT FOR EVER ... انته تكدر ادز الايميل مال اعادة التوطين ... لأنه الشي منطقي واللي هو هاي الخطوة مراح يقوم بيها صديقك (الكفيل المعنوي) .. فانته دزها علمود هم ياخذ سرة ...

وبالتوفيق انشاء الله

Iron_man

Mulan · « **رد #1595 في:** 19:39 09/07/2009 »

مقتبس من: IT FOR EVER في 19:15 09/07/2009

اخي العزيز Mulan
يقصد بالبوليس سرتفكيت هو العدم محكومية وهي معاملة اتسويهه بدائرة الجنايات اذا داخل العراق او خارجه
واكو تفاصيل اكثر عن الموضوع في الصفحات السابقة الشباب شارحين شرح وافي عن الموضوع
وارجو من الشباب الخبرة ان يصححولي اذا جوابي صحيح ام لا

تحياتي

اخويه الي قاريته بلمنتدى والي نعرفه انو عدم محكوميه ناخذه ويانه للمقابله ..بس بمرحله الان في سي اكو تعهد خطي وسوالي عن كليشه التعهد هاي
ماعرف اذا تفكيري صح واذا لا ياريت الاخوان يوظحون السبب وشكرا

ماجلان · « **رد #1596 في:** 21:02 09/07/2009 »

سبع صنايع · « **رد #1597 في:** 21:06 09/07/2009 »

الاخوة والاخوات المحترمين

ماجلان
احمد خالد
جوني ابو داليا
البصير
الرجل الحديدي
محمد ابو جاسم
ام ياسر
فنشنزو
الكابوي العراقي
ايوكا

اتمنالكم الموفقية والى كل الاخوة الاعزاء واشكركم على المشاعر الطيبة وان شاء الله منقصر وياكم من نوصل

واحب اكلكم ان الله سبحانه وتعالى ميكطع وفرجه قريب وابسط مثال شغلتي اني لو محصل فيزة بالشهر الثالث وممتأجل كانت فيزتي تكون ام الست اشهر وكان ممكن اسافر بالثامن او التاسع بس الله عوض صبري خير ورغم تاجيلي اكثر من ثلاث اشهر فموعد السفر صار اسرع مما توقعت

لذلك لحد ييأس وكلهه تصير سوالــــــــــــــــــــــف

untitled.man · « **رد #1598 في:** 21:24 09/07/2009 »

اخوية العزيز سبع صنايع الوردة...

الف مبروك على تحديد موعد السفر... وانشالله تستقر انت والعائلة الكريمة باسرع وقت...

تحياتي

MONSTER · « **رد #1599 في:** 22:26 09/07/2009 »

اخويه ماجلان

بالنسبه للفورم DS-157 والفورم DS234

اني عندي اكروبات بروفيشنال يخزن يسوي سيف

بعد اكو داعي اسويلهن برنت وسكان؟

تحياتي..

mohammed2009 · « **رد #1600 في:** 22:30 09/07/2009 »

اخويه سبع سنايع

اتنمالك الموفقيه والحياه السعيده ... وان شاء الله توصل بالسلامه مع تقديري واحترامي

اخوك

محــ2009ـــمد

iraqgsm · « **رد #1601 في:** 23:31 09/07/2009 »

سبع وشقندح وبلاكووتر مبروك والله يوفقكم انشاءالله
مبروك مرة ثانية

سبع صنايع · « **رد #1602 في:** 06:19 10/07/2009 »

الرجل البلااسم
محمد ابوجاسم
عراق جي اس ام

الف شكر على المشاعر الطيبة ويارب يسهل امركم وتسافرون

ماجلان · « **رد #1603 في:** 10:57 10/07/2009 »

show · « **رد #1604 في:** 14:55 10/07/2009 »

الف مبروك اخي سبع
سفره سهله و مريحه ان شاء الله و توصل بالف سلامه

بالتوفيق للجميع

vincenzo · « **رد #1605 في:** 16:19 10/07/2009 »

الى اختي ام ياسر الوردة
خابرت ابو ال human resources اللي انطيتيني معلوماته ودزلي رساله ادزهه الهم وزبدتهه:

I spoke with Mr. Will Proctor, HR Support Specialist of L-3, and he stated that as of September 2008, they no longer send EV from HR, but from the Contracting Division. He stated that since Iraqi nationals are not regular employees of L-3, but Contractors, they do not send EVs from HR any longer

وكللي دزهه الهم واذا يريدون يتصلون بيه حتى اوضحلهم فاهلا وسهلا والورقة اللي عندك من ال Director of subcontracts مظبوطة بس هذا موضف جديد احتمال وميعرف

اذن حجاية شبح بغداد مظبوطة انه تايتن ما عدهم HR

البصير · « **رد #1606 في:** 16:55 10/07/2009 »

أمورك عدله ...هاي و هم مشيناها الك..بعد شتريد

عله الخير و البركة ,,,......

سبع صنايع · « **رد #1607 في:** 19:42 10/07/2009 »

اخوية العزيز show

اشكرك على التهنئة واتمنالك الموفقية

اني وياك كنا من بداية المقدمين على اللجوء بس اني كنت العب على الحبلين والحمد الله مشت وياه
اهنيك على التحويل على الاس اي في لأن اللجوء مسألة حظ لا اكثر ولا اقل بينما الهجرة الخاصة هي مسألة استحقاق
اتمنالك الموفقية

Banah09 · « **رد #1608 في:** 21:28 10/07/2009 »

الاخ المحترم vincenzo
ما اعرف شنو افسر اللي صار وياك بس والله اني راسلته وهو اللي بعث لي EV بتاريخ 29/9/2008 وهسه لوما مشغوله كان نزلت الك الرسالة ، اضافه الى انه الاخ بغداد 76 قبل كم يوم هم ردوا عليه ونزل الكم ردهم هم خطية طلعت خدمتة يم تايتن سنة الا يومين...
فاعتقد انه اكو اشكال ولو انت من ايميلك باعث له وطالب منه يمكن كان احسن لان يمكن خاف من جماعتك الامريكان اللي في امريكا اللي قلت انه همه من راح ايراسلوه ولست انا، ويمكن صدق واحد جديد لكني اؤكد لك انه زودوني بالتاريخ اعلاه بالكتاب وزودو الاخ بغداد وراسله حتى تتاكد قبل ايام معدوده.
زين انت ابهاي الحالة ابعث لهم رساتله وخلي يتصلون بيه وها هيه شتسوي لعد.

الله يسهله عليك انشاء الله

ام ياسر

Banah09 · « **رد #1609 في:** 21:31 10/07/2009 »

الاخ المحترم vincenzo
ما اعرف شنو افسر اللي صار وياك بس والله اني راسلته وهو اللي بعث لي EV بتاريخ 29/9/2008 وهسه لوما مشغوله كان نزلت الك الرسالة ، اضافه الى انه الاخ بغداد 76 قبل كم يوم هم ردوا عليه ونزل الكم ردهم هم خطية طلعت خدمتة يم تايتن سنة الا يومين...
فاعتقد انه اكو اشكال ولو انت من ايميلك باعث له وطالب منه يمكن كان احسن لان يمكن خاف من جماعتك الامريكان اللي في امريكا اللي قلت انه همه من راح ايراسلوه ولست انا، ويمكن صدق واحد جديد لكني اؤكد لك انه زودوني بالتاريخ اعلاه بالكتاب وزودو الاخ بغداد قبل ايام معدوده.
زين انت ابهاي الحالة ابعث لهم رساتله وخلي يتصلون بيه وها هيه شتسوي لعد.

الله يسهله عليك انشاء الله

ام ياسر

vincenzo · « **رد #1610 في:** 00:09 11/07/2009 »

ام ياسر
اني اصلا دزولي رسالة كاملة ومرتبة قبل فوك الشهر وبيهه كل فترة الخدمة وهي هواي اكثر من المطلوب وكل اللي رايديه بس مجرد اللي موقع عليهه مو صاحبنه ابو ال HR وانما ابو العقود
وما اعرف شنو اللي ما عاجب ابو الاس اي في بيهه
واني منزل كل مراسلاتي وياهم بموضوعي
وهسه انشاء الله ما صار شي
يعني هو الرجال ابو ال HR اعتذر وتعهد انه يشرحلهم اذا طلبوا توضيح وكنه مباشرتا
بالنسبة للصديق اللي اتصل بيهم هو نفسه اللي دبرلي الورقة السابقة وهو وياية على طول الخط وكلش يريدني اوصل لان هو استاذ بجامعه ومهتم كلش بشغلي ويريدني اكمل الدكتوراه يمه ... يعني هيجي واحد شنو مصلحته يخربط الشغله
بس مع ذلك هسه راح اخابره واكله جماعتي استلمو فيزا وهذا ابو ال HR اللي هو Will Proctor ناطيهم اثبات توضيف وره شهر التاسع 2008 واساله شنو السالفة لان على كلامج اكو فد ثغرة بالموضوع

الكاوبوي العراقي · « **رد #1611 في:** 00:55 11/07/2009 »

الله ابو الخير شباب

سيوف الليل · « **رد #1612 في:** 07:29 11/07/2009 »

شكرا جزيلا اخوي ماجلان ..........

آني حبيت اسالك ( شنو هي الوثائق اللي تترجم )؟........حتى ابدا بترجمتهن لان اني هسة باول مرحلة.......

زين سمعت اكو شي اسمه براءة ذمة من الشرطة ما اعرف شنو ؟ اكو هيج شي زين شلون تصير .....................

vincenzo · « **رد #1613 في:** 13:34 11/07/2009 »

صديقي ابو الليل
انته مقدم؟؟؟؟؟؟؟؟؟؟؟؟؟؟ لو لا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اذا مقدم همه يدزولك كل اللي يريدونه!!!!!!!!!!!!
وحتى اذا بعدك ما مقدم هم انطوك اقتراحات هنا الشباب
بس انته عبالك متريد تتعب نفسك ابد
ومع ذلك راجع هاي الصفحة
http://travel.state.gov/visa/immigrants/info/info_4172.html
واذا انكليزيتك ضعيفة (وراح تكون شغله غريبة) فهذا موضوع اخونا فالكون بالعربي مئه بالمئه
http://www.ankawa.com/forum/index.php/topic,270934.0.html

واذا عندك معلومه اضافية او سؤال اضافي ما موجود بكل هاية الاشياء هم راجع هذا الارشيف من الصفحة الاولى للاخيرة وراح تلكه شكو زاغور مموجود اخوتك متناقشين بيه
بعد شتريد؟؟؟
وهم اذا وره كل هذا وبعد عندك شي ما مذكور هم راح نجاوبك واحنا الممنونين
بس مال تسال سؤال احنه مجاوبيه فد ميت مره فلتتوقع راح احد يهتم بيه
او سؤال من نوع "شكو ماكو!!!" يرادله عشر صفحات كتابة يلله تنطيه حقه فهم لتتوقع احد راح يهتم
حاول تكون متعاون
احتراماتي

سيوف الليل · « **رد #1614 في:** 14:12 11/07/2009 »

شكراااااااااااااااا......................اهم شي تطول بالك علينا ..................

بس حبيبي شعبالك اني ما قاري الموضوع لا والله قاريها كلها ....................

اني تدري ليش دايخ ومدوخكم وياي لان لحد الان ما شفت اي موضوع بيه ما هي الوثائق اللي تترجم .......بالاضافة اكو فقرة جديدة اسمها عدم محكومية ................فكل هاي التفاصيل اكيد لكفتها منا بس اريد واحد ينطينة فد قائمة بهاي الشغلات ماكو لحد الان.........

شكرا عينكاوا

vincenzo · « **رد #1615 في:** 22:24 11/07/2009 »

صديقي اني بالي بالكيلومترات ينقاس ههههههههه
بس شيصير لو من الروابط اللي انطيتكياهه انته تطلع الشغلات اللي تريدهه وتسويلنه بيهه قائمة لان كلهه موجوده وين ما دليتك

المهم مجاوبتني انته مقدم لو لا؟!؟!؟؟!؟!؟!؟!؟!
لان بالبداية متحتاج تترجم اي شي!!!!
بس من تكمل المرحله الاولى عود حضر الجنسية مترجمة (ولو هي تترجم بيومهه باي مكتب ترجمة او حتى هواي اعضاء ترجموهه بايدهم لان همه مترجمين)
وباقي الشغلات هية الدوائر ذات العلاقة تترجملكياهه

هم مجاوبتني ؟؟؟

MONSTER · « **رد #1616 في:** 02:06 12/07/2009 »

اخويه العزيز ماجلان..

الله يكثر من امثالك ما قصرت يا ورد

اخوك

سبع صنايع · « **رد #1617 في:** 05:37 12/07/2009 »

اخوية سيوف الليل المنتدى بي مواضيع دسمة وهذا موضوع اني كاتبة كبل سنة تقريبا يمكن يفيدك

المستمسكات المطلوبة

1-صورة قيد مترجمة
2-صورة قيد ولادة مترجمة والغير مترجمة
3-عقد زواج مترجم والغير مترجم
4-نسخة من DS-230
5-نسخة من DS-234
6-BIOGRAPHICAL
7-نسخة من Refugee benefits
8-صورتين لكل شخص للفيزا بحجم 5*5 سم
9-تعهد خطي ان لا يوجد بالعراق تقرير شرطة (يكولون هسة صارت عدم محكومية فتأكد)
10-نسخ من أي باجات امريكية

اولا:صورة قيد مترجمة(ايضا تسمى 57 او Family book )

1-   الذهاب الى دائرة جنسيتك وتطلب صورة قيد لغرض التصديق والترجمة و(شكلهه مستطيل مخطط خطوط حمر او زرق).
ملاحظة مهمة (يجب ان تؤكد على موظفة الجنسية ان تكتب لك رقم اخر بطاقة جنسية قبل جنسيتك الحالية يعني انت اذا جنسيتك الحالية رقمهه 50000 وقبل الزواج او الضايعة كان رقمهه 10000 فيجب كتابة الحالية بالوجه والقديمة بالخلف طبعا هذا يشمل جميع افراد العائلة.

2-الخطوة الثانية هي الذهاب الى دائرة جنسية السنك الواقعة في شارع الرشيد بين شارع الخيام وجسر السنك على الشط

ملاحظة مهمة: يجب احضار العائلة بالكامل لغرض البصم وتستطيع بعد ذلك ان ترجعهم بعد ان يراهم الضابط ويجب جلب المستمسكات الاصلية (سكن تموينية هوية احوال شهادة جنسية وجواز السفر لكل افراد العائلة وستة صور ملونة ويفضل بخلفية بيضاء واخذوا فلوس وياكم)

بعد اصعد وانزل واكثر من ضابط يدقق يدزوكم للترجمة الموجودة في نفس البناية الطابق الارضي
سوف يدقق الشخص معك ويطبع الكتاب وانتبهوا مطابقة الاسماء وحسب جواز الجي.

3-الخطوة الثالثة هي الذهاب الى دائرة تصديقات الداخلية الواقعة في ملجأ في زيونة شارع الربيعي قرب جامع اليقين ومن الافضل ان تروحون من وكت وتاخذون الجوازات والجناسي وبعد شتلة ساعتين ينطوكم الكتاب اللي يكون نسختين لكل شخص.

4- الخطوة الاخيرة هي الذهاب الى تصديقات الخارجية في العلاوي تاخذلهه فد 3 ساعات

هنا احنة كملنة صورة القيد وتكون نسختين لكل شخص

الوقت التقديري (4-5) ايام

ثانيا: صورة قيد الولادة

1-تذهب الى المستشفى التي ولدت فيها اوالى مركز الزوية في الكرادة قبل جامعة بغداد بالنسبة للرصافة ومركز الكرخ لتسجيل الولادات قرب مستشفى الكسور في العطيفية او اذا ولدت من قبل قابلة تذهب الى القابلة وتسألهه في أي مركز صحي تسجل الولادات واذا القابلة ميتة تروح لأقرب مركز صحي على بيتهه
طبعا اسهل شي للي يعرف بيا مستشفى انولد ويزودوا بصورة قيد ولادة للترجمة والتصديق شكله يكون شوية اكبر من كف اليد

2-الذهاب الى دائرة صحة بغداد في ساحة عدن حصرا وتستنسخ الكتاب قبل متطب وراح اتقفص عليك ام الاستعلامات وتبيعلك طوابع المهم شغلتكم بين الطابق الرابع والخامس طبعا كل شخص بالعائلة اله صورة قيد منفصلة يعني اذا زوجتك ولادتهه بصرة او سليمانية لازم تروح وتجيب صورة قيد ولادة قبل متروح لصحة بغداد هااااي شلون شغلة تعبانة.

2-   الذهاب الى مكتب نادر للترجمة قبل المسرح الوطني واخذوا فلوس وياكم
3-   ثاني يوم تأخذ صورة القيد المترجمة والاصلية الى تصديقات الخارجية واخذوا فلوس وياكم

وهنا نكون خلصنة صورة قيد الولادة الوقت التقديري(4-6) ايام

ثالثا: عقد الزواج

1-   تاخذ نسخة من عقد الزواج وتذهب الى المحكمة التي عقدت فيها وتطلب اربع نسخ للترجمة والتصديق الارشيف راح يدزوك الى عرضحالجي في الباب وسوف يطبعلك اربع نسخ على جهتي الورقة
تنطي 5 الاف وتدخل للمحكمة وهنا يجب التأكيد ان يتم الختم على جهتي الاوراق يعني وجه وكفة وهذا الشي جدا مهم طبعا اول شي القاضي يوقع على جميع الصفحات وبعدين المحقق القضائي يختم على جميع الاوراق لذا يرجى الانتباه.

2-تأخذ جميع الاوراق وتروح الى محكمة استئناف الرصافة في عمارة شذى في الوزيرية اذا كنت عاقد بمحكمة بالرصافة او الذهاب الى محكمة استئناف الكرخ في حي العدل اذا كنت عاقد بالكرخ واذا بالمحافظات فكل شخص حسب محافظته.رح يشتلوكم 5 الى7 ايام

3-تاخذ الاوراق الى مكتب نادر للترجمة لغرض الترجمة

4-من تستلم النسخ الاربعة تعمل نسختين ملونة وتاخذ الاوراق كلهن الى كاتب عدل الصالحية في شارع حيفا ضمن بناية وزارة العدل وراح يملوهن اختام وتواقيع وراح يحتفظون بالنسختين المستنسخة.

5-في اليوم التالي الذهاب الى تصديقات الخارجية في العلاوي

الوقت التقديري (7-10) ايام

رابعا:
DS-230

طبعا تتكون من 35 فقرة واربع صفحات رح اشرحهن وحدة وحدة
اولا يجب ان تحول البي دي اف الى وورد ثم تطبع وتوقع وتسوي سكنر وترجعة بي دي اف

1- الفقرة الاولى هية الاسم الكامل وحسب ما مكتوب بالجواز الجي وبدون غلط رجاء
2-الاسماء الاخرى تطبع
N/A

3-الاسم حسب مامكتوب بالجواز ولكن بالعربي

4-تأريخ الولادة

5- العمر
6- مكان الولادة (المدينة,المحافظة والبلد)

7-الجنسية طبعا عراقي

8-الجنس

9-الحالة الزوجية

10-اسم وعنوان وهاتف الصديق او القريب في امريكا واذا لايوجد تكتب
N/A

11-هنا يترك فارغ يكلك اذا تريد الكرين كارد يوصلك الى مكان يختلف عن العنوان اللي انطيتة في الحقل العاشر يعني عوفوه فارغ.

12-شنو شغلك يعني اذا مترجم تكتب
ثم رقم تليفونك.Linguist

13-عنوانك الكامل محلة وزقاق ودار ومحافظة والبلد

14-اسم الزوجة وحسب ما مكتوب بالجواز ثم الحقل الذي يليه تاريخ ومكان الولادة والحقل الذي يليه عمل الزوجة واخيرا تاريخ الزواج يعني مو الحفلة عقد المحكمة.

15-اسم الاب الكامل

16-تاريخ ومكان ولادة الوالد وعنوانه الحالي واذا متوفي تكتب
في حقل العنوانDeceased
والحقل الاخير سنة وفاة الوالد اذا متوفي.واذا غير متوفي تكتب
N/A

17-اسم الام الكامل

18-تاريخ ولادة الام ومكان الولادة والعنوان الحالي ومتوفية لو لا يعني نفس شرح الفقرة 16

19-تكتب اسماء الابناء وتاريخ الولادة ومكان الولادة

20-تكتب جميع العناوين والاوقات التي سكنتها لمدة ستة اشهر واكثر منذ ان اصبح عمرك 16 سنة

21- القسم الاول هنا تكتب الاسماء التي كتبتها بالفقرة 14 و19 يعني الزوجة والابناء
والقسم الثاني
-هنا محد رح يلحكك لامريكا يعني تكتب
N/A

22-عملك في العشر سنوات الاخيرة الشركة,الموقع,عملك يعني طالب او مترجم او معلم وهكذا,اوقات العمل من والى.

23-المعاهد والكليات التي دخلتها مع الاوقات ثم اللغات التي تتحدثها ثم لاي نقابة انت تابع يعني المهندسين المحامين الاطباء واذا متابع لاي نقابة بس اكتب
N/A

24-الخدمة العسكرية اذا خادم تكتب الفرع يعني جيش نظامي حرس جمهوري حرس خاص والرتبة وتواريخ الخدمة واخيرا صنفك يعني مشاة مدفعية وهكذا واذا مخادم بعد احسن خلي اكس بمربع النو

25-هنا تطبع كلمة
Never
يعني انت بحياتك مرايح لامريكا على فرض انه كلكم مشايفين امريكا
ثم توقع وتكتب تاريخ تنظيم الاستمارة.

26-ترجع تكتب اسمك مثل الجواز

27-تكتب
N/A

28-اسمك الكامل بالعربي

29-اسمك وعنوانك ورقم تليفونك بالانكليزي

30- مربعات تزركهن كلهن
NO
يعني انت مو حشاش ولا مخبل ولا مجرم وهكذا

31-
NO

32-
NO

33-طبعا انت ما عندك سوشيال سيكيورتي فتخلي اكس بمربع الاول
تريد واحد طبعا تخلي اكس بمربع الاول يعني يس
الحقل الذي يليه نضع اكس في حقل الاول يعني انت توكل المنظمة باصدار سوشيال سيكيورتي

34-هل ساعدك احد بكتابة الفورمة تكتب لا لان اذا كتبت أي يعني تكتب اسمة وعنوانة ولغوة لذلك اكتب لا واخلص

35-لتلعب لان هذا الحقل مو الك
ملاحظة: يجب ملئ هذة الفورمة لكل شخص يعني للزوجة والاطفال يعني كل نفر فورمة وفي حالة ان لايوجد جواب مثل طفل عمرة سنتين ماهو عمله او اسم الزوجة وهكذا فقط تكتب
N/A

خامسا:
DS-234

تتكون من صفحتين و29 فقرة وايضا تكتب حسب عدد افراد العائلة

1-عدد الافراد في القضية يعني اذا 2 تكتب 2 واذا اربعة تكتب 4

2-اذا انت مفدم الطلب الرئيسي تكتب نعم والزوجة والاطفال تختار كلا

3-
N/A

4-الاسم الكامل وحسب الجواز وبالانكليزي

5-الجنس

6-الحالة الزوجية

7-تاريخ الولادة

8-مكان الولادة محافظة وبلد

9- الجنسية

10-القومية

11-الديانة

12-العنوان الكامل

13-رقم الهاتف

14-العنوان البريدي

15-اخر عمل

16- اعلى مستوى دراسي يعني بكلوريوس دبلوم ماجستير وهكذا

17-اللغة الام

18-اللغات الاخرى

19-درجة اتقان اللغة

20-مشاكل صحية تكتب
None

21-عندك احد من كرايبك مقدم على نفس البرنامج

22-اذا عندك كرايب مقدم وتريد تروح وياة بنفس الولاية اكتب اسم الولاية ورقم الكيس مال كرايبك

23-عندك كرايب بامريكا

24-اسم كرايبك

25-تاريخ ميلاد كرايبك

26-عنوان كرايبك بامريكا

27-رقم تليفون كرايبك بامريكا

28- صلة القرابة يعني عمك خالك

29-عنوانه البريدي

   سادسا:
Biographical

لحد يدوخ ترة جدا سهلة تسوي سكنر للجوازات وتحت كل جواز تكتب
1-رقم الكيس
2-العمل الحالي
3-الشهادة الدراسية

سابعا:
Refugee benefits

بيهه مربعين تخلي اكس على الاول يعني انتة تريد فوائد والثاني متريد
تكتب رقم الكيس والاسم وتاريخ الولادة توقع وتاريخ التوقيع

ثامنا:

صورتين لكل شخص للفيزا بقياس 5*5 سم وماكو داعي تخافون المصور بس كلله صور للفيزا وهو يعرف.

تاسعا:

هنا شوية انتبهوا مطلوب تقرير من الشرطة يؤيد انك ماعندك جرائم وبالعراق ماكو هيجي شي لذلك تكتب تعهد بالانكليزي وتوقع وصارت ويايه وقبلو بي ومشة

عاشرا:

سوي سكنر لاي باج امريكي عندك مثل باج تايتن او جي ال اس او أي زي باج وطبعا لتنسون الباج وجه وكفة

الان ماذا ترسل؟

1-ببداية الايميل تنسخ اسمك ورقم الكيس نمبر كما موجود في الايميل المرسل من قبلهم وعنوان الموضوع هو رقم الكيس نمبر
2-تقسم البي دي اف الى ايميلين لان الحجم كبير
3-تعمل اتاجمينت للملفات وترسل التالي:

1-عقد الزواج العربي والمترجم طبعا المصدق
2-صورة قيد الولادة العربي والمترجم لجميع الافراد
3-صورة قيد 57 لجميع الافراد
4-صورتين خلفية بيضاء والنظر مباشر على الكاميرا قياس 5*5 سم للفيزا
5-الباجات
6-
Biographic
7-التعهد الخطي حول تقرير الشرطة
8-
DS-230

9-
DS-234

10-

Refugee benefits

سيوف الليل · « **رد #1618 في:** 10:13 12/07/2009 »

شكرا جزيلا شباب ورحمة االله والديكم .......................شكرا سبع صنايع ..............شكرا vincenzo ......شكرا monster.............

اني اشكر تحملكم ..........

اعذرونة ترة والله الواحد وين يروح ما عدنة غير عينكاوا وهاي الاوجوه الطيبة نسالها بس والله.

واعذرونة اكثر اذا طلبنا بعد اكثر ..........

واذا واحد يريد يساعدني ويضيف ايميلة بعد احسن ايميلي ......

dream_land@yahoo.com

شكرا.

اخوكم سيوف الليل

MONSTER · « **رد #1619 في:** 11:03 12/07/2009 »

مقتبس من: سيوف الليل في 07:29 11/07/2009

شكرا جزيلا اخوي ماجلان ..........

آني حبيت اسالك ( شنو هي الوثائق اللي تترجم )؟........حتى ابدا بترجمتهن لان اني هسة باول مرحلة.......

زين سمعت اكو شي اسمه براءة ذمة من الشرطة ما اعرف شنو ؟ اكو هيج شي زين شلون تصير .....................

اخويه العزيز سيوف الليل,

الوثائق الي تترجم هي:

1.الجنسيه
2.شهاده الجنسيه
3.بيان الولاده
4.عقد الزواج

5.شهاده الوفاه لاي شخص في العائله لاسامح الله

في مرحله نبراسكا سوف تحتاج الى الجنسيه وشهاده الجنسيه مترجمات فقط
وبقيه المستمسكات تطلب في مرحله الان في سي

ملاحظه: اخذ الجواز وياك من تروح للترجمه علمود السبيلنك مال اسمك بالجواز وافضل شي تروح لمكتب نادر يم المسرح الوطني

موفق ان شاء الله واي شي تحتاج اني حاظر

اخوك

mohammed2009 · « **رد #1620 في:** 11:52 12/07/2009 »

اخواني الاعزاء ...

محد يعرف شنو اخبار اخونه شبح بغداد ... صارله 5 ايام من مسافر ياريت الي عنده اخبار ايطمنه اشلون اخباره ...

شكرا

محـــ2009ــــمد

ماجلان · « **رد #1621 في:** 14:01 12/07/2009 »

ayoka · « **رد #1622 في:** 14:26 12/07/2009 »

اخواني الاعزاء
اليوم استلمت الجوازات الجي والاسماء بيها احرف غلط باسم جدي حرف واحد غلط عن الجواز الاس واني اخوكم مترجم كل الوثائق على الاسم القديم كلهن المهم اول ما استلمت الجوازات سويت كل الاوراق المطلوبه ودزيتها وهما ايدوخون بيها لان متت من القهر وترهم

Banah09 · « **رد #1623 في:** 14:35 12/07/2009 »

اخي ايوكا
مبروك على استلام الجواز وعندي سؤال هل انت قدمت الجواز عادي ابنفسك لو احد مشالك بيه؟؟ واشكد طولت الله ايخيلك جاوبني؟
اما عن الاخطاء فلماذا لم ترجع لهم لتصحيحها او اكتب لهم ملاحظه تفيد بوجود هذا الخطأ لان صايرين يوقوفون يم هيج اخطاء، ولو للعلم اني اسم والدتي كان بيه حرفين خطأ ومشوهه بس انخاف على الاخوه مثلك ان يستوقفهم مثل هذا الشيء خاصة اذا بأمكانك تغيرهه فالاحسن غيره ولك التوفيق.

ام ياسر

ayoka · « **رد #1624 في:** 14:40 12/07/2009 »

اختي العزيزه banha اني شخص مشالي بالجوازات وطولت حوالي 35 يوم
والاخطاء اذا اريد اصححه يرادلي هم نفس المده لان النزاهه مشتغله قوي واني انطيت 150 دولار للجواز وردت اعدله الجواز بس كلي الاسامي تدخل حاسبه وهيا تنطيك الاسم ونفس الشي هم راح يطلع غلط المهم اني شفت اسهلي اغير الترجمه كلها مال صوره القيد والجناسي وعقد الزواج وعدم المحكوميه احسلي من الانتضار واشكرج على اهتمامك

Banah09 · « **رد #1625 في:** 16:48 12/07/2009 »

اخي ايوكا
الف شكر على توضيحك وردك انشاء الله ما تواجه عقبات

Angel80 · « **رد #1626 في:** 22:52 12/07/2009 »

مرحبا شباب ان شاء الله بخير تحياتي للكل..... استلمت الفيزا ودزيتها لجماعت البنفت شكد تتوقعون شوكت يحددولي موعد سفر

نقطة ثانية اثارت انتباهي اكو بالفيزا ليجوة الكليرنس وحاطين نجمة وحدة بس الي زوجتي واطفالي محاطيلهم شنو هاي الفقرة للي يعرف حتى الفائدة تعم

وجزيل الشكر للجميع
اخوكم Angel[/b][/b]

Mulan · « **رد #1627 في:** 23:16 12/07/2009 »

السلام عليكم اخوان ..
عندي سوال بخصوص البنفت ...صحيح اللي يقدم عليه ميكون من حقه ان يسكن بنفس ولايه الكفيل ؟؟؟؟
يعني انوا الاي او ام همه اللي يحددون الولايه مو الشخص صاحب الفيزا؟؟
هذا الكلام سمعته من جماعه وحبيت اتاكد منكم اخوان.
وشكرا

iraqgsm · « **رد #1628 في:** 23:20 12/07/2009 »

انجل 80 شلونك الجواب الاول ما اعرف لان اني استلمت افيزا قبل شهر ولحد الان انتظر

الجواب الثاني الكليرنس الامني جاي الك وزوجتك واطفالك معتمدين على الكليرنس مالتك

البصير · « **رد #1629 في:** 23:34 12/07/2009 »

أخ انجل 80

موعد السفر مو أقل من شهر على الأقل ...يتصلون بيك جماعة الأي أو أم عن طريق الأميل و يحددولك الموعد أو أنت تريد تبلغهم بموعد معين من يمك ..

اخت Mulan
الكلام الي سمعتيه مو صحيح أبد...أني مقدم على البنفت و رح أسكن بنفس و لاية كفيلي...

تقبلوا مروري

koka75 · « **رد #1630 في:** 23:37 12/07/2009 »

اخواني واخواتي الاعزاء-- المنتدى طبعا منور بيكم كلكم بس والله مكانة خالي لاخونه شبح بغداد مختفي صارلة كم يوم اتمناله كل الخير ونشالله ماعنده غير العافية سلامي لجميع الاخوة الاعزاء
اخوكم
خوخة

Angel80 · « **رد #1631 في:** 00:09 13/07/2009 »

ماشي اخوان راح اجي وياكم بس سؤالي كان شنو معنى النجمة ليش مو 2 او 3 و ليش اساسا هم حطوا كليرنس الي واني بعدني ممسافر؟؟؟؟؟؟؟ الي اعرفة انو شغلة الكليرنس تاخذ وقت طويل حتى تطلع اكو لغز بالموضوع

شكرا لمروركم تحياتي

البصير · « **رد #1632 في:** 08:52 13/07/2009 »

أخ أنجل 80

أنت لويش مدوخ نفسك ...!!أنت حصلت على الفيزا وهذا معناه أنت مسويلك تجييك أمني في كافة دوائر أمريكا الأمنيه

و حته ترتاح ....أني وزوجتي حاطيلنا نجمه وحده ...و أطفالي حاطيلهم نجمتين ....هههههه

و أحنه لحد الأن ممسافرين بعد

لويش ما أعرف و ما أريد أعرف و أدوخ نفسي ....المهم و الي هي الفيزا حصلتهه و هاي هي ..

تقبل مروري و تحياتي

Iron_man · « **رد #1633 في:** 10:11 13/07/2009 »

اخواني البصير وAngel80 .. تحية طيبة

مدام انتو حول نقاش موضوع النجمة او النجمتين .. فأحب اكللكم بانه النجمة خاصة بأجراء مرحلة الكليرنس وان كان الشخص لا يزال في بلده (اي اجراء كليرنس عليه امنيا) .. وبالمناسبة اني حاطيلي نجمتين مو وحدة ... مع العلم اني تم تأجيل الفيزا مالتي مثل متعرفون لمدة 14 يوم (اسبوعين) ...

فمثل مكال اخوية البصير هي مو فد شي ومندوخ نفسنا بيها ... الواحد يركز على بقية الشغلات الضرورية ...

تقبلوا مروري مع فائق الاحترام

اخوكم
Iron_man

ayoka · « **رد #1634 في:** 10:47 14/07/2009 »

اخواني الاعزاء . بعثت اوراقي للان في سي وراها راسا اجاني اوتو ربلي يكلي احنا استلمنا الايميل وبعد مرور يوم واحد اجاني ربلي لكل ايميلاتي كلها نفس الكليشه بانه احنا كاعد انسوي مراجعه على اوراقك بس ايميل واحد الي يحوي على رفيج بنفت وال دي اس 230 جاوبوني انه دزيناه لجاعه الواربست . سوالي هوا هل هذا البروسيجير كان متبع بالسابق لو هاي شغله جديده .

untitled.man · « **رد #1635 في:** 11:40 14/07/2009 »

الاخ العزيز ايوكا...

لا تشيل هم... الامور ماشية تمام... بس احتمال راح يدزولك جكلست يريدون الـ DS-157 لكل افراد العائلة اذا انت ما دازهه...

تحياتي

البصير · « **رد #1636 في:** 11:43 14/07/2009 »

أخي الكريم ayoka

هذا نفس الأجراء بالسابق ....الواربست يستلم من nvc البنفت فورم و ال دي اس 230 بشكل رسمي و بعدين الواربست بدورهه تبعثه لل منظمه الي أنت عليهه أو الي رح يحددوهه الك بعدين ..

تقبل مروري و بالتوفيق

untitled.man · « **رد #1637 في:** 11:45 14/07/2009 »

اخوتي الاعزاء في ركن الـ SIV...

البارحة حددتلي خلود موعد السفر واللي انشالله راح يكون يوم 27-07-2009 الى عمان ويوم 28-07-2009 الى نيويورك مباشرة، ومناك الله كريم لحد الفاينل دستنيشن اللي هي مدينة دنفر، كولورادو...

اتمنى لكل اللي ديمشون بالمعاملات انه توصلون لهذا اليوم ويتحددلكم موعد السفر باسرع وقت... وتستقرون وتبدون حياة جديدة بامان...

تحياتي

ayoka · « **رد #1638 في:** 11:52 14/07/2009 »

اشكرك اخويه البصير عى مرورك الكريم واللف الف مبروك لالخ united man على تحديد موعد السفر انشاء الحياه السعيده وتحقيق الاماني

البصير · « **رد #1639 في:** 11:54 14/07/2009 »

ألف مبروك أخويه العزيز

سفره سعيده و الوصول بالسلامه ان شاء الله الى مبتغاك

أنت حددت موعد سفرك حسب طلبك لو IOM حددوه الك ؟

بالسلامه و الله يوفقك

untitled.man · « **رد #1640 في:** 12:11 14/07/2009 »

اخوتي الاعزاء...

اشكركم على مشاعركم الطيبة...

اخوية البصير...

اني طلبت من خلود يكون سفري بالاسبوع اللي ببداية الثامن و نهاية السابع... بس هي دزتلي هذا الموعد... والحمد لله على كل شي....
حاليا دا اصفي اموري ويه الشركة والله كريم... واي سؤال اني حاضر

تحياتي

Iron_man · « **رد #1641 في:** 12:30 14/07/2009 »

الف مبروك اخي untitled.man على تحديد موعد السفر ... وان شاء الله سفر سعيد ومن دون تعب ... ولو اني عندي شوية عتب عليك ... دائما مموجود على المسنجر ... بس هم اعذرك اكول اخاف ديحضر للسفر ...هههههه

مبروك مرة ثانية

اخوكم
Iron_man

الكاوبوي العراقي · « **رد #1642 في:** 13:21 14/07/2009 »

توصل بالسلامة اخ " رجل بلا عنوان"

Banah09 · « **رد #1643 في:** 17:41 14/07/2009 »

السلام عليكم
اخوان عندي استفسار لاحد الاخوه من جماعة الـ SIV الاخ امخلص كلشي بس باقي على المقابلة واستلام الفيزه ويريد يرجع للعراق لوداع والدته وهي امراه كبيرة بالسن والكل يعرف الاعمار بيد الله فهل هذا الامر يؤثر على شغلته لو لا؟؟ اني اتصور انه ميأثر لان اني واكثر الاخوه محد سألهم ليش رايحين لفلان دوله او اي دوله اخرى ولا جيكو بالجواز على دخول او خروج، رايكم اخواني.

ام ياسر

vincenzo · « **رد #1644 في:** 18:41 14/07/2009 »

ليش ما يستلم الفيزا وبعدين يروح يشوف اهله ويشبع شوف وبعدين يلله يسافر لامريكا من العراق او من وين ما جان وماكو اي اشكال

amjid1917 · « **رد #1645 في:** 19:39 14/07/2009 »

لم اطق صبرا
اخواتي اخواني ااعزاء اريدكم تنزلون للساحة وياي وردح حتى الصباح الباكر طبعا راح تقولون هاي وحده من سوالفي بس صدقوني عد 120 يوم من الانتظار في محيط الظلمات قررو اخيرا بعد رسالة ( رزالة ) التهديد المباشرة الي ما خليت بيها شي وبعد ان شافو العناوين اللي سويتلها نسخة من لرسالة بعثولي بتأريخ موعد بعد شهر يعني صارت 4 اشهر واني بسوريا فد شهرين يله اله يسهل ويمشيني القنصل وفد 3 اشهر يله الاي او ام يمشوني المهم
الان انا في قمة الطربكة والردح المتصل بحيث المقهى اللي كاعد بيه صارت بيهم خوفه نصهم فلتو
vincenzo اولا اريد اشكرك انته بالذات لأن ما تعرف شكد الهمتني صبر بدون ماتدري كل ما افكر بمشكلتي اقول الله يساعد قلبه
اخواني كلكم اشكركم وفعلا راح اقوم عن الصخرة مالتي وراح اغيره بصورة مال ردح

شكرا الكم مع العلم اني من يوم 19 اذار مشتول لليوم شوفو شكد لاطش موضوعي واعذروني اذا ثكلت عليكم بس انتم اخوتي والفرح ما يتم اله بين الاهل والاحباب

ماجلان · « **رد #1646 في:** 21:54 14/07/2009 »

Iron_man · « **رد #1647 في:** 23:09 14/07/2009 »

مبروك لك اخي amjid1917 ... وان شاء الله سهلة وتعدي بسرعة ...

بالتوفيق ...

Iron_man

vincenzo · « **رد #1648 في:** 23:28 14/07/2009 »

لك هله بصديقي الورده
وشعر شعر
هههههههههه
والله اني حاجز عالصخرة مو تكول انطوني بيهه خوش سعر
وبالنسبة للصبر اني ما اعرف انتو ليش مستعجلين
اني بالنسبة اليه كاعد بحضن امي ما عندي اي مشاكل ويمته متصير خلي تصير واذا اصلا ما صارت طز

الكاوبوي العراقي · « **رد #1649 في:** 23:31 14/07/2009 »

مبروك اخي امجد تستاهل كل خير بس يمعود على كيفك لاتنعلس بسوريا اخاف نزلت على ؟؟؟ وذولة ما يتفاهمون مو عبالك انتة بالعراق تنزل على الطالباني والمالكي

الله يوفقك اخي

البصير · « **رد #1650 في:** 00:47 15/07/2009 »

أخت أم ياسر ( Banha 09 )

بالنسبه للأخ الي تحدثتي عنه ,, يكدر يجي للعراق عادي قبل المقابله أو بعد المقابله و يسافر من أي بلد يحدده و من أقرب مطار ....ماكو أشكال ...

أني بمقابلتي في بيروت ..سألتني الموظفه يمته ترجع للعراق ...كلتلهه خلال اسبوع ....و أنطتني كارت باستلام الفيزا خلال يومين ...حته أكدر أرجع

القصد همه يعرفون أبو SIV يسافر و غير محدد أو ملزم بمكان معين......مو مثل اللجوء ...

تقبلي تحياتي

البصير · « **رد #1651 في:** 00:49 15/07/2009 »

مبروك امجد ورد تستاهل الخير كله

بالتوفيق

IT FOR EVER · « **رد #1652 في:** 03:14 15/07/2009 »

شباب اليوم دزولي جماعة البنفت ايميل وكالو دز نسخ من الفيزا , بس عندي استفسار في الايميل اللي بعثو يقولون اقصى مدة لارسال الطلب عشرة ايام من استلام الفيزا واني استلمتهه يوم 8-7 بس هي صادرة يوم 30-6 فهل هذا يدعو للقلق مع العلم انه اني جاوبتهم اليوم اي بنفس اليوم اللي طلبو بي الفيزا !!!

الأخ العزيز .. untitled.man .. مبروك مبروك تحديد السفر ... و يا ربي ان شاء الله توصل بالسلامة و تحقق كل امنياتك ... اتمنى لك رحلة امنه وحياة سعيدة مع العائلة .
ا

أخي العزيز amjid1917 ... ألف مبروك

تحياتي

Iron_man · « **رد #1653 في:** 09:27 15/07/2009 »

مبروك اخي IT FOR EVER وانشاء الله السفر عن قريب ...

اخوكم
Iron_man

ماجلان · « **رد #1654 في:** 12:45 15/07/2009 »

Banah09 · « **رد #1655 في:** 17:26 15/07/2009 »

الاخ فنسنزو والاخ البصير
مشكورين جدا على الجواب واكيد هو راح ايسافر بعد استلام الفيزه ، مشكورين اخوان مره ثانية

ام ياسر

mohammed2009 · « **رد #1656 في:** 23:47 15/07/2009 »

تحياتي اخواني الاعزاء

طبعا سلامي للجميع ... اخوان الحمدلله استلمت اليوم رساله من NVC بخصوص ارسال جميع الوثائق لهم والي اتعرفوها اكيد ولكن عندي استفسار كان مكتوب بالسبجكت (الموضوع) الي بالرساله

AMM20096XXXXX (SQ INST PKT (AMM)(SIV-XXX))

هسه هذا الرقم الاول وافتهمناه وليش AMM هم عرفناها لان اني بعمان

بس هاي الكليشه الباقيه شنو ماعرفتها وكذلك الرقم الثاني SIV-XXX هاي هم معرفتها

ارجوا منكم المساعده

وشكرا

محــ2009ــــمد

vincenzo · « **رد #1657 في:** 00:03 16/07/2009 »

ابو جاسم الورد ولو اتعبك
ممكن تواريخك بالتفصيل الممل واذا ذاكرهه بغير مكان بس كللي وين او سويلهه كوبي بيست وحدثهه
وانشاء الله مثل ما اني وياك تنبانه او تمنينه ان تكون الان في سي مالتك صاروخية

ماجلان · « **رد #1658 في:** 00:05 16/07/2009 »

mohammed2009 · « **رد #1659 في:** 00:16 16/07/2009 »

اخويه العزيز vincenzo تحياتي الك

اني طبعا منزل التواريخ مالتي بالصفحه 6 ولكن لعيونك هم راح اعيدها وتدلل ...

تاريخ ارسال اخر الوثائق الى SIV في12/2/2009
تاريخ استلام ال COM في 18/6/2009 (طبعا اطول موافقه تم استلامها ماكو واحد طول هلكد )
ارسال الاوراق الى نبراسكا بتاريخ 21/6/2009
تم استلام الاوراق من قبل نبراسكا في 24/6/2009
تم الموافقه على طلبي في نبراسكا 26/6/2009
استلام اول رساله من NVC بتاريخ 15/7/2009

ولازلت في مرحله اكمال الوثائق المطلوبه لارساله الى NVC .... وتحياتي vincenzo الورد.

اخي وعزيزي ماجــــــــــــلان

اشكرك على توضيحك بخصوص SQ واني ممنون منك ... ولكن الاحرف البقيه الها اختصار لو لا؟ وهل انته استلمت نفس الاحرف لو شنو الموضوع ؟؟

شكرا

محـــ2009ــــمد

ماجلان · « **رد #1660 في:** 00:25 16/07/2009 »

ayoka · « **رد #1661 في:** 03:08 16/07/2009 »

الف هله بالاخ محمد ومبروك على حصول تطور بقضيتك ما اكدر اضيف اي شي لان الاخ ماجلان كفا وفا وانشاء الله قضيتك مطول بالان في سي

mongoose · « **رد #1662 في:** 07:56 16/07/2009 »

شلونكم اخوان
اني استلمت الانشورنس فورم
وحددوا الولاية والمدينة وهي هيوستن تكساس

Iron_man · « **رد #1663 في:** 08:29 16/07/2009 »

مبروك لك اخي محمــــ2009ـــــد ... انشاء الله دائما احراز تقدم ونشاط ... ونسمع اخبار حلوة يا ورد ....

اييييييييييييييي .... الف مبروك اخوية mongoose .. على تحديد الولاية والانشورنس .... انشاء السفر عن قريب ... بلكي معناتها وصلنا السرا .... ههههههههه

اخوية ماجلان حضر نفسك ، لأن احنه اثنينه مشينه سوية بعد الاخ mongoose ... ههههههه

Iron_man

ماجلان · « **رد #1664 في:** 08:41 16/07/2009 »

mongoose · « **رد #1665 في:** 10:19 16/07/2009 »

شلونكم اخواني الاعزاء ايرون مان وماجلان
رفاقي في ايام الانتظار الصعب ز هسة جماعة انتظار السفر
اني ما عندي كفيل خليتها عليك يا الله
فاستلمت الفيزا يوم 18 -6 -09
وبنفس اليوم دزيت الفيز الى الجماعة
واستلمت الانشورنس فورم
\يوم 13 -7-
واني مقدم على البنفت ايام بحر الظلمات
واختارولي هيوستن تكساس
ومنتظر الحلوة خلود تتصل بي
لانه كاتبيلي يالايميل لازم انتظر فترة اسبوعين من iom
يدزولي ايميل واذا ماكو شي انا اراسلهم

IT FOR EVER · « **رد #1666 في:** 10:46 16/07/2009 »

السلام عليكم شباب
اليوم دزولي اي زي نمبر RPC case number: IZ , ان شاء الله الجميع بخير وفي تقدم مستمر

تحياتي

Iron_man · « **رد #1667 في:** 10:49 16/07/2009 »

اخويه mongoose .. اني هم استلمت الفيزا يوم 18-6 ... لعد يمكن تفاوتنه ... اني جنت لابس بدي مخطط ... عالعموم بوكتها قسمونه 3 سراوات ... اني بالسرة الثاني ..... ههههههه ...... هسة الاخوان يكولون شنو هالوصف الدقيق .... ههههههه

بس اني بعدني ممستلم الانشورنس فورم .... وايضا مقدم على البنفتس ... بس اني عندي كفيل ... بس شلون كفيل !!!! ما اكول بس الحمد لله ...

اتمنى لك يا اخي mongoose كل التوفيق والله يسهل امرك ....

اخوك
Iron_man

iraqgsm · « **رد #1668 في:** 12:13 16/07/2009 »

شلونكم شباب اخباركم ااحوالكم

هاي شنو مونكوس مبروك اني استلمت الفيزا يوم 11\6 ولحد الان ماكو الاشورانس فورم يمكن لان عندي كفيل

عموما مبروك صديقي والله جانت ايام سودة

iraqgsm · « **رد #1669 في:** 12:14 16/07/2009 »

شباب بالمناسبة شخبار الشبح انريد نعرف اخبارة

ayoka · « **رد #1670 في:** 16:25 16/07/2009 »

الف مبروك اخويه mongoos لى التقدم شنو قريت كاتب من وقت بحر الضلمات شنو ليش الفتره متقلصه لو هيا هيا . سلامي

princess_angel · « **رد #1671 في:** 17:34 16/07/2009 »

مرحبه شله الاس اي في

اني مقدمه عالاس اي في ومقابلتي بمنتصف الشهر الثامن..اذا عدكم اي معلومات او نصائح تكدرون
تساعدوني بيهة لان شويه قلقه وخايفه
وبالنسبه للريفويجي بنفتس شكد المده الي اكدر اقدم عليهة بعد استلام الفيزا

اختكم انجل..

SMWSIV · « **رد #1672 في:** 22:38 16/07/2009 »

السلام عليكم

اولا اتمنى الموفقيه للجميع

الاخت princess -angel
لاتخافين قبل يومين اني قابلت ماكو اي شي كلها اجارأت روتينيه فقط ولازم اتقدمين البنيفت بفتره ميتجاو ز 10 ايام وره اصدارالفيزا

ابو العباس · « **رد #1673 في:** 23:08 16/07/2009 »

شباب الله ايساعدكم
اول شىء مبروك لاي واحد استلم فيزا ويارب يوم السفر القريب.
ثاني شىء شباب اني قابلت يوم 15-7 وطبعا كالعادة القنصل كلي كلشي اوكي ولتقلق لكن احنا نحتاج كم يوم عود احنا نتصل بيك وطلعت من يمه متيه بحيث حتى مااخذت منه اي ايميل ولا كتله شوكت رح تتصلون بيه ولا كتله اذا متصلتو بيه اتصل بيكم اني؟؟ وشباب انتبهو على هاي السالفه اني قاري قبل بالمنتدى انه اكو جماعه اجلهم القنصل ويعني كلهم شهرين او اقل ونتصل بيكم اني كلشي مصارلي من هذا الحجي بس كلي انه احنا محتاجين كم يوم واحنا نتصل بيك ان شاء الله .
شباب اني هسه محتاج كم شغله من وجوهكم الطيبه
اول شىء اريد اعرف شنو وضعي اني هسه ؟؟؟ وشسوي؟؟ولو مااتوقع انه بيدي شىء بس اريد الايميل اللي ممكن اراسلهم عليه الخاص بهيجي حالات ..
وشباب بله زحمه شنو سالفه الاشورنس لتر مال البنفتس؟؟ وهاي اشكد من المتوقع ان توصل للي امقدم على البنفتس ؟؟اظاهر ماكو فترات محددة بس هي شنو؟؟ ومن واحد يستلم الفيزا وايدزها للبنفتس رح يرجعله اوتو ربلاي صح لو لا؟؟ زين لمن يرجعله الاوتو ربلاي يعني هاي هي؟؟وصلت الفيزا مالته؟؟اي ادري يمكن السؤال شويه تعبان بس تعرفون انتو انه الفيزا بيها عشرة ايام بس وراها ميحقلكم اتقدم على البنفتس فااخاف متوصلهم او همه ايجوز يتاخرون ابين ميشوفوها؟؟
واخير شىء منو يعرف شنو اخبار شبح بغداد يمعودين علاوي تره مثل السمجه ميكدر بلا انترنيت شنو سالفته؟؟؟بقا بالي عليه والله المهم الغايب عذره وياه ويارب الله ايوفقكم وايوفق الجميع
ارجو مساعدتكم اليه
شكرا جزيلا مقدما
تحياتي

jayjay · « **رد #1674 في:** 04:03 17/07/2009 »

السلام عليكم اخوتي, اخوية شبح بغداد العزيز
اني اسف بألبداية لعدم المشاركة يعني صار فترة ببحر الضلمات او روحي طالعة.
بس اليوم اني ما مصدك اجاني جواب من nvc حددولي موعد مقابلة او كالو بخصوص موعد الماديكال

Instructions regarding the required medical examination and
getting access to Baghdad's International Zone will be sent to you in a separate email.

يعني اني بقيت شهر او ٦ ايام فقط في بحر الظلمات.
فشتكولون اخوتي شوكت راح ايدزولي الايميل او شنو بي من معلومات.
او اخوتي اول ما استلمت الايميل كتبت الرد انشاء الله هسة راحت الفترة المظلمة. انشاء الله الباقي سهل, او الله انشاء الله الخير لكل من موجود في هذا المنتدى او هذا الموضوع الرائع.

Iron_man · « **رد #1675 في:** 09:59 17/07/2009 »

مبروك اخي jayjay ... وانشاء الله المقابلة سهلة وبسيطة وترى الفحص الطبي كلش عادي وخاصة اذا سويته بمستشفى الشفاء ... ينطوك النتيجة بنفس اليوم ....

اتمنى لك كل التوفيق

Iron_man

ماجلان · « **رد #1676 في:** 12:26 17/07/2009 »

jayjay · « **رد #1677 في:** 12:45 17/07/2009 »

اخي العزيز ايرون مان واخي ماجلان اني اشكركم جدا, انشاء الله اني راح اروح اسويها في مستشفى الشفاء بس اني بعدني انتضر الايميل الثاني لأن بعدني ما مستلمة اني راح اجيك الايميل كل شوية او اشوف,
بس اخوتي هو هذا شنو الايميل بي, يعني اني مع عندي اي معلومات شلون راح ادخل او رقم هذا الدكتور او اي اسكورت للمنطقة الخضراء او من اي باب ادخل بخصوص المقابلة.
يعني هاي المعلومات تجي بألايميل انشاء الله. لو لازم اني احير بيها.
اخواني اني الموعد ماتي بشهر الثامين انشاء الله انتم ما تقصرون بألرد اخوتي,
شباب اني اسف صار هواية ما مشترك فما اعرف اخبار الولد شلونة الاخ شبح بغداد.

mongoose · « **رد #1678 في:** 13:52 17/07/2009 »

شلونكم اخوان
اتصلت بي خلود الحموي
علمود موعد السفر والمطار
البارحة الخميس وراح اكلها يوم 1- 8 ان شاء الله
اخي عراقي جي سي ام الله يسهل عليك انت هم تكساس
اخوي ايرون مان وماجلان الموعد قريب ان شاء الله
ايرون مان اني كنت لابس قميص وردي و اجيت بالكوستر مرة ثانية
لانه قبطت اول مرة وهذا الاردني ما رضة وكفة هههههههههه
ان شاء الله نتلاكة على الطيارة اذا لا بامريكا
تقبلوا مروري

ابو العباس · « **رد #1679 في:** 14:19 17/07/2009 »

حبيبي ماجلان
اول شىء اني ممنون منك وانته خير خليفه للشبح وجزاك الله كل الخير حبيبي للمساعده اللي دتقدمها للمحتاجين..
حبي بس ملاحظه صغيرة انه اني بالمقابله مالتي يعني كلشي مصار اقصد مكلي القنصل انه رح انأجلك شهرين ولا اي شىء كل اللي كاله انه احنا محتاجين كم يوم واحنا عود رح نتصل بيك ..
ماادري هل انه هاي الحجايه يقصد بيها انه اني من جماعه التأجيل؟؟؟
لو على حجايتك مال الكليرنس؟؟؟
واذا على حجايتك يعني تتوقع كم يوم ويتصلون بيه؟؟؟لو اطول السالفه؟؟؟
وحبي اخير شىء بس هاي شنو سالفه الاشورنس مال البنفتس؟؟وشنو ايقصدون بيها ؟؟
وكتلك سؤالي انه اذا استلم الفيزا وراسا ادزها رح يرجعلي اوتو ربلاي صح لو لا؟؟
واذا رجعلي يعني معناها استلموها؟؟؟لو اذا استلموها رح ايكولولي يابه احنا استلمناها وانتظر من عدنه خبر اسف طولت عليك حبيبي بس تعرف انته سالفه الفيزا شويه وقتها حرج يعني هي 10 ايام بس
واسف ضوجتك..
تحياتي للكل جزاك الله كل الخير
ويارب ايوفق الجميع

سماره · « **رد #1680 في:** 15:04 17/07/2009 »

السلام عليكم اخوان

طبعا اني اول مره اشارك بهذا الموضوع ,,,, وبصراحه الي خلاني اشارك هو الاخ شبح بغداد لان ضل بالنا عليه ,,, ياريت لو احد يكدر يطمنا ان كان بخير
وتحياتي للجميع ,,, وان شاء الله الموفقيه يارب

suzie83 · « **رد #1681 في:** 15:15 17/07/2009 »

الفف مبرووك اخوية mongoose ويا رب بالموفقية ...
ويا ريت نعرف اخبار شبح وين ما وين الى عنده معلومة يا ريت يكولها

ماجلان · « **رد #1682 في:** 17:20 17/07/2009 »

ماجلان · « **رد #1683 في:** 17:51 17/07/2009 »

ماجلان · « **رد #1684 في:** 18:17 17/07/2009 »

amjid1917 · « **رد #1685 في:** 18:20 17/07/2009 »

احبتي واعزائي كلكم
ماجلان ايرون مان فنشوز الكابوي العراقي البصير ات فور ايفر اشكركم

فنشوز اني امي ماشايفها صارلي سنة ولاطش يسوريا بعد الاستعجال طبيعي علمود الفلته تصير اصولية

والصخرة متنازلك عنها وببلاش بس اخاف تلطش مثلي عليها

طبعا ما عدا الشعار اللي جواها فهذا حقوقه حصرية

تحياتي للجميع

jayjay · « **رد #1686 في:** 18:48 17/07/2009 »

اخوية ماجلان اني متأكد اني استلمت ايميل واحد من الناشنال فيزا سنتر او بي اتتاجمنت pdf بس بي موعد المقابلة, يعني ما بي اي ارقام تلفونات اي واحد او اي شرح بخصوص الدخول الى الخضراء,
شتكول يعني انتضر منا الى باجر لو ادزلهم ايميل اكللهم بي اني ما استلمت الايميل الثاني, اني هسة هم جيكت كلش زين او ماكو اي شي.
اني اشكرك اخي ماجلان على المتابعة. الله ايوفقك انشاء الله.

ابو العباس · « **رد #1687 في:** 18:57 17/07/2009 »

حبيبي ماجلان ....
اني ممنون منك يا طيب وشكرا على الجواب السريع مقصرت وردة...
وان شاء الله مثل مكلت مطول الشغله , الله يفرجها وايسرعها عليك وعلى الكل ....
شكرا مرة ثانيه..
وتحياتي للجميع..

vincenzo · « **رد #1688 في:** 21:38 17/07/2009 »

صديقي ماجلان
اني كتلك سابقا وراح اعيدهه
انه علاوي الشبح تصلحت حاسبته قبل يومين من ما سافر واخذهه ويا تشتغل
ولذلك المفروض تاخذ عليه غياب مضاعف ولو غير واحد سويله فد انذارين معدله ورقن قيده اللا يجيب ولي امره ههههههههه

IT FOR EVER · « **رد #1689 في:** 23:06 17/07/2009 »

السلام عليكم شباب
تحياتي لجميع الاعضاء والمشاركين في هذا الموضوع حبيت اسلم عليكم واسال عن الاخ شبح بغداد والله مشتاقيلة واخوية ماجلان والله خوية انت ممقصر وكلك ذووووق وتحياتي الك .

تحياتي الى الاخ amjid1917 وبالتوفيق ان شاء الله

تحياتي

jayjay · « **رد #1690 في:** 01:43 18/07/2009 »

اخي العزيز ماجلان والاخوة الاعضاء,
اخي ماجلان بس حبيت اطمنك او اكلك حبي اني استلمت الايميل مال المديك ايكزام, يعني الايميل الثاني, او انشاء الله تسهل اتمنالك الموفقية.
اجاني وية الايميل اتتاجمنت بيهة يكولون انه بعد ان تخلص المقابلة بعد ما يحتاج تروح للسفارة حتى تستلم الجواز مالتك, قبل موعد المقابلة انه الواحد لازم ايروح للDHL او اكيد الاتتاجمنت بي عناوين مكاتب ال دي اج ال او يكللهم انه هو راح يستلم بريد او تنطي حجم البريد يعني نص كيلو او كيلو او كيلوين حسب الاشخاص.
او يدفع التكلفة مال البريد مسبقا,
او بموعد المقابلة الشخص ينطي الضرف والوصل مال الDHL للسفارة ويه باقي المستمسكات او بعدين ينتضر جواب منهم, من يستلم الفيزا يروح يستلم الجواز من الDHL
هاي شنو شي جديد لو اني ما سامع بي. المهم انشاء الله سهلة او ما بيهة اي اشكال.
اتمنالكم الخير اخواني في المنتدى او انشاء نسمع اخبار اخونا شبح بغداد قريبا بس انت ادعولا بألموفقية.

ayoka · « **رد #1691 في:** 06:16 18/07/2009 »

الف مبروك للخ جاي جاي على موعد المقابله انشاء الله مقابله سهله.
سوالي للاخ ماجلان اني قريت بموضوع سابق انه انت ما عندك بيان الولاده وتريد تعوض عنهن بالجنسيه وشهاده الجنسيه فهل وافقوا على هذا الموضوع لو طلعت بيان الولاده لان اني اجاني جك لست يريدون بيان الولاده لكل افراد العائله فارجو الاستفسار

ماجلان · « **رد #1692 في:** 08:51 18/07/2009 »

ayoka · « **رد #1693 في:** 08:55 18/07/2009 »

اشكرك اخي ماجلان على الرد وخلي اشوف شلون ادبرها والله كريم . شكرا مره الخ.

Banah09 · « **رد #1694 في:** 15:55 18/07/2009 »

الى الاخوه كافة من جماعة الـ SIV

اقول مبروك لكل من تحدد له مو عد مقابلة ولكل من قابل واستلم الفيزه ولكل من سافر واني غبت عنكم فتره لكن لاسباب خاصة والحمد لله، نفتقد الاخ شبح بغداد ولو هو هسه راح ايصير شبح امريكا ونشكر الاخوه اللي ما يقصرون بالرد وخاصة ماجلان وفنشنزو والباقين.
بس حبيت اسلم عليكم واقول الكم اني بعدني انتظر اصدار جواز للطفل ولا يصة بين الواسطات وكلمن ينهب ابصوره شكل ولحد الان بس حجي والجواز ما كو المهم دننتظر وره العطلة مال الاحد بلكي الله وايصير تقدم ابشغلة الجواز.
اندعولنه اخوان لان الفيزه ظاله بس على جواز هذا النونو الصغير وكل ما اشوفه اقله ماما ليش هيج عرضت سهله ويسرهه ياسر.... والتسهيل واليسر من الله انشاء الله.

مره ثانية اسلم عليكم واني اتابعكم واترجاكم اندعوا لنا.

ام ياسر

Banah09 · « **رد #1695 في:** 16:00 18/07/2009 »

الاخ ayoka
اني اريد اوضح الك انه بيان الولاده مطلوب بس للاطفال الصغار لكن اذا عندك جنسية الهم فهي كافية واستغرب ليش بعثوا الك جيك لست هل انت ما امقدم جناسي للاطفال اما للكبار فابد ماطلبوا منا بيان ولاده لنا لان اني طلبوا مني بيان الولاده للطفل وهو بلا جنسية كان واني والرجال بس جناسينه وشهادات الجنسية امترجمه وبس وطبعا صورة القيد تحتاج الى جنسية لكل واحد والا ماتطلع.

فهل اتوضح النه وللأخرين هل انت مقدم جناسي وطلبوا منك بعد بيان الولاده وليش همه هيج ديعقدوهه مدا نفهم؟؟؟

ام ياسر

ماجلان · « **رد #1696 في:** 18:32 19/07/2009 »

ابو العباس · « **رد #1697 في:** 19:01 19/07/2009 »

حبيبي ماجلان الطيب شلون الصحه يارب بخير

حبي ماجلان اشو اني شويه قلق اشو لاحس ولا خبر ولا جفيه ولا حامض حلو ؟؟؟
صار 5 ايام ويه اليوم واشو جماعه السفارة امغلسين !!!!!
همه كالو هي يرادلنه كم يوم اشو طولوها حيل !!!!
شدكول ادزلهم ايميل اكلهم يابه شنو القصه واذا ناسي قصتي ترة اني قابلت وكالو كلشي اوكي بس محتاجين كم يوم...
واذا كان رأيك انه ادزلهم ايميل اكلهم يابه شنو السالفه .... بس بله زحمه عليك دزلي الايميل اللي ممكن اراسلهم عليه واني الممنون منك يا طيب ....

تحياتي للجميع
الشبح وين رحمه للعباس شباب..

Banah09 · « **رد #1698 في:** 20:05 19/07/2009 »

الاخ ابو العباس
اولا السلام عليكم
ثانيا الله ايعينك هاي الفتره من ما تعرف شتسوي اتدمر الاعصاب، لهذا اوصيك بالصبر اخي، واني من رايي دز الهم ايميل واستفسار بعد اسبوع من عدم وجود شيء، لا بل اوصيك اثبرهم وشوف شنو ردهم واذا ماكو رد منهم لا اتأيس همه هيج اديهم بالماي البارد مو مثلنه.

ام ياسر

سبع صنايع · « **رد #1699 في:** 21:13 19/07/2009 »

اخوية ماجلان

شكرا على السؤال ان شاء الله بعد بكرا نشد الرحال والله يعينا على لحظة الفراق خاصة عندما تكون انت كبير البيت والكل عينهه عليك شوية صعبة
بس اليوم اتلاغيت وية ابو الحرس بالسيطرة لأن ممنزل الجامة ضاج ويكللي تستنكف تنزل الجامة وهو اسمة ميعرف يكتبة ولولا الاهل يهدأوني جان اتطورت السالفة

المهم الايام هذي المشاعر متناقضة وشمتحضر نفسك تحس بعد اكو شي نقص والله ينتقم من كلمن هجولنا وخلانة ندور مستقبل بي خير لجهالنة خارج بلدنا

تحياتي للجميع وان شاء الله رسالتي القادمة من دالاس

الأخبار:

المحرر موضوع: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس..SIV Times (زيارة 319973 مرات)